رواية ثأر الشيخ مهران الفصل الثالث والثلاثون بقلم حوراء
"من هان عليه فراقك، هانت عليك ذكرياته ولو كان عزيزًا".
_______________
ايليا:- موقف مهران وامه ابدد مااثر بيه اباوع على نارة ومرح بقن يبجن على بيجه بينما اني حته دمعه وحده ماوكعت مني صح انقهرت على رياحين وعلى الي صار وياها ماتستاهل ابدد وهي مالها ذنب بالي صار ذنبها لوحيد هي امنت ليزن وحطت كل ثقتها بيه
كامت الحجيه ولبست عبايتها وجواريبها وراحت ويه مهران حته تضل يم رياحين عفت البنات كاعدات سوة وصعدت فوك اخذت موبايلي واتصلت على انفال لان لكيتها داكه عليه
انفال:-صدك جذب يعني ادكك فوك الستالاف مرة شنو طرشه ماتسمعين
ايليا:-اخذي نفس وانطيني مجال احجي اخذتيني حاصل فاصل
انفال:-كولي اسمعج
ايليا:- اليوم صارت مشكله بالبيت
انفال:-بس لا اذوج
ايليا:-المشكله تخص يزن ورياحين
انفال:-وهذولي شجابهم سوة؟
ايليا:-جانت بينهم علاقه حب ويزن استغلها ولعب عليها وخلاها تروح برجلها للشقه مالته وحاول يعتدي عليها بس فهد لحك عليها
انفال:-عزة بعينه إن شاءلله لج هذا شنو من بشر مايتوب كل سوالفه مكسرة وعلي مامقهورة بس على ابوه
ايليا:-فهد ضاربه طلقه برجله
انفال:-خاف تزعلين مني بس ابن عمج يستاهلها اصلا يستاهل الموت لان لعب بعرض الناس وشصار بعدين
ايليا:-رجعوها للبيت وقبل شويه لكوها منت***
انفال:-ماتتت؟؟
ايليا:- دخلت غيبوبه مايعرفون شوكت تكعد
انفال:-خطيه الله يساعد كلب امها
ايليا:-مهران انهار عليها تخيلي قبل شويه جان يبجي بحضن امه عليها عبالك طفل صغير ومضيع اهلة هيج جان وضعه
انفال:-اويي وعلي انقهرت عليه طبعا يصير بيه هيج لج هوة الي رباها وكبرها شلون ماينهار عليها
ايليا:-ليش كلكم تعاطفتو وياه ونسيتو شنو سوة بيه مااكلج مو خطيه رياحين بس هو احس شنو يصير بيه يستاهل لان اذاني واني جنت ممسويتله شي
انفال:-لايصير كلبج قاسي لهاي الدرجه صح هو غلط وياج ومحد متعاطف وياه بس كلنا انقهرنه على رياحين لان مالها ذنب بلي صار
ايليا:-ذنبها الوحيد هي اخته لمهران
انفال:-يعني جاي تكولي هاي حوبتج طلعت بيها
ايليا:-اي هيج جاي اكول لان الدنيا دوارة وكما تدين تدان مثل ماهو اذه اهلي بيه يزن هم اذاهم برياحين
انفال:- يعني انتي واكفه ويه يزن بلي سواه؟
ايليا:-طبعا لاا تعرفيني كلش زين مستحيل اوكف وياه بس قصدي ان كل شي تسويه وتأذي الناس بيه راح يرجع على اهل بيتك ببساطه
انفال:-كلامج صح بس بيه نوع من القساوة مامتعودة عليج هيج
ايليا:-هذا الصح تغيرت شخصيتي 180 درجه ايليا الي جانت تضحك على كلشي وتسولف وتسامح بسرعه وكلبها ابيض ماتت وولدت وحده ابدالها بدون كلب اتمنى تخلص هاي الاشهر على خير وارجع لغرفتي
انفال:-بعدج على قرارج تعوفين ابنج وترجعين
