رواية عمر الديب صقر المخابرات الفصل الثاني
بسم الله توكلت علي الله. وهو رب العرش العظيم
وفي نفس الليلة وعند أذان العشاء يرجع عمر الي شقة والدة اللواء ابراهيم ويدخل الي الشقة وينادي علي والدة وهو يقول
انت فين. يا سيادة اللواء
ولكن ابراهيم ما كنش في الشقة فاخرج عمر الموبيل بتاعه واتصل علي موبيل ابراهيم ويرد ابراهيم قائلا
ايوة يا عمر
عمر وهو يسمع صوت قران شغال وكانه عزاء فيقول
انت فين يا سيادة اللواء
ابراهيم
انا في عزاء جارنا الاستاذ توفيق
عمر بلامبالاة
اخيرا مات دة كان مصدعنة بكحتة اللي كانت بتصحينا من النوم
ابراهيم بضيق
عمر. ما يصحش كدة. والمفروض تيجي تعزي ابنة رامي
عمر
بقول لك اية يا سيادة اللواء انا راجع تعبان من الشغل وعايز ارتاح بعدين بعدين
ابراهيم بحزم
ما فيش بعدين الواجب ما يستناش. احنا في دار المناسبات اللي علي اول الشارع تعالي اعمل الواجب وامشي علي طول
عمر
يا ،،،،،،،
فيقاطعة ابراهيم
مش عايز اسمع ولا كلمة الواجب ميستناش
فينهي اللواء ابراهيم المكالمة وعمر بضيق يقول
يوووووو. هو لية بيتعامل معايا علي اني لسة عيل صغير.،،
ومن داخل دار المناسبات يقام عزاء الاستاذ توفيق و يقف رامي ابنة ومعه مجموعة من الاقارب والاصدقاء ويدخل الي دار المناسبات عمر فينظر له رامي بضيق فيمد له عمر يدة لكي يسلم علية ولكن رامي يبص لايد عمر ويبص لعمر في عيونة ويقول بصوت عالي
جاي تعزي في وانت السبب في موتة
استغرب عمر وكل الحاضرين بما فيهم ابراهيم اللي قام وراح ناحية رامي وعمر بيقول بتعالي
انت بتتكلم معايا ازاي كدة. انت مجنون. دة انا احبسك
يا روح امك
فيقف ابراهيم قدام عمر ويقول
عمر بس
ويبص ابراهيم لرامي فيقول رامي
خد ابنك وامشي يا سيادة اللواء
ابراهيم
انت بتطردنا يا رامي
رامي
انت علي راسي يا سيادة يا اللواء انما عمر لا.
عمر وهو بيمد ايدة هايمسك في ولكن ابراهيم يمنعه وهو يقول
عمر. اية هتتخانق وانا واقف
عمر بنرفزة
انت مش سامع البتاع دة بيقول اية. انا عمر الديب يطردني واحد زي دة
رامي وهو بيبص في عيون عمر بغل
من حقي. لانك انت السبب في موت والدي
فيبص ابراهيم لرامي ويقول
لية بتقول. كدة يا رامي
رامي وهو متاثر جدا
ابنك يا سيادة اللواء طلع سلاح من جيبة وخرم عجل العربية بتاعتي نيم الاربع عجلات علي الارض نزلت بوالدي وهو قاطع النفس تقريبا لقيت عربيتي كدة أقعد ادور علي تاكسي حوالي نص ساعة. لغاية ما لقيت خد والدي وروحت المستشفي عقبال ما وصلت بي كان مات.
فيبص ابراهيم لعمر وهو مضايق منه وصعبان علية رامي ورامي كمل وقال والدمعه بتفر من عينة
وكل دة لية عشان ركنت مكان عمر باشا. تخيل لو كنت نزلت وخد والدي في العربية بتاعتي وكسبت وقت كان ممكن ما يكنش في عزاء النهاردة لكن عشان ركنة. بني ادم مات. وجاي دلوقتي ويعزي مش محتاج عزا ومن فضلك يا سيادة اللواء خلي يمشي
فيهجم اخوات توفيق علي عمر ويحاولو الامساك به وواحد منهم بيقول بعصبية
يمشي ازاي دة لازم يتعلم الادب.
وواحد تاني قال وهو بيمسك عمر من لاياقة قميصة
لية ما قولتش ان الحكاية كدة كنا دفنا مع اخونا
فخرج عمر سلاحة وضرب نار في سقف دار المناسبات عشان يبعد اخوات توفيق عنهم وقال
اللي هايمد ايدة علية هارقدة جثة
فيمسك ابراهيم السلاح من عمر بعصبية وهو يقول
لية عايشين في غابة.
