رواية لأني عاقر الفصل الثامن والثلاثون بقلم مريم خفاجة
عن يا جرح روحي ما حجتلك
عمت عيني على عيني شكد بجتلك
عفت زاد امي وتشهيت سمك
الله مخلي راحة بالي يمك
مشيت واني كل ساعة دايرة
وجهي ؏ مرة
همسلي غيث:-بابا شبيج شعليج بيها
تحجي عشرة بالشهر
هاي
ملاك:-خوفتني
شال ايدي وباسها قوي
غيث:-لا تهتمين مدام اني يمج
ملاك:-لا تعوفني
غيث:-وداعة عيونج ماعوفج لاتصدكين گتلج
ختولي اني الهوى ماشمة بدونج تردين اعوفج؟
ضليت لازمة ايدة طول الطريق
لحد ما وصلنة للبيت ماقبل ياخذني
للمستشفى فعلاً جنت ميتة تعب
لبست شي خفيف ونمت
وهو اجة من وراي وحضني وخلة راسة ب
رگبتي ونمنة
لحد العصر يلا گعدت ؏ التلفون
يدك فتحتة لگيتة جاسر
ملاك:-ها جاسر
جاسر:-طلعت امي من المستشفى
ملاك:-ها ليش
جاسر:-ذولة الجلاب مارضو بعد يخلوها
ملاك:-غير منطين فلوس احنة
جاسر:-جلاب ولد جلاب
المهم هسة تجين؟ بس انتي حافظة ادوية
أمي
ملاك:-اي هو هسة اجي جنت بالزيارة
جاسر:-قبل الله يلا منتضرج
غلقت التلفون وباوعت لغيث نايم
ابتسمت لشكلة ومسدت ؏ شواربة
واني اتذكر كلام المرة وگلبي
يدك
بست خدة وهو جرني الة:-گوم يلا نرجع
غيث:-مشتاقلج
ابتسمت وانطيتة روحي مو بس جسمي
لمساتة الحنونة
نستني كلشي سمعتة
وكل خوف حسيت بيّ
قبل شوية
گمت من الفراش ورحت للحمام
سبحت وطلعنة رجعت لبيت أمي
ملاك:-ها حبيبتي زينة؟
ابتسمت وهزت راسها
ملاك:-مرتاحة بنومتج؟
رجعت كررت الحركة واني ضليت
يمهم انطيها دواها وانام
يمها
غيث عافني براحتي يجي يسلم ويشوف
امي ويروح
كم يوم واجو خوالي
والنذل اجة وياهم هم قبط صدري
فكرة اني مجذبة ؏ غيث
وما گايلتلة ؏ كمال توترني وتموتني
ليش جذبت؟
حط عينة بعيني وعبرني الادبسز
لزمت خالتي انهار وگتلها:-ليش تجيبوه وياكم
خالة تردون تموتوني انتوا
انهار:-ولج سيارات خوالج ثنينهن بالحجز
وهو يوصلنة
ملاك:-شكووو هوَ أميررر مو عندة سييااارة
راح تخببلوني ترررة
وجدان:-هو جدج گال خلي ياخذنة
انهار:-هو انتي ماگايلتلة ؏ كمال
بلعت ريگي وگتلها:-اي
انهار:-بعد احسن حتى لاتصير مشاكل
وجدان:-شيصير مثلاً؟ غير يدري بيها
مطلقة
ملاك:-يعني لو يجي ويشوفة هنا ويعرفة
طليقي برأيج يخليني بعد اوصل لبيت
اهلي؟ وحتى انتوا ميخليني اجيكم
وجدان:-بس حرام تبقين مجذبة عليّ
يمة
ملاك:-ما ادري خالة راح اتخبل
ضلن يهدن بية وطبن لجوة
رحت للمطبخ اسوي جاي فكرة اني وياه
هسة ببيت واحد ويجي ويشوفني
ترعبني كل ضني بعد يلغي من حياتي
وماشوفة ابد جنت مرتاحة
من شوفتة وشكلة
اني وصافنة سمعت صوتة:-الچاي فار
نزيت وباوعتلة وخزرتة
ودرت وجهي عنة وطفيت الجاي
واجيت اصب وگف بصفي
ملاك:-توخر منا لا والنبي العب بيك جولة
وهسة اخلي خوالي وجاسر يطيحون حضك
كمال:-اريد اغسل شبيج
ملاك:-وتغسل بالسنك؟ مو اكو مغسلة هناك
كمال:-مابيها صابون
رجعت خزرتة ودرت وجهي وگلبي
يدك يريد يطلع من صدري:-اي شلونج شخبارج
ملاك:-اطلع برة معليك بية
كمال:-مرتاحة جنج ويا الدكتور
ملاك:-الحمدلله والشكر الله عوضني بيّ
حجيتها وباوعتلة ورفعت حاجبي
الة وهو اشوف فكة يتحرك من كد ما ضغط
؏ اسنانة
بهالاثناء دخل غيث
وگلبي وگع؟ لا مو وگع اصلاً اختفى
ماحس بنبضاتة بعد والهوى شح من صدري
غيث:-السلام عليكم
دخل سلم عليّ وضيك عيونة
غيث عليّ وگال:-شايفك قبل ايام بس وين؟
كمال:-اي لاگيتني بالسيطرة جنت رايح
للنجف
باوعلي ورجع كمل:-وملاك جانت نايمة
غيث:-ها تذكرتك شنو اسمك گتلي
گالة أسمة وغيث يرحب بي
اما اني
متت واني ؏ هالوكفة
گوة طلعت كلماتي وگلت:-غيث تريد جاي
غيث:-اي يروحي صبي
سويلي طريق خلي ادخل اشد المغذي لعمتي
كمال:-اي تفضل ماكو احد
اخذة وراحوا
طليقي وزوجي؟
وهو مايعرف بهذا طليقي
شمصخمة اني شسويت ياربي شسويت
الله ينتقم منك الله ياخذك ويخلصني
منك تعبت كابوس حياتي انتَ
شلت صينية الچاي ومشيت متوجهه
للغرفة
فتحت الباب برجلي
ودخلت اوزعلهم الجاي واحد واحد
درت ؏ غيث وبصفة النذل
دنگت انطيتهيا وابتسمتلة رجعلي الابتسامة
بحُب
اخذة كمال وگال:-عاشت ايدج وردة
وجهي عرك درت عنة و وزعت للباقين
