رواية عشك الشاهيين الفصل الواحد والأربعون بقلم مجهول
🌿**بايع الدنيا بـ فلسلا أجيب ولا أودي ..
وهواي عندي عتب بس خلگ ماعندي !! **🌿
غرام
هذا شاهين القديم الي أني اعرفه وعشت وياه بوجوده أميره. وهو حصن منيع داير مدايري
لهسه ذكر مره كلي
شاهين
غرام. لاصيرين هيج انتبهي لتصرفاتج
غرام
وليش اصلا انته موجود يعني منين ممكن اخاف
شاهين
تدرين شتمنه
غرام
شنو حبيبي
شاهين
عندي سلطه عل هوى
غرام
بربك شاهين صافنه وأتخيل راح تكول نكضي العمر كله سوى نروح نسوي فلان شغله انته همك ودينك السلطة. اجيت عل هوى خلي بس هذا مو تحت سلطتك
شاهين
هاي الأماني مو الي أني الي اريده اخذه. مانتضر لا حظ ولا نصيب اخذه بالطيب بالغصب اخذه
بس امنيتي هاي الي شوفيه غريبه
لان يا غرامي بس الهوى ماكدر أحسبه لو مر من يمج
غرام
أني هم لازم اخاف من شي شاهين
شاهين
مادام خشمي يشم الهوى انسي الخوف. تدرين انتي الشي الوحيد الي اخاف. عليه.
غرام
ليش.
شاهين
غرام اذا صارلي شي انتي شلون راح تعيشين شلون راح تتحملين
غرام
ههههههههههههه
شاهين
اشو ضحكين ولج.
غرام.
ساعه وحده شاهين ساعه وحده بدونك تعني موتي. دير بالك يوم تفكر بيه للموت هم اخذني وياك. سمعت دنيا المابيه شاهيني زحمه أعيشه.
شاهين
مو رجال وانحسب عل زلم. اذا درت ضهري الج بيوم
غرام
صحيًت من صفنتي وشرودي وهل ذكريات عله صوته من كال
شاهين
وصلنه
غرام
هاااا
شاهين
شبيج بالج وين. جاي اكلج وصلنا
غرام
يله خلي ناخذ هديه ونرجع
شاهين
لا نتعشه بره
غرام
لا عدي أمور اهم من العشه
شاهين
خير شنو هل أمور
غرام
ترى من حقي تكونلي مساحه خاصه.
غرام
من ذكرت شلون جان يوعدني من يتركني ميعوفني واني دنيته وبكل سهوله تركني ورماني بحلك العالم رجع كل ذاك الغضب. الي بداخلي اتجاها
هو أخذني سوگ ذهب
اشترى. لمريم طقم ذهب ثكيل.
وهم اخذ اله واحد ثاني ناعم
كال هيه متحب الذهب الثكيل. هذا تلبسه وهذا هديه الشيخ شاهين.
المهم يتباها هل الموضوع كلش مهم عدهم
وراها أني اتصلت بيه خالتي طلعت خارج المحل احجي وياها
من رجعت لكيته مكمل
طلعنه اخذني لمول. وضل يفتر ماعرف شيريد. دخل محل ملابس نسائيه أني شفت بصفه محل عطور. رحت اشتريت عطري.
هو اجه كال يله
وراها
راح اشتره قاط اسود. وقميصه ابيض. ورجعنه للبيت طول الطريق هو يحاول يحجي وياي
بس أني ماعرف شبيه وكائن الي صار. بينه قبل عشر سنوات اليوم انعاد
هو وصلني وأنطاني العلاليك وطلع. سالتني مرام شبيه. كتله ماكو. شي وصعدت
دخلت سبحت ماعرف ليش هيج رجعتلي هاي سالفه البجي
ضليت بالساعه جوه الدوش. احس راسي فرغ
واني ابجي جوه المي
طلعت لابسه بس البرنص. احس روحي داايخه وفلم صايره. نسيت أني وين ومو وحدي بالغرفه احتمال باي لحضه يدخل شاهين.
كبل رحت للسرير ودخلت جوه الغطه ماحسيت غير على صوته
ولمسات ايده على وجهي وشعري.
