رواية الطالبه والضابط الفصل الأربعون بقلم توتة
"لحظة واحدة سيئة يمكنها أن تخسف بيومٍ كامل."
**********************
فتحت الباب وكانت الصدمه .
نارين گاعده بزاويه الغرفه وضامه رجليها علئ جسمها وترجف.
رحت اركض عليها وسحبتها علئ حضني.
_حبيبتي شبيج شنوو صااار
رفعت عيونها عليه حمررر ومنفخات ضاهر كانت تبچي دفعتني بقووه مَآعِرَفتّ شنوو م̷ـــِْن قوه عدها رجعتني ليورا انصدمت م̷ـــِْن تصرفها.
حجت بنبره موو صوتها لاا مستحيل تكون حبيبتي نارين.
نارين / اطلع براااا ماريدد اشووفك رووووح
_نارين شبيج.
نارين / گتلك اطلع برااااا رووووح.
بقيت صافن احس عقلي وكف عن تفكيرر. شبيها ليش هيج تصرف شنوو هل كلام كلشي تخربط عندي
رجعت عليها وسحبتها لحضني
_اششش اهدي انتي تعبانه خليني اخذج للدكتور يشوفج.
نارين / انته منووو. ??
_شنوو انته منووو نااارين حبيبتي هاذه اني ضررغام زوجج حبيبج شنوو نسيتيني.
نارين / ضرغام. ??
هزيت راسي الهاا صارت تباوعلي بنضرات غريبه تگلبت عيونها وصارت بيض تخبلت ماضل عقل براسي شنوو هاذه شديصير بيها
صرت اضرب علئ خدها واحاجيها ماتردد.
_ناااااارين حاجيني بووويه ناااارين فتحي عيوونج حبيبتي لاتعذبيني بييج.
فقدت وكعت بين اديه مثل الميته.
شلتها ونزلت بسرررعه خليتها بالسياره واخذتها للمستشفئ.
طوول طرريق ماتحركت. اباوع عليها واحس روحي احترگ.
يالله دخيلك شبيهاا شصااار.
وصلت بسررعه للمستشفئ نزلت شلتها ودخلتها اخذوها مِڼـّي للطورئ بقيت منتضر خبرر عنهاا.
اتصلت بأمي.
_الووو.
ام ضرغام / الوو هاا يمه ضرغام شلونكم
_موزين يممه مووزين
ام ضرغام / ياستار. شبيك يممه شصااير. خوفتني
_نارين يمه.
ام ضرغام / شبيهااا! !!
_مادري ولله متخربطه وحالتها موطبيعيه ابدد جبتها هسه للمستشفئ فاقده.
ام ضرغام / صخام بوجهي شجاها لبارحه جنها ورده شصاار فهمني
_اني هم دايخ مَآعِرَفتّ شبيهاا وليش هيج حالتها تعااي يمهاا يووم.
ام ضرغام / هسسه راح اكول لابوك يجيبني عليكم لاتخاف عليها انشالله مابيها شي.
سديت منهاا شويه وطلعت دكتوره رحت بسررعه عليهاا.
_هاا دكتوره بشري شون حالتها.
دكتوره / مابيها شي كل فحوصاتها سليمه بسس هابط عدها الضغط.
_شلوون مابيها شي تخربطت وفقدت بين اديه.
دكتوره / هاذي تقاريرها تكدر تتاكد منهم.
اخذت تقارير م̷ـــِْن ايد دكتوره وبقيت اقره بيهم مابيها شي. لعد الي صااار شنوو معناه ??
ليش هيج حالتها اذا هيه مابيها شي
تخربطت افكاااري وماعرفت شنوو اسووي بهاذي الحاله.
_اكدر اشوفها.
دكتوره / اكيدد بسس حاول متخليها تضووج لأن بعدها حالتها ممستقره.
عفت دكتوره ورحت دخلت علئ نارين للغرفه لگيتها كاعده وتعصرر باديها صايرات حمررر.
شافتني وبچت دمرتني دمووعها.
رحت بسررعه عليها وحضنتها علئ صدري.
_شبيج. يراحتي شبييج فهميني شجاج.
نارين / ضرغام فدووه ساعدني رااح امووت راح يخنكني شووفه هذاك واكف وراك شووفه.
