رواية ابي عذابي ومأساتي الفصل الأربعون بقلم سمر اسامه
مر اسبوع واني بيت اهلي وجابر ابد ماتواصل وياه مرات يدزلي رسايل اشوفهم واغلس.
بس ساره م̷ـــِْن تتصل ارد عليها تسالني عن الجهال وعمتي همات تحجي ويايه صح الي سواه جابر غلط بس عائلته مالها ذنب بشي
وهمه مثلي انصدمو.
كعدت الصبح علئ صوت نمر يبجي رحت عليه سويتله ممه ورضعته وغيرت ملابسه
اسد كان نايم مثل الملاك. عمرهم قريب راح يصير 6 اشهر.
صارو يكعدون وكبرو صارو يخبلون فدوتهم
اخذت نمر ونزلت شفت الكل بعده نايم ساعه كانت ب 7 الصبح.
اخذت ابني ورحت للمطبخ خليته كاعد ع ارض وبقيت اسوي اكل الي ولنمر همات اوكله وياييه
كملت وكعدت اريك بيه وهو ياكل مِڼـّي ويضحك
خليت جاي ب ارض ورحت اجيب الصمون اخلي ب صينيه
ماحس بس ابني صرخ بصوت عاااالي درت وجهي عليه شفته واكع عليه الجاي.
صرخت بصوت عاااالي ييييمه نمرررررر عزا لعزاني
لزمته وهو مثل الطير المذبوخ الجاي واكع علئ ايده الناعمه
ونار صايره م̷ـــِْن الجاي احتركت كلش
بقيت ابجي واصرخ وهو. ميت بين اديه روحه رايحه
صار وجهه اززززرك م̷ـــِْن البجي
طلعت اركض وابني ع كلبي مخليته بقيت اصرخ بصوت عااالي عصاااااام. عصاااااام تعااالو سااااعدوني ييييمه ابنييي ييييمه
طلعو اخواني يتراكضون ع صـوتي شافو نمررر بدي صاير ازرك م̷ـــِْن البجي.
لزمه مِڼـّي هشام وركض للسياره واني وراه اركض بدون لاشال ولاعبايه احس كلبي طااار علئ ابني يييمه ابنيييي يمممه نمررر شلووون بيه
لزمني عصااام م̷ـــِْن ايدي وصاح بصوت عاالي شلوون احتررررك شلووون
بقيت الطم علئ وجهي واني ابجي واصرخ مااادري مادرري شلوون وكع عليه عصااام ابني فدوه ارريد ابني لاتخلي يموت والله اموت وراه
هشام اخذ نمر وساق بسرعه مخلاني اصعد لان بدون لاحجاب ولاشي
عصام شمر عليه العبايه وصعدنه بسيارته واني اخذت الطريق كله ابجي وانوح علئ ابني. ييييمه نمررر سوده بوجهي يييمه مادرت بالي علييك
وصلنه للمستشفئ وهشام هسه واصل ركضت علئ نمرر اخذته م̷ـــِْن ايد هشام وهو يصرخ م̷ـــِْن الوجع وصوته راح م̷ـــِْن الصريخ
صار يكح وب كوه يتنفس
بقيت اصرخ يييمه راح يمووت يممه نمرر.
اجت دكاتره اخذته م̷ـــِْن ايدي وراحت واني بقيت بس اصرخ وابجي ودموعي تشكي حالي والله احس روحي اني لنحركت مو هوه
كلبي صااار ناااار علئ ابني
لزمني عصام م̷ـــِْن اكتافي وحجه اهدي مابيه شي انشالله اهدي
وكعت ع ارض واني ابجي واحجي كله بسبي اني مَآعِرَفتّ اهتم بأطفالي شلووون ماهتميت بيك ييمه سوده عليه
وكفت ولزمت عصام م̷ـــِْن ايده ودموعي تتطافر عصااام ابني مراح يصيرله شي موو مراح يمووت موو
لزم وجهي ومسح دموعي ورد مراح اخلي يصيرله شي اهدي وكافي بهذلتي روحج كدام العالم
هشام واكف ومخلي اديه ع راسه بخوف واني كاعده وابجي عصام يروح ويرجع ع نمر
تقرب مِڼـّي هشام وباوعلي بعصبيه وحجه شووون ماتنتبهين ع طفل صغير انتي غبيه شون تخلين جاي يمه.
