رواية ابي عذابي ومأساتي الفصل التاسع والثلاثون بقلم سمر اسامه
بقيت احجي ويه عصام شويه ودخلت للبيت رحت علئ غرفتي اشوف اطفالي
اتصل جهازي كانت ساعه ب 3 بليل ستغربت منو يتصل عليه بهل وقت
شفته جابر. شاشه منوره بأسمه بقيت صافنه ع جهاز وكعت دموعي عليه كنت كاتبته (ابو جهالي)
مسحت دموعي ورفضت الاتصال عاد مره ومرتين 3
ومارديت عليه دزلي رساله وكاتب.
واني اكتلج انتي روحي مو تروحي
سحبت نفس بقهر وصرت ابجي بقهر ليش سويت هيج اذا تحبني. ليش خربت كلشي بأيدك
طفيت الجهاز ونمت ماريد احجي وياه ماريده بعد خلي يتهنئ ويه مرته الجديده اصلا اني مالي اهميه بحياته
لْـۆ يحبني مجان سوه هيجي.
خليت اطفالي بحضني ونمت.
كعدت الصبح علئ صوت اطفالي يبجون رحت عليهم
لازم اغيرلهم ياربي شون هسه انسب حل اروح لكريمه هيه تساعدني.
رضعتهم وخليت ملهي بحلكهم وسكتو نزلت بسرعه
شفت كريمه هيه ونوال ب مطبخ يسون ريوك واخواني كلهم كاعدين
صبحت عليهم ورحت للمطبخ صبحت علئ كريمه ونوال وحجيت. كريمه ممكن تساعدني بشي
باوعت عليه بستغراب وردت اي شنو شعندج م̷ـــِْن الصبح.
سحبت نفس ورديت اطفالي اريد اغيرلهم بس اريد الهم ملابس وحفاضات. واستحي احجي هل شي لخواني.
ضحكت وردت سهله هسه اروح اكول لواحد م̷ـــِْن الولد يشتريلج. اني هم عندي ملابس وحضاين وكماطات
مال نوال وبطانبات صغار تعالي انطيج منهم
عضيت شفتي بقهر ورديت بس هذولي مال بنات همه ولد
هزت ايدها وردت والله فوكاها مراضيه خليهم لعد لاحد مايجيبون الج شي
لزمت ايدها وحجيت لا حبابه تعالي انطيني اخاف عليهم يتاذو. لازم اغير ملابسهم م̷ـــِْن لبارحه بيهم خطيه والله
اخذتني وكالت لنوال تروح تكول لواحد م̷ـــِْن خواني يشتريلي
دخلت للغرفه وصارت طلع ملابس وحته ملابس ولد
لان هيه عدها 2 كاظم ونوال ولدها
انطتني حضاين وگماط وبطانيات صغار كلهم جدد وعبالك هسه مشتريتهم اخذتهم منها وصعدت للغرفه
شفت اطفالي كاعدين ويناغو.
تقربت منهم واخذت نمر للحمام سبحته وغيرت كل ملابسه ولفيته ب بطانيه خليت عطر علئ جسمه ولبسته ملابسه وحته خليت ع راسهه. طاقيه طلعت تخبل عليه
لبسته ملابس ثخينه لان احنه بفصل الشتاء بارد الجو بس بوقتها طالعه شمس ولجو دافي
اخذت اسد كذالك سبحته وغيرت ملابسه واجت نوال يمي كالت تعالي اتريكي.
