رواية لأني عاقر الفصل الثالث والثلاثون بقلم مريم خفاجة
٣٣__________٣٤
شَكتِب ، يا شِعر يرهَم على عِيونكَ؟
#لأني_عاقر
#البارت_الثالث_والثلاثون
#مريم_الخفاجي
صوتوا للبارت+تعليق بين الفقرات+متابعة
لحسابي _
ــــــــــــــــــــــــــــــــــــــــــــ
...
رجفت شفايفي
ودخلت ؏ الڤيديو نزلن دموعي
واشوف الأجهزة محاوطتة ويسولة ضربات
القلب
وجسمة ينشال وينرگع ؏ السدية
بعدها صار انقطاع للڤيديو ورجع
وهو نايم صوت شخيرة عالي بحيث اباوع لنفسة
يصعد بشكل مو طبيعي
وانقطع الڤيديو مرة لخ ورجع
وردة كاعدة بصفة واسمع صوتها تگلة:-اكل
اروحلك فدوة كافي ابوس ايدك طلعها من بالك
ضحك بصوت عالي
وهي تبجي همس بصوت:-ملاکي هاي ملاکي
نامت بحضنة هسة اكيد وهو باسها و شبگها
اني احبها هي بس الي هي بس الي
ماتصير لغيري هي ماترضى تنام
لحد ما اني احضنها اني احبها وهي تحبني...
قاطعتة وردة وهي تخلي ايدها
؏ حلگة وتبجي:-كااااااافي انتتتت عذذذذبتهااا
وعااااافتكككك كافي بسبببببك كلة بسببببك
اذا تحبها هييييج ليش عفتها لييييش
ضربها راشدي بأيدة البيها
كانونة وجرها من عبايتها وقربها
ودفعها وگعت بالگاع وبقت مدنگة تبجي
وهو صاح بصوت:-ولككككككمممممم ناااااار
بگلللللللببببببي ماتتتتتطفففففففة
رندة:-هي بحضن رجلها متونسة
وانت هنا محترك گلبك كافي مصختها
شمر الغراض اليمة وانگلب وحش
من كلامها اجو الممرضين ركضولة خمسة
يردون يلزموا ماينلزم لحد ما ضربوا ابرة
كام يصيح لحد ماختفة صوتة
انقطاع ثاني ورجع الڤيديو
وهي مقربة الكامرة من يم وجهه
وهو يهمس بصوت ناصي وهو نايم
ولسانة ثگيل:-ملاكي انا احبج
سكت ورجع كال وهو يبتسم:-شبگيني هواية
وسمعت صوت وردة
تهمس بعصبية:-شدتسوين انتتتي؟؟؟؟
وانسد الڤيديو كلة
بجيت وشهگت واني اعيد بالمقطع اكثر
من مرة وابجي بجي والله يمكن احترك
گلبي عليّ
لو مامسوي سوايتك؟ جان وصلت
انت لهذا الحال لو اني لهذا الحال؟
اندك الباب وسمعت صوت
غيث:-ملاك انتي هنا؟
غمضت عيوني ودموعي نزلن اكثر
وانتَ شنو مصيرك؟ وانتَ النايم ؏ السدية؟
واني الواگعة بين نارين؟
شنو مصيرنة احنة الثلاثة نبقى
نعاني للأبد؟
رجع غيث گال:-ملاك وينج انتي جوة؟
همست بصوت مبحوح
احاول ماخلي يبين:-اي هنا جاي ابدل
غيث:-ها براحتج منتضرج
غمضت وعضيت شفايفي
دگيت ؏ افخاذي حيل صعدت رجلية
لصدري وخرمشت رگبتي واني
اهمس:-ياااالله طلعني من بااااالة يارررب
شسوي يارب اباوع من جوة الباب
رجلين غيث برة يعني منتضرني يريد يدخل
مسحت عيوني
ودنگت ؏ التليفون رجعت باوعت للڤيديو
ودموعي تصب
حذفت الرسائل ودخلت ؏ حضر
وحضرت رندة بدون مارد عليها ولا اجاوبها
ومسحت كلشي دخلت ؏ الصور
اخاف محفوظ مالگيت
گمت دموعي يتلالن بعيوني
كل ما اصفن يرجعن ينزلن بدون تقييد
فتحت كنتوري وطلعت تراك لبستة
ودخلت للحمام غطيت الخراميش
بياخة التراك