نزت عيوني بقهرر ودموعي تنزل عشره عشره
ورديت والله كنت داريكه وكفت بس اجيب صمون وهو وكعه ع نفسه
مسح وجهه بتوتر ورد. كافي تبجين انشالله مابي شي حرك بسيط.
طلعت دكتوره رحنه نركض عليها بلهفه سالتها دكتوره شونه ابني طمنيني بردي كلبي.
ابتسمت وردت لاتخافين ماما ابنج حالته زينه هسه حرك بأيده وايده ناعمه. زين م̷ـــِْن لحكتو عليه جان تلوثت.
بس هسه ضمدناها وصارت زينه لاتخافون عليه
خليت اديه ع وجهي بقهر وهمست الحمدالله ياربي
رديت عليها دكتوره اكدر ادخل عليه
جاوبتني اي بس البسي كمامه وملابس معقمه حته مايصير تلوث ب جرح مالته. هزيت راسي بأي ورحت لبست ودخلت عليه
شفته نايم وايده مضمده
تقربت منه واني اشهك م̷ـــِْن البجي. سوده عليه ياعمري. سوده بوجهي اني الي مانتبهت عليك سوده عليه يايمه
بقيت كاعده يمه وعيوني تمطر دموع ياربي اذا عرف جابر شراح يسوي شراح يكول عني ماهتم بيهم معقوله ياخذهم مِڼـّي
لا مستحيل مانطي اطفالي اله والله. اموت ومانطيهم
بس راح يحجي عليه راح اطلع. ممسؤله عن اطفالي ياربي ليش ديصير هيج بيه اؤف
دخلت دكتوره وكالت لازم تخلي يرتاح اطلعي
باوعت ع دكتوره وعيوني تمطر دموع. فدوه خليني يمه بس شويه مراح اسببله ازعاج
هزت راسها بنفي وردت لا ماما ميصير لازم تخلي يرتاح شويه وتكدرون تاخذو وياكم للبيت
طلعت وتذكرت ابني اسد عزا اسد منو بقه يمه حته كريمه ماوصيتها عليه ييمه شلوون اذا صارله شي اموت والله
رحت اركض علئ عصام واني ابجي وحجيت ع عص
عصام ابني اسد اسد.
فتح عيونه بصدمه ولزم اكتافي ورد شبيه اسدد شبيه
بلعت ريكي بغصه وحاولت احجي. خايفه عليه بقه ب بيت وحده وحته ماطلبت م̷ـــِْن كريمه تهتم بيه
مسح وجهه بتوتر ورد لاتخافين قبل شويه اتصلت عليها كالت كاعد ومسويتله ممه وهسه يلعب
سحبت نفس بقهر ورديت متاكد يعني سمعت صوته
ضحك ولزم وجهي بثنين اديه ورد بابا لاتخافين مابي شي والله بس اهدي شويه
ابتعدت عنه ورحت كعدت ع كرسي الي ب ممر ومسحت دموعي ياربي دخيلك ماريد شي يصيب اطفالي مالي غيرهم
والله اذا يصيرلهم شي اني اموت وراهم ماتحمل اشوفهم مخدوشين.
بقينه شويه وكال عصام نكدر نطلعه هسه رحت علئ الغرفه وشلته بس حيل خايفه اذي هو كان ساكت مخلين بأيده حلويات حته يلتهي بيهم
طلعنه ورجعنه للبيت طول الطريق اباوع عليه واني خايفه وهو يعض ب حلويات
باوعلي عصام ب مرايه وهمس كافي تبجين هاي نمر مابي شي ويلعب شبيج انتي
مسحت دموعي ورديت خايفه عليه كلش يمكن هسه مجاي تاذي بس م̷ـــِْن نفتح الضماد ونعقمها اكيد راح تاذي هوايه
ابتسم ورد لاتخافين الحرك مو قوي بسيط وراح يتحسن بمرور الوقت انتي بس هدي شويه وكافي تبجين.
