رواية ثأر الشيخ مهران الفصل الواحد والثلاثون 31 بقلم حوراء

أعرفُ الوجع التي تتركه الكلمات التي تُقال وأعرف الوجع الأشد وجعاً الذي تتركه الكلمات التي لا تُقال

نزار قباني 

_____________________ 

رياحين:- ساعتين ودك موبايلي ركضت عليه وفتحته اجاني صوت يزن يحجي بصعوبه 

يزن:-الو شلونج حبيبتي 

رياحين:-من سمعت صوته وشلون بلكوة يحجي ماكدرت الزم روحي بسرعه وكعن دموعي وعلى صوت شهكاتي 

يزن:-اخخ ريحانتي تبجين عليه؟ مسحي دموعج حبيبتي كلش غاليات عليه ترة ومااقبل تنزليهن 

رياحين حجيت بصعوبه:-ش شلونك 

يزن:-اهه هسة صرت زين من سمعت صوتج ليش هيج سويتي بيه هاا شلون انطاج كلبج شهر كامل ماتردين على اتصالاتي ولا على رسائلي؟ 

رياحين:-اسفهه والله اني جنت اموت ميت مرة باليوم جنت عايشه جسد بلا روح لاعبالك جنت مرتاحه لا والله النفس جنت اخذه بالكوة 

يزن:-اذا انتي هيج متأذيه على غيابي ليش ماجنتي تردين عليه 

رياحين:-ماكدرت والله كلش صعبه عليه من اعرف ان جد الشخص الي احبه هو الي كتل ابويه 

يزن:-بس اني مالي ذنب بأي شي لاتعاقبيني على ذنب اني ماارتكبته وبعدين اني تركت اهلي وعايش بوحدي وان شاءلله بس اطيب واكوم على رجلي راح الكه شغل واكون نفسي واخذج من اهلج وكدام الكل 

رياحين:-صعبه يزن كلش صعبه ماراح نكدر نجتمع اهلي واهلك اعداء واخوي ذلكم مااعتقد اهلي راح يقبلون نتزوج 

يزن:-عوفيها علي اني اسوي كلشي وارتبه لاتخليها ابالج 

رياحين:-شلونن فهمني 

يزن:-لااتعبين عقلج الحلو بهاي السوالف تعاي سولفيلي شنو صار وياج بهاي الايام الي غبت بيها عنج 

رياحين:- ماكو شي جديد دراسه وبس 

يزن:-تكدرين تجيني باجر اشوفج؟ 

رياحين:-وين اجي؟ 

يزن:-للشقه مالتي اريد اشوفج مشتاق الج 

وانتي هم تشوفيني وتعتبريها زيارة مريض 

رياحين:-شنو جاي تحجي يزن 

يزن:-اريدد اشوفج مشتاق الج ولاتخافين اني رجلي مكسورة يعني امني ماراح اسويلج شي 

                                  

              

                    

رياحين:-مااكدر اجي باجر عندي دوام 

يزن:- خلصي اول محاضرة ونوب اطلعي وتعالي يلا حبيبتي شنو ما عندج ثقه بيه 

رياحين:- مو هيج بس خايفه وحته مااعرف العنوان الشقه 

يزن:-لاتخافين حبيبتي ماراح يصير شي بس اشوفج وترجعين والعنوان هسة ادزه الج برساله ها شنو كلتي 

رياحين:- تمام راح اجي بس مااضل هواي شويه وارجع اخاف يجي فهد ومايلكاني بالكليه وتصيرلي سالفه 

يزن:- تمام حبيبتي 

رياحين:-يلا اروح هسة اني باي 

يزن:-باي يروحي 

سديت الخط منه وحظرت ملابسي ماكدرت انام الليل كله خوف على توتر على اشتياق كلهن حسسيت بيهن بنفس الوكت 

