رواية ثأر الشيخ مهران الفصل الثاني والثلاثون بقلم حوراء
مو بعَيدين ،اليحبنه يَندل درُبنه
_______________
ايليا:-رجعنه للبيت وصلوني وكملو طريقهم دخلت للبيت ولكيت الحجيه كاعده بالصاله فاتحه القرآن وتقرة ودموعها على خدها سلمت عليها بس هزت راسها بدون لاترد عليه عفتها وصعدت فوك بدلت ملابسي وتمددت على الجربايه احس ضهري يوجعني واني على هاي حالتي انفتح الباب رفعت راسي شفته مهران ضل واكف فترة يم الباب يباوع عليه كسر الهدوء الي بيناتنا من كال
الشيخ مهران:-طلعت حوبتج بأختي
ايليا:-شنو تقصد بهذا الكلام؟
مارد عليه عافني وطلع طلعت وراه بسرعه وقبل لاينزل من الدرج لزمته من ايدة وسحبته عليه
ايليا :-مااسمحلك تستغفلني وتروح تعرف شنو اكبر غلط سويته اني اكلك اكبر غلط سويته من وثقت بيك وانته بهذا الغموض وكلامك المشفر خاف قبل جنت تسكتني هسة لا ماتروح من كدامي قبل ماتكلي شنو تقصد بكلامك هذا
الشيخ مهران:- شنو تردين تعرفين هاا
ايليا:-شنو تقصد بكلامك مال قبل شويه شلون طلعت حوبتي برياحين؟؟
الشيخ مهران:-ابن عمج حاول يعتدي عليها
ايليا:-شنوو؟ شجاي تحجي انته وبعدين يزن شلون وصل الها وشلون حاول يعتدي عليها وهي متطلع من البيت
الشيخ مهران:-طلعت من محاضرتها وراحتله للشقه
ايليا:-شلونن ماجاي استوعب رياحين مستحيل تغلط هيج غلطه
الشيخ مهران:-بس غلطت ضحك عليها بحجه احبج واحبج وسحبها اله وخلاها تجيه برجليها
ايليا:-مثل ماسويت انته بس الفرق بيناتكم انته اخذتني بشكل شرعي وقانوني بس هو العكس وبعدين هي وينها هسة وشلون لحكتو عليها
الشيخ مهران:-مو اني الي لحك عليها فهد هو نقذها من ايده وصوبه برجله
ايليا:-صدكك مستحيل انقهر عليه حته لو كتلتوه موت تدري ليش لان الي يلعب بأعراض العالم لازم يموت
الشيخ مهران:- هسة عرفتي شنو قصدت بالكلام مالتي تكدرين تعوفين ايدي اريد انزل
ايليا:-انتبهت على نفسي اني بعدني لازمته من ايده نترت ايده وعفته ودخلت للغرفه وسديت الباب ضليت افكر بحال رياحين شنو صار وياها هسة اخذت موبايلي واتصلت على نارة انتضرتها ترد شويه وردت عليه
نارة:-الو هلو حبيبتي ايليا شعجب متصله عليه اليوم
ايليا:-عوفج من هذا الحجي تعالي انتي وين هسة
نارة:-هسة خلصت محاضراتي واتصلت على ادم شويه ويجيني ياخذني اني ورياحين
ايليا:-رياحين رجعت من زمان
نارة:-ليش رجعت من وكت وهي اليوم عدها محاضرات مهمه
ايليا:-تجين للبيت وتعرفين يلا باي
نارة:-باي حياتي
ايليا:-مااستفاديت شي من نارة عبالي موجودة بالبيت حته تروح وتشوف رياحين خاف تسوي بروحها شي لان اني مريت بهذا الشي واخاف تتهور وتسوي مثل مااني سويت
ضليت انتضر نارة واني واكفه على الشباك ساعه كامله واكفه على الشباك ردت اكعد بس لمحت سيارة ادم وهي تدخل الفرع اخذت حجابي ولبسته ونزلت بسرعه ضليت واكفه بالمطبخ انتضرهة شوكت تدخل عشر دقايق ودخلت سلمت عليهم ومبين من وجه ادم هو هم يعرف بالموضوع لان جان حيل ضايج
