رواية ذيب الشامخ الفصل السابع والعشرون بقلم توتة
لاتتگًُــلم عًـن نًـــفًـسگً كًـثًـيرا
ف غمًـوضًـگ يعًـطيًـگ جًـاذبيًـه خاصًـه ..🖤
>>>>>>>>>>>>>>>>>>
مجهول : انته شتصير من العميد محمد
_ابوي !!
مجهول : ههههه حلوو ابوك رهين عدنه حالين واذا ماتنفذ كلشي اطلبه نشمره باب بيتكم بس هاا كل قطعه م̷ـــِْن جسمه وحدها.
_لككك حيووووان تجرء ومد ايدك عليه قسم بالله العظيم لخليك تتمنئ الموووت وماتلگاه بعدك ماتعرفني زيييين لاتلعب ويه اسيادك
مجهول : هههههه لا هاي قويه منك اني ماعندي أسياد وصوتك متعلي عليه لأن هسه انت الي تحتاجني موو اني
_وييينه ابوووي وين ماخذينه جبناء لوو بيكم خيرر تعالو واجهونه وجهه بوجهه موو لابدين مثل النسوان
مجهول : حبيبي شغله مابيها جبان وشجاع لوو جبناء ماسحلنه ابوك مثل الطلي
_احترررم نفسك ياا *** كوا*** اله اخلي رجلي ** واعلمك ؏ رجوله شلوون تصيرر
مجهول : كافي دوختني شوف لك منا لباجر الصبح اذا ماتدفع 40 شده مراح تستلم ابوك ماشي يحلو
سد الجهاز بوجهي تخبلت يالله دخيلك ابوي خاطفينه منوو وليش وشلوون اطلعه منهم هسه
ليث : شصااار فهمني شبيه ابوي منوو هاذه الي يحچي وياك
_مخطوف
ليث : مخطوف ?? شلوون ومنوو خاطفه
_مادرري مااادري لاتسألني اني هم مثلك دايخ
ليث : اي وشگالك شيريد مقابله
_يريد 40 شده باجر
ليث : واذا انطيناهم يسلمون ابوي مابي شي
_مادري ولله خلينه نروح ؏ عمي نگوله ونشوفلنه حل اذا ماگدرنه نوصله ادفع الفلوس واطلعه منهم
ليث : بس منين تجيب كل هل فلووس بهل وكت الكصير.
_لاتفكر بالفلوس دقايق ادبرهن بس سولفلي بأبوي خايف يأذونه لأن عبالهم ماننطي
ليث : اااخ يالله منين اجتنه هل مصيبه زين ذيب امي شلوون نحچيلها لوو شنوو
_لا دير بالك تجيب سيره الموضوع گدامها اذا سألتك عنه گولها راح ؏ بغداد عنده شغل واني هسه رايح علئ بيت عمي ماشي
ليث : شنوو ليكون تريدد مِڼـّي ارجع للبيت
_اي ارجع ماريد امي تشك بشي خليك هناك ودير بالك علئ تبارك لايصيرلها شي روح لدوامها اخذها ورجعها للبيت وابقه وياهم لاتخلي أي وحده منهم تطلع ماشي لاحد ماشوف شلوون اتصرف اني.
ليث : ماشي انته هم كلشي يصير وياك خابرني
_ماشي روح بسيارتك اني رايح علئ عمي
هز راسه باي عفته ورحت علئ سيارتي صعدتها وسقت رحت علئ بيت عمي الي هوه قريب علئ بيتنه مسافه بنفس الفرع
وصلتهم تقريبا المغرب دكيت الباب فتحه ابن عمي يوسف.
_سلام عليكم
يوسف : وعليكم سلام يابه شصاااير بالدنيه ذيب جاي علينه بعد كل هل فترا
_ليش حرام نشوفكم
يوسف : لا بويه البيت بيتك اهلا وسهلا بيك تفضل فوت
دخلنه سويه للبيت لگيت عمي موجود گاعد بالاستقبال سلمت عليه وگعدنه سويه
العم : شلونك بويه شلون الشغل
_زين ..عمي جايك بشغله واريدك تحلها وياي وقبل لاحچيلك ماريد تطلع تضل بينه حته محد يطشها وتكبرر سالفه وتعرض
العم : خيرر ياستار شصـٰإير وياك
_لا عمي شغله موو وياي شغله تخص أبوي
العم : شبيه ابوك رجعتو تعاركتو سويه شنهي
_لا ابوي مخطوف
گام عمي هوه ويوسف م̷ـــِْن مكانهم وحچو بصوت واحد
العم + يوسف : انخطف ????