والحمار الداير مداير عيني
مالگيتلة حل وغيث منتضر شكد راح
اتفشل وياك
طلعت وبيدي المنشفة وفتحت
الباب وهو جان كاعد ؏ التخم ويكلب بالتلفون
رفع راسة وكام
غيث:-انعل ابو اليلبس دشداشة بعد
ملاك:-ليش؟
غيث:-ولج تبهذلت
ملاك:-مالابسها انت ابد؟
غيث:-لا اكرهه اصلاً ولايوم لبستها
ابتسمت
وهو كرص خدي بعدها انتبه
لعيوني حاوط وجهي بأيدة
وكال بقلق:-بيج شي؟ شنو باجية؟
كلت بتوتر:-لا مابية شي بس مسحت
المكياج وعيني تحسست
غيث:-ماجنتي مخلية هواي مكياج؟
ملاك:-لاخليت بس مايبين
غيث:- جا اذا يتحسسن بعد
لاتخلين شي يأذيهن
هزيت راسي وهو باس كصتي
وگال:-طلعيلي تراك من الكنتور
بعدتة عني ورحت لكنتورة
وفتحت الباب درت وجهي علي وگلت:-امي
تجي؟
غيث:-اي هسة يجيبهم جاسر
حجاها وهو ينزع الدشداشة
درت وخليت التراك ؏ الجرباية واني احاول
التهي ماباوعلة
خلص وگال:-يلا تنزلين؟
ملاك:-اي يلا عيب منهم
مد ايدة لزم ايدي ومشينة سوة
بعدت ايدة وهو باوعلي وسكت ماحجة
واني اعض بشفتي من القهر طعم
الدم كمت احسة يتحسس اطراف لساني
وصورة كمال ماجاي تروح من بالي
نزلت عمتة تقرة قرآن سرعت خطواتي وكعدت
بصفها ابتسمتلي وضلت تمسد ؏
راسي حطيتة بحضنها
وهي كالت:-تعبانة يروحي؟
ملاك:-اي والله من امس لسة احس
راسي يفتر
ام نور:-ليش ماخذتيلج حباية وجع راس
ملاك:-مادري نسيت
سكتت وبقت تقرة قرآن واني مغمضة
عيوني وهي تمسد ؏ راسي
نص ساعة وسمعت صوت هلاهل
انخفض نفسي من سمعتها أمي
كمزت بسرعة وهنه يسلمن عليها الي بالمطبخ
ويهلهلن وياها
طبت للصالة عيني دمعت
كمتلها وحضنتها حيل عبايتها نزلت ؏
اجتافها:-هلا يبعد امج واهلها
وخرتني وهي تباوع لعيوني:-شلونج؟
ملاك:-زينة الحمدلله
سلمت ؏ اخواتي
وملك تكلي:-شنو باجية ولج
هزيت راسي بـ لا
وكعدن هنه ؏ التخم كعدت بنصهن ولازمة
ايد امي وهي مندمجة وياهن يكول
تعرفهن صارلها سنين
اجت رغد وزعتلهن ماي
ونوب شوية وانطتهن عصير وكيك واني
بس اباوع لأمي
ايمان:-شبيج يمة؟
ملاك:-مابية شي نصعد فوك؟
ايمان:-لا ولج فشلة
سمعتنة رغد كالت:-لا ليش فشلة
صعدوا شوفوا غرفتها
ايمان:-شايفتها غير اجينة عزلناها احنة
رغد:-يا يمة دكومي ياخالة بتج تريد تسولفلج شغيلة
ضحكت امي وگمنة سوة اني وياها
خواتي كالن عيب كلنة نصعد
وغيث ماجان كاعد مادري وين
صعدتها وهي طبت وكالت:-يا يمة شهالحر
سديت الباب وهي
جرتني وكالت بأبتسامة:-اتقربلج مو؟
بلعت ريگي وكتلها:-لا
ضغطت ؏ زندي حيل
وتبدل ملامحها للعصبية:-شلووون يعني؟
ملاك:-ماگدرت
گامت من القنفة واني كاعدة كلبي
يدك شوداني وگتلها وهو كالي لاتكولين لاحد
ضلت تصيح وتدمغ
بية:-انتتتتي رااااح تموووتيني وتموتين الرجال
ولج انتي شنو من بشررر شنووو
ليش مامخليتة يتقررربلج
ملاك:-يمة ماگدددددر ماگدر واااالله
ضربتني راشدي قوي احس
راسي انفر فر وحجت بهمس
وحدية:-لااااا موووو ماتكدددددرين بس....