ايليا:-الله يساعدكم
ادم:-ويساعدج خويه
عافنه وطلع من المطبخ واجت عليه نارة وعلى وجهة علامات استفهام
نارة:-صدك الي سمعته من ادم
ايليا:-حجالج
نارة:-لجج هو استجوبني عبالك مجرم وواكع بيدة
ايليا:-تحجين صدك شلون؟
باعي
نارة:-جنت واكفه انتظر ادم وافكر بكلام ايليا الي خلاني افر بأذاني شكو ليش طلعت رياحين بهيج وكت وهي ابدد متضيع ولا محاضرة وحيل ملتزمه دك تلفوني شفته ادم رفضته وطلعت شفته واكف يم باب السيارة تقدمت عليه وسلمت عليه
نارة:-شلونك حبيبي
ادم:- هلا حبيبتي يلا اصعدي بسرعه خلينه نمشي
نارة:-تمام
استغربت من طريقه كلامه وشلون جان معصب ويرد عليه من ورة خشمه حته خلاني افكر اذا اني مسويه شي يخليه هيج يعصب مني بس مالكيت شي
ادم:-اسألج سؤال ومااريدج تجذبين لان اناي تعرفين طبيعتي وشكد اكره الجذابين مو؟
نارة:-اكيد اعرف اسأل واني راح اجاوبك بكل صدق
ادم:-تعرفين شي عن علاقه رياحين ويه يزن؟
نارة:-منو يزن؟
ادم:-ابن عم ايليا
نارة:-ابدد مااعرف شي وبعدين من شوكت رياحين تتواصل وياه او هي شلون تعرفه؟
ادم:-لجج ياريت لو بس تعرفه لج اكو علاقه بيناتهم
نارة:-تحجي صدك انته شلون عرفت بهذا الشي
ادم:-اليوم لو مو فهد مار على الكليه جان هية احنه نعض اصابعنه ندم على الي صار ويه اختنه
نارة:-شجاي تكول ليش هيج تحجي ترة خوفتني
ادم:-هذا الكلب حاول يعتدي عليها علمود ياخذ ثاره من مهران بهاي الطريقه القذرة
نارة:-عزةة بعينه ان شاءالله زين فهد شنو سوه؟
ادم:-ضاربه طلقه برجله
نارة:- يستاهل الحقير إن شاءلله كل واحد يتعده على عرض غيره هيج تكون نهايته
ادم:-مو بس هو الغلطان اختي هم غلطت من راحت اله برجليها
نارة:-ادم اترجاك لاتتهور وتعصب عليها حاول تفهم منها وكلشي ينحل بالتفاهم مو بالضرب حباب.
ادم:-ههههه اضرب ومنو رياحين لج بابا هاي معزتها من معزة روحي لج تخيلي من سمعت الخبر من فهد ارتفع ضغطي لو مانازل الدم من خشمي جان هسة اني ميت كله من خوفي عليها وهاج شوفي هاي ايدي شلون مستمرة ترجف طول مااحجي وياج بهذا الموضوع تعرفين شنو صار بيه شلون ضليت اتخيلها وهي تتوسل به حته يعوفها كسرت كلشي كدامي بس حته اهدي روحي حته فهد ماسلم مني وهم حصل ضربه مني لان ماحجالي بالموضوع وهو هناك
نارة:-سكتت لان وضعه مايسمح اتناقش وياه خاصه وهو هيج عصبي ومتأذي علمود رياحين
ايليا:-باعي اريد منج هسة بسرعه تصعدين تبدلين وترحين تشوفين رياحين تمام
نارة:-تمام
ايليا:-صعدت نارة واني ضليت انتضرها جوة شويه ودخلن نور ونرجس سوة يضحكن ويسولفن شافني وسكتن
نرجس:-شسوين هنا واكفه بوحدج جنج طنطل
ايليا:-شتردين مني انتي هاا شعندج حاطه عقلج من عقلي
نرجس:-اوفف شوكت يخلصن هذني التسع اشهر حته اخلص من وجهج
نور:-ليش تنتظرين تسع اشهر هسة نكدر نطردها
