رواية الطالبه والضابط الفصل الثلاثون بقلم توتة
- وبالرغم اني لا افعل اي مجهود يذكر، لكني مزدحم
بالذكريات بالتفاصيل وبمعركة قلبي وعقلي التي لا
تنتهي رغم صمتي والذي بداخلي ضجيج يبتلعني.💔
«اتمنئ لكم مشاهده ممتعه ❤️»
***********************
سهئ / شبيهاا افكارج عيني.
بلعت ريكي بخوف وصدمه درت وجهي كانت سهئ واكفه بالباب مالت المطبخ سحر بقت تباوعلي ..
سحبت نفس بقهرر ورديت عليها.
_موشغلج.
سهئ / ناس ماضل عدها مستحه.
_خلينه المستحه الج انسه سهئ.
هزت ايدها معاجبها كلامي عافتنه وطلعت م̷ـــِْن المطبخ.
سحر / هههه ولله خوش خليتها سكتتت مَآعِرَفتّ شترد عليج.
_ختولي اني روحي طالعه وهيه جايه تكملها عليه
سحر / هههه هاي اذا تعرف بيج تحبين زوجها تنتحر بيج ولله
_اشش فدوه اسكتي مابيه حيل مشاكل بعد اريد ارجع للبيت واني مرتاحه.
سحر / يلا سكتت تعالي خلينه نتريك.
هزيت راسي باييي
طلعنه م̷ـــِْن المطبخ وبقينه نتريك شويه واتصل عليه بابا. طلعت ؏ غرفه سحر رديت عليه.
الوو هاا بابا
ابو نارين / حضري نفسج بابا راح نرجع للبيت.
_ماعندي شي جاهزه.
ابو نارين / بس اتصل عليج اطلعي ماشي.
_اوك.
سديت م̷ـــِْن عنده واني ضايجه راح ارجع وبعد ماكدر اشوف ضرغام ولاكدر احجي وياه خلص كلشي بينه انتهئ. ياترئ. راح اكدر اشوفه مَـرّھٌ ثانيه لْـۆ هاذي اخرر مره اشوفه بيها ?
غمضت عيوني واني اتذكر قربه مِڼـّي عطره همساته الي غزله كلشي حلوو ومختلف منه
بدون ماحس نزلت دموعي احس نفسي تعودت ؏ البچي.
مسحت دموعي بطرف ايدي ورتبت ملابسي اخذت جنطه مالتي ونزلت للصاله.
كانت ساعه ب 11 الصبح تقريبا. كاعده علئ نااار اريد اشووف ضرغام قبل لاروح.
اجتي رساله م̷ـــِْن بابا كاتب اطلعي بابا منتضرج برا.
سلمت علئ ام ضرغام ولبنات وطلعت واني گلبي ممرود ومكسور.
اريد ابجي اريد اصرخ اريد ارتاح م̷ـــِْن هل قهررر ولحزن الي بداخلي
احس بركان صاير بداخلي
طلعت م̷ـــِْن الباب الخلفي واني منزله راسي وامشي استوقفني صوت حيدر
حيدر / نااارين.
وكفت واني مصدومه رفعت راسي شفته واكف ويباوعلي بنضرات غريبه
تجاهلته وكنت اريد امر. صارر كدامي
_حيدر واخرر م̷ـــِْن كدامي ماريد اسوي مشكله
حيدر / اسف علئ التصرف الغبي الي سويته وياج فدوه سامحيني. نارين
_مستحيل اسامحك انته خليني اكره نفسي تعررف شنوو اكرها مابقه شخص ماحجه عنييي طلعتني رخيصه وكلشي ماسوه.
حيدر / اعررف ولله وندمان كلش علئ الي سويته بيج ايي شي تكولينه اني راضي اغلطي عليه سبيني راضي بكلشي
_وخرر عني اريد اطلع بابا منتضرني برا
حيدر / بس كولي سامحتك ولله حاس باذنب.
