رواية عمر الديب صقر المخابرات الفصل الثالث
بسم الله توكلت علي الله. وهو رب العرش العظيم
في هذة اللحظة يرن موبيل عمر بنغمة الرسايل فيخرج عمر الموبيل بتاعة ويبص في الرسايل فيلاقي رسالة مكتوب فيها
لو عايز توصل لخبير خليك وراء البابا. اللواء ابراهيم
انصدم عمر من اللي شافة وقفل الموبيل بسرعة عشان ماحدش ياخد باله لكن باسم كان باصص علي الرسالة ولاحظ ارتباك عمر وقال
في اية يا عمر
عمر بعصبية
ماتركز معايا ماشي
باسم بحدة
مالك يا عمر بتكلم لية كدة
عمر
انا حر اتكلم زي ما انا عايز
فيخبط السيد كامل بايدة علي المكتب ويقول
اظن عيب قوي اللي بيحصل في مكتبي دة. احنا مش صغيرين
باسم
ما انت شايف يا فندم بيتكلم ازاي
السيد كامل
خلاص يا باسم. ماتخلونيش اندم اني بتعامل معاكم زي ولادي. لكني لو دخلت الرسميات انتو الاتنين هاتتعرضو للجزأ
عمر
انا اسف يا فندم. و لو تسمح لي امشي دلوقتي
السيد كامل
بس احنا لسة مخلصناش كلامنا
عمر
معلش اصل والدي تعبان شوية
السيد كامل
لا. الف سلامة علية تقدر تستاذن
وقام عمر وخرج من المكتب وقفل الباب وراء منه وباسم بص للسيد كامل وقال
والدة مش تعبان ولا حاجة.
السيد كامل باهتمام
تقصد اية
باسم
الرسالة اللي جت لعمر دلوقتي كان مكتوب فيها خبير لكني ما لحقتش اقراء باقي الرسالة لانه قفل الموبيل بسرعه
انصدم السيد كامل وقال
انت متاكد يا باسم
باسم
متاكد يا فندم.
السيد كامل
طيب ولية عمر يكذب ويقول ان والدة تعبان
باسم
السؤال دة بقي اجابتة عند عمر نفسه
السيد كامل
كدة الموضوع في أنا ولازم نعرفها
باسم
خلي دي بقي علية انا يا فندم، ،،،،،،،،،،
ومن داخل عربية عمر ينطلق عمر بالعربية وبمنتهي السرعة وهو عمال يسال نفسه
اي علاقة والدي اللواء ابراهيم بواحد زي خبير ولية اول ما سالت علي عنوان خبير جيت لي الرساله دي معقول تكون صدفة ولا في حد زارع لي جهاز تصنت
وداس عمر فرامل مرة واحدة ووقفت العربية وقلع عمر جاكت البدلة وخرج جهاز صغير من تبلو العربية الجهاز دة بيصفر اول ما يكون في جهاز تصنت مزروع في الهدوم وبدأ يمشي الجهاز دة علي كلة حتة في جاكت البدلة ولكن مافيش اي حاجة. فقلع القميص ومشي الجهاز علي القميص وبرضو مافيش اي تغير استغرب وقال
اكيد صدفة. ماهو برضو مين هايزرع لي جهاز تصنت من غير ما عرف
ولبس القميص تاني وانطلق بالسيارة، ،،،،،،،
ومن داخل شقة اللواء ابراهيم يجلس عمر قدام ابراهيم وابراهيم ماسك الموبيل وبيقرأ الرسالة اللي اتبعت لعمر ويرتبك اللواء ابراهيم ويبص لعمر ويقول
مين اللي بعت لك الرسالة دي
عمر
هاتفرق معاك.
ويمسك عمر الموبيل ويبعدة من امام والدة. وهو يقول
تعرف خبير منين يا سيادة اللواء.