وحدة غمزت للثانيه ومااحس اله هجمن عليه يضربن بيه نور لازمتني من شعري ونرجس تضرب بيه على وجهي وبطني وركزت اكثر شي على بطني صرت اصرخ من الوجع اريد بس واحد يخلصني منهن ماكدرت ادافع عن نفسي لان هنه ثنين واني وحدة صرخت بعلو صوتي وحسيت حبال صوتي تكطعت من كد ماصوت عالي
ايليا:-مهررررراااااانننننننن
دقايق وشفته واكف كدامي سحب نرجس من شعرها ووخرها مني ونور من شافته عافت شعري ووكفت بعيد عني لزم نرجس وضربها راجدين على وجها من كد ما الراجدي قوي وكعت ورجع رفعها من ايدها وضربها مرة ثانيه وعاطت بيها
الشيخ مهران:- حيوانه شلون تمدين ايدج عليها هاا
اتقدم عليه ورفعني من ايدي بهاي الاثناء دخل للمطبخ ادم ونزار اجو على صوتي هم
نزار:-خير خويه شصاير
الشيخ مهران:- وحق علي يانزار اذا نزلت وشفت هذني زوج القنادر هنا اطيح حضك
نزار:-اني شعليه كل سالفه طايحه براسي
الشيخ مهران:-نزارررر شكلتت انيي
نزار:-تآمر امر شيخ صدك جذب غالي والطلب رخيص يلااا يلاااا كداميي اطلعن لاتخلني استعمل ايدي وياجن لان اني ماامد ايدي على نسوان
ادم:-ليش هذني هم محسوبات على النسوان جنهن شقاوة كليوم حاصرات واحده بالمطبخ وكاتلاتها
نزار:-وعلي جنهن جماعه حسن شقاوة
ايليا:-اخذني مهران وصعدني فوك دخلني للغرفه نومني على الجربايه وحط مخدة جوة رجليه
الشيخ مهران:-وين ضربتج
ايليا:-لزمت بطني واشرت عليها بدون لااحجي وياه وهو افتهم عليه
الشيخ مهران:-ارتاحي بس تحسين بوجع بضهرج او حسيتي بشي نزل عليج كولي حته اخذج للمستشفى لان الضربه على البطن مو زينه خاصه بالاشهر الاولى بالحمل
ايليا:-هزيت راسي موافقه على كلامي عافني وطلع شويه واندك الباب دخلت عليه نارة
نارة:-لجج ايلي شصار وياج عفتج دقيقتين
حجيت بشهكه ودموعي على خدي
ايليا:-هجمن عليه اثنيناتهن ومكدرت ادافع عن نفسي
نارة:-الله لايوفقهن إن شاءلله لج اني مجربه ضربتها لنور تسطر سطر وعلي شلون تحملتيهن سوة وعلي انتي قويه
ايليا:-طاح حضج نارة لج وجهي كله يوجعني من ضربهة وبطني هم والله خايفه على ابني خاف يصير بيه شي
نارة:- زين انتي نزل عليج شي هسة
ايليا:-لاا
نارة:-زين تحسين بوجع بضهرج
ايليا:-هم لاا
نارة:-لعد كومي لاتتعايرين مابيج شي ههههه
ايليا:-راح اكوم اطيح حظج
نارة:-لعد شمالج يحظي ماطيحتي حظ نرجس الي هجمت عليج
ايليا:-هسة الي يسمعج يكول مشرمتها شحال لو ما نور ساحلتج سحل
باعوت عليها وهي هم باوعت عليه وانفجرنه من الضحك وهي وكعت بالكاع من الضحك
ايليا:-اخ يمه متت وعلي
نارة:-صدك لو كالو شر البليه مايضحك
ايليا:-اي وعلي، اكلج عوفي هاي السالفه رحتي شفتي رياحين لو لا
نارة:-لا بعدني هسة اروح
ايليا:-خوش روحي بس لاتنسين تعاي وطمنيني عليها تمام
نارة:-تمام گلبي
__________________
طلعت من ايليا ورحت لغرفه رياحين دكيت عليها الباب ماكو مترد عليه دكيت مرة وثنين فلشت الباب وهي ماكو نزلت اركض جوة دخلت للصاله شفت فهد كاعد
نارة:-فهد ادم وين؟