________________

نارة:- ضليت منتظرة ادم شوكت يجي اتأخر لل1 وهو ماكو وكفت على الشباك اباوع على الشارع نص ساعه وبينت سيارته بالفرع وصل لباب البيت ونزلت اني بسرعه فتحت باب المطبخ وطلعت وشفت الحارس يسد بالباب بعد ما ادم دخل سيارته نزل من السيارة واني ركضت عليه حضنته  

نارة:-اسفه والله مو قصدي احجي هيج او اقلل من حبك الي بس والله كلام نور لعب براسي وخلاني هيج اتصرف 

حاوط خصري بديه وسحبني لحضنه اكثر 

ادم:-اخخ ناري شمسويه بيه لجج اليوم كله اشتغل واني مو بعقلي كلساع غلطان بشي تالي فهد اخذ مكاني بالشغل واني ضليت كاعد على صفحه افكر شلون ارضي الخبله مالتي 

نارة:- يعني مازعلان مني 

ادم:- ازعل من الدنيا وتراضيني ضحكتج شلون ترديني ازعل منج 

نارة:-احبك والله 

ادم:-اخخ الله ميت بيج اني تعاي اريد احجي وياج بموضوع مهم 

نارة:-ادمم عوفه هسة اني اريدك 

ادم:-اههه يابه صايرة قويه والله 

نارة:-اني نارك اكيد قويه 

ا

دم:-تدرين من شفتج شنو اجه على بالي 

نارة:-شنو 

ادم:-هذا اكو شاعر من الناصريه اسمه اياد عبدالله الاسدي 

_يكول 

_من شفتك وحگگ تيهت دربي ماكلك متت بس انخمش كلبي 

ادم:-هذا البيت يحجي حالتي من شفتج خطفتي گلبي 

            

              

                    

نارة:-حلو بس انته من شوكت تسمع لهذا الشاعر 

ادم:-من شفتج طلعلي الفيديو مالته وتابعته لان اشعاره تحجي واقع اغلب الشباب #ڪــڔٰا̍ڕ

نارة:-تدري شكد احب هذا الشاعر 

ادم:-تعرفيه 

نارة:-اكيد لعد منو ميعرف ايادي 

ادم:-ايادج؟؟!!! 

_عضيت شفتي بفشله من استوعبت شنو حجيت 

نارة:-هاا مو لان متعودة اسميه هيج مو قصدي 

ادم:-لاتتعودين واصلا لاتسمعين اشعار ترة مو حلوات 

نارة:-ياا هاي شبيك هسة اني شحجيت وكبيت عليه وبعدين وين اكو احلى من الشعر 

ادم:-اكو احلى من الشعر 

نارة:-شنو الاحلى بله؟؟ 

ادم:-اني 

نارة:-هههههههه شوف الثقه 

ادم:-ليش عيني عندج اعتراض 

نارة:-ابددد 

ادم:-ههه عبالي، هسة يلا شنو تردين لااتيهين السالفه 

نارة:-اريدك مشتاقه الك هوايي 

ادم:-اويلي عليك ادم شراح يصير بيك اليوم امشي يلا 

صعدنه سوة وعشنه احلى ليله سوة ماجنت اعرف راح اتندم بكد شعر راسي على هاي الايام الي عشتها وياه 

___________________

ايليا:- راحت مرح ويه مهيمن واني ضليت كاعدة يم الحجيه شويه واشتهيت كيكه صحت على نارة ودخلنه اثنينه للمطبخ نسوي بيها سويت هيج لان حسيت بيها ضايجه وحبيت اغيرلها جو خلصنه الكيكه وراحت تصيح على رياحين ماكو شوي ورجعت وجانت حيل ضايجه سألتها شبيج ماجاوبتني عفتها على راحتها طلعت الكيكه من الفرن وخليتها تبرد شويه وصبيت عصير بكلاصات دخل علينه نزار وصاح 