اللواء ابراهيم وارتباكة بيزيد يقول
الرسالة دي كذب. انا ماعرفش حد اسمة خبير
عمر وهو بيبص في عيونه اكتر
مشكلتك انك ما بتعرفش تكذب
ابراهيم وهو يقف منفعلا
احترم نفسك يا عمر انا مش كذاب
عمر وهو بيقف قدامه
تعرف الجاسوس دة منين
ابراهيم وهو بيدخل اوضة
انا قولت لك اللي عندي. وماعنديش كلام تاني اقوله
ويدخل ابراهيم اوضة ويقفل الباب وراء منه وعمر بيبص له وبيقول
مش مصدقك يا سيادة اللواء. مش مصدقك.
ويفتح عمر الباب ويدخل وراء منه ويلاقي أبراهيم قاعد علي السرير وفي ايدة صور لي هو وخبير وفاطمة معهم ويبص ابراهيم لعمر ويقول
خبير يبقي جوز فاطمة اختي.
فينصدم عمر ويقعد جنب ابراهيم وهو يقول
جوز اختك
ابراهيم وهو بيبص لعمر
ومش بس كدة دة كمان يبقي ابوك
انصدم عمر اكتر واكتر وكمل ابراهيم قائلا
من سنين وانا شايل هم اليوم دة وكان نفسي اموت قبل ما تعرف الحقيقة مني لكن لازم كنت هاتعرف في يوم. واهو جه اليوم اللي تعرف في الحقيقة. ومش هاينفع اخبي عليك اكتر من كدة
عمر وهو مش مستوعب اللي بيتقال
لا. لا. اكيد في حاجة غلط. انا والدي يطلع جاسوس
ابراهيم بتاثر شديد
هي دي الحقيقة انت ابن خبير وفاطمة وكمان ليك اخ من مرات خبير الثانية سوريا واسمة عماد
عمر بكسرة نفس
ديفيد كمان اخويا. واية كمان.
ابراهيم وهو باصص في الارض
انا اللي هربت خبير عشان ما استحملتش اشوف اختي بتتعذب وكانت هاتموت وخصوصا بعد الحادثة اللي حصلت لها وخلتها عاجزة وطلب مني خبير بعد ماعرفت حقيقتة اني افضل مخبي علي فاطمة وخطفك من وراها وجابك ليا وقالي اكتبك باسمي عشان ماتكبرش وتعرف ان ابوك جاسوس وكمان مستقبلك يبقي احسن وتشتغل شغلانة تشرف وهرب هو واختي فاطمة لمكان ماحدش يعرفه
عمر وهو مصدوم
عمر الديب. يطلع أبوه واخوه جواسيس وكمان انا متكلف بالقبض عليهم.
ابراهيم باستغراب
انت بتقول اية
عمر
بقول اللي انت سمعتة يا سيادة اللواء. هي دي مهمتي. اني اقبض عليهم واسلمهم بايدي لحبل المشنقة.
ويقف عمر ويبص لي ابراهيم وهو يقول
تعرف مكان خبير
ابراهيم
ماعرفش اي حاجة عنه من يوم ما هرب هو واختي
عمر
كذبة دي كمان
ابراهيم
لا. دي حقيقة
فيبص له عمر ويخرج من الاوضة وهو هايتجنن من اللي عرفه ،،،،،،،،،،،،
وخرج عمر من العمارة وهو حابس دموعه بالعافية مش مصدق نفسه ولقي بواب العمارة بيبص له وبيقول له
طالع فيها وانت في الاصل ابن جاسوس
فهجم عمر علي البواب ومسكة من لايقة القميص وقال بعصبية
انت ازاي يا حيوان تقول كدة.