ابتسمت ورديت ممكن تساعديني بس اخذي وياج نمر نزلي واني اكمل اسد وانزل. هزت راسها بأي اخذت نمر وصارت تبوس بيه
صح خبيثه بس ابد ماتحقد علئ اطفالي العائله كلهم يحبون اطفالي يموتون عليهم
اخذت نمر ونزلت واني بقيت ارتب بأسد بوست خدوده وهو يضحك
نزلت وشفت كريمه طالعه حجله وكالت تعالي خلي بيها
ضحكت ورديت بس بعده صغير ميصير ب حجله عمره بس 5 اشهر
اخذته م̷ـــِْن ايدي وخلته ب حجله وهو بقه لازمها ويضحك. بقيت بس صافنه عليهم ياعمري شكد حلوين
رحت اتريك كملت ورحت اشوف اطفال وين راحو
شفت نوال وكريمه يوكلن بيهم ابتسمت بفرح الحمدالله واخيرا عائلتي صارت تحب بعض
رحت كعدت يمهم وحجيت شدياكلون الحلوين
باوعت عليه كريمه وردت داوكلهم سريلاك ونوال توكل باسد. كعك
بقيت كاعده يمهم اندك الباب ورحت اني افتحه
كان جاسم ياربي هاذه شجابه علينه شكددد اكررهه
فتح عيونه بصدمه وباوعلي بقذاره م̷ـــِْن فوك ليتحت
وحجه شهدد. شعجب جايه ع اهلج
بلعت ريكي وحجيت اجيت اشوف اهلي حرام يعني بعدين اخوي يريد يتزوج لآزٍمٍ اكون موجوده وياه.
رد اي شلونج زوجج المحترم شلونه خما ماذيج اشو راسج مضمد شكو
حسبت نفس ورديت مابيه شي بس وكعت م̷ـــِْن الدرج ب غلط وزوجي زين يسلم عليك
تقرب مِڼـّي ولزم اكتافي وهمس اؤف لْـۆ مامتزوجه
دفعته بقهر وعيوني احس نار طلعت منهم حجيت بعصبيه. عمرك مراح تتغير وتصير ادمي
عفته ودخلت هو دخل ورايه يضحك عليه وكفت كريمه وراحت سلمت عليه وهو عيونه عليه تراقبتي
اخذت اطفالي ودخلت للبيت همه بقو ب حديقه
شويه ونادولي خليت الاطفال ب صاله وطلعت اشوف شنو رايدين قصص وروايات عراقية
كان اخويه ليث الصغير كال تعالي اشتريتلج كاروك
واغراض تعالي ساعديني انزلهم الج
رحت انزل وياه حسيت شخص لزم كتفي باوعت بخوف كان جاسم وعيونه كلها حقاره همس لاتعبين نفسج اني هسه انزلهم الج
دفعت ايده م̷ـــِْن علئ كتفي وحجيت جاسم خليك بعيد عني لاوحق الله تشوف غير تصرف مِڼـّي
اخذت الملابس ولاغراض ودخلت للبيت وجاسم نزل الكاروك كان كلش جبير م̷ـــِْن الخشب وينوم اطفال عمرهم 5 سنوات هههه
خلو ب صاله
كعد عصام م̷ـــِْن النوم كانت ساعه ب 11 الصبح شاف الغراض ولكاروك باوع بستغراب وحجه شنو هذولي
بلعت ريكي بفشله وحجيت هذولي لاطفالي
ابتسم ورد يدللون الحلوين خليهم مرتاحين بيت اخوالهم.
عافني وراح يغسل وجهه اخذت الغراض صعدتهم للغرفه ولكاروك صعدو هشام وليث
خلو قريب م̷ـــِْن السرير بقيت ارتب ب ملابس مالتهم
سمعت صراخ ابني نزلت مرعوبه اركض شفت نمر بأيد جاسم وهو يصرخ بصوت عالي
رحت اركض لزمته م̷ـــِْن ايده وبقيت اباوع عليه بخوف واحجي ماما حبيبي شبيك يروحي انته باوعت علئ جاسم بغضب وحجيت شسوووويت بيه احجييي
ضحك ورد مسويت شي والله بس بسته بخده ويمكن لحيتي بززت وجهه وصار يبجي
غمضت عيوني بقهر واريد الزم نفسي ماريد اغلط ياربي صبرني عليه راح اتخبل منا الضيم الي بكلبي ومن صفحه ثانيه هاذه الكلب
اخذته وصرت اهدي بيه وابوسه وامسح دموعه
