رواية دمار ضالم الفصل الرابع بقلم ام علوش
يا_كل_كياني..
.. ريحانتي.. حبيبتي تلك الملفته ريحانتي يا مسكني وسكينتي انت اماني من بين كل النساء... يا نبض روحي
بدا ت برحله بيت العايله ولازم اكون سند للكل البنات عمتي رشى واثق واشوف الكسره بعيونه واني اكون اله مو عليه وهو ما قصر سبع جمع حلاله وتحملها للمسؤؤليه كامله مرت الايام وكلمن استقر واني فوك.. ومرت سنه صح حزن لكن واثق كدها.. بداير السنه هوسه وطبخ وملايه وهوسه تحضير للنجف.. واني متحمله هاي المسؤؤليه كلها.. لانه رشى حزينه علساس وامه واخواته... جت عمته ام مسلم وسلام حار بينه لانه كانت تحبني وتفضلني على بنات اخوها... يمه يريحانه الج الله الحبايب عدهن كيد ومصيبه.. كلبي لجمني وحسيت هناك مصيبه تتحضرلي.. وفعلا بعد خلاص السنه ورجعنا من النجف واسمع عياط واهل رشى وعمامه بيت الحجي والقرار واثق يتزوج رشى... وخصوصا بعد ما عرفو هشام متزوج بسوريا ابنيه عراقيه اهلها مستقرين اهناك وعنده اثنين ولد وهذا لانه كان دائماً سفر ويمكن بسوريا اكثر من العراق ورشى من النوع لا شكل ولا مضمون بس انطيه نفاق وتلفون النهار كله... وهنا رفض واثق رفض قطعي وكال البنات عدنا يربن وهي تروح لهلها... هنا لم يطمن قلبي ❤ابد.. بعدها واثق يصعد معصب مستنفر.... ومرت شهرين... واشوف حركه مو طبيعيه واخذني واثق لهلي.. كال تبقين يومين.. استغربت واثق ما يفاركني ابد.... بحجه ابوي مريض اجيت لهلي واشوف امي واخواتي مو طبعيات... اول يوم عادي وكل شويه يتصل ثاني يوم ماكو... بليل كلبي فرفح واحس ثكل بصدري... امي واخواتي لاحظن قاست ضغطي جماره مرتفع.. ثواني واجاني مقطع عقد واثق لابس دشداشته السوده على رشى جنها برميل ولابسه ابيض واخواته يباركن ويهللن.. يمكن لحظات بيني وبين الموت ليش ولك بيش قصرت جنت تتخبل منها تكول شلون هاشم ينام وياها مظلوم خطيه الوسخه هاي هسه على ذمتك حالي حالها... ليلي ما نمته لا اتصلت ولا حاجيته يتصل ما ارد انفجار 🤯بدامغي عرفت ليش جابني هنا حتى لا اخرب عرسه.. ظليت مثل التطلك ولله الطلوك اسهل شعور خيبه خذلان انكسار كلهن عليه اطفالي اشوف بعيونهم كسره ملاك غيث ليث طيف فدك ابوكم باعني بهل السهوله.. بعدها اجا والدي بابا اكعدي افهمك رجلج انجبر وبس على الورق ما يريدها واهله وخواله انجبر وهي عود انكسرت بزواج هاشم وبناته يظلن وين بنتي ريحانه المعدله هدي روحك ولا تنطين لزمه على راعي