رواية ثأر الشيخ مهران الفصل التاسع والعشرون بقلم حوراء
الشخص الذي لم تدمع عيناه من الغيرة ،
لم يعشق أبداً.
نزار قباني
_________________
انفال : صارلي فترة اداوم بدون ايليا والوضع كلش مو حلو وصار يومين اتصال وماترد عليه خايفه حيل عليها
اريد اطلع ..
اثير :لحضة انفال اريد اكلج شخبار ايليا وشصار وياها ؟
انفال: وانت شعليك شتريد منها عوفها بحالها وبعد لا تتصل بيها
شلون تحجي بشرفها انت واحد ماتستحي وتفكيرك وصخ وبيا عيني بعد تحجي وياي عفته ومشيت
اريد اطلع ودك فوني شفته نزار رفضتة ومشيت ورجع اتصل ورديت عليه
نزار : اطلعي برا اريد احجي وياج بموضوع
انفال : ماكدر الخط موجود واخاف يحجي الاهلي وماريد تصيرلي مشاكل
نزار : اطلعي الخط ما موجود
انفال : تمام
نزار: تعالي صعدي
انفال :ما اصعد شعندي صاعدة وياك؟
نزار : لاتخافين ائذي روحي وما ائذيج
انفال :ايي صح مثل اخوك من ائذى ايليا وهو جان يوعودها يحميها وكلام غزل وحب
نزار : لا تخافين عليهم ذولي هم يحلوها صح اخوي غلط بس راح يحاول يصحح غلطة ومستحيل يتخلى عنها لان يحبها ويريدها
انفال : اشلونها ايليا صار وياها شي بالبيت؟
نزار : لاتخافين عليها مايصير شي عليها مادام الشيخ وياها
انفال : اصلا اني اخاف عليها من الشيخ لان هو اكثر واحد ائذاها وجرحها
نزار : هسه ماعلينا بيهم اني اليوم جاي احجي وياج بشي مهم
انفال : وشنو هذا الشي المهم؟
نزار : اني اريد اتعرف عليج لان عجبتيني واريد اخطبج بس هسه هاي الفتره لان اريد تخرج واحصل وظيفه واجي اخطبج حتى مايصير رفض من اهلج
انفال : مستحيل اسوي وياك علاقة ذاك باب بيت اهلي تكدر تروح وتطلب منهم هذا الشي بس من هسه اكلك لا تروح وتعب نفسك لان جوابي هو الرفض لان مستحيل اقبل بواحد مثلك
نزار : ليش شنو السبب؟
انفال : لان انت مثل اخوك مثل ايليا ماحبته وامنت بي كسرها وانت هم بس احبك واثق بيك راح تكسرني مثلها واني ما مستعدة لهذا الشي
نزار : صح احنا اخوان بس نختلف بكلشي ولاتضلين على هاي النقطة مهران غلط وجاي يحاول يصحح اغلاطة وماكو بشر معصوم من الغلط
انفال : ماهتميت لكلامة عفته ورحت مستحيل انطي فرصة لا عرف نفسي كلش زين اذا تعلقت بي وتركني راح ادمر خاف ايليا جانت شوي قوية وكدرت توكف على رجليه على مود ابنها اني ماراح اكدر عفتة وخابرت على ابو الخط اجه وصلني للبيت دخلت استقبلتني ماما سلمت عليها
الام : شنو شبيج اليوم جنج ضايجه؟
