رواية خفايا القدر الفصل الثاني 2 بقلم انين الروح

لا تخافين. 

شلون ماخاف وانت داخل عليه واني وحدي

.ما ادري بيج انتي اهنا وتره انه ما اتعديت عليج

 هم عندي خوات ابكدج ولازم اخاف عليهن

 اني احجي  وياها وصافن ع جمال وسحر وجها

.يله خويه لاتخافين مني اني كتلج انه ابن هالبيت واسمي ايوب حسبيني مثل اخوج 

انه طالع من رخصتج

.طلع من الغرفه 

هذا صدك يحجي ولا عبالك اكباله ابنيه

كمت طلعت شفت الساعه عشره الصبح 

حيل ولا حسيت ابد لا بليل ولا الفجر ع الصلى 

شنو من نومه ثكيله نمت 

.زينب.... خايبه رهف زين كعدتي جيت عليج اصحيج حتى تتريكين ويانه الكل كعد تعاي اكلي 

وين امي 

كاعده يمنه جاي تاكل 

.اكلج زينب منو ايوب

.هذا اخوي الوسط فدوه العينه دره من الله بس شبي .

لا مابي شي بس اسمعت البارحه يصيحون بسمه 

.اي جان محتاج عوجيه جدتي واخذها منها 

.رهف... هااا زين هو يتريك ويانه

.لالا تريكو وطلعو من زمان 

الزلم ياكلون بالديوان واحنه النسوان 

اكلنه بالربعه مالت البيت يله تعاي وياي خلي اوصلج 

.اي والله اريد امي 

.تعاي

.رحت وكعدت يم امي وحجيت وياها .

ماما تدرين صار اسبوع ماعرف شنو طعم النوم اليوم يله اكدرت انام ورتاح من صدك

.امي نوم العوافي حبيبتي

.صبو الاكل والمكان مليان نسوان ع بنات ع اطفال هاي شنو يوميه هيج هاي اشوكت راح اتفض اني متعلمه ع هدوء وراحه ماعدنه هيج هوسه احس نفسي راح ادوخ وتعب

اكلنه غسلوا الماعين صبوا جاي صاحتلي زينب

.تعاي رهف يمنه 

كمت رحت وياها للمطبخ 

ماشالله بي كومه بنات بكدي واكبر واصغر مني 

كعدت عالقنفه الموجوده 

جتي يمي رشا وسوالف 

شفتي هذا بيت جدي ما يفرغ ابد لا ليل ولا نهار الناس تروش بي 

وبيوم الماكو احد يحس جدي الدنيا وكفت بعد ومالها طعم ويظل بس يعيط عالبيت 

صبتلي زينب جاي اشربته وكمت رحت للباب اشوف من الشباك اجوائهم لان الناس الموجوده عبالك عرس مو بس اهل بيت 

 اني ابيتنه ماكو هيج حديقه عدنه مليانه ورد واشجار واكو تكرمون جلب حراسه عالي وقفص بلابل حيل عجبني المنظر اليشوفها يحسبها جنه من صدك 

واني صافنه عالحديقه وما اشوف اله الباب انفتح عليه وندار الجاي ع ثوبي ونجويت عطت وصوتي صار عالي لان جان حيل حار

.اااخ احتركت 

.ولج رهف شبيج 

زينب اندار الجاي عليه انجويت وكمز من الحراره

ومحسيت اله بضربه ع وجهي قويه طيرت فكي عطنه اني وزينب 

واجه صوت خشن بذني كان عصبي حيل

 وانتي شعندج واكفه وره الباب مو اكو زلم بالطرمه وجاي تذبح 

ماتستحين تتفرجين عالزلم البره اني شكم مره مانعكم من وكفه الباب والشباك 

انه دخلت للمطبخ من شفت هالثوله جاي تتفرج وشعرها يطاير من الشباك بنات سز 

والشباب اباوع عليهم متصفنين وسارحين بالخيال 

شنو تعلمتوا عالضرب والاهانه 

لج انتي زينب شنو دورج يمهن يراد حش 

ارجولجن حتى تتوبن 

رهف اباوع عليه وابجي ماعرف من الراشدي مدري من الحركه والنوب البنات كلها فاكه حلكها ومصدومات 🙄🙄🙄🙄

وهو ولا خجل بس يعيط ويغلط عليه عبالك عنده جاريه مو خطار 

سمعيني لج خاف بعدج متعلمتي من هالضربه مره ثانيه اكسر رجلج و كعدج وزن

لج زينب😠😠😠 منيه هاي وشسمها شو انه مشايفها بنت ياعم منهم 

جراح هاي رهف خطار جايه ويه عمي ابو علاء من بغداد علمود الحرب وهي متدري بعوايدنه بالبيت 

😠😠فهميها لعد ماكو وكفه كدام الباب

موخطار تاخذ راحتها 

صار تدلل انت محتاج شي اجيبلك شي

لا بس ولي من وجهي وحدتكم ماتستحي وماتجي اله بالرزاله يله وبعيطه امشن منا 

رهف ...افشلت هلكد ما حجه وترزلت كدام البنات

ارفعت عيني اشوف المطبخ فارغ ولا طير بي. 

