رواية ذيب الشامخ الفصل الواحد والثلاثون بقلم توتة
_اني احب شخص.
حچيت هل كلمه ودنكت راسي وبقيت منتضره كلام م̷ـــِْن عنده ماحجه شي بقه ساكت اديه اباوع عليهن يرجفن احاول اهدي نفسي ماگدر
ثائر : شيلي راسج
باوعت عليه واني عيوني كلها دموع ركز بعيوني بنضرات حاده همس بصوت غاضب
_يعني جان عندج علاقه ??
نزلت دموعي بقيت ابچي ماگدرت اسيطر علئ نفسي مسح شواربه وسحب نفس بقووه وزفر
ثائر : ليش تبچين ضربتج هسه اني غلطت عليج فهميني شنوو تحبين شخص منوو وشوكت وهوه منوو الي تحبينه
_ء قء قبل مو ..هسه
ثائر : شلون يعني فهميني بدون الغاز
_بس انطيني مجال احچي ماگدر احچيلك هيج
ثائر : هسه اني شمسوي وانتي تنوحين وتبچين هاي گاعد وساكت وماحچي شي لاحد ماتكملين يلا اسمعج احچي.
_قبل سنه اني تعرفت علئ شخص هوه ضابط جنت اروح علئ المدرسه وبالصدفه شفته وتعرفت عليه صار صديقي
بعدين حبينه بعض وبقينه نتواصل سويه علئ النت مر علئ علاقتنه 5 اشهر تقريبا گال انطيني رقم امج اريد اخطبج.
ثائر : اي
_اي واني رحت حچيت الامي كلشي عنه وگلت الهاا يريد يجي يخطبني ويريد رقمج وامي وافقت وحچت وياه
ثائر : زين
_حچه ويه امي وتعرف عليها وگالها راح يجون عليكم هسه بس نسوان يخطبن وبعدين اذا صارت صدك تجي شيوخ وتخطب رسمي.
فأ امي جان عبالها راح يجون لبيتنه واني هم همه جايين وسألين علئ بيتنه دالتهم الناس علئ بيت جدي
ورايحين عليهم وفاتحين الموضوع گدامهم وجدي والكل وافق عليهم بس صارت عدهم شكه لأن همه ذكرو اسمي من خطبو.
بلعت ريكي وباوعت عليه مركز بوجهي ومنتضر اكمل كلامي
ثائر : كملي
سحبت نفس بعمق وزفرته ودعيت ربي يمر هل يوم علئ خيررر
_من عرف ابوي انوو همه خاطبيني اني بألاخص وذاكرين اسمي شك بيه وبعدين عرف انو اني عندي علاقه وياه.
ورفض انو ينطيني اله وبطلني م̷ـــِْن المدرسه وصار يهدد بيه ومنعني م̷ـــِْن الطلعه ومن كلشي وهوه رجع وخطبني مره ثانيه وجاب اعمامه وهم ماقبل بابا وعفته
ومن خطبتني وافقت وهاذه كلشي گلت احچيلك حته متعرف بعدين م̷ـــِْن غيري ماريد اضم عليك الموضوع خلي كلشي واضح بعلاقتنه.
ثائر : بعدج تتواصلين وياه ??
_لا ولله ماعرف أي شي عنه اصلا ماعندي جهاز
ثائر : انجبرتي بيه لوو شنوو
دنگت راسي مَآعِرَفتّ شجاوبه علئ هاذه السؤال شلون اكله اي مجبوره وماريدك وياريت لوو تعوفني وتريحني.
ثائر : متحچيييين مجبووووره شنوو
گمزت م̷ـــِْن عله صوته عليه هزيت راسي بلاا واني ابچي.
ثائر : دموعج تحچي غير هاذه الشي عمري ماتخيلت تطلعين تحبين شخص لهل درجه واني الغبي اگول شبيها لبنيه تصفن هواي وماتحب تحچي وياي طلع اكوو م̷ـــِْن يشغلج عني موو.
_لا ثائر ولله مو هيج بس ..