_گتلك وخررر عنييي كاافي ترا هووووايه زودوها
ضرغام / شديصيرر هنااااا.
درت وجهي كان ضرغام واكف ولابس ملابسه العسكريه فاتح عيونه بعصبيه ومركز علينه.
_ماصاير شي اريد اروح.
عفتهم ورحت صرت مقابيل ضرغام ركزت بعيونه ثواني واني بگلبي اريد احضنه اودعه بس ماكدر خلص نهيت كلشي بأيدي همست بهدوئ
_دير بالك علئ نفسك
دار وجهه علئ الجهه الثانيه مِڼـّي ومارد عليه
عفته وطلعت واني دمعه تلمع بطرف عيني. شفت بابا واكف قريب م̷ـــِْن سيارته وياه رجال جبير
رحـت عليهم سلمت علئ رجال ودخلت بالسياره شويه سلم بابا علئ رجال وصعد. وساق
ابو نارين / شبيج بويه وجهج مخطوف
_شويه تعبانه م̷ـــِْن الهوسه
ابو نارين / ايدج شبيها
باوعت علئ ايدي حمررره م̷ـــِْن الحركه خليتها جوه ملابسي وماعرفت شكول
ابو نارين / بابا نارين شبيها ايدج ??
_هاا لبارحه من كنت داتعشه وكعت عليه المركه.
ابو نارين / شنوو شلوون ??
_مادري بابا بدون ماحس وكعت علئ ايدي وحركتني لاتخاف حرگ بسيط شويه وترجع طبيعيه
ابو نارين / غير تنتبهين ياروحي
_لاتخاف مابيه شي
هز راسه باي. وسكت. كمل طريق طول الطريق بالي مٍشًغوٍلً بضرغام ماعرف شراح يصير. خلص آنـتـهه كلشي بينه.
___________________________________
ضرغام.
گالت انهي كلشي بينه بزعتني كلش وطلعت الحب م̷ـــِْن عيني خلتني اكره حته نفسي
ليش تسوي هيج بيه عرفتني احبها وصارت تدلل عليه اني شبيه ماگدر اعووفها ماكدر ابتعد عنها
احس روحي وعقلي تعلق بيها صرت ماشوف شخص گدامي بس هيه بس خلص گلت لهناا وخلص بعد لْـۆ شيصير ماحجي وياها وراح ادوس علئ هل گلب واكفي طريقي بدونها
شنوو تسوي هيج بيه كل مره هيه ترفضني واني راكض ورها مثل الاثول.
عفتها وطلعت م̷ـــِْن الغرفه واني روحي تحترگ بناار گلبي صاار جمرر لْـۆ بيدي اكطعها. تكطع ومارتاح م̷ـــِْن هل كلام.
تحجي كلام اكبرر منهاا وماتحس.
رحت علئ غرفتي وتمددت لگيت سهئ نايمه سحبتها لحضني اريد انسي نفسي اريد ارتاح م̷ـــِْن هل هم.
فتحت عيونها بنعاس وهمست
سهئ / هاا حبيبي اجيت
_اممممم. تعبان سهئ
سهئ / بيه ولابيك يروحي.
بست راسها وعيونها وضميتها لصدري. واني بگلبي ناار. ليش حبيت ليش هاي مرتي ممقصره وياي بشي ليش هل گلب يختار الانسان الغلط
نمت كعدت صبح تعبان وراسي دايخ. رحت سبحت وطلعت. لگيت سهئ ترتب باسرير.
_صباح الخير
سهئ / صباح النور شنوو اليوم راح تروح لشغلك
_ايي عجل شلون. نبطل.
سهئ/ لا بس لان ناس عدنه فاتحه ومخبوصين
_خواني موجودين عدي شغل اريد اخلصه
سهئ / اوك حبيبي اسويلك ريوك
_لا ماريد تأخرت لآزٍمٍ اطلع
طلعت م̷ـــِْن الغرفه علئ الدرج تلاگت ويانه نارين ماباوعت عليها ولاريد اشوفها اصلا.