انفال : ارتبكت وجاوبت حاولت اضم ارتباكي ..ها لا هيجي على مود ايليا ما جاي داوم وياي وحيل مشتاقتلها مامتعودة على هذا الوضع احنا من زمان سوية من المدرسة والكيلة هسه افترقت عني حسيت ماكدر بدونها ..مشت عليها عفتها وصعدت فوك بدلت ملابسي وضليت افكر بكلامه ساعة اكول ايي وساعة اكول لا وبعدين اتخذت قراري مستحيل انطي فرصة اخذت موبايلي واتصلت على ايليا وما ترد عفت الموبايل ونمت وبعدها كعدت على اثر حلم ما جنت متوقعة اشوفة حتى بالحلم موجود وجان يباوعلي ويضحك كعدت من النوم خاف جنت احاول ما افكر واسكت الصوت الي بداخلي هسه ماكدر احس كل الكون يكلي انطي فرصة اخذت الموبايل وخابرت على غزل لا خالتها علوية وتسوي استخارات فكلت احجي وياها واستخر ف سلمت عليها وكتلها اريد رقم خالتج عندي موضوع احجي وياها
غزل : هيه موجوده يمنا او تريدين تحاجينها من رقمي؟
انفال : لا هسه اكول الاكرار يجي ياخذني حتى احجي وياها وجه لوجه احسن
غزل : ماشي براحتج
انفال : بدلت ونزلت صحت على كرار وحاولت اتلوكلة
هلاوو حبيبي كروري شلونك
كرار : بدون لواكة كولي شتريدين بسرعة
انفال : فدوة حبيبي اخوي الي يعرفني شوف بس اريد اروح لغزل لان عني كم موضوع مافاهمته وهيه تشرحليا تكدر تاخذني ؟
كرار : يلا بدلي حتى اخذج
انفال : اصلا مبدلة ماعندي شي
كرار : يلا تعالي نروح امشي بس اجيب سويج السيارة واجيج
انفال : يلا تمام منتضرك ....اجه وجاب السويج وصعدنا وبيت غزا يصير ويانا بنفس الفرع بس بنهاية وصلني وكال ساعة واجيج كتله تمام ماشي ..دخلت وسلمت عليها وعلى امها اشلونج خاله الى ......
غزل : اححم اه شنو موضوعج طبعا حجيت لخالتي عنج وكالت عادي اكدر اقرالها واسوي الاستخارة
انفال : عادي اكعد وياها بوحد لان الموضوع خاف
غزل : اي عادي
انفال : دخلت وسلمت عليها وحجيتلها كلشي عنا وحتى الي صار ويا ايليا
خالة غزل : ساعتين واردلج خبر ويا غزل وانشالله خير
انفال : ضليت شوية كاعدة يم غزل بعدها خابرت كرار كتله تعال
كال شبسرعة خلصتي كتله طلعت الموضوع فتهمتة يعني بس راجعنا سوية ماكو اي مشكلة كال تمام خوش اجه ورجعنا وضليت بهاي الساعتين عايشة بقلق نفسي ايي مخايفة شنو يطلع لان تسوي الاستخارة بالقران يعني مابيه شي مضمونه ماكو من سوالف السحر وهاي المشعوذين وره ساعتين اتصل موبايلي رفعتة وشفت رهف تتصل
..الووو السلام وعليكم .. طلعت خالتها وعليكم السلام هلا حبيبتي شلونج ..زينه خاله بشرني ..كالت كلش زينه صح بالبداية راح تواحهين صعوبه بس بالنهاية هاي العلاقة او هذا الزوج خير الج واله امشي بيها وكله خير الج مايضرج من سمعت كلامها سلمت عليها وسديت الموبايل وضليت يومين افكر اي لو لا ونزار ضل يتصل ويدز ضل يتصل كومة وما ارد ويدز رسائل اشوفهن ومارد اخير شي كال بس انطيني فرصة وحدة حتى ابينلج حبي الج رديت عليه وكتله موافقة
نسوي خطبة بس اريد تكون فترة طويلة كلش حتى اتعرف عليك اكثر ومايصير عدنا مشكله او اي شي واتمنى ماتخذلني ...وعندي شرط حتى لو بيوم العرس جيت وكتلك اريد مااستمر وياك راح توافق وننفصل ماريدك تضغط علية بشي
نزار:-موافق