عمر
انا بدافع عن نفسي
رامي قال. وهو بيبعد الناس عن عمر ويقول بعصبية
خلاص يا جماعة ما ينفعش كدة العزاء لي احترامة.
ويبص رامي لابراهيم
خد عمر وامشي يا سيادة اللواء
ابراهيم
حقك علية يا رامي يا ابني
ويبص ابراهيم لعمر وهو يقول
يالا. قدامي
فيمشي عمر قدام ابراهيم، ،،،،،،،،،
ومن داخل شقة اللواء ابراهيم يقف اللواء ابراهيم قدام عمر وعمر بيقول بحدة
كنت سيبتني عليهم عرفتهم مقامهم الكلاب دول
ابراهيم
انا كام مرة اقول لك اتعامل مع الناس بتواضع وانسي انك ابوك لواء عشان تلاقي حد يحبك لشخصك مش خوف منك
عمر
جري اية يا سيادة اللواء الناس دي احنا بنحميهم وبنعرض نفسنا للموت عشان هما يعيشوا بسلام
ابراهيم
ودة يديك الحق انك تدوس علي رقابتهم ولا كانك بتجبي عليهم بحمايتك ليهم. انت بتقدم واجبك وشغلك مش عايز تحميهم شوف لك شغلانه تانية. فوق يا صقر المخابرات انا علمتك وربيتك عشان تكون في خدمة الناس مش تكون الجلاد بتاعهم
عمر بلامبالاة
هو كان اية اللي حصل لدة كلة
ابراهيم بعصبية
اللي حصل ان في واحد مات بسببك النهاردة.
عمر
دة نصيبة وعمرة وانتهي
ابراهيم
مافيش فايدة فيك علمت وربيت وانت مش عايز تتغير
عمر بعصبية وهو رايح ناحية اوضة
انا رايح انام
فيبص علية ابراهيم وهو حزين، ،،،،،،،،،،
ومن داخل فيلا فيروز تقعد فيروز علي السرير الخاص بيها في حجرتها ومعها صاحبتها عبلة. اللي كانت بتقول لها
مش عاجبني كلامك ولا استسلامك لازم تكوني اقوي من كدة
فيروز
اقوي ازاي يعني بابا وطلع جاسوس واللي حبيتة من كل قلبي طلع بيلعب بيا وعايزاني ابقي قوية اعملها ازاي دي
عبلة
ركزي في شغلك واباحثك وحياتك وانسي كل اللي فات
فيروز باستهزاء
انسي. صدقي فكرة حلوة. بس تنفع تكون مع اللي ايدة في المية. يعني واحدة زيك. لكن انا ايدية في النار والنار حرقتني انا فعمرك ما هاتحسي باللي انا حاسة
عبلة
خلاص انتحري زي ما انتي عايزا
فيروز
هي دي النهاية لوحدة زيي. انا مش هاعرف انسي ولا هاعرف اعيش والناس تشوفني وتقول بنت الجاسوس اهو عشان كدة الموت احسن ليا
عبلة
والله عيب عليكي يا متعلمة انك تهربي من مشكلة بالانتحار وتموتي كافرة
فيروز
عبلة. قومي امشي انا اصلا مش عايزا اتكلم مع حد
عبلة
مش هامشي واسيبك في الحالة دي
فيروز
لا هاتمشي
وقامت فيروز وسحبت عبلة من ذراعها وخرجتها برة الاوضة غصب عنها وقفلت الباب بمفتاح من جوة وفضلت عبلة تخبط علي الباب عايزا تخش وبصيت فيروز ناحية شريط برشام منوم كان علي سريرها وراحت ناحية الشريط ومسكتة بايديها، ،،،،،.،،،،
وبعدها بيوم ومن داخل مكتب التحقيقات يجلس عمر علي مكتبة وامام منه الدكتور فايز ويقول
برضو مش عايز تقول. المنظمة عايزا اية من تحليل الجينات الوراثية للمصرين
فايز يبص لعمر ويسكت فيقول عمر
ساعدني وساعد نفسك خليك تطلع من القضية دي باقل الخساير. وبدل ما يتحكم عليك بأعدام يتخفف الحكم
فيمسك فايز رقبتة وهو يتخيل نفسه بيتشنق فيقف عمر وهو يقول
خوفت من الموت صح
فايز
ومين فينا مايخفش من الموت
عمر
طيب يبقي اتفقنا. الافعي عايزا اية من البحث
فايز
ماعرفش والله العظيم انا كل اللي اعرفة ان دنيال طلب مني البحث دة واشتغلت علية لغاية ماجهز وخلصتة وقررت ادي هو له في فرحك علي فيروز.
ويحن قلب فايز ويشتاق لبنتة الوحيدة ويقول
هو انا ممكن اشوف فيروز
عمر
هاخليك تشوفها بس لما احس انك تستاهل
فايز
انا قولت لك كل اللي اعرفة
عمر وهو بيبص له في عينية
مش عارف لية مش مصدقك.