طلعت بسرعه م̷ـــِْن البيت ورحت علئ المركز.
كاعد بالمكتب اگلب السجلات وعقلي ابدد مويمهم كل تفكيري بيها.
شلوون گدرت تسوي هيج بيه داست علئ گلبي وماهتمت. شورطني وحبيت ليش حبيت
رجعت راسي علئ الكرسي واني اتذكر شلون سلمت نفسها الي وخلتني ابوسها لأول مره احس بطعم بوستها تمنيت اكل شفتها اكل.
قاطع تفكيري الباب يندك
_تفضل.
كرار / صباح الخير رئيس.
_صباح النور يابه
كرار / شعجب جاي للشغل
_مالي خلك ولله هناا احسن.
كرار / يول انته مثلي اني اضوج بسرعه م̷ـــِْن الهوسه.
_موقصت هوسه كرار گلبي دمرني.
كرار / هاا هنا الحچي دحج بلا شصار وياك بموضوع نارين.
سحبت نفس بقهررر.
_يوول سالفتي ماتنحجي ولاتنگال.
كرار / هسه غيرر يحچي
_رافضتني. ماترضه.
كرار / ختولي 100 وحده تتمناك ليش حارگ روحك عليها
_اششش كرار لاتحجي عليها نخرب ولله
كرار / لهل درجه تحبها ?
_اموت عليها ولله
كرار / هيه الخسرانه ولله ماتلگه واحد مثلك
_شسوي فهمني روحي كلها تعلقت بيها ولككك ترفضني ورجع عليها اخرر شي لبارحه گالت انهي كلشي تعبت منك. داست ؏ گلبي وماهتمت.
كرار / الله كريم تهووون.
هزيت راسي بأيي.
اتصل جهازي كان ابوي.
الوو
ابو ضراغام / هاا بويه وينك
_بالشغل يابه
ابو ضرغام / تعال محتاجينك جيبلنه كراسي بعدد.
_خلي فهد حسين حيدر يروح اني مٍشًغوٍلً
ابو ضرغام / بويه كلها ملتهيه. تعال شويه ورجع
_ماشي شويه وجيكم.
سديت منه كان كرار گاعد ويدخن
كرار / هاا يريدونك.
_لآزٍمٍ اطلع دير بالك منا.
كرار / تأمر سيدي.
_يلا مع سلامه.
عفته وطلعت م̷ـــِْن المكتب ورحت علئ السوك اجرت كراسي اكثرر ناس عدنه هواي
ورجعت للبيت دخلت م̷ـــِْن الحديقه لأن الباب الريسي مسدوس م̷ـــِْن العالم الموجوده.
اول مادخلت شفت نارين واخوي حيدر واكفين تمنيت اطم روحي ورتاح.
سألتهم شكوو ردت نارين ماكوو شي
تقربت مِڼـّي وبقت مركزه بعيوني دمرتني عيونها.
عمي اني مو يم # العشگ
بس خبلتني عيونها#☹️❤️
همست بدوئ وگالت
_دير بالك ؏ نفسك
احس هل كم گلمه حجتهم بيهم هواي معاني دمرتني بكلامها وكانو تكول خلص بعد ماشوفك دير بالك ؏ نفسك.
درت وجهي عنها ماريدها تشوفني ضعيف گدامها بقت ثواني وراحت م̷ـــِْن راحت درت وجهي وراها بس دير وجهه گلت اروح واحضنها واعترف گدام الكل بحبي الهاا.
بس مالتفتت كملت طريقها وطلعت رجعت باوعت علئ حيدر.
_انته مااااتوب يووول ليشش ماتبطل سوووالفك
حيدر / شسويت ??
_شتررريد منهااا.