________________
ايليا:- جنه كاعدين يم الحجيه كلنا مانحس اله دخل علينه مهران ووراه بنيه صغيرة بالعمر
الشيخ مهران:-تفضلي بويه فوتي لاتستحين
كامت الحجيه ترفه وكالت
:-منو هاي الابنيه يالشيخ ؟؟
الشيخ مهران:-دخيله يمه تعاي اخذيها يمج وافتهميلي شنو سالفتها ورجعيلي خبر اهلها باجر يحولون عدنه لان اعتدو على بيت الشيخ
الحجيه ترفه:-هم الي رمو قبل شويه ؟
الشيخ مهران:-اي يمه همة هسة اني راجع للديوان وانتي رتبي الوضع من يمج
الحجيه ترفه:-بعيوني يمه توكل انته واني احل الموضوع
الشيخ مهران:-الله يخليج حجيه
الحجيه ترفه:-تعاي يمه اكعدي يمي كومي رياحين جيبي مي للابنيه
رياحين:- تأمرين امر حجيه
الشيخ مهران:-اترخص انه حجيه
الحجيه ترفه:-الله وياك يمه
طلع مهران والابنيه كعدت يم الحجيه واني نار واشتعلت بكلبي مااعرف ليش وكملتها عليه نرجس من كالت
نرجس:-هاجج تفضلي اجتج شريجه على الحاضر اخخ شوفي هاي حوبتي طلعت بيج لان اخذتي الشيخ مني
ايليا:- اول مرة اعرف الكح*** الها حوبه
نرجس:-لججج على منو تكولين كح*** هااا
ايليا:-عليج ليش اكو وحده ثانيه تحجي وياي غيرج ؟؟
نرجس:-خاله سمعتي مرت الشيخ شلون تغلط عليه هاا
الحجيه ترفه:- اكول تسكتين لو لاا اريد افتهم شنو سالفه الابنيه لاادوخين بسوالفج خوشش تردين اكعدي واسكتي ماتردين كومي اطلعي برة من يمي
نرجس:-هايي راح اكعد واسكتت
رياحين :-تفضلي حبيبتي هذا المي
:-شكر تعبتج وياي
رياحين:-لابلعكس ماكو تعب
رحت كعدت بين ايليا ونارة حجيت بهمس
:-شمالج سويلج سالفه جبيرة واطردي نرجس لو متكدرين الها
ايليا:-لو اكوم واسحلها ذهابا وايابا متكوم اله تعرف شنو قصه الابنيه
رياحين:-هم صح تموت اذا ماتعرف شنو السالفه
نارة:-هسة الي يسمعج يكول خطيه ماتهتم لهاي السوالف شحال لو ما انتي هسة ميته من الفضول تردين تعرفين قصتها
رياحين:-تردين الصدكك راح انجلط مو بس اموت اريد السالفه شني
نارة وايليا:-ههههههه
رفعت راسي وشفت الحجيه تخزر بينه دغيت رياحين وهي دغت نارة حته تسكت لان الوضع مو مال ضحك
الحجيه ترفه:-كولي يمه شنو قصتج وشنو الي جابج النا
:-حجيه اني اسمي مرح بابا عربي مسلم وماما كرديه مسيحيه تكون زوجته الثانيه واني وحيدتهم ماعندي اخوان من امي وابوي وحته زوجه ابوي ماعندها ولد ولا بناات عمري 17 سنه بابا توفه قبل شهرين ورحنه عشنه يم بيت عمي الجبير جانت مرته تعاملنه بحقد وكره ومتحبنا تخلي الشغل كله علينه وعمي بطلني من الدوام ميقبل ادرس عنده بنيه اسمها جواهر هي هم تكرهني تكلي انتي كافرة وتصيح عليه الساحره الحمرة لان شعري احمر واني اضوج حته كمت اضم شعري بالحجاب حته لايضحكون عليه قبل فترة ابن عمي طلب ايدي واني رفضت من رفضت عمي وزوجته كامو يقسون عليه هوايي كل الشغل صار براسي حته الطبخ والخبز عليه هاج شوفي