كعد ع غنفه وحجه رضعي يمكن وجوعان
الحقيرررر يريد اطلع صدري كدامه وارضعه بس يخسي مو اني الي اسوي هيج كدامه اني كدام خواني ماسويها
سحبت نفس ورديت موشغلك اني اعرفهم اذا جوعانين
طلع عصام وباوع علئ نمر وحجه شبيه نمر ليش يبجي
رديت عليه ماعرف جاسم كان لازمه ويصرخ مدري شنو سواله وخلاه هيج متخبل
ابتسم جاسم ورد مسويتله شي والله بس بست خده وصرخ بوجهي يمكن لحيتي بززت وجهه
راح عصام وكعد ويه جاسم اني اخذت اطفالي وصعدت لغرفتي خليت اسد ب كاروك واخذت نمر ارضع بيه. شفته نام ع صدري بست راسه الي مثل الذهب يلمع شعره الذهبي
خليته قريب م̷ـــِْن اخو واخذت اسد ارضع بيه
اتصل جهازي كانت ساره
فتحت خط وحجيت هلا ساره شلونج
ردت عليه بقهر زينه انتي طمنيني عنج شلونج جهال شلونهم
باوعت عليهم وابتسمت. الحمدالله زينين قبل شويه سبحتهم وغيرت ملابسهم هسه نايمين
ردت يروحي والله لبيت فارغ عليهم مشتاقيلهم كلش
سحبت نفس ورديت تعودو ع غيابهم م̷ـــِْن ليوم قررت ابقه عند اهلي
ردت عليه لا شهد فدوه لاتحجين هيج والله كلنه نحبج
بعدين اهلج مراح يهتمون بل اطفال مثلنه
جاوبتها لا غلطانه والله يموتون عليهم اخواني وكريمه هيه وبتها م̷ـــِْن الصبح يوكلن بيهم ويلاعبوهم ابد مايضروهم بشي اطمني
سحبت نفس وردت وجابر تعوفي تنسينه تنسين حبيبج
تكديرين تبتعدين عنه
نزلت عيوني بقهر ورديت اي اكدر مثل ماهو مافكر بيه ولابمشاعري اني هم مراح افكر بيه ولاعذب نفسي عليه خلي ويه مرته الجديده يتهنئ والله اتمناله الخير
بس خلي. يخلص عرسكم انتي وعصام راح اطلب الطلاق منه وخلي ينتهي كلشي بينه
ردت عليه بسرعه شهدد م̷ـــِْن كل عقلج تحجين هيج
شون تتخلين عن جابر بهل سهوله لاتخلين شخص ياخذه منج. حاربي عليه واخذي الج لاتخليها تاخذه وتطردج برا
ابتسمت بقهر ورديت ماريده خلي الها يتهنو سويه
هو الي رادها وفضلها عليه
سمعت صوته حجه ساره تعالي انطيني علاج راسي راح ينفجر.
حسيت كلبي صار يرجف م̷ـــِْن صوته مشتاقتله كلش
بس ماريد ارجعله ماريد اسمع شي منه غمضت عيوني بقهر.
حجت ساره وكالت شهد بعدين نحجي
رديت عليها تمام. ديري بالج علئ عمه تعبانه
انلزم جهاز م̷ـــِْن ساره واجاني صوته وحجه شهدد
ليش ماتردين عليه
تلاشت الاحرف عندي وماكدرت ارد عليه ولاحجيت شي.
همس. تعبان بغيابج والله لهل درجه تحبين تشوفيني مكسور.
سحبت نفس ورديت انت الي ختاريت هاذه الطريق
واذا ممكن. دزلي اوراق الطلاق ماريدك بعد
سحب نفس ورد مستحيل اطلكج انتي مرتي وحبيبتي
ضحكت بقهر ورديت هاي كان قبل هسه تغير كلشي صار عندك مره وحبيبه جديده
رد عليه بمرور الوقت راح تعرفين ليش سويت هيج
انتي بس ارتاحي هل فترا وراح اشرحلج كلشي والله
نزلت دموعي ورديت ماريد اسمع شي منك خليني بحالي رجاء. خلص كلشي انتهئ بينه اني صرت اكرهك ماريدك بحياتي كسرتني اكثر م̷ـــِْن الكل
كنت بانيه امالي عليك. احلامي وكلشي كان يخصك
بلحضه وحده حطمت كلشي وخليتني اكره نفسي لان حبيتك وتعلقت بيك.