قاطعها وجود غيث وهو داخل
الغرفة طالع ستوة من الحمام گمت من مكاني
بسرعة وهو واكف وعينة
بعين امي همس:-هاي ليش ضربتيها؟
بلعت امي ريگها بفشلة
وسكتت تقرب وذب المنشفة ؏ الجرباية
وعيونة ماتتفسر عصبيتها
جرني الة بخفة ورجع كال لأمي:-عمة ليش
ضربتيها؟
ايمان:-ماكو شي
دارني علي وگال:-شنو ماكو شي عمة
خدها احمر؟؟
ملاك:-كافي غيث
غيث:-لا مو كافي گولي السبب؟
ملاك:-لان ماوصلتلي
رفع حاجبة وگال:-هي هاي؟ تضربيها ؏ شي تافهه
ايمان:-جا تريد الله يغضب عليها
غيث:-الله يغضب عليها اذا اني جنت رايدها
وهي ماقابلة بس مادام متأذية مستحيل
اوصللها واعذبها اكثر
غمضت عيوني شهالنقاش يالله
رجع گال:-عمة ولو تشوفيها مني مو حلوة
بس مستحيل بعد اقبل ملاك تنضرب
اني اخاف الزم اديها واخاف اضغط ؏ اصبع من
اصابعها حتى لايتأذن تضربيها هيج بدم بارد؟
امي ساكتة وتبلع ريگها باحراج
واني احاول اصلح الموضوع بس مايتصلح
بعد
غيث:-هالشيء ابداً مامقبول وهاي المرة اعديها
بس المرة الجاية لا يختلف الحجي اعذريني
ماحب مرتي تنضرب
ايمان:-اعذرني يمة
سكت وهي طلعت
رجع دارني علي ومسح ؏ خدي
و وجهه عصبي بس يحاول يحجي بهدوء:-متأذية؟
همست:-لا عادي
غيث:-اني مو گتلج لاتححين لأحد!
ملاك:-امي ماگدر اضم عليها
غيث:-لعد اني اختي وعماتي هم ماضم عليهن
شلون نفضح رواحنة؟
ملاك اني خصوصيتي ماحب احد يدخل بيها
ولا احب واحد ينطيني نصيحة لو يكلي
سوي هيج وسوي هيج هاي اخذيها معلومة
السويتي غلط والسوتة امج غلط اكبر
ملاك:-عادي يمكن تسرعت
وهي لان تحبك
حضني ضم راسي حيل بصدرة
ضميت شفايفي لداخل حلگي بقهر ودموعي
احاول ماينزلن همس وهو يبوس
بشعري:-هي امج تضربج دائماً؟
ملاك:-لا لا هاي اول مرة
غيث:-اول مرة؟
ابتعدت واني مغمضة عين وحدة
ومبتسمة:-ثاني مرة
ضحك بصوت عالي وباسني قوي
بخدي وگال:-هسة انزل اصالحها لاتضوجين
ملاك:-ماحب واحد يضوج امي
غيث:-ولا اني ارضى واحد يضرب مرتي؟
بلعت ريگي وگلت:-كتلك هي سوت هيج
لان يمكن عبالها انت ردتني واني ماقبلت
مافتهمت السالفة
غيث:-سدي الموضوع هسة
تعالي خلي نصلي
رحنة توضينة وصلينة ونزلنة جانوا ديحضرون
الأكل امي ماشفتها بس خواتي
كالن ضايجة وكلها شكت بالسالفة
بحيث من نزلنة كلها تباوعلنة
باوعلي بتك عين وكال:-مو گتلج واحد اذا عرف
معناها الكُل يعرف لسانج لزمي بعد
ضحكت وكعدت بصفة
شوية واجت رغد لازمة امي ماباوعتلنة
وكعدت تاكل بدون ماتسولف
واصلاً كلهم محد يحجي ؏ اكل
بس صوت الخواشيك تطكطك
ومن خلصنة ردت اشيل الاماعين لزم ايدي
وماقبل