فهد:- خابرو عليه الشباب وطلع يشوفهم شويه ويرجع
عفته وطلعت للاستقبال ادور على نزار مالكيته ونوب رجعت صعدت ادك الباب عليها هم مترد نزلت اريد اصيح على الشيخ بس استوقفني صوت فهد
فهد:-خير خويه شبيج صاير شي محتاجه شي
نارة:-فهدد هايي رياحين صارلي هوايي ادكك عليها على الباب وماترد عليه عفيه تعال اكسر الباب حيل خايفه عليها
بس كملت كلامي شفته يمشي قبلي صعد ووصل لباب رياحين واني اركض وراه مااكدر الحكه ماشاء الله عليه سريع بشكل
وكف يم باب الغرفه ودكك الباب
فهد:-رياحين الج دقيقه وحدة اذا ماتفتحين الباب اكسرة على راسج مفهومم
نارة:-خلصت الدقيقه وهي مفاتحه الباب كلي ابتعدي شويه ودفر الباب برجله دفر وبالدفرة الثانيه انفتح الباب وانصدمت من منظر رياحين جانت واكعه بالكاع والدم تارس الكاع واديها مجرحات من يم المعصم ركض عليها فهد وحطها بحضنه ويضرب على وجها يحاول يصحي بيه من شافني واكفه مصدومه اباوع عليه صاح بوجهي
فهد:-اركضيي جيبيلي قطعه قماش او اي شي اشد بيها ايدها اوكف النزيف يلااا
نارة:- ركضت مثل الخبله تذكرت بغرفتي اكو شاش ركضت بسرعه وجبتله الشاش وهو شده على ايدها ورجع صاح بيه
فهد:-اركضي صيحي مهران او مهيمن خلينه ناخذها للمستشفى
نارة:- ركضت جوة فريت البيت فر اخر شي طلعت للديوان لكيته كاعد بوحده ويشرب جكاير صحت بعلو صوتي
:-الحكك شيخ رياحين انتحرت
خطيه بس سمع هيج ركض وكعت عباته من ضهرة وصعد الدرج يركض وعلى صوته طلعت الحجيه ترفه بس متكدر تصعد لان رجليها مايحملنها ظلت واكفه يم الدرج وتصيح
الحجيه ترفه:-شبيكم يمه شصاير وياكم ليش صوتكم طالع نزل فهد شايل رياحين ومهران سبقه وشغل السيارة والحجيه من شافت حاله رياحين ضلت ادك وتلطم عليها اخذوها وراحو ومن على الصوت نزلت ايليا هم تستفسر عليه من كتلها ضربت على وجها
ايليا:-صخام الصخم وجهك يايزن بس لا يصير شي بالبنيه وين تروح من الله
نارة:-خابرت على ادم وخليته يلحكهم كاعدين ودخل نزار يفر بالسويج مالته
نزار:-شلونهن المكتولات؟
نارة:-نزار روح للمستشفى *** راح تلكه مهيمن وفهد ومهران وادم
نزار:-شوكت شعدهم رايحين للمستشفى
نارة:-اخذو رياحين
نزار:-شبيها رياحين؟
نارة:-روح وانته تعرف، ماحبيت اكله حته لايتهور ويسوق بسرعه ويسوي حادث لاسامح الله ماناقصين احنه
نزار:-تمام
طلع نزار واحنه ضلينه كاعدين على نار ننتظر خبر منهم على رياحين عبرت الساعتين وهم ماكو شويه واندك الباب ركضت عبالي واحد منهم بس اتفاجأت من شفتها مرح
نارة:-مرح شتسوين هنا
مرح:-عليج الله خليني ادخل يمكم
نارة:-تعالي فوتي، دخلتها وركضت للصاله كعدت ورة الحجيه وحجت بخوف
مرح:-عليج الله ضميني منها راح تكتلني
الحجيه ترفه:-منو تكتلج يمه احجي ترة والله كلبي خلصان
مرح:-الخبله فردوس
الحجيه ترفه:-يااا شلون تغلطين عليها هي اكبر منج عيب يمه ميصير
مرح:- اني معليه هو مهيمن كال هيج
الحجيه ترفه:-شنو كال مهيمن