كوه فتحت عيوني.
اول مافتحت عيوني. كال
شاهين
شبيج يروحي ليش هيج حرارتج. وتهذين
غرام
وخر من يمي.
شاهين
غرام شبيج حبيبتي انتي فهميني شكو احد مسمعج احجيايه غرام احجي والله احسب الله ماخلقه الي يضوجج
غرام
ريته الله ماخلقلك ولا خلاني اعرفك.
شاهين
هيج ماذيج. اني غرام
غرام
اني واصله مرحله. اذا احس مجرد احساس بقربك مني اقرف من روحي اكره كلشي بيه أتمنى الزمن يرجعني لذالك اليوم الي شفتك بيه
شاهين
لو رجع شسوين
غرام
اكتل روحي ولا خلي كلبي يدكلك
شاهين
بعدي. يريحج غرام. يخليج مرتاحة
غرام
مو بس ارتاح لا واعيش بسعاده.
شاهين
من جبرتج تقبلين هل مره بيه جنت احس أني بعدني بداخلج بس انتي تحملين غضب الي بداخلج. وأدري مو سهل الي صار...قصص وروايات عراقية كرار صلاح
بس ماجنت مصور
بيوم غرام تكره شاهين
غرام
(جان يحجي وجه حيل قريب مني )
مو بس أكرهك. اكره كلشي ممكن يربطني بيك
شاهين
يومين بس اتحملي وجودي. بس يومين غرام. بس يومين.
غرام
ليش وره هل يومين راح تخلي صگر يطلك مرام وتاخذ ابنهم ونطلع أني وأختي من هل عائله
شاهين
شگد جنت لعد مخدوع. بشغله غرام. حافضتني. بس جان لازم اعرف غرام. ماعرفتني بيوم
من. صدكت شاهين تركه بله سببب
من صدكت. ممكن اخلي اثنين يفترقون لخاطر مصلحتي.
او يمكن أني الي جنت اعمه. وماشفتج مثل ما انتي
غرام
انشاء الله. هسه رجعلك بصرك. وكمت تشوف
غرام
جنت نايمه عله ضهري. وهو منحني عليه وجهه كلش قريب مني بحيث انفاسه. تحرك بوجهي. احس انتقمت منه بهل كلام. بس ماجنت اشوف اعيونه الدنيا ضلام
بس الي خله نبضات كلبي. اسرع من ضربات رجلين الخيل بميدان السباق من وكعت دمعته على خدي
هو بسرعه طلع. واني ظليت. جامده بمكاني
شاهين. هذا الجبل. بجه معقوله لهل درجه جرحته.
هو الي ملأني جروح. وجروح بجاني كل دموع عيني.
خسرت ابويه وامي. وهو السبب.
كلمات ماجنت اعنيهن كلت من حركت كلبي خلن دموع. شيخ شاهين تنزل
ماعرف ليش. رجعت لهل دوامه وكان اليوم شاهين عافني. نفسي ضاك. دموعي شلال
ليش رجع هل الم الي يعتصر كل جزء بيه.
ادويتي. مو ويايه. بهل لحضه. تخيلت روحي اموت ومحد يحس بيه
بس واني اصارع روحي حتى اجر النفس. دخلت مرام. وفتح الضوه
جانت مليانه قلق وخوف
حقه خاصه بعد ماشافت حالتي
زين تعرف. شنو يصير بيه. من هيجً يصير وضعي مرام عاشت معاناتي وياي
حارت شسوي ماكو اوكسجين بالبيت خابرت عله صگر كاله ربع ساعه وهو يمج
بهل ربع ساعه. احس روحي طلعت لحد ما اجه صگر
اسمعه يكل لمرام. بعد ما خلتلي اوكسجين
صگر
مرام أني خايف
مرام
ليش صگر. انته طمني لو تخوفني
صگر
شاهين طلع بهل وكت. الساعه ٣ صبح مرام
مرام
ترى شاهين مو صغير يجوز عنده شغل
صگر
اكو احد. ذكره. بالماضي. بحبيبته الماتت
مرام
ترى اختي حيه ترزق
صگر
ترى بعينه ميته شاهين يعتبرهه ميته. واني السبب بكل هل عذاب الي هسه شاهين بي
مرام
انته شكو شعليك
صگر
خهههه دائما. نشوف شاهين بعين الجبيره شاهين الي مايغلط ومن حجيتي انتي عن الي صار وياكم.