نزار:-يامعدله مسويه الكيكه هايي 

نارة:-اكعد نزار خليها تبرد وناخذها يم الحجيه ونوزعها على الكل 

نزار:-لجج انتي شسوين هنا تعاي ايليا اوكفي يمي لاتحتركين منها 

نارة:-ههههااييي متضحك ترةةة 

نزار:-انجبي انتي هم صايرة نفسيه مثل رجلج 

ايليا:-هسة انته شتريد 

نزار:-اريد كيكه 

ايليا:-هسة بس اخلص العصير واطلعها برة وانطيك 

نزار:-عادي انطيني هسة وبعدين هم انطيني ماكو مشكله 

ايليا:- اصيح عليك مهران والله 

نزار:-عود شنو تخوفيني برجلج انتي ترةة مااخاف منه ابدد 

الشيخ مهران:-منين ماتخاف بعد اخوك 

            

              

                    

نزار:- هااا مو مااخاف منك اكللها اني ماخاف من اي واحد بس من اخوي مهران اخاف 

الشيخ مهران:-امشي اطلع برة خليهن يخلصن على راحتهن لاتخبصهن 

نزار:- ترة اني ممسوي شي والله بس هي مرتك كابه عدها هرمونات الحمل 

الشيخ مهران:-خويه وداعتك اني مااوصل يمها من يكبن عدها الهرمونات اخاف على روحي 

نزار:-هههههه هاا شيخخ تخاف من مرتكك 

الشيخ مهران:- مو زلمه الي مايخاف من مرته 

نزار:- اجيبك للدرب كتلك اجيبك 

الشيخ مهران:-كوممم لككك سرسريي 

نزار:- شيخ امير مختفي ماكايمين نشوفه 

الشيخ مهران:-لاتخاف عليه هذا يومين ويجي هنا يصيح حجيه اريد منج مسكوف بس انتي تعرفين تسويه 

نزار:- اي بعلي هيج يسوي كلما يختفي ونوب يطلع لازم ياكل مسكوف 

الشيخ مهران:-بويه نارة رجلج وينه اليوم مابين 

نارة:-مااعرف شيخ 

الشيخ مهران:-خير إن شاءلله 

نزار:-تلكاه يم زوجته الثانيه 

نارة جانت تطلع بالمواعين من سمعت كلام نزار وكعن المواعين منها 

الشيخ مهران:-الله الله صار بيج شي بويه 

نزار:- هاي كلها لان سمعتيني هيج احجي 

الشيخ مهران:-انته شوكت تبطل شقاك الماصخ هذا هااا 

نارة:-يجوز مو شقه شدراك شيخ 

نزار:-لا والله وداعه ابوي شقه اصلا هذا اخوي كلشي ماكو ماعنده هيج سوالف ابدد 

الشيخ مهران:-بويه ترة نزار يقصد فهد بكلامه من يكلج يم زوجته الثانيه لان احنه من زمان من ينفقد ادم نكول يم زوجته نقصد بيها فهد وهسة هو تزوجج صرنه نكول على فهد زوجته الثانيه

ايليا:-لعد انتم بالمقلوب لازم تسمون نارة زوجته الثانيه 

نزار:-ترة احنه نمشي على المعزة وادم يعز نارة حته اكثر مني 

ايليا:- ههههه لهلدرجه 

نزار:-وعلي هسة يجي وسأليه تحب منو اكثر مرتك لو نزار راح يكلج نزار بيش الكيلو 

الشيخ مهران:-كافي نزار هواي جفصت بعد اخوك 

نزار:-يلا ام علي انطيني كيكه خليني اروح 

ضليت اباوع عليه متفاجأه درت وجهي على نارة حته افتهم منو يقصد بينا 

الشيخ مهران:-يقصدج انتي بكلامه لان اني احب اسم علي والكل يعرف اول ابن الي اسميه علي 

هزيت راسي بأيجاب 

نزار:-هسة عرفت اسم ابنج تنطيني كيكه لو لا 

            

              

                    