حيدر / اعتذرت منهااا اريدها تسامحني.
_وسامحتك ??
حيدر/ ايي سامحتني وحته گالت نسيت كلشي سويته.
فتحت عيوني مصدوم معقوله نارين سامحته بهل سهوله ونست كلشي صاار.
_سامحتك ??
حيدر / ايي شبيك مستغرب وصلا اني مفكر اسوي وياها علاقه م̷ـــِْن جديد وانشالله بالمستقبل تصير الي
_حته ادفنك ولله
حيدر / شنوو وانته شعليك بيهااا.
_تبتعد عن ناااارين سمعت ناارين خط احمررر.
حيدر / اكدر اعررف شنوو سبب هل اهتمام.
_موو شغلك
عفته ودخلت للبيت اااخ نارين ليش تسوين هيج بيه ليششش بعد كلشي سواه بيج تسامحينه واني تقربت منج گلبتي الكون.
___________________________________
نارين.
رجعت للبيت واني مقهوره يوم واحد بقيت عدهم وكل هل احداث صارت وياي اذا اصير بحياتهم شراح يصير بيه
يدفنوني ومايهتمون الاحسن ابتعد عنهم. وأمن علئ حياتي ومستقبلي.
بس شسوي بگلبي الي تعلق بيه وحبه.
وصلت للبيت اني وبابا بسرعه رحت علئ غرفتي مالي خلك احجي ولابقه كاعده
شمرت جنطه ودخلت للحمام اسبح شغلت دوش علئ راسي واني اتذكر شلوون تقرب مِڼـّي ضرغام شلون باسني.
ااخ ياربي كاافي كااافي ماااريد اتذكر شي خلص تعبت ولله تعبببت
حضنت روحي واني ابچي ورجف.
لفيت نفسي وطلعت شبعت بچي لوحدي كل ماتذكر شلون نزل ويه مرته وتجاهلني امووت واحترك.
حته ماودعني م̷ـــِْن رحت.
اني الي رفضته لآزٍمٍ اتحمل مابچي خلص كاافي نارين لآزٍمٍ تكونين قويه
بهل اثناء واني ابچي انفتح الباب وكان بابا
بقه مصدوم م̷ـــِْن حالتي عيوني مورمه م̷ـــِْن البچي.
اجاني بسرعه وشالني كومني م̷ـــِْن الارض وكعدني علئ سرير.
ابو نارين / بووويه شبيج ليش تبچين شصااار فهميني
_ماكوو شي وكع صابون بعيوني #ڪــڔٰا̍ڕ
ابو نارين / ناااارين تجذبين عليه بابا
_صدكني ماكوو شي لاتخاف
ابو نارين / احجي شبيج بويه ليش هل دموع شصاير وياج احسج متغيره هل فترا صايره ماتحجيلي شي وكل وقتج تصفين
_تعبانه شويه اريد اسافر باجرر خليني اسافر لخالتي
ابو نارين / نسافر اني وياج بس قبل هاذه اريد اعررف شبيج ليش هيج ضايجه منوو مضوجج اهل ضرغام الهم علاقه موو.
هزيت راسي بلاا.
ابو نارين / ارفعي راسج وباوعيلي اذا همه مالهم علاقه لعد شبيج
_مابيه شي ولله گتلج تعبانه شويه
ابو نارين / شنوو الي. متعبج
حجيت بگلبي.
كلبي تعبني بابا تعبني ولله ماگدر انسه حبي ولاكدر اتقبله احس روحي ميته وماكدر احجي بركان بداخلي بس ساكته
ابو نارين / لاله الله اله. لله غير تحچي راح تخبليني يابويه شبيج
_اريد انام نعسانه
ابو نارين / بس فهمني شبيج يابويه ولله شلعتي گلبي
_ولله مابيه شي لايضل بالك.
حضني علئ صدره وباس راسي. وهمس
ابو نارين / لوو بس اعررف شجاج يابويه ليش هيج متغيره جان رتاحيت.
