رواية سداد وبنت الفصل الثالث بقلم الزهيريه
اريد الصمت كي أحيا
ولكن الذي القاه ينطقني
ولا القى سوى الحزن
على حزن على حزن
ألق/ طبعًا كارثة الما عنده آحد يعلمه وينصحه ويدلي طريق الصح ومن الغلط ولكون اني ما عندي أحد يعلمني ويحتويني بقيت على وين ماكو واحد ما يخاف من الله تسلط على راسي وبصغري تعلمت هواي أشياء بحكم البيئة إلي ربيت بيها وحمد لله وين ما أكو شغله بيها طياح حظ تعلمتها أني بيومها من چنت بالمحل ردت حلويات الولد ابو المحل وأسمه أمجد چان وضعه غريب اني في وقتها چنت طفله ما أفهم شبي وأني في وقتها چنت عمري 8 سنوات وهو يمكن عمره 17 سنه
امجد / شوفي حبيبتي الق اني كل مره انطيچ حلويات من المحل وما آخذ فلوس منچ وأبويه من عرف ما يقبل انطيچ
الق / عفيه عمو اني ما عندي فلوس ولا عندي أحد ينطيني فلوس وحلويات انطيني انت حلويات إلي ولاخويه
أمجد/ تعالي ويايه للمخزن واني انطيچ
أجى لزم أيدي وبعدنه ما متحركين من مكانه دخل ولد يطلع عمره بعمر أمجد ومن شافنه
أمجد/ تعال حازم اوگف هنا بمكاني هسه شويه وارجعلك
حازم/ أمجد أنت تعرف هاي بنت منو
امجد/ اي أعرفها بنت رياض المنغولي
حازم/ عفيه يعني من تذكر رياض المنغولي ابوها لا تنسى عمها نزار يعني اذا طيرت ختمها عمها نزار منتمي لجماعة يجون يحطون چيس أسود براسك ويصعدوك لسيارة البطه وياخذوك لمكان وما يبقى واحد ما يغتصبك وأخرها طلقة براسك
امجد/ لا تخاف بس خارجي شبيه أتورط ويه نزار العلاس
وجرني من أيدي وأخذني للمخزن ومن دخلنه شفت هواي بضاعة واكو چان فراش ونام على هذا الفراش واخذني بحضنه وصار يسوي اشياء ما أفهمه وصار يعلمني على اشياء ويگلي اذا سوين هيچ انطيچ كومة حلويات وما أعرف شگد مر وقت بعدها گام ولبس وملابسه واني هم لبست ملابسي
امجد/ شوفي الق اي شي صار هسه بينه لا تحچي لاي احد فهمتي لآن اذا يعرفون اهلچ بعد ما يخلوچ تجين عليه وبعد منين تاخذين حلويات
ومن طلعنه من المخزن جاب علاگه وخله هواي حلويات وأخذت المعلبات الي رادتهن عمه نضال ورجعت للبيت وعمه نضال من شافتني گبل هجمت عليه وبدت تضرب بيه واخذت مني العلاگه وظلت تگلب بالحلويات
نضال/ اني گتلچ علبة سمچ وبطل بيبسي شنو ذني حسابهن هواي منين اجيبله هسه اگطعچ اذا ما رجعتيهن للمحل
الق / لا هذني ابو المحل انطاهن إلي بدون فلوس
وتوقعت من اگللها ذني بلا فلوس ترجعهن الي حتى ناكل اني واخويه بس اخذت العلاگه وفتحت نستله وتاكل بيها وتگلي
نضال/ اي عفيه هيچ صيري سباعية شنو ذني بس ذني بعد جيبي فلوس أحسن من حلويات
وهذا چان وضعنه وهاي الفتره كلها عمه بسمه أختفت الي عرفنا فيما بعد انه ازوجت وگامت صير عدنه ظاهرة جديدة وهي انه عمي نزار گام بالليل يجون يمه زلم والي تخدمهم عمه نضال وبيبي تگوم صيح وتعيط على البيت نترس شياطين حتى صلاتنه ما تنقبل
ويجي عمي نزار يضربها ويگللها/ سكتي مخبله فشلتيني
واني چنت احضن أخويه ونگعد بالزاوية وحتى ابويه هم نفس الوضع يگعد ويسكت وأستمر هذا الحال مالتنه وكبرت وصرت بالرابع ابتدائي وصرت أفهم شنو يدور حولي وصرت أكثر شي اكرهه وهو لقب بنت المنغولي بس