ايليا:-تدرين اليوم جنت افكر بهذا الموضوع صح مرات نرجس تسويلي مشاكل بس بالمقابل تفتحلي عيوني اليوم من جانت تضرب بيه نرجس جنت متمنيه تشوهلي وجهي ولاتوصل لبطني ولضهري هواي حاولت ادافع عن نفسي بس مو علمودي لا علمود ابني وعلمود ابني صحت بأسم مهران حته يجي ويخلصني منهه جنت ابجي وهم عبالهم اني ابجي علمود الضرب الي بوجهي مايدرون ابجي لان جنت خايفه على جنيني خاف يصير بيه شي
انفال:-يعني هو الي نقذج من ايدها لهاي الحيه مو
ايليا:-اي هو شايفه شكد صعبه عليج من يكون اكثر مكان أمن الج موجود يم اكثر شخص اذاج
انفال:- حيل صعبه عليج بس انتي كدها حبيبتي وتأكدي راح تخلص وترتاحين منهم كلهم
ايليا:-وابني؟
انفال:- الله كريم منا لما تولدين بسلامه كلشي ينحل تكدرين ترفعين عليه قضيه وتاخذين الوصايه الج لان انتي الام واكيد راح ينطونه الج خاصه هو راح يكون حديث الولادة محد يكدر يهتم بيه غيرج
ايليا:- إن شاءلله ربي يسمع منج
انفال:-امين يلا حبيبي اروح اني الوالدة تريدني
ايليا:- سلميلي عليها هواي هواي حيل مشتاقه الها
انفال:-يوصل حبيبي باي
ايليا:-باي حياتي
___________________
انفال:-من بعد ماسديت الخط من ايليا رحت شفت ماما شنو تريد وسويته الها رجعت لغرفتي وطلعت رقمه وضليت اباوع عليه بالربع ساعه كلساع اكول اخابر ونوب اعوفه اخر شي قويت نفسي واتصلت عليه رن مرتين ونوب اجاني صوته التعبان اول مرة اسمعه
نزار:- الو ها يابه بيكم شي؟
انفال:-شلونك، كلت هيج وهو سكت شويه وسمعته يحجي ويه واخد يمه يكله هسة اجي شويه واجاني صوته بعد تنهيدة طويله
نزار:- عرفتي بلي صار؟
انفال:-قبل شويه سمعت من ايلي
نزار:-وشتكولين وضعي زين
انفال:-توؤ
نزار:-شعجب اتصلتي
انفال:- اذا متحب تحجي وياي اسدة عادي
نزار:-تكدرين تضلين تحجين وياي؟
انفال:- بشنو احجي
نزار:-اي شي المهم تضلين وياي
انفال:- شكد تحبها؟
نزار:-بكد حبي لأمي هاي روحي من الدنيا ماكدر اعيش بدونها شايفه اكو ايام تتأخر بالدوام واني اطلع قبلها اضل مادخل للبيت اضل منتظرها يم الباب تدخل هية ونوب اني ادخل
انفال:-ليش فاقد الامل منها لهاي الدرجه صدكني رياحين قويه وتريدكم انتم هم تصيرون اقوياء حته تساندوها لان ماعدها احد غيرك
بمجرد حجيت هيج كمت اسمع صوت شهكاته انزرف كلبي عليه ضليت اهدي بيه واحاول اصبرة شويه وسداه لان صاحو عليه ضليت افكر بيني وبين نفسي شكد محظوظه رياحين لان عدها هيج اخوان يخاوفون عليها ويحبوها هلكد الله يشافيها ويرجعها بسلامه الهم والباقي كله محلول إن شاء الله
ضليت اتكلب مااكدر انام دزيتله رساله
:-نمت؟؟
بسرعه صارت خطين وشافها عدلت كعدتي وانتظرته يدز لان يطلعلي يكتب دزلي
:- لا منايم اكدر اتصل
:-وين انته
:- يم باب البيت
:-شتسوي هناك وليش ماتدخل
:- مهران دزاني حته ارناح وبقو هو مهيمن وامي بالمستشفى واحنه رجعنه فهد وادم راحو للمركز واني رجعت للبيت بس ماعندي الشجاعه ادخل ومالكاها كدامي
:- راح تضل برة؟..