أني استغربت سمعته كلام جان ملازم اكوله.
شاهين رجع غرام لحياته بسببي.
مرام. راح يرجع هل بيت ينكلب لجحيم. مادام. عيون شاهين اليوم هيج مادام انفاسه هيج.
مرام راح صير شوفته حصره على امي. والله يعلم من الجاي.
مرام
ترى الي عاشته اختي مو شي قليل الله يعلم شكاله حتى هيج تصير
صگر
مستحيل اصدك. شاهين ترك غرام. لان عرف جانت مخطوبه وماكلته مستحيل.
غرام
شنو هذا الي جاي اسمعه. شلون عرف شاهين بخطوبتي أني وجهاد. حاولت بكل الطرق ماخلي يعرف. شلون عرف
معقوله عيشني كل هل جحيم بسبب هل شي
مر اليوم واني وحدي بين اربع جدران. مرام بين فتره والثانية. تجي تسال عني كتله وين شاهين كالت يمه خطار
صارت الدنيا العصر دخلت اسبح زحمه. لازم اروح لحنه اجتي زهراء. كالت
زهراء
شاهين دزني. عله ملابسه
غرام
ليش ماجه هو
زهراء
والله حبي مادري أني اصلا ماشفته علي كال جيبي قاط. شاهين الي مشتري البارحه.
غرام
ماشي
غرام
فتحت العلاليك مال البارحه لان اصلا ماشفت شبيهم. طلعت القاط انطيته لزهراء. وهم حذائه.
هيه طلعت واني طلعت علبه كاتب عليه. ( لبنوتي وأختي. مريومه ).
عرفت هاي هديه. مريم. بس اكو. علبه ثانيه جبيره فتحته العلاكه الي بيه كتاب عليه
( اجمل ام مهيب بالكون انتي. ضلمه دنياي الي مابيه انتي وضحكتج وعطرج وانفاسج عمري المابي انتي مامحسوب مبيوكه سنين عمري المرت من دونج احبج غرامي بكل تفاصيلج. اريد اشوفهم عليج غرامي )
جانت دموعي تجري واني افتح العلبه واذكر. ذاك اليوم الي حركت بيه كل شي اسمه شاهين جايبه البومات الصور الي جنه كل سنه نختم البوم صور بس النه. حركت كل شي يجمعني بي.
نفس ذيج الحركه. بداخلي واني اذكر نفسي من جنت اشوف. النار تصعد جنت احسه هاي النار ربع الي بداخلي.
جان جايب علبه. ذهب بيه كلاده اسم ( ام المهيب ) شوكت لحك يسويه اكيد جان موصي عليه
وياها فستان محجبات لون بيجي.
صافنه عليهن وهنه كدامي. فجاءه دخل حسن ابن علي. وكال
حسن
عمه بيبي تكول تعالي يله اخذي صور ويه الكل
غرام
ماشي حبيبي بس وين عمو شاهين
حسن
جاي يأخذ صور ويه عمه نهله
من كال هيجً احس شاهين جاي يكلي. انتي والمأكو سوه زين يعرف شكد اضوج من قربه من هاي الي اسمه. نهله وجاي يأخذ صور وياها كدام الكل
من شوكت هو يحب يدخل المكان بي نسوان
بعيني يا شاهين هييه خربانه خربانه
رحت طلعت فستان. ابيض. تسعين وعدل. ولبست. وياه كعب احمر
وخليت مكياج. طوخ ورشيت عطري ونزعت الحلقه وخليته عل ميز. وأخذت العلبه الي بيه. الفستان. والكلاده وشمرت بحاويت الزباله الي بلي صاله مال. غرفته
لان حضرته عده سويت
ونزلت
اول مانزلت شفته كدامي جان يريد يطلع بس صفن بيه. وأحس عيونه مختلفه احسه ضلام.
