رواية ثأر الشيخ مهران الفصل الثلاثون بقلم حوراء
سيحبك .. آلاف غيري وستستلمين بريد الشوق لكنك .. لن تجدي بعدي رجلا يهواك بهذا الصدق
نزار قباني
____________________
ايليا:- ضليت انتظر خبر من نزار راح وبعد ماراجع متت من الانتظار اريد اعرف منو راح يعقد عليها معقوله يسويها ويكسرني مرة ثانيه ويعقد عليها؟
نزار:-هيوو ايليا مو احجي وياج وين صافنه
ايليا:- هاا هاا شبيك نزار
نزار:-لخاطر ربج بس روحي صيحيلي الدخيله وخليها تحط شي على راسها حته يسألها الشيخ
ايليا:-منو راح يعقد عليها؟
نزار:-خليها مفاجئه مااكول
ايليا:-نزاررر شبيكك احجي عدلل
نزار:-صيحيها لخاطر الله وبعدين تعرفين
ايليا:-اللهم طولج ياروح
عفته ورحت صحت عليها
ايليا:-حبيبتي مرح حطي شي على راسج وتعاي وياي الشيخ يريدج برة
مرح:-تمام
رياحين:-تعاي اني انطيج حجاب حطيه على راسج
مرح:-بس اني مو محجبه
نرجس:-حطيه على راسج ماراح يأكلج ترة
ايليا:-حبيبتي مرح اخذي الشال وذبيه ذب على شعرج المهم بس شكل حته لاتجيج حجايه
هزت راسها بأيجاب بدون لاترد عليه طلعت للمطبخ واخذها نزار شويه ودخلت اخذتها ورحنه يم الحجيه كمزت نرجس من يمها وكالت
نرجس:-هاا صرتي مرت الشيخ الثانيه موو
مرح:-ماادري
نرجس:-شلون ماتدرين ماكال السيد اسم الزلمه الي راح يعقد عليج
مرح:-لاا بس سألني على اسمي وعمري ونوب سألني منو تردين يصير وكيلج لان اني قاصر وكتله انته وكيلي ورجعت
نرجس:-امداجج مااستفادينه منج بشي
نور:-هههههه شبيج ترةة مبينه الشيخ هو الي راح يعقد عليها شوفي الله برد كلبج بيها وبقيت بس اني وإن شاءلله ماضل شي وينكشف المستورر
نرجس:-هههههه اي صح كلامج لج كلشش متحمسه اشوف رده فعلها من تعرف كلشي
نور:-هههه اكيد راح تنجلط بس هي من البدايه مكانها غلط وماضل شي وتعرف قيمتها شنو عندة مو فردوسي
فردوس:-اكيدد حبيبتي اكيدد
ايليا همست لنارة:-شبيهن هذني وعلى شنو يحجن؟؟
نارة:-والله كلشي ماافتهمت ولا اريد افتهم لان مالي دخل بيهن
ايليا:-مثلج والله
نارة:-رياحين وين اختفت؟
ايليا:-مااعرف والله ماانتبهت الها
ضلينه كاعدين بالصاله ونريد نعرف منو الي عقد على مرح شويه ودخل مهران ومهيمن مااحس اله كامت نرجس وكابلتها فردوس وضلن يهوسن اله
:-خدودها طماطه ولا تكول محمرة كلووشششش
:-شايف خير ومستاهلها
الشيخ مهران:-اششش وسم شبيجن
فردوس:-شبيك شيخ غير جاي نهوسلك على العموم الف مبروك شايف كل الخير
الشيخ مهران:-بس مو اني الي عقدت عليها
نور بفرح :-ادمم عقد عليها موو
الشيخ مهران:-لاا ابن عمي وعضيدي مهيمن هو الي عقد عليه تفضلي مرت ابوه هوسي لابن رجلج وباركيله بزواجه
فردوس:-تشاقه موو مهيمن لاا مستحيل مهيمن ميسويها انته جاي تجذب عليه موو
الشيخ مهران:-احترمي نفسج ولاتضلين تخربطين بالحجي وبعدين ليش مايعقد عليها مهيمن شبيه شو زلمه والنعم منه