رفعت اردانات قميصها جانت ايدها متروسه جويات مال تنور
الحجيه ترفه:-حسبي الله ونعم الوكيل بيهم شنو السبب الي خلاج تجين النه ؟
مرح:-ذبو عليه تهمة ان اني عندي علاقه ويه ابن جيرانه الولد كتلوه كسروه تكسر واني هم كتلوني وحبسوني بالمخزن بالليل امي اجتني وفتحتلي الباب وانطتني عنوانكم وكالت الشيخ مهران هو يحلج مشكلتج ضليت يومين ادور عليكم ماخليت احد ماسألته عليكم واخر شي زلمه جبير بالعمر هو وصلني الكم
رياحين:-جا انتي مو عندج عنوان بيتنا بعد على شنو ضليتي يومين ادورين علينه
مرح:-مو الورقه طاحت مني واني اطفر من ابن عمي جان يركض وراي
الحجيه ترفه:- خير ان شاء الله بنتي محلوله لاتخافين كومي يمه رياحين اخذي الابنيه لغرفتج وانيطيها ملابس من عندج خليها تبدل
رياحين:- حاضر حجيه كومي وياي حبيبتي
مرح:-كمت ويه هاي الابنيه الي اسمها رياحين وصعدت وياها فوك بيتهم جان كلش حلو وجبير وغرفتها هم انطتني من ملابسها ودلتني على الحمام حته ابدل بيه
رياحين:-حبيبتي اني راح انزل جوة الغرفه غرفتج لاتتقيدين ابدد سوي بيها الي يعجبج
مرح:-شكرا حبيبتي
رياحين:-العفو يروحي
نزلت جوة وقبل لاادخل للصاله اجاني صوت مهيمن وهو يصيح بأسمي التفت عليه جان واكف بباب الصاله اشرلي بيدة حته اروح اله رحت وكفت يمه وكلت
رياحين:-هاا مهيمن محتاج شي
مهيمن:-تعاي وياي للمطبخ اريد احجي وياج بموضوع
رياحين:-تمام
رحت وياه للمطبخ بس جان شكله متوتر يروح ويرجع ويفرك بأيدة وبركبته حته اني توترت من شفته هيج يسوي
رياحين:-خير مهيمن صاير شي
مهيمن:-شنو قصتها ؟
رياحين:-منو هية
مهيمن بنفاذ صبر :- شعله
رياحين:-منو شعله مهيمن؟
مهيمن:-قصدي الابنيه الدخيله
رياحين:-اهاا شوف قصتها توجع الكلب ...... وهاي كل قصتها
مهيمن:-خوش حجي يلا روحي يمهن قبل لايفتقدنج
عافني ومشه هزيت ايدي
رياحين :-الحمدلله وشكر شبيه هذا ؟؟
رحت كعدت يم نارة الي شكلها اصفر كلشش
رياحين:-شبيج نارو
نارة:-مابيه شي
رياحين:-مااكلتي شي اليوم
هزت راسها بالنفي
رياحين:-بعدج متعاركه ويه ادم
نارة:-من البارحه مارجع للبيت وهسة اجه بس بدل ملابسي ولبس البدله وراح للدوام بدون لايحجي وياي لج ميته قهر اول مرة يسويها وياي وهو ابدد ميطلع للدوام اذا منسولف سوة واحضرله اكل
رياحين:-بس يهدء يرجع طبيعي
نارة:-الله يسمع منج لان اسلوبه وياي هسة كلشش مو حلوو
رياحين:- لاتخافين ادم مستحيل يقسى على نارة كلبه
نارة:-اتمنى هذا الشي
رياحين:-متحمسه اعرف شلون راح يحل الشيخ مشكله مرح
نرجس:-ترةة مبينه مثل اكثر الشيوخ شلون يحلوها اكيد يعقد عليها ويتأكد منها اذا شريفه يعوفها زوجته واذا لا يطلكها وينطيها لاهلها هم يذبحونها ويغسلون عارها
ايليا:-والله محد عار غيرج ياحيوانه لج ترة هي بشر مثلنا شلون تحجين هيج عليهاا هاا