ايليا:-روحو للصاله واني ونارة نجيبهم 

نزار:-تمام 

طلعو واحنه رتبنا الكيك بمواعين وكلاصات عصير هم طلعت وشفت مهيمن كاعد يمهم بس جان بوحدة 

ايليا :-مهيمن مرح وين

مهيمن:-عفتها بالبيت واجيت بوحدي 

ايليا:-ليش عفتها بوحده خطيه روح جيبها خليها تكعد ويانه 

مهيمن:- خوش 

كام مهيمن حته يجيب مرح 

الحجيه ترفه:-ريحانه وينها انتبهت عليها اليوم لازكه بغرفتها شبيها 

نارة:- مابيها شي خاله بس عدها امتحان صعب وكاعدة تقرة بيه 

الحجيه ترفه:-الله يسهلها ويوفقها بدراستها 

ايليا:-إن شاءلله 

__________________ 

فهد :- جنت راجع للبيت وذكرت رياحين صار شكد ماشايفة درت السيارة ورحت للكلية حتى اخذها من وصلت شفتها طلعت وركبت تكسي ستغربت ليش طلعت وبعد وكت وليش ماخابرت احد ؟  

رياحين :-بعد ماطلعت من الكلية اخذت تكسي ورحت للشقة الي بيها يزن جانت بعيدة وصلت ودفعت افلوس التكسي ونزلت دخلت للبناية وصعدت لطابق الثاني وكفت كبال باب الشقة وجنت حيل خايفه ومتوترة دكيت الباب وطلعلي صديقة دخلني وطلع (طلع بس جان يضحك ضحكه شيطانيه الحقير)

من طلع شافة فهد وختل حتى مايشوفة من نزل صديق يزن صعد فهد وكف كبال باب الشقة

_دخلت للصالة وتفأجت من شفت يزن كلشي مابي ويمشي على رجليه 

رياحين:-شنو انته جاي تجذب عليه وخليتني اجي لهنا جنت احجي واريد اطلع بس جان اسرع مني وكف كدامي ودفعني وكال 

يزن :-جيتي والله جابج يا اخت الشيخ مهران اله اخذ ثاري منج

فهد :-بعد مادخلت رياحين للشقة ضليت واكف وبعدين سمعت صوتها ماضل عقل براسي مباشرةً سحبت اقسام وضربت القفل ودخلت وشفت الحقير كدامي وهو ويحاول يعتدي عليها جريته وضربته بوكس ورجدي وكسرته تكسير وبعدها رحت سحبت رياحين وقبل لا اطلع ضربتة برجلة طلقة وطلعت 

رياحين:-بعد ما اخذني فهد وصعدني وضل يصيح عليه ويغلط ويسب ب يزن 

فهد:-بس كليلي شلون تجين لهذا كو.....د الس.....ل لو مسويلج شي انتي غبيييه 

رياحين:-ضليت بس ابجي ماكدر احجي شي واخذني للبيت ونزلنا وسحلني وشمرني بصالة وجتي امي لمتني لحضنها 

الحجية ترفة:- فهد شصاير وليش رياحين تبجي وليش انتَ عصبي وعلى صوت امي دخل مهران 

مهران:-ليش د تبجي وشمسوي وياها وليش رجعت بهذا الوقت 

فهد:-( نفجر بعصبية بمهران) كله من وراك الصار والي راح يصير والي راد يصير برياحين شايف لو صاير شي وما مدخل اني جان محد كدر يخلصك من ايدي

            

              

                    

مهران:-فهددد اول تالي انتَ تحجي هيجي وتجاوز علي احترم نفسك

فهد:- كله من وراك ومن ورا سالفة الانتقام الي ضليت تفتر عليها لحد ماسويتها ورحت بيها بنيه بريئة مالها ذنب واليوم لو ما مدخل اني جان هم راحت بنية ثانية بريئة مالها ذنبها الوحيد انو صدكت بواحد كلب مثل ما ايليا صدكت بيك رياحين هم صدكت ب يزن وراحت وراا على العمياووي وهوووو استغل ثقتها وحبهها اله وحاول يأذيها ويأذينا بيهاااا