مو جان مليان المطبخ بنات 

وين راحن ....؟

لج اسكتي انتي صدك محظوظه ما نكتلتي من جراح

 

شنو منكتلت لعد الراشدي الاكلته شنو هذا 

بويه ماكو وحده اكباله توكف كلهن يرجفن منه بس يسمعن صوته الكل يختل 

وحجت وحده.

لا زينب متوهمه بس اني ابقه من يجي واسمع صوته لان مااكدر ع ابعاده حبيب كلبي

.رهف بهمس هاي منو

.زينب هاي بنت خالي قحطان ازهار كاتله نفسها ع جراح 

منو جراح 

هسه الرزلج هسه هاي اشبيج شبساع نسيتي 

يمعوده هو اني منين اعرفه حتى انساه

ويع من كل عقلها اتحب هذا الوحش 

لا رجاءا ما اسمحلج تغلطين ع اخوي حدج 

انتي ماتعرفين اخوتي شنو من زلم والناس تهابهم وتحترمهم 

هو اصلا ممفكر يرتبط بيها 

كال عود يزوجها لان خالي قحطان موصي جراح عليها 

.ازهار يله عيوني كومي شنو عجبتج العكده بالكاع لو صوت جراح شل حركتج

.جراح تعاي ازهار 

.جايه ياكلبي

.لج اني كم مره كايلج لتكولين هاي الالفاظ المايعه

.غير انت حبيبي وخطيبي واحب ادلعك 

.ازهار اني لاحبيب ولا خطيب لظلين معلكه امل بيه انه ماازوج شيلي هالتفكير من بالج 

ازهار هاي شنو جراح اشو معاجبك الوضع

.اي معاجبني انه صحتج حتى تكلين الامج اريد تجي وياي البيتكم محتاج اوراق مال خالي ضامها 

.ازهار مو صار اني اروح وياك .

جراح كتلج اريد امج مو انتي

.هاي بعدكم بالمطبخ زينب

 وبعيطه شبيج مو كتلكم امشو منا 

اليوم شو مو ع بعضج زينب 

.لاخويه بس خطيه خليت الرهف ثلج لان حيل احمرت اصابع ايدها من الجاي  

.جراح والله انتن رعنات 

.رهف ليش تغلط فوك ما انت المتعدي

.جراح فتح وسع عيونه وعكد حاجبه 

من انفاسه تحسون صار نار كبره 

شنو شكلتي حظرتج وشلون تحجين ويايه

 اشهل صلافه الشايلتها انتي 

شو تعاي اهنا انتي منو اصلا .

جراح من كالت هيج اني صارت عيوني براسي ماكو مره بالديره كلها ترفع عيونها وتحاجيني هيج ابد رحت يمها صرت قريب عليها الزمتها من زندها وعتيتها عليه شكلتي عيدي ما اسمعت 

.رهف ليش حظرتك اطرش 

.جراح خرب ارفعت يدي اريد اضربها لزمتني زينب جراح اوكف هاي ظيفتنه البارحه اجت بالليل من بغداد ماتعرف اطباعك 

.جراح نزلت يدي زين علمي ظيفتج تحترم البيت البي وضب السانها ماعدنه بنات اجاوب الزلم كبل ينكص السانها وينذب لجلاب خليت وطلعت

