رواية ذيب الشامخ الفصل التاسع والعشرون بقلم توتة
كلبك المّابي مَحنه شينفع وياه ألتعب ...💔
ذيب.
گعدت الصبح ؏ دكت باب الغرفه فتحت عيوني بنعاس شفت الساعه بـ 7 الصبح
كبل شلت جهازي اشوف دازيلي رساله لْـۆ بعدهم شفت بعدهم مدازين شي
گمت فتحت الباب جان اخوي ليث هوه ويوسف واكفين بالباب
_خيرر شبيكم
ليث : شنوو نسيت لآزٍمٍ نروح
يوسف : دزولك العنوان لوو بعدهم ?
_لا بعدهم مادازين شي ..خلوني اسبح ونطلع سويه
ليث : موو تضل ساعه راح ننتضرك برا
_ماشي.
عفتهم ورحت سبحت ونزلت لگيتهم برا طلعنه سويه اجتني رساله منهم دازين العنوان بيها
خابرت علئ حمايه تكون ويانه واحنه كل واحد سلاحه بخصره طلبت منهم يبقون بعيدين عن المكان
ومايخلون شخص يشوفهم لاحد ماستلم ابوي ويصير وياي يلا يبدي الهجوم عليهم
اجه ويانه عميد وجنود هواي م̷ـــِْن الشغل ويانه رحنه حمله جبيره بحيث اذا نهجم نفلش المكان ؏ روسهم.
عمي ولعقيد صايرين م̷ـــِْن جهه اليسار وياهم قسم م̷ـــِْن الجنود وليث ويوسف م̷ـــِْن اليمين
نزلت وبيدي الجنطه مال الفلوس لوحدي ماخليت شخص وياي
المكان مهجور منطقه معزوله عن المدينه بعيده عن كل المناطق
امشي واتلفت اريد اشوف شخص ماكوو المكان فااارغ
اجتني رساله لجهازي كاتبين
… خلي الجنطه وروح علئ *** تلگه ابوك هناك
بقيت اتلفت اريدد اعرف منين يشوفوني خليت الجنطه بالمكان الي حچولي عنه
عفتها ورحت اتمشه علئ المكان الي ابوي بيه داخل مخزن متروك.
بقيت تقريبا نص ساعه واني ادور علئ ابوي بالمكان الي حچولي عنه ماكوو تالي شفته مربوط علئ كرسي ومنزل راسه ضاهر فاقد
رحت اركض عليه فتحت اديه وبقيت اضرب علئ،وجهه
_ياااابه تسمعني هاذه اني ذيب اجيتك كوووم وياي
فتح عيونه بهدوئ وحجه بصوت هامس
ابو ذيب : ابني ذيب
_اي اي هاذه انه گوم وياي خلينه نطلع المكان موو أمن راح يصير هجوم هناا
ابو ذيب : روح بويه لايصيرلك شي اني عمري ماجنت عادل وياك لاتخسر حياتك م̷ـــِْن وراي
_اششش كافي موو وكته هل حجي بس عين نفسك وذب ثكلك عليه اني اطلعه بس ساعدني وكوم
ابو ذيب : ناس مسلحه هناا بويه انتبه
_كلشي عندي سلاح حمايه لاتخاف مراح يصير شي كوم وياي.
لزمته م̷ـــِْن ايده وگومته خليته يستند عليه واخذته طلعته م̷ـــِْن المكان رفعت ايدي انطيتهم اشاره صار الهجوم
دخلت الجنود والحمايه كلها تتراكض حاوطو المكان
صاار اطلاق ناار صرت درع لأبوي خليته وراي
_ليييييث سيااااااره بسرررعه خلي ابوي بيها
ليث : نزل راسك راح تتصاوووب
سحبت ابوي وخليته ورا حايط صحت عليهم يجيبون سياره جابوها بس ضلت علئ شارع اخذت ابوي يمشي كدامي واني صاير درع بضهره ارمي طلق.
دخلته بالسياره ويه عمي والعقيد ورجعت ويه اخوي والجنود
دخلنه للمكان فلشناه بالرمي صوبنه 2 ولباقي ماگدرنه ونوصل الهم شردو م̷ـــِْن بعيد
سحلنه هذول 2 واخذوهم الجنود بالسياره رجعت لسياره. صعدت اني وليث ورحنه وراهم للبيت #ڪــڔٰا̍ڕ
وصلنه للبيت نزلنه ورمينه كلنه سويه امي طالعه مصدومه م̷ـــِْن الي ديصير مَآعِرَفتّ شنوو القضيه الي خلتنه هيج نرمي.