وصلنه للبيت اخذت نمر ودخلنه شفت اسد كاعد ب ارض ونوال مخليه كدامه العاب وتركبله بيههم اله وهو يضحك
اجتي كريمه عليه واخذت نمر تبوس بيه وتمسح علئ خدوده وتقرا ايات باوعت عليه وكالت. دهر صابج يل خبله ولج حركتي ايد نمر الجنه طير ذهب قصص وروايات عراقية
ابتسمت بقهر ورديت والله ماعرف شون صار هيج
اخذته وكعدت ع غنفه تمسح ع راسه وتحجي عليه وتغلط. ماضجت منها ابد لان خايفه ع ابني.
رحت علئ اسد وخليته بحضني وبوست راسه وعيونه وخده واني اباوعله خاف متاذي او بيه شي هو يباوعلي برائه وعيونه تلمع
حجيت. نوال بالج عليه بس اصعد اغير ملابسي هزت راسها بأي. عفتهم وصعدت لغرفتي سبحت وغيرت ملابسي.
كنت اريد انزل سمعت صوته اي صوته هاذه جابر اجه ياربي شراح اكوله شون الي عين اطلع كدامه بعد الي صار
اسمعه يبوس بنمر ويكوله. باباتي حبيبي متاذي شون صااار هيج ليشش متنتبهون عليهم ليششش
نزلت وكلبي احس راح يطلع م̷ـــِْن مكانه ارجف م̷ـــِْن الخوف. اول مانزلت شال عيونه عليه واحس. عيونه مثل النار
كانت عمتي جايه وياه شفتها واني نهاريت ب بجي
رحت اركض عليها وحضنتها واني ابجي بصوت مسموع.
بعدتني عنها ومسحت دموعي وهمست كافي يمه لاتبجين. مابي شي نمر شويه ويتحسن
هزيت راسي بقهر كله مِڼـّي اني مَآعِرَفتّ شون اهتم بيهم اني مو ام اني ماستاهل اكون امهم
وكف جابر وكان لآزٍمٍ نمر بحضنه باوع عليه ركزت بعيونه واني ابجي. عفتهم وصعدت لغرفتي ابجي ومنهاره
دخلت للغرفه. شمرت نفسي ع سرير وبقيت ابجي وجود جابر صار يضايقني صرت ماتحمل اشوفه كدامي انهار ب دموع اتذكر شون خدعني وكذب عليه
اندك الباب ودخل جابر شلت راسي شفته جابر واكف ب باب وعيونه تراقبني ومبين عليه القهر
وكفت ومسحت دموعي وحجيت شعندك داخل لهناا اطلع مااريد اشوفك كل الي ديصير بسببك انته كله منك
تقرب مِڼـّي ولزم اكتافي الاطفال عندي لْـۆ عندج ليش تذبين صوج بيه وانتي ممهتمه بيهم شـٰ۫ﹻـبـيـج شهد
دفعته وحجيت ايي. عندي. واني مَآعِرَفتّ شون اهتم بيهم جاي تحاسبني مووو.
بس اني ليش ماكدر احاسبك ليش ماحاسبتك ع تصرفك هاذه
مسح وجهه بتوتر شعليه لموضوع بحرك ابني
ضربته علئ صدره وحجيت هذولي اطفالي مالك اي حق بيهم سمعت هذولي اطفاالي واريد اطلك منك واخذهم كدام عيونك
لزم ايدي ولواها. وسحبني ع صدره . اطفالنه هذولي لاتكولين هيج. شهد لاتتخبلين وتحجين كلام مو م̷ـــِْن عقلج. اسمعي كلبج شكلج تكدرين تعوفيني تبتعدين عني
نسيتي منو جابر نسيتي حبيبج ابوج اخوج زوجج كنت كلهم الج ماخليتج تعتازين شخص كنت سند الج بأيامج الصعبه هسه م̷ـــِْن صرت بحاجت وجودج ويايه عفتيني ورحتي
هو هيج الي يحب
ابتعدت عنه ودموعي تتطافر. مو اني الي بعدت عنك انت الي بعدت عني انت الي ختاريت وحده غيري فضلت وحده عليه ليشش سويت هيج ليشش
صح كنت معتبرتك. ابوي وحبيبي وزوجي كلشي كنت ب نسبه الي بس انت بهاذه تصرفك كسرت كلشي كان يربط بينه كلشي
خليت الشخص الي يحبك مكسور ومايكدر يسوي شي
كل الي ديصير م̷ـــِْن تفكيري. مجاي اكدر اركز بحياتي امشي واحجي ويه نفسي
تعبت اريد اموووت ورتاح. وكعت ع ارض وخليت اديه علئ وجهي وصرت ابجي بحركت كلب.