مااحس اله فردوس هجمت على مهران ورادت تضربه بس هو تصرف بسرعه ولوه ايدها ورة ضهرها ومااعرف شنو همس بأذنها بحيث من عافها وكعت بالكاع ودموعها على خدها ضليت بصدمه مااعرف افرح لان الي عقد على مرح هو مهيمن او اتفاجأء من تصرف فردوس وليش هيج سوت
نارة:- الف الحمدلله هم وانزاح عن كلبي
الحجيه ترفه:- يمه نزار
نزار:-تفضلي يمه
الحجيه ترفه:-روح صيح عمك خليه يجي ياخذ مرته خطيه مبين عليها هبط عدها الضغط
نزار:- تأمرين امر حجيه
طلع نزار شويه واجانه صوت عماد الملهوف على فردوس دخل علينا وتقدم عليها بدون لايهتم لاحد من عدنه حضنها كدامنه وكومها وهو ساندها انتبهت على مهيمن يضغط بقوة على ايدة شويه وصارت ايد مهران فوك ايده شلون الواحد من يريد يهدء الثاني مااعرف ليش حسيت اكو قصه ورة ردة فعل مهيمن الى احسها ابدد مو طبيعيه
ايليا:-اني راح اصعد راسي كام يوجعني
نارة:-براحتج حبيبتي
مشيت من يم مرح مااحس اله لزمتني من ايدي وحجت بخوف
مرح:-اخذيني وياج حبابه
ايليا:-تعالي حبيبتي
اخذتها وصعدت وهي بعدها لازم ايدي وتضغط عليها بقوة عطت متوجعه من ايدي
ايليا:-اخخ مرح شبيج ايدي وجعتني من لزمتج
حجيت هيج وهي نزلت دموعها عبالك جانت محضرتهن
مرح:-لاتخلينه يكتلني حبابه
ايليا:-منو يكتلج مرح؟
مرح:-هذا الي عقد عليه
ايليا:-شبيج ترة مهيمن خوش زلمه وحباب ماراح يسويلج شي
مرح:- لا والله يخوف ماشفتيه شلون يخز بيه هو ماراضي بيه راح يكتلني والله
ايليا:-ههههه شبيج حبيبتي ترة هو شكله هيج مايخز احد هو نضراته هيج بس انتي لان مامتعودة عليه تحسينه يخز بيج
مرح:-والله خايفه منه حبابه خليني يمج لاتخليني اروح يمه عليج الله
ايليا:-تعالي اكعدي يمه بالغرفه ونشوف تاليها شلون
اخذتها للغرفه وطلعتلها بطل مي من الثلاجه وانطيته الها اخذته مني وشربت منه شويه وعافته على الميز الي كدامها
ايليا:-مرح حياتي تعرفين شنو راح يصير بينج وبين مهيمن
هزت راسها برفض
_شوفي الي راح يصير، بعدني ممكمله حجي واندك الباب مال الغرفة
ايليا:-ادخل، دخلت نارة
نارة:-انتي هنا ومهيمن يدور عليج جوة
مرح:-شيريد مني؟
نارة:- ترحين وياه للبيت غير؟
مرح:-مااروح اريد اضل يم ايليا حبابه حاجيهم اريد اضل يمج
ايليا:-تمام هسة احجي وياها نارة حبيبتي بلا امر عليج تكدرين تكعدين يمها شويه
نارة:-اي ليش لا بس انتي وين رايحه
ايليا:-هسة جايه
نزلت جوة للصاله ولكيت بيها مهيمن ومهران والحجيه كام مهيمن وكال
:-وينها؟
ايليا:-فوك بغرفتي ماتقبل تنزل
مهيمن:-ليش ماتقبل؟
ايليا:-تخاف منك تكول يكتلني بس اروح وياه
مهيمن:-ليش اكتلها
ايليا:-مااعرف بس تكول بس يخز بيه
الشيخ مهران:-ههههههه
مهيمن:-وسم مهران على شنو تضحك ههاا يلا استلم هاي شلون راح اتفاهم وياها
الشيخ مهراان:-انته كدها ابن عمي الزود
مهيمن:-خ*** بأبن عمك اي والله كوم انته ورطتني بيها كوم حلها
ايليا:-وشلون يحلها هو؟؟
