رواية عمر الديب الجزء الثاني (الملك الاخير) الفصل الرابع
بسم الله توكلت علي الله. وهو رب العرش العظيم
من داخل مبني المخابرات المصرية يجلس السيد كامل قدام باسم ويقول له
في تقارير جت لي من رجالتنا في تل ابيب انهم شافو الجاسوس ابرام في المطار وبيستقبل راجل انجليزي اسمه جورج. واكيد دة عمر
باسم
اكيد يا فندم
السيد كامل
احنا لازم نتحرك بسرعه وطالما عمر بقي بين ايديهم لو مش هانقدر نرجعه مصر بالذوق يبقي نستخدم العافية
باسم
ولية يا فندم ما نفضلش وراء منه ونحمي من بعيد لبعيد لغاية ما نوصل لحل لغز اسحاق ابن شيمون اللي مات ورجع تاني للدنيا
السيد كامل
انت هاتعمل زي صاحبك برضو في ميت بيرجع. اكيد دي لعبة من الموساد
باسم
لو تسامحني يا فندم انا شايف ان الموساد المرة دي ملهاش مصلحة في لعبة زي دي
السيد كامل
فسر كلامك
باسم
حاضر يا فندم. لو راجعنا كل اللي حصل بالتفصيل هنلاقي ان الموساد كانت بتجهز لعملية جديدة داخل مصر والعملية دي كان هاينفذها عدنان وشريف والاثنين قتلو ولادهم قبل تنفيذ العملية يعني كدة العملية كلها اتعطلت وممكن نقول انها فشلت
السيد كامل
وتفتكر اية هي العملية دي اللي يحتاجو فيها لراجل ليهم في لبنان وراجل ليهم في مصر
باسم
من متابعتي لملف عدنان وشريف اكتشفت اكتشاف خطير ان الاثنين ليهم علاقة ولو من بعيد بدخول غاز الخامين الي مصر عن طريق البحر
فينتبة السيد كامل اكتر واكتر وباسم بيقول
ومن مصلحة اسرائيل ان الغاز دة ما يدخلش مصر.
السيد كامل
علشان كدة جندو عدنان وشريف وجهزوهم لتنفيذ العملية
باسم
بالظبط كدة. يبقي منين بقي هما عايزين ينفذوا العملية دي وفي نفس الوقت يحصل اللي حصل في ولاد عدنان وشريف
السيد كامل واقفا وباهتمام شديد
طيب وتفتكر مين لي مصلحة يعطل عملية زي دي
باسم
ياما حد بيشتغل لمصلحتنا. ياما حد بيشتغل لمصلحتة وفي الحالتين لازم الغاز دة يخش مصر عن طريق تاني غير البحر
السيد كامل
صعب جدا. لان فعلا الشحنة في عرض البحر وفي طريقها لمصر
باسم
يبقي نشدد عليها الحراسة
السيد كامل
او نخلي امير يدي شريف للموساد ويكمل مهمته تحت عيننا وساعه الجد ندخل
باسم
تمام سيدك هاتصل بي حالا واخلي ينفذ
ويخرج باسم الموبيل بتاعه ويتصل بامير ولكن امير لا يرد، ،،،،،،،،
ومن داخل احدي الشقق المفروشه يسقط امير علي الارض وينزف دم من دماغه والموبيل بتاعه بيرن والشقة كانت خالية تماما ومافيهاش شريف، ،،،،،،،،،
من داخل مكتب أميل واثناء ماكان اميل حزين يدخل ناعوم فرحا الي المكتب ويقف قدام اميل ويقول له
الظابط امير كان فاكر انه ممكن يضحك علي رجالتنا خد الفلوس منهم وخبي شريف في شقة مفروشة لكنه ما يعرفش اننا كنا بنراقبة وعرفنا المكان وهربنا شريف وامير دفع الثمن
ولكن ناعوم يلاحظ حزن اميل فيقول له
مالك سيدي اميل
فيبص اميل لناعوم ويقول
شحنة الخامين اسحاق ابن شيمون حط ايدة عليها قبل مننا
فيصدم ناعوم ويقول
انت بتقول اية
اميل بانفعال
بقول اللي انت سمعته يا ناعوم.