انصدم البواب وقال
قولت اية يا عمر بية
عمر
انت مش لسة قايل دلوقتي اني ابن،،،،،،،،،،
لكنة سكت وساب هدوم البواب لانة كان بيتخيل ان البواب قال كدة وبص للبواب وركب عربيتة ومشي والبواب بيبص ناحيتة وهو بيضرب كف علي كف ومستغرب اللي حصل، ،،
وتمر ساعة ويقعد عمر جوة كافية متعود انه يقعد في. وبيشرب فنجان القهوة بتاعته وعمال يقول
محتاج اتكلم مع حد. انا هاتجنن بس اكلم مين واقول اية هو اللي انا عرفته دة ينفع اتكلم في حتي مع نفسي. ازاي يوصل بيا الحال لكدة مش عارف انا عايز اية اكمل المهمة واسلم اهلي لحبل المشنقة ولا ابعد واخلي باسم يكمل لوحدة. لا. انا الصح اني اسيب المخابرات خالص اقدم استقالتي انا مش هاينفع اكون ظابط مخابرات ووالدي جاسوس بيخرب في البلد وعايزها تخرب
وفي هذة اللحظة يحس عمر بوجع شديد في معدتة ويمسك معدتة وهو بيتوجع ويلاقي قدامة فيروز بتبص في عيونة وتقول له
شربت السم كله. برافو عليك
ويمد عمر ايدة عايز يمسك فيروز لكنها مشيت من قدامة وهو مش قادر يتكلم من الوجع ووقع علي الارض بيصرخ اتلم كل في الكافية وحاولو يساعدو واتصل واحد منهم بالاسعاف ووقفت وسط الحاضرين فتاة جميلة جدا جمالها صارخ وترتدي نظارة طبية ومعها شنطة اسعافات اولية وتدعي ملك. وقالت
ممكن توسعو يا جماعة وخلو الاكسجين يوصل للمريض،
احدي الواقفين وهو من عمال الكافية قال
دكتورة ملك كويس انك هنا
ملك وهي تقيس نبض عمر. تقول لهذا العامل
هو اية اللي حصل يا سعيد
سعيد
كان بيشرب فنجان قهوة ومرة واحدة وقع كدة
فاخرجت ملك بسرعة حقنة واديتها لعمر في الوريد وسعيد بيقول لها
هو عندة اية يا دكتورة ملك
ملك وهي بتابع اعراض التسمم اللي باينة علي عمر قالت
باين علية اتعرض لحالة تسمم.
سعيد مفزوعا هو وكل الحاضرين قال
تسمم
ملك
مش عايزا حد يقلق الحقنة اللي خدها في الوريد دي باذن الله هاتقلل سريان السم في الدم لغاية ما تيجي عربية الاسعاف وننقلة للمستشفي وهناك يتم علاجة ،،،،،،،،،
وبعد منتصف الليل ومن امام مصنع كبير مهجور يقف ثلاث سيارات جيب عليهم علامة شعار الافعي وينزل من اول سيارة ديفيد والسيارة الثانية سوريا والسيارة الثالثة خبير ويقفوا الثلاثة قدام بعض وتنظر سوريا لخبير باشتياق كبير وتقول
يااااا يا خبير سنين كتير عدت من غير ما اشوفك. وحشتني
وتقترب من خبير ولكن خبير يبتعد عنها وهو يقول
احنا جائين هنا في شغل اركني الحب علي جنب
ديفيد
برافو خبير. طول عمرك بتدوس علي قلبك في مقابل الشغل.
ويبص لسوريا بخبث ويقول لخبير
بس لو فاطمة هي اللي عايزا تخدك في حضنها كنت رفضت
سوريا
اللي زي فاطمة يدوب تاخد العلاج وتنام.
ديفيد
تقصدي يعني عشان مشلوله.
فيهجم خبير علي ديفيد ويحاول ان يمسك رقبتة وهو يقول
انت السبب في العجز اللي عندها. ودة لسة حساب عليك وهاتدفعه
فيبعد ديفيد يد خبير عنه وهو يقول
انت برضو البابا بتاعي وانا هاسمحك عشان كدة.