مهيمن:-الخاطر ربج مو وكتها هسة خليه يحل مشكلتي ونوب تعاركي وياه
ايليا:-على شنو اتعارك وياه اني بس ردت اعرف شلون راح يحلها
مهيمن:-لاتخافين الشيخ عنده خبره بهااي السوالف
ايليا:-ماشاءالله عليه بكلشي خبره
الشيخ مهران:-ترة جذاب لاتصدكين بيه
ايليا:-شعليه اني اهم شي عندي الابنيه ماتضرر
مهيمن:-ابوس عقلج على هذا التفكير
الشيخ مهران:-هاييي هايي مو جنك رحت زايد
مهيمن:-عوفك مني وروح شوفلي الطركااعه الفوك الي حطيتها براسي
الشيخ مهران:-خيبه انجب شحال لو مو انته هسة بودك تركص جوبي من الفرحه
مهيمن:-اي كلشش فرحان فوكك متتخيل
الشيخ مهران:-ادري بيك ابو شعله موو
يحجي الشيخ ويغمزله ومهيمن وجهة صار احمر ويتلفت يمنه ويسرة اخر شي صاح بيه
مهيمن:-وتالي شلون اليوم نضل واكفين هنا
الشيخ مهران:-لايابه هسة انزلك حرمتك وتروح وياها لبيتكم وبعد وجهك مااريد اشوفه خوشش
مهيمن:-خوشش بس فضها
صعد مهران وصعدت وراه لان الفضول راح يموتني شلون راح يكدر يقنعها دك الباب قبل لايدخل اجانه صوت نارة وهي تكول
نارة:-تفضل ادخل
دخلنه سوة ونارة رادت تطلع رس هو وكفها وكال
الشيخ مهران:-اكعدي يابه، راح كعد على الجهة الثانيه وصاح على مرح حته تجي تكعد يمه راحت وكعت قريب عليه مدري شلون رفع راسه وشافني اباوع عليهم ومبين على وجهي ماقابله بالوضع الي كدامي ابتعد عنها وصار على الحافه حجه وياها بصوت هادء
الشيخ مهران:-بابا انتي ليش خايفه من مهيمن
مرح:-لان بس يخزر بيه
الشيخ مهران:-ترة هي نظراته هيج عاديه بس انتي لان بعدج جديدة عليه تحسينه يخزر بيج بس من تتعودين عليه راح تشوفينها عاديه
ايليا:-ترة اني هم هيج كلت الها بس مااقتنعت مني
الشيخ مهران:- شخص عن شخص يفرق صح بابا مرح
مرح:-صح
الشيخ مهران:-هسة شنو رأيج اخذج جوة حته ترحين ويه مهيمن؟
مرح:-وين اروح؟
الشيخ مهران:-لبيت عمي
مرح:-شسوي هناك اروح
الشيخ مهران:- ترحين تعيشين هناك لان انتي هسة زوجه مهيمن ولازم تعيشين بنفس المكان الي هو عايش بيه
مرح:-وبعد مااكدر اجي لهنا؟
الشيخ مهران:-لا طبعا تكدرين تجين هنا لان مهيمن اربعه وعشرين ساعه كاعد هنا وانتي هم راح تصيرين مثله
مرح:-تمام
الشيخ مهران:-هاا هسة نروح؟
مد ايده الها
ايليا:-احمم ترةة تكدر تكوم هية بوحدها
الشيخ مهران:-ايليا هدي شوي بابا
ايليا:-ماحجيت شي ترة
مرح:-عادي اكدر انزل بوحدي
طلعت مرح وطلعت وراها نارة وكف كدامي وكال
الشيخ مهران:-علكيفج ويه الابنيه لاتصيرين انتي والدنيه عليها خوشش
عافني وطلع ضميري ضل يوجعني عليها معقوله قسيت وياها نزلت بسرعه اركض وهو كدامي مااعرف شوكت وكف واني انضربت بضهرة
الشيخ مهران:-الله الله صار بيج شي اشوف بلا
رفع راسي يتفحص وجهي
ايليا:-كسرت وجهي شبيك
الشيخ مهران:-اني لو انتي بس اريد اعرف طفله انتي وكاضيتها تركضين منا لهناك
ايليا:- اريد الحك عليها قبل لا تروح
الشيخ مهران:-شتردين منها هم تردين تضوجيها بحجيج؟