واني اشوف غيث مندمج ويا كمال
لحد ما راحوا وجاسر جرني
؏ صفحة:-ليش ما گايلة لغيث ؏ كمال؟
ملاك:-ما ادري جاسر
جاسر:-شنو ماتدرين
ملاك:-ماگتلة ابن خالي گتلة صديق ابوية
واسمة احمد
جاسر:-اصفگج هسة صفگة اطير وجهج بيها
اكو وحدة هيج تجذب جذبة انتي وتالي
وياج
ملاك:-هسة بس نرجع اگلة
جاسر:-دكلي تبن نوب تجفص بالزايد
ويطيح حضج اسكتي عوفي السالفة
وهذا الگـ*** اني اعلمة
ملاك:-جاسر احس الذنب ياكل بية اكل
خلي اگلة خلي يرتاح ضميري
جاسر:-والله محد گلج روحي ذبيلج هاي
الجذبة ولج انتي شون بيج بهذا الغباء
ملاك:-خفت
جاسر:-منين خفتي؟
ملاك:-گلت كلشي يصير ويلتقون
ومادري خفت من هاي النقطة شلون اذا التقوا
وغيث يعرفة طليقي اكيد يضوج
ويعصب ويجي يتعارك وياي لو ذاك الجلب
يتحارش بيّ لو يحجيلة كلمة
جاسر:-بيج راشدي هسة افر راسج فر
شهالغباء
بهالاثناء دك تلفونة
وجان كمال ؏ ماسنجر رأساً
شالة وانفجر بي طيح حظ حضة شفى
گلبي بي
لحد ما غلقة و وجهه احمر عصبي
واحسة شوية وينفجر همس:-ابن الزمال
هو ابو الراهي
دخل غيث للاستقبال بيدة
استكان جاي باوع لجاسر وگالة:-شبيك
ولك؟
جاسر:-مابية شي
غيث:-وانتي ليش وجهج اصفر
ملاك:-ماكو شي حبيبي
شنو هاي صاير هواي تشرب جاي ستوك
شربتلك گلاصين
غيث:-راسي موتني
جاسر:-ولك گـ *** شعندك تحجي ويا هذا
الساقط
عگد حاجبة وگال:-ياهوَ
جاسر:-كمال ياهو
ضحك:-هاي ليش هيج تغلط عليّ ولك
جاسر:-خلي يولي وانتَ يوم العلم
اوفي وياك لحد گطع النفس
غيث:-دكل *** لك مو اخذت اختك
جاسر:-انعل ابوك لابو اختي
ضربتة بجتفة وصحت:-اني شعليييية
جاسر:-مو يعيرني بيج الساقط
غيث:-تعال گلي شبي كمال
ملاك:-ترة مو راحة
غيث:-وانتوا خايفين علية شني
جاسر:-هي مو قصة خايفين
بس احنة بالاساس مانختلط بي ابو سجون
هسة يوگعك بورطة ويخليك تفر
بأذانك
غيث:-؏ كيفك عمي
ملاك:-ترة والله هو هيج خبيث وينگط سم
امووت منة
رفعلي حاجبة:-وانتي شمعرفج بي؟
همست بصوت مخنوك خاين:-غير ابن خالي
اكيد اعرفة
غيث:-هسة عوفونة من هالسالفة اساساً
دار بيناتنة حديث بسيط گلي جاسر
العلاج الباقي من برة منو يجيبة؟
جاسر:-هو خالهم عصام انطيتة الفلوس
والوصفة كال يومين واروح لعمان يجيبهن
غيث:-لو گايلي اودي قيس
جاسر:-هذا انگس من كمال
غيث:-والله خبصتني
جاسر:-غيث بروح امك مابينة حيل مشاكل
هذا نعلان لاتحاجي بعد خو ماخذت رقمة؟
غيث:-اگلك ترة حتى مرتي ماغارت علية
مثلك شبيك جنك مطي
جاسر:-دنجب قابل بحالك اني
هو خايف تطب بمصيبة وهاي توگع بيها
غيث:-لا ماكو شي ماله داعي عليمن مصايب
خوية
سكتنة واني اباوع لعيونة
بخوف غمزلي ابتسمت
وگمت يم أمي
دخلتلها ومسدت ؏ شعرها:-شلونج؟
ايمان:-ز.. ززين
دمعت عيوني:-تگدرين تگولي اسمي؟
فتحت حلگها تريد تلفظ حرف الميم
ماگدرت ضل بس لسانها
يتحرك بدون صوت غمضت عيوني
وبجيت وخليت گصتي ؏ گصتها
وضليت اشهك وخوفي من
ذيج المرة
ومن كمال
ومن وضع امي
ازداد كلشي بية مو زين
الى متى ابقى اعاني؟
باوعتلها تبجي هم مسحت دموعها
وحجيت بصوت ناصي:-يمة
گومي وصيري زينة مسحيلي دموعي انتي
تعبت واني اعاني ومحد مصبرني غيرج
بهالدنيا اذا صارلج شي اموت والله
حجت متقطع:-ل.. ل... لا
ملاك:-اسويلج اكل؟
هزت راسها بـ لا
وايديها گوة شالتهن ساعدتها مدت
ايدها يعني انام بحضنها
رجعت نزلت دموعي مسحتهن وضحكت
ونمت ؏ ايدها
ضليت ؏ هالوضعية لحد مانمت مرتاحة
ومرت كم يوم
جاي اعزل بغرفة امي
الملابس النضيفة اسفطهن بالكنتور
واسولف ويا امي هي ماتحجي
بس اني اسولف
بس تطلع صوت من حلگها مثلاً اي
هيج علمود اعرف انو هي وياية
دخلت ملك بسرعة فتحت
الباب وضحكت كالت:-هلهلن
ملاك:-شكو؟
ملك:-بية ولد واخيراً راح اخلص من نك عمتي
ضحكت وكمتلها حضنتها
حيل:-يابعد روحي ان شاءلله تكومين
بالسلامة وتفرحينة
ملك:-آمين يارب
راحو لامي بوستها وامي تباوعلها
بحب وخرت عنها وگال:-خلي اروح اغور نجلاء
ملاك:-تؤ تؤ دگعدي ولج
ملك:-دولي
عافتني وركضت ضحكت وباوعت
وراها وباوعت لأمي تباوعلي بقهر ودموعها
نازلات ذبيت البيدي
ورحت يمها مسحت دموعها:-شبيج أمي؟
ايمان:-ان... انتي...