بيتك يردن يكسرنك وانت اقوى ابنيتي.. كلام ابوي زاد ناري وجمرتي ليش يعني تعرفهن وتعرف مكرهن ليش هيج كسرتي تعرف محبتك بكلبي وتعرف واثق انت شنو الي ليش وليش وليش شلون نمت ما ادري كعدت لكيت روحي بحظنه صرخت صرخه طلعت من اعماق كلبي ضربته بصدره بجيت وكان انهيار اعصابي واني بحضنه ما تركني اطفالي بره يبجون امي كذلك ابوي كعد ومدنك راسه.. هو ونظراته كلها طلب سماح واعذار ولج ولله ما اطيقها ولا اريده بس انجبرت لخاطرولد اخوي.. عمامي هم نفسهم خوالي كالوا ما نعترف بولد الغربيه الا تاخذ رشى وتلم بنات اخوك.. وافقت على مضض ولج حكره الزلم حكره واني وحيد وانتي قوتي يا راحتي وعمري ورشى بس عقد سيد صدكي ولا احسبها مره... كان كلام مر بشهد الوعود والايام..... بعدها صحيت وعاتبت.. وكان كلامه كله الي ثقي وكولي واثق اقترب الها ولج روحي لعبانه منهابعدها بقيت اسبوع عد اهلي رافضه واثق.. وساده باب غرفتي لكن هو بقى مكابلني لا شغل ولا اهله والتلفون ساده اجت امه اخواله عمامه وهو رافض واني ساده بابي.. لحد يوم اجت عمته ام جود واختها ام فرحان.. وذني الهن احترامهن وقدرهن... يمه ريحانه.. ثوب ونلبس وتبركس براسه رشى نعرفها وحده خايسه وجايفه واصلن ما تتؤلم ويه واثق ونعرف طبع واثق حار ومزاجي وصدكي ما تتحمله ولا هو وزواجه كله لعبه من عمتك وكسر خشم الج.. هلتشوفيه كاعد مگابلج وتعبان وساد محلاته وشغله ليش تخليهن ينتصرن عليج وانتي ريحانه ورجلج يحبك وعلي وصل ما يوصلها وهذا شرط عليهم ليش تهجمين بيتك باثناء الحديث ودخل هو حظني ولج كم ريحانه عندي اني انني روحي وربي شاهد اسمها مره واذا فكرت يوم بشي الا برضاتك وموافقتك وهذا مستحيل اني وانتي تعرفيني زين ما اطيقها وهي زوجه هاشم هسه اتحملها اني بس لخاطر بنات هاشم وتعرفين اذا طلعت تاخذهن وحلال هاشم اهلها من ااصبح يفرهدونه... فياريحانتي انت الكل بالكل وحقك ربك وابوي وامي واخواتي كذلك واني بعد لا اكدر اترك بيتي واطفالي خمسه.. رحعت لبيتي لكن بشروط ممنوع يدخل للبيت اريد امه يعزمها هنا اكل مسواك بيد العمال.. واذا هو اني وياه كتله واثق اموت ولا اشوفها تسلم سلام عليك.. وانتقلنا لببتنا وفعلا عمتي يعزمها كل خميس هي والبنات رغم ما راضيات واغلب العزايم ما يحضرن بس بنات هاشم.. ووياهن بنت ام شمخي.... من تخلص بين فتره وفتره امه مشكله علمود رشى لكن هو دائماً يردهن وخصوصا بعد هاله ومشاكلها وزواج رغد...