بلع ريكه بغصه ورد كافي لاتحجين هيج تعرفين كلامج مثل السجين تخليها بكلبي. انتي لوحيده الي حبيتها متوقعتج تحجين هيج
خليت ايدي علئ حلكي وصرت ابجي بصوت مسموع
هو بقه ساكت ويتسمع علئ انيني ودموعي
سديت الاتصال وخليت اديه علئ وجهي وصرت ابجي
متقصد يحجي هيج يريد يضعفني كدامه
بس مراح اضعف م̷ـــِْن اليوم راح اكون قويه وماهتم لوجوده او غيابه عني كافي تعبت م̷ـــِْن البجي ولقهر تعبت كلش والله
.........................................................................
ساره.
الي صار ابد محلو بحق شهد والله خطيه متستاهل هيج يسوي بيها اخويه ماعرفنه ليش هيج تصرف
كعدت الصبح واني ضايجه كلش ومقهوره علئ شهد
اخذت ملاك ولبستها وطلبت م̷ـــِْن امي تاخذها للروضه
بقيت كاعده ب صاله شفت لارا نزلت رافعه شعرها ومبين عليها هسه كاعده م̷ـــِْن النوم شكد حقدت عليها شكد حقيره وماعدها. ضمير كلشي صار بسببها وهيه ولاكانو.
شافتني وتغيرت كل ملامح وجهه
نزل جابر وجهه ذبلان ومبين عليه القهر ولضوجه
كعد ع طاوله وحجه شهد سويلي ريوك
باوعت عليه وحجيت اني ساره مو شهد شبيك جابر
مسح وجهه بتوتر وسحب نفس بقهر ورد تعبان كلش
سويلي جاي راسي راح ينفجر م̷ـــِْن التفكير.
تقربت لارا وحجت صباح الخير
رد عليها جابر صباح النور. اني ماريديت عفتهم ورحت للمطبخ سويت ريوك وجاي لجابر وطلعت شفت لارا لازمه ايد جابر وتحجي.
م̷ـــِْن شافتني بسرعه شالت ايدها عنه ونزلت عيونها
كعدت وحجيت تفضلو ياعرسان
لزم ايدي جابر وحجه اكعدي خليني اشرحلج الموضوع
كعدت يمه وحجالي القصه كلها حسيت نفسي ضلمته بتفكيري
سحبت نفس ورديت ليش ماحجيت م̷ـــِْن الآۆلْ ليش ضميت لموضوع عنه جان حجيت الامي لشهد يعني الي صار هسه احسن
شهد كلبها مكسور وحالتها حاله وامي زعلانه عليك ومتاكل شي. وهل شي ڱڵـه. بسببك غير تفهمنه لموضوع قبل
ردت عليه لارا. اني اسفه كلشي صار بسببي مرته تاذئ راسها ونقهرت عبالها احنه متزوجين عن حب بس والله كله اتفاق بس اريد اخذ جوازي واسافر قصص وروايات عراقية
واخلي يرجع مرته اله. واذا تحبون اني احجي وياها وافهمها كلشي
سحبت نفس بقهر ورديت لا ميحتاج تروحين انتي
جابر يروح ويشرحلها لموضوع واكيد راح تتفهم وضعه هيه تحبه. وهمه متزوجين ع حب
متعلقه بيه مثل الطفله الي تريد ابوها ومن عرفت بيه متزوج تخبلت وصار كل هاذه
هزت راسها وردت اعرف مبين م̷ـــِْن تصرفها لبارحه شكد تحبه وتغار عليه بس اطمني كم يوم واخلي يطلكني واسافر وخلي كلشي يرجع طبيعي.
باوعت علئ جابر يشرب جاي وصافن
لزمت كتفه وحجيت لاتضوج شهد راح تتفهمك والله
باوع عليه ورد اني طالع حاولي تتصلين عليها واطمني علئ الاطفال.
