رواية كحل عرب الفصل السادس والثلاثون
( خذلة اخو )
كلنالك تحذر ناوراك الذيب داعيت الضواري وأمنت بيها بمصدك الاوهام امن البحث حفاظ یا حظ ... یا بخت ... او چرخ سرگیها
أعريان السيد خلف)
اثنين تلاوم اعليه .. و رجال ماشي بدربه ... و یا ما دججوه ... و هو صباح : هلا ولكم بوووووووووويه
ساعة السمعوا حس الزلمه، ذبو سرحان من اديكم و شردوا ، ركض الزلمة وراهم لجنهم مسرعين هدهم ورجع السرحان، لكان فاك عيونه .. وايده اعلى جرحه
وصرح الزلمة : انا اخوك ... خايب هاذ ابن الشيخ مطر ، خایین مهلاه هلااااااااه يهالوادم الحكوا اعلينا ابن الشيخ تصااااااااوب
يصرح و يشيل بيه ، وفزع الديرة اعلى حسه ، تراكضوله شالوه اعلى جتافهم وخذوه للمضمد ... دکدکو بیته و طلعوه خاطر يداويه ..
وناس راحو لبيت الشيخ خبروا القصر، فزعت ازلام القصر بسياراتهم للمصمد لكو سرحان فاقد و المضمد يداوي بيه . كال الهم : اخذو المستشفى بسرعة الخنجر داش بجسمة و الزوم فحص
ومعاينة طبية باله خياط .
خذوا سرحان وركضوا بيه للمستشفى ...
زناد تسودن ... ياهو الدج اخوي ...
وكف بنص المضيف وحط البيارغ ورفع الرايات وكال الهم ما تنزل الراية الا وناخذ حك اخونا .
لم عمامه و كال الهم: ما اريدن ابوي يعرف بالخبر من كون صحته ما تحمل ، بس لزوم اندور
الديرة بيت بيت و صريفة صريفة خاطر تعرف يا هو التطاول اعلى ال ضاحي .
رحيم : السموحة يبو ياسر لجن الوكت موش وكت جعدة مضيف، سرحان بالمستشفى وما وياه غیر حمید و خنجر و جم زلمة من أزلامنا، والزوم وكفتكم انت و عمامك ....
زناد : النار يا عمي ... ما اهدن تار اخوی و ما يهنائي بال الا و اكص رأس التعدي اعلى اخوي ....
تريدني اوكف وياه بالمستشفى و جتاله يسرح و يمرروح
صاحو الزلم : لا والله ، حجيك صح ... لزوم تدور الدج سريحان .
خنجر ها حمید
ولك يخنيجر كلي تعمل ، سووها و جتلوه ... خايب حيل ما ظل بيه .
ساعة الكالولي دجو سرحان اجيت أعلى عمى عيني، ما وجدت دربي و اهيس صدري فرغ
اعلى صويحيي ، ياهو الدجه ياهو بس كلي مساعه والله اروحن احزن بلعومه و بلعوم الخلفوه .. وانعلهم شلع هالكواويد.
حميد : كلت اله تحذر يسرحان بويه كاني لا أدبر بال ، و هاي هو مكابل الموت بسبة استهانته .
يا هو التشك بيه داج اصويحبي ؟
سرحان من تسبب بطرد الشيخة واخذ المشيخة و الكتبت الوصية ، انا كلت الولد راح
جا غیر تکلی با هم زناد یو الشيخة ، اخذ اعليها لمة كاولية اخليهن يدشن اعليها ويجرجرتها و يجتلتها واتعل ابيها والله .
- حجي هاذ يخنجر ، خلنا ندعي الله يكومه لينا بالسلامة و ساعتها تعرف شنحجي.
الشيخ مريض و بفراشه و ما يدري عن سرحان شي ، ومن يطلبه .. يكلونه طلع لبغداد و ضموا
اعلیه سالفة دج سرحان .
داوو و خبطوا جرحه و طلعوه بردهة ، لجن 5 ايام و حالته تسوء ما تتحسن ...
هدية : دايخة و اهيس ارويحتي هشة ، منين ما اميل تفتر بيه الدنيا و جن ارد اطيحن ... الشغل ليفوك راسي لا اكدر اعلى الكعدة ... ولا يرضون ارتاح ، من يطر الفجر ليما تغيب الشمس أعلى فرد وكافة بين الكاع وشغل البيت .
کلش کرهت الاكل و يو شميت ريحة الدهن الحر تضيك نفسي، واكومن اذين معدتي كلها ... لجن أهيس روحي تطلع و انا اذب البطني ...
مدري شمالتي
كلت يوم و يومين واطيبن لجن حالتي طالت و صالي اسبوع اعلى هالحال، ايدي ما تاخذ شغل .. وجسمي اهيسنه باید کلش ، اطني وسادة و كلي نامي .
كطعت الاكل فرد مرة ... من كون اكلهم اكثر شي دهن حر و شكر ... تتريك ونتغدا و نتعشى بيهن حتى التحتومة ... تسويها خميعة و كلها دهن حر ...
كامت روحي تشتهي التمن عنبر و اعليه زعفران ... مرة ودخلنا منه ثواب اعلى روح ابوها .... وعلى خط الصحن جدامه و اكل ... و ما عزم وحيد وكال (ياهو البريد ، يو تشتهون (۲) و حطه و اجله وانا ارويحتي لابت اعلى ريحته ...
