رواية لأني عاقر الفصل الواحد والأربعون بقلم مريم خفاجة
...
غمضت عيوني بصبر
وهمه كاعدين گبالي
ملاك:-ما اكدددر ازهر افهمممني
رغد انتي تعرفين كلشي
ازهر:-هاي بعد بكيفج بس انتي راح
تنقذين حياة انسانة
باوعت لعيونة ماتعرف الماضي مالتي
حقك
رغد:-مادري احس راح اتخبل
ملاك:-ليش غيث بالذات لييش
خلي قيس يتزوجها
ازهر:-شوف قيس اليتزوجها
غير صاروا ممالخ هنا لا عبدالله يطيق قيس
ولا قيس كذلك نفس الخيسة ثنينهم
تمتمت وشفايفي ترجف:-اخذها انتَ
ازهر:-بابا گتلهم اني اخذها ماعندي
مانع ورغد هم قبلت
بس الگواد اخوها مايرضى
ملاك:-ليش
ازهر:-علمود ميشكون بالسالفة العالم
وعود انتِ لان ميصير عندج اطفال ياخذوها
حجة
ملاك:-زين خلي اكول لغيث
رغد:-خو نگلة احنة
لو يموت مايتزوجها خاصةً اذا عرف عبدالله
بالموضوع بعد ذيج العركة عبدالله اصلاً
مايطب بغداد هاي عود بآخر فترة
يلا گدر يطب ويطلع براحتة
ملاك:-هي شلون سوت هيج
رغد:-اصلاً زينب فقيرة رقية ملعبة
بعد مادري استغفرالله من ذنبها
ملاك:-رغد اخاف
رغد:-بكيفج ملاك مانجبرج والله اذا رفضتي
عادي گوليلهم احنة مامجبورين ننفذ
كلشي يطلبوا من عدنة
ملاك:-تموت البنية
ازهر:-طبها مرض محد كالها روحي استغفر الله
هسة احجي حجاية روحي بابا توكلي
لبيتج هسة اخابر خالي واگلة رفضت
لاتخافين
ملاك:-لا لا لتگلة احاول افكر بالموضوع
رغد:-گومي احاجيج
عدلت عبايتي واني ارجف
بعد السمعتة مستحيل اگدر اصدك
طلعنة برة وهي تسولف وياي
ملاك:-رغد انتي الوحيدة الماضي مالتي
وتعرفين طليقي تزوج علية
ونفس المعاناة راح اعيشها
رغد:-تختلف لان نتفق 3 اشهر وتتطلك
بس علمود تنكتب بالجنسية مُطلقة
ملاك:-اخاف واذا صارت حامل
غمضت عيونها بصبر
وگالت:-أُمي شبيج جاي نگلج اتفاق
ماتخلي يوصللها
مادري هاي السالفة شلون تنحل
ملاك:-هو شلون يتصرف هيج هي اختتتة
رغد شفتيهن الصور ولج باعي اطرافي
كلها ترجف ماحن كلبة عليها
رغد:-لا بالله؟ ليش جا اني مو خلاني
نايمة بالمستشفى 3 اشهر
عگدت حاجبي:-ليش؟
رغد:-دتعاي گعدي بعدها ما واصلتلج السالفة انتي
گعدت ؏ مرجوحة وهي بصفي
رغد:-هاي من جانت ميار صغيرة ودينا
جنت ستوني جايبتها
تقريباً ورا الأربعين بـ 3 ايام
جنت انضف البرة هاي الصبة
لان محد ينضف وعمتي ماتكدر عود
جان ازهر يرشها رش
فـ جاي انضفها
وميار طالعة برة تلعب بالشارع
جانت بردة احنة نخلي يعني باب الشارع
يبقة مفتوح بس اكو بردة ماينشاف الجوة
ملاك:-اي
رغد:-ولابسة قصير الدنيا حارة
وطب هو عبدالله الجلب جفت
يعني اني ماشفتة
مدنگة الم بالزرع
ولج ملاك شعري هذا كلة انشال بيدة
بحيث من شالني صارت رجلية