وهنه شالن الغراض
وللعصر رادت تروح امي لزمها غيث
من ايدها وضحكوا ثنينهم
غيث:-صدك بلا زعلانة مني؟
ايمان:-مو اني عبالي ضايج انتَ منها
غيث:-لا يمعودة سالفة تافهه لاتخلين
بالج يمها واصلاً
ايمان:-يا يمة هي هاي الشغلة بذات الله يغضب
عليها اذا انتَ تريد توصللها وهي ماتقبل
هاي شكبرها عد الله اني ماريد
وحدة من بناتي من غضب الله تتعذب
ويتلوع گلبهن اريد الله يرضى عليهن اريد اموت
واني مطمنة بناتي ماشيات ؏ نهج
صحيح اريد اموت ورب العالمين راضي ؏ بناتي
وراضي علية يا يمة حرام والله حرام
انفتح نقاش جريء وهو يسولفلها
ادنيت من يمهم ورحت يم اخواتي لحد ماطلعوا
باست امي غيث وهو باس راسها واجت
باستني ودارت علي وضحكت:-خو ماعندك
عذر بعد؟
ضحك وگال:-هذا هو تصافينة
طلع الكُل حتى عماتة
واني رتبت البيت وعزلتة باوعت
لبرة الدنيا مغرب
فتحت الباب و خليت راسي
؏ حافة الباب وغمضت عيوني وكلبي مقبوض
بشكل مو طبيعي
عصرت مكانة حيل ونزلن دموعي بغصة
وبدون شهگة
فتحت حلگي حتى يدخل بريتي الهوى
ومادخل!
وِصلت المَغرب وشرجَع
اخاف اسكِت واخاف اسمَع
وفِتت بالليل بَس مِحتار
مِثل مِيفوت چف بسوار
اريدَ اطلعَ
عَسىٰ لا رجع الله الليلة الاولى تذل
افك شباچي واريد الگة هوى شوية
ضوا تربان شي يدخل
شلون اسكت وانا دمعي
جتف بسمار
اذا اطبطب عليّ
ينزل!
_باهر الجنديل
سمعت صوتة يصيحني
مسحت دموعي بسرعة وعدلت شكلي
وسديت الباب ودخلت لجوة
جان كاعد ؏ التخم
رفع عيونة علية وگال:-شوية ورغد تجيب العشة
ملاك:-ليش متخليني اشتغل اني اريد اسوي
ابتسم:-لا خليج كم يوم مرتاحة
ملاك:-لا عادي اني ارتاح اذا اشتغل
عقلي ميضل يفكر
غيث:-بشنو يفكر؟
ملاك:-بأشياء
تمشيت للتخم المقابيلة
وهو گال:-شنو هنه الاشياء تگدرين تحجيهن
لو لا؟
بلعت ريكي ودنكت راسي العب بأضافير
واحس لُعابي خنگني گلت:-لا
سكت ورجع كال:-عيونج ما مرتاحلهن
ملاك:-قطراتي ناسيتهن فـ هنه يدمعن
ولان ضليت هواي گاعدة
غيث:-القطرات الي انطاهن الج الدكتور؟
ملاك:-اي اساساً هنه بيهن جفاف فـ لذلك هيج تشوفهن حمر ويدمعن
غيث:-اشوفلج دكتور زين مارتاح هيج اشوفهن
ملاك:-ميحتاج هنه بالقطرات يصيرن زينات
غيث:-اويلي بعنادج هاي اجت رغد
كمتلها واخذت الاكل منها وتشكرتها
وهي گالت:-الاماعين لاتغسليهن اني اغسلهن
ملاك:-يمعودة شنو السالفة والله مالها داعي
اني انضف
رغد:-براحتج عود كلت عروس وندللها
ضحكنة ثنينة وهي راحت
صحتلة كعدنة ناكل بدون صوت
الهدوء عام بالمكان حتى من خلصنة
يسألني اجاوبة ميسألني اسكت وماحجي وياه