نرجس:-الي يسمعج يكول ميته عليها اصلا انتي بودج تخنكيها ولا تتزوج الشيخ وتصير شريجتج وتاخذ الشيخ منج
ايليا:-اكلج انتي خبصتيني بالشيخ وتاخذه مني شنو هو ترة مايهمني ابدد الي يهمني من كل هذا الابنيه ماتتأذة
الشيخ مهران:-ايليااا
التفت من سمعت صوته العالي وادعي بكلبي مايكون سمعني قويت نفسي ورديت عليه
ايليا:-نعم
الشيخ مهران:-اصعدي فوك اريد احجي وياج بموضوع
ماحبيت اكبر السالفه صعدت فوك وهو صعد وراي دخل وراي للغرفه وسد الباب تقدم عليه وحجه وهو يأشر بأصبعه ويهدد
الشيخ مهران:-لو شنو يصير بيناتنا مامسموحلج تحجين عليه بهاي الطريقه كدام اي احد مفهوم ؟؟
هو يحجي ويهدد وطالعه روحه واني عيني على اصبعه الي رافعه بوجهي قربت وجهي عليه وعضيته من اصبعه خليته تشوغ روحه
الشيخ مهران :-خربب روحك مهيمن اخخ ولج عوفي اصبعي
عفت اصبعه وهو سحب ايده يهفي على اصبعه
ايليا :-لاترفع اصبعك بوجهي حته لا اكطمه الك ويضل عندك بس تسع اصابع
الشيخ مهران:-صلفه ورعنه اخخ الله ذكريني من اطلع اخذج للبيطري ينطيج علاج لداء الكلب الي صاير عندج لانوب تضلين تعضين بالوادم واني ابتلي
ايليا:-اني اعض بس الي يضوجني
الشيخ مهران:- على هذا الحجي نرجس ماراح يبقى بيها مكان صاحي
ايليا:-خايف عليها لازم مو
الشيخ مهران:- لايابه لاخايف عليها ولا ابدد
ايليا:-امم كلامها صح ؟
الشيخ مهران:- شنو تقصدين ؟
ايليا:-بخصوص الابنيه الدخيله
الشيخ مهران:-قصدج مرح
ايليا:-ماشاءالله شبسرعه عرفت اسمها
الشيخ مهران:-ههههههه وانتي ليش ضايجه
ايليا:-ماضايجه بس شبسرعه حفظت اسمها
الشيخ مهران:-يابه هو اسم صدك جذب ليش سويتي سالفه من شي تافه
ايليا:-منو مسوي سالفه هاي شبيك مصدك نفسك انته
تقدم عليه وعلى وجه ابتسامه وكال
:-تغارين منها
:-هههه مصدك نفسك والله منو انته حته اغار عليك ترة انته ابدد متهمني
:-امم خوش واذا تردين تعرفين شنو راح يصير بمرح احب اكلج مثل ماكالت نرجس
:-لا والله يعني انته راح تعقد عليهااا
:-وانتي شعليج اني اعقد عليها لو غيري شكو مهتمه
:-منو كال مهتمه بس مقهورة على الابنيه بعدها صغير شافت هواي مصايب مو نوب تصير زوجتك خطيه لو تزوج ابن عمها احسللها منك
:-ليش يابه انتي شايفته لابن عمها كرشه مترتين عبالك مرة حامل على الاقل اني احلى منه
حجه هيج متقصد حته يخليها تغار عليه اكثر
حجت ايليا ببرود :- مو مهم يكون حلو اهم شي يكون حنون عليها ويحبها صدك وميأذيها ويخاف الله بيها هسة انته حلو بس شنو شفت منك غير الضيم
الشيخ مهران:- مستحيل تفوتين فرصه وماتذكريني بالي سويته
ايليا:- ليش انته نسيت
الشيخ مهران:- لا مانسيت وهذا بفضلج طبعا
ايليا:- اعيش واذكرك بكلشي شيخ
تقدم عليه وسحبني من ايدي وكعدني كدامه وكال بصوت هادء
الشيخ مهران:- شنو اسوي حته تنسين الي صار هاا كولي واني حاضر اسوي كلشي والله