اصلا مبين يريد ينفجر
كال لفهد وصگر يله. وطلعو
جنت واكفه بصف مرام جان تكول
مرام
غرام
غرام
هاااااا
مرام
ولج هاي الي اسمه نهله امدي اشرب من دمه
غرام
هههههههه كره متبادل أني هم ماحبه
مرام
ههههههه لوشوفيه قبل شويه رادت تموت لو ماتخذ صوره ويه شاهين حتى حرجته كدام الكل
غرام
ليش
مرام
اجه شاهين والشيخ مظفر ماعرف شعدهم دخلو لغرفه الشيخ وسدو الباب
فمن طلعو جان فهد مبدل ونازل وجاي صگر ياخذله صور ويه عماته وخالاته.
فهد طلب منه يأخذ صور وياهم بس هو ماقبل. وطلع ويه جده. يعني شاهين. مو كلش اجتماعي ويه النسوان مو مثل حضي صگر يخرب عليهن هههههه المهم هو راد يطلع وهيه حارت شسوي بس حتى يأخذ وياها صوره
عاد خالتي فدوه الكلبه.
كالت لحسوني ابن علي.
روح صيح عمتك غرام خلي تاخذ صوره ويه رجله
وحجت بصوت عالي خلته تلصم
غرام
مرام جانت تحجي واني اذكر. الرساله الي كاتبه دمعته البارحه من نزلت حسيت كلبي يوجعني. توني اريد اكوم اصعد حتى اطلعهم هم من سله الزباله
دخل هو. وعصابه المرعبه بحيث احسه سوه درجهم هذا الي ينكطع كلبي يله اكمل مثل البرق ووصل لغرفته.
اني لحكته حتى اشوف شبي
توني وصلت لباب غرفته طلع هو بعد ماصفن بيه وكال
شاهين
يعني مكاني الزباله غرام ماشي انتي حره
غرام
انتي حره كاله ونزل اتبهت لاف الكلاده عله ايده اني احس رجليه متعيني الم داخلي فضيع ...قصص وروايات عراقية كرار صلاح
لكيته مسوي الفستان الف قطعه خرب بيك شبسرعه لحكت هيج شككه
ضليت كاعده وحدي بهل غرفه. لازمه رسالته بيدي ماكدرت اذبه.
هو بعد مارجع
مادري شًوكت غفيت وفزيت عله صوته الي مثل الرعد نزلت اركض مثل الخبله حافيه
مو غضب جان لا بركان هذا مرام من شافتني كالت ارجعي بسرعه لغرفتج
ماجنت اعرف شنو سبب هل غضب بس أني اكيد. جنت احد اسبابه.
شكله مخيف وهو بهل حاله
اذكرت مره من كالي غرام. بس حظنج عطرج يخليني اهدء غرام. خاف يصير بالمستقبل واعصب
غرام احضنيني حتى لاذيج
لحضت غباء وحنون نسيت بيه أني ماعدت غرامه هومو شاهيني ركضت عليه ماحسيت غير شي ضربني ولطشني بالكاع
معقوله ضربني.
احس الدم طلع من خشمي وحلكي. وصارت مثل الوشه براسي مادري شنو الي صار. صحيت ماعرف بعد شكد.
لكيت الكل فوك راسي امه كالت
ام علي
ها يمه الحمد لله. شلون صرتي
غرام
خاله ليش ضربني
ام علي
لا يمه شاهين بعمره ما مد ايده على مره بس هاي الضربه جانت لفهد وانتي اخذتيه مكانه
فهد
مشكوره خويه جان باجر. وجهي بنفسجي وتدرين عرسي
غرام
😒😒😒😒😒😒😒☺️☺️☺️☺️☺️☺️
ام علي
ماما شبيج صاحيه انتي كل عقلج شوفينه بركان هايج شلون تصيرين كدامه
غرام
مو احضنه يهدء
غرام
من كلت هاي الكلمه ورفعت راسي هو مسح وجهه وطلع
بس شنو أني احس كلشي براسي موتني. ادري بوكس هذا لو صاروخ ضرب راسي
بديت اخاف منه
حتى ماسالت ليش تعارك ويه فهد بليه عرسه
بس صرت افكر معقوله ماشفني
معقوله تقصد يضربني
اي ليش لا.