.رهف.. هف شنو هذا اخوج شكد متعجرف 

زينب يعني شنو متعجرف 

يعني شكد شايف حاله ممصدك بروحه بس يعيط

اي طالع ع جدي وعمي ابو علاء هيج ما يتحاجون ومايرضون مره تعلي صوتها عليهم

لا اني ما اكدر هيج لازم نرجع البغداد

وين ترجعين والحرب كابه لستار اصبري اول وتالي ماتشوفي بعد

ليش هو مو وياكم عايش

ويانه بس ياخذه النهار ويرده اليل مانلحك نشوفه

.هااا

يله تعاي خلي احطلج دهن حروق 

وبعدها التهن البنات بالطبخ والتنظيف 

وناس طالعه وناس داخله 

حياتهم جدا متعبه وبشكل لا يطاق 

اشوف بنات ابو علاء منطلقات وياهم 

رشا ومها حتى يارا الصغيره 

تروح منا وتجي منا 

واكثر الاحيان اشوفها يم هذا الولد الي اسمه ايوب 

اكو هواي جهال بالبيت 

بعدها انصب الغده وهم رجعت كومه الماعين والتنظيف 

والنوب العصريه كلمن لزمتلها شغله 

رشا كومي رهف خلي نروح يمهن راح يخبزآ عالطين 

كمنه وطلعنه مكان يجنن زرع ونبات كومه وخضره واكو تنور شكبره مبني عالطين بي تنورين بدل واحد 

والبنات يخبزآ وريحه الخبز تجيب التايهه

ابنيه تخبز خبز عادي والثانيه تخبز ابو السمسم 

زينب .هله وميه هله بالحبيبات تعالن كعدآ اهنا جوه هالشجره 

كعدنه ونطتنه خبز السمسم اكلنه طعمه حيل طيب 

وظلينه نسولف 

رهف هاي حديقتنه الخلفيه هاي تخص البنات من نريد نكعد نجي اهنا نتعلل ونجيب هالنحب ناكله ونظل نسولف ونلعب هاي مكان ونستنه من نضوج 

المكان حيل حلو عجبني 

جا انتي بعدج ماشفتي شي 

خل اخلص واخذج لصفحه الثانيه تشوفين الحيوانات العدنه 

بس اني اخاف 

لا مايخوفن كلهن بالقفاص الهن بيوت 

بس عدنه طيور اشكال ارنال 

حتى طاوس ايوب مشتري يموت عالطاووس 

اي زين لعد نروح واشوفهن 

وانتهى النهار اجه الليل واني خايفه خاف هم اسمع صوت انفجارات وصواريخ صارت ساعه ٩ باليل

 الكل طلع وراح البيته

.ازهار ماحبيت هاي البنيه هاي من اول يوم وهيج ادلعت كدام جراح بس لا

لازم ما انطيها مجال ابد رحت عليها 

يله تصبحين ع خير بس اوصيج بعد لتوكفين وره باب المطبخ لان جراح حبيبي يدخل منها من يعجبه ومو معقوله لازم ينطيج انذار يله يدخل 

لان هذا بيته .

رهف ..اكلج شو انتي اكلتيني اكل بكلامج اعرفج تعرفيني لو عبالج ما اعرف ارد عليج لو خرسه 

لتخافين ع حبيبج القوي اصلا اني لوما وضع بغداد ما اجي ولا اوصل يمكم لتخليني براسج منو هو جراح حتى اهتم الوجوده او لا 

اني  ما اعرفكم  وان شالله اتفظ ونرجع لبيوتنه معززين مكرمين 

والساحه اعوفها الج والامثالج لان حبيبج المزعوم ميهز شعره من راسي

وكلامه عليكم انتوا وبس ماله دخل بيه

 عندي امي هي الامر الناهي بحياتي فهمتي عزيزتي

.ازهار اسمعي عدل لتحجين حجي زايد جراح زلمت السلف كله ومن جبيرها لصغيرها يمشي بشوره مو جاي انتي تكليلي منو هو جراح

اعرفي حدودج ولا تخليني اني اعرفها الج

 و ان شالله اتفظ بسرع وقت وتردين البيتج يالمايعه 😏😏😏

واذا معاجبج العيشه مالتنه واوامر حبيب كلبي عليج امشي من ديرتنه شعندج باقيه 

زينب ..ازهار انتبهي ع كلامج البنيه ضيفه ابيتنه واليغثها يغثنه 

ياريت تنتبهين لسوالفج لان عيب ما تطلع منه الحجايه الناقصه امشينه رهف 

.رهف .هاي صدك تحجي بنت خالج شكد شايفه حالها 

لج عيني فدوه شكد اكو شايفين حالهم ابيتكم

تسمحيلي زينب اروح يم امي 

وصلتني للغرفه ورجعت زينب للمطبخ 

صدك بطرانه هاي التافهه اني بس اريد ارجع وهاي تكلي لتوكفين وره الباب ولتحجين على جراح 

مدري جناح مدري شنو اسمه شنو هو موس ومسمي جراح حتى يجرح بالناس عدل عابت هيج اسم والله 