_شتحجين انتي منوو يخنكج واني مووجود
لزمت قميصي بقووه وهيه تبچي وتشهك دموعها بللت ملابسي.
نارين / الله يخليك طلعه فدووه ضررغام حبيبي طلعه لاتخلي يخنكني.
_منوو هوه غيرر افهم.
نارين / هذاك هذاك شووفه وراك
درت وجهي اباوع ماكوو شي شبيهاا نارين معقوله تخبلت !!!
_اششش اهدي ماكوو شخص هنااا اني يمج لاتخافين م̷ـــِْن شي انيي هناا.
نارين / لاتعووفني وياااه يخنكني يريد يبعدني عنكك
_مراح اسمح لشخص يبعدج عنييي انتي حبيبتي. روحي انتي. ارفعي راسج خليني اشوووف عيوونج.
دفنت راسها بصدري وهزت راسها برفض.
ضميتها علئ صدري بقووه واني احاول اهديها شوويه.
_اهدي بوويه اهدي كاافي تبچين راح يوكف كلبج.
نارين / بسس طلعه فدووه ولله اخاااف منه يخووف شوفه شكله.
_باوعيلي ارفعي راسج.
هزت راسها ترفض.
شلت راسها م̷ـــِْن حضني بصعوبه وركزت بعيونها المليانه دموووع.
_اهدي اني يمج مرااح اخلي شي يصيبج خليج مرتاحه.
صارت تشهك ودموعها تنزل شلالات.
نارين / ضررغام وكف وراك وراك انتبه انتبه.
_شنو ??
سحبتني عليها بقووه. وكفت وصارت كدامي خلت ايدها عليه وصارت تصرخ
نارين / روووووح الله يخليك لاتأذي ضررغام انييي اخنكني عااادي بسس لاتأذي.
سحبتها عليه وحضنتها.
_اشششش كافي كاافي اهدي شبيج تخبلتي شنوو هل حجي.
دخلت دكتوره تركض شافت حالتها انصدمت وبقت صافنه.
_سوووووي شييييي. شنوووو شغلكم هناااااا.
طلعت تركض م̷ـــِْن الغرفه مَآعِرَفتّ شنوو راح تجيب نارين مستمره تصرخ وتبچي دمرتني احس گلبي انمرد عليها.
شويه ودخلت الممرضات ولدكتوره حاولو يلزموها ماخلتهم.
نارين / لاااا عوووفوني ضرررغام طلعهم عوووفوني.
_اششش اهدي حبيبتي اني يمج.
اشرت بايدي ﺂلهم حته يعوفوها تهدئ شويه ويضربوها ابر مهدئ.
_تعااي بوويه خليني نكعد رتاحي شويه هسه اخليهم يطلعون كلهم.
نارين / طلعهم فدوووه طلعهم مااااريد اشووف شخص طلعهم.
_اهدي شوويه هسه يطلعون.
دفنت راسها بحضني وهيه تشهك كلبها راح يوكف كدد مابچت.
كعدت علئ سرير وهيه بحضني لازمتني ماتقبل تعووفني
اشرت للدكتوره تجي تضربها الابره
اجت بهدوئ سحبت ايدها وضربتها الابره بقت شويه وحسيت بيها غفت بحضني.
بعدتها عني شلتها وخليتها علئ سرير
دكتوره / مستحيل حالتها موطبيعه ابددد.
_دكتوره تصرفي شووفي شبيهااا ليشش هييج حالتها.
دكتوره / راح اسويلها تخطيط لعقلها اخاف صااير عدها مرض نفسي.
_مرض نفسي ??
دكتوره / ايي. مرض نفسي حالتها موطبيعه ابدد وتصرفاتها دل انوو هيه موو بعقلها هسسه.
_يالله دخيلك.
طلعت دكتوره درت وجهي عليها اشوووفها شلوون تشهك وهيه نايمه احسس روحي دمرت.
_ااااخ يشلعان گلبي.
عفتها وطلعت م̷ـــِْن الغرفه شويه وصلت امي وابوي.
ابو ضرغام / خيرر بويه شبيهاا مرتك.
_ولله ماعرف شكوول.
ام ضرغام / ولكك يمه احجي وكفت كلبي.