بس ردت النوم مثل كل مره ياخذني ماكدرت
طلعت من الغرفه مال امه جانت الساعه ٢:٣٠ بليل
رحت للغرفه دخلت مالكيته معقوله راح ينام بالديوان
زين أني شعليه بيه.
بس أني الي محتاجته ماعرف بس كان أني الي محتاجه عطره
اني الي محتاجه حضنه نزلت للطابق الثاني اريد اسال عنه. شفت باب السطح مفتوح قررت اكعد هنانه بلكت الهوى شويه يريحني
من وصلت لهاي الكعده الي مسوينه لكيته مدد وحاط ايده على عيونه.
محتاجته حيل. وأريده ماكدر بعد استحمل هذا الم الي بداخلي
مددت بصفه وخليت راسي على صدره.
دفعني عنه وكام دون كلام. قبل مينزل كتله
غرام
صعبه مو كلمه اكرهك حيل تاذي. مو شاهين.
شاهين
ماتستاهلين ذره من حبي الج
غرام
من ضربتني متعمد لو ماتدري
شاهين
مو رجال الي يمد ايده على مره
غرام
وهم كلت مو رجال وانحسب عل زلم اذا عفتج وعفتني شاهين. شلون اصدكك
شاهين
اي خلص لعد أني مو رجال
غرام
يعني راح تتركني بمهب الريح مثل كل مره. بدون سند مثل سعفه بمهب ريح
شاهين
مو تقرفين من قربي لو أني غلطان
غرام
ليش رجعت وخطبتني من جديد حتى ذلني مره ثانيه
شاهين
شتردين نكمل هل لعبه ماعدي مشكله نكمله
غرام
باوع بعيوني شاهين واحجي
شاهين
صرت اكره عيونج
غرام
لعد ماله داعي نكمل هل لعبه على كولتك
شاهين
اي ننهيه وارجعي لأمريكا. وخلصيني
غرام
وراح ترتاح
شاهين
ماشفت الراحه من يوم الي عرفتج
غرام
لعد ليش خليتني ادخل بحرك الي موجه هايج وتركت ايدي. ليش شاهين.
شاهين
الغلط ماجان تركج لا هذا اكثر قرار صح جان الغلط جان الرجعة الج
غرام
شنو تريد تموت
شاهين
هههههههه ذكرتج قويه عل عكس نيتي أعيش.
غرام
بس شوفني عيونك
شاهين
شبعت هواي من تمثيلج المبدع غرام.
غرام
لتروح. بس هل ليله والله ماكدر. شاهين. فدوه بس هل ليله.
غرام
شكد جنت احس بذله واني اتوسله حته اغفه على حضنه. الألم الي بداخلي تخطه حد الكرامة.
شايفين شكد صعب. تتوسل إنسان عدك اعز من روحك تتوسله حتى يبقى يمك لحضات
مووووت ولا حبيبك يتعزز عليك. نار الي بداخلي حركت كل ذره بيه.
نزل واعافني نفس صرت ماكدر اجره.
بس شميت عطره من وكعت حسيت بدفو حضنه
اي ذني نبضات كلبه
هذا صوت انفاسه المضطربه اي هاي رجفه ايده الي جان يكلي ماكو شي يهزني غيرج
هذا هو. يمكن حن عليه
يمكن حس بيه
يمكن بعده علشگني
اريد قوه حتى احضنه بس اديه متعيني. كال بصوت بي رجفه
شاهين
ارحميني
غرام
ليش ما رحمتني كتلك ساعه شاهين ماكدر من دونك عشر سنين شلون هنت عليك.
شاهين
شمتخيله جنت عايش وانتي مو بحياتي
حسيت روحي اتحسنت. ماعرف يمكن محد يصدك اذا اكول جنت محتفضه بقميص اله. من اوصل لهل مرحله احضنه واشمه
دخيلك ربي ليش بحبه هيج عاقبتني
ردت اسحب روحي واحافض على البقه من كرامتي
كتله
غرام
شكرا الك. اني زينه تكدر تروح
هو سكت ماحجه شي. وراح تمنيت لو يبقى ياريت يبقى.