التمت كلها يمنه دخلت سوينه غده فدئ لأن رجع ابوي سالم للبيت
وكفت بالضيافه واستقبال الناس صار البيت عباره عن عالم ماضل شخص وكلها انصدمت م̷ـــِْن عرفت بأبوي جان مخطوف
وطلعناه م̷ـــِْن الخاطفين الـ 2 الي تصابو واحد منهم مات والثاني بالعنايه نريدده يصحئ وناخذ اقواله ونعرف منوو وليش خاطفين
بس همه شكولهم موو شكول عراقيه لحيه وشوارب طوال ولافين جراويه عليهم ولبسهم كله اسود ابسود
جان يوم صعب ومتعب بس ارجع واگول الف الحمدلله من طلعنه ابوي منهم سالم مقابيل فلووس
كلشي يتعوض بس ألاهل مايتعوضون وياريت لوو خالي طالبين عليه فديه شي جان طلعته بس ماعرفنه ماات انخطف انسجن كلشي ماعرفنه حاله اهله تكسرر الخاطر
كل ماتذكره احس نص م̷ـــِْن حيلي يروح جان الي سند بأيامي الصعبه جان يدافعلي م̷ـــِْن وكفت كلها ضدي ومحد جان وياي
ابوي هاذه الي هسه دافعت عنه وعرضت حياتي للخطر لخاطره عافني بالشارع وماسأل عني وتحارب وياي مثل العدو
وجان يدور بس فرصه حته يذلني بيها ويخلي الناس تتشمت بيه
رغم كلشي ماستسلمت وكملت حياتي واعتمدت علئ نفسي ماخليت شخص يتشمت بيه وصاار اسمي معروف عند الكل وكلها تحسب الف حساب م̷ـــِْن تذكرني ..
ام ذيب : كل هاذه يصير واني اخرر م̷ـــِْن يعلم
_هههه هاي المهم رجعتلج رجلج سالم
ام ذيب : امشي وخرر م̷ـــِْن يمي بعد ماحچي وياك ولله
تبارك : ماما ولله خفنه عليج وانتي مصارلج فترا مسويه عمليه بس الحمدلله ذيب نقذ بابا ورجعه النه سالم
ام ذيب : لا ولله وانتي هم تعرفين وضامه الموضوع عليه.
تبارك : ههه هوه ذيـ ..
ام ذيب : اشش اسكتوو كلكم ماريد احچي وياكم بعد ولله
عافتنه وراحت وهيه ضايجه لأن ماحچينه الهاا عفتهم ورحت دخلت للديوان گعدت ويه العالم الموجوده
العم : الف الحمدلله من رجعت سالم
ابو ذيب : الفضل لأبني ذيب بكلشي صار لوو موو هوه جان هسه اني ميت
_انته عرفت منوو الي خطفك تتوقع نعرفهم
ابو ذيب : لا ماضن شخص نعرفه اشخاص من الارهاب لأن شكلهم يثبت هل شي
_حالين احنه عدنه واحد منهم رهين بالمستشفه خليت عليه حمايه بس يصحه نحقق وياه
ابو ذيب : اي زين سويت ...الفلوس منو دفع ?
يوسف : عمي الفلوس كلها م̷ـــِْن ذيب ماخلانه ندفع ربع وياه عود گالي اخليك تالي قشمرني وخلاني اروح ويه ليث للمركز وهوه راح جابهن واجه
ابو ذيب : ولله كفوو منك بويه رفعت راسي بهاذه تصرفك
ابتسمت وهزيت راسي اله. بقينه نحچي كلام عادي كلها تسألنه علئ الموضوع وهل امور.
صارت ساعه بـ 9 بليل الكل راح علئ بيته بقينه بس احنه العائله اجت امي واختي كعدنه سويه
ابو ذيب : بويه ذيب مادري شلوون اجازيك علئ هاذه تصرفك رغم كل أذيتي والي سويته بيك انت عرضت حياتك للخطر لأجلي
اتمنه منك تسامحني علئ كلشي سويته بيك وترجع للبيت يمنه.