:-اي
:-اوكف لحظه، ع السريع رحت اتصلت على ايليا مرتين ادك يلا ردت عليه جانت نايمه جاوبتني بنعاس
ايليا:-شعندج متصله بيه بهذا الوكت؟
انفال:-اكلج كومي طلعي غطه لنزار كاعد بالحديقة والجو هسة كلش بارد
ايليا:-شجاي تحجين انتي شدراج بنزار برة بالحديقة
انفال:-روحي انطيه الغطه وتعاي احجيلج يلا
ايليا:-تمام، اخذت غطه من الكنتور زايد ولبست حجابي ونزلت للحديقه وصدك شفت نزار كاعد بالحديقه ويباوع بالفراغ سلمت عليه رفع راسه متفأجأ ونوب ابتسم ابتسامه صفرة
قدمتله الغطه اخذه مني وكال
:-حنينه مثل امي
عرفت يقصد انفال بهذا الحجي صعدت بسرعه لان تجمدت من البرد تغطيت واتصلت عليها ردت بسرعه
:-ها وديتيه اله
:-اي وديته ويكول عليج حنينه
:-وجهة تعبان مثل صوته مو؟
:- هوبب هوبب اوكفي شصاير من وراي بينج وبينه شي هاا
:-قبل فترة اجه للجامعه مالتي وراد يتقدم الي بس رفضت بعدين اخذت خيره وطلعت زينه كتله موافقه بس شوكت مااكولك ننفصل تتركني ماتجبرني اكمل وياك وهو وافق وعلى اساس تصير الخطبه ورة مايتخرج
:-واني شنو طرطور لو بياع خضره ليش ماكلتيلي؟
:-لج اناي وينج اتصل عليج ثاني يوم يلا تردين عليه والج عين هم وتحجين
:-صحيح والله غبت عليج هواي وصدك لو كال ابو المثل غاب القط العب يافار
:-محد فارة غيرج ام سنون
:- انجبي القزمه
:-هسة الي يسمعج يكول طولج طول النخله هوة انتي اطول مني بسانتيمين
:-بس اهم شي اطول منج موتتيي من القهر
:-وليي مني مالي خلكجج اروح انام احسن
:-روحي نامي يالحنينه
:-اوكفيلي اله احظرج
:-نجبي لج
سديته منها ونمت بعد ماطمأنيت عليه اتغطه صح مادخل للبيت بس على الاقل عنده شي يحميه من البرد
_________________
غيداء:- من بعد اخر المشكله صارت حسناء صارت كلشش هاديه ومالها حس من رجع امير اكثر من مرة حاولت وياه حته يغير قرارة بس هو معند مايقبل يكول هيج يلا تتربه سكت عنه ومافتحت الموضوع بعد ابدد ورة اسبوعين طلعت النتأئج مال الامتحانات والحمدلله طلعت معدل 90 صح مو الي جنت اريده بس الحمدلله على كل حال بوكتها رجع امير فرحان من الواجب لان هناك هوة مطلعها
امير:-هلاا بمرتي ورفعه راسي
ركضت اله وحضنته وهو شالني وافتر بيه بالصاله
غيداء:-هههههه امير نزلني راح اوكع اميرر
نزلني لزم وجهي بثنين اديه وضل يبوسني بيه من كل مكان
امير:-مرتي الحلوة الشاطرة الدكتورة فدوة شكد حلوة الدبدوبه
دفعته مني
غيداء:-امييرر لاتتكولل دبدوبه ترة ضعفت
امير:-ليش تصيرين حيوانه منو كلج اضعفين ترة خدودج الي احبهن راحن
غيداء:- بكيفي يعجبني اريد اضعف ضايجه من زروري حيل سمان
امير:-عاجبتني انتي وياهن
غيداء:-لاتصير سرسري
امير:-بعدج مشايفه السرسريه بعدين اشوفج ياها هسة كولي شنو تردين هديه نجاحج
غيداء:-نروح لبغداد للمتنبي حبابب
امير:-خوش قابل باجر اخذج لبغداد وافرج بالمتنبي
غيداء:-يسس
امير:- راح اصعد اسبح
غيداء:- حضرتلك ملابسك على الجربايه
امير:- تمام
صعد واني دخلت للمطبخ وحضرت الغدة اله مااحس اله دخلت عليه حسناء انصدمت من كالت