_اي لبارحه خابرني وگالي صايره فاتحه وگالي تعال نروح عليها اني وياك ليوم اجيت عليه حته نروح انتظرته هوواي بس هوه ماجه
وبألاخر عرفت هوه مخطوف ومادري منوو الخاطفين وليش خطفوه وهسه يريدون عليه فديه
العم : شكدد طلبو عليه ?
_40 شده ولازم باجرر اسلمهم الهم اني ماعندي اشكال بالفلوس انطيهم بس المشكله اخاف انطيهم وتالي مايسلمونه ابوي ونفلس لامن ابوي ولا م̷ـــِْن الفلوووس
مادري شلوون اتصرف هسه اجيت عليك حته نطلع حل سويه وبسررعه لان همه اذا مانسلمهم فلووس. راح يذبحونه ويشمرونه باب بيتنه.
يوسف : الرقم الي خابروك منه مانگدر نترقب مكانه
_لا حاولت اول مانسد الخط انغلق الجهاز ومانگدر نتعقب المكان.
العم : زين بويه شلون هسه نتواصل وياهم ونگلهم ننطيكم الفلوس
_راح نبقه منتضرين اتصال منهم لأن همه عرفو رقمي واني أبنه اكيد راح يرجعون يتصلون عليه ويتاكدون مِڼـّي انطيهم او لا
العم : سهله انشالله نگدر نطلعه اذا شغله بس بالفلوس
_اي انشالله بس بفلوس وتنحل
يوسف : ولله اني اگول واحد عرف هوه الي خطف عمي ولاه محد يسلمه مقابل فلووس اكيد واحد يعرفنه حق معرفه ويدري بعمي عده خير وهوه عميد وكال خليني استفاد من عنده.
_اي منطقي كلامك بس منوو اله مصلحه يسوي هيج بينه ويخطف ابوي.
العم : هواي ناس تكرهنه مو صعبه عليهم م̷ـــِْن يحاولون يخطفونه ويطلبون فديه.
_خليني بس اعرف منوو الي ازوعه حليب امه الي رضعه ولله
يوسف : اني وياك باجر نروح واول مانسلم الفلوس راح ناخذ ويانه حمايه تفتر ؏ كل المكان ولازم نلزم واحد منهم ونعرف منوو أساس الخطه
_لا هيج نهدد حياة ابوي بخطر لآزٍمٍ نستعمل وياهم اسلوب الهدوئ نخلي الحمايه تكون بغير مكان من نستلم ابوي ويكون ويانه يبدي الهجوم عليهم
العم : بهداوه بويه بهداوه لاتاخذون كلشي بعصبيه لاتنسون ابوك وياهم ولازم تكونون حذرين.
_اكيد عمي مراح نرفع سلاح ولانرمي طلقه لاحد مانستلم ابوي ويكون ويانه ونأمن ؏ حياته.
العم : اي عفيه عليكم ...كوم بويه اسبح ورتاح والصباح رباح
_لا عمي مشكور اريد اروح للبيت اشوف امي واخواني لايصير شي عليهم محد وياهم
يوسف : جاي وياك
_لا يخوي ميحتاج اني اتصرف لاتخاف
يوسف : تطرد خطارك ?
_هههه لا اكيد البيت بيتك انته مو خطار امشي يلا نروح تأخر الوقت
يوسف : يلا مشينه
كمنه سلمت علئ عمي وطلعنه رحنه ؏ بيتنه بالطريق واحنه نمشي
_دري بالك تحچي شي گدام امي ماتدري
يوسف : ليش ماحچيتولها خطيه خليها تعرف
_لك انته مخبل تريدها تموت وهيه مصارلها شهرين م̷ـــِْن سوت العمليه.
يوسف : اي صح بس اذا عرفت بالصدفه تتخبل اكثرر وتزعل منكم
_محد راح يحچيلها وصيت ليث مايخليها تحس علئ شي گلت اله اذا سألت عنه يگلها رايح لبغداد
يوسف : ولله زين سويت
وصلنه البيت نزلنه ثنينه دكيت الباب فتحه ليث سلمنه ودخلنه جوه لگيت اختي وامي گاعدات م̷ـــِْن شافاني كمزن ثنينهم واجن حضنني
ام ذيب : يمه هلا بعزيز گلبي
_هلا بيج يبعد ابوي شلونج شلون صرتي
ام ذيب : من شفت وجهك صرت زينه
تبارك : هاا تحضن بأمك وتبوسها وتسألها شلونها واني ولامعبرني ولاجني اختك قصص وروايات عراقية
ضحكت وحضنتها علئ صدري وبستها من راسها
_لا بويه شعدنه غيرج انتي بس غير امي الاولويه الهاا هيه الاصل.