ايليا:- مااريد منك شي بس عوفني بحالي خليني اخلص هاي الايام على خير ولا تحتك بيه بعد مااريد اشوفك كدامي ابدد
الشيخ مهران:-اذا عفتج راح ترتاحين ؟
ايليا:-فوكك متتصور
الشيخ مهران:-يجرالج بويه كلشي تردينه يصير
عافني وطلع من الغرفه مااعرف ليش ضجت لان حجه هيج يعني معقوله راح يعوفني ومايحجي وياي ابدد اهوو شبيج ايليا مو هذا الي ردتيه بعد على شنو ضايجه والله يالله شلون خبال
نزلت جوة وصارت بوجهي نرجس ضحكت وكالت
نرجس:-هاا شكم راجدي حصلتي من الشيخ
درت وجهي وحجيت بصدمه مصطنعه
:-اني اويي حبيبتي ترة اني مو مرايا حته تحجين بيها ويه روحج
:-شنو قصدج
:-تعرفين قصدي كلش زين ماجابته امه الي يمد ايده على حفيدة الشيخ جابر خلي هذا الحجي ترجيه بأذنج
عفتها ومشيت
مشه اليوم وخلص ومهران مابين صعدت للغرفه انتظرة صارت الساعه 12 وهو ماكو غفيت واني ماادري بنفسي واني انتظرة فزيت ثاني يوم على صوت بالغرفه فتحت عيني وشفته هو يفتح بالكنتور ويطلع بملابسه
ايليا:-وين جنت البارحه ؟؟
اتجاهلني ومارد لبس العكال مالته وراد يطلع من الغرفه بس اني سبقته وسديت الباب ومنعته من الطلعه
ايليا:-من احجي وياك تجاوبني ترة اني مو طفله حته تتجاهلني وتمشي
الشيخ مهران:-وانتي شعليج انتي مو البارحه كلتي عوفني ولاتتقرب مني واني هسة جاي اسوي مثل ماتردين بعد شبيج
ايليا:-ماشاءالله عليك صاير تسمع الكلام
الشيخ مهران:-ايليااا وتالييي وياجج خبلتيني ترةةة
ايليا:-اويي دادة شنو كلت اني هسة حته تعصب
الشيخ مهران:-اللهم طولج ياروح وخري مني خليني انزل الناس منتظريني جوة ماعندي وكت لسوالفج الماصخه
ايليا:-حطلها ملح
الشيخ مهران:-ماشاء الله عليكم انتم بهذا البيت كلكم صعد عدكم هرمون التحشيش والفكاهة
ايليا:-بس انته نفسيه
الشيخ مهران:-توخرين من كدامي لو اشمرج من الشباك هسةة
ايليا:-اويي شبيك ولاتتحمل شقه
وخرت من الباب وكلت
ايليا:-تفضل شيخ روح لديوانك
الشيخ مهران :-الله ياخذ الشيخ حته يرتاح منككم
طلع ونزل اني على السريع رتبت الغرفه واخذت حجابي ونزلت وراه ركض صاحت من وراي رياحين
رياحين :-علكيفج لجج لايصير بيج شي شبيج تركضين
وكفت على الدرج وعضيت شفتي الجوة لان التفت عليه وخزرني وصاح
الشيخ مهران:-ترة محد طاير شبيج تركضين طفله انتي
خجلت منه وحجيت بسرعه:-ترة ماراكضه علمود احد اريد اكل جوعانه
الشيخ مهران:-والاكل ماطاير تعالي رياحين سوي اكل للطفله هاي
خزرته وهو هم خزرني صاح بيه
الشيخ مهران:-وعلي لو مامستعجل جان هسة محد يخلصج مني
ايليا:-بس توصل يمي اعضك وعلي
الشيخ مهران:-متزوجلي جلب اني الحمدلله والشكر
عافني وطلع وهو يهز بيدة ماراضي الشايب
رياحين:-ها خيه انكلبتي جلب ؟
ايليا:-سويلي ريوك لا اعضج
نارة:-دخيلك ربي جنت بوحدة صرت هسة بثنين
ايليا:-شنو قصدج