نزل ولزم وجهي بثنين اديه. ومسح دموعي اعرف كسرت كلبج بهل تصرف بس صدكيني ماكو غيرج بكلبي. كل هل شي. قضيه
وداعت. دموعج ماكو شي بينه مجرد داساعدها ابوها ضابط ب شرطه ومتهمي بقضيه وسافر لغير دوله وبنته هاذي مكان جوازها جاهر. فأسجنوها
طلب م̷ـــِْن عندي هل مساعده وكال انو اساعدها وبس اطلعلها جواز سفر راح اطلكها وخليها تسافر الابوها ويخلص كلشي
نزل راسه علئ راسي ولعبره كاتلته. لاتكسرين كلبي بهاذه كلامج ماتعرفين شكد انجرح م̷ـــِْن كلامج كلش يأثر بيه دموعج دمرني والله
بقيت مركزه بعيونه ودموعي تنزل مثل الشلالات رديت بقهر. يعنيي يعني ماكو شي بينك وبينها
لزم وجهي بثنين اديه وباس راسي وعيوني ورد والله ماكو اي شي بينه انتي حبيبتي وطفلتي انتي بنيتي شهد. شون احب غيرج وانتي موجوده بحياتي لهل درجه ماعندج ثقه بحبي الج
ابتعدت عنه وحجيت لْـۆ صّـْْح گلآمَگ. ليش ماجيت وحجيتلي ليش ماشرحتلي الموضوع مافهمتني ليشش كذبت علينه
عبالك راح اصدك بهاذه الكلام لْـۆ صدوك شغل مجان جذبت علينه ومجان جبتها للبيت جان خليتها ب شقه مالتك عبالك غشيمه اني وتضحك عليه بكم كلمه
تقرب مِڼـّي وركز بعيوني وهمس. شقصدج اني جذاب
بلعت ريكي بغصه ومارديت عليه
لزمني م̷ـــِْن اكتافي بقوه وعصرهم ركز بعيوني وهمس داحجي وياج. هاذه كله ومجاي تصدكيني معقوله لهل درجه وصل وياج الغرور
الكل مصدكني عداج. بس ليش اعتب عليج ع منو طلعين. غير ع اخوج العااار معلمج شون تصرفين صح
دفعته وحجيت احسن منك اخووي ع اقل مايجذب
ولايخذع الناس ويحجي طك بطك ومايخاف م̷ـــِْن احد
لزمني م̷ـــِْن شعري وسحبني عليه وزمجر. اني مخادع شهددد. لاطلعين خبالي عليج خليني متحملج كلت زعلانه وحقها تضوج وتسوي هيج
بس ماعرفتج غبيه وتافهه هيج. شوون تحجين عليه هيج وكدامي شنو انتي ماعندج تربيه
ركزت بعيونه واني ابجي همست بوجع. عووفني جاابر عووفني دفعته واني ابجي حجيت اي ماعندي تربيه اني موزينه شجابك عليه عوفني بحالي روح لمرتك الجديده
الي مخليتك ماتعرف شون تصرف بس م̷ـــِْن الًيَوُمًِ تنسه عندك مره اسمها شهدد. ماااريد بعد اكررررهك
ركز بعيوني ثواني وصدره يصعد وينزل هز راسه بأسئ ورد ماتستاهلين حبي الج والله مع الاسف عليج وع ايام الي عشتها وياج.
