رواية عشك الشاهيين الفصل الثاني بقلم مجهول
ﯾَ لذات العشگ وَي،
طرت النعاس
ﯾَ مرسومة بتَعب ومتعبة الناس
اني الشيخ فهد اني شيخ ابن شيخ. عمامي وخوالي شيوخ مهندس ومستلم كل شغل عائلتي عمري ٢٩ سنه أني ترتيبي الثالث باخوتي
ابيض وعيوني وسساع سود طول بعرض مامدح نفسي بس أني من الله الكل يحبني
عدي امي وجدي هل شخصين فوق كل شي.
رحت لبغداد عدي شغل اريد اكمل وصار ويايه هل قدر وسويت الحادث.
ادري اهلي كلبو بغداد متاكد من هل شي بعد حفيد الشيخ مظفر. الي نايم بالمستشفى ماعرف شكد صارلي بس اليوم دخلت دكتوره مادري احس شايفه بس وين ماعرف ويمكن متوهم مشبه بس صدمه من ذكرت اسم شاهين اخويه. وشلون. قرت اسمي. خلت الشك يدخل براسي.
المهم طلعت وجنت انتضر دخول اهلي بس الفاجئني وصدمني
مريم وياهم هاي شسوي اهنانه أني اله شلون تجي بنص هل بشر كله
جان الكل يسلم عليه. ويسألني واني عيني عله اثنين. مريم وشاهين
شاهين الي وضعه مختل. ومريم الي جايه لهنانه
وره يومين جان لازم اطلع. جنت وحدي بالغرفه ودخل شاهين. يسألني ويستفسر وبعدهه بزيه العسكري كتله
فهد
شاهين مارحت سبحت بدلًت صارلك يومين. بهل ملابس
شاهين
اي مو أني انته. ماسبح الي يومين سبحت ومن طلعت لبستهن. ماعدي وكت اروح اشتري ملابس واني اجيت مستعجل عفت كلشي وراي
فهد
شوكت تبطل سوالفك ادري مو هسه أني مريض وصايرًفلمً وهم صنف عليه
شاهين
كلشي مابيكً حيل الحصان
فهد
دخليكً مثل هاي الدكتوره الاموره. من تكول انته كالأسد. ليش حصان
شاهين
دنجب لا ضل تمظرط دكتوره اموره. مره مزوجه معليك بيه
اني جنت متقصد احجي هيج اريد اشوف ردت فعله ومثل ماتوقعتً هاي هيه غرام نفسه. الي خلته يكره حياته بس غلست ومابينتله أني عرفته. بس حسيت بقهرته من كال مره مزوجه. بعدنه بهل كلام. ودخلت هيه والدكتور الي وياها وكالت
غرام
السلام عليكم شلون صرت شيخ فهد
فهد
الحمد لله دكتوره. نحمد الله
غرام
الحمد لله هسه الدكتور. زين راح يرتبلكً امور. خروجك أني شغلي وياك خلص. وتبقه انته والدكتور اذا صارت عدك مضاعفات اوي شي
فهد
إنشاء الله كلشي ميصير
الدكتور زين
إنشاء الله. هو انته وضعك تمام بس ماعرف ليش غرام اصرت انو تبقه البارحه حتى تتاكد. المهم هسه انته تمام
غرام
لعد. دكتور أني رايحه كملت شغلي اليوم.
دكتور زين
غرام عدنه بعد عمليه
غرام
أسفه دكتور والله ماكدر اكو مخدرين أهوايه غير. وانته تعرف لازم أخذ امي للطبيب. اليوم موعدهه وتعرف ماله احد غيراحمد البارحه سافر ومرام عده دوام
دكتور زين
ماشي ماشي روحي وسلميليً عل حجيه كوليله عده العافيه.
غرام
الله يعافيك دكتور
غرام جانت تحجي ويه الدكتور ويايه بس ابد. ما باوعت عله شاهينً ولا كائن مو جود بعدين وره ماطلعت كال الدكتور
دكتور زين
بحياتي ماشفت بنيه بارع مثل هاي البنيه عدهه أمه وإخوته فوق كل شي
فهد
الله يحفضهً ويستر عليه. زوجه هم دكتور
من كلت هيج شاهين انتيه عليه والدكتور كال باستغراب
دكتور زين
بس غرام ما مزوجه
ساد الصمت وراها اجه صگر اخذنه لبيتنه الي بغداد واني كل ضني مريم رجعت ويه ابوهه من وصلت لگيته مو جوده لا ومحضرتلي الحمام والغرفة كولشي على حسب الأصول سكتت ماكدر احجي اخواني أمي وجدي كلهم يمي
علي رجع للبصره لان جدي ماقبل يرجع. وأخذ صگر وياه عده امتحانات ضل جدي وشاهين وامي بليل. راح الكل نام دخلت مريم وبيده صينه اكل فواكه وعصير كتله
فهد
انتي شسوينً هنانه
مريم
برائيك شسوي. شتريد ابقه بالبصره حاطه أيدي عله خدي واني ادري بيك مسوي حادث ومدري شبيك
فهد
انتي شوكت يصير عدج حساس وتفهمين انو أني ماحبج وماريدج بابا انتي سادس علمي اهتمي لمستقبلج ترى لا أني ولا غيري يفيدج كتلج كلبي بي وحده تسواج. عزيزه نفس مو مثلج ذليله
جنت احجي وهيه دموعه تصبح كرهت روحي من حجيت وياها هيج ودموعه بس شسوي ضوجني هواي وتفرض نفسه عليه. واني ماريده بعده شابه اول عمرهه وهيه لازكه بيه. طلعت من يمي بسرعه