هزيت راسي بأي
عافني وطلع للغرفه مالته يغير ملابسه اتصلت علئ شهد وحجيت وياها خطيه كان صوتها متغير ومبين عليه القهرر
نزل جابر وحجه ساره انطيني علاج راسي راح ينفجر
اشرلي بعيونه انو ويه منو احجي.
بعدت جهاز مِڼـّي وهمست شهد
اخذ الجهاز مِڼـّي وصار يحجي وياها وكل كلمه تحجيها وياه يسحب نفس حسره تطلع م̷ـــِْن كلبه
بقيه بس ساكت ويتسمع عليها غمض عيونه بقهر
شفت بعيني شون يحبها وكلامها يأثر بيه اول مره اشوف القهر بعيون جابر
اول مَـرّھٌ شخص يأثر كلامه بيه
انسد الاتصال انطاني الجهاز وطلع برا بس كلش مقهور وكلبه نار مشتغله بيه علئ مرته واطفاله
بقيت كاعده بغرفتي كانت الساعه ب 12 الضهر
اتصل جهازي كان عصام فرحت بأتصاله لبارحه اتصل عليه ميجاوب
رديت عليه بلهفه هلا عصام شونك
جاوبني تمام وانتي شلونج شخبارج
رديت عليه الحمدالله تمام. عبالي زعلان مِڼـّي ومترد علئ اتصالاتي
سحب نفس ورد والله الموقف الي صار لبارحه مضوجني كلش وكاسره خاطري شهد بس تبجي وحالتها حاله
والله لْـۆ مو اخوج جابر وزوج اختي جان م̷ـــِْن زمان ذبحته وخلصت منه
رديت عليه بصدمه لا سم الله عليه لاتحجي هيج والله جابر ماخاين اختك وهل زواج بس ع ورق مابينهم شي ابد
حجيتله كل الموضوع
سحب نفس ورد. اذا شغل مثل ماتكولين ليش ماحجه شي الكم جان حجه الامج ع اقل اذا يخاف ع شهد ويكول تتاذه وتنقهر
جان حجه الامج. عبالج غبي واصدك بهاذه كلامه
شاف اختي راحت م̷ـــِْن ايده وطلعله عذر حته ترجعله
بس بأحلامه ارجعها بعد كلشي صار مستحيل يشوف طولها بعد. هاي اختي تبقه بيتنه معززه مكرمه واذا ع اطفاله فأني اعرف ب قانون وراح اخذهم منه
غمضت عيوني بقهر ياربي هاذه ميتفاهم ابد ولاراح يخلي لموضوع يمر بسلام
رديت عليه انت لاتخرب بينهم حاول تصلح بينهم ترا اختك عدها اطفال وحرام تبعدهم عن ابوهم بعدين اخوي كم يوم ويطلك هاذي
ضحك بخبث ورد. اخوج لْـۆ يريد يطلكها جان طلكها م̷ـــِْن شاف اختي بهذيج الحاله كانت تبجي ومنهاره مافتح حلكه ماطلك هسه راح يصير شاطر لاحد مارجعت الي
سحبت نفس ورديت عصام حبيبي فدوه لاتاخذ كلشي بعصبيه وزعل. اليي صار صح غلط وشهد متستاهل كل هل شي بس ترا جابر يحبها والله ومايهون عليه زعلها
والله حالته حاله ومتاذي كلش بعدها عنه يريدها بس تهدئ وراح يشرح كلشي الها
رد عليه. دير باله يفكر يجي علينه ويحجي وياها والله اكسر رجليه خلي بعيد عنها م̷ـــِْن غير شي هيه تعبانه مرايدها تشوفه وترجع تنهار
رديت عليه بس اذا ميحجي وياها راح يبقون متزاعلين
جاوبني عادي خليهم متزاعلين وشنو يعني
سحبت نفس ورديت عصام شبيييك. اني وين احجي وانت وين متحب شوف اختك مرتاحه شنو
رد عليه بعصبيه صوتج اذا عليتي عليه لسانج اكصه
فتهمتي خليني محترمج وساكت
ياربي صبرني عليه هاذه مجنون وميتفاهم
رديت عليه اني اسفه بس انت مجاي تتفهمني احنه لازم نجمع بيهم مو نفرقهم لاتنسه. شهد تحبه واكيد م̷ـــِْن تعرف هل شي راح تتفهمه
رد عليه عوفج منهم. العرس راح أجله
ستغربت م̷ـــِْن كلامه رديت عليه ليش شنو صار
رد. الوضع ممستقر هسه خلي يهدئ الوضع ونتزوج يعني مو بهاذه الاسبوع راح نتزوج الاسبوع الجاي انشالله.