عافني وطلع ضرب الباب بقوه
وكعت ع ارض واني منهاره وابجي ياربي ليش ديصير هيج بيه ليششش مجاي ارتاح بحياتي تعبت والله تعبت
خرب حبي وزواجي اني وجابر. كنت اكول كل ناس تتغير عليه عده جابر لان يحبني ويخاف عليه شنوو الي تغير هسه شنووو
بقيت ب غرفه وابجي لاحد مادخت ونمت
.........................................................................
ساره.
مر اسبوع علئ الاحداث الي صارت ب بيت البيت فارغ علئ شهد ولاطفال مشتاقيلهم كلش
جابر صاير نفسيه ودائما يدخل ضايج ويطلع ضايج وميحجي ويه شخص مرات ماما تكعد وياه وتصبر عليه بس هو ابد مينطي كلام ولايحجي شي
مرات يجي يسالني عن شهد واذا اتصلت عليها وسالتها عن الاطفاال صح هو ويانه ب بيت بس روحه وعقله يم شهد واطفاله.
كانت ساعه ب 10 الصبح. تريكنه وداغسل ب صحون وجابر لسه نايم بوقتها جمعه وعطله عنده فمراح للشغل بقه مرتاح ونايم
وماما اخذت ملاك للروضه ورجعت اني بقيت اغسل ب صحون اتصل جهازي. نشفت ايدي م̷ـــِْن المي ورحت اشوف منو
شفته عصام ديتصل عليه. ابتسمت وفتحت خط همست صباح الخير
رد عليه بتوتر صباح النور شلونج
جاوبت بخير اذا انت بخير شبيك صوتك مو ع بعضه صاير شي
سحب نفس ورد ساره راح اكولج شي بس حاولي تهدين وماتسوين اي تصرف يرعب عائلتج.
بلعت ريكي بخوف ورديت شنوو عصام شصاير احجي لاتخوفني. قصص وروايات عراقية
رد عليه. ليوم الصبح نمر احترك ب جاي وهسه احنه ب مستشفئ. انتو اهله وهل شي م̷ـــِْن حقكم واني ماكدر اكول لجابر.
لطمت خدي ورديت برعب. عزززا يممه شوون صاار هيج شوونه هسه متاذي
سحب نفس ورد اهدي مابي شي حرك بأيده بس لسه ب مستشفئ شوي ونطلعه
خليت ايدي علئ حلكي وبقيت ابجي. سوده عليه ياحبيبي بعدهم صغار اكيد تاذئ هوايه م̷ـــِْن الحرك شون راح احجي لجابر هل شي
همس. سااره بعدج ويايه تسمعيني موو
مسحت دموعي ورديت اي داسمعج شهد وين شلونها
رد شهد حالتها حاله بس تبجي وتصرخ عليه ماعرف شون اتصرف وياها متخلي شخص يلزمها وبس منهاره ب بجي
رديت عليه بالك عليها. م̷ـــِْن غير شي هيه مكسوره وصار هل شي والله راح تموت م̷ـــِْن القهر
سحب نفس. اكيد تبقه اختي اذا ماهتم بيها بمنو اهتم انتي بس كولي لاهلج حته ميكولون ضامين لموضوع عنه.
رديت عليه تمام انت هم بالك ع نفسك وبس تطمن علئ نمر حاجيني تمام.
جاوبني. تمام بس نطلع اتصل عليج
سد الاتصال. بقيت اكل بروحي ياربي دخيلك مايصير لنمر شي والله جابر يتخبل. وراح يهجم لبيت عليهم اذا عرف
طلعت م̷ـــِْن المطبخ شفت امي كاعده ب صاله
رحت كعدت يمها وجهي مخطوف وماينطي الوان خايفه وافكر بنمر سوده عليه
لزمت كتفي امي وهمست ساره شبيج يمه شو وجهج اصفر شصار وياج
بلعت ريكي بتوتر ورديت ماما قبل شويه اتصل عليه عصام وكلي انو نمر محترك وهسه ب مستشفئ
وكفت بصدمه وردت شنووووو نمرر محترك شلوون شلوون حترك.