ايليا:-لاا اريد اعتذر منها وبعدين انته ليش لهاي الدرجه مهتم بيها
الشيخ مهران:-الابنيه يتيمه والتجأت الي ومو حلوة تنهان ببيتي ومن مرتي هم هاي عيبه تصير بوجهي
ايليا:-ماشاءالله عليك تفتهم بالعيب وهيج سويت بيه لعد اذا ماتفتهم شتسوي بيه
الشيخ مهران:-اللهم طولج ياروحح وتالي وياج انتي
ايليا بتهديد :-لاتصيح عليه حتة لا اعضك
الشيخ مهران:-اروح اكعد يم امي واستر على روحي مااريد الناس يكولون الشيخ مهران مرته كطمت اصبعه بعضه
عافني وراح وهو يدردم ماراضي نوب الاخ هو اني شمسويتله بس عضه الحمدلله والشكر مايتحمل شقه
(هيج شقه مايراد والله 😂)
______________________
مهيمن:-ضليت كاعد يم الحجيه انتظر مهران ينزل
الحجيه ترفه:-شبيك روحك رايحه عليها
مهيمن:-هاا حجيه مابيه شي بس منقهر عليها بعدها صغيرة مو مال تتحمل هيج يصير وياها
الحجيه ترفه:-لاتنقهر ربك عوضها خير بيك انته تعال كلي شنو قررتو ويه اهلها
مهيمن:-مثل كلامهم الماصخ الي ماله داعي
الحجيه ترفه:-راح تسوي مثل ماكالو؟
مهيمن:-شتكولين انتي؟
الحجيه ترفه:-ماراح توصل للابنيه ابدد وراح تشوفلك طريقه ثانيه حته تثبت برائتها كدام الناس كلهم
مهيمن:-ويلوموني من اكلهم محد يفهمني غير امي الحجيه
الحجيه ترفه:- شلون ماافهمك اني من عيونك اعرف بيك شتريد انسى بعد امك انسى كلشي صار وعيش حياتك وسامحهم ولاتنسى ترة ربك بلمرصاد الهم
مهيمن:-مااكدر يمه منظرها مايروح من بالي ابدد كل مااشوفهم سوة اتذكر ليل بجيها وحزنها واحقد عليهم اكثر
الحجيه ترفه:-لاتحقد يايمه لان نار الحقد تحرك الاخضر واليابس
مهيمن:- خليها حجيه ماراح تحرك اكثر من الي احترك
الحجيه ترفه:-حسبي الله ونعم الوكيل على كل واحد خلاك تصير هيج وتتغير
مهيمن:-الله كريم حجيه ماكو شي يضل لابد يجي يوم وينتهي كلشي
الحجيه ترفه:-اتمنى من كل كلبي ماتصير نهايتك مثل نهايه اخيك مهران وتحترك بنارين بدل نار وحدة
مهيمن:-لاتخافين عليه حجيه اني كلبي مات من هذاك اليوم وهذا الفرق الوحيد الي بيني وبين اخوي مهران
الحجيه ترفه:- بس الي اشوفه يختلف عن حجيك اختلاف جذري
مهيمن:-المضاهر خداعه والعيون تجذب ترة
الحجيه ترفه:-كل العيون بس عيونك انته تختلف تفضحك وتحجي شنو الموجود بكلبك
مهيمن:- ماشاءالله عليج حجيه كايمه تقرين عيون ههههه
الحجيه ترفه:-هه تريد اتيه السالفه مني مو خوش يجي يوم وتجيني وتكول الحكيلي يمه وكعت بحبها
مهيمن:-هسة غير افتهم على منو تحجين
الحجيه ترفه:-شعلتك
مهيمن:-ههههه لا مو يمها اصلا ولا ابالي
الحجيه ترفه:-مبين
دخلت مرح ونارة كام مهيمن وكال
:-ها يابه نمشي هسة؟
هزت راسها بأيجاب بدون لاتحجي شي
مهيمن:-يلا حجيه ثيمالا
الحجيه ترفه:-الله وياك يمه
مرح:-رحت اني وهذا الزلمه الي اسمه مهيمن طلعنه نمشي برة مسافه بيتين ووصلنه لبيت ثاني يشبه بيت الشيخ سحب السيمه الموجودة بالباب وانفتح الباب وكال
