رواية دمار ضالم الفصل الثالث بقلم ام علوش
#هل_انا.. #ام_هن... #البقاء_للاقوى.. #هل_تدوم
#البارت_الثالث..
بدأت رحلتي مع واثق وخصوصا بعد زياره امي الي كانت زيارتها دائماً قليله لانه عمتي وشلتها دائماً تشمر بالكلام بس اني وامي صمت لانه مو ضعف وانما احترام عمي وواثق لهلي هذا يفرض نحترم لخاطرهم.. وكان كلامه بعد ما عرفت وضعي وتصرفاتهن وياي ماما المره اذا رجلها.. الدنيا كله ما تهمه وانتي واثق زوجك وابو بيتك وطفلك والحياة تعلم والرجال ليش الزواج يغيره لانه شعور بالمسؤؤليه. احساسه هناك شخص يشاركه تفاصيل حياته يومه اذا هو انتي نايمه ويطلع يسهر ويتونس وانتي ما مهتمه لعد المن تزوج لا غيره منك لا احساس ومشاعر صح هو متعب لكن من يشوف حرص واهتمام اكيد يتغير وحتى ان ضربك تجاوز لانه هذا طبعه وصعب يتغير بين يوم وليله هذا ادمان فيا ريحانتي.. كوني ريحانه اله وحضن دافي... وفعلا بديت من يدخل البيت اهلي واسلم واحضر المي اصعد قبله احضر لبسه حمامه... اتجرءت ودخلت لحمام وياه وهاي اول مره صعبه لكن الهدف اكبر.. واثق ينام ويتعشى متاخر كمت اتاخر بعشاي وياه واطلب مرات من بره من يريد يطلع اتمسك بيه واقفل الباب. ما يكدر يعيط لانه عمي وهاشم وهاي نقطه الي.. مرات يضربني ومرات يخنكني.. لكن كنت كلي اصرار.. لازم اغيره.. جلسه فلم.. نريكله كرزات وكعده حلوه حتى ركص اركص وخصوصا جسمي رغم حملي حلو وانوثه طاغيه جدا.. اني بديت اعشق واثق.. الهي من وضع قوانين الزواج وجعلنا بينهم مؤده ورحم كانت تحمل الايه كل المعاني وفعلا يوم بعد يوم واثق هو بدا يهتم بتفاصيل ليلتنا ملابس نوم حبشكلات الكعده.. يوميه جايب شي حتى اهله لاحظوا تعلقه بيه وتعلقي بيه واجت ملاك حتى ما قبل اولد عند اهلي هو اهتم بيه وبكل تفاصيل ولادتي من تجهيز دكتوره.. اهتمامه كان واضح واني كذلك صار روحي وعشقي رغم فارغ العمر لكن واثق انيق وجميل وطول وهيبه.. بدات الغيرة تشتعل وعمتي وبناته وخصوصا هاله ورشى.. واضافه الى نظرات زوج هاله المزعجه الي خصوصا بعد ما صارت ملك صرت اجمل وكبرت وراحه واحب واثق الي غير حتى النفسيه... وبعدها صار حمل عندي وكذلك رشى هم حامل وبدات عمتي كاعده ماتشتغل واني اشتغل بالاكدر عليه خصوصا طفله وحمله متعب وكذلك واثق ومتطلباته شكواهم وازعاجعهن وخصوصا من طلعت حامل بتؤؤم ولد هذا اثار حفيظتهن وغيرتهن.. وعمي ذكي.. فصل القاط الفوك بدرج خارجي.. وعزلت عنهن... وهنا استقريت وحياتنا احلى ما يكون اهتمام واثق وبيت ومسؤؤليه اشوف فرحه عمي بغيث وليث وهاشم وابوهم تعلق بيهم بجنون.. حتى عمتي.. طهورهم كان عزايم وذوله احفاد حجي صالح لانه هم خلفتهم بنات واول ذكور عند الحجي حلوين غيث وليث ملامحي على ليث وغيث نسخه واثق.. ومرت الايام واني تواجدي قليل يم عمتي لانه غيث وليث وملاك وبيت وواثق... لكن هاله ورغد بكل مناسبه لازم يغثني ومره سمعهن واثق وحتى عليه تعصب وصعدت فوك وهو اجا.. ليش تسكتين الهن اردهن وانعل تربيتهن... ريحانه حبيبي اسكت لخاطرك ولله ولخاطر عمي وعيب هو انزل نص نهار وعمي وهاشم فرحانين بغيث وليث وهنه غاثهن وجودي ليش احقق هدفهن لهذا اسكت يعمري.. وفعلا بطلن من تجاوزهن عليه وحملت بطيف وهذا نعمه انضافت الي.. لكن.. لاحظت مرات واثق يسائلني أسئلة شويه غريبه... انتي تنزلين جوى اذا ما عدهم شي.. ام شمخي شعدها تصعد يمج كذلك اهلك محتاجين متوازين على فلوس وكان جوابي عفوي.. اهلي حتى من يحتاجون ما يقبلون مني كم مره انطيت اخواتي امي ما تقبل وكذلك ابوي.. انطيهن ملابس مرات حلويات.. اخوتي جماره تحليل تدرس وشيهانه اشعه وسونار... موسى ويوسف طلبه سادس كانو... اكثر من مره ومرات عادها هاج هاي افلوس دزيلهم خاف محتاجين.. ذهبك وينه محتاج اريد ابيعه.. طلعته بحسن نيه هاك عمري ذهبي واني فدوه الك.. بعدها ترك هاي الأسئلة ورجع واثق لطبعه وخصوصا صارت فدك هاي روحه من الدنيا رشى خلفت اربع بنات ومنعتها الدكتوره تخلف بعد.. مرات الايام وايامي احلى ايام كمت حتى ما انزل جوى ابد الا بحضور واثق لانه هاله دائماً موجوده وهذا زوجها الخايس هم.. امي كالت يمه لا تنزلين جهالك وانتي وعذرك وياك... وفعلا فضلت ابقى بيتي عمي العصر يدز على الجهال وخصوصا غيث وليث وطيف متعلق بيهم بشكل.... عشت احساس الزوجه العشيقه نشوة الحب واثق كان حبيبي روحي وهو كذلك سهرتنا مميزه عبالك عروس وخصوصا هو ذوووق كلشي مميز الي ذهب عيد الحب.. عيد كان عوض الي فعلا عن سنين العوز... ومرت الايام لكن المخفي كان اعظم..... 💔💔💔💔ذاك اليوم فزيت على فاجعه وهي كسران ظهري وبدايه انكساري بحادث راح عمي وهاشم توفوا اثنيهم وكانت اصعب فتره مرت علينه واثق انكسر ظهره ابوه واخوه.... فاتحه كبيره وعظيمه ناس طابه طالعه وهو بين اركان الحزن وهدم بيته وركنه العالي ابوه واخوه... ايام مرت مره عليه وعلينا... اني حجي صالح كان سندي اماني وهاشم اخويه رغم شكد كان واثق يتجاوز هو يبلع ويستر........ هل يدووم الحال... ريحانه.. هل تبقى.. الاقوى..