تبارك : اي اي اضحك عليه اصلا اني مزاعلتك
_يلا اراضيج برجل
تبارك : اهووو ذيب ماتزوج ولله شنوو كوه هيه
_شلون بلا تضلين نايمه علئ گلوبنه
تبارك : اي اضل اعالج الناس واكمل مهنتي واسافر واحقق كلشي بالي زواج الحك عليه
_ولله كفوو م̷ـــِْن شاربج خليج معتمده علئ نفسج هيج وحققي كلشي بالج
تبارك : اكيد
_اوف نسيتني يوسف ادخل حبيبي ليش واكف
وخرت مِڼـّي تبارك وامي صارن علئ صفحه دخل يوسف سلم عليهم ورحنه گعدنه كلنه سويه بالصاله
ام ذيب : شوكت راح ابوك لبغداد يمه مو ليوم رحتو للفاتحه.
_اي من رجعنه صار عنده شغل وراح مناك طلع
ام ذيب : ولله گلبي ممرتاح شو اخابر عليه جهازه مغلق
ليث : لاتفاولين عليه يوم انشالله نرجعه مابي شي
ام ذيب : ترجعونه ليش هوه وين ???
غمضت عيوني هسه شلون اصلح الجفصه مالت اخوي السبع
_لا حبيبتي مو نرجعه قصده يرجع شنوو هوه صغير واحنه نرجعه وانتي تعرفين رجلج مايريد احد يتحكم بيه
ام ذيب : اممم .. ولله مادري بيكم صدك نسيت اسألكم متعشين اسويلكم عشه
_لا ولله كلشي مماكل وهسه ميت م̷ـــِْن الجوع اذا طبخ من ايدج اكون ممنون
ام ذيب : بعيوني هسه اسويلكم احلا عشه
_تسلم هل عيون الحلوه
طلعت امي هيه وتبارك راحن للمطبخ يسون عشه النه باوعت علئ ليث بخزره دنك راسه
_الئ متئ تضل تجفص بالحچي جان كشفت كلشي وشيكست امي بهل ليل
ليث : ولله بدون قصد طلعت مِڼـّي
يوسف : مصار شي هيه اصلا نست السالفه هسه خلونه باجر خابرت حمايه وراح تكون وياونه لآزٍمٍ نبقه گاعدين وننتضر اتصال منهم
_اني اتعشه واروح اجيب الفلوس ورجعلكم
يوسف : الفلوس نجمعها سويه شنو بس منك
_ميحتاج اني اطلع ابوي بفلوسنه مناخذ م̷ـــِْن احد
يوسف : شوف ذيب لاتخليني هسه اخليك واروح شو تحچي وعبالك احنه مو اهل لا ناس غرب هيه الخوه ألمن تراد غير لهيج ساعات والاعمام يوكفون لعمامهم بوكت الضيگ.
_علئ راسي ولله بس اذا شخص عنده ليش يكلف الناس وياخذ منهم
يوسف : الناااااس التحچي عليهم عمامك شبييييك
_هدي يابه هدي ناخذ منك لايطكلك عرج
يوسف : ههههه ياخي تنفرز انته
_انجب يلا لاتسمعك امي ونبتلي
تبارك : شبيه بابا ???
درنه وجوهنه شفنه تبارك واكفه بالباب ودموعها تنزل مصدومه م̷ـــِْن حجينه
__________________
رباب.