_مهما يصير انت تضل ابوي والك حق عليه حته لوو حصلت منك اهانه وذل اني مانسه صلت الدم البينه وشغلت ارجع للبيت ماگدر مو شغلت بعدني شايل بگلبي
لا بس اني تدري بيه وطبيعه شغلي ماگدر استقر مكان واحد بس كل مارجع لهنا راح امر عليكم واخلص عطلتي يمكم.
ام ذيب : ولله بس حجي تعلمني بيك انته م̷ـــِْن زمان تگلي اجي يمكم واخلص العطله هناا وكله جذب ماتجي
اذا طول تضل يوم واحد وترجع عبالك احنه موو اهلك
_ماعندي وكت اضل هنا اني شغلي مامستقر مكان واحد
ابو ذيب : اذا تريد بويه اني احچي ويه الرئاسه واخلي شغلك مكان ثابت هناا
_لا يابه اني هيج مرتاح ماريد اگعد مكان واحد
ليث : بس هيج راح يكون اريحلك بدال ماتگعد بشقه ومحد موجود وياك يغسلك او يطبخلك تكون هناا بيتك وبغرفتك تسبح وتاكل وترتاح بكيفك
_ادري بس گتلكم اني متعود وبالنسبه الاكل اني كله برا اكل يعني ماطبخ ولاعرف اصلا ولملابس بالغساله.
ام ذيب : خوش اذا تگول ماترجع خلينه نزوجك ؏ اقل وياك مرتك تهتم بيك تباريك
من حچت هيج ذكرتني برباب ليوم خطبتها اكيد انخطبت ماخابرت مريم ولاسألتها عنهاا اصلا ماريد اعرف شي عنهاا بعد
خلص لآزٍمٍ ابتعد عن حياتها خليها ترتاح بدوني ماريد أذيها اكثرر
ليث : هههه اشوف اخوي من جابو سيره المره سكت واني سامع السكوت علامه الرضئ.
تبارك : لا اكيد تذكر حبيبته.
من حچت هيج باوعت عليها امي بخزره سكتت ودنكت راسها
ابو ذيب : تريد نرجع نحچي ويه اهل البنيه بلكي يقتنعون.
_ماكوو فايده اليوم انخطبت #ڪــڔٰا̍ڕ
تبارك + ليث : انخطبت ???
هزيت راسي بأي وسكتت الكل صار يباوعلي بنضرات قهرر احس روحي اختنكت كلش
ام ذيب : يمه هاي قسمتكم لله ماكاتب الكم تصيرون لبعض. لاتضوج فدوه لعينك ولله ازوجك احلا واحسن منهاا بـ 100 مَـرّھٌ
_ابوها اذا مادمره علئ ايدي اني مو ذيب
ام ذيب : لا يمه بداعتي عليك كلشي لاتسوي هيه لبنيه لوو ترضه علئ اهلها جان وكفت ضدهم علمودك بس هيه تحبهم وهل سمعت كلامهم وافقت علئ زواج ليش ماتتقبل فكرت هيه فضلت اهلها عليك
_انجبرت ادري بيها مجبوره
تبارك : حته لْـۆ مجبوره هسه هيه صارت لغيرك لآزٍمٍ تتقبل هل فكره يعني شنوو تضل عايش علئ ذكره منهااا الف من تتمناك ذيب لاتخلي بنيه تكسر بخاطرك.
_احبها ولله احبها تعرفون شنوو احبها اول حب بحياتي هيه عبالكم ماجربت انساها ماجربت ابتعد عن حياتها ماگدرت لاحد هاي الحضه وهيه مخطوبه عندي امل اخذها وتصير الي.
ابو ذيب : ادري الحب صعب ومو سهل تنسه الي تحبه بس البنيه هسه بذمت رجال ثاني يعني شما تسوي ماتصير الك.
_ادري وحچيت هل شي اكثرر من مره ويه روحي بس گلبي رافض يتقبل هل موضوع.