مهران:-انتَ شنو تقصد بكلامك وويزن وين عررررف رياحين حتى يجيييي ويحجي وياهااااااا وشلون راحتله؟

فهد:-ماعرف كل الي الاعرفة اني اليوم لو اني ما مدخل جان صارت مصيبة لرياحين 

الحجية ترفة :-تبجي ودك وتلطم شششفت يا شيييخ شفت ثاررررك شسوه بينا كتلللك كتلك عووف ثارك عووووف نار الانتقام لأن هيه راح تحرككك وتحركنا وياااك بس انتَ ماسمعت من عندي وهاي نتيجتها وطلعت حوبتها للبنيه بأختك شنسوي لو ما ابن عمك مدخل بهااااي اللحظة جان راسنا بطين

رياحين:-اباوع على اخوي شلون كعد بالكاه وحط ايده على راسه ويهز راسه بنفي شوي وصاح بيه 

الشيخ مهران:-ليششش هيجججج لججج رياحيننن بشنوو قصرتتت وياججج هااا لج وكفتتت بوجه كل الناسس وصرتت بضهرجج ودخلتج للكليه بعد ماكل الناسس كالت خليها توصل لل15 وزوجها واخلص من همها بس اني رفضت تدرين ليشش لان جنت حالف مستحيل اتزوجت واعتبرتج انتي بنتي لجج مابيوم من الايام شفتج اختي دائما اشوفج بنتيي وكبرتت على هذاا الاساسس ليشش هيجج تسوين بيه هااا ليشش 

متحملت شلون يحجي وياي ويعاتب بيه تقدمت عليه وكعدت يم رجله وحجيت بتوسل 

رياحين:-والله مو قصدي اخونن ثقتكك بيه اسمعني مهران هو ضحكك عليه هو خدعني اني مستحيل اروح اله اذا جنت اعرف بيه هيج يفكر بيه 

الشيخ مهران:-وشنو فائدة من كلامج هسة هاا انتي تجرأتي وطلعتي من كليتج ورحتي للشقه مالته برجليج محد جبرج او ضربج على ايدجج لا انتي رحتيله برجليج بس فهميني شنو جنتي تتخيلين من رحتي لواحد بالشقه مالته هاا وبمكانن هيجج بعيدد 

رياحين:-اسفه والله العظيم اسفه  

الشيخ مهران:-بشنو يفيدني اسفجج هاا راح يرجعلي ثقتي بيج لاا راح يرجع نضرتي عليج لاا راح يرجعج بنتي رياحين الي جنت اخاف عليها من الهوة هااا 

لزمت ايدة اتوسل بيه نتر ايدي ولزمني من شعري وضربني راجدي وكعت على اثره بالكاع راد يتقدم عليه بس صار بوجها فهد وصاح عليه 

فهد:-انته تحجي صدكك لخاطر ربك يعني انته تعالج الغلط بالغلط شنو راح تستفاد من تضربها هااا 

صاح مهران بعلو صوته 

:-اخخخخخخ يانار كلبيي شوفي لجج رياحين وجهج مااريد اشوفه كداميي خوشش الكليه تنسيها وطلعي من عتبه الباب هم تنسيها تكعدين بغرفتج وتسكتين ومن اني موجود مااريد اشوفج نازله يمي مفهوم 

            

              

                    

رياحين:-جنت قابله يضربني لان اعرف بنفسي غلطانه ومستحيل ازعل منه ماتأذيت من ضربته بكد ماتأذيت من كلامه هنا استوعبت حجم المصيبه الي سويتها هنا خسرت اخوي وابوي وسندي بهاي الحياه ركضت عليه وحضنته من ضهرة اتوسل بيه يسامحني على غلطتي بس الي سواه شنو دفعني وطلع ولحكه فهد هم وكعت بالكاع اضرب بوجهي واملخ بشعري كلها ولا اخسر مهران اتقدمت عليه امي وحضنتني وتبجي وياي 