ملاك:-شبية؟
ايمان:-ل....لاتضو...جين
ابتسمت:-صدُك تحجين اني اضوج
عادي تعودت وما مهتمة لهالموضوع بالأساس
لان غيث مايهتملة ومحد يجيب هذا الطاري
اصلاً فـ كمت احسة مو بذاك الاهمية
مثل قبل
هزت راسها مبتسمة ورجعت
كالت بتلكئ:-أحب غيث
ضحكت:-واني هم احبة
سكتت وهي تباوعلي كمت عنها
ورجعت عزلت الغراض
كم يوم بليل جنت گاعدة
اقري بريم وادمغ بيها
طب جاسر مستعجل من برة باوعتلة
وعگدت حاجبي:-شبيك
جاسر:-گوووووومي بسسسسسررررعة
گوووووومي
ملاك:-يا شكووو
جاسر:-ركضضضضي رييييم جيبي عبايتها
گمت جسمي يرجف:-ولك شبيك
شكو غيث شبي
دموعي بعيوني واحجي ويا وارجف
وهو شفتة بيضة اجت
ريم لازمة عبايتي اخذها منها وشمرها علية
وجرني من ايدي:-جاااااسسسسر شكووووووو
جاسر:-امشششششي
ماكو فكرة ببالي غير انو غيث
عرف بكمال وصارت مصيبة و واحد كتل
الثاني لو غيث بي شي
جسمي يرجف واني ابجي
وهو يسوق واگلة شكو ساكت مايحجي
لحد ما وصلت لبيتنة
صاح:-انززززززززلي
ملاك:-وووووين انززززل شككككوووو گلي
راااااح امووووت والله
جاسر:-انززززلي بسسسسسررررعة
نزلت جسمي ينكث كلة بهستيرية
سديت الباب وبعدني اريد
اندار
شخط السيارة وطلع طول
صحت وراه:-جاااااسر
ضل گلبي يدك حيل
واحس روحي بدت تصعد للخالق
المنطقة كلها ضلمة
بالعادة منطقتنة منورة بالأضوية
وحتى بيتنة غيث مستحيل يطفي
الأضوية البرة ورغد هم
شكو؟
دخلت وايدي ؏ گلبي
واناشغ واشهك بدون دموع فتحت
الباب ؏ كيفي
والبيت اضلم حرفياً
وهذا عافني حتى ما جبت موبايلي وياي
همست:-غييث وينك
دخلت واتعثرت بشي
رأساً رجعت لورا
وانفتحت شمعة؟
دنگت شلتها جانت من هاي
الشموع الاصطناعية بس ضوى لزمتها
عاگدة حاجبي
مشيت خطوة ثانية انفتحت
شمعة ثانية
كل خطوة امشيها تنفتح شمعة
ضليت عاگدة حاجبي واني
صايرة بنصهن
صايرات مثل السطر متوجهات للباب
ضليت امشي وهنه ينفتحن
شكو؟
فتحت باب المدخل ونزعت البرجلي
واني اهمس داخل البيت:-غيث؟
ماكو صوت بلعت ريگي بخوف
ومسحت وجهي
ملاك:-وينك منو موجود هنا غيث
وماكو صوت ابدا احس روحي
داخلة بفلم رعب
ملاك:-راح اطلع والنبي
درت وجهي اريد اطلع لبرة
انسحبت من ايدي وصار ضهري
؏ صدرة بجيت
وايدة ؏ حلگي همس:-اششش
وخر ايدة عن حلگي واني نفس منخفض
اريد اتنفس ماگدر
ملاك:-غيث
شهگت وهو دارني عليّ
وحضني بهدوء وحلگة يم اذني
همس:-كُل عام وانتِ روحي
بعدت عنة امسح عيوني:-شنو
مد ايدة لأيدي
ودخلنة سوة للصالة
واني اشوفها مزينة تزين حلو والورد
مطشر بالگاع
تمشيت وياه وهو لازم ايدي
باوعت للميز الزغير جانت كيكة دائرية
زغيرة حيل بحجم كف الأيد
تكفي لأثنين او 3 فقط
وبيها صورتي واني نايمة
ملاك:-غيث شمسوي هاي شنو
غيث:-خربتي الدنيا بدموعج الله ياخذج
هو انتي مال مفاجأة
ضربتة بصدرة:-غييييرررر مووووتووووني
باوع بااااع جسمي يرجف روحي راح
تطلع
غيث:-امداج
عافني وراح فتح الاضوية:-وهاي خربتي
حتى الاضوية عود كلت نضل ؏ الشموع
ملاك:-داخلين فلم رعب شنو السالفة
ارجع طفيهن شو
ضحك وطفة الأضوية
ابتسمت ونزعت عبايتي ومشطت شعري
بأيدي
برأيكم هاي مُفاجأة؟
ضحكتلة ورجعت ضربتة:-الله لاينطيكم موتوني
غيث:-عود كتلة لاتخرعيها ؏ كيفك
انفخي الشمعة
ابتسمت:-تدري ناسية اليوم عيد ميلادي
رجع ابتسملي غمضت عيوني
حتى اتمنى شي حلو
تمنيت امي تصير زينة وغيثي يبقى بگلبي
وگبال عيوني للأبد
ونفخت الشمعة طبع قبلة
خفيفة ؏ شفتي
درت نفسي الة واني رافعة رجلية
وبستة اكثر
وهو يمشي ايدة ؏ خصري
خليت كصتي ؏ گصتة
واني لافة ايدية ؏ ركبتة
ودموعي يلالن بعيوني:-تعبت بهاي القترة
احس ناسية كلشي حتى انتَ
ناسيتك احس كلشي مخربط جان
وانتَ رغم كل هذا وياي وتفرحني باوع
خلي ايدك ؏ گلبي
اخذت ايدة وخليتها ؏ گلبي
واني مغمضة عيوني:-گلبي يدك فرحان
خوفتوني وردت اموت بس حلوة المُفاجأة
غيث:-احبج
ملاك:-مو بس احبك اني
اموت بيك وبحبك وبكلشي بيك
غيث:-فتحي عيونج
فتحتهن ورجع باسني بهدوء
وابتعد يباوع لعيوني:-عيون أمي
ملاك:-روح أمك وروحي انتَ
شالني واحنة ناسين الدنيا كلها ورانة
حُبة وحنانة ولمساتة اللطيفة
تسفرني لغير مكان
تخليني اعيش بمكان بس اني بيّ
بس روحي وروحة...