ثائر : اشش كافي ماريد اسمع شي منج خلص اسكتي
بقيت ساكته ودموعي تشكي حالي ياربي موتني وخلصني ليش هل اختبارات الصعبه شلون راح اكمل حياتي ويه هاذه الشخص اباوع عليه صار يدخن وينفخ ويستغفر ربه
ثائر : اذا عرفت بيوم بعدج تتواصلين وياه او بالصدفه شفت بعدج تحنين اله تعتبرين نفسج مامخلوقه عبالج اطلك لا تحلمين بهل شي طلاك ماطلك تبقين مرتي بس اراويج نجوم الضهر ولله
_بس اني شنوو ذنبي ولكل هيج يعاملني منين اترجاها منك م̷ـــِْن اهلي ليش كلكم واكفين ضدي اني لوو ادري بيك هيج راح تسوي بيه وتحچي عليه عمري مافكرت احچيلك #ڪــڔٰا̍ڕ
بس جان كل ضني بيك راح تتفهمني وتعرف اني ماحب اضم عليك جنت اريد تكون علاقتنه مبنيه علئ الصدق والثقه بس ضاهر انته عبالك اني حچيت هيج بس حته اخرب هل علاقه وانهيها موو.
ثائر : كلامج ودموعج تثبتلي انتي ماتحبيني ادري بيج ماتشيلين مشاعر اتجاهي ابد تصرفاتج واسلوبج وياي يثبتلي هل شي.
خليت اديه علئ وجهي واني اشهك اريد نفسي اجر نفس ماگدر ياربي ليش خلتني بهل موقف شلون اطلع نفسي هسه شلون اشرحله هاذه مايفهم كلامي دمرت الاول والتالي هسه
ثائر : كومي خليني اوصلج للبيت ورجع لدوامي ابركلي.
مسحت دموعي وسحبت نفس اريد ارتاح شويه ماگدر هوه بس صافن عليه ماحچه شي.
ثائر : خلصتي دموعج ماضل شي كومي يلا
_ثائر فدوه لاتسوي هيج اني
ثائر : اششش اسكتي رباب اسكتتتتتي صوتج ماسمعه مفهوم كومي يلا
هزيت راسي بأي وسكتت كمت من مكاني كام هوه مشه كدامي حته مالتفت عليه م̷ـــِْن نزلنه لزم ايدي هسه حته ماباوع بوجهي اني غبيه شلون احچي هسه شراح يصير شلون راح تكون حياتي وياه.
صعدت بالسياره ساق طول الطريق ساكت ومركز بالطريق ويدخن
حاولت احچي ابررله موقفي بس ماگدرت اصلا شحچي بعد مراح يثق بيه
وصلني للبيت وبقه بالسياره مانزل وياي
ثائر : انزلي
_مراح تنزل وياي ?
ثائر : لا عندي شغل انزلي
هزيت راسي بأي اخذت جنطه مالتي ونزلت اول مانزلت ساق بسرعه بقيت واكفه مكاني وابچي ياربي ليش هيج حياتي ليش ماكوو يوم واحد ارتاح بيه يمكن اني الوحيده الي المصايب تفتر وراي
مسحت دموعي ودخلت للبيت تلاگت وياي عمتي حرير.
حرير : هاا رجعتي شوو ماطولتو شعجب
_عنده شغل وراح
حرير : هاا خطيه .. شبيهن عيونج جنتي تبچين شنو ?
_لا بس راسي يوجعني.
عفتها ودخلت لغرفه بيبي لگيتها تصلي شمرت الجنطه ونزعت الشال وگعدت صافنه وافكرر بالي راح يصير معقوله يفصخ الخطبه ياريت ولله يكون اسعد يوم بحياتي.
ياربي معقوله يروح يحچي الأبوي ويسأله عن الشخص الي احبه اني اي ولله تطلع منه
الهي دخيلك ولله ماعندي طاقه اتحمل اكثرر ساعدني وخلصني م̷ـــِْن هل مصيبه.