سوريا
خلاص يا ديفيد. ممكن نبطل نتكلم عن فاطمة ونشوف المهمة اللي احنا هنا بسببها
خبير وهو يبتعد عن ديفيد يقول
انا برضو من رايي ان ماحدش فيكم يجيب سيرة فاطمة والا هانسي اللي كان وهاصفي الحساب دلوقتي
فيضحك ديفيد وهو بيقول
البابا خبير بيعرف يهدد. ونسي اني كنت هاقطع له لسانة بس الافعي هي اللي منعتني. بس مسير نهايتك تكون علي ايد ابنك الكبير اللي ورث منك الكرة والشر. وماتنساش انك كنت يهودي وبقيت مسلم عشان فاطمة ودة حسابة كبير اوي عندنا
خبير بلامبالاة
قول كمان وكمان حاسس بيك وبالنار اللي بتحرق قلبك مني عشان انا لسة الافضل بالنسبة للافعي. دة لو ما كنتش انا الافعي اصلا
ويضحك خبير ويتجة ناحية باب المصنع المهجور ويفتح الباب وديفيد ينظر له والغيظ يتملك منه ويدخلو الثلاثة الي المصنع ويغلق خبير باب المصنع خلف منه ويدخلو الي معمل ابحاث كبير تحت ارض المصنع وكان في راجل كبير في السن قاعد وسط المعمل دة وباين عليه الفقر الشديد ويدعي عم خليل فتنظر له سوريا وتقول
هو دة اللي هاتقوم عليه الابحاث
خبير
هو
ديفيد
ولو مات
خبير
مين فاضي في مصر يدور علي حق ميت.
فيقف امام خبير يدعي عم خليل ويقول
انا مش مهم عندي اموت. المهم استر بناتي الاثنين اصلي ماكنتش لاقي اكلهم وجالهم عريسين احسن من بعض. وجابو العزال بتاع بناتي وحطو في المخزن بتاع صاحب البيت وانا سرقتة وبيعتة. عشان الاقي اكل. فلو حد عرف من العريسين هاتبقي فضيحة و،،،،،،،
خبير بانفعال شديد
خلاص بقي انت صدعتني بالحكاية دي. والفلوس راحت البيت عندك ومراتك استلمتهم
عم خليل وهو حزين
اسمع بنفسي مراتي وهي بتقول لي ان الفلوس معها وبعد كدة لو عايز ترميني في النار انا جاهز
فيخرج خبير الموبيل بتاعه ويدي الموبيل لعم خليل بعد ما يشغل فيديو مرات خليل وهي بتستلم شنطة فلوس من خبير وبتقول في الفيديو
المهندس بتاعك دة باين علية ابن حلال أداني شنطة مليانة فلوس وقال لي انك هتسافر 6 شهور وهاترجع لنا. اوعي تتاخر علينا يا خليل. احنا ملناش غيرك
فينهي خبير الفيديو وعم خليل كانت دموعة بدات تنزل وهو بيقول
خلي بالك من البنات يا حميدة. وستريهم. وقولهم هايوحشوني اوي. اوي. وانا عملت كدة عشان بحبهم ومش عايز واحدة منهم تتحرم من فرحتها
خبير
انت بتكلم نفسك
عم خليل
لا. يا بية
خبير
طيب اجهز عشان من اول الليلة هاتبدأ عليك تجارب
عم خليل
وانا تحت امرك يا بية
ويقعد عم خليل علي الارض مرة تانية فتنظر سوريا لديفيد فيذهب ديفيد ناحية عم خليل وهو يقول
قوم معايا
ويقوم عم خليل ويتجة بي ديفيد ناحية اوضة من ازاز ويدخل عم خليل بداخل هذة الاوضة ويفتح فتحات في السقف تخرج منها غاز لونة اسود يختنق عم خليل من رائحتة ويمسك رقبتة ويسقط فاقد الوعي. فتبص سوريا لديفيد وتقول
اية مات
ديفيد وهو بيبص في ساعتة
كلها ثواني ويقوم يقف علي رجلة تاني
وبالفعل لا يمر سوي كام ثانية ويفتح عم خليل عينة ويقف علي رجلية ولكن،،،،،،،،،،،