گعدت باوعت للساعة بـ 3 الفجر
ابتسمتلة نايم وضام راسة بحضني
بوستة وگمت
جريت ملابسي ولبستهن
ونزلت لجوة كوة امشي
باوعت الغراض بمكانهن ماشلنة شي
عبالي الكيكة يابسة بس همزين
جان مطفي المروحة
علمود الشموع
كصيت قطعة واكلتها
والببسي خليتلة ثلج شلون اكل
صحي من الفجر
اكلت ورتبت الغراض وصعدت
رجعت نمت
الصبح گعدت ؏ قُربة ألي
مابعدتة وتجاوبت وياه بكل حب
ابتعد باسني بشفتي:-صباح الخير
حاوطت رگبتة:-خيري انتَ
رجعت خلة راسة برگبتي
ملاك:-هاي الكيكة طيبة الجبتها
بس شلون خليت صورتي
وهو يطبع آثارة همس:-بنية
موجودة وياهم كلتلي طلعلي صورة الها
ضليت اكلب وهي اختارت هاي
تگول لطيفة ردت اخلي عيونج واكلهن
بس ماصارت
ضحكت:-تاكل عيوني واضل بدون عيون؟
غيث:-يضلن جواي
ملاك:-امممم يلا گوم خلي نتريك
غيث:-تعبتج
ملاك:-كلش
غيث:-شلون اوخر التعب؟
ملاك:-بوسني ويروح
غيث:-رومانسيتج واصلة مرحلة راح تعبر
الغلاف الجوي
ضحكت وگمنة سوة
وگفت ؏ الطباخ وهو يساعدني سوينة اكل
بوستة وراح
ورجعت صعدت نمت بعد
ما اطمنت ؏ امي من جاسر اليسهر
للصبح علمودها ومايخلينة احنة
گاعدين هو يضل سهران ماينام ابد
حتى للحمام يدخلها بيدة
ضليت نايمة لحد ماشبعت نوم
گعدت مطيت جسمي وباوعت للسگف
واتذكر امس بكل لمسة
وكل حب بيناتنة يطمني
گمت دخلت للحمام سبحت وطلعت
نضفت وسويت غدة
لحد ما اجة
واحنة جاي نتغدة گتلة:-العصر وديني لأهلي
هز راسة ساكت عرفتة يريدني
اضل يمة وكذلك امي ماگدر اعوفها
وصدك للعصر واخذني
وهو ماحجة الطريق كلة ساكت
واني هم ماحجيت
دخلت للبيت گال:-سويلي طريق
اسلم ؏ عمتي حتى اروح
ملاك:-ضل للعشة
غيث:-لا ميحتاج
هزيت راسي بتفهم ومشيت
دخلت لجوة محد موجود طبيت لغرفة
امي نايمة وجاسر نايم ؏ ايدها
هزيتة من متنة:-جاسر
فز بسرعة گتلة:-امي ايدها راحت شلون
نايم هيج
جاسر:-ما ادري غفيت
ضل يمرغ بأديها واني اطلع
بالعلاجات علمود ننطيها بوقتها
اندار علية
وضحك:-ها شعندج اجيتي ماضليتي
ضربتة بجتفة وعطت:-ادبسز هي هاي
سواية تسويها بية خرعتني غير ردت اموت
رجع ضربني
وصاح ؏ كيفة:-اي اي اجيتي ؏ جاسر ونمتي
بالعسل هناك وذبيتي حرگتج بية
باوعت لامي تباوع مستغربة
كعدت احجيلها ونسيت غيث
شوية وندك الباب
طفرت بسرعة ورحت فتحتة
اله وعضيت شفتي بخجل:-نسيتك
ضيك عيونة وهمس:-اني اعلمج
ضحكت ودخلتة
دخل باس راس امي وهو يسألها
اذا محتاجة شي
غيث:-اكلج شو انتي صايره صاكة؟
دمغة جاسر:-لك شو تتغززل بأمي
غيث:-شعليك انتَ
جاسر:-گـ*** جا مو هاي مرتك گبالك
تغزل بيها وخر عن امي
غيث:-شبعتها غزل امس شني شبع هوَ
ضحكت بصوت عالي
وضربتة بالكلنس وهمه ضلوا يتداهرون
مَرت أشهر بخوف وقلق
أمي ؏ نفس وضعها ماتغيرت ابد
بس ننطيها علاجات
وماكو تحسن
مرت 8 اشهر بضبط
وهنا جانت الكـارثة الدمرت حياتي
فزيت الساعة بالاربعة العصر
واني نايمة بحضنة
تلفوني يرن اخذتة
بدون ماباوع للاسم
صارلي كم يوم من رجعت لبيتي
فتحت خط وصوت
صرخة ريم خلتني اطفر
وجسمي رجف همست بصوتي
الخايف:-شكووووو
ريم:-أمممممي ملللللااااااك ماتتتتتت
ملاك:-لا لا ماتموووت ريم انطيني جاسر
ويننننج
انسحب التلفون مني واني اناشغ
واحاول التقط نفسي
أمي؟
اسمع صوت غيث يصيح
ويحاول يصحيني بس ما جاي احاول
استوعب اباوع للفراغ بدون ما حتى ارمش
ونفسي واگف
لحد ما استعاديت وعيي
گومني وماعرف شلون وصلنة لبيت
اهلي بس جانت
بداخلي حرارة تحرك الدنيا كلها
أمي مستحيل اگدر اكمل
باقي حياتي بدونها
دفعت باب بيت اهلي واسمع صراخ
دخلت اركض ورجلية ماتعيني
ملك شابگة ريم ويصرخن ثنينهن
شافن وكمزن بحضني
ملاك:-احححححجي ووووووين
أممممممي وووووين
ملك:-اخذها اخذها جاسر للمستشفى امي
راح تروح من ادينة
ملاك:-بس گليييلللللي شصاااااار
ريم:-ضلت عيونها بالسگف وتشخر
وماتتنفس
حلگي يابس واحس حنجرتي طگت
طلعت اركض لغيث مالگيتة
لاهوَ ولا السيارة معناها راح
يالله يالله
ضليت افتر بدون نفس مجرد شهگاتي
تگطع گلبي
انفتح الباب فزيت باوعتلة ابوية
همست بصوتي اليرجف:-الله لايوفقك ولا ينطيك
لككككك كككككككلللللة بسبببببببككككك وبسسسسسبببب ضييييييبمك ااااااامي راااااح تموووووووت
بلع ريگة بخوف:-وينهم همة
ملاك:-مااااادررررري ماااااادرررري
عافني وراح ولو بيدي اروح ادور
مستشفى مستشفى بس
بهذا حالي اتيه وماندل دربي بعد
جسمي ماگدر اسيطر عليّ بعد من كد ما
تهستر بالرجف
گلبي ماسيطر ؏ دگاتة
ملاك:-يااررررب رحمتك يارررب مالنة غيرها
من عمري ؏ عمرها
دخلت لجوة اخذت موبايل ملك
وطلعت للصبة متأملة هسة
راح تجي
بس جان تأمل لا أكثر
ادك ؏ غيث مرة ومرتين و3 واربعة
وماكو مايشيلة