نهائياً
وهو كذلك
عايفني براحتي
مرت ايام ورا يوم العرس عزمتنة رغد
وراها عماتة واخير شي أمي
رحنالها واني لابسة بس جبة
حتى مكياج خليت قليل
ومن دخلنة هو طب يم جاسر وابوية
واني يم اخواتي وامي
جانت عازمتنة ؏ عشة
بقيت اتصفن كلامي قليييل لأبعد حد
وامي تعصب بس متگدر تحجي
نترت بية:-كومي اخذي ماي لرجلج
اخذتة واني بعدني بجبتي
قدمتة الة وهو يباوعلي عفتة ورحت
بعدني اريد ادخل
واسمع امي تدردم:-ولج من جانت ويا هذا
الگـ*** لازگة بي حتى ماتعوفة
واللبس والترتيب وهسة ويا هذا المگرود
المحترمها لا لابستلي خرگة وجهه يگول فاتحة عدها
بت الغبرة هو امج غبرة انتي شطلعين امداني
وامدة خلفتي المابيها حظ
ملك:-عوفيها طبها مرض هسة هم يتزوج
والله يعمي حقة لان اختي مابيها حظ
ادري بيها
ريم:-ترة هي خطية من الشافتة هم حقها
ملك:-ترة كلها شافت وكلها تعذبت
مو بس هيّ التعذبت والناس تخطت و وكفت ؏ حيلها
هي لا ترجع لورا والله اعرف بنات
اخيس من حالة ملاك وهنه تشوفيهن المكياج
وماعايفات رواحهن ومستمرات بالحياة
هاي مموتة روحها
ايمان:-هسة گلنة خطية وتعذبت
هسة مو ها اجاها اغاتة النذل ذاك شتريد بعد
اني اريد اعرفها شتررريد
دراسة ومادرست وضلت سنين محطمة
روحها بس موبايل ونوم اريد افهم هالبنية شتريد
ماجاي افهم
ريم:-انطوها مجال يمة شسالفة
ايمان:-اششش انتي اسكتي
دخلت وحطيت الصينية ؏ الكاونتر
وهنه يباوعلي ساكتات
ابتسمت:-بعد ماكو رزالة؟
ايمان:-وقزرقط بگلب امج روحي كعدي
يم الولد
ملك:-اطلعي ريم
طلعت ريم وهي تهز بايدها
واني كعدت استغفر
وملك كالت:-هو لسة ما واصلج مووو؟؟؟
سكتت
ايمان:-شوووفي شگتلج بتي واعرفها
ملك:-هاي شبيها صدك تحجي ماتباوعيلي
ملاك:-معليكم حياتي الخاصة واني
حرة بيها كافي تدخلون رواحكم
بية كااافي
عفتهم وگمت طلعت بالحديقة
وضليت اشهك صميت حلگي بأيدي
گعدت ريم يمي وباستني حيل وهي تبجي
وياي گُتلكم هي متتحمل احد يبجي كبالها
ريم:-ملاك لاتبجين والله امي لان تحبج
وماتريدج تعوفين غيث لان هو حباب
ملاك:-ادررري
ريم:-لعد ليش تكرهين غيث وماتردينة
ملاك:-مو اكرههه ولج ما اكرهه والله بس
اني كل ماتقرب خطوة رجلية تبعدني
الف ميل ماجاي اكدر
ريم:-انتوا متزاعلين؟
ملاك:-تؤ
ريم:-لعد ليش محد يحجي ويا الثاني
حتى مالازم ايدج من طبيتوا
واني امسح بدموعي كتلها:-هو احنة
هيج مانحجي سوة
ريم:-يعني حتى بالبيت
ملاك:-اي
ريم:-ليش؟
ملاك:-مادري ماجاي اكدر افهمة لو يفهمني
احس ماريد يطلع البداخلي مادري ليش
ولج حياتي كلها مخربطة افكاري هوسة