الحجيه : هاا حبوبه رجعتي
_اي بيبي رجعت راسي شويه يوجعني وهوه عنده شغل وصلني وراح
الحجيه : خطيه الولد ملتهي بس علمودج اجه وين رحتو
_تمشينه بالمنتزه شويه ورجعنه
الحجيه : خوش ..كومي نزعي ملابسج واسبحي وصلي حته العصر اخذج للصالون يسوولج تنضيف بشره.#ڪــڔٰا̍ڕ
وجهج تعبان واصفر وعرسج مابقاله شي ورانه هواي شغل حته باجر تروحين انتي وسهام وحرير للسوك تشترين النيشان.
_مابي شي وجهي ماروح وللسوك خلي عمتي هيه تشتري مو ضروري اله اني اختار
الحجيه : شنهي موو ضروري هاذه عرسج يمه لآزٍمٍ تختارين كلشي بكيفج هنه شيعرفن م̷ـــِْن ذوقج يجوز يشترلج شي وانتي مايعجبج عاد تروحين وياهن وتختارين الي يناسبج وتگدرين الملابس هناك
_اللّـه كريم.
الحجيه : دكومي يلا اسبحي وتعاي صلي واذكري ربج.
هزيت راسي بأي كمت اخذت ملابس سبحت وتوضيت وگعدت اصلي وادعي ربي يغير م̷ـــِْن حياتي شويه ويريح گلبي.
________________________
ذيب.
رجعت لدوامي مرت ايام واني كل وقتي گاضي بالشغل حته جماعتي يطلعون يخابروني
ماطلع وياهم ماعندي واهس للطلعه ولا للونسه احس نفسي رجعت ذيب القديم
ذيب الي مايهتم الشي الي مخلص كل وقته بالشغل والعمل.
ابوي م̷ـــِْن يوم الي نقذته م̷ـــِْن ادين الخاطفين تغير 180 درجه صار يحبني هووواي ويسأل عني
كل يوم يمر يخابرني ويسألني شلوني شلون الشغل شوكت اجي عليهم وهل امور
رغم ألاذيه الي حصلتها م̷ـــِْن عنده بس حيل فرحت م̷ـــِْن تغير مهما يصير يضل أبوي والشخص بدون اهل يضل وحيد وماله سند
حياتي صارت شبه الهادئه مابيها شي جديد ورجع كلشي لمكانه اهلي رجعو مثل قبل واحسن رباب من يوم الي انخطبت بيه مَآعِرَفتّ شي عنهاا
جنت اخابر مريم وأسالها عنها. بس م̷ـــِْن عرفت بيهاا تحبني ابتعدت عنهاا وصرت ابدد ماتصل عليها ولاحچي وياها
ماريدها تتعلق بيه وابتلي بيها اني رباب شحصلت م̷ـــِْن وراها انوب تجيني الثانيه
قررت اعيش حياتي لوحدي ماحب ولاتعلق بشخص بعد وانتضر قسمتي والكاتبه لله يصير.
بيوم عطلتي خلصت واجبي وطلعت خابرت علئ امي ماكوو جهازها مغلق استغربت شعجب ماكوو
رجعت اتصلت علئ اختي تبارك
تبارك : الوو هلا ذيب
_هلا بويه شلونج شخبارج
تبارك : الحمدلله بخير انته شخبارك شوكت تجي علينه ماصار نزولك
_اي ليوم انزل واجي عليكم ..اكلج اشو اتصل علئ امي ماكوو جهازها مغلق صاير شي وياها
تبارك : لا مصاير شي بس يمكن جهازها طافي شحن
_اكيد ماكوو شي ?