گعدت بالكاع وبعدني بعبايتي
لميت رجلية لصدري وبقيت
اشهك وعقلي يروح لأماكن بعيدة
واتخيلها مو وياي؟
دك التلفون طفرت:-ها غييييث ها
امي وين شبيها
غيث:-ماتت
حجاها بصوت ناصي حزين
بس مادري ليش حسيتة طرم أذني بيها؟
يحجي وياي واني مو بوعيي شمرت
التلفون وصرخت بأعلى صوتي
يمكن هاي الصرخة جنت ضامتها من سنين
بس حرگتها ستوها بينت
طلعن خواتي يركضن وگعدن
گبالي لطمت ؏ وجهي بكل قوتي
ملاك:-ماااااااااتتتتتتت ماااااااااتتتتتتت
أمممممي ماااااااااتتتتتتت
ملك:-لاااااااا لااااا ماتممممموووووووت ووووولج
گللللتتتتتلي اررررربي اببببببنننننج
واحنة ؏ صراخنة دخلوا الجوارين
ريم بقت ساكتة تباوع للفراغ
ومر وقت واني صراخي ونحيبي مالي
الكون وخواتي مادري وين راحن بس
اتذكر وكعن ثنينهن وشالوهن الجوارين النسوان
طبن خالاتي يصيحن
موقف يقشعر البدن الة جنت اشوفة واحضر
فواتح
بس ماجنت احس بشعور الفقدان
فقدان الام صعب
هو اصعب اختبار رب العالمين يختبرة
النة هو فقدان شخص عزيز عليك
مو عاد الأم؟
وأمي مو اي أم
حنيتها
وخوفها
وحبها
وصبرها
وتعبها
وتحملها
للاشياء
المستحيل احد يكدر يتحملها
ربتنة تلاثتنة وجاسر ويانة
ولا يوم عيرتنة وگالت كسرت ضهري عليكم؟
ولا يوم گالت تحملت ابوكم وعذابة علمودكم؟
ماعيرتنة ولا خلتنة نحس بتعبها
امي عانت معاناة يشهدلها التاريخ
بي
تستمر القصة أدناه
امي
نزلت كرامتها لخاطرنة
امي
انضربت
انكتلت
انجوت
تعذبت
انحبست
بدون ماتصيح اخ وتحسسنة هي متأذية
بس جنت احس بمعاناتها واحس
بروحها متألمة
امي
الأنسانة الوكفت وياي
بعذابي
المحد وگف وياي
وساندني غيرها
جانت من ابجي تبجي وياي
اصيح اخ تصيح اخ
تحس بآلامي وعذابي
يا أمي
وهسة اني گاعدة بصف تابوتج
واصيح اخ گومي طبطبي ؏ متني
وگولي اني يمج؟
صراخنة اني وجاسر وملك
خوالي وخالاتي
جدي بكبرة گاعد ؏ ركبة
ويصيح كسرتي ضهري يابوية
داير مادايرنة غربة يحاولون
يسحبونة ويوخرونة عن التابوت حتى يشيلوها
بس محد جان يرضى يبتعد
حسين سحب ملك وربط اديها
وجاسر حضن ريم
وخوالي وخرو خالاتي وبعدوهن
اما اني نمت فوك التابوت وماخليتهم
ياخذونها
بس غيث جان اقوى مني سحبني
بقوتة وضمني لصدرة
وربط ايدة ؏ خصري والثانية
ضاغط ؏ راسي
بيها وصاح:-شيلووووهااااا
تخبلت وضليت انازع بحضنة
حتى يبتعد بس ماگدرت واسمع اصواتهم
لا أله الا الله
كرهت غيث وضليت اغلط واحجي
اشياء ما مفهومة اني الوحيدة الي بين اخواتي
التخبلت ريم وملك كبتن بداخلهن
لبسوني بسرعة ورحنة وراهم للمغيسل
وهذا اكثر مكان يثلج الگلب
من تدخلولة
اغسل لأمي وببالي ميت فكرة
وفكرة وكل شهكة مني تگطع انفاسي
وخالتي وجدان ومرت خالي عصام وياي
لان خالتي انهار تخبلت وانهارت
واخذوها للمستشفى
بقيت ابجي واني اغسللها
هيج صارت يمة؟
اغسلج بالمغيسل؟
بعد ما جنتي تخجلين ادخل وياج
للحمام واغسلج
واليوم انتي مغمضة عينج
وتجين وترحين بيدي بدون ماتگليلي
لا يمة استحي اني اسبح
بس هذا الوقت المُحدد للأنسان
لوين نبقى عايشين؟
العمر كلة؟
الأنسان الة حد بعمرة
وهذا حد أمي
جفنتها بيدي بالجفن الأبيض
وشالوها وخلوها بتابوت
اشياء مستحيل تصدگوها ببالي مو هيج
احس روحي داخلة بحلم او فلم
احس جاي امثل هذا كلة مو حقيقة
امي ماتموت ماتصير بحفرة
مقدارها متر او اقل المتر ماعرف
بس جان احساس يراودني امي عايشة
ما ميتة وفعلاً
امي عاشت بداخلي
شنو شعورك غيث وانتَ
عمرك ثمن سنين وفقدت امك؟
يمكن احسن؟
يمكن لا احنة الاحسن؟
يمكن هو ما شبع من امة
واني شبعت؟
لا لا مستحيل الام من تحضنها
توصل لمرحلة الشبع من حضنها
بكل الحالات
ان جنت زغير
جبير
شاب
مراهق
عمرك ميت سنة
تبقة كسرة الأهل
مستحيل يجي احد يعوضك
وخاصةً الأم
فـ ديرو بالكم...
يدفنون بيها وصراخنة مالي المكان
لحد ما خلوها لجوة وحطو التراب فوكاها
نمت اني وخواتي فوك الكبر
وجاسر ينحب ويذب التراب ؏ وجهه
منو يغنيلة حبيب امك؟
منو الي من يحتاجها تكلة هلة بيك يمة؟
منو الي يگول من تعبكم ؏ تعبي يمة؟
منو الي يسمع همومنة بعد؟
امي بس...
شالني واحس روحي صارت مثل
الطفل
مشيت وهو مخلي ايدة ورا
ضهري ويمشيني واذني احس بيها صفارة
سمعت صوت ملك صاحت
بصوت مكتوم:-حسسسسسيييين
درت وجهي بسرعة وروحي انخطفت
من شفتة شالها وهي تخر دم
وتذكرت هي حامل؟ بعد شهر
وتدخل بشهرها وتجيب ابنها الفرحت بي
امي
ركض حسين وذبها بالسيارة
وطار بيها بدون مايباوع لاحد
صعدنة بسيارة غيث وانطلق وراهم
وصلوا قبلنة للمستشفى
واحنة وراهم ركض جاسر اول واحد
وريم بقت غايبة روحها بالسيارة وغيث يمها
ركضت بدون ماباوع وراي
وحسين متكتر ؏ صفحة
وروح ثانية خسرنة اليوم
للأسف...