مهيمن:- فوتي بويه لاتستحين
مرح:-فتت وهو وراي سد الباب ودخلنه للصاله وصار بوجهي مرة جبيرة بالعمر وجهه بشوش سلم عليها هو
مهيمن:-سلأم عليكم خاله ام حسين
ام حسين:-وعليكم السلام هلا يمه مهيمن
مهيمن:-ام حسين بلا امر عليج تكدرين تاخذين مرح فوك لغرفتي بين ما اخلص هذا الاتصال واجي
ام حسين:-تأمر امر يمه
مهيمن:-مايأمر عليج ضالم، شفتها واكفه وام حسين تحاول تحجي وياها بس هي فاصله باوعت عليه وعيونها متروسات دموع
مهيمن:- بويه مرح اصعدي وياها بس اخلص مكالمتي ويه الولد واجي خوش
هزت راسها بأيجاب وصار عندي فضول اريد اسمع صوتها عفتها وطلعت برة احجي ويه الولد
ام حسين:-تعالي يمه اصعدي وياي
مرح:-اجيت، رحت وياها وكلبي متروس خوف مااعرف ليش احس راح يصير شي مو زين هنا صعدت للغرفه ودخلتني ووكفت يمي تسألني اذا اريد شي او محتاجه شي انفتح الباب وصارت بوجهي هاي المرة الي اسمها فردوس صاحت بأم حسين بصوت عالي رج الغرفه رج
فردوس :-امشييي اطلعيي برةةة
ام حسين:-بس الاستاذ
فردوس:-بدون بس اسمعي كلامي واطلعي برة
ام حسين:-حاضر
طلعت ام حسين وهي سدت الباب وراها بدون ماتقفله تقدمت عليه واديها ورة ضهرها
فردوس:-ويه منو لعبتي وهسة اجيتي هنا سويتي روحج بريئه هاا
مرح بغباء :- مالعبت ويه احد اني جبيرة مالعب
فردوس:-هههههه صدكتج لج حيوانه تكولين ويه منو لعبتي لو امسح بيج الكاعع هااا
مرح بدموع:-والله خاله مالعبت ويه احدد
تقدم فردوس عليها بسرعه ولزمتها من شعرها وكامت تضرب بيها راجديات وتصيح عليهاا
:-كح*** سا**** لعبتي ويه الزلم وهسة اجيتي اخذتي مني حبيبي هااا والله اموتتجج ومااخليج تعيشين مرتاحه وياهه اموتجج بيدديي فهمتييي ديربالج تباوعين بوجهة اصلاا هو اليي ومستحيل يصير لوحدة ثانيه غيري
مرح:-اخخخ الله يخليج عوفيني والله اني معليه ممسويه شي لاتضربيني بابااااا الحكلييي ويننكككك
مهيمن:-خلصت اتصالي ودخلت للبيت وصلت للصاله واجاني صوتت مميز اول مرة اسمعه ركزت بيه صوت بنيه تصيح على ابوها تقربت اكثر وكفت يم الدرج هذا الصوت جاي من غرفتي سويت الدرج شبختين خلصته ووصلت لباب غرفتي فتحت الباب وصارت بوجهي فردوس نايمه على مرح وتضرب بيها راجديات وشعر مرح ملفوف على ايد فردوس
ركضت عليها ووخرتها من مرح لزمتها من شعرها وعطت بيهاا
مهيمن :-شلونن تتجرأين وتمدين ايدج على زوجتي هااا
فردوس :-مهيمن لاتحجي هيج ابوس ايدك لاتكول زوجتك محد الها حق تصير زوجتك غيري اني محد تكدر تحبك بكد مااني احبك عوفها خليها تولي اكيد ماضل واحد مالاعب بيها انته ماتلوكلك غير الاصيله
مهيمن:-وانتي كلتيها متلوكلي غير الاصيله وماكو وحده احسن من مرح بالنسبه الي
فردوس:- لاا لاا انته جاي تشاقه اكيد مستحيل تسوي هاي الطفله زوجتك مستحيل تعوفني وتاخذ هاي الساحرة
مهيمن:-تسواج وتسوة راسج مفهوممم امشي اطلعي برةة مني ولاتخليني اشوف وجهج مرة ثانيه حته لاانهيج على ايدي مفهومم