_نارين متخبله مدري شصااير بعقلها تصرخ وتحجي كلام ممفهوم ابدد. دكتوره سوت الهاا تحاليل تكول مابيها شي بسس الي يشوووف حالتها ينصدم.
ام ضرغام / صخااام لصخمني شجاها لبارحه مابيهاا شي.
_اااخ. لوو تشوفينها ليوووم مايضل عقل براسج.
ام ضرغام / هسه هيه وينهااا. ?
_انوطها ابرر مهدئ ونامت.
ابو ضرغام / خلينه ناخذها لدكتور خاص خاف هـذول مايعرفون شبيهاا وتدهور حالتها.
_خليها ترتاح شويه واخذها اكيدد ماخليها علئ ابرر المهدئ ولدكتوره گالت راح اسويلها تخطيط لعقلها اخاف بيهاا مرض نفسي.
ابو ضرغام / مرض نفسي ??
_حالتها تدل علئ هاذه الشي لأن تصرفاتها موطبيعيه.
ام ضرغام / سم لله. انشالله مابيها شي لاتفاولون علئ البنيه.
_الله كريم.
بقينه كاعدين بالممر منتضرين شويه وسمعت صراخ نارين طالع م̷ـــِْن الغرفه رحت اركض دخلت عليها.
لگيتها شالعه المغذي م̷ـــِْن ايدها وايدها تصب دمم تارسه الارضيه دم تصرخ وتبجي وعبالك شايفه جني كدامها.
نارين / لااااا اطلع عوووفني لله يخليك. ضررررغام ساااعدني.
رحت اركض عليها طلعت منديل م̷ـــِْن جيبي ولزمت ايدها حته يوكف الدم
_اشششش اهدي حبيبتي كااافي.
دخلت امي وابوي بقوو مصدومين م̷ـــِْن حالت نارين وشكلها.
ام ضرغام / يمه نارين حبيبتي شبيج.
نارين / اطلعووووو لايأذيكم هذاااك واكف وراكم. اطلعي عمممه فدووه راح يأذيج.
صارت تبچي امي علئ حالتها ابوي خله ايده علئ راسه وطلع مصدوم م̷ـــِْن حالتها
اني احس روحي انتهيت ماعرف شنوو اتصرف ترجف بين اديه مثل السعفه.
ودموعها تنزل مثل الشلالات.
_كاافي حبيبي اهدي ماكوو شي.
نارين / شيطان انته شيطااان.
فتحت عيووني مصدوم م̷ـــِْن كلامها صارت تردد كلمات غرريبه عجيبه وكانو تحجي ويه شخص عيونهاا صارت تتكلب هاي ثاني مرره تصير ويها تكلب عيونها تصير بيض
اجت بسررعه امي سحبتها مِڼـّي وصارت تقره ايات وتنفخ بوجهه. تسمي بأسم لله وتنفخ علئ وجهه
تخبلت نارين ودفعت امي بعيد عنهااا.
لزمتها م̷ـــِْن ايدها وضربتها راجدي قووي علئ وجهه وكعتها علئ سرير ضربتها خمدت ماكامت بعدد
خوفتني اكثرر عليها شلتها كانت مثل المصدومه م̷ـــِْن تصرفي بسس هدت وحته مابجت بعدد.
_اسف حبيبتي اسسف ينبضي ماريدد أذيج بسس تصرفاتج خبلتني
بقت تباوعلي بنضرات حزينه تخلي كلبي ينمرد مررد عليها تمنيت اكدرر اشيل هل مررض عنهاا واخلي بيه.
_لاتباوعين هييج كاافي رااح امووت ولله
بلعت ريكها وهيه تشهك. همست بصووت تعباان
نارين / طلعني منااا ختنكت. راح امووت طلعني.
سحبتها علئ حضني وانيي احس دنيه كلها ضلمت بوجهي.
ام ضرغام / يمه مرتك مسحوره.
درت وجهي عليها بصددمه.
_شنوووو ???
ام ضرغام / تصرفاتها وحجيها وهلوستها كلهااا دل انوو هيه مسحوررره انيي شاايفه هووايه نسوان تصيرر بيهم هيج.
نارين / انتي منوو ?
_هاذي امي نارين شبيج.