سكتت واني مقهوره شرد شكوولك شلوون افهمك بنتك تحب شخص وموو ايي شخص متزوج وعنده مرره بسبب هل حب راح ادخل معارك ومتاعب
بقه بابا يمي شي ساعه حاضني ويسوالف وياي يريد يفهم شبيه بس اني ماحجيت شي
اخرر شي خلاني براحتي وطلع م̷ـــِْن الغرفه
تغطيت بفراشي واني مقهووورره وضايجه احس روحي ميته. كلشي تغير بحياتي ياريت ماتعرفت علي ياريت ماحبيته ولاتعلقت بيه.
شغلت اغنيه عذابنه البعاد نارر الگلب زاد.
بقيت مغمضه واتذكر بكل لحضه مرت بيني وبينه
يل رحت م̷ـــِْن ادينه ارجع علينه ."
بسبب بوعدك متنه انتهينه "
گلبي وحنينه اذكرر سنينه ..."
يصعد مينزل النفس بينه .."
من غبت عني الهم كتلني وينك تعال "
تعذب الفرگه ومشتاگ للملگه ولبعد طال "
بقيت اتسمع عليها واني ميته م̷ـــِْن القهر بدون ماحس نمت.
گعدت صبح واني تعبانه وراسي دايخ ليوم اخرر يوم الي بالمتحانات.
كمت بسرعه بدلت ولبست ملابس المدرسه اخذت كاتي ونزلت تحت
لگيته بابا طالع لشغله اكلت لكمتين واني واكفه وطلعت.
_صباح الخير عموو
صلاح / صباح النور بويه يلا اصعدي تأخرنه
هزيت راسي بأييي وصعدت بالسياره
وصلني للمدرسه وراح دخلت تلاكت وياي منارس.
منارس / هاا حبب شلونج
_زينه
منارس / يااا نارين شبيج تحجين م̷ـــِْن ورا خشمج وياي شمسويتلج.
_اسفه شويه تعبانه
منارس / شبيج صاير شي
_لا
منارس / شنوو لا شوفي وجهج متغير عيونج سواد تحتهم شنوو كنتي تبچين ??
_منارس كاافي مالي خلكج
منارس / نارين شبيج ليش تحجين هيج
_اووووف ياربي
منارس / تعاي خلينه ندخل للصف واحجيلي شبيج ليش هيج مقهوره وضايجه.
دخلت وياها للصف وكعدنه علئ المقاعد مالتنه.
جابت المقعد مالتها يمي ولزمت ايدي.
منارس / شبيج حبيبتي ولله حالتج معاجبتني.
نزلت عيوني علئ الارض وبچيت
منارس / يااااا نارين تبچين ولججج احجي وكفتي گلبي شجاج.
_اااخ منارس گلبي دمرني ولله اتمنئ اموووت ورتاح
منارس / سم لله شبيج لاتحچين هيج بس فهمني شصاار الضابط اله علاقه موو
_هوه كل عذابي وقهرني منه دمرني دمرررررني
منارس / خيولي ؏ شنوو حارگه گلبج عليه 100 شخص يتمناج.
_بس هوه ممأذيني بشي يحبني ويموت عليه اني الي كسرت گلبه اني رفضته
منارس / هوه هاذه الصح الرجال متزوج تعرفين شنوو متزوج ولجج نارين انتي بنت العميد حسين م̷ـــِْن اكبرر
واقوئ رجال الدوله تاليتج تاخذين علئ شرك شجاج تخبلتي. قلت عليج الزلم بسس فهميني شجابج عليه شلوون حبيتي ولله دايخه اصلا منين تعرفي انتي ولامره حجيتيلي عليه
_تعرفت عليه وياريت ماعرفته
منارس. / كاافي فدووه لاتبچين ولله كسرتي گلبي فدووه كافي
مسحت دموعي واني اسحب نفس بقهرر.