مرح:-كال هاي فردوس خبله لاتحجين وياها ولا ترحين يمها
الحجيه ترفه:-زين انتي شمسويه حته تريد تكتلج؟
مرح:-جنت كاعدة بالاستقبال اباوع على توم وجيري وهي اجت طفته ووكفت كدامي وكالت
فردوس:-كومي لج غسلي المواعين الموجوده بالمطبخ كلهم يلاا
مرح:-تمام كمت للمطبخ لكيته متروس لعينه مواعين وكلهم نضيفات مابيهم شي حاجيتها
:- بس خاله هذولي نضيفات مابيهم شي
فردوس:-وخلاله تخلل عضامج منو كالج اني هازة كاروكج هاا كولي فردوس ترة اني مو جبيرة اطلع اكبر منج ب5 سنين مو هواي
مرح:-لعد اذا اكبر مني ب 5 سنوات ليش شعرج نصه ابيض؟
فردوس:-عمه بعينج إن شاءلله تره هذا الشيب من ورة القهر مو من الكبرر افتهمتي يغبيه
مرح:-اني مو غبيه انتي عجوز ليش تجذبين متعرفين الجذب حرام
فردوس:-خربب يومجج لجج حيوانه على منو تغلطين وتكولين عجوز هاا تعايي اله اطيح حظج
اجت عليه تريد تضربني بس اني دفعتها مني وصحت بوجها
مرح:-وخري مني الحكوني خاله ام حسين تعاي هاي الخبله راح تكتلني
فردوس:-لجج على منو تكولين خبله عليه وعلي اليوم اله اطيح حظج
تقدمت عليه بس لحكت عليه ام حسين وصارت بيناتنا تدافع عليه وتوخرها مني
ام حسين:-روحي يمه اشبيج عيني ست فردوس صدك جذب حاطه عقلج ويه عقل هاي الطفله
فردوس:-ام حسين وخري مني خليني اطيح حظها واعيد تربيتها لان هي مامتربيه
تقدمت عليها وضربتها راجدي وصحت بوجها انتي مامتربيه حيوانه خليت وطفرت للشارع ركضت بسرعه واجيتكم
الحجيه ترفه:- مو وكت سوالفجن وعركجن والله مابيه حيل حته احلهن وعلي
حجت ايليا وهي تأيد مرح
ايليا:-حجيه تره مرح مسوت شي واصلا فردوس تستاهل اكثر من راجدي بس عاشت ايدج حبيبتي مىح ماقصرتي بيها
مرح وهي تفتخر بلي سوته :-وايدج حبيبتي اصلا اني مااخاف منها وعادي اضربها
نارة بضحك :-مبين كلش ماتخافين منها والدليل على هذا طفرتج من البيت
مرح بتبرير :-اني طلعت حته لاتكبر المشكله مو لان اخاف منها
نارة:-اي مبين
مرح بتسأؤل :-شكو ليش محد موجود؟
جاوبتها نارة
نارة:- راحو للمستشفى لان رياحين مريضه
مرح:-اوي خطيه الله يشافيها
نارة:-امين
_________________
فهد:- من كسرت الباب انصدمت بمنظر رياحين ركضت عليها بلهفة واخذتها لحضني احاول اكعدها صحت على زوجه ادم حته تجيبلي شاش اشد بيها معاصم اديها لان الخبله مذبحتهن اثنينهن جابتهم ونوب راحت تصيح على مهران حته ناخذها للمستشفى حاولت اكوم واخذها بس رجليه بادن ماحسيت بيهم دنكت عليها وهمست يم اذنها
فهد:-كومي لاتيتميني مرتين احلفج بداعه حبي الج
شويه وصعد مهران وحاوا ياخذها من ايدي بس ماقبلت ياخذها
فهد:-كوم جيب السويج مالتك خلينه نلحك عليها
مهران:-هذا موجود عندي بجيبي بس كوم اذا ماتكدر انطيني اني اشيلها
فهد:-اشيلها بروحي ومااتعب منها
نزل مهران وهو متجاهل كلام ابن عمه بسبب خوفه على اخته او بمعنى ادق على بنته الي رباها