بقيت گاعده بالصاله مارجعت گعدت يمهم مالي خلك حته اشوف شخص احس روحي ميته
روح ماضلت عندي كرهت كلشي ولله حياتي كلها كرهتها وتمنيت مانولدت ولاعشت كل هل قهر والضيم
اجت دخلت عمتي حرير للصاله شافتني گاعده لوحدي وگالت
حرير : عمي ولله تتعيقلين بعد ماشفتي الولد شلوون حلوو وشخصيه ماراضيه المثلج هسه يصلي صلاه شكرر لأن لله رزقه بهيج واحد
_ولله لوو تاخذينه انتي تسوين فضل عليه
حرير : كح*** عود تعيريني لان بعدني مماخذه موو
_ولله مثل ماتريدين احسبيها لاتجون تسوون نفسكم ملوك عليه وتتباهون بالولد ولايغركم شكله ترا ورا هل وجوه كلوب خبيثه وحاقده
حرير : طبج مرض ولله فوك ماندور مصلحتها مانه علينه بس موو صوجج صوج امي الي كاتله روحها عليج
_ههه تسمون هاي مصلحه انتو لوو تريدوني صدك ماتريدون بس تزوجوني وترتاحون مِڼـّي عبالك موو بتكم اني لا عدو الكم
حرير : ولج احمدي ربج بعدج لاحد هسه عدنه وماشمرناج بالشارع من وراج تشوهت سمعتنه كح** رايحه تتمعشگ وتريدد منه نوكف وياها
_اول شي اني مو كح*** ماسمحلج تحچين هيج عليه وثاني شي الحب لاحرام ولاعيب بس انتوو ماتفهمون بالحب وعبالكم ناس كلها مثلكم
هجمت عليه جرتني م̷ـــِْن شعري دفعتها عني دخلت بيبي هيه وابوي وعمي هيثم.
الحجيه : خيرر ياستار شبيجن اصواتجن طالعه موعيب ناس عدنه گاعدين
_ملييييييت منكمممم لله ياااااخذني ورتاااح انتوو ليششش ماتحسووون بيه ليشش هل ضلم ليشششش
ابو رباب : صوووتج ولجج
هيثم : شبيج بويه منوو وياج
خليت اديه ؏ وجهي وبقيت ابچي بصوت مسموع اجه يمي عمي هيثم حضني وباس راسي گالهم يطلعون ويعوفونه
عمتي حرير لسانها ماسكت عني الكح** الساق** الهيج الهيج ماخلت شي ماحچته عليه وابوي ساكت مافتح حلگه وحچه شي
هيثم : كافي بويه لاتبچين اني وياج
_محد وياي انتوو كلكم ضدي كلكم تكرهوني ولله بس فهموني اني موو بتكم اني موو دمكم ولحمكم ماكسر خاطركم دموعي ماتأثر بيكم ليش هل ضلم ليش
هيثم : ولله نحبج ونريد مصلحتج واذا علئ عمتج حرير هيه م̷ـــِْن زمان هيج شنهي ليووم عرفتيها
_هيه بس عمتي كلها كلها دور قهري ياهو الي يگوم يكتلني ويسمعني حجي عبالك جايتكم م̷ـــِْن الشارع كلها تصيح عليه وتفشررر
عمي ولله شريفه اني طارهره تربيتكم اني شلوون تشكون بيه اسمع الحچي بأذاني وابلع واسكت اكول ضايجين هسه يوم يومين بلكي يتغيررون بسس ماتغيرر شي ماتغيررر احسسس روحي ماعندي اهل وحيده
مالي احد اشكيله ماعندي شخص يفهمني يوكف وياي لبنات م̷ـــِْن تبچي تحضن امهاتها وتشكي همومها الهاا انييي امي واكفه ضدي تكرهني وماتشوفني بعينها تتمنئ تخلص مِڼـّي وترتاح
ليش عمي بس فهمني اني شسويت وهيج تعاقبوني ليش تضلموني موو حررام تسوون هيج بيه.