لزمت اكتافها وحجيت لاتخافين. يكول حرك بأيده محترك ب جاي
لطمت خدها وردت يمه سوده بوجهي. كله مِڼـّي اني خليتهم يروحون لهناك اني خليتهم. شلوون اذا صارله شي شلوون اواجه اخوج شكله
صرت ابجي حضنت امي وحجيت لاتحجين هيج يمه مابي شي يكول حرك بسيط بس لان بعده طفل صغير وجسمه ناعم متاذي
بعدتني عنها وركزت بعيوني وحجت جابر حجيتيله
هزيت راسي بنفي
كعدت ع غنفه وهيه خايفه وحجت شلون حترك شهد وين عنه ياربي دخيلك احميهم الي مالي غيرك يارب
نزل جابر وكان لسه كاعد م̷ـــِْن النوم. لابس بس بنطرون وتعلاكه. باوع علينه بستغراب وحجه شبيكم ليش ضايجين وجوهكم متتفسر
بلعت ريكي وباوعت ع امي.
ماما وكفت ولزمته م̷ـــِْن ايده وكعدته ع غنفه وحجت
يمه نمر محترك وهسه ب مستشفئ
فتح عيونه بصدمه قويه وكف بسرعه وصاح بصوت عاالي. شنوووو شلوووون محترك شلووون منو كلكم هل شي. شلووونه. ميت. مووو ميت ومتحجولي
ابنيييي ميت مووو
لزمته امي م̷ـــِْن اكتافي ابتعد عنها بغضب وخله اديه ع راسه حااير شيسوي رجع باوع ع امي وزمجر.
كله منج انتي خليتيهم يروحون ابنييي اذا صاارله شي فأهل شي بسببج يمممه بسببج
صارت تبجي امي وماتكدر ترد عليه لان هيه الي خلت شهد تروح. بس ميصير هيج يحجي عليها جابر
رحت عليه ولزمت ايده وحجيت لاتخاف مابي شي حرك بسيط بأيده لاكثر.
لزم اكتافي بقوه وركز بعيوني وزمجر. منو كلج هل شي. منووو
بلعت ريكي بخوف ورديت. ءا ع عصام اتصل وكلي
دفعني بقوه رجعت ليورا جان وكعت.
كعد ع غنفه وخله اديه ع جبينه بتوتر وهمس ااااااخ منج شهد ااااخ. ليش ماتنتبهين عليهم ليشششش
راحت عليه امي وصارت تهدي بيه.
وكف وحجه حضري نفسج يمه رايح اشوف ابني تعالي ويايه.
راحت امي تحضر نفسها وهوبقه يتصل علئ شهد وهيه كل عاده مترد عليه. احس نار طلعت م̷ـــِْن عيونه
ولغضب مبين علئ ملامح وجهه صعد بسرعه لغرفته
يركض ركض. احس روحه طارت علئ نمر وحق ابنه
اني ملاك اذا تنخدش خدش صغير اموت وياها
بقيت كاعده ب صاله وابجي ليش ديصير كل هاذه ويانه ليش مجاي نرتاح
طلعت لارا م̷ـــِْن غرفتها واجت يمي وحجت شصار ليش جابر قبل شويه يعيط
مسحت دموعي ورديت ابنه نمر محترك وماخذي للمستشفئ ومن عرف تخبل وصار يعيط هيج
خلت ايدها ع حلكها. خطيه شون صار هسه متصلتو علئ شهد طمنو عن حالته هيه اكيد يمه
سحبت نفس ورديت اتصل عليها جابر اكثر م̷ـــِْن مره بس متجاوب اني اسال عصام عنهم هو وياهم ب مستشفئ.
عقدت حواجبها بستغراب وردت عصام منو ?