سحبت نفس بقهر ورديت تمام مثل ماتحب يمته متحب نسوي العرس اني هم اريد اهتم بأمي هل فترا مريضه
رد عليه لاتضوجين ساره تراني احبج
ابتسمت ورديت واني هم احبك. ماضوج منك لاتخاف
همس كم يوم وتصيرين بين احضاني واخذج م̷ـــِْن اخوج النذل اخلي يتحسر علئ شوفتج
ضحكت ورديت ههههه ليش يتسحر يكدر يجي عليه ويشوفني
رد غير اكسره تكسر اذا يوصل لبيتنه مستحيل يشوفج انتي بس تصيرين الي مكانج بكلبي مو بغير مكان
ابتسمت ورديت تمام
بقينه نحجي شويه مره عصبي مره رومانسي ويتغزل بيه. احسه موطبيعي ابد بس شسوي بعد تورطت وياه
وصراحه صرت احبه واحب عصبيته احسه مثل الجمر م̷ـــِْن يعصب وعيونه تصير مثل عيون الاسد
همه هم ملوينين مثل عيون شهد بس مو واضحات يعني لون باهت بس لايك عليه كلش
الي يشوف شكله يكول كلش هادئ بس هو ب حقيقه عصبي وميتحاجه.
.........................................................................
ايمن.
كعدت الصبح ملكيت روان يمي دخلت غسلت وغيرت ملابسي اريد اروح للشغل.
شفت روان ب مطبخ تسوي ريوك دخلت عليها وهمست صباحوو يحلو.
دارت وجهه عليه وكانت ضايجه ماردت عليه شي
استغربت شبيها روان لبارحه كانت طبيعيه ومهتمه بيه
لزمت اكتافها وحجيت شبيج روان ليش ضايجه
ابتعدت عني وردت مابيه شي اطلع للصاله شوي ويجهز الاكل
بقيت مركز بعيونها وحجيت. مبلا بيج شي شكو احجي اعرفج م̷ـــِْن تكونين ضايجه او ضامه شي بكلبج احجي روان
دارت وجهه وبقت تجهز ب ريوك وردت عرفت جابر متزوج. وانت الك علم بهاذه الشي وابد محجيتلي شي عنه.#ڪــڔٰا̍ڕ
فتحت عيوني بصدمه هاذي شون عرفت بجابر متزوج
لزمت ايدها ودرت وجهه عليه وحجيت انتي منين عرفتي هل شي منو كلج
سحبت ايدها مِڼـّي وركزت بعيوني وحجت شعليك منين عرفت الهم انت ضام لموضوع عني يعني متثق بيه بس اني احجيلك كلشي
لْـۆ اني ضامه عليك الموضوع مجان سويتها قصه عليه
لزمت وجهه وبسته ورديت والله موهيج بس جابر طلب م̷ـــِْن عندي ماحجي لاي شخص عن الموضوع
هاي السالفه الي صارت ويانه ضامها عن الكل وماحجه لشخص عنها ليش هو يضم اسرارنه واحنه لا
بعدين حته لْـۆ عرفتي شراح تسوين يعني اصلا كل السالفه قضيه ويريد يحلها م̷ـــِْن يكملها يطلك البنت وكلمن يمشي بطريقه
يعني زواج ع ورق الاكثر
نزلت عيونها بقهر ورديت حت لْـۆ جان حجيتلي الموضوع ليوم ماما كلتلي عن الموضوع تكول سمعت جابر يحجي لبابا ويريده يروح لشهد
شلت راسها بطرف ايدي وهمست ماعلينه باحد المهم احنه وليوم اني راح امر علئ اهلج واشوف عمي شنو سوه ب سالفه الي صارت
اشو ساكت لاحس ولانفس اذا ميتصرف عمي اني اتصرف واعرف شون اخذ حقي. م̷ـــِْن هاذه النذل
لزمت ايدي وركزت بعيوني وردت لا ايمن لاتصرف شي نتندم عليه بعدين يمكن بابا باله شي ومنتضره
ابتعدت عنها وحجيت بعصبيه شنووو الي باله شنوو
اشو ساكت حته ميحجيلي شيي
باوعت عليه وردت ايمن فدوه لاتضوج نفسك اكيد بابا مايقبل يصيرلي شي ويسكت انت بس اهدئ وليوم مر عليه واحجي وياه
هزيت راسي بأي
كعدت تريكت وياها خلصت وطلعت. لشغلي
كملت شغلي ورحت علئ بيت عمي ابو روان دكيت الباب وفتح ليث سلمت عليه ودخلت سالته عن عمي كال موجود ب ديوانيه
دخلت للديوانيه كان فهد كاعد وياه ابوه وعمي يمهم
فتحت عيوني بعصبيه واحس ناار طلعت م̷ـــِْن عيوني.
