رواية دموع القمر الفصل الثالث بقلم عائشة الكيلاني
كان هيفتح الباب لكن وقف على صوت موبايله الى رن راح يرد على الموبايل اما في المكتب ليالي بصتلها بهدوء ممزوج بغضب و احتقار
منيرة مربعة ايديها سالت ببرود:- اي المبلغ قليل ولا كفاية
ليالي بصتلها رفعت الشيك قدام منيرة و خليتها تشوفها و هى بتقطع الشيك مليون قطعة رمته عليها قالت بقوة و نبرة صوت ساخرة:- ولا فلوس الدنيا تقدر تاخدني يا منيرة.. ابنك بيحبني و انا بحبه و مستحيل اسيبه ، انتى فاكرة ان بفلوسكم هتبيعو و تشترو فيا تو شكلك متعرفنيش انا لو حطيت حد في دماغي مش برحمه ، انا و رؤوف لبعض و الى يفرقنا الموت مش انتوا
منيرة ابتسمت رغم الغضب الى ملي قلبها من قوة ليالي و كلامها الى زي الصفعه بالنسبة ليها اتصدمت اكتر لم ليالي رفعت صابعة في وشها:- لو فكرتي تقفي في طريقنا هتزعلي
انا نبهتك و حذرتك لو حصلت تاني صدقيني
هتندمي
كملت باستمتع و ثبات:- يا حماتي
منيرة وشها بقا الوان الكلام دا من على لسانها كانت جيبها تهينها لكن حصل العكس باب المكتب اتفتح و كان رؤوف انا اندهش و فرح لم شاف منيرة حضنه ليالي و بتبارك ليها:- يا روحي انتي متعرفيش انا فرحانة بجوازكم اد اي .. بنتي الى مخلفتهاش
ليالي بابتسامة:- مرسي يا ماما انتي من اول ما شوفتك شوفتي فيكي مامتي الله يرحمها حقيقي
انا اسعد واحده علشان عندي حماه زيك
ليالي بعدت عنها و الاتنين مثلو الاندهش :- انتوا بقيت اصحاب بسرعة دى
منيرة بابتسامة و تمثيل:- طبعا ليالي اى حد يشوفها مستحيل ميحبهش حقيقي يبختك بيها جمال رقة ادب
ليالي بابتسامة:- طب استاذن انا لانى اتاخرت اوى
منيرة:- خليكي شوية يا لولو ملحقتش اقعد معاكي
ليالي بابتسامة:- الايام جاية كتير يا ماما و هنتكلم كتير كتير اوى
رؤوف اتجه ليها مسك ايديها:- طب يا امي احنا ماشين عايزة حاجة
منيرة بابتسامة:- عايزك بخير يا حبيبي
ليالي بابتسامة:- باي باي يا ماما
منيرة:- مع السلامة يا قلب امك
رؤوف و ليالي خرجوا منيرة اترسم على وشها الغضب و الكره قالت بصوت غاضب بين سنانها:- ماشي يا خدامة يانا يا انتي مستحيل اسيب ابنى لواحدة زيك وعد لدمرك
اما في العربية رؤوف بيسوق و مبسوط ان اهلو متقبلين الجوازة:- حقيقي مفاجأة مكنتش متوقع ان تحبي امى اوى كدا و بسرعة دى
ليالي بابتسامة و حب:- يا حبيبي دى مامتك يعني اشيلها في عيني و بعدين هى مش مامتك لوحدك
رؤوف:- ليالي اول حاجة لازم تعرفيها انا بحبك و مستعد اديكي عمري كله بس امى خط احمر
ليالي بابتسامة و تمثيل:- مامي منيرة دى حبيبتي دى تدخل القلب بسرعة طيبة و حنينة جدا يبختي بيها
رؤوف بصلها بحب و ركز في الطريق بعد وقت في بيت ممدوح شهيرة على اخرها:- هو انا بكلم نفسي
ريماس بتلعب القرد بتاعها:- يا ماما ما تسيبها في حالها و بعدين انا مش في بالي كل دا اي مشكلتك معاها عايزة افهم
شهيرة بعصبية:- انكى مش معروفة مثلا و ان ليالي الكل في الكل و حياتنا بين ايديها تقدري تقوليلي لم ابوكي يموت الثروة هتكون مع مين اكيد تحت ايديها يعني البيت بيتنا و الخدامة تسرقنا و بعدين بطلي تفاهة و فوقي لمصلحتك شوية
ريماس قشرت الموزة و عطيتها لقرد بتاعها :- انت جعان يا حبيبي ان سو سوري انا اسفة يا روحي