جاوبتها. خطيبي يكون اخو شهد مرت جابر وهو حالين وياها ب مستشفئ
وهو الي كلي عن نمر محترك
ردت عليه هاا الله يشافي انشالله مابي غير العافيه
نزل جابر وجهاز ع اذنه يتصل ع شهد ومترد
غمض عيونه بقهر. وزمجر. رررردي خررررب اني اعلمج
صاح يمه وين صرتي يلاااااا
اجته امي بسرعه وطلعو ساق سيارره بسرعه خفت عليهم يصيرلهم شي بقت اقرا ايات وادعي ربي يشافي نمر وميصيرله شي
رجعت للبيت واتصلت علئ عصام جاوبني
هاا ساره
رديت عليه شون صار نمر بعدكم ب مستشفئ طلعتو
رد عليه لا طلعنه حالين داسوق راجعين للبيت م̷ـــِْن اوصل اخابرج. اوك حبيبي
رديت بقهر ممكن تنطيني شهد. اريد احجي وياها
انطاها. الجهاز وردت بصوت مقهور ومبحوح م̷ـــِْن البجي
هلا ساره
رديت بقهر واني ابجي شهدد شونه نمر شونها ايده متاذي موو
بقت تبجي وردت ماعرف شون صار هيج كنت داريك بيه ولزم جاي وكع كله ع ايده
سحبت نفس ورديت لاتبجين انشالله مابي شي انتي بس اهدي. جابر متخبل عليه ليش متجاوبين ع جهازج ترا يبقه ابوهم حرام تسوين هيج بيه
همست بصوت مقهور والله جهازي بقه ب بيت اني طلعت مثل المجنونه ورا ابني حته ماعرف شون لبست العبايه ركضت بدون شي
احس روحي طايره عليه
رديت عليها كافي تبجين انشالله حرك بسيط ويطيب انتي بس اهتمي بيه وكل يوم عقمي وخلي عصارت حروك
ردت عليه. ماكدر حته اشيله اخاف اذي تريدين اخليله عصاره حته يبجي غير اموت والله انتي لْـۆ شايفه حالته م̷ـــِْن نحرك
صار مثل الطير. المذبوح بس يرفس برجليه ويصرخ بصوت عالي.
سحبت نفس بقهر ورديت حت لْـۆ يبجي لآزٍمٍ تهتمين بيه حته يتحسن الجرح بسرعه ويرجع طبيعي
همست الله كريم. عمتي شلونها شخبارها انتي شلونج
رديت عليها الحمدالله زينين بس والله خفنه ع نمر وامي سمعت كلام قاسي م̷ـــِْن جابر
" لان خلتكم تروحو وصار هل شي
سحبت نفس وردت هو دائما هيج م̷ـــِْن يعصب معاد يعرف شنو يحجي وميشوف كدامه الام ولاخت ولاي شخص.
بس اكول •اللّـہ̣̥ يهدي ويغير م̷ـــِْن طبعه شويه
ابتسمت ورديت امين
بقينه نحجي شويه وسديت الاتصال
اجت يمي لارا وسالتني عن نمر رديت عليها الحمدالله كنت داحجي ويه شهد وتكول زين هسه وماخذي للبيت هسه
طالع م̷ـــِْن المستشفئ
همست الحمدالله يارب خطيه بعده صغير ميتحمل حرك. خليها بس تهتم بنضافت الجرح ومتخلي يتلوث
حته مايلتهب ويسببله امراض لاسامح الله
غمضت عيوني بقهر ورديت شهد مهتمه بيهم لاتخافين
عفتها وصعدت لغرفتي
.........................................................................
ايمن.
الي صار ويايه ابد محلو تعاركت ويه عمي علئ هاذه النذل وصرت ماحجي وياه بس اني مراح اسكت عنه ولازم ادفعه الثمن.
كنت كاعد ب مكتب اشتغل. اندك الباب وحجيت تفضل
دخل فهد وابتسامه خبيثه علئ وجهه #ڪــڔٰا̍ڕ
فتحت عيوني بغضب وهمست انت شجابك هنااااا
دخل ورد. م̷ـــِْن الاصول لآزٍمٍ تسلم ع ضيف قبل ماتساله شي
وكفت وطلعت جكاره وصرت ادخن ورديت بس اني ماستقبل زبايل.