شاهين
من طلعنه وهذه مو عله بعضه اشتريت اله فستان عجبني كلش وراه اخذت ال مريم كم قطعه ذهب
اني جنت مسويه اله كلاده قديمه كلش جنت مفكر. انطيه اله
من نزوج والله يرزقنه بمهيب بس صار الي صار
كتبت اله رساله مثل ايام قبل وقررت انطيه الكلاده جانت الدنيا متوسعه من الفرح من اكله ام المهب
بس الي صار دمر كلشي دمرتني من داخلي وخارجي
من كالت اكرهك من حجت كل ذاك الكلام نهت كلشي
بيه رغم كل هذا ماكدر اتغاضه عن سالفه مرضه
دكيت الباب على مرام وصگر وكتله روحي لاختح حراته مرتفعه
غرام الشخص الوحيد الي خلي دمعه شاهين الجبل تنزل لا وفوك العذاب نزلت بحضوره
ثاني يوم اتفاجاء بشكله. وكأنه تكلي رجعت غرام الي قبل ماتعرفك
طلعت واني أثور ومنعت كل شي اسمه رجال يدخل.
مستحيل اخلي احد يشوف مرتي بهل شكل ورجليه الطالعة
وراها عرفت فارس داز رساله لفهد مدري شمسوي وهذا مختفي
شلون حيره يربي منين اتلكاها. وراها اجاني تليفون عباس كال لكيته وهذا ويايه
صعدت اريد ابدل وانزل
واشوفه ذابه كلشي جبته بالزباله
غرام الي جانت تحضن هديتي وتنام تشمره بالزباله
لزمت الثوب سويت الف قطعه. آباوع الكلاده. مشموره والزبل يعني حتى هاي ماثرت بيه
شلته بيدي وايقنتً هيه متستاهله
توني اريد اطلع
وصارت بوجهي
واحسه من باوعت عل كلاده تكلي اي الزباله مكانك مو بحياتي
عفته وطلعت بليل هم اختفه فهد وطلع رايح لفارس ومسويلي فضيحه شكبره
اني منا روحي طالعه النفس كوه أجره
وهذا الي وصيته يبتعد عن فارس ويعوفه الي يكسر كلامي ويروح
جنت بس اريد سببب حتى احرك الكون وفهد انطاني هل سببب
ردت اضرب فهد بس ماحسيت غير غرام تكومت جواي وجهه تعبه دم
لا يربي كلشي ولا هاي اريد اشيله أوصله عرفة امي ماكدر جدي شاله عني.
الحقيره شكد اذتني بكلامه واتصرفاته
بس أني دنيتي تبدي وتخلص بيه
وره ساعه يله صحت ادري شبيج هيج ترفه علي يحاول يهديني بس شيهدي أني نار تاكل بداخلي
ومن فتحت عيونه وحجت احس الدم وكف بجسمي
شهل. تناقض.
قبل يوم تكلي اقرف من قربك وهسه تشوفني مثل النار اكل الأخطر واليابس وتشمر روحه بحضني حتى تهديني
عفته وطلعت
احس كلشي بهل كون ظدي
جنت نايم عله السطح وأحس راسي راح ينفجر من التفكير
بلحضه غرام بحضني ورأسه عله صدري
راح تخبلني
جنت ارد عليه بلا وعي اريد احرك كلبه مثل مسوي بيه
بس احس بيه شي غريب. وخاصه طريقه كلامه. ردت. ادوس على كلبي وأمشي
بس ماكدرت من شفت رادت تفقد الوعي يمكن جنت مستعد انطي حياتي بس حتى اشوفه بطوله
حسيت بكل الي مرت بي واني مو يمه خاصه من جانت تعاتبني عله بعدي
وحق دين الله. يا جهاد لاجيبك من اخر دنيا وسويك عبره لمن اعتبر حتى لو اخسر حياتي
واني بدوامت افكاري هاي حسيت انفاسه هدت معقوله متحس بعذابي
ولجً اعشق التراب التمشين عليه يعني بس انتي الي عذبج البعد