نارة:-الاخت الي يمج كل واحد يضوجها تعضه نور شابعه عض منها
ايليا:-تعاي ابوسج بس انتي تفتهمين والله
رياحين:-شوفي وعلي اختلاف ثقافات تعاي مرت الشيخ شكد احب ثقافتج
نارة:-تعالن نتريك ورياحين بلا امر عليج روحي صيحي الابنيه خليها تاكل ويانا
رياحين:-بعدها نايمه ترة
نارة:-خطيه لعد شكد تعبانه عوفيها وتعاي اكلي اداومين اليوم انتي لو لا
رياحين:-لاا مااداوم
نارة:-خوش جا اني هم مااداوم
ايليا:-حرامات اني راحت عليه هاي السنه وماراح اداوم لازم انتظر للسنه الجايه يلا
نارة:-اذا تردين اكدر احجي ويه ادم يسويلج نقل من خلال معارفه واداومين انتي ورياحين سوة
ايليا:-يكدر يسويها الي ؟
نارة:-اي يكدر مو صعبه عليه
ايليا:-زين يجوز مهران ميقبل
رياحين:-خلي مهران عليه اني اقنعه الج
ايليا:-خوش لعد مستقبلي بيدكم بنات
رياحين:-حطي ايدج ورجليج بمي بارده
تريكنه اني والبنات وخلصنه ردت اساعدهم بالتنظيف بس ماقبلن اسوي شي ابدد الحجيه كاعدة بالصاله تقرة قرأن رحت كعدت يمها شوي ونزلت مرح من فوك وهي تفرك بعيونها وصادف ويه نزلتها دخل مهيمن للصاله صبح على خاله وكعد وهي هم سوت هيج الكعدة كلها وهي منزله راسها وتلعب بأضافر ايدها وانتبهت على مهيمن يباوع عليها من جوة ليجوة بدون لااحد يحس عليه شويه واجه صوت مهران وهو يدور عليه
الشيخ مهران:-انته شتسوي كاعد هنا هاا واني صارلي ساعه ادور عليك
مهيمن:- كاعد يم مرت عمي ومرت اخوي شتريد مني انته ؟
الشيخ مهران:-ابوك وزوجته اجوي
كام مهيمن على حيله وكال بملل
مهيمن:-اهوو هسة هاي شتسوي اجت وياه ؟
الشيخ مهران:-شدراني غير ابوك جايبها وياه
مهيمن:-عمت عيني على ابوي مايكدر بدونها
الشيخ مهران:-ههههه يحبهاا غيرر
مهيمن:-طاح حض هيج حب خايسس
الشيخ مهران:-هههههههههه تعال لك اكعد وياي لتعوفني بوحدي وياه
مهيمن:-ليشش شنو تخاف على روحك منه
الشيخ مهران:-تريد الصدكك ابوك مو امان اخاف على روحي منه ونوب ادم وفهد من الفجر طلعو واجب ونزار اليوم مدري شعجب رايح للدوام يعني ضليت بوحدي ويه ابوك وانته ماتقبلها اضل بوحدي موو
مهيمن:- لا شلون اقبلها امشي خلينه نروحله هاا وشوكت يجون الناس
الشيخ مهران:-شويه ويجون يلا تعال
مهيمن:-اجيت يابه اجيت
طلعو الشباب من الصاله وطاحت ايليا بالكاع من الضحك ومرح تضحك على ضحكتها متعرف السالفه شنو
ايليا:-اخخخ يمه راح اموتت من الضحكك
الحجيه ترفه:-شمالج يالمايعه شبيج تكركرين
ايليا:-اخخ حجيه سوالفهم تموت ضحك
الحجيه ترفه:-اي همه هيج دوم بس كون الله يفتحها بوجوهم ويتوفقون بحياتهم وينسون تعب الماضي
_افتهمت شنو تقصد الحجيه محجيت شي التزمت السكوت ومرح هم ساكته التفت عليها وكلت
ايليا:-تعال نروح للمطبخ واحطلج اكل لان انتي من البارحه مااكلتي شي
صح اني جوعانه بس حيل خجلت منها ومحبيت اتعبها وياي وكلت