تمنيت اكله بس محد يسوي و ظليت اتحسر ...
هلوب دش عمي ويطلع من جيبه جرزات و ياكل، و عینی طاحت اعلى لوزايه ملحة بيده ، ما کثریت اسکت و گلت اله : عمي اطني هاي الجبير شو جني اشتهيتها.
حجه : جا انا شنهي الاكله و ما تشتهونه ... ياهي هاي ؟
اي
شالها معه ونطاها ليه و کال: هاج اكليها
خاب كتله : عمي شني .. ما اريدتها
عليش ؟
لا بالعافية اجلها ان جنت رايدها
موش انت طلبتيها
لا ما اريدتها بعد بالعافية .
جا شنهي تكشين مني .
لا ما اکشن بس ما عدت اشتهيها .
جا اكليها
بالله هاذ شكلكه ... خذيتها من ايده كضيتها و هیسيت البلل مال حلكة اعليها ... وانا روحي لايت كمت من مجاني اركض و اذين البطني كله ..
و هو ينعل با اهلي و يكلهم : بت حويكم الخايس تكش مني خايبة انت و اهلج تروحون قدوة التعالي ... خله خله ابوج صاير خادم لال ضاحي والتواقيص ذول النغولة .
حجه وياه ابنه : صكد يكولون داجين سرحان خنجر ابطه و ظهره
ناصر : يطبه هرش عسنه بالموت ياهو مالتنا .. هدية : اصطكيت بمجاني .. وانا توني مزوعه ... اختنك ابلعومي السؤال ... ارد انشدنهم يا سرحان .... هواي يو وحید ما اعرفته ... معكول
.. سرحان دجوه .
كمت منهم من مجاني بساع ... ويا ما کمت ماعت ارويحتي ، و انسحنت روحي ..
همن اعليه نسوان حماي يشيان بيه و يذين الماي اعلى وجهي ... صحبت اعلی روحی و هن ملتمات فوك راسي : جا شمالج طحتي دكومي .
اعاين بيهن ارد افرزن دماغی
تعدت اعلى حيلي ، و دنجیت خاطر اركد ... طرى اعلى بالي سرحان ... نشفیت و همیت اعلی حجرتي ... دفنت روحي بنص الفراش وطكيت بجي و معدتي غدة لهاب من القهر .. كمت اهوع
لجن مامش ابطنی اکل و اذین و ارتاح ... انتهيت
والنهائي خبر سرحان ... جن روحي مزوهرة ... اريد اعرف علومه شنهي ، صكد منجوج يو
يجذبون أعليه.
دش فلاح الظهرية .. أنا أبجي بس من هيسيته دش الحجرة، صميت روحي و حسيت دموعي
وكمت ليه : ها الله يساعدك
- هلا .. شمالهن عيونج غاديات حمر ؟
ما بیاش شي ، بس تعرف صالي اسبوع موش طوسة و دوخت الراس ما جاي تفح على .
بس هاي .
اي، اكلك .. انا من يوم العرسيت ولليوم ما داشه بيت اهلی و اشتاکیت لامي ... خلني اروحن
ليهم اشوفتهم .
- مامش روحة اجعدي .
سويعتين ما اطول .
کلت مامش ..
انا تعبيت اهلك يردون شغل ليل و نهار وانا حيل ما ظل بيه .
اي و شتريدين يشيخة اجيبلج خدامة تخدمج ، يو تريدين انا اخد منج ؟
ما اريدن تخدمني ولا اريدن احد يخدمني رايدة بس انا من ... وامك تريدنا نمش قد شويه للكاع نحوش بالكاع .
اي حكها جا شني كاعدة
جا انت موش راح تنام
انا زلمة تعبان و اريد انا من عدى طلعة العصر للمضيف .
جا مكضيها طلعات و اذا المكضيتها شغل مريضة تكلي شعدج تنامين ، وعلي تعبت حس بيه. احسبني حيوان و اعطف اعليه ما يصير هيچ وعلي روحي طكت ...
لف راسه و نام ... درت و انا ایجی
جا هسه متین اعرف اخبار سرحان ... يا هو اليجيبلي علومه ، يربي وعلي راح امكن من القهر .
اعلى بجيتي ... و اندكت الباب كمت كالو : ياله امشينا العمة تصيح .
توزرت بعباتي و طلعت وياهن لجن حيل ما بيه اوجد كضيت وحيد و در بيته لهلي خاطر
يصيحلي جمارة من بيت اهلي ... تجيني اوصيها ..
راح این حماي و اذا كضيت وكني ابجي ... اجت مرت حماي : اكلج جا فلاح ليهسه نایم، اخوته
پردون يروحون كعدي يااا، شمالج موس احجي وياج ..
ما أدري عن سرحان انا راسي يوجعني و حيل مابيه كالي انا من شواي واكعد .
-با سرحان ؟
ياهو الجاب طاري سرحان انا جاي كتلج فلاح
لا كتيلي سرحان
متوهمة
هزت راسها وردت للبيت دكت الباب اعلى فلاح كعدته وكالتله : دياله خوية كوم ... الزلم مناظره شنهي سالفتك انت ومرتك انت متوت نوم و مرتك اعبونها وارمة وتبجي و تكلي ما ادري عن
سرحان.
فلاح : سرحان شنهی ؟
جا غير هي تكلي سرحان عودينه فلاح ... ظاله تغلط بالاسماء و اطلعني وهمائة .