بقيت ابجي وانحب بصوت عالي
وهي جوة يستأصلون الطفل من بطنها
لان كامل
وجاسر الي صارت رجلية ماتعينة
كعد بالگاع ومد رجلة لكدام ومخلي راسة
؏ حايط ومغمض
وريم دخلوها خلولها مغذي
اجاني غيث يركض:-هاا
ملاك:-مات الطفل
غيث:-استغفرالله ياللهي
گومي انتي خلي اشكلج مغذي
ملاك:-وخر عني غيث
شالني بدون ما يحجي وياي
واني دموعي مستمرة تنزل بدون صوت
دخلني غرفة شفتها ريم نايمة
والمغذي بوريدها
واني كذلك شكلولي مغذي
لان اجسامنة تعبت
وضغطنة هبط
لوين لنص الليل وطلعنة وملك
ضلت بالمستشفى وزوجها يمها
وصلنة لبيت امي
ضلت تصرخ ريم وتبجي وماترضى تدخل
بقينة اني وياها بالسيارة حاضنتها
وجاسر وغيث طبوا لان بيت جدي
موجودين
اتأخروا جوة واني وريم نبجي
بهدوء واني احاول اصبر روحي حتى اصبرها
وياية
بس ماگدرت
شوية وطلعوا ثنينهم
وصعدوا بالسيارة وجاسر
گال بصوتة المبحوح:-الفاتحة راح تصير بالديوانية
حجيت بخفوت:-ليش؟
جاسر:-هو ببيت جدج مايقبلون هنا خوالج
ملاك:-احسن هذا البيت بعد ما اطبلة
سكتوا و وصلنة للبيت
نزلنة واني صعدت لفوك وهمه طبوا للاستقبال
جاسر وريم
اجة وراي ذبيت راسي بحضنة
وضليت اشهك:-روحي جااااي تطلع راح اموووت
غيث:-اششش بابا اترحميلها واقريلها الفاتحة
هذا احسن الها
ملاك:-ماجاي اگدددددر غييييث احسها
عدلة بعدها ماحسها ماتت ماحس
هي ميتة احسها عدلة ماكدر اقرة الفاتحة
مايطاوعني لساني
ضل يمسد ؏ جتفي واني
وياه مانمنة للصبح بالخمسة دك تلفون
غيث وخرت عنة ومسحت عيوني
وجان جاسر گالة يلا نروح
گمت وجسمي متكسر
وروحي طالعة
حضرت كلشي ؏ السريع وسبحت
شلون ماجان
ولا ادري اني شلون جاي اسوي هاي الاشياء
جنت اكول اموت وراها؟
شو ما متت؟
محد يموت ورا احد راح نبقة نعاني للأبد
وصلنة لبيت جدي
ونزلت بروح متعوبة واسمع الصياح
والدك واللطم وصوت المُلا مالي المكان
وبكاء ونحيب والم وحزن طاغي ؏ مكان
باوعت لجدران بيت جدي
اتذكر من جنة نجي لهنا بلهفة
جنة نجي ويا امي
بس هسة احنة بدونها
ومرت 3 ايام الفاتحة
روحي انهدت للگاع من اللطم
والبجي
ملك ما اجت لحد اليوم الخامس
جدي وخوال همه تكفلوا بكلشي
واكيد جاسر وغيث وياهم
خلصت المُلا من اللطم روحي تعبت
وراسي يفتر فر
احسة
اخواتي مايطبن للطم ملك ماتگدر
وريم خايفة واساساً ريم ماصحت ابد يومية
تتخربط وياخذوها ويركضون بيها
اني الوحيدة الصاحية بيهم واگدر
اكوم واطبخ واشارك همه
تهدموا
طلعت من الاستقبال گوة امشي
من التكسير
دخلت للمطبخ البنات گاعدات
متحضرات يوزعن
ابتسمتلهن وكلت
وصوتي مبحوح:-يا حبابة تصبلي جاي؟
ركضت وحدة بيهن ماعرفتها
من عيوني المغوشة وكالت:-اني
من صوتها عرفتها وردة
ابتسمت ومشيت متوجهه للكرسي
ولازمة رجلية كعدت
وغمضت عيوني وبقيت لازمة
راسي
سمعت صوت گالت:-بقية بحياتج ملاك
رفعت عيوني عليها
وجانت ولاء لسة حافضة ملامحها
ونزلت عيوني لبطنها هم حامل
ملاك:-حياتج الباقية
ولاء:-الله يقويكم ريم خطية تبهذلت كل ساعة
تتقيأ
هزيت راسي:-هسة اصعدلها
صوت اجة من وراي
وجان رجلها:-وردة جاي
وردة:-المن؟
كمال:-الية راسي يوجعني
وردة:-اي هسة اصبلكم انتَ وملاك
باوعتلها ورجعت دنگت اعصر
بأدية ؏ راسي احسة راح يطك من الالم
ولاء:-شنو هاي ثنينكم روسكم توجعكم شعدكم
باوعتلها وماحجيت وهو هم
سكت
تمخرط
اجت وردة بطنها
جبيرة ابتسمت:-عاشت ايدج
ومبروك الحمل
وردة:-يابعد روحي
ملاك:-بنية لو ولد؟
ضحكت بخجل وكالت:-ثنينهم
ابتسمت:-الله يگومج بالسلامة لعد
اگعدي لاتفترين هواي
هزت راسها وراحت ودت الجاي لأخوها
ضليت كاعده واشرب بالجاي
وارفع عيوني الگاه واگف بعدة
بالباب اشوفة من خيال الثلاجة
دخل ولد جبير وضخم بس هو مبين
زغيرون عرفتة منو ابتسمت بسرعة
علاوي:-يمة ابوي وين؟
ابتسمت ؏ كلامة:-مادري شوفة خاف يم
جدك
راد يعبر رجع دار نفسة
علية وعگد حاجبة:-انتي خالة ملاك
وردة:-اي هية
ضحك واجاني واني ابتسمتلة
وذبيت الكلاص من ايدي
حضني حيل وهو يگول:-مشتاقلج خالة
ملاك:-اني هم مشتاقتلك شلونك شو صاير
جبير
ضحك:-اي جبير صرت رجال
ملاك:-بيا صف صرت؟
علاوي:-ثاني ابتدائي
ملاك:-يا حَبيبي صاير تخبل
علاوي:-بيبي ايمان جنت احبها
دمعت عيوني وهمست:-هي هم تحبك
علاوي:-ليش بعد ماتجين يمنة
شلت گذلتة عن عيونة