ولج أني البعد. كرهني الدنيا بالذي فيها
وراها ابتعدت حسيته تريدني قريب منه حاجه مؤاكثر
صايرين مثل مد وجزر
ثاني يوم جان عرس والدنيا مخبوصه جنت مجبور اخفي حزني وضيمي وتواجد ويه الكل بكل ما املك من طاقه
قبل كلشي أني شيخ عشيره بكبره. العالم متعنيه تجي لشوفتي من اخر الدنيا احترام وتقدير الي اكيد ماستقبلهم بوجه عابس
ومن جهه ثانيه العريس اخوي. واليوم اسعد يوم بحياته اكيد هم مراح اكلب خلقتي
مشاكلي الخاصة. بجهه وأهلي وناسي بجهه
دخلت الغرفتي. الصبح. شفته نايمه بس مبين على وجهه التعب والحزن. وخاصه شفته مجروحه. من ضربتي
منضره هيج ينهي كل ذره بيه
مددت بصفه عل سرير. بس ضليت بس آباوع عليه. ماجرئت اقترب واحضنه واكله. خلي نرجع مثل قبل شاهين وغرامه
حسيت فجوه جبيره بينه
واني بدوامه افكاري وصفناتي. حضنتني كل قوته ودفنت راسه بركبتي احس جسمي شنج
زين ادري بيه نايمه. ومتدري شسوي
بس جانت تهمس بنومه لتعوفني مره ثانيه
هل كلمه ضل صداهه بأذني
اني ماعفتج قبل حتىً هسه اعرفج وحق ربج بعد لو مو تكولين اكرهك لو شمتسوين
مستحيل اتركج وخلي ليصير يصير خلي يعذبني كلامج خلي كلشي يصير يصير
انتي الي وحدي ملكي أني وحدي.
كلشي بيج الي أني وحدي
نسيت روحي وليش أني اجيت ضليت مدد وهي بحضني يمكن حلمانه بيه لان هواي تذكرني بحلمه
وراها حسيت بيه راح تكعد او صحت
غمضت عيوني وسويت روحي نايم
الي طير عقلي من راسي
باستني. بشفتي بوسه خفيفه تعبانه بس بيه لهفه وشوك
شلون صبرت وتملكت نفسي ماعرف.
باستني ورجعت حضنتني وهيه تشم بركبتي
اجيت اكله. وخري مو انتي الي تقرفين من قربي. بس كلبي مانطاني.
اني اريده يمي بحضني مو تبتعد عني
ضليت مغمض عيوني. وأحس كلبي مثل خيل بسباق دكاته طبل
وره فتره هيه طلعت. من الغرفه.
أني سبحت وبدلت لبست تراك. عادي ونزلت لكيته كاعده هيه وامي. ويضحكن على شنو مادري.
صبحت عليهم وطلعت. للديوان بدون. مابوع عليه
ضليت للضهر اشتغل ويه الولد.
من ذبحو الذبيحة. جنت واگف يمهم طفر دم. على تراكي. هو جان لونه رصاصي
لذالك الدم جان واضح. دخلت. اريد ابدل. صارت بوجهي أني جنت عصبي مثل عادتي عل كل أني اصلا نفسيتي تعبانه
هيه عباله. بيه شيء من شافت الدم بالتشريت.
داخت رادت توكع.
حضنته بسرعه قبل متوصل للكاع. وكتله
شاهين
شلون دكتوره انتي.
غرام
مابيك شي
شاهين
هذا دم العجل مو دمي.
من كتله هيج. احس الدم رجع بوجهه أمي ضلت تسولف وتضحك وياها أني صعدت ابدل
هم سبحت ولبست دشداشه ابيض خليجي ونزلت. هيه صافنه بيه شبيه هاي
اعتقد عده انفصام. بالشخصيه.
شبيه ساعه تصفن بيه وتبرسني. وساعه اكرهك. اقرف منك
طلعت يم الشباب. وبالي يمه
غرام
بعد الي صار وياي ايقنت. اني بعيد عنه مستحيل اكدر أعيش. هل كم يوم الي رجعت عشت وياه. رجعت للماضي.
شاهين رجعني لنقطه الصفر.