ومره رجعت من المدرسه وصرت قريب على بيتنه واكو هواي شباب مجمعه ويضحكون ومن تقربت شفت أبويه واگف يم عامود الكهرباء ويگول للعامود ما اتحرك من مكاني انت روح امشي بعيد عني
وكلهم يضحكون عليه ويگولوه رياض ارگص حتى يمشي عامود الكهرباء وانت تگدر تفوت لبيتكم وهو يرگص بوقتها اكو واحد والله ما أعرفه بقى يرزل بيهم على انتوا متستحون هذا خلقة الله وانتوا ناصحين شوفوا هو شلون گلبه أبيض ولا انتوا لا خجل ولا مستحى تضحكون عليه الله وأكبر عليكم ان شاء الله ينطيكم اطفال معاقين مثله حتى تعرفون الله حق
وهذا الحچى ظل يدگ بالباب بحيث من گد ما دگ بالباب قوي الباب نفتح الباب من وحده وجر ابويه من أيده ويحاول يقشمره حتى يدخل للبيت واكو هواي مواقف صارت بذاك اليوم من دخلنه إني وابويه لگيت بيبي مدده ونايمه اگعد بيها ما تگعد رحت على جيرانه كونه واجتي ويايه وهي تلف بشالها
كونه / من كون طرگاعه لفتچ هستوني أريد اغفى وأنتي اجيتي گعدتيني
دخلنه اني وياها وظلت تحرك بيها تصيح ام زهير عيني اگعدي بس بيبي ماكو ما فتحت عيونها ابد وكونه قربت ايدها على خشم بيبي وگالت / هاي كل نفس ما عدها
ورجعت عليه تگلي كونه / يا مگموعه بيش بليتيني هسه تجي نضيله صير شريقه براسي وتگول انتي موتيها
ورجعت طلعت وبقيت اني يم بيبي وبعد شويه دخلن هواي نسوان واكثرهن من الجوارين وما مر وقت هواي حتى دخلت عمه نضال گطعت روحها بچي وتعيط وصيح راحت الحنينه الي چانت بركة البيت وبعدها عمه نضال تنعي وتندب على الميته دخل عمو نزار وصار يبچي ويبوس بيدها وهذا كله ما طول اكو ناس اجوي لفوا بيبي ببطانية وشالوها لان الله يرحمها حيل ثگيله وهذا اخر مره شفت بيها بيبي راحت يم رب كريم يرحمها أكثر من أبنها وزوجته وسبحان الله شوف شگد چانوا يحبون الذرية الأولاد وهمه أكثر الناس الي عقوهم أبنهم
بعدها مراسيم الفاتحة وسبحان الله الناس عبالك گلوبها تحجرت أكثر الي دخلن عزن نضال يگولن إلها بالعافية عليچ نضيله صار كلشي بس الچ والله صبرتي والله ما قصر وياچ ومن تسمع كلام الناس كأنه نضال چانت جاهد جهاد الصحابه والله كافئها واكثر الناس الي يموت واحد قريب عليه اهم شي عنده الفاتحه تربح لو تخسر مو مهم الانسان الي مات يعني عمي نزار وزوجته نضال من چانت بيبي عايشه ذلوها مذله بس الله اليعلم بيها هسه من توفت صاروا يدورن فخفخه بالفاتحة واليضحك عمه نضال توصي عمو نزار
نضال/ عيني نزار لا تقصر بالفاتحة وكله بثواب المرحومه
وهو يجاوبها/ لا توصيني على فاتحة الغالية
گولوا ظلوا يمثلون لما إنتهت فاتحة بيبي الله يرحمها وعماتي أبد ما وصلن نهائياً اما اني بقيت نفس وضعي ماكو شي جديد بحياتي وصرت صف سادس ابتدائي
واني أنام بنفس الغرفة الينام بيها ابويه وأخويه ومره حسيت على عمه نضال تگعد ابويه وتگله تعال أريدك
وبوقتها چنت منعسه وما اهتميت بالموضوع بس بعدها صارت تتكرر هاي الحالة تقريبًا يوميه بالليل الى ما بيوم اجتي عمه نضال تهلهل وطش چكليت وحتى في وقتها نسوان جوارينه التموا علينه وطبعًا اول الي دخلوا علينه للبيت كونه وتسأل عمه شكو شبيچ نضال