حسناء:-الف مبروك على النجاح
غيداء:-الله يبارك بيج حبيبتي
تقدمت على الثلاجه اخذت بطل عصير صغير وطلعت من المطبخ انصدمت من هدوئها وتصرفاتها معقوله صارت هاديه وياي؟
اخذت صينيه الغدة وصعدتها اله اتغده وكمل ونزلتها وصعدتله الجاي خلص اليوم واحنه سوة ثاني يوم كعدنه من الصبح بدلنه وطلعنه البغداد احلى محافظه عندي هي بغداد كلشش حلوة واحبها وصلنه لبغداد وتوجهنه للمتنبي طاحت رجليه من الفرة ماخليت مكان مادخلت بيه واخذت بيه الصور
امير:- كافي هواي اخذتي صور
غيداء:- اريد انشرهم ستوري صاري هواي مناشرة
امير:- ماتنشرين شي ممنوع مفهوم
غيداء:- ليش حبيبي حباب اريد انشرهم
امير:- ممنوع حبيبتي لاتناقشيني
غيداء:- افففف كلشيي ممنوع عندك
امير:-كلشي منطيج حريتج بيه بس موضوع الصور لا ولاتنشرين حياتج على المواقع الاجتماعيه ترة راح تنعدم الخصوصيه الي بحياتج
غيداء:- ماانشر شي بس صوري ترة
امير:-كافي حبيبي تعاي خليني اشربج كهوة يم بن علوان وعوفي الصور تولي
غيداء:- تعرف شلون تسكتني
خلص اليوم ورجعنه للبيت ومشت الايام طبيعيه بيناتنا بيوم حسيت بروحي حيل تعبانه وشكو شي اكله اتقأيه
امير:-شبيج ياروحي ليش هيج تعبانه
غيداء:-ماادري والله
امير:-خلينه نروح للمستشفى نشوف شبيج
غيداء:- خليها بعدين
امير:- لاماكو اله هسة يلا كوميي
كمت وياه وبدلت ملابسي وطلعنه سوة رحنه للمستشفى دخلنه لدكتورة نسائيه ضلت تسألني من شنو تعانين وشنو تحسين اخر شي كالت كومي سوي تحليل دم
غيداء:- علمود شنو تحليل دم
الدكتورة:-حته نعرف اذا عندج حمل لو لا لان الاعراض الي عندج اعراض حمل
غيداء:-حمل صدكك تحجين
هزت راسها شويه ودخلت علينه ممرضه واخذتني للغرفه الثانيه وسحبت مني دم ورجعت كعدت يم امير برة ننتظر التحاليل
امير:- ليش هيج خايفه وترجفين
غيداء:- الدكتورة تكول عندي اعراض حمل
امير:- صدكك تحجين
غيداء:- اي وعلي هيج كالت
كام وكف وصاح بعلو جوة
:-يالله تحجيننن صدككك يعنييي راحح اصيررر اببب ياربييي دخيلكككك
غيداء:- اميرر اسكتت فضحتنه يمعودد
امير:- حبيبتي يعني راح تصيرين ام دبدوبتي راح تصير امم
غيداء:- اسكت شويه بعدنه مامتأكدين اذا صدك حمل لو لا
امير:- يلا تعاي اكعدي ارتاحي لاتتعبين نفسج
غيداء:- كعدت بس اسكت وعلي انفضحنا
كعدنه شويه وصاحت الممرضه بأسمي كام هوة اخذ الورقه منها
الممرضه:- الف مبروك المدام حامل
امير:- شكرا الج
اخذ الورقه واجه عليه ورجعنه دخلنه للدكتورة وانطتني شويه تعليمات لان هذا حملي الاول ولازم انتبه على نفسي
طلعنه وامير يوصي بيه لاتشيلين شي ولا تتعبين نفسج اكعدي واسكتي بطلي خبال وسوالف زعاطيط ومن هذا الحجي والمحاضرات الي ماتنتهي
_____________________
بعد مرور شهرر
فهد:- كاعد بالغرفه يمها بالغرفه نايمه على السديه ووجها صاير اصفر شاحب وحيل ضعفان لزمت ايدها واضغط عليها بكل قوتي
فهد:-كافي اكعدي ماشبعتي نوم ليش هيج تعذبيني هاا لج كافي انانيه وحسي بيه شويه بس شويه