رغم عدم قناعة واثق لكن وافق على مضض امه وهي راضيات ما مقتنع بالولد واهله وعرفهم على طمع خصوصا من اول ايام وبدت تريد حصتها وتريد هي وهاله... والصدمه من عرفن عمي مسجل عماره باسم غيث وليث وكذلك هاشم مسجل نص ملكه باسم ولده من بنت السوريه.. زوجه هاشم اهلها غربيه لكن امها سوريه... وكذلك مقسم ورثه بين واثق وهاشم والبنات حصصهن ذهب وارض وحده هنا زاد حقدهن ومكرهن.. لكن كنت واثقه بواثق وكذلك تصرفاته وحبه الي وتمسكه بيه واني كذلك ما قصرت وياه صح مرات تكب عندي اذا سمعت صوته جوى انزل مباشره كالمجنونه وهو يشوف غيرتي عليه.. يشبع ضحك كان جنون الحب بينا اثنينه.. مرات انزل واشوفها تحاول تتقرب وهو يشوف غيرتي وتنرفزي منها يظل يحارك كلبي.. واني اشتعل نار... مرت سنه ونص وواثق مثل ما وعدني واكثر حنان صح يتواجد لكن كلاص مي ما يشرب 🥤عدهم.. زادت غيرتهن وهاله اطلكت زوجها هاجر خارج العراق واجوي اهله اعتذرو من واثق على طريقه طلاكها لانه بالخارج وطلكها سافر للمانيا واستقر هناك وهي مشكله عدها ما خلفت وكذلك اسلوبها كان غرور وتكبر.. واحتقار اهله رغم هم ناس خيره وناس معروفين وابوهم سيد زامل معروف لكن هاله واسلوبها الحقير اتعب من عمتي.. شلون عمتي ما تزوج عليها ما اعرف... حجي صالح كلبه وسيع... الله يرحمه.. ما ادري اني اليتيمه من بعده... مرت الايام ومشاكل امه ورشى وهاله تزيد ما تنقص بينهن عليه لكن اني بيتي واطفالي كبروا.. غيث وليث دائماً مع ابوهم واشوف الفرحه بعيونه... ايام عيد وفرح وجمعه عمامه وغذى على روح عمي وكالعاده اني وام شمخي.. طيف وملاك دائماً بغرفتي بسبب حاله طيف عنده فتحه بالقلب لهذا التجمع والهوسه نخاف عليه دائماً بنت ام شمخي.. سنيه فوك يمي قطعه ملابس ما انطيه ملبوس كله جديد حتى تراجي اشتريت الها... ملابس داخليه اشياء بنات خطيه هي جبيره وتاخرت قسمتها.. ودائما تشكي من هاله ورشى هي وامها واني اساعدهن... المهم باثناء الغدى وطلابه ابو رشا.. ولله اخذها اسمها مره متزوجه لانومه لا طلعه لا يذكرها.. هنا واثق عصب عليهم وصار صوت عالي ترى اني وافقت بشروط وانتم وافقتم.. ابو رشا.. لا عمي احنه مو من مستواك بس بنت ابو القواطي حاطها فوك روسهن حتى عاى امك واخواتك ومرتك بنت عمك... يمكن كل هضم الدنيا بعيني من شفت امي دنكت وابوي بالكراج هو واخوتي موقف حقير مثلهم... اهله وعمامه ادخلوا بعد ما واثق سحب ابو رشى وضربه وصارت هوسه وعمته تحط بانزين لا استحت ولا كالت عيب ابني تولاه الزلم عليه وياهم وهذا يحجي وذاك يهدي وهذا يعاتب اني لبست عباتي وطلعت ويه اهلي.. لكن امي ما قبلت رغم عصبت ورفعت صوتي اجاني راشدي صحاني بيتك رجلج يحارب لخاطرج ولدك تركينه الهم ارجعي واكعدي وصيري معدله ولا تخلين رجلج.. مكسور من الكل... وفعلا رجعت وكملت الهوسه والغدى تصالحوا... وطلبوا مني ادخل.. للمضيف عمهم الكبير.. بويه ام غيث.. انتي معدله ومهذبه وعدلتي الما ينعدل واثق شيب واحنه مأيسئين منه لا ينعدل ولا يستقيم وانتي بنت السيد.. تعبتي صح لكن عدلتي واثق وبيتك ولدك ومقامك بويه ليله ما تاثر عليك وحرام حقها هذا... تردين خراب لو عمار... اصعب شعور وانت بين نارين نار حبك وعشقك ويطلبون مشاركه سرير وحضن وبين نار حقدهن وغايتهن وتشمتهن اخ يا نار الشماته تحرك حرك... وبين موقف واثق ونظراته الي اعوفه اخذله اهجم بيتي العاطفه دمار..وبين عقلي.. ولابد من تحدي جديد لريحانه....
اختكم ام علوش