من جديد رجع بعده. يموتني بعد مجنت قانعه روحي شاهين ماعد اله أهميه بداخله
خاصه اخر الأشياء. الي صارت
من عرفت هو. عارف بسالفه خطبتي بجهاد
من كال مو أني الي اترك حبيبتي بلا سبب
مو أني الي افرق اثنين لخاطر مصلحتي
اكو. شي صار خلاه يبتعد
وشي ثاني خلاه. يرجع.
لازم اعرف كل هاي الأشياء
ومستحيل اسمح للماضي ينعاد.
هل مره غصب عنه مايتركني
صح أني الي جنت اريد ابتعد بس كافي اي بعد أني الي ردت اموووت ووجعني حضنه للحياة
نمت بعد تفكير طويل. واني كل أحلامي. بي
حسيت على روحي الصبح واني بحضنه.
وجهه تعبان. مبين عليه السهر. وشفته بيضه.
ماعرف شصار وله شنو الي خلاه يبتعد. بس اكيد عده سبب
أني عشقت رجال. عده كلمته دين بركبته.
كلمته عنده تعادل. كرامته وهيبته
شخص مثل شاهين. مستحيل. يغدر. لهسه اذكر من حلف كدام. منارير الكاضميه. ( غيرج ام للمهيب مصير)
الكلاده. الي مسويه. مستحيل جان يكون. يضحك عليه
لازم اعرف شنو الشي الي خلاه يكل للكل. ماتتت قبل الخطبه بيوم
زين اعرف هو مراح يحجي. واصلا بعد كلامي وياه قرر يبتعد. عني
وكاله بصريح العبارة. ( انتي حره)
كرامتي. متسمحلي أني الي اطلب منه مينهي كلشي بس زين اعرف شلون اخلي غصب عنه. الي يرجع
ويكولي على جذتي. لغيري تصيرين
اني زين اعرف شلون اثير الشاهين.
بسته وتمنيته كاعد وأشوف. رد فعله وراها. بدلت ونزلت. جوه هو نايم
كعدت يم امه
وبدت تحجي
ام علي
شوكت يجي دوركم
غرام
ههههه لازم أني احدد موعد للعرس اذا اضل عله شاهين. بعد عشر سنين منزوج
ام علي
ههههه اي والله صدكتي عوفيه عليه. اني احاجي جده وغصب عنه يفكر بيه
غرام
ههههههه والله خاله ابنج محد يكدر يدخل بقرارته. اني مالي شغل لهسه راسي دايخ من ضربته
ام علي
لا يمه ترى الله شاهد مو انتي قصده هو جان نيته فهد وصرتي كدامه
غرام
ادري خاله والله. بدون ميبرر او يحجي ادري شاهين مستحيل يمد ايده عليه. خاصه احنه ماكو اي خلاف بينه ليش يضربني
ام علي
صح والله. بس يمه ماعرفتي. شبي هيج مسودن عل عالم. والله محد يكدر يفتح حلكه بكلمه وياه
غرام
لا والله خاله اصلا قليل اشوفه.
ام علي
الله كريم. هل اجه.
غرام
اهاااا كعد عود أني طلعت بهدوء حتى ميحس
ام علي
هو نومه حيل خفيف
جنت صافنه بيه بس هم ما باوع عليه سلم وطلع
وره فتره جنت ملتهيه ويه البنات ودخل. صدره كله دم. عبالي بي شي. نفس الألم رجعلي. رجليه رتخت واني اتخيل بي شي. هو حضني بضحكه وكال مابيه شي. دم العجل مو دمي
اوووف ربي شهلً حاله هسه شيكول. مو علساس أكرهه
امه ضلت سولف وياي ونو. مابي شي هو صعدت بدل ونزل شطالع بالأبيض. يموووت ضليت مثل الثوله صافنه عليه
كل عاده ماعبرني وطلع
وره الغده كالو تحضرو للزفه لان راح تطلع واليوم مريم رجعت لاهله هيه حتى حنته سوته بيت جده بس الزفه من يم اهله
صعدت للغرفه. حايره شلبس دخلت للغرفه بعد ما شمرت شالي عل جربايه. صافنه عل ملابس شنو ممكن البس.
ماحسيت. غير باب الحمام انفتح وطلع شاهين لاف المنشفة عليه. باوع عل جربايه المتروسه ملابس وكال....