الحجيه ترفه:-ليشش هيجج يمه ليش خسرتي اخوج بسبب طيشج وتهورج ليش هيج سويتي ليش مو انتي العاقله الرزنه وينها بنتي العاقله الي ماتطلع منها الغلطه 

رياحين:-يمهه ساعديني ابوسس ايدجج كلها ولاا اخسر مهران يمه هو ابوي هو الي رباني مااريد اخسره حاجيه فدوة اروحلج خليه يسامحني 

الحجيه ترفه:-مااكدر احجي وياه هسة لان عصبي وميسمع مني خليه من يهدء والله كريم كومي هسة انتي اصعدي فوك وبهاي الفترة لاتخليه يشوفج خليه يهدء شويه 

رياحين:-هزيت راسي بأيجاب وكمت واني اسحل بروحي سحل الي صار وياي جان فوكك طاقتي دخلت لغرفتي وقفلت على روحي الباب 

________________________

مهيمن:-رحت للبيت حته اجيب مرح وتكعد ويه البنات وصلت للبيت صعدت فوك لغرفتي دكيت الباب عليها ماكو مترد رجعت دكيت مرة ثانيه وهم مترد خفت عليها بس لا سوت شي بنفسها رحت لام حسين واخذت منها المفتاح الاحتياطي رجعت صعدت بسرعه وفتحت الباب واتفاجأت بمنظرها جانت نايمه مثل الملاك ونص شعرها واكع بالكاع تقدمت عليها وعدلت شعرها وغطيتها عدل لان الغطه جان صاعد كعدت كدامها على القنفه وسرحت بجمالها سبحان الخلقها شنو من جمال شايله همست بضعف 

:-معقوله انته الدوة لجروحي مثل ماكالت امي الحجيه؟  

اتصلت على مهران وكتله ماراح اجي لان لكيتها نايمه واني عندي شغل اريد اخلصه وهو محجه شي ضليت كل الليل اشتغل خلصت شغلي وكمت بدلت ملابسي ونمت على الجربايه بس بعيد عنها بس اليوم هيج باجر إن شاء الله اشوف شلون راح تصير نومتنه 

مرح:-كعدت ثاني يوم على صوت الباب كمت اريد استوعب اني منو وين نايمه درت وجهي على الجهة الثانيه وشفت مهيمن نايم يمي كمزت ووكعت بالكاع وهو فز من نومه وكام بسرعه اجه عليه وكومني 

مهيمن:-بيج شي اتأذيتي 

من الفشله حته ماكدرت احجي بس هزيت راسي بنفي 

عافني وراح للباب فتحه وجانت فردوس واكفه يم الباب 

مهيمن:-خير فردوس شعندج ادكين الباب علينه من الصبح 

فردوس:-اويي عيني بس لاقاطعتكم وانتو جنتو تسون شي مهم 

مهيمن:-لايابه ماقاطعتينه لان احنه مجنه نسوي شي لان اخاف عليها متتحمل جسمها ضعيف 

            

              

                    

مرح:-ماافتهمت شي من الي كاله مهيمن بس الي شفته ان فردوس حيل ضاجت وحته دمعت عيونها كالت بصوت عالي 

:- ام حسين تعاي صعدي الريوك للعرسان لتخليهم ينزلون جوة ويتعبون خطيه العروس تلكينها تعبانه من ليله البارحه 

ام حسين:-حاضر هسة اصعده الهم 

عافتنا وراحت باوعت على مهيمن وسألته 

مرح:-شنو تقصد بكلامها 

مهيمن:- معليج بيها بويه هاي وحدة مخبله اني راح ادخل اسبح هسة راح تجي ام حسين تجيب الريوك اكلي لاتنتظريني تمام 