طلعت وهي تعدل بشعرها الي خلبصه الها مهيمن
مهيمن:- تعالي بابا اكعدي هنا
مرح:-رجعني يم ايليا هاي بس تكتل بيه وتكول كلام ماافتهمة مااخذت حبيبها اني حته مااعرفه اني
مهيمن:-معليج بيها هاي مخبله عوفج منها وتعاي اكعدي اريد احجي وياج بموضوع مهم
مرح:-رحت كعدت يمه مد ايده على شعري ورجعه ورة اذني ويحاول يرتب بسه لان هاي المرة هوسته الي
مهيمن:- باجر اخليج ترحين انتي وايليا للسوك حته تشترين الج ملابس وتلبسين حجاب هم لان انتي صرتي جبيرة ولازم تلبسيه
مرح:- بس اني مالبس حجاب
مهيمن:-اعرف بس هذا الشي غلط وانتي بنيه جبيرة وفاهمة وتعرفين ان الابنيه المسلمه لازم تلبس حجاب لان محد يستحق يشوف هاي الشعله غير الشخص الي تحبيه
مرح:- يعني حته انته ماتستحق تشوفه مو
مهيمن:-هههههه يعني اني شخص ماتحبينه؟؟
مرح:- اي قصدي هاا لا مو هيج
مهيمن:-هههههه شتعلت روحك مهران شورطتني باعي بابا عادي حته لو تلبسين الحجاب يمي سوي الي يريحج بس لازم تلبسيه موافقه؟
مرح:-موافقه
مهيمن:-هسة حلينه هاي الشغله هسة نجي للشغله الثانيه
مرح:-شنو هية
مهيمن:-هذا الولد الي على اساس لاعبه وياه تعرفينه
مرح:-عمو شنو لاعبه وياه كلكم تكولون هيج ترة اني مالاعبه ويه احد اني جبيرة اني اجيت هنا الكم حته تثبتون برأئتي من التهمة الي ذبوهة عليه عمي وابنه
مهيمن:-زين شنو كالو عليج همة
مرح:-كالو ان انتي عندج علاقه ويه ابن الجيران واتهموني بشرفي مو لاعبه وياه
مهيمن:-بابا ترة اثنيناتهم نفس المعنى يعني الواحد من يجي ويكول انته شنو لاعبه ويه ابن جيرانكم مثل مايكول ان انتي عندج علاقه ويه ابن جيرانكم افتهمتي عليه هسة؟
مرح:- كول والله
مهيمن:-والله
مرح:-عمو والله ماعندي شي وياه ولا لاعبه وياه ابدد
مهيمن:-خليني اكول صدكتج شنو الي يثبتلي صحه كلامج
مرح:-احلف على القرأن ان اني ماعندي شي وياه
مهيمن:-وانتي ماعندج غير الحلفان كلساع وحلفتي
مرح:-لعد شسوي محد جاي يصدكني شنو مااكول
مهيمن:-بعد ساعتين راح يجون اهلج
اني كلت هيج ومااشوف اله الابنيه وكفت على حيلها وكامت تضرب على وجهة وتبجي
مرح:-والله ماعندي شي وياه والله عمو عليك الله صدكني لاتنطيني الهم والله يكتلوني
تقربت عليها وحاولت اهديها بكلامي بس ماتسمع مني انهارت تبجي وتضرب على وجها سحبتها لحضني وطوقتها بأيديه وهمست بأذنها
:-اششش اهديي بابا مصدكج والله بس علكيفج ويه روحج
هدت شويه واني ضليت امسد على شعرها كعدت بالكاع وهي بعدها بحضني بعدتها عن حضني ورجعت شعرها ليورة
:-ليش هيج سويتي بوجهج الحلو هاا منو يستاهل هيج تزلغين وجهج علمودة هاا
:-ماتنطيني الهم
:-انطيهم روحي وماانطيج الهم لاتخافين بس اريدج تسمعين كلامي وشنو اكول تسويه تمام
:-تمام
عفتها وكمت فتحت الجرارة مالتي بيها سجينه ام الاي فتحتها ونزعت القميص مالتي هي شافتني وكامت على حيلهة وضلت تتراجع ليورة
