 |
رواية طالبه في مدرج قلبي الفصل الثاني بقلم جيجي
..رشاد قال.... لا ما تتواضعيش انا ماشي
نيفى قالت..... لو سمحت اقف تمام انا مضطره اني اركب معاك
رشاد قال.... اركبي
نيفى قالت...اركب فين
رشاد قال... جمبي تعالي او لو حابه تركبي ورا على راحتك
نيفى قالت.... اوكى انزل افتحلي باب العربيه على الاقل
رشاد قال.. لا معلش انا مش هنزل والف وافتح الباب وارجع الف تاني عايزه تركبي اركبي مش عايزه خليكي
نيفى ركبت وهى بتقول.... هركب اكيد هركب انت بتستغل الوضع اوكى وقعدت جمبه
رشاد قال... على فكره انتى بجد مضطره تذاكري في الماده بتاعتي لان باباكى قال انك بتنجحي واسطه وانا ما عنديش واسطه يعني لو ما حلتيش هنزلك
نيفى بصتله وقالت.. انت ايه مشكلتك معايا من ساعه ما جيت وانت مستقصدني ها ليه
رشاد قال..... انا مستقصدك من ساعه ما جيت
نيفى قالت... ايوه مستقصدني مش انت اللي هزأتيني وقولت انى مش حلوه
رشاد بصلها بطرف عينه وقال.... وانتى لما شتمتيني ما كنتيش مستقصداني
نيفى قالت.... هستقصدك ليه انا عندي حق بس انتى ما عندكش حق
نيفى قالت... انت خبطت فيا
رشاد قال... واعتذرت
نيفى قالت... انا من حقي اني ما اقبلش اسفك بس انت ما عندكش حق ان انت تقول ان انا مش حلوه لان دى كدبه
رشاد قال.... اولا دي اذواق انا شايف ان انتى مش حلوه مش هتحلي نفسك في عيني بالعافيه لما خبطت فيكى اعتذرت من باب الذوق لان انتى كمان خبطتى فيا هنا بقى هتاخدي الاعتذار هتبقي خلاص تمام اتس اوكي انما مش هتقبلى الاعتذار وهتقولي لا ما انا هقولك اخبطى دماغك فى الحيط بالعافيه يعني انا هعملك ايه هنزل ابوس على ايدك مثلا
نيفى قالت.... لا تقولى لو سمحتى معلش اقبلي الاعتذار انا بجد ما كنتش اقصد اخبط فيكى سامحيني
رشاد قال.... تؤ ده لما ادلق عليكى م...يه ن....ار وانا معدي ايه اللبس اللي انتى لابساه ده وايه الميكاب اللي انتى حاطاه ده انتى رايحه فرح انا اختي في الفرح بتاعها ما حطيتش الميكاب اللي انتى حاطاه ده كله البسى لبس جامعه محترمه المفروض يبقالها زي محترم انتم المفروض توحدوا الزى وحتى لو ده ما حصلش المفترض تبقى حاجه حشمه
نيفى قالت ... انت مالك انت هتلبسني على ذوقك انا حره انا بابى مساهم في الجامعه
رشاد قال... اش بقى فلقتينا بابي بابي بتاعك يعنى الشباب اللي جايين معاكي يطنشو المحاضرات ويركزوا فيكى ولا يركزوا معايا وانا بشرح
نيفى بصتله وقالت.... ليه مش انا مش حلوه
رشاد قال.... احم وصلنا يلا نيفين نزلت
ونامت فى صباح يوم جديد كان والدها بيصحيها
وقال.. صباحو طلعتى على فوق من غير ما تشوفينى انتى ايه اللي مزعلك دلوقتي
نيفى قالت... نتصل بيك ونقولك انه غلط فيا وانت تسيبه وفوق كده كمان اتصل بيك اقولك العربيه بايظه ما تجيش تاخدنى ده هيسقطني قالي ان انا لو ما جبتش مجموع بمجهودي مش هينجحني ما اتعودتش اذاكر انا اوف
قال... ما انتى لازم تذاكري
نيفى قالت... ما انا نجحت السنه اللي فاتت من غير مذاكره
رسود قال... يا حبيبتى انا ما عنديش غيرك انتى واختك جوزتها وعايشه مع جوزها الحمد لله يا دوب مرتاحين هم الاتنين ما تقدرش تشيل مسؤوليتك لانها شايله مسؤوليتها ومسؤوليه جوزها واطفالها مسؤوليه بيت عيله تشيل مسؤوليتك ازاى وانتى مش هتقدري تشيلي مسؤولية نفسك شوفي تخيلي اموت واسيبك كده بعدين انا اللي اتصلت برشاد وخليته يرجع ياخدك ما تبصليش كده اكيد بعد ما هزأتيه في الجامعه مش هيرجع ياخدك شفتى ان انتى مش قادره تعملي حاجه لا ولما بجيبلك حد يخلي باله معاكي مش بتوافقي السواق مشيتيه ووحيد كنت حاطه هنا علشان لو وقعتى فى ورطه وانا مش فاضي يروح قولتى مش مناسب معاكي ما يروحش معاكي الحفله ما يروحش معاكي ايه يا بنتي انا مش قاعدلك في الدنيا