وفي هذة اللحظة يرن تيلفون مكتب عمر فيرد عمر قائلا
الو
ويسكت للحظات ثم يقول
جاي لك حالا يا فندم
ويبص عمر لفايز ويقول له
انا هاسيبك هنا تفكر وتفتكر اي معلومة ممكن تنفعك وتنفعنا
ويخرج عمر من المكتب ويسيب في فايز، ،،،،،،،،
ومن داخل مكتب السيد كامل يجلس باسم وامامه عمر ومعهم السيد كامل اللي بيعرض صور وفيديوهات لوصول ديفيد وسوريا لمطار القاهرة ورسالة من الافعي وهي بتقول بصوت مش واضح ان كان راجل ولا ست
ديفيد وسوريا وصله مصر وهايكمله المهمة وانا عايزا حد منكم يمنعهم لو يقدر. وهاينزلو في فندق النيل هيلتون بالتحرير. لو تقدرو امنعوهم
وتكرر الجملة اكتر من مرة بتحدي صارخ
لو تقدرو امنعوهم
وخلص الفيديو والصور علي كدة وبص السيد كامل لعمر وباسم وقال
أية رايكم في اللي شوفتو وسمعتو. دة
باسم
في حاجة غامضة الافعي بتتحدنا و بتبلغ لنا عن وصول رجالتها
عمر
وكمان بتعرفنا مكانهم
باسم وهو يفكر
طيب لية
السيد كامل
طيب لية. دي الفزورة الكبيرة اللي عايزين ليها حل
عمر بتركيز شديد
ممكن يا فندم تعيد الفيديو والصور من تاني
فيشغل السيد كامل الفيديو ويكرر عرض الصور. وعمر يقول
عيد الرسالة الصوتية تاني يا فندم
ويعيد السيد كامل الرسالة الصوتية مرة اخري فيقول عمر
الرسالة دي مبعوتة من مصر وبصوت حد بيتكلم مصري كويس
باسم باستهزاء
وانت عرفت ازاي يا عبقري
عمر
والصوت بيقول. وانا عايزا حد منكم يمنعهم طلع صوت بيقول حد بيقول بيكيا
باسم للسيد كامل
عيد تاني يا فندم معلش
وفعلا يعيدو الصوت مرة تانية ويسمعوا صوت حد مع صوت الافعي بيقول بيكيا والرسالة متسجلة بصوت بيتكلم مصري مظبوط فيبص باسم لعمر ويقول
مع اني مش حابب اقول الكلام اللي هاقوله دة. بس برافو عليك
عمر
يا ابني انت من غيري تتوهه في المهمة دي
باسم
لا بقي انت محتاجني اكتر ما انا محتاجك
السيد كامل بحدة
وبعدين بقي. نركز شوية هنا. ونشوف ممكن نكسب اية من وراء اللي حصل دة
عمر
ولا اي حاجة.
السيد كامل
يعني اية
عمر
يعني الافعي مش غبية عشان وهي بتبعد رسالة لينا تغلط غلطة زي دي
باسم
تقصد انها عايزة توهمنا ان الرسالة طالعة من قلب مصر وانها في مصر
عمر
الله ينور عليك
باسم
حركة صايعة
السيد كامل بضيق
وبعدين. احنا مش قاعدين علي قهوة
باسم باحراج
اسف يا فندم.
السيد كامل
عمر لازم نحط كل الاحتمالات تحت عيننا. لان ممكن فعلا تكون الافعي في مصر وعايزا بالغلط دي تخلينا نفكر في العكس وممكن تكون برة مصر وعايزا تخلينا نفكر انها في مصر المهم اننا نصدق كل الاحتمالات ونلعب معها زي ماهي عايزا. واول حاجة لازم نعملها تفكتروا هي اية
باسم
نراقب ديفيد وسوريا
عمر بمكر
غلط. نوصل لخبير
السيد كامل
صح. السر كله عند خبير
عمر
الافعي عايزنا نركز مع ديفيد وسوريا عشان خبير ينفذ المهمة بمنتهي الراحة
باسم
يبقي لازم نوصل لمكان خبير
عمر ضاحكا
انا قولت كدة علي فكرة
باسم بغيظ
لا. عبقري.
عمر
يااااااااا. لو نعرف المكان المستخبي في خبير
في هذة اللحظة يرن موبيل عمر بنغمة الرسايل فيخرج عمر الموبيل بتاعة ويبص في الرسايل فيلاقي رسالة مكتوب فيها
لو عايز توصل لخبير خليك وراء البابا. اللواء ابراهيم
انصدم عمر من اللي شافة، ،،،،،،،،،،،،
