رواية عمر الديب الجزء الثاني (الملك الاخير) الفصل الثالث
بسم الله توكلت علي الله. وهو رب العرش العظيم
ومن داخل شقة عمر واثناء ماكان عمر يجهز شنطتة ويحضر جواز السفر المزيف اللي هيسافر بي لاسرائيل وهنا يسمع صوت جرس باب الشقة يرن فيترك شنطتة ويروح ناحية باب الشقة ويفتح الباب فيلاقي باسم قصاد منه وبيقول
ممكن اعرف اية اللي انت عملته ده
عمر وهو بيدي ظهرة لباسم وبيروح ناحيه اوضة بيقول له
باسم لو السيد كامل بعتك علشان تقنعني بحاجة غير اللي في دماغي. فصدقني الكلام مش هابجيب نتيجة. انا خلاص ما بقتش تبعكم
باسم وهو يدخل وراء منه يقول
انت قبل ما تكون ظابط مخابرات فانت مصري ووجودك في اسرائيل في خطر كبير عليك
عمر
اظن انا اقدر احمي نفسي كويس.
باسم
عمر انا مش عايزك تحسبها غلط. لازم تفكر ،،،،،،،،
فيقاطعه عمر بمنتهي الحزم
أنا خلاص فكرت وقررت. بس ياريت تخلي السيد كامل يأجل موتي يومين بس لغاية ما وصل للي خطف فيروز وانقذها من ايدية
باسم
ولية ما تكنش فيروز عامله عليك لعبة علشان تخلص منك
عمر وهو يمسك لايقة قميص باسم
ماتنساش ان فيروز مراتي وبتحبني وهي اكيد مخطوفة
باسم وهو يبعد ايد عمر عنه
انا مش ناسي. بس انت اللي نسيت انها في الاصل جاسوسة أسرائيلية وعضوة من اعضاء منظمة الافعي
عمر
كل دة كان قبل ما نتجوز انما بعد جوازنا فيروز بقيت انسانة تانية خالص وانت بنفسك عارف هي عملت اية معانا في ملف قضية الافعي
باسم
عارف. وعارف ان لولاها مكناش قدرنا نوصل لمخطط الافعي. بس لية ما تقولش ان كل دة مخطط لمصيبة اكبر والمخطط اتنفذ بمنتهي الذكاء. وظهور الملك الاخير دة، ،،،،،
فيقاطعه عمر قائلا.
باسم اللي بتتكلم عليها دي مراتي. وهي لو بمنتهي الخبث دة. كنت انا عرفت انها بتخطط لمصيبة زي ما انت بتقول. فيروز ضحية. وانا مش هاسكت الا لما اوصل للي بيعمل كدة واحل لغز الملك الاخير دة
باسم
يا عمر انت المقصود باللعبة دي. احساسي بيقول لي كدة.
عمر
عارف. وعارف كمان ان اللي وراء المخطط دة. عايزاني اروح اسرائيل وانا مش هاحرمه من اللحظة دي.
باسم
وعارف انك ممكن تروح حي وترجع،،،،،،،
ويسكت باسم. فيقول عمر بابتسامه خفيفة
وارجع مقتول
باسم
بعد الشر عليك يا عمر. دة انت صاحبي الوحيد
عمر
باسم انا ما يفرقش معايا افضل عايش ولا اموت مقتول انا
كل اللي يفرق معايا اني اسافر وارجع من هناك بالحقيقة
باسم
حتي لو الحقيقة دي تمنها حياتك
فيبتسم عمر ابتسامه خفيفة ويقفل سوستة الشنطة ويرفعها من فوق السرير وهو يقول
حتي لو تمنها حياتي
ويخرج عمر من الاوضة وهو كله اصرار. فيسمع باسم يقول
طالما مصمم يبقي لازم تعرف اني معاك ومش هاسيبك لوحدك في الرحلة دي
عمر
خليك هنا علشان هاحتاجك كمان ساعتين تلهي دسوقي عبد الحق اللي هاسافر باسمه. علي طيارة لندن
باسم
يعني مافيش فايدة
عمر
لا اله الا الله
باسم
محمد رسول الله ،،،،،،،،،
ومن داخل الزنزانة المحجوز فيها شريف يقف الظابط امير قدام شريف ويقول له
في ناس دفعت فلوس انا ماعرفش اعدها علشان اخرجك من هنا
فيبص له شريف بلامبالاة ولا يرد فيكمل امير قائلا وهو يجلس قدام شريف مباشرة
واضح انك مهم اوي
ويستني امير. رد شريف ولكن شريف يستمر في سكوتة وامير يقول
مش عايز تقول حاجة
شريف
انت يا باشا عايز تسمعني حاجة تاني
امير
عايز اخد رايك. اقبل الفلوس اللي اتعرضت علية واهربك ولا اقول لا ويروحوا يدفعوا هما لواحد غيري وبرضو يهربك
شريف وفي عيونة الدموع
من كام سنة اتعرض علية مبلغ ماعرفش اعدة علشان ابيع سر من اسرار شحنة اسلحة داخلة مصر عن طريق البحر ووافقت وفضلت طول عمري خسران نفسي لغاية ما قتلت ابني بايدي وساعتها عرفت انك لما تبيع نفسك مرة واحدة للشيطان مش هاتكسب الا الخراب. نصيحة بلاش توافق ووديني المحكمة وخلي القاضي يحكم علية بالاعدام علشان اموت وارتاح يمكن اشوف ابني وهو مسامحني مع اني عارف ومتاكد انه مستحيل يسامح اب زيي اكله من حرام وفي الاخر ذبحة