_رايحه اغسل وجهي ورجع.
منارس / اجي وياج.
_لا حبيبتي ماطول اني ابقي راجعي بلدرس قبل لايبدي الامتحان.
عفتها وطلعت م̷ـــِْن الصف رحت علئ الحمامات غسلت وجهي وسحبت نفس
بقيت اباوع علئ وجهي بالمرايه شكدد متغيره نارين وين نارين المرحه الي تحب نفسها الي تهتم مضهرها وشكلها واناقتها.
طلعت مفتح بشره خليت تحت عيوني ورتبت شعري خليت شويه عطر وطلعت. للصف
دخلت للصف. شويه ودخل المدرس وبدت الامتحان.
ركزت بالامتحان ماريد بعد كل هل تعب اخسرر دراستي.
جاوبت علئ كلشي وطلعت بقيت منتضره منارس تخلص وتطلع
اتصل جهازي كان بابا
_الوو هاا بابا
ابو نارين / هاا بويه شلونج.
_الحمدلله انته شلونك
ابو نارين / زين بس ضال بالي يمج اكلتي شربني.
_لاتخاف يروحي زينه اني واكلت قبل لاطلع
ابو نارين / خلصتي امتحان
_ايي وجاوبت كان سهل كلش
ابو نارين / عفيه بأبنيتي الشطوره ليوم نحتفل اني وياج بهل مناسبه الحلووه
_اوك باباتي.
ابو نارين / وباجر. انشالله راح نسافر لتركيا اني وياج.
_انشالله.
ابو نارين / يلا باباتي عندي شغل. خليني اخلصه ورجع للبيت
_دير بالك ؏ نفسك
سديت منه شويه وطلعت منارس گالبه وجهه مدري شبيها.
_هاا بشري جاوبتي
منارس / ولجج صعب صعب خررب يومهم
_لا ولله كلهم سهلات اصلا هل منهج قارينه كوله وفاهمي
منارس / ولله اني مجاوبت زين
_لله كريم انشالله نعبر هل سنه ثنينه
منارس / عادي اعبرر اخلي بابا يحجي وياهم ويعبرني.
_بس هيج مراح تستفادين شي لآزٍمٍ طلعينه بتعبج.
منارس / ولج. راحت عيوني كد ماقريت شسوي اكثرر.
_يلا خلينه نرجع للبيت تعبانه.
منارس / اي ولله اني هم ميته م̷ـــِْن التعب اريد انام شس 10 ساعات ؏ اقل.
_ماتجين وياي لبيتنه فدووه ولله ضايجه وباجر راح اسافر اني
منارس / شنوووو شنووو يمته تسافرين ??
_باجر
منارس / عليج لله صدوك لْـۆ تشاقين
_ولله شبيج. قبل شويه اتصل بابا وگلي باجر نسافر اني وياج
منارس / اووف نارين ولله ضوجتيني هسه ؏ شنوو مسافره ابقي هناا
_لا اني اريد ابتعد اريد نفسيتي شويه ترتاح ابقه فترا هناك ورجع بعدين اكوو شي اسمه جهاز اتصلي علي وراح اراويج كل اجوأء تركيا
منارس / اووف لْـۆ يخلوني اهلي جان سافرت وياج
_علواه يقبلون ولله اكيف اخذج وياي وكل مصاريفج عليه.
منارس / يمعوده هيه ؏ فلوس عندي خيرر بس اهلي ميقبلون تعرفيهم انتي.
_شنوو رأيج احجي ويه عموو بلكي يخليج اكوله نگضي العطله هناك وبابا يرجعنه وراح نبقه عند خالتي وخالتي عايشه لوحدها يعني ماكوو ويانه رجال
منارس / لا حبيبتي لاتعبين نفسج اهلي واعرفهم ميقبلون وحته اذا وافق بابا احمد ميقبل.