وخرت ايدي من سمعت صوت الباب انفتح دخل عليه مهيمن
مهيمن:-عرفت بيك هنا امشي ارجع للبيت ارتاح شويه هسة رجعت من الواجب ليش هيج جاي تسوي بروحك
فهد:-مااكدر اضوك طعم الراحه وهي بعدها نايمه
مهيمن:- استغفر الله كافي تسوي هيج بروحك حبيبي ترة وضعها مبين لازم تتقبل الوضع
فهد:- لككك مهيمننن ليشش هيجج تحجي هااا ليشش تسسويي بيهه هيجج لكك تدري بروحي شكدد متأذي عليها وتجي انته تزيدهاا عليه بكلامك
مهيمن:-لاتعلى صوتك عليه مفهوومم
فهد:-ردت اجاوب عليه بس اجاني صوتها الضعيف وهي تصيح بأسمي
رياحين:-ف فه دد
درت وجهي عليها وشفتها مفتحه عيونها ركضت عليها بلهفة ولزمت وجها بأيدي
فهد:- هاا ياروح فهدد وكلبه كولي شنو تحسين هاا
رياحين:-عطشانه اريد مي
فهد:-هسة هسة
ركضت حته اجيبلها مي بس لزمني مهيمن من ايدي
مهيمن:- اوكف خلي يجي الدكتور يشوفها يجوز ميصير تنطيها مي لاتتهور
فهد:-اي خوش روح صيح الدكتور واني اضل كاعد يمها بالغرفه
مهيمن:-تمام
فهد:- رجعت كعدت يمها ولزمت ايدها ورفعتها لوجهي وبستها
رياحين:- فهد اسفه
حجيت هيج وبقيت اشهك وابجي مسح دموعي
فهد:- اشش اشش حبيبتي لاتبجين لاتسوين هيج بروحج لاتعتذرين اني اعتذر منج لان ماكدرت امنعه يأذيج
رياحين:-اني جنت غبيه وصدكت بيه وبسببه فقدت ثقه اخوي وابوي مهران شلون اباوع بوجهة مرة ثانيه
فهد:-كافي اني وياج وراح اخليهم يسامحوج وترجعون مثل قبل واحسن
رياحين:-توعدني؟
فهد:-اوعدج ووعد الحر دين بس الي اريده منج ترجعين توكفين على رجليج وترجعين قويه مثل قبل اريد اشوفج رياحين القديمه الي مايهمها شي غير اخوانها ودراستها خوشش
رياحين:-بس مهران منعني من الكليه
فهد:-ترجعين بس عوفيها عليه ومعليج تمام
رياحين:-تمام
سحبت ايدي منها وكمت من انفتح الباب ودخلو اخوتها والدكتور فحصها وتأكد منها مابيها شي
الدكتور:-الحمدلله كلشي تمام وتكدر اليوم تطلع الحمدلله على سلامتها
الشيخ مهران:-الله يسلمك دكتور
طلع الدكتور وركض عليها نزار اخذها لحضنه يعصر بيها ويبوس بيها مايقبل احد يوصل يمها
ادم:-دوخر منها شنو جلبت
نزار:-شعليك اختي لو اختك هية
ادم:- چا بت عمي غير اختي مثل ماهية اختك وخر منها
وخر نزار وعيونه متروسات دمع بس يحاول ما يبجي بس فشل ونزلت دموعه من سمع كلام ادم
ادم:-الحمدلله على سلامتج ياروحي ليش هيج تسوين بينا هاا منو يستاهل علمود تعوفينه وترحين علموده هاا هيج احنه ارخاص عندج حته ترحين وتعوفينه علمود واحد نكس مثل هذا
رياحين:- اسفه وعلي اسفه بس الي صار جان اكبر من قدرتي وماكدرت اتحمل الي صار كلها بصفحه وكلام بابا بصفحه ثانيه
حجت هيج ورفعت راسها لمهران الي واكف يم الباب ومكتف اديه ويباوع عليهم من حجت عليه عافهم وطلع وطلع وراه مهيمن
رياحين:-شفت شلون ماراح يسامحني ابدد
ادم:-حبيبتي واحنه ترة هم ماسامحناج على غلطتج هاي وغلطه الانتحار انتي بس صيري زينه والله كريم نتحاسب عليهن وحدة وحده
رياحين:-لو ميته احسلي لان ادري بيكم ماراح تسامحوني بسهوله