الباب اتفتح ريماس سابت القرد على الكنبة و جريت على ليالي حضنتها:- مبرووك يا روحي متتصوريش انا فرحتلك اد اي
ليالي بفرح:- الله يبارك فيكي يا روحي انتي جيتي امتي و مقولتيش ليه
ريماس بعدت عنها بحماس:- حبيت اعملكم مفاجأة تعالي في كلام كتير اوى لازم نحكيه
ليالي لسه هتتكلم ريماس مسكت ايديها و طالعت على اوضتها هى و ليالي شهيرة نفخت بضيقه و غضب من ساذجة بنتها فوق ريماس فتحت الباب و نطت على الكنبة بحماس و فرح:- احكيلي بقا اي الدنيا معاكي يعني كنت بكلمك الصبح و مقولتيش يا سوسة ربنا يسامحك
ليالي اتنهدت بهدوء و توتر:- والله مكنتش اعرف انه هيجي أو هيعملي مفاجاة و يطلب الجوازة مني وسط المواظفين
ريماس:- واووو اي الرومانسية دى احكيلي بقا
ليالي:- مفيش حاجة تتحكي اصلا هو ابن دياب الجارحي و اتعرفنا على بعض و حبينا بعض من خلال الشغل و الاجتماعات... قوليلي انتي اخبارك اي انبساطي في تركية
ريماس:- الا انبسطت انبسطت بشكل
ريماس و ليالي فضلوا يتكلموا مع بعض عن حياتهم و التغييرات عد شهرين ليالي و منيرة مكملين في التمثلية قدام رؤوف طبعا ليالي و رؤوف اتجوزو و حياتهم مستقرة جدا اما في الشركة دياب الجارحي
رؤوف قام من مكتبه:- يعني اي... انتوا مش كنتو خارجين مع بعض
ريماس و الدموع في عينيها:- معرفش ا انا كنت في الماركت رجعت لقيتها مش موجودة
رؤوف قام خرج من مكتبه و بيحاول يتصل بيها لكن مفيش رد خرج من الشركة و ركب عربيته و ريماس ركبت عربيتها و مسحت دموعها
فلاش
ريماس راحت لى ليالي البيت بيم ان اقرب حد لى ليالي و اتحيلت عليها يخرجوا
ريماس:- ثانية واحدة هجيب حاجة من الماركت
ليالي بذهول:- انتي بجد مش طبيعيه انتي لسه فاكرة دلوقتي و في مكان غريب انتي هتجلطني
ريماس حضنتها:- حقك عليا انا اسفة يا حبيبتي
ريماس بعدت عنها ليالي بصتلها بغيظ سبتها و نزلت دخلت الماركت بعدت شوية و هى بتبص وراها فضلت تمشي لحد ما راحت جراج سيارات وراء الماركات :- هى في العربية بتاعتي ركنها قدام الماركت الباب الرئيسي مش عايزة اشوف ليها اثر ماتت ولعت المهم اخلص منها و كبيركم كمان يبقا اخد حقه انا لازم اتحرك من هنا
باك
ريماس:- زى ما سرقتي مني كل حاجة انا كمان هخد روحك و جوزك يا خدامة اصبري عليا
اما في مكان تاني كان الشريط على عينيها ايديها وراء الكرسي محاوطين بالحبل و اللزق على بؤها اتفتح الباب كانت سمعة صوت خطوات بتتقدم منها كان ايديه في جيبه قرب منها شال اللزق من على بؤها و الشريط الى على عينيها :- مرحبا ريماس هانم واقولك مدام
ليالي قالت بثبات لكن الرعب جواها:- انت مين... خرجنيي من هنا لا تندم
ضحك باعلي صوته:- شكلك دمك خفيف زي ابوكي... سرقو مني حياتي و كل حاجة فلوسي موتو مراتي و بنتي بس معلش واحدة بواحدة هبعتك لابوكي و انتي في الكفن يا بنت ممدوح
ليالي بصدمة و عصبية:- انت كدب
الحارس قرب
مختار رفع ايديه بحادة و امر بمعنى ابعد عنها ليالي بصتله بحادة و ثبات مختار:- انا عارف انكي غير ابوكي و ملكيش ذنب و انا كمان مليش ذنب اتحرم من مراتي و بنتي انا اسف بس كل فعل رد فعل و الكل يتحاسب و هبدا بيكي
طالع مسدسه من الجاكيت و رفع المسدس اتجاهه و عيونه عليها حط ايديه على الزناد وووووو