ناعوم
انا مش فاهم حاجة ومش قادر استوعب مين البني ادم دة اللي متنكر في هيئة اسحاق وازاي يهودي يكون ضد مصلحة اسرائيل
اميل بخبث
ومين قال لك انه يهودي. مش ممكن يكون حد تاني
ناعوم
حد تاني زي مين
اميل
عمر الديب مثلا
ناعوم باستغراب شديد
انت بتقول اية
اميل
مش عملها قبل كدة في منظمة الافعي وانت فاكر خلص عليهم كلهم ازاي
ناعوم
بس ياسد اميل،،،،،،
فيقاطعه اميل قائلا
قبل ما تقول اي حاجة
ويخرج اميل صورة لجورج الانجليزي المتنكر في شخصيتة عمر الديب وكانت الصورة لجورج وهو واقف مع ابرام قدام مطار تل ابيب ويقول اميل
رجالتنا في المطار صورت الصورة دي لي ابرام وهو واقف مع الراجل الانجليزي دة. وبادخال جواز الراجل دة علي الكمبيوتر اتاكد انه صاحب الجواز دة ميت بعد التقرير اللي جالي من انجلترا . يعني اللي واقف مع ابرام مش جورج
ناعوم
اومال ممكن يكون مين
اميل
انا شاكك انه عمر الديب وخصوصا بعد مافيروز مراته ظهرت هنا
ناعوم
دة لو هو يبقي يبقي اهلا بي في الجحيم
اميل
بالعقل مش عايز اي غلطة. نعرف الاول الشحنة فين وجورج دة مع ابرام لية، ،،،،،،،،
ومن مبني المخابرات المصرية السيد كامل يقول بمنتهي العصبية لباسم
ما تحولش تدافع عن صاحبك باي شكل. صاحبك خاين رجالتنا اللي كانو علي المركب شافو وهو بينط في البحر بعد ما الشحنة اتسرقت
باسم
مستحيل يا فندم. مش عمر اللي يخون. اكيد في حاجة غلط
السيد كامل
لا. مش غلط علشان خاطر يرجع فيروز مراتة من اسرائيل نفذ لهم اللي هما عايزينة وسرق الشحنة لمصلحة الملك الاخير
باسم
يافندم
السيد كامل بحزم شديد
باسم بلغ رجالتنا في تل ابيب ان عمر الديب مطلوب باقصي سرعه حي او ميت، ،،،،،،،،
ومن داخل قصر شيمون يجلس اسحاق مع عمر قدام مائدة طعام كبيرة وعليها اشهي الماكولات فيبص اسحاق لعمر اللي مش عايز ياكل وبيبص للمكان فيقول له اسحاق
اظن انك محتاج تاكل لان الفترة الجاية هايكون فيها مخاطر كتير
عمر
انا طول عمري في مخاطر
اسحاق
بس اظن لما تكون مستهدف من جهاز الموساد المصري وجهاز المخابرات المصرية تبقي المخاطر كدة كتير عليك وصعب تستحملها
عمر
من طبعي انا ما بحبش الكلام الكتير. وانا جيت لغاية هنا علشان انقذ مراتي من ايديك
اسحاق
تفتكر ان فيروز فعلا هنا
عمر
اومال فين
اسحاق
فيروز هناك في امريكا مع شحنة غاز الخامين اللي انت سرقتها بمساعدتك للملك الاخير
عمر باستغراب
انت بتقول اية.
اسحاق
بقول انك في المكان الغلط. ولازم خلال 48 ساعه تكون في امريكا بس هاتهرب ازاي والموساد عرفت انك هنا.