ام ضرغام / عووفها يمه لبنيه موو بوعيها الدكتور مراح يفيدها بشي خلينه ناخذها لسيد يقررا عليها.
_شيقررره فهموووني ترااا راح اتخبل ولله
ام ضرغام / تعال اني افهمك برااا.
كنت اريد اطلع لزمت قميصي ناارين بقوووه غمضت عيونهاا حييل وهمست
نارين / لا لا لا متروح.
_ماروح اني يمج. اهدي
ام ضرغام / رايحه احجي ويه ابوك لآزٍمٍ ناخذها لسيد يقره عليها.
هزيت راسي بأي عافتني وطلعت كعدت يمهاا علئ سرير. رفعت راسها عن صدري ومسحت خدودها م̷ـــِْن دموع رجعت شعرها ورا اذنها
_لاتعذبين گلبي بيج ولله امووت بدونج.
نارين / لاتعووفني ويااه اخاف
_اضمج بگلبي ماخلي شخص يوصلج ولله
نارين / تعبت ضرغام.
حجت هل كلمه ونزلت دموعها مسحت دمعتها بيدي وبستها.
_اششش. مراح اخلي شي يتعبج انيي يمج.
نارين / راح امووت. اختنكت ولله اختنكت طلعني لله يخليك.
_هسه نطلع اني وياج نرجع لبيتنه.
نارين / لا لا ماااريد ماااريد ارجع للبيت هوه خنكني هناااك يريد يموتني
_خلص مانرجع للبيت اخذج لبيت ابوج تشوفينه وترتاحين يمه
نارين / ايي بابا ارريده هووه راح يساعدني رااح يبعد هل شيطاان عني.
_شيطان. ??
نارين / شووفه هذااك شيبه الشيطان عيوونه ناااار وجهه اسود.
_اشش كافي كاافي اهدي ماكوو شي استغفري ربج كولي يالله حبيبتي اذكري لله
نارين / يالله يالله
دخل ابوي وامي للغرفه.
ابو ضرغام / يلا خلينه نااخذها لسيد حمزه هوه راح يكدر يساعدها.
_هاذه شنوو راح يسويلها ??
ابو ضرغام / يقرره عليها وينطيها علاج.
_ماشي.
درت وجهي عليها اباوع عليها مركزه علئ الباب وتعصر ايدها بقوووه وكانوو تريدد تكسرر اصابعها.
لزمت ايدها وفكيتها.
_شدسووين اصابعج تكسرت.
نارين / انته واحد شيطااان اكرررهك اطلع اطللللع.
_ستغفرلله يااااربي.
ام ضرغام / قِلَ أّعٌوِذّ بِربِ أّلَنِأَّّس مَلَګ أّلَنِأَّّس أّلَهِ أّلَنِأَّّس مَنِ شٍر أّلَوَِّسوِأَّّس أّلَخَنِأَّّس أّلَذّيِّ يِّوَِّسوَِّس فِّيِّ صٌدِوِر أّلَنِأَّّس مَنِ أّلَجِنِ وِأّلَنِأَّّس ..
نارين / هشششش لاتقرررين لاتقررررين اطلعي براااا اطلعيييييي.
_كااافي اهدي خلينه نطلع موو تكولين اختنكت يلا خلينه نطلع منااا.
نارين / لاتعووفني ضررغام.
_مااعوفج ولله وياااج اني يلا كومي.
بقت تباوع علئ امي بحقد وكره لأن قرت عليها كامت وهيه لازمه قميصي.
_عوفي ولزمي ايدي.
هزت راسها برفض.
سحبتها علئ حضني وطلعنه م̷ـــِْن الغرفه تلاگت ويانه دكتوره ورفضت نطلعها. بسس ماخليتها كتلها طالعها مسؤليتي.
صعدتها بالسياره وصعدت امي يمهاا صارت تصرخ ماتريد اميي.
ابو ضرغام / روح بويه اكعد يمهاا اني اسووق.
نزلت م̷ـــِْن سياره وصعدت يمهاا سحبتها لحضني شويه هدت ومسحت دموعها.
صعدت امي بالصدر.
شويه وحسيت بيهاا غفت. شلت راسهام̷ـــِْن حضني شفتها نايمه.
_اوووف يااربي
ابو ضرغام / انشالله مابيها شي هسه بسس يقرا عليها السيد ترجع طبيعيه
_انشالله مثل ماتگول.
