رواية ثأر الشيخ مهران الفصل الثامن والعشرون 28 بقلم حوراء

.. كم أنا أحبك حتى أن نفسي من نفسها تتعجب يسكن الشعر في حدائق عينيك .. فلولا عيناك لا شعر يُكتب ..

نزار قباني

_______________________

ايليا:- اليوم كله كضيته كاعده يم نارة سوالفها حلوة بس الشي الي اكرهة بيها هو سكوتها على تجاوزات نور عليها وهذا الشي ابدد مو حلو 

نرجس:- اكووولل ايليا سؤال 

ايليا:-جواب عيني 

نرجس:-بس اريد اعرف شنو من نفسيه عندج حته تتحملين تكعدين ببيت شخص اهانج ومسح بكرامتج الكاع 

ردت اجاوب بس دخل نزار وكال 

نزار:-مثل ما انتي ماسحين بكرامتج العراق كله 

نرجس:-وانته شعليك اني جاي احجي وياها مو وياكك شدخلك وتجي ادافع عليها 

نزار:-كوميي لجج غير هي مرت الشيخ وام ولي العهد شلون ماترديني ادافع عليها 

نرجس:-وانته شدراك الي ابطنها ولد يجوز تطلع بنيه؟؟ 

نزار:-عادي تصير هي وليه العهد ماكو مشكله 

ايليا:-اكول انتي شبيج وياي هاا لاجايه يمج ولا محاجيتج اسكتي مني لا وعلي اكوم وادوس ببطنج خوشش 

نزار:-الله حيووو كفو منج بعد اخوجج 

نرجس:-تحجي صدك انته توكف وياها ضدي شلون تسوي هيج غير اني بنت خالتك 

نزار:-وشنو يعني واذا بنت خالتي اني انسان اوكف ويه الحق وانتي غلطانه 

نرجس:-صاير ابدد ماتنجرع اروح يم اختي احسلي 

نزار:- روحي يابه 

ايليا:- مرة الثانيه عوفني اني اردها لاتدخل انته تمام 

نزار:-لاتوصخين لسانج وياها

ايليا:-لاتدخل اني احل مشاكلي بوحدي 

نزار:-بكيفج عيني 

_كمت من يمهم وصعدت فوك اخذت موبايلي شفته محترك حرك مااتصلت على احد ضليت اكلب باليوتيوب واباوع فيديوهات دخت من كد ماباوعت شمرت الموبايل وتغطيت ونمت مااعرف شكد مر من الوكت واني نايمه حسيت بيه يمي تحركت مكدرت لان حاط اديه على خصري فتحت عيوني وشفته نايمه يمي بس مااكدر اشوف وجهة لان حاطه بشعري دفعت ايدة مني وكمت وهو فز فرك وجهة وكال 

:-بيج شي بويه 

:-مابيه شي وبعدين انته شعندك نايم يمي هاا اني مو كلت مااريدك تلمسني شكد حقير استغليت نومي واجيت يمي 

                                  

              

                    

:-يابه وداعت عيونج اول مرة بعد شهر كامل انام نومه مريحه مثل هاي 

:-لاتحلف بعيوني وبعدين شلك بيها هاي وين اكو واحد ينام شهر كامل وهو مامرتاح؟ 

:-منو كالج نمت وداعت حبج الي بكلبي مانايم اكثر شي انام ساعتين واكعد لان انتي مو يمي 

:-هاي هية ماطول حلفت بحبك الي يعني انته جذاب 

:-جاي تجاوزين هواي منتبها لنفسج 

:-لاتجي يمي واني مااتجاوز خليت حدود بينه احترمها حته احترمك خوش   

:- شايفه هاي حدودج اخذيها ونقعيها واشربي مي وراها 

:-شنو تقصد؟ راح تطلع رجولتك عليه بهاي الطريقه؟؟ 

:-الحمدلله مامحتاج اطلع رجولتي عليج لان متأكد من نفسي واكبر دليل عليها هو ابني ببطنج هسة وشي ثاني مو الشيخ مهران الي ياخذج غصب عنج لاا اريدج تجيني برضاتج لان جربتها وياج من جنتي راضيه وجانت العلاقه كلش حلوة 