اوووف يابيتنه شكد حلو وبيك الهدوء اريد ارجع الغرفتي الفراشي المكاني اشتاقيت 

ولا عبالك كم ساعه عبالك صار شهر من عفت بيتنه شو ابد ماحبيت هذا المكان رحت الامي

ماما تعبت

صبري بنتي احنه ابيت غرب منعرف اطباعهم خل نكعد ونشوف تاليها وهالتسمعين بغداد نهجمت هجم 

زينب ..خاله تفضلوا بغرفت جدتي ارتاحوا

رحنه الغرفه نظيفه ومتعطره وحلوه الفراشات  تمددت يم امي فرشتلنه زينب ابغرفه جدتهم

زينب اني دوم انام يم جدتي لان اخاف باليل تريد تروح حمام او تشرب مي اني يمها 

ام رهف .عفيه عليج انتي اصيله وحبابه الله يوفقج لان تهتمين بالكبير

.اي خاله الكل يحب جدتي وابوي مايريد واحد من عدنه يزعلها لان هي بركت البيت

.ام رهف صح كلام ابوج...... اكلج حبيبتي اهنا هم اكو قصف

.لا خاله ماكو اكثر القصف بس بغداد 

.اي صح والله عشنه اسبوع بس رعب

ان شالله اليوم انام مرتاحين

.رهف اريد انام وما اسمع شي

.زينب نامي حبيبتي باوعت عالساعه جانت

 ساعه ١١ بليل بس من التعب بس اريد الزم المخده 

غفيت جان افز ع حركت زينب

 باوعت عالساعه كانت ٣ الفجر

كامت زينب من افراشها وطلعت من الغرفه اتأخرت ومارجعت تقريب الساعه كمت حسيت نفسي اريد اروح لصحيات  

طلعت اكبالي ساعه جداريه جانت تقريبا ساعه وحده تيهت ياهو الساعه الصح الي اهنا لو بالغرفه

باوعت ع صفحه اليمنه شفت ضوه المطبخ معتلك والباب مردود 

وصلت خفت ادك الباب لان ماعرف منو موجود جوه

بس اني اريد الصحيات وهمه صحياتهم خارج البيت اخاف اطلع وحدي 

دكيت الباب عالخفيف وفتحته شفت

زينب واخوها منتبهت منو لان ملحكت اشوفه ابساع رجعت سديت الباب 

تعذرت ورجعت اسمعت صوته الخشن المخيف تعاي شعندج 

.من وره الباب معرفته منو هذا

 بس جاوبته لاماكو شي راح ارجع 

.كتلج تعاي 

.خفت رجعت فتحت الباب ع كيف ودخلت وكفت ابصف الباب لزك رفعت بصري

 اهووووو هذا الغثيث المتعجرف صار ابوجهي الصبح

.زينب ها حبي شبيج جوعانه

.رهف لا بس ردت الروح للصح............. ونتبهت ع كلامي وسكتت شفتهم اثنينهم ضحكوا 

استغربت هذا الرجل الجاف الي الصبح رزلني وكان خشن وفض ويايه هسه يضحك يعني يعرف شنو الضحك 

جراح .وعاد رحتي ...وانتي بهذا مظهرج 😏

رهف من الفشله بعد ماجاوبت

زينب .تعاي اكعدي يمنه

لا اعوفكم ابراحتكم

دتعاي .اشبيج

عوفيها خل اتروح 

طلعت من المطبخ عمه شكد وقح هذا اخوها ومتعجرف وشايف حاله عباله هو قحط

 الحمدلله مو من كرايبي لو اخويه جان من زمان كتلت حالي ولا اشوف خلقته 

مرحت لصحيات رجعت لفراشي والحضن امي بستها ونمت صحيت الساعه ٨ ع صوتهم هاي شكو من الغبشه يصحون شعدهم باوعت بس اني وامي نايمين

رجعت نمت بس ماكدرت لان اصواتهم عاليه حتى الاطرش يسمع ادمرت

اخر شي صحيت ماما وكمنه اثنينه غسلنه وطلعنه عليهم انسلم 

البنات جاي يحظرا الريوك فتنه للمطبخ اكبال المطبخ اكو طرمه جبيره فارشين الفراش بالكاع والكل موجود وكاعد اني اكعدت يم امي واخوي احمد