نزار:-جان حطيتينا كدام عينج من رحتيله
رياحين:-غلطت واني مو انسانه ومو معصومه عن الغلط شوكت تسامحوني
نزار:-من نشوف اختنا رياحين القديمه رجعت هذاك الوكت نسامحج
فهد:-اروح اكمل إجراءات الخروج وانتو اطلعو خليها تبدل حته نطلع لان لعبت نفسي منها
رياحين:-ليش صار شكد احنه هنا
نزار:-مااريد اصدمج بس انتي صارلج شهر كامل نايمه
رياحين:- صدكك تحجي
نزار:-وداعتج شكد عندج حظ نمتي شهر كامل قابل مثلي بس كم يوم نمت وكعدت
فهد:-وانته حته على هاي حاسدها
نزار:-اي بعلي
فهد:-طاح حظك
طلعو من الغرفه وتقدمت عليه امي غيرتلي ملابسي بملابس نظيفه وساعدتني اكوم امشي للحمام حته اغسل وجهي كملت واجه علينه ادم اخذنه للبيت
________________
ايليا:- جنه كاعدين اني ونارة ومرح بالصاله نسولف ليش ما يدك موبايل نارة ردت عليه وكضتها
:-صدكك خوشش الحمدلله اي اي هسة خوش لعد
سدته والابتسامه مرسومه على وجها
ايليا:-خير شكو شنو صاير
نارة:- بنات رياحين كعدت وهسة راح تجي
ايليا:-صدكك تحجين
نارة:-اي والله هسة ادم خابرني يكول حضرن الغرفه مال امي لان راح تكعد بيها
ايليا:-لعد خوش كومي نسويها اني وياج
نارة:- انتي معليج بالغرقه عليج بالطبخ الغرفه اني اسويها ومرح تعدل الديوان خاف يجونه ناس ها مرح موافقه
مرح:-اي عادي ماعندي شي
ايليا:- اكلج انتي اليوم هم تعاركتي ويه فردوس
مرح:-اي لعد شلون عضيتها من ايدها عضه خليتها تكمز
نارة:- ماشاءالله انتشر مرض داء الكلب بين حرم الشيخ چاسب
ايليا ومرح:-هههههههه
نارة:-عوفن الضحك وكومن يلاا
كمنه كل وحده على شغلها ايليا سوت شوربه ومركه لحم لرياحين وسوت برياني دجاج وتشريب لحم للغده ومرح سوت الديوان والاستقبال حته خاف يجون خطار واني كملت الغرفه ورتبيتها ورحت سويت الزلاطه والخضرة والطرشي خلصنه كلشي وكل وحده راحت تسبح حته مرح لان اني وياها نتلابس اخذت متي دشداشه لونها زيتونيه واني لبست دشداشه نيليه وايليا لبست وحده ورديه ونزلنه جوة ننتظرهم شوكت يجون
ايليا:-اكلج خابري على رجلج شنو وين صارو كلش اتأخرو
نارة:-هسة اخابر
ايليا:- مرح روحي طفي جدر المرك حبيبتي
مرح:-اوكي
كامت مرح حته اطفي الجدر شويه ورجعت تركض وتكمز
مرح:-اجوي اجوي والله اجوي
سديت الخط منه وكمت اني والبنات حته نستقبلهم من الباب وكفت بالبدايه ويمي ايليا من وصلت رياحين لباب المطبخ مااحس اله جكليت وهو ينزل علينه درت وجهي وشفته مرح الخبله حاطه الحجاب على نص راسها وتشمر جكليت على رياحين تقدمت سلمت عليه وتحمدت الها بالسلامه وايليا مثلي ومرح هم بس انتبهت على مهيمن شلون يخزر بيها علمود الحجاب وهي ولا يمها فاتحه حلكها وتضحك ويه رياحين
دخلناها للغرفه مال الحجيه والحجيه اخذت ملابسها ودخلن للحمام حته تسبح طلعت من الغرفه حته اشوف ادم لان حيل مشتاقه اله دخلت للمطبخ لكيت نزار يلعب بالجدورة شافني ضحك وكال
نزار:-ميت من الجوع وريحه الاكل دمار واذا جايه ادورين على رجلج ترة صعد فوك