حجتها هو كض شطفته و طلع من بي اهله وراح الكاع ، كضها من راسها و جابها الدرب كله يدك
اعلى راسها و هي تصبح : شمالك ، هدني وعلي راسي يوجعني دهدني ....
دخل نوصل غاد وانا اعلمج وجع الراس شلونه بالعاشكة ....
دخلتي البيت و تولاني رفسات و يصبح : الكح... تبجين أعلى سرحان موووووو ، من اكلج شمالج تكليلي راسج وطلع ابجاج كله اعلى كواج
جاي يجتل بيه واهله يكلونه حيل دكها بعد خاطر اتوب ها المصاحبة العالية ... دشت جمارة
وشافت هدوة تنكتل و هاي تسودنت
كضتلها حديدة طويله مال باب و جیبیها اعلى راسه و تكله : منعول الوالدييييييييين الك
جابته اعلى هامته وهو يضرب بهدوة، ركضت اعليها ام فليح .. رادت اطكها .. كضت الحديدة و تكللها : ولجن بنات حاكم الكح... ولج بكد فردة النعال و اطكين ابنيييي
الدم كام يجري من راسه .. وهو كض جمارة .. هدوة وشافت كضو اخيتها كامت حطت روح
جمارة طكتها ركضة لبيت اهلها ... هدوة طاحت بيها .. ما تهيس الطك منين يجيها
جمارة : يممممممممممه بمممممة بمممممه
هاااا ولج
- يمه الحكي طكو هديوة وطكوني بمممممه
يااااع ، يا هو الطك اهديوة ؟
يمه فليح ابو اللثك يممممممم كومي كومي ....
کو اغد كامت من مكانها بهمة ، ولاله شدة احرامها وكالتلها : عمة وياج اهدن .
صاحت كواعد : جميرة يمه ركضي فزعي اخيج ستار من الكهوة و كليلة اخيتنا الطكت افزع لينا
جمارة : خوووووش يمه
وطكتها ركضه
كواغد : ياله امشينا يلويله
لانه : خايبين اهل يسرى العوجان جايينكم .
جا بعدنا ما واصلين
جاي ادرب روحي عمة
- عفية ايت اخيي ، ياله عمة شدي الهمة
ومشن بحيل صدر اعلى كاع ال تجيل، دفعت الباب و صحت : خايبين ويتم الغمااااان وينهم ....
ها يالكواوييييييييي " " هاااا .. اعوينة ابيكم ... الكوووووون أهديوة
طلعت الها مرت ناصر با همه الكوااااااوي *** ولج انعل ابيك لابو تجيل لابو اصلكم لابو
البزركم لابو اليوم الشفت بيه هالوجوه الزفرة، اطلعولي بتي لا والزهرة اسويلكم عرس هنا و
المن السلف كله اعليكم طلعوها باله .
کامت مرت ناصر تصیح و تحاول اطلعها ... و لاله فلتت من عمتها كضتها مرت حما هدية و
كالتلها : جا البيت موش فالتو و داشه .
جا بتنا الفالتو واطكونا ، دولي لا انعل ابيج .
دفعتها منها وصاحت : خايبة هديووووة وينج
كربت ام فلاح و هي تغلط و تتجاوز و تدفع بكواغد خاطر تطلع و تكلها : مامش بت الج ياله منا
کواغد : تدفع بيه وتكلي مامش لج بت .. عاينيت بكتاري ولتي اربي طشت حدید ها کداتها و
اتناوشه و امکنه بيها ، ورفستها برجلي الثمن على جزهن زنابير ....
هاي الاجتها رفسه وهاي الجريتها من راسها داوريت بيها و طريتها ...
دشت لاله اعلى اعلى هديوة ولن تلکه البت مسحونه روحها وذابيتها بالحجرة مزوركة ... شالتها
لاله .. وصاح ستار : هااا يمه يا هو الطك اخيتي
صاحت لاله : خايب ستير تلاحك لخيتك مزوركينها اهل يسرى العوووووووجة
صرخت گواغد : بني يمه ، ولج هديوة يمه اكعدي ، خايبة اهديووووة
ستار شالها اعلى اجتافه وركض بيها و كواغد الهدت بيهم غلط و فشار اعليهم واعلى الى تجيل
بخويطهم .....
و داها للمضمد كعدها و تطاها حبوب وجع راس و عالج جروحها و ردها للبيت .. عاف هدية بالبيت وراح البيته المكعد بيه يسرى، كضها زورکها و اكتلها ازود من جتلت هدية و اخذ بناتك
منها و جرها لاهلها وذيها .
شافه ناصر جاتل يسرى و هو تسودن ... ضاربه راشدي ... ستار كاله : يجيك ابوي و حسابكم وياه بتكم عدكم واخيتي ابيتنا و انعل اليوم الاكثر الشفناكم بيه .
راد بهم عليه ابن عمه الجبير، هادهم وراجع ....
رد البيت، كواغد حاطة هدية بحضنها ، وهدوة تبجي ، كابلها : عليش جتلوج
كتله راسي يوجعني صالي اسبوع خلني بس اناملي ساعة واطلع للكاع لا فليح رضى ولا امه و غصب الا اروحن ... كمت احوشن و ايجي و هو تسودن يكلي تبجين اعلى سرحان تولائي جتل
ما هيسيت روحي الا طايحة ولاله فوك راسي
لاله : اطلكي و خلي ستير يطلك يسرى العوجة .. وتخلص من شوفهم .