تقدمت عليه بـسٰـرعَه وسحبته م̷ـــِْن قميصه وصحت بصوت عالي. حيووووان شوون الك عينن تجي لهناااا بعد الي سووويته والله ليوم ادفنك هنا
ضربته بوكس علئ وجهه. وكعته ع ارض وكف عمي وصاح بصوت عالي اااايمن
باوعت عليه بعصبيه وصدري يصعد وينزل م̷ـــِْن الغضب حجيت هيج اتفقنه ياااعمي هيج متفقين احنه
تقرب مِڼـّي ولزم اكتافي ورد. اهدئ واحجي عدل ويايه اني دزيت عليهم حته يحجيلك فهد الي صاار
ابتعدت عنه وحجيت ماريد اسمع شي منه هاي وصلني جوابك طلعت ماتحب روان. ولاتهتم لوضعها
لزمني م̷ـــِْن قميصي وزمجر بصوت غاضب احترم نفسك ولك شو لسانك طوويل عليه
بعدت اديه عن قميصي وحجيت. انت مو كلت راح اتصرف مو كلت خلو لموضوع عليه ليشش داز عليه هاذه العاار كانت روان راح تموت م̷ـــِْن وراه.
سحب نفس ولزم ايدي وكعدتني وكال بويه ياايمن اني ماريد تتعارك وياه يكول والله ماله علاقه بشي بس لبنت مفتهمه لموضوع غلط.
يكول جنت كل مره اسال عنها وعن درجاتها لان بنت خالته ودائما يهتملها بس مال توصل وياه ويضرها هاذي مستحيله
وكال تكدرون تاخذوني وتحلفوني الي صار ماله ذنب بيه ولامدخل بحياتكم لاتضلم الولد واحنه لآزٍمٍ مانصدك. بكلام الناس
ركزت بعيون عمي بغضب وحجيت وانت صدكت كلامه ناس ماتتهمه باطل هاذه مخلي عينه ع روان والله مراح اسكت عنه
واذا انت متريد تحاسبه اني احاسبه ع طريقتي
رد عليه فهد بعصبيه شوف لك سكتتلك هوايه لاتسوي نفسك فدشي عظيم علينه
لادخلني بينك انت وروان. بعدين روان بنت خالتي قبل لاتكون مرتك ويمته ماحب اسال عنها واروح اشوفها وانت مالك حق تمنعني
طفرت عليه ولزمني عمي م̷ـــِْن ايدي وباوعلي بغضب ورد. شنو مابقه احترام احنه كدامكم وانتو تتعاركون صدك ماتستحون انتو
واني الي اكول ايمن ماكو منه ومؤدب هيج تصرف كدام خطاري
ابتعدت عنه وحجيت بعصبيه ماخلص شغلي وياك فهد الايام بيناتنه راح اعلمك منو اني. بسيطه بسيطه
عفتهم وطلعت بعصبيه فتحت الباب مال السياره ولزم ايدي ليث ورد ايمن شبيك ليش طالع هيج شصار وياكم.