لو تدخلي لعقلي تحسين اكو وشوشة
اكو اشياء هواية متنفهم
واني الي ماگادرة افهمه شلون افهم المقابل
شلون افتح عقلي الة بس گليلي شلون
اني انسانة مافاهمة روحي
ريم:-بس هو خطية
ملاك:-مووو مشكلتي ريييم گتلة راح اعذبك
وراح اتعبك اني انسانة مرتبطة بالماضي
عقلي ميگدر ينساه هو قبل وگال عادي ميهمني
هو ماهتم
ريم:-لاتحجين شي ويا امي بيني انتي فرحانة
حتى لو تجذبين عليها هي جاي تتأذى
تضل سهرانة بس تبجي عليج
ملاك:-گومي خلي نطب لا يطلع ويشوفني
لزمتني وگمنة ثنينة
عفتهن ودخلت كعدت يمة لزك
حتى بعد متحجي وياي أمي
من سمعت الباب انفتحت
خليت ايدي ؏ رجلة وابتسمت وهو
باوعلي مستغرب
ماهتميت وبعدت نضري عنة
وامي گعدت كبالي وجرت نفس
وكالت لغيث:-خو مو جوعانين
غيث:-لا ماشتهي وانتي؟
ملاك:-اي ماريد احنة قبل لانطلع جنة ماكلين
وهو يباوعلي من احجي
يتأملني شابك اصابعنة سوة
وهمس بأذني:-اشو صوتج حلو
ضحكت:-شنو ما سامعة
غيث:-لاع
ابتسمت ودرت وجهي لأمي
ارتاح وجهه وداخلي يطحن كرهت القرب
بيني وبينة مدري ليش
حطيت راسي ؏ جتفة
رجع گال:-ها نعستي؟
ملاك:-اممم
باسني براسي غمضت
عيوني وصور هواي تراودني اولهم
هوَ؟
شحالة هسة؟ مات لو عدل بعدة؟
يتذكرني لو نساني؟
فضولي الكاتلني والا اني
ما املك ربع من مشاعري ألة
لشوية وصبت امي العشة
تعشينة ورجعنة
بليل لبست ثوب خفيف
وتغطيت كلي بالبطانية حتى رجلية ماطلعتهم
لوين يلا حسيت بي اجة قريب ما اريد
اغفة اسمعة يطكطك ؏ كيفة
انخفض نفسي من حسيت بي
يصعد ؏ السرير بهدوء
واني اكرهه هذا الهدوء
هو جان ينام ؏ التخم شجابك يمي
غمضت عيوني قوي
حسيت بأيدة لامست خصري وجر روحة
الي بحيث صار ضهري ؏ صدرة
شواربة لامست رگبتي
صرت اتحسس بس ماگدرت اتحرك
ولا انطي اي ردة فعل
وداخلي يحترك حرك والموقف ببالي
ذب نفس ؏ رگبتي
وطبع قُبلة زغيرة قريب أذني
وهمس:-شوكت مو تعبت
من شنو تعبت؟
سؤال بداخلي راودني
احتقرت روحي؟
هم الج عين تسألين؟
هو يريدج؟
بس مايبين خاف تتأذين
واني أأذي عينك عينك
وماخاف؟
وخرت ايدة ورجعت غمضت عيني
سمعت صوت النفس مالتة عالي
وكام من يمي ورجع نام بمكانة
ضليت مغمضة لحد مانسحبت لعالم النوم
المُخيف...
ومَر شهر واحنة ؏ وضعنة
كم مرة حاول يتقرب وبعدتة
مرة من المرات عطت بوجهه وهو صار عصبي
وابتعد عني من يومها
وماحاول حتى يوصلي
وكلامنة يقل شوية شوية
بس كدام اهلة وعمامة واختة يحجي وياي
ونتفاعل سوة
نجذب ؏ رواحنة مدري ؏ عالم
اريد اعرف نهاية علاقتنة شنو؟
ماجنت اعرف المضموم مني...