اني مريم. عمري ١٩ سنه حلوه ونعومه بيضه عيوني كبار صفر بس أني موًكلش اهتم بروحيً كل همي بهاي الحياة حبي الفهد ودراستي. من سمعت هو مسوي حادث احس ضاك النفس بصدري خليت جدي يأخذني وياه ادري جدي يدري بيه احبً فهد بس مايدري فهد ههههههه قرفان مني كرهت روحي اليوم من حاجاني بهل طريقه احس روحيً صدك ذليله لا ويكلي الي بكلبي تسواج. ماشي شيخ فهد من عيوني. وربك كلبي بعد اذا رادك أشلعه واذبه للجلابً
مر هل سبوع مثل الجحيم حاولت بكل الطرق ماخلي فهد يشوفني. بس أني شاهين شلون بي الي متخيلني. بته ٢٤ ساعه يضحك ويسولف ويايه صح مرات ينسيني ضيمي بس ماريد فهد حتى يسمع صوتي
من رجعنه. بالسيارة. شاهين جان يسوق وجدي يمه بالصدر واني وعمتي وفهد ليوره أني انام بالطريق ماحس حسيت على صوت جدي يكلي
الشيخ مظفر
جدي مريرمه
مريم
ها جدو
شيخ مظفر
بويه شوكت امتحانانج
مريم
جدي راح عليه سبوع مأصور يدخلونيً بكلوريا
شاهين
اي مو همه بكيفهم غصبا ماعليهم أني اسويلج اجازه مرضيه وترحين تمتحنين ودخلينً وزاري وأريد اشوفج كون احلا دكتوره
مريم
إنشاء الله
اني من غبائي وخوفي على فهد ردت أضيع سنه من عمري فاتتني متحانات نصف السنه وعلى شنو على واحد اصلا مشايفني خلفله على شاهين راح يسويلي اجازه. وارجع امتحن
وره مرجعًت بعد مارحت بيت جدي لا بمناسبهً ولا خطار خاصه اختي زهراء جنتهم بس متردي بيه اريد فهد أني مكايله لاحد ابتعدت عن الكل وحبست روحي بغرفتي وضليت اقره صح مرات احس الموت اهون ولا بعد فهد اتمنه بس المح طيفه مو سهله أني احبه من جنت طفله مو هسه بس دست على كلبي وكملت امتحاناني وخلصت الوزاري وحاليا انتضر النتائج.
وره سبوع طلعت النتائج ومثل مجنت متوقعه الحمد لله. معدلي ٩٩ وإعشار يعني راح اصير دكتوره مثل مراد شاهين
بالحضه الي استلمت بيه نتيجتي كل تمنيته من الله هو اشوف فهد هههه كل ضني ممكن يفرحلي أو يفتخر بيه. بس مثل كل مره فهد بعالم واني بعالم
بقيت طول هاي الفتره. اباوع عل يوتيوب أتعلم مكياج وتنسيق ملابس وهل سوالف ورايه جامعه. هسه بعد شكو قبل جنت مشغوله بالدراسه
باجر اول يوم الي بالجامعة. راح يأخذني بابا اسجل. رحت ويه زهراء للصالون حفيت وجهي وعدلت حواجبي احس روحي طلعت مو أني رغم كلشي مسويت بس حفيت رجعت للبيت
باليل اجه أبوي كال جدج موصي عليج يريدج.
أني لا كدر ارفضً وماروحً شنهو عذري ولا كدر اروح ماريد اشوف ضيمً كلبي اخر شي رحت.
طبيًتً سلمت خطيه مرت عمي بس ماهلهلت. من كد مافرحانه بيه. عاد كتله وين جدي كالت بغرفته رحت دخلت وسلمت هو مدد عله سريره جان يكول
الشيخ مظفر
حبيبتهً جده شلون
مريمً
بخير دامك بخير جدي
شيخ مظفر
عدي سويلفهً وياج بويه
مريم
كولً جدي
شيخ مظفر
فهد يريدني اخطبلهً مره
من كال هيجً جدي احسً واحد وعصر كلبي. بس دعيت لا مبالاتً وكتله
مريمً
بيه الخير جدي الله يوفقه بس مافهمت أني شدخلني
الشيخ مظفر
بويه مريومه وروحً اعزاز كلبي بس تكليلي لا جدي فهد الي مايصير لغيرجً
مريم
لا جدي عله بختك شنو فهد طفل وتحكمه وترى حتى لوسكت وقبل بقراركً ترى مراح يكون حبًا بيه لا احترام الك. لذالك جدي. اني المايريدنيً ربح ماريده خساره. جنت طفله وطايشه. وماشفت كدامي غير فهد ادري يجدي كلامي ثكيل بس هاي الحقيقه الكل يجمل فهد بعيني وسالفه ماريد ابعد عن اختي خلتني اتعلق بي مو اكثر
الشيخ مظفر
وهو واضح عليه علامات الانزعاج كال بهدوء
زين اذا جاج خطاب ترضين
مريم
الله كريمً جدي انته تفصل واحنه نلبس
طلعت من يم جدي وأشوف فهد واكف يم باب الغرفه. مثل واحد الي ينتضر يصدر امر إعدامه هههههه جان خايف الضاهر لا اكول اي أريده مايدري بكد ما احبه صرت استحقره بس شو هذا يباوعلي بصدمه أني ماعبرته ورحت لبيتنه هههههه بس هم مليت عيوني بشوفته