ابتعدت عنه وحجيت خلي ابن خالكم ينفعكم اني مالي قيمه عدكم. اترخص. عفته وصعدت سيارتي واني فاااير م̷ـــِْن العصبيه
كنت داسوق وادخن افكر بكلام عمي. هو وعدني انو يتصرف شون صدڪُ كلام فهد شلووون
وصلت للشقه ودكيت الباب فتحته روان كانت ملابسه شال ع راسها ورافعه شعرها
دخلت وسحبتها م̷ـــِْن ايدها بقوه وركزت بعيونها وحجيت مره ثانيه م̷ـــِْن تفتحين الباب تخلين الشاااال ع راسج فتهمتي
باوعت عليه بستغراب وسحبت ايدها عني وحجت اوك اخلي شال بس شبيك معصب وعيونك طاكه
خليت ايدي ع راسي وحجيت طلع ابوووج ممسوي شي. ويكول انو فهد برئي والي نكال عليه كله جذب وماله صحه
لزمت كتفي ودارتني عليها وردت شنووو شدتحجي شوون برئي والي حجته البنت عليه يعني شنوو تتهمه جذب
مسحت وجهي بتوتر ورديت مااعرف والله مااعرف ابوج مجاي يتفهمتي ولزم قميصي كدامهم وكان ناوي يضربني. لان ضربت فهد
خلت ايدها ع حلكها بصدمه هزت راسها وردت مستحيل بابا يحبك مستحيل يفكر ياذيك بشي اكيد الي صار سوء تفاهم. انت بس خليك هادئ
ضربت الميز برجلي وحجيت شووون اصيرر. هادئ وهاذه العاااار. ممحاسبه اذا ماخلي يتندم ماطلع ااايمن اني اعلمه
لزمت ايدي وحجت لا ايمن فدوه عوفه خيولي ماريد يصيرلك شي خيولي حت لْـۆ هو سبب خلينه ننسه الموضوع
لزمت وجهه بغضب وركزت بعيونها ورديت مو اني الي اسكت عن حقي اذا ناسيه اني محامي وراح اجرجره ب محاكم واسجل قضيه عليه. الي اريده منج بس تكونين ويايه بهاذي الخطوه
واني مراح اذي شخص مو طبعي اضرب واقتل لا
اكو قانون وهو الي يحاسب وراح اسحبه للمحاكم وجابر كلي يمته متحب اكدر اسجنه
بعدت عني ومسحت دموعها وردت بس انت لاتصرف شي قبل ماتتاكد انو هوه الي سوه كل هل شي يمكن صدوك موهوه الي خلاني اتاذئ
والي صار كله صدفه خلينه نفكر بهدوئ حته مانغلط غلط ونتندم عليه بعدين.
كعدت ع غنفه وخليت ايدي ع جبيني بتوتر واني افكر بكلام عمي وطريقت كلام فهد ويايه مستحيل يطلع برئي هاذه م̷ـــِْن شكله واحد جذاب ونصاب
كعدت يمي روان وخلت راسها ع كتفي وهمست لاتقهر نفسك. ولاتضوج فدوه كلشي ينحل بس اهدئ شويه
سحبتها لحضني وبست راسها وهمست وجودج يمي كافي. ماريد اي شي
لزمت وجهي وهمست لاتزعل م̷ـــِْن بابا ترا يحبك والله
سحبت نفس ورديت بس ليوم عرفته يحب ولد خالج اكثر مِڼـّي
هزت راسها بنفي وردت لا والله انت اعز منهم م̷ـــِْن قبل لاصير مرتك وهو كان يكول ايمن واحد منكم معتبره ابني والله
اصلا اخوالي قليل يجون علينه انت ربيت ويانه يمكن بابا علئ صوته عليك بس اكيد م̷ـــِْن خوفه عليك ولمصلحتك الاكثر
لزمت وجهه وبست راسها ورديت كلامج يريحني دائما
حضنتني بقوه وهمست انت راحتي وماحب اشوفك ضايج
ولاتفكر انو اهلي ميحبوك ب عكس والله يموتون عليك
ومعتبريك واحد منهم.