ورا ايام صالحني
اخذني للمطعم ويضحك ويسولف وياي
واني ابادلة بروح باردة
وبيوم جاي انضف
شفتة دخل وگال:-الله يساعدج
ملاك:-هلو
نزع حذائة ودخل لجوة
باوعتلة دخل جوة الدرج وسمعت باب انسد؟
شنو اكو جوة غرفة؟
مرات ادور عليّ والگاه ماهو عبالي طالع
وشوية ويجي واگلة وين جنت
يگلي هنا؟
اضل صافنة اني ادور عليّ؟ ومالگاه
مشيت وراه
جانت اكو باب بيضة مثل الحايط
حتى ماتبين دفعتها انفتحت
دار وجهه بسرعة علية وعگد حاجبة
عيوني توزعت ؏ الغرفة جانت كلها بياض
ورف مال كتب معزول ؏ صفحة
وميز وعلي حاسبة واشكال والوان والورق
وگهوة واشياء هوسة
غيث:-محتاجة شي؟
ملاك:-هاي الغرفة قديمة هنا؟
غيث:-اي!
ملاك:-ماجنت اعرف
سكت وهو مدنك يگلب بالاوراق
عفتة وطلعت
الغرفة نضيفة تلمع
وحرفياً لون مُغاير ماكو كلها ابيض
علامات استفهام صارت تراودني
ضليت افكر سويت
غدة وصحتلة اجة
تغدة واحنة ساكتين
شنو بيها هالغرفة ياربي؟
اكلت بقلق
بعدها غسلت الاماعين وكملت تنضيف
وصعدت نمت كعدت العصر هو جان
نايم
ضليت احوص لازم اعرف
اخذت وصلة مسح ودخلت للغرفة
كلت اتحجج بالتنضيف
فتحت الاضوية
وتمشيت داخلها الغرفة تلمع لمع بحيث
وجهي اباوعلة بالكاشي
باوعت اكو ادوات تنضيف
يعني هو ينضفها
صار شهر ونص واني ماعرف بهاي
الغرفة والله يالله
تلمست الكتب عبالي
اني بفلم هندي وعود ورا مكتبة الكتب
اكو غرفة مخفية
والله كلشي يصير
تالي ماكو شي
عادي حايط
ضليت ادوس تخبلت كلت خاف اكو شي
مضموم اريد اكتشف
فتحت الحاسبة اطكطك منا ومنا
ماعرفتلها سديتها
اوراق هواي وكتابة بالأنكليزي
وحدة منهن مكتوب بدايتها " I "
يعني انا؟ والكتابة كلها
مشخبطة خط الدكاترة الماينعرف حروف
مدموجة واكو اشياء اكدر اقراها
اسمي مكتوب بالانكليزي
دخت وعفتة
وسمعت الباب ينفتح راسا رفعت راسي
وشفتة هو من الفشلة كمت ارتب بالاوراق
واباوعلة واضحك
ملاك:-ها كعدت
غيث:-بعدني نايم شجاي تسوين
ملاك:-ارتب
غيث:-عوفيهن الاوارق عوفيهن
ذبيتهن من ايدي نص وكع بالكاع
نزلت اجيبهن من رفعت راسي انضربت
بالميز لزمت فروة شعري
حيل وعضيت شفتي بخجل
غيث:-شبيج بابا گومي شو
كومني وهو يگول:-شبيج؟
ملاك:-مابية بس ردت الم الاوراق
غيث:-ادري ترة شفتج بس ليش دخلتي هنا الغرفة نضيفة
ملاك:-لا مو نضيفة
حط ايدة ؏ خصرة وهو مضيك عيونة
غيث:-شلون مو نضيفة؟
حكيت حاجبي واحاول اطلع جذبة:-شفت دود
يفتر
غيث:-ها هيج
ملاك:-اي والله
هز راسة ودنك يلم الاوراق ضليت
محتارة شسوي باوعت للكتب تمشيت
وجريت كتاب عشوائي