ام ضرغام / سوده عليه. ولله ماتستاهل الي يصير بيهاا عسها بحضه الي سوالها. هيج
_منوو معقوله يسولها سحر ??
ام ضرغام / موو شرط شخص يسويلها يمكن انصابت بعين.
_عين ??
ام ضرغام / ايي يمه هوواي تصير تنصاب بعين ويصير بعقلها.
_اااخ يالله. واذا بقت علئ هل حاله شلووون ??
ابو ضرغام / كوول يالله بوويه انشالله ترجع طبيعيه.
وصلنه لبيت السيد ونارين بعدها نايمه. خليت ايدي علئ شعرها وهمست الهاا بهدوئ.
_حبيبتي نارين كوومي بوويه وصلنه.
فتحت عيونها. 3مرات بقت ترمش بعيونها وهيه مركزه بوجهي بلعت ريكها وهمست
نارين / اني وين ??
_كومي حبيبي.
نارين / وين جااين احنه.
_هاذه دكتور راح ينطيج علاج تاخذي وتصيرين زينه.
نارين / ليش اني شبيه ?
_موو تكولين راسج يوجعج ودايخه جبتج لاحسن دكتور يكولون ينطي علاج مضمون.
نارين / عمه انتي هنااا شجابكم.
دارت وجهه عليها امي وابتسمت الهاا
ام ضرغام / يمه تدرين بيه اني هم مريضه وعندي فقرات اجيت وياكم للدكتور يسوفني.
نارين / هاا سوده عليه بعدد لاتتحركين هوايه موزين عليج.
ام ضرغام / انشالله يمه يلا خلونه ندخل.#ڪــڔٰا̍ڕ
نزلنه سويه م̷ـــِْن سياره دكينه الباب فتحه ولد شاب سلمنه ودخلنه للبيت. كعدنه بلاستقبال
اول مادخلت نارين غمضت عيونهااا حيييل عصرتهم وخلت ايدها علئ خشمهاا م̷ـــِْن ريحت البخور كامت تريد تطلع لزمت ايدها بقووه وكعدتها يمي
نارين / عووفني اختنكت ارريد اطلع
_اكعدي شوويه ونطلع سوويه
نارين / وخررر عنييي اختنكت داكلك.
دخل السيد واجه قريب م̷ـــِْن نارين لزمها م̷ـــِْن راسها صارت تباوع علئ سيد بنضرات كلهم حقدد
صاار يقرا عليها بأيات قرائنيه فجأه نطقت هيه وگالت
نارين / مراح تگدر تسووي شي تلبستها اخذت حريتها كلها ملكي.
بقينه واحد صافن بوجهه الثاني.
السيد / الكل يطلع بررا خلوها وحدها.
_بسس.
اشرلي ابوي براسه انوو نعوف سيد يشووف شغله ماكدر اعوووفها ولاكدر اخليها بهل حاله اريدها تتعالج.
كمت م̷ـــِْن مكاني لزمت ايدي وخلت اضافرها بيها شلعت الجلد كله
نارين / لااا لااا ضررغام لاتعووفني.
السيد / عوووفي ايده.
سحب ايدي منهاا بقووه واشرلي اطلع م̷ـــِْن المكان
كام ابوي وطلعنه بقت بسس امي يمهاا.
طلعت بالساحه مالت البيت بقيت اروح وارجع وانيي حااير شسوي شلوون اتصررف.
اسمعها تصررخ بصووت عااالي ويه كل صررخه احس روحي. تدمررر ضربت ايدي بالحايط بقووه
ابو ضرغام / انته مخبل شنووو هاذه
_اااااخ ماتحمل بووويه ررااااح امووت ولله ماتحمل اسمعها تصرررخ.
ابو ضرغام / لآزٍمٍ تكون قووي. لاتضعفك مرره
_مرررتي هاااذي مرررتي افتهمووو
ابو ضرغام / ادرري بيهاا مرتك. لآزٍمٍ تقووي نفسك وتساعدها مووو تتخبل مثلها.
هزيت راسي بأيي واني اروح وارجع اسمعها تصررخ بأسمي وتصيح ضررغام سااعدني تعاال خلصني منهم ماتحملت اكثرر ورحت دخلت عليهم.