وعمه نضال صفگ وتهلهل وتگول / نطى الله وما قصر چربايه وكنتور اصفر فرحلي يا حبيباتي اني حامل
سداد/ آي رجل يعتبر شغله أهم إنجازاته اني چنت من ضمن طاقم حراسة شخصية كردية وبالبداية هاي الشخصية چان يداوم في أربيل واني چنت ويا وزواجي من حبيبتي اريا هاي چانت سعادتي من الدنيا وصارت حبيبتي حامل بوقتها تحول دوامي لبغداد لان مديري تحول شغله لبغداد هنا اريا صارت تبچي وتون انه في بداية اشهر حملها وهذا آول طفل النه والمفروض انه ابقى قريب منها وظليت حاير بين اريا وبين دوامي وآخرها حسمت امري وعفت آريا في أربيل يم اهلي ورحت لبغداد ويه مديري وما ان وصلت لبغداد بدت الموبايلات ترگع كل شويه من امي اتخربطت اريا وتبچي وهي حامل ومو زين عليها واشكال والوان حچي بحيث بقيت اسبوعين في بغداد طلعوها من عيوني الى ما قررت اجيب اريا ويايه لبغداد واتصلت عليها
سداد / حبيبتي آريا اني راح أستأجر بيت في بغداد وتعالي سكني بي واني راح أكون قريب عليچ
وهي في وقتها فرحت ويا ريت لو جبتها لبغداد أبد لآن هنا صارت علتي ومصيبة حياتي ومن رحت لاربيل بقيت أسبوع وبعدها من رجعت لبغداد رتبت بيت إلي وكملته واتصلت على آريا إنه أخويه راح يجيبها الي لبغداد وبيتها كمل
وبالفعل ما مر يومين حتى نورت حياتي وبيتي وبغداد حبيبتي آريا وأول ايام چانت طايره من الفرحه لكونه اجتي يمي وبقى وضعنه حلو وايام سعاد الى انجبت بنتي الاولى ورجيدا والسنه الثانيه انجبت بنتي الثانيه وهي يبرق وألسنه الثالثة انجبت أبني أيليا وچانت آريا تموت على أطفالها بس بعد سنه ونص من ولادة ابني أيليا بدت المشاكل بيني وبين آريا ودائماً تفتعل المشاكل وهي أنه اني ما اثق بيها لان ما أخليها تطلع ولا تختلط بأحد
آريا/ آني أريا أصولي كردية ومن چنت بالجامعه وتعرفت على سداد وحبينه بعضنه بجنون وتوج حبنه بالزواج وانجنت ثلاثة أطفال هاي المده كلها حياتنه كانت طبيعه بمرور الوقت صرت احس حياتي صارت ملل وشگد چنت متحمسه آني اجي اسكن في بغداد بس سداد كلش يغار عليه بحيث ما يخليني اطلع أبد ودائمًا يقلي بغداد مو مثل اربيل هنا شباب ألعرب ما عدهم حرمة يباعون عليچ لهذا صرت حبيسة البيت بالإضافة إلى الأطفال صارت أعصابي تتوتر وسداد دائمًا مشغول عني بالإضافة الى هذا كله صرت وحيده ومن يجي سداد أكثر مشاكلي ويا انه هاملني صرت احس انه ما أهمه مثل قبل وحتى من يدخل البيت ما يهتم غير بس لأطفاله وبعد مشكله چبيره بيني وبين سداد
سداد/ احچي آريا شنو المطلوب ترى تعبت
آريا/ اريد اطلع أشوف ناس انت حابسني بالبيت ودائمًا مشغول وطالع واني شنو مو بشر أريد إشتغل خريجة جامعه
سداد/ شوفي آريا شغل ماكو لأن عدنه أطفال آما موضوع تطلعين وين تردين تروحين
أريا/ لاي مكان اني صار 4 سنوات ونص ما اطلع إلا وياك گلي اقرب سوگ هنا واني اطلع اقلها أقتل الملل البداخلي
سداد/ يعني هسه صرت متخلف لان احبچ واغار عليچ على العموم اذا طلعتچ من البيت شويه تغير نفسيتچ عادي ما عندي مانع
آريا/ اني ما أنكر فرحتي بس مو لأن سداد وافق اطلع بس لان مشيت كلامي عليه صح هو وافق بس آني اصلا ما طلعت ما اعرف ليش من وافق ما طلعت ما اعرف بعدها تقريبًا باسبوع سمعت واحد يصيح دجاج