تبارك : اي ولله ماكوو شي وهسه هيه موجوده بالبيت تريد انطيها الجهاز تحچي وياها
_اي انطيها الجهاز خليني اطمأن عليها
تبارك : ماشي دقايق ابقه علئ الخط
بقيت منتضر شويه واجاني صوت امي رتاحيت م̷ـــِْن سمعت صوتها جان عبالي صاير شي وضامينه عليه
ام ذيب : هاا يمه شلونك
_بخير انتي شلونج ..ليش جهازج مغلق ضل بالي يمج عبالي صايرلج شي #ڪــڔٰا̍ڕ
ام ذيب : سوده عليه .. مابيه شي بس جهاز طافي شحن ومخليته علئ الشحن انته شوكت تجي
_هسه طلعت م̷ـــِْن المركز رايح علئ الشقه احضر الجنطه مالتي واجي عليكم حضريلي اكل م̷ـــِْن ايدج
ام ذيب : بعيوني هسه احضرلك كلشي تشتهي نفسك
_فدوه ألايدج ..ابوي وين م̷ـــِْن لبارحه ماكوو
ام ذيب : ياا نسيت احچيلك يمه صارت مشكله جبيره هناا
_خيرر ياستار شصارر
ام ذيب : اوصل وابوك يحچيلك كلشي هسه هوه موو بالبيت ملتهي شيوخنه وعشايرنه كلها ملتمه وخابرو گالوله يجي وياهم
_سالفه بيها شيوخ لآزٍمٍ جبيره احجيلي لاتخلين بالي مٍشًغوٍلً صاير شي وياكم.
ام ذيب : ولله يمه مادري شكلج سالفه بيها كتل
_شنوو ?? منو كتل
ام ذيب : يمه سالفه طويله وتحير ولله مانعرف الصدك م̷ـــِْن الجذب وهسه مليوصه هناا قسم يگول جذب وقسم يگول صدك والشيوخ حايره شلون تصرف هسه
_خليني اوصل وافهم السالفه عدل.
ام ذيب : ماشي توصل بالسلامه حبيبي.
سديت م̷ـــِْن عدها واني حاير شصار منوو كتل منوو وليش حاس اكوو شي راح يصير
ولله مالي خلك بعد مشاكل اروح واشوف شنوو تاليتها وياهم.
رحت للشقه مالتي رتبت الجنطه مالتي وطلعت متوجهه للبيت مالتنه وصلت تقريبا العصر ساعه بـ 4
دخلت السياره بالكراج ودخلت فتحت الباب امي سلمت عليها ودخلت لگيت عدنه شيوخ وعالم هوواي جايه البيت متروس ترس بس عالم
صعدت لغرفتي بدلت لبست دشداشه ونزلت جوه دخلت للديوان سلمت علئ الموجودين وگعدت اريد اعرف السالفه شنوو هيه
...........
ملاحضه ...
حبايب گلبي ماگدر اذكر شنوو الموضوع بالضبط لأن البطل رافض يگول تصير مشاكل هواي بس الي راح اوضحه الكم القصه بيها كتل وكعدت عشاير وفصول هاذه كلشي اكدر اكوله الكم بس سبب شنوو ماگدر احچي لان هاي خصوصياتهم ولازم احترمها ومافضح كلشي اتمنئ تفهموني احبكم ..
............
بقيت صافن علئ كلامهم معقوله شخص يگدر هيج يسوي ولله ماضل أمان ابدد
احس شعر راسي وكف م̷ـــِْن سمعت السالفه ومنوو الحق وياه ماندري اذا علئ كلامنه مصيبه واذا علئ كلامهم همه هم مصيبه اكبرر
بقت شيوخ تتناقش بالموضوع وتريدد حل للطرفين حته تنسد السالفه وتبرد.
اخرر شي گال الشيخ عندي حل مناسب يرضي الطرفين.
شيخ محمود / باجر نروح ونحچي ويه كبارهم وناخذ منهم 2 فصليات وفصل دم.
ابو ذيب : والله اني اگول هاذه انسب حل گدامنه هسه
شيخ محمود / وحده م̷ـــِْن الفصليات راح ياخذها ابني الجبير والثانيه واحد منكم ياخذها هيه سنه وترجع.
اشو هاذه حچه هيج اخواني انسحبو ليورا وابوي گمز م̷ـــِْن يمه وگال
ابو ذيب : ابني ذيب ياخذها