نيفى قالت... لا انت من ساعت ما مامى ماتت وانت
بس قال.... هنبتدي في مامي ماتت وانا وحيده وانا ما عنديش حد وانا بقعد في البيت مع الحيطان وانا لازم اطلع وانا لازم اخرج وتبكي مش كده عيطي انا اساسا سايبلك البيت وماشي ومشى
نيفى قالت... ربنا يسامحك يا بابا انت مش حاسس بوحدتي ما حدش حس بيا غير الايفون بتاعي بس هو اللي بيقدرني حقيقي ما حدش مسح دموعي غير منديلي وراحت على الجامعه
صحبتها قالت.... ايه ده انتى لابسه واسع وجايه بدرى كده ليه
نيفى قالت... دى تالت مره تسألى لبست واسع وجيت بدرى من نفسى ما فيش حاجه يا بنتى هكدب ليه بس دخل رشاد
وقال... صباح الخير نبداء محاضرتنا بس شاف نيفى ابتسم بخفه وكمل محاضرته ونيفى كملت ورجعت على البيت اخدت شاور ونامت على السرير بس ما كانش جايلها نوم شافت رقم غريب بيتصل بيها
نيفى ردت وقالت.... الو الو
قال... هاي
نيفى قالت.... انت
رشاد قال.... معقوله عرفتني من الصوت اكيد مش هتنسي اول واحد هزأك وما قدرتيش انك ترفديه من الجامعه حاجه مؤسفه الصراحه
نيفى قالت.... انت بتتريق عليا
رشاد قال... لا بهزر معاكى انتى لما ركبتي معايا العربيه نسيتي سلسله وقعت في العربيه منك اكيد بتاعتك
نيفى قالت... سلسلتى عندك
رشاد قال.... معقول ما لحظتيش غياب السلسله اللي وقعت منك اهمال غير طبيعي
نيفى قالت..... اه فعلا اهمال انا خلصت من بابا عشان تيجي انت كمان تهزأني على الاهمال بكره لما تيجي الجامعه هاخدها منك
رشاد قال... لا انا بكره مش هروح الجامعه فرح اختي ايه رايك تشرفيني وتاخدي السلسله هناك
نيفى قالت..... اشرفك لازم تتشرف بواحده زيي
رشاد قال..... لا على فكره انا قلت لكل الناس تشرفني حتى عثمان البواب قلتله تشرفنا يا عم عثمان لو جيت حضرت
نيفى قالت... تصدق انك تافه
رشاد قال... وانتى ومغرور
نيفى قالت... ايه ده بقى
رشاد قال.... كل ما تقوليلي صفه وحشه هقولك انا صفه زيها وحشه هتيجي بقى هستناكى
نيفى قالت... تؤ مش هاجي اكيد المكان بتاعكم هيكون متواضع جدا
رشاد قال.... معلش من تواضع لله رفعه بقى تعالي على نفسك وتعالي احضري
نيفى قالت... انا مش هاجي مستحيل
رشاد قال.... انا هستناكى
نيفى قالت.... استنى بس انا مش هاجي
رشاد قال.... لا هتيجي انا حاسس انك هتيجي انا هستناكى باي وقفل
نيفى قالت... باي بني ادم غريب مره يهزأني ودلوقتي تشرفيني وعثمان البواب وهستناكى كله كوم وعثمان البواب كوم مجنون هو مش فاهم نفسه اصلا يا ترى ساكن فين اكيد حته بيئه بس جاتلها رساله وكان مكتوب فيها اللوكيشن بصت للرساله
وقالت... لا وباعت رساله بكل ثقه اكيد مش هروح ونامت تانى يوم بالليل كانت لابسه فستان شيك جدا و شعرها مفرود على ضهرها وواقفه تحت المكان اللى رشاد بعتلها عنوانه
وقالت.. انا ايه اللي جابني هنا هقولو ايه بس شكلى هيبقى زي الزفت ولفت ولسه هترجع بس لقيته في وشها كانت هتوقع بس حاوط وسطها بأديه
وقال..... لو تبطلي تتكلمي مع نفسك وتبصي قدامك وانتى ماشيه ما كناش اتخانقنا....