وكلت:-شسوي يمكم انتوا تعالوا
علاوي:-لا انتي مو جنت زوجة خالو وجنتي
عايشة يم بيبي هسة ماتجين يمنة
بلعت ريگي وهمست:-لا اني يم زوجي
علاوي:-وخالو كمال؟
كمال:-تعال علاوي
علاوي:-شكو
كمال:-تجي لو شلون
باسني وراح واني سكتت وهو وصاه
؏ شغلة راح ركض وبقة هذا
بمكانة
اجت ملك تمشي ؏ كيفها بيدها
موبايلي باوعت لولاء من فوك لجوة ورجعت
باوعت لكمال ورفعت حاجبها
ومشت بثقة:-غيث يدك عليج
ذبيت الجاي من ايدي
واخذت التلفون يدك بعدة رفضتة
وكتبتلة رسالة:-اوگف هسة اخابرك
گمت وابتسمت لوردة:-عاشت ايدج تعبتج
وردة:-لا ولو دللي هسة اكول لعمتي لمياء
تجيبلج حب وجع راس مو زين تضلين
هيج
عفتها وصعدت لفوك
ودگيت عليّ خابرني يسأل عن
احوالي
ملاك:-راسي موتني
غيث:-راح ادزلج علاج اوكفيلي
ملاك:-بسرعة حباب
طبگتة منة وفعلاً ثواني واجت خالتي
انطتني حباية اخذتها ونمت
وبعد ماحسيت ؏ روحي الة اني وبالمستشفى
والألم يذبح ذبح
شدولي مغذي واني نايمة وتعبانة
لحد ماصحيت
بس بعد الم طفيف براسي
شالني غيث ورجعني للبيت
حتى من وصلنة ماقبل انزل شالني
وصعدني لفوك
ومَرت ايام الفاتحة
وبيوم جنت واكفة اني وغيث
برة بالباب وهو يحسب الفلوس
واني واكفة يمة اكلة شيجيب وشيحط
ويساهم وياهم
سمعت صوت واحد جاي من بعيد
زفرت نفس من شفتة
طول ايام الفاتحة هو ملاحگني
وصل يمنة وگال:-خو ما محتاجين شي
غيث:-لا حبيبي ممنون
كمال:-اي شي تحتاج حاجيني
اتشكر منة غيث وهذا راح
وعيونة ملاحگتني الادبسز
اتذكرت موقف
جنت واكفة ؏ الطباخ
وصافنة بالفراغ وافكر بالأيام المرت
بدون امي
شلون گدرت اعبرها بدونها؟
كمال:-الچاي احترك
يفتر وراي بالچاي استغفرت
ربي وشلت القوري اصب
واحد صار بصفي رفعت راسي
شفت أمير ابتسمتلة كال:-شخبارج مشتاقين؟
ملاك:-الحمدلله ؏ الله
أمير:-جا وين البنات ليش وحدج
ملاك:-يا بنات تقصد
أمير:-البنات بناتنة
ضحكت:-حدد وحدة منهن منية
وهو ضحك وگال:-لا لا عوفن مرتي حامل
هسة تطيح علينة وين احير بيها
ملاك:-الله يگومها بالسلامة وتقر عيونكم
أمير:-آمين
كمال:-يلاااا مو وكت سوالف
سكتنة ثنينة انطيتة صينية الجاي
وهو راح ونوب رجع كمال:-صبي بعد
ملاك:-انطيني
اخذت الكلاصات غسلتهن بسرعة بسرعة
وهو واگف منتضرني
صبيت وانطيتة
وهو گال:-رجلج وين؟
ملاك:-ما ادري
كمال:-امم خوش
عافني وراح غميتة من ورا
وسمعت صوت وردة:-ها هاي ليش
غمضت بفشلة وما جاوبتها
وهي ضحكت وكعدت يمي تسولف
وبالليل جنت برة افتر
واحاجي غيث ما أجة جان عندة
دوام
همس:-مشتاقلج
ملاك:-خلي يخلص السابع وارجع تعبت هنا
غيث:-الله يساعدج ريم شون صارت
ملاك:-مادري شبيها كل ساعة تتقيأ
وبطنها تأذيها كلش ومن نروح يگولون مابيها
شي بس ينطوها مغذيات تعبت غيث
محتارة بالفاتحة وبالطبخ واللطم والهوسة
وريم منا وملك علاجاتها اني اركض
وراها هلكت هالفترة كلش
غيث:-خلي تمر هاليومين واجي اخذج
وريم ناخذها لدكتور يشرف ؏ حالتها
هو هناك منين اكو دكاترة بيهم خير
ملاك:-اي والنبي ماجاي تصحى تعبتني
وبس نوم وماتاكل تگول من زمان اني هيج
غيث:-انتن وتالي وياجن
من تتمرضن احجن يابة مو زين والله
ملاك:-شسويلها
؏ كُلاً هسة روح نام حبيبي
تعبتك وياي
غيث:-تعبج ابوسة واشبكة
ضحكت بهدوء:-لو ما انتَ جان متت وراها من زمان
غيث:-ميلي ولاتخافي تموتين من اني اموت
ملاك:-اسم الله يلا تصبح ؏ خير
غيث:-احبج
ملاك:-واني هم احبك نام لاتضل سهران
تتعب
غيث:-انتي هم نامي
ملاك:-يلا تمام روح اطبگة من يمك
غيث:-ماينطيني گلبي اطبگي انتي
ضحكت وغلقت الخط
وانداريت واجة صوتة المزعج:-هاي شوكت حبيتي
دگ گلبي وعگدت حاجبي
ومشيت ردت اعبرة لزمني من عكسي
وهو يدخن
طبگني ويا الحايط وهو صار
گبالي:-كممال وخررر
باوعت للتلفون خفت خاف
الخط مفتوح:-جاوبي ؏ سؤالي
ملاك:-ومنو انتَ حتى اجاوبك توخر من
يمي لا والنبي الم خوالي عليك
كمال:-جاوبني واعوفج
ملاك:-من عرفتة رجال وتحملني
وتحمل عيوبي ومرضي
رفع حاجبة وهو فكة يتحرك:-حلو
ملاك:-وخر يلا عن وجهي
كمال:-شنو اني بالنسبة الج
ضحكت بصوت عالي:-شو شايف روحك انتَ؟
شنو شعبالك فد شي مُهم بدنيتي قابل
فد انسان قذر دخل لحياتي خربها وطلع
بس اجة اغاته العدل حياتي وخلاني
مو ؏ كاع امشي فوك الغيم
كمال:-حضرة الدكتور مخليج متمردة
