رواية مهرة والزين الفصل الثاني
زين شاف صدرها وهو بيعلو ويهبط وحس بدقات قلبها خلاص هتخرج من مكانها همسلها وقالها / ريحتك حلوة متحطهاش تاني مرة وانتي وحدك
مهرة اتوترت وزقته بعيد عنها وقالت / انت ازاي تسمح لنفسك تقرب مني بالشكل ده يا قليل الادب انا انا
زين قربها مرة تانية والمرة دي كتف ايدها لوار ومشى كف ايده الاسمر الكبير على وشها ووقفعند شفايفها وقالها بتحذير/ مسمعش منيكي الحديت ديه تاني مرة فاهمة يا حلوة ؟
مهرة لاقت نفسها متكتفة وفي حضنه بطريقة متتوصفش وكأنها مراته فقررت تتضربه بركبتها زين سابها ومسك منطقته وهو بيتألم بصلها وقالها بوعيد
زين/ مش هيعدهلك وابجي جولي زين جالها
مهرة بانتصار وهي بتبصله بعد ما قعد ع الارض / بعد اللي حصل مش عارفة هيبقى اسمك زين ولا زينة
جه يقوم عشان يلحقها و يفصل راسها عن جسمها لكنها جريت منه و خرجت من المزرعة خالص .
في بيت الجد
دخلت مهرة وهي حزينة لاقت مرات حليم قعدة بتعمل اسكارف لجوزها وبتعمله بكل حب رغم تعب حملها الا انها بتحاول على ما تقدر تعمله كل حاجة من قبل ما يطلب قعدة جنبها ف سالتهاةميادة مرات حليم/ عجبتك المزرعة ؟
مهرة بضيق / متفرجتش عليها
ميادة/ وه ؟ ليه كده ؟
مهرة بغيظ / كان في واحد بارد غلس جسمه جسم بني ادم وراسه راس جاموسة
ميادة بتعجب / وه مين ديه اللي زعلك يا مهرة واني اخلي حليم يعلجه من جفاه
مهرة / واحد اسمه زين وبيقول انه دكتور بيطري وفعلا هو مينفعش يكون غير دكتور بهايم
ميادة ضحكت وقالت/ وه انتي وجعتي في معلاش هو كده مع الحرايم انما لما يعرفك هيعاملك مليح
مهرة بتعجب / هو انتي تعرفي يا ميادة ؟
ميادة بابتسامة / ومعرفوش كيف ديه اخوي الكابير ربنا يخليهولي يارب
مهرة بتعجب / بقى حتة الجاموسة ده اخوكي انتي بصراحة فرق شاسع بينكم اوي
ميادة اضيقت من كلام مهرة بس حاولت تفهمها براحة / اللي بتجولي عليه كده اخوي وسبج وجولت لك انه هو طبعه كده مع الحرايم لكنه اطيب خلج الله و لو ضايجك يا ستي ف حجك على راسي اني
مهرة حست انخا ضايقت ميادة بكلامها فـ اعتذرت لها وباستها من خدها وقالت لها / طب خلاص انا اسفة متزعليش مني
ميادة حضنتها وقالت / مش زعلانة
ردت مهرة بشقاوتها وقالت / بس مش اسفة لاخوكي عشان هو جـ
ميادة / هااا
مهرة / رخم اهو شتيمة محترمة اهي
ميادة ضحكت من قلبها على شقاوتها وعفويتها ورجعت كملت الاسكارف مهرة بصتلها وقالت لها / هو انتي بتعملي ايه ؟
ميادة / بعمل كوفية لـ حليم عشان البرد اصله بيروح المزرعة في الليل والجو بيكون كيف الرصاص جلت اعمله واحد ولا اتنين يتدفى فيهم .
مهرة بحنين / وهو عامل ايه اصلي ماشوفتوش
ميادة/ الحمد لله زين طمنيني انتي عن اخبارك بجالك كاتير مبتجيش يعني
مهرة بحزن / بابا مش ببرضى اجاي هنا كتير بيقولي مش هتسحمل الجو
كانت لسه هتكمل كلامها بس دخل عليها حليم ومعاه زين اللي اول ما شاف اخته ابتسم لها وهي راحت تسلم عليه وتحضنه لانها بقالها يومين ماشافتوش حليم سلم على مهرة وبعدها طلع يغير هدومه، ميادة قعدت مع اخوها ومهرة وفضل يتكلم معاها ومهرة فضلت تقلب في الاسكارف عشان تكمله وهي مبتعرفش تعمله اصلا بس فضولها خلاها تحاول راحت ميادة وقالت بضيق / بتعملي ايه بس اني اتعب فيها طول وانتي في لحظة تبوظيها
زين تابع المشكلة اللي دارت بينهم وحاول يفضها وهو ببقول / معلاش يا ميادة ابجي علميها واحدة هي كانت حابة تساعدك
ردت مهرة بغيظ/ شكرا مش محتاجة حد يعلمني ثم انت بتتدخل بصفتك ايه
ميادة جت ترد عليها بس زين ضغط على دراعها بخفة وقالها / روحي اعملي فنجان جهوة مظبوط بحالي يومين ماشربتش جهوة زينة محدش بيعدلي مزاجي غير جهوتك
ميادة / حاضر يا حبيبي
مهرة جت تمشي لكن زين مسك ايدها وخلاها تبص له وهو بيقول / اني شوفتك وانتي بتفكيها عن جصد
مهرة بنبرة صادقة/ و الله كنت بحاول اتعلمها
زين / ملكيش صالح باختي بعدي عنيها فهمتي ولالا
مهرة بعناد / لا واختك صاحبتي اخرج انت منها يا بارد
زين بغيظ / لمي لسانك الطويل ديه
مهرة بعناد / لا مش هلمه وملكش عليا كلام ولا اوامر
زين/ مسيرك يا ملوخية تيجي تحت المخرطة ووجتها مش هرحمك
حليم نزل وشاف مهرة مقربة اوي من زين وتقريبافي حضنه حس بنار قايدة في قلبه زعق وقال / مهرة
مهرة اتنفضت وقالت / نعم نعم
حليم زعق فيها وقالها / واجف اهني بتعملي ايه روحي شوفي ستي عاوزة ايه
مهرة زعلت من طريقته وجريت على الجنينة تشوف ستها فين وتساعدها زي ما طلب منها حليم وقعدت جنب الفرن وفضلت تحكي لستها اللي حصل و ستها تطبطت عليها وهونت عليها وبعدها طلبت منها تخبز العيش مكانها على ماتروح تصلي العصر راحت الجدة ورجعت وهي بتزغرط وباست مهرة و حضنتها وقالت / مبروك يا حبيبتي
مهرة بدهشة/ الله يبارك فيكي يا ستي بس على ايه
الجدة/ زين اتجدملك وجدك وابوكي وافجوا عليه مبروك يا حبيبتي .
مهرة بصوت عالي/ إيه بقى أنا اتجوز دكتور البهايم ده !!!
زين دخل الجنينه على صوت مهرة وقالها / ماهما جالوا انك بتنطحي في اللي جدامك جلت لهم هملوها لي اني اعرف كيف اعالجها كان عندي بهيمة زيها بالتمام وبجت تفهمني من النظرة
دخل حلبم وقال بغيرة / ......