هيثم : ولله حاولت شكدد ويه أبوج بس هوه منطي كلمه ورافض ذيب وحالف ماينطيج اله واذا عرف بيوم مسويه شي انتي لوو حاجيه وياه يموته خلاص وهل مره حاسم قراره واني مابيدي اسوي شي
لأن مهما يصير يضل أبوج وهوه اولئ بيج ماگدر اتصرف شي م̷ـــِْن كيفي حاولت شكدد بس ماكوو فايده تزوجي عمي
عيشي حياتج بلكي لله ويكون هل ولد خير ويسعدج ولله شفته وگعدت وياه خوش ولدد وخلاقه حلووه وهادئ ومتاكدد راح ترتاحين وياه
بس فهميني هسه انتي شمستفاده هناا بس الاهانه والذل والكتل ؏ اقل م̷ـــِْن تزوجين راح ترتاح نفسيتج من هل توتر وثائر غصبن عليه راح يحترمج ويقدررج
خليت اديه ؏ وجهي واني اشهك اريد احد يفهمني ولكم گلبي مايحبه شلوون اكمل حياتي ويه شخص ماحبه ولاعرف شي عنه
شلوون ارتبط بأنسان وكلبي يم انسان ثاني راح احصل حرام م̷ـــِْن ورا هل حب
خله ايده علئ راسي وصارر يمسح عليه ويسكت بيه شويه هديت وقويت نفسي خلص لآزٍمٍ اتقبل الموضوع اتزوج واخلص م̷ـــِْن الكل وبعد لوو شيصير مارجع عليهم ولاشوف شخص منهم
هيثم : كومي بويه غسلي وجهج وتعاي اكعدي ويانه
هزيت راسي بأي عافني وطلع رحت للمرايه اباوع علئ وجهي يمه عيوني طالعات عبالك احد خانكني وحمررر منفخات وجهي صاير احمر م̷ـــِْن البچي مگلوبه خلقتي گلاب
غسلت وجهي ماي بارد وبقيت اهدي بنفسي ماريد ابچي بعد خلص كافي
سحبت نفسس بعمق وطلعت رحت گعدت يمهم بالاستقبال
بقو يحچون موضوع الخطبه گالو مستعجلين ورا الخطبه بأسبوع يصير العرس لأن ابو الولد عنده شغل بالخارج ولازم يروح.
الكل وافق علئ الكلام ولاشخص منهم اخذ رأيي اني بس ساكته وعيوني ؏ ارض صافنه
الحجيه : رباب حبوبه يحچون وياج
_هاا
ثائر : رباب بيها شي شو هواي تصفن وضايجه مريضه شنوو
حرير : لا مابيها شي بس اليووم تعبانه شويه
ثائر : اي واضح .. باجر راح اجيج نروح نشتري الخواتم ماشي
هزيت راسي بأي وسكتت بقو يحچون كلام عادي شويه وطلعو كمت رحت تمددت علئ جربايه بيبي واني الف حسبه براسي
فكرت انهزم واعوف الكل واكمل حياتي لوحدي بس شراح استفاد لامن ذيب ولا م̷ـــِْن اهلي واني هاذه عذابي كله تحملته لخاطرهم ماريد اخسرهم بس همه مايحبوني
شلون ياربي شلوون اكمل حياتي ويه انسان ماحبه
نمت واني دموعي ناشفه ؏ خدودي ..
گعدت الصبح واني راسي احسه يريد ينفجر خليت اديه علئ راسي ولزمته بقوه اريدد يرتاح شويه ماكوو موتني
اباوع علئ ساعه بـ 8 الصبح بيبي ماكوو ضاهر گاعده كمت طلعت غسلت وجهي شفت الكل گاعد يتريك م̷ـــِْن طلعت كلها باوعتلي
رحت گعدت يم بيبي خليت راسي بحضنها
الحجيه : شبيج حبوبه
_راسي موتني
الحجيه : دكومي تريكي اكليلج شي م̷ـــِْن لبارحه الصبح مامخليه شي بحلكج شلوون مايوجعج راسج اكلي حته انطيج علاج تشربينه
_ماشتهي انطيني علاج هيج اشربه
الحجيه : مايصير حبوبه اكليلج شي اشربي جاي حته شويه يتغذه جسمج بعدين خطيبج ليووم يجي ياخذج وياه تشترون حلقات لآزٍمٍ تكونين مصحصحه
سدت نفسي م̷ـــِْن الصبح جابتلي سيرته شلون ويه حضي المصخم. هزيت راسي بأي
كمت م̷ـــِْن حضنها اكلت لگمتين وشربت جاي كامت بيبي جابت علاج وانطتني شربت منه
بقيت گاعده بالصاله اجت يمي بيبي گالت كومي حضري روحج راح يجي الولد تروحين وياه تشترون حلقات
كمت واني ضايجه لبست ولفيت شالي ماخليت أي شي لوجهي بقيت علئ طبيعتي
شويه واجه ثائرر سلم علئ الموجودين سلمت عليه وطلعنه سويه بالسياره بالطريق واحنه نمشي
ثائر : تحبين نسوي زواجنه فندق لوو بالبيت
احس گلبي طلع من مكانه م̷ـــِْن ذكر موضوع الزواج بقيت ساكته
ثائر : شبيج رباب احسج موو علئ بعضج بيج شي احچيلي لاتضمين بگلبج ولله العظيم ماسوي شي لاتتقيدين مِڼـّي
_اكوو موضوع لآزٍمٍ تعرفه گبل لانتزوج
ثائر : اي گولي شنوو الموضوع