مرح:- مااريد اتعبج وياي
ايليا:-لا حبيبتي ماكو تعب تعالي
كمت وياها بعد مااصرت عليه دخلنه للمطبخ حطتلي اكل واكلت وشلت المواعين ردت اغسلهم بس ماقبلت رياحين هي غسلتهم
رياحين:-تعالن نطلع برة ليش حابسات رواحنه هنا
ايليا:-انجبي واكعدي وين رايحه ويم منو تكعدين شو الحيايه كلهن مجتمعات برة
نارة:-منو ؟
ايليا:-نور ونرجس وفردوس
رياحين:-ايععع اويلي الله شوفي كميه السم الي انتشرت بالجو بمجرد ذكرتي اسمائهن
ايليا:-ههههههه
ضلينه كاعدين بالمطبخ نسولف ونضحك ويه مرح وسوينه الغدة كله سوة وخلصناه اذن وكل وحده راحت تصلي ورجعنه اجتمعنه بالمطبخ من بعد ماخلصنه صلاه
_____________
بالديوان
الشيخ مهران:-وهسة المطلوب من عدنه شنو
شيخ عشيرتهم:-احنه نريد بياض الابنيه حته نتأكد منها اذا شريفه نعوفها عايشه واذا لا نذبحها ونغسل عارهاا
مهيمن:-شنوو هي سلعهه عندكك لكك هي بشر حالهاا من حالك شلونن تحجي هيج وبصفتك منو تقرر هذا القرار هااا
شيخ عشيرتهم :-هذا القرار نمشي عليه من عهد اجدادنه مو تجي انته هسة وتحجي ويانه هيج مفهومم
شيخ مهران:-منو يعقد عليها
ابن عمها :-انيي
شيخ مهران:-انجب لك شنو شايفني زوج حته ازوجها الك حته لو شريفه ومابيها شي تطلعوها كح****
ابن عمها:-بس لا انته تريد تعقد عليهاا هاا
الشيخ مهران :-كومم نزار جيب مي للجماعه راح ينجلط
نزار:-هسة وكتك تكومني
الشيخ مهران:-نزارر
نزار:-حاضر شيخ
طلعت من الديوان ودخلت للمطبخ وصحت على نارة
نزار:-نارة بعد اخوج انطيني مي للجماعه
ايليا:-شنو صار وياكم بالديوان شنو الحل الي لكوه الشيوخ
نزار:-يجوز لو زوجج لو زوج نارة يعقد عليها
ايليا:-تحجي صدكك
ضرب على صدرة ونعم صوته وكال
نزار:-اولييي على قامتكك يافوزيه ، اي والله شبيج
رياحين:-ويجوز يخلوك انته تعقد عليها شدراك ؟
هم رجع نعم صوته وكال
نزار:-وليي على قامتك يا ابو بدر
البنات :-هههههههههههه
نزار:-اششش صوتجن راح يجينه الشيخ وانتي بسرعه جيبيهن شكد فاهية
نارة:-هالك خلصتهم شبيك
اخذهم وطلع
نارة:-شتكولين ايليا منو راح يعقد على مرح
ايليا:-مااعرف ولا اريد اعرف لان ميهمني هذا الشي
كلت هيج بس نار واشتعلت بكلبي معقوله هو يعقد عليها
رياحين:-انتبهت لموبايل يطلع ضوة دلاله على وصول رساله فتحته وتفاجأت من الي شفته
نرجع للديوان يم الشيخ مهران
الشيخ مهران:-مهيمن راح يعقد على الابنيه
مهيمن:-شنو شبيك مهران شجاي تحجي
الشيخ مهران:-كوم نزار روح جيب السيد خلينه نعقد لابن عمنه
مهيمن:-مهران شبيك مو احجي وياك
الشيخ مهران:-حياه بنيه بريئه بركبتك مهيمن تريدها تموت بدون ذنب ؟؟
مهيمن :-صرت مثل بلاع الموس لااكدر ارفض اخاف يصير شي بالابنيه وياكلني الندم ولا اكدر اوافق اخاف تطلع الابنيه ملعوب بيها ومااكدر اشوفها تموت كدامي