تتلولح بالهوى وهو طويل وضخم
سگطني تسگط
وجنت توني جايبة وعندج الحساب
وعلي ضربني ضربة ؏ بطني
بالماسحة بحيث بطني انشگت من الطول للطول
ملاك:-يااا جلب ليييش ضربج
رغد:-لأن جنت انضف ولابسة قصير
والباب مفتوح شالتة الغيرة الـ***
3 اشهر بضبط اني بالمستشفيات گتلج بطني
انشگت بحيث الدكتورة كامت تدك وتلطم
هاي جان عود ما متعين بعدة بالعسكرية
ملاك:-الله لاينطي
رغد:-هو گتلج همة ذولة
الاثنين قيس وعبدالله كارثة اذا
اجتمعوا ؏ بشر مستحيل
يعوفوه
ملاك:-وغيث شسوالة
رغد:-جا غير صارت من الروس
سنين مرت وهمه ميتحاجون
ولسة محد يحجي ويا الثاني
ملاك:-رغد مادري راح اموت والله
ماجاي اعرف افكر من جهه اگول ارفض بس
راح اعيش طول عمري متدمرة اذا ماتت
والحل بيدي اگدر انقذها
رغد:-صدكي يكتلها بدون مايرفلة جفن
عمتي تگول من تعين لسة ياهو اليحاجي
يشيل سلاحة بوجهه
وهذيج مرتة عايشة بالضيم والصليم
عازلها وحدها ببيت ورقية تگول
يومية اسمع صراخها يدك بيها ويرجع لورا
ملاك:-شنو هذا مالة رداد
رغد:-لا منو اليردة يمعودة عمي
سكر وجلطات متتالية وعمتي ماتكدر تحجي
منو يعني يردة
ملاك:-والله غيث يقبل اذا
گلتلة احاول اقنعة
رغد:-ما ادري بس متأكدة مليون بالمية
اخوي وأعرفة مستحيل يقبل
ملاك:-باعي جسمي ولج السالفة ماطابة بعقلي
كلها من وحي الخيال احسها
ماحس اكو هيج معقولة توصل لهاي النذالة؟
رغد:-حبيبتي العراق بلد العجائب
وين عايشة انتي هي الأم بعد ما ترحم بزرها
تردين الأخ يرحم اختة
قلة العايشين ؏ حُب الله
العالم فد مرة استهترت
ملاك:-ما ادري راح اروح
اذا اضل هنا بعد اتسودن حبابة اذا اجة
غيث دزيلة غدة ماگدر اسوي
منا الم ضهري وهسة هاي السالفة
كل ضني بس علمود اني عاقر
رغد:-روحي حبي فكري بالموضوع
ترة المفتاح بس بيدج وبكيفج بعد
ملاك:-النذل الله لا ينطيك يا عبدالله
رغد:-والنبي محمد لو يرضى جا اخذها
ازهر قابلة وحتى لو يخليها طول العمر هنا
عدنة واني كتلة وتوسلت بي
امس كتلة تضل يمي يزوجها ازهر وما تطلك
مايرضى
ملاك:-معقولة يريد ينتقم من غيث؟
رغد:-بضبط
غيث جان عندهم جان صگارة مطيح
حظ حضة
ملاك:-الله لاينطي ان شاء الله
رغد:-تدرين شفكرت
ملاك:-شنو؟
رغد:-كلت يتزوجها غيث ونوب
يطلگها ويتزوجها ازهر وهيج نفك السالفة
ضحكت:-دنجبي باع تفكيرج
رغد:-والله لان ماكو حل ابد
رجعت كعدت وكتلها:-زين هوَ شلون شافهم؟
رغد:-غير شاف تصوير
لطمت ؏ خدي وهي تسولفلي وجسمي
يرجف
ملاك:-وووولج شلوووون تسوي هييييج
رغد:-ولج غير صديقتها تخليلها ببطل الماي
ملاك:-امها شلون ماعرفت
رغد:-اني ادري
ملاك:-اكو بالسالفة انّ مستحيل هيج