مرح:-عمو شنو هاي السجينه شنو راح تسوي بيها
مهيمن:-اشش لاتخافين ماراح اسوي شي يأذيج
مرح:-حطيت ايدي على حلكي اكتم بيه صوت شهكاتي اباوع عليه حط السجينه على زندة وشكاه وضل الدم يجري منه فتح وحدة من الجرارات وطلع منها وصله بيضه ومسح بيها الدم ونوب جاب وحده ثانيه وشد بيها الجرح مال ايده
مهيمن:-بلا امر عليج بابا طلعيلي قميص من الكنتور من يمج
مرح:-كمت طلعت القميص اله من الكنتور وانطيته اله
مهيمن:-هسة راح اطلع اني الي اريده منج بس اطلع من الغرفه تقفلين الباب وراي وعندج هنا بهاي الثلاجه اكل وشرب ومااريد المح ضلج برة واني ماموجود مفهوم
مرح:- مفهوم
طلع هو واني سويت مثل ماكال كعدت على الجربايه وضليت ابجي انسطرت من البجي تمددت وماحسيت على روحي من نمت
_____________________
مهيمن:-اخذت الوصله الي بيها دم وحطيتها بعلاكه سودة ورحت يم مهران بالديوان
الشيخ مهران:-شسويت بسالفتك
مهيمن:-محلوله لاتخليها ابالك
الشيخ مهران:-كفو منك جنت ادري بيك مستحيل تخليها هيج
مهيمن:-محتاج مرتك بموضوع مهم
الشيخ مهران:-ورة الكعدة نكعد سوة وشنو تريد اني حاضر
مهيمن:-متقصر عضيدي متقصر
ضليت كاعد على نار حيل خايف من الي راح اسويه مااريد انحط بموقف الغباء بس مامبين عليها جذابه بس خوفك من هيجي ناس تطلع منهم كل البلاوي
نزار:-اكوووللل
مهيمن:-لاتجر بالحجايه لخاطر شيبات زليخه
نزار:-يعني هسة انتم صدكك تزوجتو
مهيمن:-منو تقصد
نزار:-انته واخوي الشيخ وعلي لحد هسة مامستوعب معقوله تزوجتو وانتم صار عمركم قرن اله شويه
مهيمن:-وهسة شتريد انته
نزار:-ماراح اكلك اريد اتزوج لان اعرف الجواب مالتكم لذلك حفاظا على كرامتي الباقيه راح اسكت
مهيمن:-عاشت ايدك تفتهم وعلي
نزار:-انته معلم واحنه منك نتعلم
مهيمن:-طايح حظ متصيرلك كل جارة
نزار:-اهووو هسة مو زين مني جاي ارفه عنكم
الشيخ مهران:- شكر الله سعيك حبيبي الي اريدة منك هسة شنو
نزار:-شنو شيخ
الشيخ مهران:-تكوم تفتح الباب وتستقبل الزلم الي اجت
نزار:-همة هذولي هم زلم.لخاطر ربك رياحين بيها رجوله اكثر منهم
الشيخ مهران:-وتالي وياك كوم استقبلهم
كام نزار استقبل الزلم ودخلهم للديوان حجه ابن عم مرح
:-هاا شيخ وين بياض بنت عمي
مهيمن:-بلكوة صبرت روحي وماكمت دست بمصارينه فتحت العلاكه ورفعت الوصله بيدي واني متقزز منهم ومن الموقف الي حطوني بيه بس اتحملته حته لاتروح ضحيه افكارهم المتحجرة بنيه بعمر الوردة
شيخ عشيرتهم:-بارك الله بيك زلم ماقصرت والله بيضت وجوهنا كدام الناس الخيرة
ابن عمها:- انطيني الوصله
اخذت الوصله وحطيتها بالجيس وكتله
:-شتسوي بيها
:-بياض بنت عمي ويضل يمنا
:-روح بابا روح لاتخليني اكوم اطيح حضك ترة اني ساكتلك علمود هاي الناس الخيرة لا وحق ابو فاضل اني من زمان حاط طلقه براسك ومخلص منك
شيخ عشيرتهم:-اسكتت ولكك لاتسوي مشاكل اعتذر منك بالنيابه عنه مايفتهم شي اعذره