فهد:-الطريق كله واني احاول اكعد بيها بس ماكو مهران خابر على مهيمن حته يلحكنه وصلنه للمستشفى نزلت وهي بحضني صحت على الممرض حته يجيب سديه ياخذوها للعمليات صاح الممرض
:-بسرعه صيحو على الدكتور صالح كله حاله مستعجله يلااا
راح الولد حته يجيب الدكتور واحنه واكفين كدام الغرفه وصل الدكتور شويه وطلع كال
:-تحتاج عملية بسرعه لازم توقعون على الاوراق مال العمليه حته نكدر ندخلها
فهد:- انته دخلها واحنه راح نكمل الاجراءات
ماقبل الا نخلص الاجراءات بس من طلعت الباج مالتي قبل يدخلها وادم راح يسوي الاجراءات الخاصه بالعمليه
دخلت للعمليه واحنه ضلينه ننتظر كدام غرفه العمليات كاعد يم الباب وحاط راسي بين رجليه حسيت واحد واكف يم رجليه رفعت راسي وشفته مهيمن
مهيمن:-تعال اطلع برة اريد احجي وياك
طلعت وياه صاح بيه
مهيمن:-انته شمخربط بلحجي ويه مهران هاا
فهد:-ماحجيت شي غلط
مهيمن:-لك مطي ماجاي اكلك حجيك غلط بس الوكت الي حجيت بيه غلط ومو مناسب وهو كال خلي فهد ينتبه على تصرفاته ترة مشيتها اله لان الوضع مو ماال اتعارك وياه
فهد:- خليه يعاركني يلاا قابل لكك مهيمن انته اكثر واحد تفتهمني وتعرف شنو بكلبي ليش هيج تحجي وياي ههااا
مهيمن:- اعرف وعلي اعرف بس اصبر خلي تمشي هاي السالفه على خير وتطلع الابنيه بخير والله كريم
فهد:- لكك مهيمن لحدمن اصبر لك صبرت وطلع اكو واحد نكس ضاحك عليها لك تدرس شصار بيه من شفت المحادثات الي بينهم متت حسيت روحي تطلع من مكانها
مهيمن:- شوكت لحكت تطلعهم؟
فهد:-اليوم من رجعتها وكع تلفونها بالسيارة اخذته وجان الرمز سهل لان اعرفه وهي ممغيرته وفتحتت الرسايل مالتهم
مهيمن:-ليش تسوي بروحك هيج هاا كم مرة كتلك عوفها ماتصيرلك مرة لان تحسبك نفس ادم
فهد:- مو بيدي لكك مو بيدي كلبي يحبها كلبي الاغم مايشوف وحده غيرها شكد جربت وحته الي ردت اخطبها بس حته اطلعها من كلبي بس ماكدرتت شسوي هاا تدري هسة حسيت بشعور فردوس من عشت الي عاشته هية
مهيمن:-لاتضل تاكل نعل ماكو اوجه شبه بينك وبينها انته حبك حلال وطاهر اما هية حبها مبني على شهوات ورغبات
فهد:-مااعرف والله مااعرف ماجاي استوعب اي شي
مهيمن:-يجي يوم وينحل كلشي ونرتاح لاتخاف
فهد:- شوكت يجي هذا اليوم شوكت
مهيمن:-يجي لاتحط ابالك يلا تعال نرجع نصعد
صعدنه فوك يمهم نص ساعه وطلع الدكتور بعد عمليه استمرت لمدة ساعتين
الدكتور:- عندي الكم اخبار زينه واكو هم اخبار مو زينه الخبر الزين ان المريضه بعدها عايشه الخبر المو زين واني كلش حزين لان جاي ابلغكم بيه اني المريضه دخلت بغيبوبه بسبب فقدانها للدم من اجت جانت نازفه هواايي ومكدرنه نسوي شيي
نزار:-شنووو تقصدد بكلامكك هااا شنو يعني اختي مااراح تعيش
الدكتور:-مااعرف شنو اكول بس بقت على قوة تحمل المريضه ومدى قدرتها على التعلق بالحياه
فهد:-كلام الدكتور حطمني ماكدرت استوعب شنو يكول مجرد ماكمل كلامه حسيت بغوش صار على عيوني وبعدها ظلمه ماشفت شي كلشي اسود