ستار وانا هم راح تطلكها و انعل ابيها .
جسومة : لا تستعجل حبوبه ثاني ابوك ياله تصرف .
کواغد : شماله راسج يوجعج
ما اعرف صالي اسبوع اعلى هالحالة الوجع ما فاكني.
خافنج حبلى ولج ؟
لا يمه لا تكولينها اعليج العباس، اطکن و اموتن غير .
ستار : انا اروحن .. يمه انت ولاله عينجن أعلى البنيات خصهای نجيوة بعدها زغيرة
بو عايفها عد امها يا يمه ، هس انا منين اجيين وحيد يرضعها .
يو تموت الفرخة ما اردن يسرى ، خلها عد اهلها .
لاله : مرت اخوي عدها بت وترضع ... نمش و نخلي البت عدها و ترضعها ... شنهي تدلنا بسدرها.
ختولي:
کواغد. ضكرتيني بمرت اخيج جا هاهيه ختولي يسرى .
رادیون : شلونك يخنجر
هلا يبعد امي وابوي ، شلونج بويه ؟
كواكه ، لجن شايلة بكلبي اعليك
انا موش ناسي ولا انا الهادج .. وحك عيونج كل يله طرواج يسامرني .. لجن انا مطي وعد
لا حيج ما او اعدنج .. عين اذا رايدج بالحلال ..
بس انا ولهت اعلى شوفتك ... ايامي اكضيها بخيالي ارسمتك ... صار ثلث سنين ، ليمنتها نظل
هيچ يخنجر، العمر يمشي وكلما مشى امي و اهلي زادو بملحتهم اعليه ....
جاي ايني بالحجرة و ها يطلع بيدي اذينه بنيان ، متاني اخلص و انصب اخشاب تلبك ابت
الشيخ خاطر الخطبنج من الخيج يتوسطلي يم ابوج .
يو بس فراش انا ما اريدن اكثر ... بس كل تنجمع يخنجر .
جا انا اتمنى اخذنج باجر بس هذا شرط اخوج .. جا شبيدي بعد .
سرحان شلونه بالمستشفى الشيخ لساه ما يدري بحالته .
جاي يدارونه الدكاترة وبحيل الله يكوم و نیز عيون عدوينه .
- تعرف ياهم الطكوه .
- يو حجيت از علنج وانا ما احمل زعلج.
احجي ؟
مامش غير خالج و امج بو زناد
خالي تبين ردي لجن ليش تتهمون امي ، بكل كصه و حطيتوها ؟
شفتي ؟ كتلج انا ما رايد از علنج
انا ما زعلت انا جاي الشد
كل السمعتيه عن امج صحيح ، الصدكنية و الصعب تصدیکه ... هاي الحقيقة ....
الله وحده يعلم الحك وين ..
والنعم بالله .
كالو كفت تصلي
موش صلاة تامة لحن نطكطك ، يوم اصليها ومرات انساها .
بس كونك صليت هاي كافيه .
بودي اغاز لنج غزل ما يخطر على البال لجن جلمتي و يا اخيج ما نعتني و يو ما طالبتني انت و
اخافن تزعلين جا ما اجيت .
يا وعد وانا مشتعل كلبي وله ... سهت عنهم و طلعت للبستان و اجيتك
ويو نشدوج ؟
يو نشدتني امي اكللها جنت بالقصر و يو نشدوني أهل القصر اكولن جنت يم امي .
ضحك و كم طريجة وياها ... شوي وهدها ورد للمستشفى ....
الثاني يوم ... هدية ما صاحية طريح وسادة ما تكدر تشيل ايدها .. مشتها امها كوة و اخذتها
بعربانة الجدة ... فحصتها .. كالت الها : حامل البت هدية : ساعة الكالتلي حامل ضاكت الدنيا بعيني .. يعني راح اخلف من فليح يعني راح انزك بيه طول عمري و اكضي حياتي وياه بالاه و
الونة .
رديت للبيت ما حاجيت احد كثر ما تضايكت حتى امي ما كالتلي بالمبارك اعلى كثر ما شافتني منقهرة .
سبع ايام و طلع سرحان من المستشفى ... ردوه للقصر و كلهم محاوطينه و زناد اعلی را سه یکنه حكك ما يضيع واجيبته الك من حلك الذيب.
سرحان : صار سبع ايام اعلى طيحتي يزناد و ما طلعت جنالی .
ما هاد تارك يخوي ... تارك تاري و ما اهدنا .. انت استراح و خلني ادورته .. وين يروح لو حدر
الكاء هم اطلعته .
الشيخ : شني هاذ الحس العالي ؟
جابو سرحان بشيخ
جا سرحان وین جان ؟
- بالمستشفى
- شنهييييي ، من يمتى وليدي بالمستشفى ؟
حجاها و کام اعلی حبله ... و نشته ترجف من المرض ، عاونته الخدامة ... ما رضی تسنده ... تجی
ایده اعلى العوجية وطلع .
وصل حجرة سرحان و الكل واكف انهد بيهم رزايل : شفتونی طحت و استغفلتوني ، الخيكم
يطيح ومحد يكلي ، شنهي جاهل عدكم انا
تلگاه زناد و هو يحب راسه ... و سرحان سند جرحه و تعدله کضاه و کاله : يا هو التجرأ و دجاك ... يا هو اليتعدى اعلى ولدي .