اجه ابووي وراي يركض. دخلت. وكانت الصدمه امي لازمتها وياها مرره ثانيه ولسيد لآزٍمٍ بايده عصئ يضرب بيها نارين
ناااار وشبت بضلوعي رحت بسررعه لزمت السيد م̷ـــِْن دشداشته
_انته شلووووون تجرء تضررربها شلوووووون.
السيد / بسس بهاذي طرريقه نكدر نطلع الجن منهاااا.
ابو ضرغام / ضرررغام عوووفه تخبلت.
دفعت السيد ورحت عليها سحبتها منهم وضميتها لصدري.
لزمت قميصي وهيه تشهك ودموعها تشكي حالها.
نارين / طلعني منااا ضررغام رااح يموتوني رااح امووت طلعني لله يخليك حبيبي لاتعووفني وياااهم مالي غيرك لاتعوووفني.
_اششش كاافي اني يمج مااعوفج بعدد ولله مااعوفج اهدي.
السيد / اذا تضل علئ هل حاله راح تفقد عقلها خليني اكمل شغلي.
_مستحيييل اخليك تمدد ايدك عليها.
ابو ضرغام / بوويه مايصير هييج شلوون راح تعالجها اذا انته رافض السيد يشووف شغله.
_شغله يضرربها ???
السيد / مراح تتأذه هاذه الجن راح يتأذئ ويطلع منهاا صدكني.
_مستحيل اني انضرب مكانها ماخليك تمد ايدك عليها.
السيد / ابو ضرغام. اتصرف تراا وراي نااس هوواي تريد اقره عليهم.
ابو ضرغام / ضررغام كووم خلي سيد يكمل شغله هاي عود انته الجبير الفاهم.
_ماخليكم تضربونهاااا هيه وينهاا وين الضررب شووفها شلوون ترجف راح تموووت. اذا ماتتت بمنووووو ربحييي فهمووووني.
ابو ضرغام / يعني شلووون تخليها علئ هااي حالتها عاجبك تضل هيييج.
ام ضرغام / يمه استهدي بالرحمان وكوم خلي سيد يكمل شغله.
_ماكوو طريقه ثاانيه لاه ضررب.
السيد / ولله ماضربها حييل بسس اخووف الجن واقره عليها.
غمضت عيووني بقهرر ماعندي حلل ثاااني لآزٍمٍ اتقبل المووضوع ماگدر اخليها بهل حاله ولاكدر اشووفها تنضرب واسكت
لزمت وجهه ومسحت دموعها بايدي بست راسها وعيونها.
_اني يمج ماعووفج خلي سيد يقرا عليج حته نرجع لبيتنه اني وياج وترتاحين ماشي
نارين / لاتعوووفني وياااهم رااح يموتوني ولله.
_اني يمج مااعوفج. خلص اهدي.
دفنت راسها بصدري وصارت تبچي وترجف سحبت نفسس بقهررر وبعدتها عني.
كمت م̷ـــِْن يمهاا لزمت ايدي بقووه وصارت تصرخ
نارين / ضررررغام لاعووووفني اخذذني ويااااك فدووه رااح يخنكني. راح يضرربني حبيبي لاتعووفني
غمضت عيووني بقهرر. وسحبت ايدي م̷ـــِْن ايدها وطلعت بقت تصرخ وراي وتبجي
طلعت م̷ـــِْن البيت كله وصعدت بالسياره وسديتها عليه مارريد اسمعها وهيه تصررخ ماااريد اشووف دموعها
خليت راسي علئ ستيرن السياره واني مقهووورر
ااااخ يالله دخيلك ليشش هييج. ليشش جاااي تعذبني بيهااا. بقيت تقريبا نص ساعه كاعد بالسياره شويه وطلع ابوي.
نزلت ورحت عليه بسررعه
_هاا شصاار
ابو ضرغام / تعال شيلها فقدت خلينه ناخذها للبيت.
_شنووووو فقدت م̷ـــِْن ضرررب مووووو.
ابو ضرغام / لا موو م̷ـــِْن ضرب م̷ـــِْن الجن المتلبس بيهاا موو قره عليها سيد تخربطت اوضاعها وفقدت
دخلت بسررعه عليهم ورحت الاستقبال لگيت امي مخليه راسها بحضنها وتمسح علئ شعرها
رحت بسررعه شلتها وخليتها بحضني
_شصااااار فهموووني شبيهاااا.