_يحجي ويغمز خجلني الحيوان حسيت وجهي بوخ من الخجل حته ماعرفت شنو ارد عليه ضليت ساكته شوي وكلت 

:-شسمه ءءء بيش الساعة هسة؟ 

:- مااعرف اعتقد صارت ب9 

:-حيلل كل هذا الوكت نايمه ولا حسيت بالوكت 

:-اكيد غير تعبانه من الطريق 

:-محد سألك ترةة 

:-تحجين ويه روحج يعني لان محد غيرنا بالغرفه 

:-اي احجي ويه روحي عندك مانع 

:-لا ماعندي بس يجوز تلكينه بالصيدليه ولو بعد ماتحتاجينه لان صار عندج حمل 

:-هههه ترة متضحك ابددد 

:-منتبه عليج صايرة متضحكين شويه فكرت وتوصلت للسبب 

قلصت عيوني وجتفت اديه وكتله 

:-وشنو هو السبب بلا زحمه عليك 

:-هرمونات الحمل بعد روحي 

:-لا والله شنو هذا الاختراع العظيم 

:-باعي والله قريت تقرير على النت يكولون بيه وهاي دراسه بريطانيه تكول المرأه اثناء الحمل تصير نفسيه وعصبيه ومتضحك هذا السبب من ورة الحمل لان اكو غدد تضل تفرز هرمونات وهاي الهرمونات تخليها دائما ضايجه 

:-احح ماطول هيج تفهم ليش مادخلت طب 

:-منو كال مادخلت غير اني خريج بايو عوفج من هذا الحجي كولي مامشتهية شي؟ 

:-حته لو اشتهي مااكولك 

:-ليش يابه 

:-لان مااريد منك شي بس تفك ياخه عني 

:-خلي ابالج اي شي تشتهينه وماتاكليه راح تطلع بجسم الطفل 

:-ماشاءالله عليك تعرف كلشي واكيد تعرف المرأه الحامل ميصير تضوج حته لايتأذة الطفل الي ابطنها صح

            

              

                    

:-صح 

:-خوش لعد لاتوصل يمي حته لااضوج علمود لايطلع ابنك مجعوص راسه او مامكتمل نموه 

:-هو ابنج مثل ماهو ابني 

:-لا غلطان هو ابنك بس لان اني ماراح اربيه ولا راح يكبر كدام عيني عكسك انته الي راح تربيه ويكبر كدام عينك وكل ماراح تشوفه راح تذكر شنو سويت بأمه وانته السبب ان هو يعيش يتيم الام وامه عايشه

:-انتي ليشش هيج تسوين كم مرة كتلج خلينه ننسى الي صار ونبدي صفحه جديدة هاا 

:-مااريدد افتحح صفحه جديدة وياكك لان ماراح اكدر انسى الي سويته وياي 

:-اوعدج راح اخليج تنسينه 

:-ههه لااتتحلم هواي لان راح لان راح تتعب وياي مستحيل انسى الموضوع الي سويته انحفر بكلبي وبعقلي 

:-اني احب اتعب نفسي معليج انتي 

يحجي هيج ويتقدم عليه ردت اطلع من الغرفه مجرد درت وجهي ومشيت حسيت بيه جرني من ايدي وسحبني عليه ونضربت بصدرة حضني بقوة ودفن راسه بركبتي رجف جسمي من حركته حجه بهمس يم اذني 

:-اكثر شي احبه بيج هو رجفه جسمج من المسج 

حاولت ادفعه بس هو جنه حايط مايندفع اجت ابالي فكرة وقررت اسويها قربت راسي من ركبته اكثر وحسيت بيه رخت ايدة الموجودة على خصري من حركتي عضيته بقوة من ركبته شد على ايدي بقوة متوجع من العضه ماوخرت منه لحد ماحسيت بطعم الدم صار بحلكي يلا وخرت  

:-اخخ شبيجج انجلبتي 

:-لاتوصل يمي حته لاانجلب لان انته تنقل الي العدو 

خزرني وراح للحمام يغسل ركبته واني ضليت على وكفتي طلع وشمر روحه على الجربايه وحط ايدة على عيونه حركته المعتادة طبعا شويه وكال 