طلعت صحت عليه ردت اشتري منه دجاجة حتى الأطفال يشوفوها وهو وگف سيارة الحمل مالته واجى تقرب عليه وما تفصلني عنه غير مسافه بسيطة
آريا/ بلا زحمه أريد دجاجة
وهو واگف يباوع عليه وبعدها گلي تبارك الله في ما خلق ابدع في خلقچ
وبدون سابق انذار نزل دجاجة ونطاها الي وأخذتها منه ومن ردت ادخل اجيبله الفلوس شگد لحيت عليه في سبيل أعرف شگد سعرها بس رفض يگول السعر وعافني وراح ظليت متعجبه هذا شبي بس ما بلغت سداد بأي شي وبعدها ظل ابو الدجاج يوميه يدگ الباب عليه ويطلب مي وبس يگول تبارك الله ويروح وبقى هذا الوضع تقريبًا شهر او اكثر بحيث ادمنت عليه يعني صرت اگعد من الصبح وأسبح وارتب نفسي من مكياج وعطر الى ما بيوم ما أجى شگد انتظرت بذاك اليوم بس ماكو واختفى أسبوع كامل بحيث ظليت الوب عليه وأريد بس أشوفه يعني حتى بچي صرت ابچي عليه وبعد ما مر 12 يوم سمعت صوت يصيح دجاج
طلعت أركض وفتحت الباب وصار بوجهي وچان ناوي يكمل طريقه بس اني صحت عليه وهو وگف ونزل من السيارة وهو تقرب بعد خطوات عني
أريا/ وين چنت خليت بالي مشغول عليك
گال / ممكن انطيني رقمچ حتى أتواصل وياچ
وآني بدون تفكير انطيته رقمي رديت اله الرقم لان حافظته سجله بموبايله وراح ولليل أتصل عليه رقم غريب وعرفته هو ومن رديت عليه
گال / اسمي يسر واليوم انتي انطيتيني رقمچ
بالبداية ارتبكت ما اعرف شگول او شنو احچي
يسر / تدرين إنتي ساكنه بگلبي ما دى اگدر انساچ ابتعدت هاي فتره كلها بس رجليه رجعتني عليچ ردت بس اشوف وجهچ الحلو اشتاقيتلچ وروحي تعلقت بيچ
آريا/ اني هم اشتاقيتلك حسيت روحي مخنوگه
بعدها ظلينه نحچي دائمآ ويوميه يجي يفوت من گدام بيتي حتى صرت اكره جيت سداد للبيت وما أخلي يتقرب مني وگامت صير مشاكل بينه الى حد بيها سداد يضربني وحتى هملت أطفالي ويسر دائمًا يطلب مني انه نلتقي وحدنه ويريد مكان خاص نلتقي بي ومن أساله وين نلتقي وليش اله مكان خاص
يسر / اريد الزم ايدچ واباوع بعيونچ بس اني ما عندي مكان ليش ما اجي بالليل من يكون زوجچ ما موجود
آريا/ يسر اني اخاف لا يجي سداد وانت موجود يمي
يسر / هاااا گولي ما ثقين بيه وتأمنيني على موعد 5 دقايق اكون بيها قريب منچ طالما الثقة ماكو بعد ماكو داعي نتواصل
وغلق الخط بوجهي أتصل بي ما يجاوب وقررت أترك الأطفال على سداد واطلگ لان احب يسر وما اگدر ابتعد عنه وبالفعل من أجى سداد تعاركت ويا وطلبت منه يطلگني وحتى الاطفال هو ياخذهم
سداد / بس ريحيني أريا بس گليلي شغيرچ عليه وشنو البدر مني حتى وصلنه لهاي المواصيل يعني اي وحده زوجها بسلك العسكري تتهمه بالاهمال وتطلگ فكري يا بنت الناس الزواج مو لعبه والاطفال شنو ذنبهم گليلي شنو تردين واني رهن اشارتچ
آريا/ بس اني قررت خلاص بعد ما ابقى ويه سداد
واتصلت على يسر وبعد معاناة يله فتح
آريا/ يسر اني تعاركت ويه سداد واتفقت ويا على الطلاگ حتى ننجمع سوه وماكو أي عائق يمعنه آنه نكون سوه
يسر / انتي مخبله اي ياچ تتطلگين وشوكت ما يروح زوجچ لدوامه اني اجيچ وحضريلي مبلغ بسيط لآن بنتي مريضه وما عندي فلوس أجيب علاج الها