ملاك:-تاج راسك
كمال:-حبيتج حب بس الله اليدري بي
ملاك:-تقبل ماتقبل يطبك طوب
يكمال لأضفر غيث ماتوصل ولا راح تگدر توصل
لحُبة ألي واهتمامة وعشقة
اليحب مايعوف من اول غلط ولا يعوفك من
ورا اعذار وانتَ لگيتلك حجة حتى تعوفني
كمال:-ماعفتج بأرادتي
ملاك:-اي صح جانت تمشيك نسوان
كمال:-ليش تحجيها بحرگة گلب؟
ملاك:-لا مو بحرگة كلب بالعكس
بكامل برودي جنت احبك حُب فاشل حرفياً
ويا غيث يلا افتهمت شنو معنى الحب والزواج
والتحمل واهم شي الأحترام
كمال:-محترمتة وما گايلتلة اني منو؟ خوش
احترام هذا
ضغطت ؏ سنوني بعصبية:-المطلوب مني شنو؟
كمال:-شبيج ضجتي جاي نسولف
ملاك:-ومنو گالك اني حابة سوالفك
دفعتة عني ومشيت
ورجعت درت وجهي عليّ:-دير بالك توصل لزوجي لو تأذي او اي شي تحاول تسوي
حتى تخرب حياتي
كمال بيومها راح تنخلق ملاك
جديدة تراويك دنيتك السودة
ولا توصل يمي بعد اتقزز من اسمك عاد
مو من قُربك يمي
تستمر القصة أدناه
عفتة ورحت صعدت لفوك اهفي
؏ وجهي سولفت لملك كامت تصفك
وتضحكلي
عفتها ونمت
ومرت يومين واليوم جمعة
ولازم اول جمعة نروح لأمي
بالخمسة الصبح صعدت بالسيارة
جنت گاعدة يم الجامة
حاطة راسي واباوع
انخطفت عيني لغيث واگف
ويمة هوَ!
هذا وتالي وياه؟
وغيث يسولف ويا منطلق
باوعت لجاسر عسى ولعل ينقذني
بس جان تعبان وگاعد ؏ كرسي
وبالة مو ويانة اصلاً
صافن بالسما
اجتني رسالة فتحتها من غيث
شفتة كاتب:-سدي الجامة
باوعتلهم غيث مدنك ؏ التلفون
وهذا يباوع لموبايل غيث ونوب رفع عيونة
علية سديت الجامة بسرعة
وملك لزمت ايدي روحي
گامت تلعب من التفكير
وبنص الدرب صحت نزلوني
وصدك نزلت اتقيأ وروحي طلعت حرفياً
وخالي يدك ؏ ضهري
صوتة اجة من بعيد يركض:-ملاك
وصل يمي وهو يغسل وجهي
واني تعبت من اللعبان نفس والهوسة الي
براسي
غيث:-شلون هسة صرت زينة؟
ملاك:-ماكدر اصعد السيارة
حاررة راح اموت
غيث:-هسة اجر تكسي ارتاحي انتي
عصام:-لا يابة سيارة كمال بيها تبريد
واني وعثمان نجي هنا يصير مكان هناك هواي
باوعتلة وعيوني مدمعة:-لا ماريد هناك
عصام:-ماكو بس هاي الطريقة بابا اصعدي
باعي وجهج اصفر ولازم ترحون للگراج هم
تتخربطين بالزايد
غيث:-ها ارتاحيتي؟
عصام:-وديها يابة تأخرنة هم لازم نرجع من وكت
غيث:-ماتشوفها متخربطة يا خالي
عافونة وركبوا وهو يمشيني ؏ كيف
وهذا اجة بسيارتة وگف گبالنة
غمضت عيوني اكررره القرب من
نصير اني وياه سوة احس اريد اموت
صعدت وراه وغيث بصفي لازم ايدي
وضليت طول الطريق عيني ؏ الدرب
لحد ما وصلنة وانعاد نفس السيناريو
الدك والطم وكأنما اول يوم ماتت
قرينالها سور وادعية
واني لسة مو بوعيي وما اصدك انُ هي
داخل هذا الگبر معقولة؟
رجعنة بنفس الدرب
نمت حتى ماحس بالطريق گعدوني
من وصلنة ورجعت نمت بالبيت
لليل يلا غيث گال خلي نرجع
صعدت بالسيارة واخواتي
ورا وجاسر كال يومين واجي ؏ ما تفض
هاي الهوسة
انتضرت غيث يجي
اجة و وياه هذا اللازك بي يسولفون
استغفرت ربي وايدي ترجف
صعد غيث بالسيارة وگال:-يلا اودعناكم
كمال:-والله طلعتكم مالها داعي
غيث:-ماتشوف وجوههن صفر يگول نص كيلو ليمون
ضحك وضحكتة مقززة لدرجة
درت وجهي لغير جهه وهو حرك وذاك
صاح:-الله وياك دكتورناااا
ضحك غيث ومشة
غيث:-شبيج ترجفين بابا؟
ملاك:-ما ادري يمكن جوعانة
غيث:-مو العالم حرمصت تضلون تتعشون
ونطلع
ملاك:-لااا ماريد تعبت هناك ولعبت روحي
غيث:-ريم شلون صرتي يابة؟
ماجاوبت بقت ساكتة
كتلة:-ماتگدر تحجي بالسيارة تضل تلعب روحها
غيث:-باجر احجزلها عد دكتور
ريم:-ماريد
غيث:-مو بكيفج
ريم:-ولا بكيفك
درت عليها وخزرتها وهي بجت
شبگتها ملك كتلة:-تعبانة هالفترة
غيث:-عوفيها براحتها
سكتت وكل ساعة اباوعلها
لحد ما نامت وگف بالطريق جابلنة
اكل
ما اكلت بس ملك اكلت وريم اساساً
گطعت الاكل
وصلنة لبيتنة بقيت اخواتي يمي
وثاني يوم الصبح اجة حسين اخذ ملك
وريم بقت وجاسر هم يروح ويرجع
عليها
دور بيت يمنة علمود يصير قريب
علينة واضل يمهم
ورا شهر يلا لگة بس بعيد شوية
مو هواي
وانتقلوا بي بس هوَ وريم
لان ماترضى ترجع للبيت ولا قبلت
تروح لدكتور رغم غيث شگد قنعها
وبقت دموعي تجري ؏ امي
ومانسيتها لحظة
الجان يهديني غيث يطبطب ؏ جروحي
واستمد القوة منة
ومَر شهر ثاني
وشنو المنتضرني بعد؟؟