شويه وحسيت روحي كاعد بمكان كله ورد جان اشوف امي تتقرب عليه كمت الهة وحضنتها وشميتها وبجيت بحضنها وكمت اعاتبها ليش عافتني واني طفل صغير جان تسكتني وتنطيني بيدي ريحانه وتكلي
:-هاي ريحانتك اخذها هديه مني ديربالك عليها واعتني بيها كلش زين ديربالك تقصر عليها بشي
اخذتي وبستها وحطيتها على صدري وجاوبتها
:-لاتخافين يمه ريحانتي بكلبي محافظ عليها وشي اكيد راح احافظ على الريحانه مالتج هم
عافتني وكامت وعلى ووجها ابتسامه دافيه
كمت حته الحكها واصيح عليها بس هي اختفت من كدامي وصحيت على صوت مهيمن وهو يكعد بيه
مهيمن:-فهد حبيبي شبيك اصحه
كمت من مكاني مثل المخبل احجي واأشر على المكان الي جنه كاعدين بيه اني وياها
فهد:-امي وينها امي مهيمن جانت هنا وين راحت
سحبني من ايدي وكعدني
مهيمن:-هذا حلم اصحى انته بالمستشفى
فهد:- وريحانتي؟؟
مهيمن:-ريحانتك محتاجه دعائك الها وكفتك وياها خوش
فهد:-اروح اشوفها
مهيمن:-تعال بس بسرعه لان مهيمن راح يجيب الحجيه ويجي خوش
فهد:-خوش
طلعت من الغرفه واني مستند على مهيمن من وصلنه للغرفه الي حاطينها بيها عاف ايدي وراح كعد يم ادم ونزار واني دخلت للغرفه تقدمت عليها جان وجها اصفر حيلل كعدت يمها وسحبت ايدها وحطيتها اباطن ايدي اول مرة الزم ايدها جانت حيل باردة دنكت عليها وبست الجرح مال ايدها
:-اخ ياريحانه عمري شسويتي بحالج وبيه لج منو يستاهل تسوين بروحج هيج علمودة معقوله لهلدرجه تحبيه وماتحملتي كسرته الج؟ چا واني شلون ينطيج كلبج تعوفيني وترحين هاا ياثالث عيوني انتي بس اكعدي وشنو ترديه اسويه وعلي بستها براسها وطلعت
________________
الشيخ مهران:-دخلت للبيت حته اخذ الحجيه اوديها تشوف بنتها وبنتي الطريق كله اقوي بنفسي حته لاابجي يمها واصبر بروحي بس كل هذا راح من دخلت وشفت عيونها المتلهفة حته تسمع خبر عن بنتها كعدت كدامها وحطيت ايدي على ايدها وكلت واني احاول اتصنع القوة
الشيخ مهران:-تكومين وياي حته نروح للمستشفى وتشوفين بنيتج
الحجيه ترفه:-مابيها شي صح
من كالت هيج عبالك هيجت كل مواجعي حطيت راسي بحضنها وبجيت مثل الطفل الي ماخذين منه لعبته
الشيخ مهران:-يمه بنيتي بينن الحياه والموتت دخلت غيبوبه مانعرف اذا تكعد لو لاا يمةةة نارررر ومشتعله بكلبي كله من وراي بنيتي راح تروح من ايددييي وعلي اموتت كلشي ولا هية
رفعت راسي من حضنها وهي دموعها تجري على خدها مسحت دموعي وتحاول تصبرني
الحجيه ترفه:-امسح دموعك يالشيخ هذا كله اختبار من رب العالمين اني واثقه من بنيتي قويه راح تكوم على رجليها تدري ليش لان انته الي ربيتها على القوة وشوف شلون باجر راح تكعد وتخبصنا بعركها هي ونزار
الشيخ مهران:-يمه قابل بكلشي بس خليها ترجع وعلي بعد مااضوجها وشنو تريد اسويلها بس خليها ترجعلي مو كد افارك اعزاز بعد يمه گلبي بعد مايتحمل وداعه لوعاتج على ابوي