:-شبيج واكفه فوكك راسي طفي الضوة وتعاي نامي 

:-هسة كعدت وما منعسه وانته تريد شي كوم انته سويه اني مااشتغل عندك 

:-لسان دلاله من يكدرج عمي 

كام هو طفه الضوة ورجع نام اني رحت على القنفه واخذت الريمونت وضليت اكلب بالتلفزيون عفته على ام بي سي تو جان طالع عليها فلم حلو ضليت اباوع عليه واندمجت ويه الاحداث اكو لقطه من اللقطات البطله تاكل طرشي شفتها هيج وضليت امطك اخذت حجابي ونزلت على كيفي حته لحد يحس عليه دخلت للمطبخ بس ماشعلت الضوة رحت للثلاجه وفتحتها دورت بيها مالكيت رحت على الكاونتر وهم مالكيتت جان اكو ضوء خفيف يجي من الحديقه واكدر اشوف من وراه واني واكفه ومنطيه ضهري للباب مااحس اله وانفتح الضوة درت وجهي وشفته مهران واكف اباب المطبخ ومجتف اديه يباوع عليه ويحاول يضم بضحكته 

:-شتسوين هنا تفترين جنج عتوي 

:-انته شعليك بيه 

:-بويه كولي شنو تردين حته انطيج لان انتي ماتندلين شي بالمطبخ 

            

              

                    

:-هاا مو ءء شسمه هذا

:-انطيني جمله مفيدة يابه شنو تردين 

حجيت بخجل:-اريد طرشي 

:-احنه مانشتري طرشي من برة لان الحجيه هية تسويه بالبيت ويطلع اطيب من الجاهز ومنحطه هنا نحطه بالترك هسة اخذ ماعون واجيبلج بيه اكعدي هنا وانتظريني 

هزيت راسي موافقه على كلامي كعدت على الكرسي هو اخذ الماعون وراح للترك واني ضليت انتظرة شويه واجه جايب الماعون ومتروس طرشي حطاه كدامي وسحب الكرسي وكعد يمي 

:-خير شتسوي كعدت يمي 

:-كملي اكل حته نصعد فوك سوة 

:-اصعد انته واني اكمل اكل واجي 

:-لايابه انتظرج هنا ماعندي شي 

ماهتميت اله قدمت الماعون عليه اكثر اخذت منه واكلت جانت طيبه بس يحتاجلها شويه حموضه كمت فتحتت الثلاجه واخذت ليمونه وسحبت سجينه وقسمتها بالنص وعصرتها على الطرشي صار طعمه كلش طيب اكلته كله بشهية 

:-تدرين المرة الحامل الي تتنسه على الحوامض معناها الطفل الي ابطنها ولد والي تتنسه على الحلويات معناها الطفل الي ابطنها بنيه 

:-اعرف بس منتبه لنفسك صايره كل سوالف النسوان عندك 

:-شي طبيعي اي زلمه يتزوج لازم يكون عندة خلفيه على هاي السوالف حته يعرف شلون يتصرف اذا صارت وياه مشكله 

:-اني كملت اروح اصعد انام احسلي 

:-الف عافيه ياتعبي 

:-من ايدك محد جبرك على شي ترة 

:-ماانكر هذا الشي تدرين احسن قرار اخذته بحياتي كلها هو الزواج منج مستحيل يجي يوم واندم عليه 

:-تدري اسوء قرار اخذته بحياتي كلها هو موافقتي عليك لو يرجع بيه الزمن فلا اقبل بيك 

:-مو لسان عبالك سجين يذبج ذبح 

:-هذا الي تستاهله انته 

:-يجي يوم وتتغير طريقه تصرفاتج وياي اني متأكد من هذا الشي 

:-هوايي واثق من نفسك انته 

:-اكيدد 

:-انصحك نصيحه لوجه الله خفف منها حته لاتنصدم بعدين 

:-لا لاتخافين اتعودت على الصدمات بحيث اذا مر يوم بدون صدمات استغرب احس اكو شي ناقصني 

:-اصعد انام احسلي 

:-اي اصعدي تعبتي اليوم هواي 

هزيت ايدي ومشيت:-حنين ماشاءالله عليك 

_______________________

نارة:-صعدت فوك بعد ماصعدت ايليا دخلت للغرفه وضليت افتر بيها اروح وارجع والتفكير ماكل راسي اكل دخل ادم وتقدم عليه وحضني من خصري درت عليه وحضنته هم 