ام ضرغام / لاتخاف يممه قرا عليها سيد وانشالله ترجع طبيعيه.
السيد / هاك هاذي شرابات كل يووم لآزٍمٍ تشرب منهم وهاذه البخور لآزٍمٍ تتبخر بيه المغرب ولغرفه النايمه بيهاا تغيرون كل فراشها ولملابس الجانت لابستهم لبارحه تحركوهن.
ام ضرغام / الملابس شعليهم ?
السيد / مسوالها السحر. هاي البنيه.
ام ضرغام /منوو مسويلها سحررر ?
السيد / مسوالها سحرر وبأكل وشرب وهل سحرر قووي والي مسووي مسوي بنكاسه.
بقيت صافن احس عقلي وكف عن تفكيررر منوو ممكن يسويلها سحرر ويريد يموتها. ??
_هسه شلوون راح تضل هييج لوو ترجع طبيعيه
السيد / السحر. قوي احتمال تضل فترا يلا ترجع صحتها حاول ماتعوفها لوحدها لأن احتمال كلش قوي تأذي نفسها.
_شنوو احتمال يعني ممتاكد م̷ـــِْن كلامك ترجع طبيعيه اوو لااا.
السيد / لاتخاف بوويه ترجع طبيعيه بسس الموضوع يرادله صبررر.
شلتها وطلعت م̷ـــِْن البيت امي اخذت العلاج م̷ـــِْن السيد وافتهمت منه زين شلوون تسوي
صعدتها بالسياره اجت امي صعدت يمهاا. اخذتها ورحنه.
ام ضرغام / يمه جيبها لبيتنه.
_ايي. هوه راح اخذها يمكم ماگدر اخليها لوحدها بالبيت.
ابو ضرغام / لاتخاف بويه انشالله مابيها شي.
_شلوون ماخاف انتو ماشفتو حالتها شلوون فووك الضيييم ولقهرر. يضربها ويخليها تفقد ويگلي حتمال ترجع طبيعيه م̷ـــِْن خررررب بهيج عيييشه
ام ضرغام / كوول يالله يمه شبيك شنهي ماصاايره نااس تمرر عليها اشكال وتصبر.
_ماكدر اشووفها بهل حااله اضل سااكت احسس روحي عاجزز.
ابو ضرغام / سوينه العلينه ولباقي علئ لله.
_ونعم بالله.
مشينه طوول طرريق فاقده ماتحركت ولاكعدت.
_يمه حاولي تگعدينها.
ام ضرغام / خليها نايمه لاتكعد وتتخبل علينه بالكوه سكتتها.
_ااااخ ربي.
وصلت للبيت. نزلت بسررعه وفتحت الباب شلتها.
راحت امي فتحت الباب ودخلتها اخذتها وخليتها علئ الغنفه
سحر / يمه شبيهااا نارين ??
ام ضرغام / اشششش اسكتي خليها نايمه لاتگعد
_سحرر حضري غرفتج لناارين راح تضل بيهاا نامي ويه منارر
سحر / ليشش شكوو شصااير فهموني شبيهاا نارين.
منار / يمه شبيكم احجو شبيها نارين
_مابيها شي. شويه تعباانه.
ام ضرغام / بعدين افهمكم ويين سهئ ?
سحر / سهئ بغرفتها.
ام ضرغام / خلينه نصعدها لغرفه سحرر خليها ترتاح هناك.
شلتها م̷ـــِْن الغنفه وصعدت بيهاا فوگ تلاگت ويانه سهئ علئ درج. بقت تباوع بنضرات غريبه.
سهئ / ء ا. شنو شبيها نارين ?
_مابيها شي.
عفتها وصعدت بنارين اخذتها لغرفه سحر. خليتها علئ سرير غطيتها وطلعت.
نزلت جوه واني حس دنيه ضلمت بوجهي كعدت علئ الغنفه اجه ابوي وامي واخواتي كلهم كعدو يمي.
سحر / بوويه انته احجي شبيهاا نارين ليشش هيج فاقده.
ابو ضرغام / نارين مسوالها سحر