ام جراح عرفتنه ع ولدها

.ام احمد هذوله ولدي الجبير جراح الوسط ايوب الصغير رضا

ام احمد اهلاوسهلا نتشرف بيكم 

.ايوب النه الشرف خاله منورين ديرتنه

 احنه بينه عاده يوميه نتريك جميع لان نهارنه مشغولين بالعمل عدنه كيعان واراضي زراعيه وحلال جثير ما نلحك انشوف بعض بس الصبح نلتم ع الريوك

جراح .. عاكدين ومانشوف اله هاي المبتسمه هي وامها جايات سلمن وكعدا 

النوب بنتها مو محجبه وشعرها يطاير واصفر لونه وهاي وين تاكل عدنه هيج شي 

بله واحد من ولد عمامي فات وشاف شعرها وهي شكلها حلو وشكره كلش وجذاب غير معناها نصير علج 

لان محد يعرف هاي تكون جاره عمي ابوعلاء

حسبالهم كرايب عمي من بغداد

.ام احمد ابوعلاء شخبار بغداد

.والله ياخيتي بعدها عالكه 

زين ابو علاء اني محتاجه راديو ماحب اكون مثل الطرشه اريد اعرف شراح يصير

تدللين خويه من اطلع اجيبلج

ام احمد اي جيب خويه واني انطيك افلوسه

.اشمالج خويه موعيب هالحجي شنو ماعندي واخذ منج

.ام احمد لا لا ع راسي كلامك بس اني اريده الي

. جراح هو الج محد ياخذ

.ام احمد لا مفهمت قصدي ابني انت

جراح افهمت بس احنه ماناخذ حق شي انجيبه وبالاخص من النسوان

نزعجت خليت وكمت مشيت خطوتين ارجعت صدك ماكتلج لاطلعين بنتج مفرعه شعرها هين مو بغداد 

احنه بيتنه يروش وبيت العمام يجون لينه مايجوز هيج بنتج تطلع

.ام احمد صار ان شالله صدك والله حقكم 

رهف .هف هذا شيحجي شنو البس حجاب ومنو هو وشنو شايف حاله عليه مو من حقه يأمر امي تلبسني حجاب 

من بعد ما كام جراح كام ابوهم وعمهم ابوعلاء 

بقه بس ايوب ورضا

.ايوب وين صافنه ياورده

.لا مصافنه دا اكل 

وكام ايوب ينكت ويضحك واحنه نضحك وياه رضا كام الدوامه

بقن البنات وايوب صدك صارت الكعده حلوه ضحك وشقه وسوالف عرفت ايوب طبعه حلو عكس جراح 

ورضا مفهمت منه شي بس اشويه وكام 

سئلوني عن بغداد البنات مشايفات بغداد ظليت اسولف عنها

.ايوب اني بس مرتين رايح البغداد اضوج اروح علمود بعد المسافه والطريق المتعب ما اتحمله بس هي جنه صدك جنه.

رهف بس هسه ماادري اصار بيها ابسبب الحرب تدري البارحه يله اكدرت انام مرتاحه من غير ما اسمع اصوات الصواريخ والانفجارات والرمي صدك نمت من غير خوف

.ايوب نوم العوافي يوميه هيج نامي طبعا اني احجي وياها وغركان بعيونها وحسنها سبحان الخالق 

شكد حلوه هاي البنيه اوووف ياكلبي واخيرا اكو الكدر يصيدك بديت اسرح وياها ماابدي اكوم من يمها صارت الساعه ١٠ الصبح

انت يل اغم متكوم منا شنو عاجبتك كعده النسوان 

.اي اي جاي جراح انتظرني

.زينب هاي ليش هيج اخوج دوم عصبي

هو هيج من فتحت عيوني لدنيا وهو عصبي وما يتفاهم ابد ومايسمع الاحد ابد عندج شي تردين تكولين اله احجي ويجدتي

 وهي توصله لان هيه الوحيده التكدر ع جراح 

وهو مايردلها طلب بس كل البنات ما تكدر تحجي وياه 

رهف ...بس ازهار يمكن تكدر تحجي وياها 

.لاوعيونج اصلا ميطيق شوفتها بس هي

لازكتله وبحجه  خالي قحطان وصه جراح عليها قبل لايموت

ف جراح مايريد يكسر احجايه خالي ويقهر امي 

لان امي اخوها قحطان جان روحها من الدنيا هو اخوها التوأئم

ف جراح يستخطيها وبس 

مايريد يزوج هسه قافل عالزواج 

.كمنه انلم بالماعين اني والبنات

 رشا .اهووو جتي الغثيثه

.رهف منو الغثيثه هسه الجتي 

رشا انداري وشوفيها