زناد : اظنن الكاولية يا بويه من كونهم يحومون أعلينا من يوم شردت كريم ، شرد النذل و هد بلواه اعلی روستا .. و ها لطاح بيها سرحان .
الشيخ : اظنن يردي ، اخيك ايام و هو طايح و تكلي اظنن ... المثلك هسه تابش الديرة و مطلع جتالة اخوك و تكلى اظنن
بويه بس اعصابك أهم شي عدنا صحتك .. انا ما قصريت الديرة كلها حققیت و پاها . مامش و
الزلمة الشافهم يطكونه ما شايف وجوهم .
سرحان : الطكني بويه ما راح ينلكي ، انطر قد ١٦ سنة يالة تعرف يا هو الطكني
زناد : شكصدك يسرحان .
سلامتك خوية ابو ياسر ياريت تهدونی ... تعبان و مالي خلك احجي احد
فرغة والحجرة و الشيخ كاعد أعلى سكملي جدا سرحان و متجي ايده اعلى العوجيه : ياهو
جنالك يسرحان .
ما رايد اظلم بحث وحيد من كونهم كثرو عدويني بويه ... لجن انا ما رايد او هدن الوادم بحكي ... الله ما عايفتي و لا عايف حكي اسلمهم بيده ... و اخذ حذري منا و جاي .
شلون جعلوك ؟
طلعيت الفجر مثل كل يوم و هيسيت اثنين وراي ويا ما انداریت دفعوني و توليوني دج .
ما بطليت درب الشيط يسرحان بويه .
يو حيل بيه كمت هسه اروحن ، اذا ما اكعد اعلى الشط و اختلي بروحي غاد اختنك و ما اكو من اطبك ايامي ..
- والتالي يسرحان
الله الوالي ... شنهي شصاير بالبلد ... جانا رئيس جديد
اي احمد حسن البكر استقال واستلم السلطة صدام حسين .
الراح ريس و الاجا ريس ... احنا ما مستفادين شي .. خيرهم الزعيم و جتلوه بديهم .
شتترجى بعد من جلالته .
- صدام زلمة شديد و ينخاف منه .. خص صعوده للحكم اجا عكب انقلاب الحكم بأيران ... من حكم ملكي لحكم جمهوري بولاية فقيه ... هالسالفة ما تبشر بخير
واحنا شلنا خص بنوره ایران ؟
وادمنا اعلى نياتهم بويه و الثورة دينية و اهلنا اهل حمية بس انخاهم يفزعون ... والدين و المذهب يذبون ارواحهم .....
الله كريم ... هو العراق يا بويه ما يصفى من مصيبة لمصيبه ... نشوف وين توصل والله الحافظ
ارتاح انت وانا امش لحجرتي ، الكعدة تتعيني .
مشت ایام و سرحان بده ينحسن ...
و هدية يسوء حالها ... كامت بالليل يصعب عليها النوم الكوابيس ما يفاركتها و عودها يدبل كلما جاله .
حاكم تعارك و يا اخوته و ما رضه بته ترد بعد من كون طاكينها ... وأموتينها جوع و كايل الهم )
بتكم عدكم و بتنا عدنا )
كواغد من عرفت بهديوة تنسى و مشتهية تمن زعفران كامت كل يوم تركب الها التمن و تحط کیالها و توکل ابتها ... هلبت ترد عافيتها وهدية بالنازل صارت تخوف اعلى كثر ما الحباله
والمرض داكها .....
صارت خيط من الضعف و جوا العيون سوود ... وكل يومها نايمة يو كاعدة ما تكوى اعلى الكومة لجن سرحان ما غاب من بالها ... نتمنى تكدر تنگوی و تكوم وتعرف اخبارة و ما تكدر تنشد
كضت حمارة وكالت الها تروحين البيت الشيخ تنشدين الحارس اعلى حال سرحان و تردین .
جلجول ما جدیت خبر كضت اتعالها و طكتها ركضه للقصر مالت الشيخ .. كانت للحارس امي
ودتني اعلى راديون .
دخلها ... حجت و با بت زناد : حجرة عمي سرحان وينها ؟
- ليبيج
اوكفي هذا اروحن اشوفته و اردن ماشي
اي
تسر سحت ... و فکت باب حجرة سرحان ما لكنه ... جا هاذ وينه
كفتها بشري : باهي انت بت کواغد ؟
اي امي درتني تريد تمن
تمنيش التريده امج ؟
ما ادري نسيت ، اروحن انشدنها و اردن .
طلعت و سألت الحارس : عمي سرحان وينه
- بالمضيف .. عليش
شعليك
عافته و مشت للمضيف لكت خنجر واكف اعلى باب المضيف كريت منه و اشرتله دنك ليها :
سرحان زین
انت اهديوة بت حاكم مو ؟
- شعليك انت ، جاوب
ضحك ، و صاح : سرحااان كوووم رايدينك .
سرحان كوة كاعد ... کال : ما بيه أعلى الكومة ... جرحي بادينيدخل راسه : طارش من السمرة
جانا .. وين اليدلي هوانا ....
فهمه سرحان بساع فزاعله حيله : شنهي ؟
امش عاد اخت هدوة جاية تنشد اعليك
وينها
مشى لكاها واكفة ورا المضيف ضحك للها : هلا بهالطارش
هدوة ودتني الشد عنك الحارس ، بس انا كلت انشدتك احسن . شلونك
ضحك : انا كواك .. هي شلون علومها ؟
- مريضة كلش
- عليش ؟
فليح ابو اللتك جاتلها ورحنا جبناها ... مزوركها تزورك
يعني ردت لبيت ابوج ؟
اي و تبجي
- عليش تبجي
- عينها حبلى و هي ما تريد تخلف من فليح ابو اللتك .