نارة:-انتظر شويه ونصب الاكل للكل واذا متكدر تنتضر اكو مخلمه بالفرن مال الطباخ سويناها ومحد يشتهي ياكل صبر روحك بيها لحد مانصب الاكل
نزار:-رحم الله والديج وعلي بس انتي تفتهمين عليه
نارة:-هههه الف عافيه
عفته وطلعت من المطبخ وصعدت بسرعه فوك فتحت الباب مال الغرفه ولكيته واكف يريد ياخذ ملابسه الي حضرتهن اله قبل شويه ركضت عليه وحضنته وهو يشد على حضني
ادم:-افيشش ياريحه العافيه شلونج
نارة:-بشوفتك صرت زينه حيل اشتاقيت الك
ادم:-مو بكدي وعلي ياناري
حط راسه بركبتي يبوس بيه ويشم واديه محاوطتني وخر مني وحط جبهته على جبهتي وكال
ادم:- الله لايرحمني من هاي الريحه
تقدمت عليه ردت ابوسه بس رفض
ادم:-خليني اسبح يلا تبوسين ريحتي كلها معقمات ولعبان نفس
نارة:-بس اني ماتلعب نفسي منك لاتخاف
ادم:-حته لو اسبح وبوسيني على راحتج مااكول لا
نارة:-تمام
طب للحمام سبح وطلع وهو ينشف بشعره واني جنت نايمه على الجربايه اجه نام يمي واخذني لحضنه بسته بركبته
نارة:-لاتنام كوم تغده
ادم:-اتغدة بيج لان اني هسة جوعان عليج
نارة:-هههه لا كوم اكل
ادم:-ثاني مرة تكوليها واني مو من اخلاقي اردج اكوم اكلج ماكو مشكله
كام عليه:-ادم لاا ادم اسمعني
حاولت وياه يمعود عدل بدل ماكو اله سوه الي يريده كام مني وهو يضحك
نارة:-ترة هسة سبحت مابيه حيل ارجع اسبح من وراك
كلت هيج مااحس اله اجه عليه وشالني بوضعيه العروس ومشه بيه للحمام
نارة:-ادمم وين مااخذني نزلني ادمم
ادم:-مو مابيج حيل اني اسبحج لاتعبين نفسج
نارة:- ادم نزلني اني اسبح لاتسوي هيج حباب
دخلني للحمام وسبحني بيده طبعا اكيد مايخلى الحمام من تحرشاته للنقيب ادم
طلعت بدلت وحضرتله ملابسه ونزلت احضر الاكل ويه البنات دخلت للمطبخ لكيت بس مرح بيه
نارة:-ليش بوحدج ايليا وين
رفعت اكتافها بمعنى مااعرف
مرح:-ليش بدلتي دشداشتج جانت حلوة عليج
نارة بخجل:-مو ادمرت مي واني اغسل بملابس ادم
مرح:-اهاا تمام لعد تعالي صبي الاكل الحجيه كالت الولد جوعانين خليهن يستعجلن بصب الغده
نارة:-يلا اجيت
صبينه الغده واجه نزار وفهد ينكلون بيه اخر ماعون اجه عليه فهد
فهد:-خويه نارة بلا زحمه عليج بس اوكفي فوك راس رياحين خليها تاكل كل الاكل مالتها لان عدها علاج وراه
نارة:-تمام رايحه يمها هسة
فهد:-رحم الله والديج
نارة:-ووالديك
__________________
ايليا:-حسيت بروحي تعبت استأذنت من الحجيه وصعدت فوك حته اتمدد لان احس ضهري انكسر من الطبخ مال اليوم تمددت على الجربايه وبيدي الموبايل اكلب بيه بملل نفتح الباب ودخل مهران ضل واكف شويه يم الباب وهو يباوع عليه مارفعت راسي بس احس بعيونه عليه كسرت الصمت الي بيناتنا من كال
الشيخ مهران:-تاخذيني لحضنج شويه حته ارتاح من تعب الدنيه؟
حجاها بصوت متروس تعب رفعت راسي وشفته حيل متغير بهذا الشهر لحيته كبرانه وشعره كبران بس كل هذا مامأثر على جماله بلعكس ضايفله جمال خاص
ضليت خمس دقايق افكر اي لو لا اخر شي غمضت عيني وفتحتله اديه اجه عليه بسرعه ونام بحضني شلون الطفل