هاي هو عود ميحب يقرة كتب وهلگد عندة
كتب
ضليت اكلب بالصفحات
وهو حضني من ورة هو دائماً يسوي
هاي الحركة بس ليش جسمي يضل يرجف؟
حرك شواربة ؏ رگبتي وهمس:-يعني
ماتدرين بهاي الغرفة ابد؟
ملاك:-ابد والله
عندك هواي كتب مو تگول ما احب اقرة؟
غيث:-ومنو گالج قاريهن ذني
ملاك:-لعد؟
غيث:-هيج عايفهن اشتريتهن ويا هاي المكتبة
ملاك:-زين انتَ ليش هيج ضامها؟
جوة الدرج وذيج الغرفه ليش فارغة؟
غيث:-كلها ليش؟
ضحكت:-اي
غيث:-اساساً ذيج الغرفة ستوني فتحتها
وهاي هي موجوده من قبل يعني الجانوا ساكنين
بهذا البيت عاد اني اثثتها بشي ملائم
وذني الكتب جبت هاي وضلت فارغة عاد اشتريتهن
وما قاري منهن بس ثنين يمكن من اساس
خمسة واربعين كتاب
ملاك:-حيييل
غيث:-اممم
ملاك:-ليش ماتحب تقرة؟
غيث:-مادري والله ماحب الكتب
سكتت وبقيت اكلب بالصفحات
غيث:-فرصة وحدة لو تنطين لنفسج
عكدت حاجبي:-شنو؟
غيث:-هيج
سكتت وعرفت عليمن
رجعت الكتاب بمكانة ودرت وجهي
الة وهو محاوطني
انطي فرصة؟ الي؟
جاي احاول اتقبلة بداخلي شي يرفض
بداخلي صراعات الكون كلة
مُمكن اسوء شي بهالدنيا
هو المُحاولة واحنة نعرف رواحنة
راح نفشل
لفيت ايدي ؏ رگبتة وقربت
گصتي ؏ گصتة ابتسم:-اذا ماتگدرين لاتحاولين
ملاك:-گتلي انطي فرصه لنفسج؟
غمض عيونة بمعنى اي
قربت نفسي وخليت
رجلية فوك رجلي وصرت بمستواه
باسني بشفتي وانگطع النفس عني
واني ادخل اصابعي بين خصلات
شعرة واضغط عليهن احاول
الغي الصورة اللي براسي
احاول اخلي راسي صافي ويفكر بي هوَ وبس
بس الماضي مايتركني
صوت صراخي بأذني:-كممممال ابوووس ايدددك
ارجعللللك والله ارجعللللك لاتأذيني
ضغط شفايفة بشفايفي
بدون شعور ولا احساس نفس الجملة
تتكرر
دفعتة عني وضربتة راشدي قوي
فتحت عيوني
هذا غيث؟ مو كمال؟ جان يبوسني
بهدوء
مو بوحشية؟
ليش حسيتها وحشية وبعدتة
وهسة تندمت
ضل مدنك ومغمض عيونة
رجفت شفايفي وهمست:-اسفة
سكت ماحجة:-غيث
غيث:-طلعي برة
ملاك:-والله مو قصدي اسفة والله
غيث:-عادي اطلعي اخذي هذا الكلاص وياج
اخذتة من ايدة الترجف وركضت لبرة
وسديت الباب وراي
وسمعت صوت تكسير
طلعت للمطبخ خالة ايدي ؏ حلگي
شسويت بي شسويت اكيد تأمل
اني اريدة!
اني ذليتة بية والله ذليتة
شوداني للغرفة ياربي
ضليت باقية بمكاني ساعات احاول
اگوم بس ماگدرت
شوية وطلع جانت الدنيا مغرب
رأساً دنگت وهو راد يطلع من باب المطبخ
التفت علية:-رايدة شي؟
هزيت راسي بـ لا
وحجيت سريع:-ضايج مني
غيث:-لا عادي
حجاها واحسة مختنك وطلع...