وكف أعلى حيله ، اخذ نفس قوي وذب حسرة قهر : وهسه شنهي حالها ؟
اشتهت تمن ... وامي طبخت الها لجن تريد بعد لوز امي دورت مامش حتى انا افتريت السلف
مامش لوز .. و هي تريد لوز .
انا اوصيها اعلى لوز، بس يو جبته تكدرين تاخذينه الها بس ما تكليلها سرحان الجابه
- اي اكللها انا جبته واجذب اعليها .. جا اكثر
ابتسم : عفيه بالسباعية .. ياله امشي وانا او كفلج بأجر من تردين للمدرسة و اخذي اللوز.
جا خوش ... بای بای
ضحك : باي باي بويه باي باي .
مشت جمارة كالت الهديوة : يجذبون عليج انا شفته و حجيت وياه كلشي ما بيه
- يااا حجيتي وياه
جا شنی اتاین علیه
كون كتيله هدوة ودتني انشد عنك
لاااااااا ما كتله .. رحت انشدته عن بت زناد .
اي خوش علية ، بس متاكدة ما بيه شي
جا شنی اجذب اعليح وعلي يمشي جنه حصان
انجبي طايحة الحظ لا تغلطين اعليه
جا ما اجيبلج لوز باجر ظلي
وياهو عاتب عليج تجيبيلي ، باله كومي .
خوووش
کامت جلجول ... والثاني يوم مشت لسرحان ... جايب الها كونية زغيرة مالت لوز : خاب شکل
الهلي هاذ منين جبته
راح اخلي خنجر يحطه اعلى الباب مالكم ... و انت صیحی امج و كلیلها يمه هاي كونية و خلها تجرها
ها خوش .
مال الكونية خنجر وحطها اعلى باب بيت حاکم و مشى ... ركضت جمارة : بمهمه يمه يمه يمه
- وغمه
هاي كونية اعلى بابنا مدري ياهو الذابها
- كونيتيش ولج ؟
جا غیر تروحين و تشوفينها شني اشملها ؟
ركضت كواغد جرت الكونية .. ودخلتها البيت تفتحها ولنها كونية مالت لوز ... صرخت کواغد :
باع شني هاي
جمارة : ااااااااالله لوووووز، حب هديوووووووة ، ولج زمينه الحولة تعاااااي ... تعالو شوفو ...
لوز لوز
كواعد : انجبي حرام نمد ادينا اعليه يمكنه مالت ناس ومضيعينه
لا يمه وعلى الله
ولج لا تحلفين ، وهدي من ايدج .. خلنا نرده
لا يمممممه شني هو كال الكم
- يا هو الكال ؟
مامش احد بس هو النا
كضتها من اذنها : تحجين يو اوجر العطاب و اطفي اعلى الدنج جميرة
يمه هديوة ودتني انشد عن سرحان و انا رحت نشدته و هو نشدني عنها و كتله فليح طاكها و
زعلانه عدنا و حيلي ومشتهية لوز وودالها كونية ، وعلى يمه ما اجذب
كضتلها النعال و تولتها : وازت صايرة مرسال ولج ، ما تكولين اخبتي معرسة وبراسها زلمه
شلوووون تروحين تنشديلها .
ولج هديوووة ، هديوووة
هدية سوت روحها مالومة حتى امها ما اطكها ... بس وكفت ترزل بيها ... جمارة راحت جابت
صينية وجرت الكونية و ذبت اللوز بيه
والنمو كلهم ياكلون .. وهدوة كامت اعلى حيلها : شني جا غير ماتي
شالت کواغد النعال و نیشتته اعليها، وصاحت : ام المصايب ... كبل اشواي سويتي روحج مواته
ويا من يعينج .. مساع الطالبين بلوز ولج .
وادهدت و سوتلها مجال کعدن و تبلنها لوز تبل و ظل ١٣ ارباع الكونية بعد ... ضمتها كواعد الهديوة
كلما اشتهت .. حطتلها بكاسة .....
وراحت السرحان كالتله : شكتر فلوس الكونية .
سرحان : جاية تنشدين عني وعن احوالي ، يو عن الكونية
جايمه انا دوم انشد عنك و على لجن ...
ادري ... انا ما احب اعتب ... لجن اليحب يعتب ... و انا اودنكم يا ام ستار .
ما تنفع بعد يوليدي .. الله يجبر بخواطر الوادم وينسينا الصار .
ام ستار انا رايدج بالقصر
- موش خيلي الاولي
وان جان ... انا ما رايد منح شغل لجن رايد منح تفتحين عيونج بالقصر و انت تعرفين اموره .
من كون ام ادريس ويا الخاتون غاد .. و سليمة شردت
الا صكد بابكة القصر
لمساع ما لكيناها لجن فلم هاذ من أفلام الشيخة مامش غيرها .. هسه شكلتي ..
برد حاکم و انشدته واخبرتك .
ردت و نشدت حاكم ... كال الها : لا انت مو بحاجة شغل و عدج كاع ...
حاولت ویاه و ما رضى ترد القصر .