            

              

                    

:-شبيها نار كلبي زعلانه 

:-مو زعلانه بس اكو شي براسي جاي افكر بيه 

:-وشنو هذا الشي 

:-باع قبل فترة جنه كاعدين اني والحجيه والبنات فاا شنو نور سألتني ليش لحد هسة ماصار عندي اطفال مع ان احنه صار هواي من متزوجين وكالت مهران وايليا اتزوجو وراكم وهسة ايليل حامل وانتي لا وان لازم اروح للدكتورة حته اتأكد من نفسي خاف عندي عقم 

:-شنو هذا الكلام تحجين صدك انتي تاخذين بكلام نور الثوله وبعدين الاطفال رزق من رب العالمين والله حب يرزقهم بالطفل قبلنه لان يجوز بهذا الطفل ينصلح حالهم ويستمرون سوة 

:-اعرف واني هم هيج فكرت بس ادم راسي راح ينفجر من التفكير اريد اطمن اخذني للدكتورة حته اتأكد من نفسي حباب 

:- خوشش نروح ومن نرجع من عدها مااريد هذا الموضوع ينفتح مفهوم 

:-مفهوم 

:-يلا روحي بدلي بسرعه حته نروح الها بسرعه ونرجع 

:-تمام 

رحت على الكنتور وطلعت ملابس ورحت للحمام بدلت وكملت ونزلت جوة لكيته ينتظرني يم السيارة بالحديقه الاماميه صعدت وياه وانطلقنه للدكتورة وصلنه للمركز مالتها ودخلنه جوة شويه وصاحت السكرتيرة بأسمي التفت عليه وكلت 

:-شوكت حجزت انته؟ 

:-صاحب المركز صاحبي يصير وطلبت منه موعد مستعجل وهو ماقصر وحجز يلا فوتي اني منتظرج هنا 

:-تمام 

كمت ودخلت للدكتورة سلمت ورحبت بيه 

:-اهلا وسهلا بزوجه النقيب ادم شرفتينه والله 

:-اهلا بيج دكتوره 

:-تفضلي ماما كولي من شنو تشكين 

:-دكتوره اني صارلي سبعه اشهر من تزوجت وماصار عندي حمل ابدد اريد اعرف شنو السبب؟  

:-تمام بنتي هسة تجي الممرضه تاخذج تسويلج تحليلات ونوب اني افحصج ونشوف شنو مشكلتج وإن شاءلله خير 

:-إن شاءلله 

دخلت الممرضه والتفت عليه وكالت 

:-تفضلي مدام اسويلج التحليلات 

كمت وياها وسويت التحليلات خلصتهن ورجعت يم الدكتورة مرت نص ساعه واندك الباب ودخلت الممرضه شايله التحاليل بيدها ضحكت الدكتور كالت 

:-خليتهم يستعجلون بتحاليلج 

:-شكرا الج دكتوره 

:-ماكو داعي للشكر هذا واجبي 

فتحت التحاليل وقرتهم وكالت بوجه بشوش 

:-مابيج اي خلل حبيبتي كومي اصعدي على السديه حته افحصج واتأكد منج اكثر 

            

              

                    

سويت مثل ماكالت فحصتني وكملت ورجعت كعدت على كرسيها واني عدلت ملابسي وكعدت على كرسي كدامها 

:-ماما حبيبتي مابيج اي شي سبب التأخير من الحمل هو بيد ربج بس واني مااكدر اساعدج بهذا الموضوع لان لو لاسامح الله وطلعتي عقيم جان كتلج روحي سوي طفل انابيب بس انتي مابيج شي الحمدلله والشكر الي اريده منج شويه صبر لحد مارب العالمين يرزقكم بالذريه الصالحه 