مرح:-تمام 

شويه واندك الباب رحت فتحته وطلعت بوجهي ام حسين صبحت عليها وردت عليه الصباح اخذت منها الصينيه مالت الريوك وراحت دخلتها للغرفه وحطيتها على الميز وكعدت على القنفه صبيتلي كلاص جاي وقسمت الصمونه هستوني جاي اكل وهو طلع من الحمام لاف على خصره المنشفه ذبيت الصمونه من ايدي وردت اكوم بس هو كال 

مهيمن:-كملي ريوكج بويه اجيت اخذ الملابس نسيت ادخلهم وياي 

اخذ ملابسه ورجع دخل للحمام واني سحبت الصمونه ونزلت على البيض خلصته كله جنت كلشش جوعانه شربت كلاصي مال الجاي وهو اجه باوع على الصينيه ونوب باوع عليه حيل خجلت هسة شيكول عليه ماشايفه اكل بس صدمني من كال 

مهيمن:-مااكلتي شي بويه ماعجبج الاكل اخلي ام حسين تسويلج شي ثاني 

حجيت بصدمه:-ترة اكلت صمونتين وشربت كلاص جاي وخلصت البيض 

مهيمن:-ههههه الف عافيه بويه بس اكلج شويه عبالي معجبج الاكل 

مرح:-لا عجبني واصلا اني اليوم اكلت هواي الحمدلله 

مهيمن:-يستحق الحمد 

دخلت للحمام غسلت وطلعت شفته ماكل النص الي عفته بس سألته 

:-ليش ماأكلت شي 

:-شبعان تعالي اريد احجي وياج 

اجيت وكعدت كدامه 

:-باعي هسة راح اخذج ونروح لبيت الشيخ مهران وناخذ ايليا ونروح للدكتورة 

:-ليش منو المريض؟ 

:-انتي 

:-اني؟ بس اني كلشي مابيه 

من حجيت هيج حسيت بيه توتر مسح وجهة وضل يستغفر بصوت مسموع 

مهيمن:-احتركت روحك مهران شوفي انتي معليج بس سوي كلشي تكوله الج الدكتورة وايليا هي راح تحجيلي شنو كالت الدكتورة خوشش 

مرح:-خوشش 

طلعنه اني وياه ورحنه لبيت الشيخ طلع الشيخ النه وتسالمو هو ومهيمن 

الشيخ مهران:-وين اختفيت البارحه ولك

يحجي ويغمز 

مهيمن:-وفكس العينك شبيك مو خابرتك وكتلك عندي شغل 

            

              

                    

الشيخ مهران:-هههه واي شنو خلصت شغلتك 

حجه هيج مااحس اله مهيمن كمز عليه ونومه بالكاع ويضرب بيه بوكسيات والشيخ ميت من الضحك اخر شي صاح الشيخ 

:-اخخ اخخ كافيي ولكك وخر مني راح اموتت 

:-عساك إن شاءلله واخلص منك 

كامو اثنيناتهم 

مهيمن:-يلا صيحلي ام علي خلينه نروح من وكت 

الشيخ مهران:- تأمر امر حبيبي 

مهيمن:-غصبا عليك 

الشيخ مهران:-امشي روح ولي ماتجي وياكم 

مهيمن:-ابو علي اروح فدوه لوجهك فضها مو طكت مررارتي 

الشيخ مهران:- ايي عبالي شويه وتجيك 

مرح:-ضلينه شويه ننتظرها وطلعت جانت كلش حلوة صح ماحاطه مكياج بس مدري ليش حسيتها كلش حلوة 

ايليا:-كعدت الصبح من وكت بدلت وعدلت روحي لان راح اروح ويا مهيمن ومرح للدكتورة حته تفحصها فحص بكارة كملت لبسي ووكفت على ميز التواليت حطيت واقي شمس و شويه كحله على مسكارة وهو جان كاعد على الجربايه يباوع عليه 