من بعد فترة اجت المرة اللاكاها بالامام اسمها ام سالم ... وصلت المضيف و تنشد عن واحد
اسمه سرحان
كالو الها وصلتي ... دلوها اعلى سرحان رحب بيها ووصى خنجر يا مثلها حجرة بالبستان .. و شغل ابنها بالكاع فلاح وتكفل علاج ابنها الثاني ... و هي طلب منها تشتغل بالقصر ....
فترة شهرين .. وواحد من أزلام المضيف نطابته السالم ابن الحجية .. و صار سالم فلاحبالمضيف وواحد من زلام سرحان .. مرت فترة 7 شهور ....
الشيخ طلب منه يتعايش و يا مرته .. ويمشي الامور بينهم و بالفعل استسلم للواقع و تقبلها كزوجة شرعية والبكلية بكليه .
حبلت مرة ثانية و عليها 4 شهور ....
و هدوه هاي شهرها ... ولليوم ما رادة لرجلها ....
احت ناس مشاية الرجعتها مو حبا بيها ، پس پسری دكت اعلى الرجعه ... بس هدية مريضة اليومها فحاكم ما رايد يضغط عليها .. تاكل اكلتهم و تشرب شربتها عليش رادة لرجلها و طلايب اهله
صح ما غاصبينها اعلى رده و عايفينها براحتها بس جلمة طلاك ممنوعة عدهم .. المرة التطلك عدهم هاي مو زينة ومحد يكريها بعد و عار اعلى اهلها ... فما حاطين جلمة الطلاك اعلى بالهم
ساكتين أعلى السالفة.
كاطع سمعو بيه طالع للكويت و هاد العراق ....
و الشيخة ساكنة ابيتها ومحد من القصر كاربها
و الخاتون مريضة ابغداد .. واخوتها وولد اخوتها محاوطينها .
ايمان على كعدتها و يا عمتها واخوتها رايحين راجعين على الخاتون تحسنت علاقتهم بأيمان .... خصوصا حاكم زلمة صاحب ملكه و ما بکش بوجهم لو اجو ... حسبو نسيبهم ورضوا بزواجتهم .
سرحان متحاذر بعد دجة اعداد ليه .
و خنجر فاتحة بخطبة راديون ... كاله احجيلك ويا الشيخ ... حجه ويا الشيخ ... الشيخ اول مرة عارض ... پس سرحان اسبوع و هو يحجي براسه خاطر يرضى ....
لما رضى الشيخ واقتنع بعد ما شاف راديون ساكته وسكوتها علامة رضا ... ما راد يعطل قسمته
الشيخة عارضت زواجها وكالت : يتي ما تأخذ خنجر .
وزناد هم رفض ....
سرحان ما اهتم ... کال ما دام الشيخ رضا اعتبرها صارت الك ... انصب الاخشاب و تعال کیع و اخذ .
بها لا تناء .. اجت دعوة من مجلس شيوخ ووجهاء عشائر الفرات الاوسط ... عقد اجتماع للشيوخ
بخصوص وضع البلد ...
الشيخة الله الرخصة السرحان يمشي ينوب عنه بمجلس الشيوخ ... زناد حيل تضايكك ... حتى اخوة الشيخ حجوا ويا الشيخ .. ان سرحان بابة حضر عاش ابغداد و ما تربى اعلى طبايعنا .. ولا كربه ويا الدين ولا عرف و با اصول العشاير، شنهي خليته يروح .
وظلو يلومون الشيخ ... الشيخ متعصب و كايم يصيح وانتم شنهو تناقشون قراراتي و انا اعرف يا هو الينوب عني و سرحان ابني الجبير و هو اليمثلني ....
متعارك وياهم و طالعين زعلانين من القصر ...
بهالوقت سرحان ما جان موجود ... تعنى للنجف وحضر مجلس الشيوخ عاد .
جان المجلس يناقش حركة الشارع وتعاطفه مع تثورة خميني ... صدام متخوف تعاطف جنوب ووسط العراق مع ثورة ايران .. فجاي يناقشون موقف العشاير من هاي الاوضاع ...
واتفقوا أن رأيهم يبقى من رأي آية الله ابو القاسم الخوني ( المرجع الاعظم ان ذاك ) رد سرحان من مجلس الشيووخ و كعد و يا ابوه ، لكاه تعبانة حالته كلش و هو عصبي و يدم با خوته و شلون يناقشون قراراته ..
ظل يهدي بيه و يحجيله على على قرارات الشيوخ
- شنهي قراراتهم ؟
الجنوب و الوسط رهن اشارة مرجعية النجف .. وصدام متخوف من تمادي الشارع و تعاطيه مع الثورة الاسلامية في ايران نزل عند مرجعية ابو القاسم الخوني و طلب من عندة فتوى يسقط بيها شرعية ثورة خميني ويحرم مساندة الثورة بس المرجع رفض يصدر فتوى ضد روحالله الخميني بس بنفس الوقت ما سائد الثورة ... فالشيوخ ارتات أن يكون حفظ دم اولاد
عشيرتنا أوجب .. ويكون موقفنا محايد لا مع الثورة ولا ضدها .
صدام ما راح يتفرج ولا راح يضل ساكت.
تعاطف الشارع مع الثورة متزايد وبس الله الستار.
لا تستبعد يشن حرب حتى يوقف تمادي الشارع مع ثورة خميني .