ابو ذيب : بعدك جديد علئ الموضوع مرور الايام راح تنسه وتحب غيرها وتعيش حياتك انت سويت كلشي تگدر عليه وماخليت شي ماسويته خطبه وخطبتها اكثرر م̷ـــِْن مره وحچينه ويه اهلها واعمامها بس همه ماقدرونه
ولانطونياها بعد مابيدك شي تسوي ولاتلوم نفسك لأن الصوج موو منك الصوج منهاا هيه ماحاربت الاجلك وكفت ضد اهلها علمودك
_هوه هاذه الي كاتلني ابوها ليش رفضنه شنوو ناقصني وهاذه الي انطاها اله بشنوو احسن مِڼـّي ليش فضله عليه كل هاذه لأن عرف اكوو علاقه بيني وبينها
لهل درجه عدهم الحب جريمه وماينطون البنيه الي تسوي علاقه رباب جانت طاهره بحبها الي اني حبيتها علئ صفات گلبها ونضافتها عرفتها شريفه وطاهره وحبيتها
اختاريتها م̷ـــِْن بين كل البناات عجبتني م̷ـــِْن اول نضره بس لله ماجمعنه سويه.
ام ذيب : لله كريم يمه لاتضوج نفسك يگول وعسئ ان تكرهو شياء وهو خيرا لكم يمكن هل موضوع بيه خير الك وانته ماتدري.
_ونعم بالله ..يلا اني لآزٍمٍ اروح عندي شغل صارلي يومين هناا حته اجازه مماخذ
ابو ذيب : وكت طلعه بويه دنيه ليل ضل للصبح احسن الوضع موو أمان هسه
_لاتخافون مراح يصير شي واني افضل سياقه اليل اكثرر م̷ـــِْن النهار
ام ذيب : لا ولله يمه ماخليك تروح ابوك هسه طلعناه م̷ـــِْن المووت تريدد ترجع انته للموت برجليك بات اليووم هناا ولصبح اطلع
_يوم ولله عدي شغل ضروري اخلصه واني صارلي يومين هناا ماگدر اضل اكثرر حته اجازه مماخذ م̷ـــِْن اوصل اخابرج واطمنج عليه ماشي.
ام ذيب : لا ولله ماتروح ابو ذيب احچي وياه فدوه لاتخلونه يروح #ڪــڔٰا̍ڕ
ابو ذيب : خلي براحته يگلج عده شغل ومايگدر يضل
ام ذيب : يااا انته هم وياه لا ولله ما اخليك تروح
تقربت يمهاا وبست راسها وبقيت اقنع بيها بالگوه خلتني اروح طلعت م̷ـــِْن عدهم تقريبا ساعه بـ 10 بليل
امشي بالطريق خطرت علئ بالي رباب گلت اخابر علئ صديقتها مريم وسألها عنهاا
طلعت رقمها واتصلت عليها ادري بيها ماتنام هسه وبعده ممتأخر الوكت كلش
اتصلت عليها م̷ـــِْن اول اتصال فتحت خط عليه
مريم : الوو هلا ذيب
_هلا بيج بويه شلونج
مريم : الحمدلله بخير انته شلونك شخبارك
_ماشي الحال.
مريم : وين ماوين هل فترا مختفي حته ماتخابر
_ولله تعرفين شغل وملتهي مالحك الزم الجهاز
مريم : هاا .. لله يساعدك
_ويساعدج .. اممم رباب انخطبت ?
مريم : اي انخطبت العصر جنت بالخطبه مالتها جانت فرحانه وتضحك وحته ركصت
_فرحانه ???
مريم : اي كلش فرحانه ولاعبالك جانت تحبك تركص وتاخذ صور هيه وخطيبها
عصرت ايدي علئ الستيرن سحبت نفس بقووه اريدد يبرد گلبي يالله دخيلك ليش هيج يصير وياي شنوو ذنبي اني واتحمل كل هاذه
مريم : الوو ذيب تسمعني
_اممم.
مريم : ؏ شنوو كاتل نفسك هسه انته مثل ماهيه كملت حياتها وتزوجت انته هم كمل حياتك ولاتفكر بيها بعدد احسلك ولله احچي لمصلحتك اني
_لله كريم
مريم : امممم .. اي شكوو ماكوو
_ماكوو شي يلا اترخص منج عندي شغل هسه بعدين نحچي
مريم : اوكف ذييب لحضه اكوو موضوع اريدد احچي بيه وياك واتمنئ تفهمني.
_اي گولي