مهيمن:-راح امشيها علمود خاطرج بس
شيخ عشيرتهم:-الله يخليك بويه هسة احنه نترخص منك
مهيمن:-الله وياكم
طلعو الزلم من الديوان وطلع وياهم نزار حته يوصلهم لباب الشارع
الشيخ مهران:-لو طاردهم مو احسن
مهيمن:-لو مو تصير عيب بحقنه جان طردتهم لعبوها لنفسي وحق ربك
الشيخ مهران:-حقك بس شفت شلون مشت عليهم
مهيمن:-مشت على شيخهم بس ابن عمها ذكي وراد يشكفنا همزين فريتها عليه
الشيخ مهران:-مايجي نقطه ببحرك ابن العم
_____________________
رياحين:-فتحت الموبايل وشفت الرساله جانت صورة يزن وهو بالمستشفى جانت ايدة مجبرة وراسه ملفوف بشاش اخذت موبايلي وصعدت فوك اتضل عليه اتصلت مرتين ورد عليه حجيت بسرعه
:-هاي شصاير وياك حبيبي
:-العفو اختي اني صديقه اليزن
:-ليش يزن وين وليش موبايله عندك؟
:-يزن بعده فاقد الوعي قبل شويه طلعوه من العمليات
:-شصاير وياه
:-صاير وياه حادث
:-وين؟
:-وهو طالع من البيت جان متعارك ويه ابوه وجده
:-ليش متعارك وياهم
:-لان ماقابلين يخطبونج اله
:-شنووو
:-مثل ما سمعتي فاتحهم بالموضوع يخصكم اثنينكم بس هم رفضو وهو طلع من البيت والبارحه رجع حاول وياهم بس هم رفضو وهو طلع عصبي وساق بسرعه وسوة الحادث
:-زين انته شدراك
:-هاا مو هو خابرني وهو يسوق واني جنت احاول اهدي بيه بس هو ماسمع مني وضل يسوق بسرعه وصار الحادث وياه
:-زين هو وين جان عايش اذا مثل متكول طالع من بيتهم
:-عايش بشقه بمحافظه ***
:-تحجي صدك شجابه لمحافظتي
:-اجه علمودج حته يكون قريب منج واكثر من مرة راد يجيج للكليه حته يحجي وياج بس جان كلما يجي يلكه ابن عمج موجود باب الكليه وميكدر يدخل
:-قصدك فهد؟
:-اي هو هذا
:-زين تكدر تتصل عليه من يصحى حباب اريد احجي وياه واطمن عليه
:-ادللي خيتي من يكعد احاجيه يتصل عليج ولو هو يهذي بأسمج وحته هو نايم انتي اسمج رياحين صح
:-صح، هسة لازم اسد الخط بس انتظر منك اتصال تمام
:-تمام خيتي
:-ثيمالا
:-الله وياج خويه
سديت الخط منه وضليت اباوع على شاشه موبايلي وصورته كدامي شلون متكسر تكسر ودموعي عشرة عشرة عليه مافكرت بيوم من الايام ان اني احبه لهاي الدرجه
انفتح الباب ودخلت عليه نارة اني سديت الموبايل وضليت امسح بدموعي تقربت عليه وبوجها علامات الخوف
نارة:-شبيج حبيبتي رياحين صاير وياج شي ليش تبجين
رياحين:-مابيه شي دزو درجات الامتحان واني درجتي ناصيه واني حيل تعبت بهذا الامتحان وانقهرت عليه وضليت ابجي
نارة:-تحجين صدك وكعتي كلبي تعاي ننزل جوة ايليا سوت كيكه تعاي ناكل
رياحين:-مااريد انتو اكلو الف عافيه
نارة:-لاتصيرين حيوانه تعاي ناكل
رياحين:-اهووو نارة لاتلحين كتلج مااريد شنو كوه هية عوفيني بحالي لخاطر الله
نارة:-تمام براحتج
عافتني وطلعت اكيد زعلت مني لان رفعت صوتي عليها بس والله مو بيدي كلبي نار على يزن اريد الوكت يمشي بسرعه حته اعرف عنه اخبار تريح كلبي