امير
ياااااا. دة انت طلعت بني ادم وبتحس
شريف
بقيت بني ادم حاكم يا باشا زمان قاله اللي يغلط ويتوب يبقي بني ادم انما اللي يغلط ويكابر في الغلط يبقي شيطان وانا بني ادم
امير
طيب اية رايك بقي اني هاخد الفلوس وهاخرجك
بص له شريف باستغراب فكمل امير قائلا
بس هاتبقي عندي في مكان ماحدش يعرف له طريق علشان ماحدش يعرف يوصل لك
شريف سائلا
ولية هاتعمل كدة
امير
دي اوامر عاليا ولازم تتنفذ
ويمسك امير. ذراع شريف ويقوم به ويخرجا الاثنين من الزنزانة، ،،،،،،
من داخل عربية باسم يجلس باسم علي كرسي القيادة ويتكلم في الموبيل مع رئيس المخابرات السيد كامل قائلا
ايوة يا فندم. عرفت عمر الديب مسافر باني جواز سفر وفي طيارة الساعه كام،،،،،،،
ومن داخل مطار القاهرة يقف السيد كامل ومعه اثنين من رجال المخابرات وكانو متنكرين في زي رجال شرطة ويقف تاكسي وينزل من التاكس رجل في الستين من عمره ويحاسب سائق التاكسي ويتجة الي بوابة المطار وقبل ما يدخل المطار يقف السيد كامل قدام منه ويقول له
تبقي غلطان لو افتكرت انني ممكن اسيبك تسافر
الرجل العجوز
عمر مين. انا اسمي دسوقي
السيد كامل بحدة
عمر مالهوش لزوم كتر الكلام وامشي قدامي من سكات
ويسحب السيد كامل الرجل العجوز في نفس وقت دخول شاب اسمر الي المطار وبببص للي بيحصل وبيبتسم ومن تحت الابتسامة تظهر ملامح عمر الديب ويخلص عمر الاجراءات. كلها ويركب الطائرة ويخرج الموبيل الخاص به قبل انطلاق الطائرة ويتصل بباسم ويقول
انا مش زعلان منك علشان استمنتك علي سر وروحت بلغت السيد كامل
باسم مصدوما
عمر اومال اللي اتقبض علية دة مين
عمر
مش مهم المهم تعرف ان خلاص الطيارة طالعه وسلم لي قوي علي السيد كامل
باسم
عمر انا عملت كدة علشان احميك من نفسك. انت عارف انك زي اخويا يا عمر وخايف عليك
عمر
عارف. وعارف كمان انك جيت عندي باوامر من السيد كامل ومش زعلان منك. علشان كدة لو مت في اسرائيل اعمل المستحيل وادفني في مصر ولو ماعرفتش ادفني في غزة بس المهم لحمي يدوب بعيد عن اليهود
باسم
عم،،،،،،
ولكن عمر ينهي المكالمة فيقول باسم بنرفزة سببها خوفه علي عمر
عمر رد علية رد علية
فيتصل باسم مسرعا بالسيد كامل ويقول له
عمر قدر يخدعنا و ركب الطيارة،،،،،،،،،
وبعدها بكام ساعه يدخل عمر الي اسرائيل بجواز سفر خاص بشخص تاني وهو رجل اعمال انجليزي يدعي جورج ويقف عمر قدام مطار تل ابيب ويبص يمين وشمال وهنا تقع عينه علي ابرام الجاسوس الاسرئيلي اللي كان ساند علي عرببته فيتجة ناحيتة وهو يقول
كنت عارف اني هلاقي حد منكم واقف مستنيني
فيبص له ابرام ويضحك ضحكة خبيثة وهو يقول
تعرف انك اول واحد استقبله في اسرائيل وانا نفسي اخلص عليه
عمر بابتسامه
مش اكتر مني.
فيفتح ابرام باب عربيتة وهو يقول لعمر
ادخل
فيدخل عمر الي العربية وهنا يجد اسحاق جالس في الكرسي الخلفي وبيبص له وهو يقول
في حد قال لي انك مش عايز تدفن وسط اليهود
فيستغرب عمر بشدة ويكمل اسحاق بصوت فحيح الثعابين
تعرف اني انا كمان بكرهم. مع اني منهم
عمر بحزم
فين فيروز
اسحاق
موجودة مش تخاف عليها كدة. دي برضو مع جوزها
فيصدم عمر فيضحك اسحاق وهو يقول
هي مش قالت لك انها كانت متجوزة قبل منك
عمر
فيروز انا اتجوزتها وهي،،،،
اسحاق مكمل الجمله
عذراء. لانها كانت مراتي وانا مريض بالتوحد فماحصلش بيني وبينها اي شي. لكن انا دلوقتي خفيت وجاهز ليها علشان نرجع ايام جميلة ضاعت
عمر بلغه التهديد
عارف لو لمس،،،،،،،،
اسحاق بنفس الاسلوب البطي المميت
انا شايف انك تعبان من السفر روح وارتاح وبالليل نتكلم
ويبص اسحاق لابرام وهو يقول له
اطلع بينا علي قصر شيمون
وينطلق ابرام بالعربية،،،،،،،،،،