_براحتج.
منارس / خليني ارجع للبيت اسبح ورتاح واجيج نرتب جنطتج سويه
_ﺎوك
سلمت عليها ورحت صعدت بسيارتي ورجعت لبيتنه وصلت بوجهي لغرفتي بدلت ملابسي وغسلت ونزلت اتغدئ
گاعده علئ طاوله الاكل لوحدي واني ضايجه شويه ودخل بابا
ابو نارين / اميرتي الحلووه منتضرتني علئ الغده
_ايي لسه ماكلت شي غسل وتعال ناكل سويه
ابو نارين / هسه ماطول بس اغسل ورجع
راح لغرفته وبقت الخدامه تخلي بألاكل علئ الطاوله شويه ونزل بابا كعد مقدمه الطاوله باوع علي وگال
ابو نارين / شلون صرتي بويه
_زينه.
ابو نارين / خوفتيني عليج ولله شجاج لبارحه حته ماكدرت انام.
_شويه تعبانه لايضل بالك
ابو نارين / انسي البارحه اليوم مميز وحلوو مناسبه انتي كملتي امتحانات ومجاوبه زين شتحبين وشنوو تتمنين اطلبي.
_اريد اتعلم اسوق
ابو نارين / بعدج زغيره بابا م̷ـــِْن يصير عمرج 19 اشترلج سياره خاصه الج
_معليه بس انجح اريد سياره وتعلمني سياقه
ابو نارين / تم من عيوني هذولي تدلل اميرتي
_يااااي يعني راح تعلمني موو.
ابو نارين / انتي تأمرين موو تطلبي
گمت م̷ـــِْن مكاني ورحت حضنت عليه واني فررحانه كان حلمي اتعلم السياقه وتصير عندي سياره خاصه الي. كنت كل ماطلب منه يكول اخاف عليج بعدج صغيره م̷ـــِْن تكبرين اعلمج.
سحبني م̷ـــِْن ايدي وگعدني علئ رجله ورجع شعري ورا اذني
ابو نارين / ولله حاير يبويه شلوون راح تحمل بعدج عني هل فترا
_خليني يمك اذا هيج
ابو نارين / لا بويه روحي فترا غيري جوو هم أمن عليج م̷ـــِْن الخطر وهم ترتاح نفسيتج.
_باباتي حبيبي اذا انته موجود تأكد مراح يصيرلي شي اني وياك بامان لاتخاف عليه
ابو نارين / ميخالف بابا الحذر واجب اني شعندي غيرج اذا يصيرلج شي الوم منوو وعاتب منوو شگول الامج ماحافضت علئ بتنه ماهتميت بيها.
_اصلا جذب اكوو اب مدلل بنته ويحبها بكدك ولله ماكوو منك انته عمرك مانقصت شي عليه
ابو نارين / ااخ يابويه لوو تدرين معزتج شكبرها.
حضنت عليه بقوه وبست خده
_امووت عليك اني ولله.
ابو نارين / يلا ارجعي لمكانج كملي اكلج.
كمت ورحت كعدت علئ الكرسي مالتي وبقبت اتعشئ
مستحيل اكدر اوصف بابا مينوصف بكلمات يحبني ومدللني لاخرر درجه عمرره مانقص شي عليه وماتذكر م̷ـــِْن انولدت لاحد هاذه عمري ماد ايده عليه
وحته اذا يعلي صوته علي يجي ويعتذر مِڼـّي ويمسح دموعي عمرري ماحست بنقص الام كان الي ام وصديق واب وكلشي.
ادعي ربي يحفضه الي طول العمرر وربي ميحرمني منه.
كملنه اكل. ورحنه گعدنه بالاستقبال بقيه ينصح بيه ويوصليني انوو ابقه ﯙيه خالتي وماطلع لوحدي
شويه واجت علي منارس سلمت علئ بابا اخذتها وصعدنه للغرفه مالتي...