وهنا يختفي اسحاق من قدام عمر ويستغرب عمر بشدة ويقف بمنتهي السرعه وهنا يسمع صوت ناعوم جاي من وراء منه وبيقول له
اهلا بيك في جهنم. عمر الديب
فيبص له عمر علشان يلاقي ناعوم واقف ووراء منه عشرة رجال مسلحين رافعين اسلحتهم في وشه. فيبتسم عمر ويقول لناعوم
بسرعه كدة نتقابل. دة انا ماكملتش ساعتين في اسرائيل
ناعوم
كفاية اوي عليك الساعتين دول اكتر من كدة اعدئنا مش مرحب بيهم علي اراضينا
عمر
مش لما تبقي ارضكم ابقي ترحب باللي عليها ولا لا
ناعوم
ارضنا غصب عنك وعن اي كلب يقول غير كدة
عمر
بس اللي بيقولو انها مش ارضكم مش كلاب دول اسود
ويرفع عمر المائدة اللي عليها الاكل في وش ناعوم ورجالته ويطير بسرعه ناحية شباك موجود في القصر ويمر من بين زجاج الشباك الي خارج القصر ويجري في حديقة القصر باقصي سرعه ليقابل رجلين. يضرب احدهم عمر في رقبته فيتخلص منهم عمر بضربات سريعه وقاتله ويجري في الشارع بمنتهي السرعه وسط بصات ناعوم الغاضبة وتاكيد علي رجالته قائلا
ممنوع ضرب النار
ويخرج ناعوم جهاز اتصال دقيق ويتصل باميل ويقول له
طلع جورج هو عمر الديب زي ما توقعت
اميل
سيبتة يهرب زي ما طلبت منك
ناعوم
طبعا بعد ما زرعت لي جهاز تعقب في رقبته بضربه من الراجل بتاعنا
اميل
عايزك تحمي عمر من اي خطر لغاية ما نوصل لمكان الملك الاخير. وخصوصا بعد ما وصل لي انه لي علاقة بي ،،،،،
ومن داخل احدي البيوت في قلب تل ابيب يختبي عمر ويخرج سلاح من الصلب صغير جدا ودقيق جدا. ويغرز هذا السلاح في رقبته لكي يخرج جهاز التعقب وبالفعل اخرج جهاز التعقب وبص للجهاز وضحك قائلا
لسة بيتعاملو معانا علي اننا اقل منهم ومايعرفوش اننا اعلي منهم بكتير وسبناهم بمراحل لكن طالما هما عايزين كدة يبقي كدة
ويحط عمر الديب جهاز التعقب مرة اخري في رقبته وفي هذة اللحظة يحس عمر بمسدس في راسه من الخلف وشاب يقول بلغه مصرية سليمة
المخابرات المصرية طلبتك حي او ميت وانا ماقدرش اقتل صقر المخابرات اللي اتعلمت علي ايدة
عمر من غير ما يبص لصاحب الصوت يقول
علي الوكيل اول دفعته اربع سنين
فيرمي علي المسدس علي الارض ويلف لعمر وياخذه بالحضن بمنتهي الحرارة وهو يقول
عمر باشا. عامل اية يا صقر المخابرات
عمر
اهو بهرب من الموساد. ومن المخابرات المصرية
علي
اية سيب الاوامر اللي جت لنا دي
عمر
ماعنديش اي تفسير غير اني اتورط في لعبة خبيثة والغرض منها تشوهية صورتي
علي
طيب وناوي علي اية يا عمر باشا.
عمر
ناوي ادافع عن نفسي واظهر الحقيقة
علي
بس انا عندي امر مباشر باني اسلمك حي او ميت
عمر
نفس الامر يا علي. وماتعرضش نفسك للمسئولية
علي
ماقدرش اقبض علي الراجل اللي علمني ازاي اكون راجل. وفي نفس الوقت ما قدرش اخالف الاوامر
عمر
انا هاهرب بس قبل ما اهرب هاروح مشوار.
علي
مش هاينفع اسيبك تهرب. اخاف عليك
عمر
ماتخفش علية انا عارف بعمل اية. وعارف كمان انك مش هتسابني امشي من قدامك بالساهل. فسامحني
ويضرب عمر. علي لكمة قوية جدا اصابت علي بفقدان الوعي وخرج عمر من البيت مسرعا. ،،،،،،،
وبعد منتصف الليل يفتح ناعوم شقته ويدخل. وبمجرد ما يقفل الباب يلاقي قدام منه اسحاق وبيقول له
جه وقت النهاية.