مستحيل الحرب بهالوكت ممكن يقمع .. بس حرب
- اسمع بويه صدام ما راح يتردد يقمع العراق كله يو تطلب الامر .. ومو بعيدة يشن حرب على ایران بحجة من الحجج .. انت شيخ عشيرة و موش شيخ دين بالك ثم بالك توكف ضد صدام .. وكنها تكتب اعليك و اعلى اهلك وعشيرتك الموت .. وبالك توكف وياه ... وابعد عن الحزب الاسلامي صدام ملاحكهم وراح يحطهم حجة لقمع كل واحد يكرب منهم .
بويه هي مال حزب ... تعرفني انا لا موهدن روحي بسوالف دين ولا هم يحزنون .. ومال غرض بكل هالامور .. واجبي عشيرتي وحفظها ... لا الى غرض بصدام ولا بخميني ولا يحزب الدعوة .
كمت من ابوي و انا بالي مشغول ... و متخوف حيل يو صدام سواها و اعلن حرب ... کمت اجيبنها منا اروحن منا ... و افكر
طلعت للمضيف خاطر احجي ويا عمامي اعلى زعلتهم ويا ابوي ولنهم ... يكيون بوجهي جني وحيد من عدوينهم موش این اخيهم و صافین و یا زناد ....
درت عنهم .. و زعلتهم البيه مكفيني اروحن ادور رضاهم .
ثاني يوم الشيخ طاح و توهدن .... ركضنا بيه للمستشفى ... تعودنا بها الشهور يطيح و تركض بيه يحطوله مغذي و ينطونا دوه تستقر حالته وبرد .
اخذناه و تلاكفوه الدكاترة من أدينا ...
دخلوه .. وانا و زناد واكفين واحد يترادم بالاخر ... وجه الشيخ ما يطمن ... طيحته های تخوف .... امش وانا ادعيله
طلع الدكتور تراكضنا ليه : ها دكتور .. بشر ؟
البقاء في حياتكم المريض انتقال الى رحمة اللهصرخ سرحان و زناد و کامو پیجون بصوت عالى ، و الدنيا الكلبت اعلى المستشفى .. و بسرعة البرق وصل الخبر للسلف ( الشيخ مات ) انكلب السلف كلاب ... الدنيا كلها التمت.
کواغد اجت وهدية وبطنها هاكداتها فرعت و بيت شمخي بخويطهم زلم و نسوان ... و الدنيا كلها التمت بالقصر
بنات الشيخ من مرته الاولى اجن.. والشيخة ملوك شكت زيجها اعلى الشيخ و تلطم دم اعلى الشيخ
جابوا التابوت البيت والناس طاحت اعلى تابوته كلها تصرخ و تبجي ... بنات ملحن الشعر و شكن
تیابهن ...
سرحان حاط شماغه اعلى وجهه ويبجي .
وهدية أول شوفها اله بعد شهور من عرسها واكفة بالزاوية تعاينه و تبجي ...
شال راسه لمحها
. و ذلك منها وطلب من النسوان يبتعدن خاطر يشيلون التابوت من القصر .
رادو يشلونه تحزمت كواعد وسالت اديها و صاحت هااااا يشيال النعش هااااا ...
شااااااايل وين يل منك يهابون
وسایل وين يل منك يهابون
ايدج وياي ايدج وشايل وين
حزينة الدار واولادك يوتون .. و شايل وين .....
ويشيال النعش ريض شواي .. وشايل وي .......
خل تعاتب المهيوب بهداي ... و شایل وین .....
شايل هيبيتي ويا سدرة حماي .. وشايل وين .
و يا دار خلافك حزنانه
یا دار خلافك حزنانة
تنشد و النسوان اعلى لطمتها و الزلم انطوهن ظهورهم ... ليما كملن موادع ويا التابوت شالو
النعش و الصريخ طلع من كل صوب ... زلم و نسوان بحث اعليه .
وناس ما تنعرف منين اجت ... شوارع قبطت بتشييعه و كلها تبجي ...
شالو والنسوان ردن القصر ... واولاده و اهل عشيرته طلعو بيه لوادي السلام ... دفتوه يصف ابوه
ضاحي و جده جنوب .. بمكبرتهم .
والفاتحة انصبت بنص السلف ... والناس من المحافظات تجي ... شيوخ و عشاير و كل عشيرة تجي بعراضة وهوسات ورباطات ... تذكر فضايلهم و تهوس بمدحهم و يدخلون الفاتحة .
ردوا من النجف بالليل ...
وكفوا بالمضيف ... لنص الليل و الفاتحة ما تفك ...
الثاني يوم ... اجت عراضه طلع سرحان و زناد و عمامهم استقبلو العراضة .. ( أشهد بالجدكم
ابيض تاریخه )
و يهوسون لولد الشيخ ...
وكف عم سرحان پردهم بهوسه ... بالعراضه و صاح
كفو بين المضيف العامرة دلاله ..... اييييه
يفزع لو يجيه دخيل جتاله ....... اييييه
بين الدله والمكوار والفاله ..... اييييه
بالتنشد وين لوانه
ها بالتنشد وين الوانا
زامط وصبح الشيخ زناد
وهوست الزلم كلها و صاحت ( زامط و صبح الشيخ زناد ) وتقدم زناد و رافعلهم ايده و سلم اله
عمه عكال ابو الشيخ
سرحان واكف متصنم من موقفهم هاذ
رحيم : شجاي يصير ؟
حمید : شنهي هاي ؟
خنجر جر اسلاحه وتقدم .... كضه سرحان
والناس تصيح ( بالتنشد وين الوانا زامط و صبح الشيخ زناد ) .....