:-الله يسمع منج دكتورة شكرا جزيلا الج تعبتج وياي 

:-لا ابدد ماكو داعي للشكر هذا واجبي 

كمت انطيتها اتعابها وطلعت لكيته ينتظرني يم باب المركز صعدنه للسيارة وكال 

:-ها شنو كالت الدكتورة 

:-تكول مابيج شي وماعندج اي مشكله 

:-الحمدلله خوش خبر هذا جا ليش بعدج كالبه وجهج هيج 

:-باع يجوز رب العالمين ماراح يرزقنا طفل ابدد بحياتنه شنو راح تسوي 

:-مااسوي شي لان هذا الشي لابيدي ولا بيدج ولا اعتراض على حكم الله 

:-زين باجر عكبه مهران راح يصير عده طفل وولد عمك هم يصير عدهم وانته لا راح تحس بالنقص ومن حقك تجرب احساس الابوة 

:-شبيج نارةة شجاي تحجين انتي 

:- احجي الصدكك مااريدك تضل بحسرة الطفل واكيد باجر عكبه راح تتزوج عليه حته يصير عندك اطفال 

:-اكلج اشو انتي متعرفين تحجين لهدرجه ماعندج ثقه بحبي الج حته تحجين هيج وياي هاا 

:-ماجاي اكول شي غلط وحقك اذا فكرت بهذا الشي 

:-اركع روحي بميت انعال اذا فكرت بهذا الشي لجج خره بالطفل هسة من كالج اني اريد طفل لجج اني مكتفي بيج مااريد لا طفل ولا غيرهه 

:-مجرد حجي باجر تمل من هذا الوضع 

وكف السيارة يم باب البيت حجه بهدوء 

:-انزلي نارة مااريد احجي شي واني بهذا الوضع حته لااجرحج ولا اني اتندم عليه بعدين 

نزلت من السيارة ودخلت للبيت صارت بوجهي رياحين 

:-هاا ولج شبيج 

هي بس كالت هيج انفجرت بوجها بالبجي خطيه بين بوجها الخوف من شافتني هيج 

:-لج نارة لاتوكعين كلبي صاير وياج شي متعاركه انتي وادم احجي لجج 

ماكدرت احجي بس ابجي سحبتني من ايدي ودخلتني لغرفتها 

:-احجي ولج شكوو 

حجيتلها كلشي صار وياي بس احجي كلمه واخذلي ساعه ابجي خطيه بلكوة تفتهم عليه 

:-طاح حضج نارة تحجين صدك انتي شلون تحجين وياه هيج لجج انتي متعرفين معزتج بكلب ادم حته تحجين وياه هيج لجج هي نور حجت هيج حته تضوجج وتزرع هذا الشك براسج لج لاتصيرين ثوله 

            

              

                    

:-لجج شسوي والله راح اموت من التفكير

:-وعلي غبيه بابا قابل هي بيدج الشغله عوفيها على رب العالمين وهو بكيفه شوكت ميريد يرزقكم هلا بيه على شنو مستعجله انتي 

:-صح كلامج 

عفتها وطلعت من الغرفه مالتها ودخلت للغرفه مالتي غيرت ملابسي وفرشت سجداتي وشكيت همي لرب العالمين بجيت لحد ماحسيت نفسي ارتاحيت سجدت على التربه خلصت ونمت على السجادة بدون مااحس على نفسي 

__________________________

غيداء:-رجعت للبيت وصعدت الغرفتي وهو صعد وراي حضرتله ملابسه بدل ونزل واني بدلت وكملت ونزلت جوة قبل لا اطلع اجاني صوت حسناء وهي تكول 

:-عمري وحياتي ماشايفه انسانه بلا كرامه وبلا احساس مثلج شلون ترحين للمرة الي باعتج لاخوي بكم مليون حته تكدر تدفع بيهن دين اخوج 

درت وجهي مصدومه من الي سمعته 

:-شجاي تحجين انتي 

:-لاتحاولين تنكرين كلامي ترة امير هو الي كالي هذا الشي 

:-اميرر؟؟ 

:-اي امير ترة اخوي ميضم عليه شي وهو حجالي بعظمه لسانه شلون امج باعتج علمود اخوجج 

بلعت لساني مكدرت ارد عليه معقول امير ينطي بيه كدام حسناء طلعت صعدت وياه وماحجيت بالموضوع كلت بس نرجع احجي بيه وهو طول الطريق يسأل بيه شبيج وشبيج واني ارد بلا نفس مابيه شي وهو سكت وصلنه لبيت اهلي استقبلونه جدو وبابا وعمو عمران واخوي الشفيه هم سلمت عليهم كلهم عده هو اتعديته ودخلت للبيت حضنه عمه 