ويخرج اسحاق من جيبة حبل ملفوف عليه اسلاك كهربائية. ويلف هذا الحبل حوالين راس ناعوم ويضغط علي زر في الحبل فتخرج من الاسلاك الكهربائية شحنة كهرباء. مميتة اصابت راس ناعوم مباشرة ومات وسحب اسحاق. ناعوم وحطه قدام كاميرات المراقية الموجودة في الشقة ويظهر في الفيديو. عمر وهو يسحب ناعوم ويبص اسحاق للكاميرا وهو يضحك، ،،،،،،،،،
ومن داخل شقة أميل. يسحب اسحاق. اميل بعد ما خلص عليه بنفس الطريقة اللي قتل بيها ناعوم. وظهر عمر الديب في الفيديو وفي نفس الوقت، ،،،،،،،
وفي نفس الوقت كان عمر الديب في مول كبير في اسرائيل بيشتري ادوات صيد وغطس وبيستعد للهروب من اسرائيل عن طريق البحر وفي المول يسمع عمر صفارة انذار وصوت يقول بالعبري
برجاء الانتباء سوف يتم اغلاق كل ابواب المول خلال 60 ثانية لبداية عروض اليوم
وهنا يلاقي عمر اربع رجال اقوياء من الموساد يتجهوا ناحيتة بمنتهي السرعه فيجري عمر باقصي سرعه ويركب الاسناسير وينزل به للبدروم ورجال الموساد وراء منه وعمر بيضحك ويخرج من الاسانسير ويهجم علية الاربع رجال مرة واحدة ولكن عمر يخرج من جيبة دبوس يشل الاعصاب وبدأ في زرع الدبوس بمنتهي السرعه في اعصاب رجل رجل وهو يتفادي هجومهم علية. حتي يصاب الرجال بالشلل الموقت فيسحبهم الي داخل الاسناسير ويضغط علي زر الدور الاخير. ويطلع الاسناسير بالرجال وهو يتجة مسرعا الي اخر باب يقفل ويخرج من المول ،،،،،،،،
ومن امريكا ومن داخل احدي حجرات قصر كبير يجلس اسحاق علي كرسي متحرك ويبص لفيروز اللي قاعدة قدام منه وهي مربوطة في كرسي وبتقول
اخرة اللي انت بتعمله دة نهاية حياتك. عمر مش هايسيبك
اسحاق وهو يتحرك بالكرسي في اتجاها يقول
عمر خلاص المخابرات المصرية هاتخلص عليه ولو قدر يهرب من المخابرات المصرية الموساد مش هايسيبة في حاله وخصوصا بعد ما خلتهم يتاكدو انه فعلا كان السبب في تهريب شحنة غاز الخامين
فيروز بعصبية شديدة
حيوان. ونهايتك هاتكون نهاية تليق بخنزير زيك
فيقترب منها ويقول
في واحدة برضو تشتم اخوها التؤام. قعدتك وسط المصريين خليت لسانك طويل زيهم
فيروز
اخويا اسحاق من والدتي. مات علي ايد شيمون وانت اكيد مش هو. انت مجرد خنزير منتحصل شخصيتة ومسيري اعرف انت مين
فيضحك اسحاق قائلا
انا اسحاق
فيروز
اخويا كان مريض بالتوحد مستحيل تكون انت اسحاق. وبعد كل اللي انت بتعمله دة انا متاكدة انك حد بيكره عمر جدا وعايز يخلص منه باي شكل
اسحاق
انا فعلا بكرهه. بس مش اكتر من الملك الاخير اللي نفسه نهاية عمر تكون النهاردة قبل بكرة. بس بعد ما يكون قدام العالم كله خاين لبلدة
فيروز
مين الملك الاخير
فيروز
حد ماعرفهوش اتفق معايا انه يسلمني خنجر شيمون انفذ بي كل اللي انا عايزة والميزة اللي في الخنجر دة انه بيخلي اي حد شاف الدم علية يدخل في عالم افتراضي ملهوش اي اساس من الصحة وفي العالم دة اقدر اخلي اللي قدامي يشوف كل اللي انا عايزة يشوفه. تقنية جديدة في عالم التجسس ماحدش قدر يوصل لها غير شيمون وزرعها في خنجرة علشان يقدر يسيطر علي كل اعدائه بعالم من الوهم والكذب من تاليفة
فتصدم فيروز وتقول
يعني اية
فيضحك اسحاق بمنتهي الشر
يعني كل اللي شافه وعمر وجهاز المخابرات بتاعه والموساد وكل اللي في ماحصلش اصلا. عدنان قتل ابنه ولا شريف قتل ابنه كل دة ماحصلش وكل دة كان الغرض منه عمر الديب يجي تل ابيب واهو حصل
فيروز
اللي بيحصل دة جنان
اسحاق
لا يا فيروز دي تكنولوجيا الجيل الخامس اللي هاتخلص حروب كتير من قبل ما تبتدي وتخلص اسرائيل من كل اعدائها
فيروز
اسرائيل هي اللي هاتخلص وباذن الله قريب اوي. واوعي تفتكر ان عمر الديب ممكن تكون نهايتة بالسهوله دي. دة صقر المخابرات وطول ما هو حر لازم تخاف
اسحاق
انا مستني. علي احر من الجمر علشان اصفي معه حساب قديم عدي علي سنتين
فيروز باستغراب
انت مين
اسحاق
انا ديفيد ابن سوريانا
ويخلع ديفيد الماسك الخاص باسحاق ابن شيمون علشان يظهر عماد او ديفيد عدو عمر في الجزء الاول واللي سجنه مع الافعي ولكنه قدر يهرب. وهانعرف ازاي بعدين، ،،،،،،