تقرب مِڼـّي وهمس م̷ـــِْن بين اسنانه. انت جاي تغلط ايمن اني مو كل شخص يلعب ويايه اخلي يتندم والله خليك بعيد عن طريقي حته ماذيك
ضحكت بصوت عالي ونفخت الدخان بوجهه ورديت
ماتخوف جلبي سمعت ويلا راويني عرض جتافك نشوف منو يضر الخ
كعد ع كرسي ورد والله ياايمن اني جايك انبهك انو تبتعد عن طريقي وتكون مؤدب وتسد الموضوع اني مانكر اني سويت كلشي
حته احصل ع روان بس هيه مغروره وكانت ممعبرتني
دائما كنت اساعدها ب درجات ولدروس واروح للمدرسين واحجي وياهم حته يساعدوها
تالي انت اجيت ع بارد اخذتها مِڼـّي وماسالت عن احد
لزمته م̷ـــِْن قمصيه وضربته بوكس علئ وجهه وكعته ع ارض
رفعت اصبع تهديد وحجيت بغضب شوف قسما بالله اذا شفتك تباوع نضره وحده علئ روان لامحيك م̷ـــِْن الوجود سمعتتت
مسح حلكه م̷ـــِْن الدم وكف مقابيلي ورد ماتخوفني
اني م̷ـــِْن اخلي شي براسي اسوي واذا ناسي عمي ويايه هسه
واني قنعته انو ممسوي شي وهو صدكني وكذبك
اني صراحه مكنت اريد اضر روان الله شاهد بس كنت اريدها توكع طفل حته مايصير شي يربط بينك وبينها
لزمت قميصه بقوه وركزت بعيونه وزمجرت بصوت غاضب راح اندمك علئ هل عمله والله اذا ماخليتك تبجي دم فلا اطلع ايمن
الايام بيناتنه حته لْـۆ عمي ممصدكني لمهم مرتي مصدكتني وهيه الي تريد تعاقب الشخص الي خلاها تفقد طفلها
عبالك م̷ـــِْن تحجي هيج راح تستفزني وتخليني اذيك حته تشتكي عليه وتنسد القضيه لا حبيبي غلطان اذا ناسي اني محامي
وهل سوالف كلهن طاكت براسي فمراح تستفاد شي وهسه يلا انكلع ماريد اشوف وجهك
دفعته علئ الباب وباوع عليه بحقد وطلع
حسيت نار شبت بكلبي الحقير النذل يحجي كلشي كدامي بدون خجل اني اعلمه بسيطه
بقيت شويه كاعد واشتغل ع حاسبه اتصل جهازي كانت روان. فتحت خط ورديت الوو هلا روان
جاوبت بصوتها الناعم هلا يروحي وينك تاخرت ضل بالي عليك صاير شي وياك
سحبت نفس ورديت م̷ـــِْن ارجع احجيلج كلشي
ردت عليه بتوتر ايمن ليوم فهد اجاني للشقه وكان يريد يحجي ويايه بس طردته
فتحت عيوني بغضب ورديت انيي اعلمه هاذه النذل فتح عليه ابواب جهنم. سوالج شي حجه كلام بحقج
ردت عليه لا محجه شي بس يكول انتي ضالمتني بتفكيرج وانو انت تتهمه باطل واني ماتقبلت كلامه وطلبت م̷ـــِْن عنده يروح وهو راح بسرعه
بقيت افور م̷ـــِْن العصبيه رديت جايج مسافه طريق واكون يمج وتحجيلي كلشي ماشي
همست تمام منتضرتك لاطول
سديت الاتصال وطلعت سقت بسررعه للشقه هاذه الحقيررر حته شقه يعرف مكانها لايسوي شي لروان او ياذيها والله اشرب م̷ـــِْن دمه
وصلت للشقه دكيت الباب وفتحت روان. اول مافتحت الباب حضنتني بقوه وكانو خايفه م̷ـــِْن شي صارت تبوسني وتشم بعطري
بعدتها عني وحجيت شبيج روان خايفه م̷ـــِْن شي
هزت راسها بنفي وردت خايفه عليك كلشش خايفه يصيرلك شي والله اموت وراك
لزمت وجهه وركزت بعيونها وحجيت م̷ـــِْن شنو خايفه مهددج هاذه العااار موو احجي شنو كلج
ابتعدت عني وردت لا والله ممهددني بس اني ماعرف ليش كلبي مقبوض وخايفه عليك حته م̷ـــِْن تتاخر ومترد ع اتصالاتك
ميت سالفه تجي بالي واحس نفسي راح اخسرك
........................................................................