ام ايليا:-هلاا بيج حبيبتي شلونج شخبارج مشتاقتلج حبيبتي 

غيداء:-حبيبتي عمه زينه الحمدلله وانتي شلونج ايليا شنو اخبارها؟ 

ام ايليا:-اني زينه عوفج من ايليا هسة احجيلي عليج شلونج ويه زوجج وعيالج شلونهم وياج؟ 

تفاجأت من هيج حجت على ايليا وجاوبتها 

:-اني زينه وعيالي هم زينين وياي 

:-الحمدلله ريحتيني والله 

احلام:-انتي شبيج ماتسلمين على امج لو تعرغين بس تسلمين على مرت عمج 

:-مرت عمي احسن من امي الي باعتني 

احلام:-اهووو شنوو انتي ماتنسين لعد شكد حقودة انتي تشبهين عماتج 

:-احسن مااشبهج انتي 

حجيت هيج وخليتها تشوط دخلت للاستقبال وفرشو الاكل اكلت شويه وكمت شويه وعمه وزعت الجاي واني كاعدة على اعصابي اريد ارجع حته اتعارك وياه شلون يخلف بوعده الي ويحجي بهذا الموضوع دزيتله رساله وكلت 

:-يلا كوم اريد ارجع للبيت تعبانه 

رد عليه:-تمام حبيبي 

كام وسلم على جدو وترخص منهم وطلعنه صعدت للسيارة وكال 

            

              

                    

:-والله عيب شلون خليتينه نطلع هيج بسرعه منهم ومن نوصل عندي كلام وياج 

:-علمود شنو 

:-شلون ماتسلمين على اخوج هاا 

:-مايستاهل احجي وياه اصلا

:-اعرف هذا الشي بس لازم تسلمين عليه حته لو علاقتكم سطحيه 

درت وجهي على الجامه وماجاوبت وهو بقى يستغفر بصوت ناصي وصلنه للبيت وصعدنه فوكك 

:-تعاي اكعدي هنا وكولي شنو صاير وياج ليش هيج كالبه خلقتج هاا 

:-انته شلون تحجي بموضوع امي لاختك حسناء هااا 

:-شجاي تحجين انتي شوكت حاجي اني 

:-ماادري بيك انته مو وعدتني ماتحجي لاحد عن هذا الموضوع ونحذفه من حياتنه هاا 

:-اي واني عند وعدي مايوم خلفت بيه 

:-لعدد شلون حسناء تعرف بيه وقبل لا اروح لبيت اهلي عايرتني بأمي هااا 

كام من يمي وطلع من الغرفه وصاح بصوت عالي رج البيت رج 

:-حسناءءءءءء 

طلعت حسناء من الغرفه مالتها وهي تعدل بشعرها الاحمر وكالت 

:-هاا حبيبي امير 

سحبها من شعرها وقربها عليه وكال بصوت حاد 

:-منين تعرفين بقصه ام غيداء هااا 

:-ءءء شسمه هو انته كلت شنو ماتتذكر من حجيتلي 

:-لا مااتذكر بس يجوز من جنت سكران حجيت صحح تذكرت الحمدلله اني مااشرب اخرر مرةة اسألج منين عرفتيي بهذا الموضوع هااااا 

:-احجي والله احجي بس عوف شعري شلعته بيدك 

عاف شعرها وصاح بيها 

:-احجييي 

:-باع قبل فتره سمعت صوتكم طالع واخذني الفضول اسمع شنو تحجون وعلمود شنو صوتكم طالع وكفت ورة الباب وسمعت غيداء شلون تكلك ان هي مستحيل تنسى شنو سوت امها وشلون باعتها الك علمود دين اخوها هيج عرفت والله 

:-لجج حسناء ابتلاء من شوكت تصنطين علينه هااا 

:-بس هاي المرة والله بعد ماسويتها ابدد 

:-اسمعيني زين اي واحد يجي يخطبج انطيج اله واخلص من شرج خوشش 

من كال هيج لزمت ايدة وتتوسل بيه 

:-لااا اميررر عليكك الله لاتسوي بيه هيجج والله بعد مااعيدها نتائج الدكتورا ماضل شي وتطلع لاتضيع تعبي عليك الله 