الشيخ مهران:-لا تلبخين انتي بدون لبخ تخبلين 

ايليا:-ماطالبه رأيك بيه 

الشيخ مهران:-اكلج غيري هذا اللون مطلعج حيل بيضه 

ايليا:-شنو رأيك احط صخام شويه على وجهي شسوي لروحي اذا اني بيضه هاا 

الشيخ مهران:- تسوين فضل عليه والله حته محد يباوع عليج 

ايليا:-واني شعليه بالناس 

اخذت جنطتي ونزلت وهو يمشي وراي كلساع مطلعلي شغله وعيب بالبس الي لابسته مع ان اني جنت لابسه فستان كلوش لونه سمائي طلعت للحديقه وهو هم بعد يعلق على لبسي درت وجهي عليه وكلت بتهديد 

ايليا:-تفك ياخه عني لو اعضك 

الشيخ مهران:- مو هسة عيب من ابن عمي شيخ وبالك عني تاليتها مرتي طايحتلي عض هم عيب منه 

ايليا:-خوش لعد وخر مني علمود صورتك كدام ابن عمك 

مهيمن:-يلا خويه بعدين تسولف وياها 

ايليا:-اجيت خويه اجيت 

صعدت ليورة ومرح كعدت كدام وهو يسوق نص ساعه ووصلنه للدكتورة الي حاجزين عدها دخلنه اني ومرح سلمت عليها وكعدنه 

الدكتورة:-تفضلو منو الي جايه عليه منكم 

ايليا:-دكتورة اجينه اليوم حته نسوي فحص بكارة 

الدكتورة:- تمام انتي لو هاي الحلوة راح تسويه 

ايليا:-لا مرح هي راح تسويه 

مرح:-شنو هوة هذا الفحص اني مامفتهمة شي 

الدكتورة:-الفحص حته اعرف اذا انتي انفتح عندج غشاء البكارة لو لا راح اسوي....... هاا شنو رأيج تقبلين لو لا 

مرح:-حيل خفت من الي كالته وكمت ابجي لا لا مااريد 

ايليا:-حبيبتي لازم تسويه حته تبينين كدام الكل ان انتي شريفه وتثبتين برأتج كدامهم كلهم 

مرح:-يعني لازم مو اخاف 

الدكتورة:-لاتخافين حبيبتي كلشي راح يخلص بسرعه انتي بس لاتتحركين حته لاتتأذين تمام 

مرح:-هزيت راسي بأيجاب ودموعي تجري 

الدكتورة:-تعالي حبيبتي اصعدي هنا وافتحي رجليج خليني افحصج 

مرح:-صعدت على السديه وسويت مثل ماكالت فحصتني وكملت وخرت مني وراحت كعدت على المكتب مالتها اني عدلت ملابسي ورحت كعدت يمهن 

ايليا:-اي دكتورة بشري شنو صار وياج 

الدكتورة:-حبيبتي الابنيه صاغ سليم مابيها شي وبعدهي بنيه 

ايليا:-تحجين صدكك دكتوره 

الدكتورة:-اي حبيبتي 

ايليا:-الله يبشرج بالخير حبيبتي زين تكدرين تكتبيلي تقرير بهذا الكلام مالتج 

الدكتورة:-اكيد حبيبتي  

مرح:-شنو يعني؟ 

ايليا:-يعني بهاي الورقه راح نكدر نثبت برأتج كدام الكل ومحد راح يكدر يحجي عليج ولا على شرفج بعد 

مرح:-صدكك اييي واخيراااا ههههه 

ايليا:-اخذت الورقه من الدكتورة وطلعت لمهيمن الي جان منتظرني كدام باب الغرفه مال الدكتورة 

مهيمن:-بشري خويه شنو كالت الدكتورة 

ايليا:-هاي الورقه تثبت برأئه مرح مابيها شي ومامخدوشه ابدد 

مهيمن:-الله يبشرج بالخير بعد اخوج وعلي اله اطيح حضهم هذولي المخانيث يلا امشن نرجع 

الفصل الثاني والثلاثون من هنا