دفع ايدها وكال 

:-كلامي كلته ويتنفذ مفهوم 

عافها وطلع موتت روحها من البجي راحت على امها وتتوسل بيها حته تغير قرار امير بس امها وكفت ضدها وكالت 

:-تستاهلين الي يصير وياج كم مره كتلج ابتعدي عن حياه اخوج خليه يرتاح هواي تعب وانتي اذن من طين واذن من عجين عافتها امها ودخلت لغرفتها وهي ضلت بالكاع تبجي مكدرت اروح الها لان ادري راح تطلعني اني المسؤوله عن كلشي صار وياها عفتها وصعدت فوك وكلت بس يجي امير احجي وياه حته يغير قرارة 

_______________________

مهيمن:-جنه كاعدين اني ومهران بالديوان نحجي بموضوع زلمه وشلون نحل مشكلته ماانحس اله ودخلت علينا بنيه تجي اصغر من رياحين عيونها خضر وشعرها احمر لجوة ضهرها وكفنا اني ومهران على حيلنا حجت الابنيه بصوت مبحوح من البجي 

:-شيخ اني دخيله عندك احميني منهم راح يكتلوني 

الشيخ مهران:-وصلتي بويه وانتي بحمياتي لاتخافين محد يكدر يمس شعره منج واني موجود بس تعالي اكعدي فهميني شنو قصتج ومنو يريد يكتلج 

بعدها الابنيه هستوها تريد تحجي وانكلب الجو بالرمي ركضت الابنيه وضمت روحها ورة مهران وكالت بصوت متجرح من البجي 

:-عليك الله لا تخليهم يكتلوني 

الشيخ مهران:-هسة غير افتهم منو هذولي وليش يردون يكتلوج 

:-هذولي اهلي 

الشيخ مهران:-اهلج!!!!! 

:-اي 

الشيخ مهران:- ضلي هنا واني هسة اطلع وافتهم شنو سالفتهم هذولي 

طلعنه اني ومهران وصاخ بيهم بصوت عالي 

:-انتمم تعرفوننن بيتتت منو رميتوو عليه هاااا 

طلع واحد جبير بيهم بس جان كصير وكرشه طالع مترتين 

:-اي نعرف بيت الشيخ مهران والابنيه الي دخلت عدكم بنت عمي انطونه ياها خلونه نروح حته لايصير بيناتنا دم 

الشيخ مهران:-اسمعع لككك الكم يومين وتحولون عدنه حته نفصلكم على الدكه مالتكم والابنيه دخيله عندي واريد واحد زلم وطالع من ضهر زلمه يوصللها ويشوف شنو يصير بيه 

:-انته ماتفتهم منريد نحول عدكم نريد بنت عمنه ونروحح 

الشيخ مهران:-روحح لكك روح جيب شيخ عشيرتك وقبل لاتجي اسأله على الشيخ مهران وخليه يكلك شنو يسوي الشيخ مهران بالي يعتدي على حرمه بيته يلاا من كدمي يلااااا 

صاح بيهم بصوت عالي خلاهم يطفرون دخلنه للديوان وشفناها كاعدة بالكاع ولامه رجليها لصدرها وتبجي 

مهيمن:-شنسوي بيها هسة؟ 

الشيخ مهران:-مثل كل مره ناخذها للحجيه وهي تفتهم قصتها شني اذا وياها الحق ندافع عليها لا والله هي غلطانه نسلمها لاهلها هم يتصرفون وياها 

هزيت راسي بأيجاب بس وجعني كلبي من كال مهران نرجعها لأهلها 

الشيخ مهران:-وين صفنت ابو الشباب 

مهيمن:-وياكك يابه ماصافن 

الشيخ مهران:-مبين كلش، كومي بويه اخذج للحجيه  

:-منو الحجيه؟ 

الشيخ مهران:-امي يلا يابه 

اخذها مهران للحجيه واني ضليت اباوع عليها شلون تمشي مبين الخوف بمشيتها ياترى شنو صاير وياج ياشعله؟؟