رغد:-مادري بعد بس گتلج قيس سولف
خلة شعر راسي يوكف
ملاك:-وهو بدل ما يأدبها هيج يسوي بيها
رغد:-گ***
ملاك:-زين شسمة شلون درة بيها مو باكر؟
رغد:-هههه اصدمج؟
ملاك:-يلا هو شبقة موتيني
رغد:-جاب وحدة من ذني الساقطات
ملاتة وفحصتها
ملاك:-شلون شلون؟؟؟؟
رغد:-اي خية ونوب بلش بيها
ملاك:-راح اروح اذا اضل يمج اتخبل
ضحكت واني طلعت من باب البيت
قابلني قيس يريد
يدخل گال:-ها يحلوة شلونج
ملاك:-وخر عن خلقتي انت
دفعتة عني ومشيت لبيتي
فتحت الباب ودخلت اهفي ؏ وجهي
طبيت لجوة بالصالة ذبيت عبايتي
وگعدت ؏ التخم وشكل زينب يمر بدماغي
ضميت رجلية لصدري
ونزلن دموعي عليها ليش هيج
ضيعت نفسها؟
؏ هاي الگعدة ساعات بقيت
لحد ما اجة غيث اول ماطب فزيت
عگد حاجبة وگال:-هاي شبيج؟
ملاك:-هلا حبيبي الله يساعدك
حضني وباس گصتي كال:-شبيج؟
ملاك:-مابية ضهري يأذيني
غيث:-ها الأجازة
ابتسمت مجاملة واخذني
من ايدي وگعدني ؏ التخم وگال:-خو ماسويتي غدة؟
ملاك:-لا ماسويت رغد راح تجيبلك اكلك
غيث:-اخذتي علاج؟
بلعت ريگي وكتلة:-لا
راح للصيدلية ويطلع العلاجات
شعور وانتوا بين قرارين شعور صعب
ماجاي اگدر افرزن الأشياء
فكروا وياي
من جهه انقذ روحها لأن حي ؏ الصلاة
راح يذبحها؟
ومن جهه خايفة ؏ حياتي تتدمر؟
وبالحالتين راح اخسر
يمكن لو نقذتها راح اتأذة بزوجي؟
ويمكن اذا ما وافقت تنذبح وبهالحالة راح
تكون حياتي متدمرة اكثر
اخذت علاج وصعدت فوك
كسراتي متعددة
ما جاي تمشي حياتي عدل
ارتاح سنة واتعذب عشر سنين
شوكت تستعدل حياتي؟
تغطيت بالبطانية
وغمضت عيوني واجة طيف ريم ببالي
بمكان زينب شنو موقفي يا ترى؟
واني اشوف اختي بهالحال
لو ما انقذها يمكن الله يطلعها بأختي؟
وثنينهن نفس العمر؟
دتتخيلون الحرب النفسي الأمر بي؟
اشياء مستحيل اگدر افسرها
ومموجودة بالعراق اساساً
الي يتخيلها راح يشيب راسة زين شلون
وهيّ حقيقة فعلاً؟
اشياء دتصير بالعراق مو طبيعية
مايستوعبها العقل
وهاي كلها متسترة تحت غطاء العيب
والفشلة وعدم الفضيحة
عبدالله المفروض مو سجن ينسجن
لا اعدام واشفي گلبي بي
اغمض عيوني
وتمر بيهن شكلها وهي تتوجع
واتذكرت الي گالتة الي امها الصبح
ام عبدالله:-ابوس ايدج ملاك انقذي
بتي ولج يمة والله اموووت اموووت والله
عيني ؏ التلفون مدنگتها
واني اشوف الحرك الي ببطنها
واديها المتشوها وشعرها المگطع
و وجهها الي كلة كدمات
واسمع صوتها تون شهكت رقية
بصوت ناصي وهمست:-ملاك اختي دمها برگبتج
والله تنذبح
ذبيت التلفون بيد امها
وتراجعت لورا طخ ضهري الحايط
وشهگت من المنضر
ام عبدالله:-ملاك اسمعيني ابوس رجليج
اعتبريني دخيلة عندج بداعة امج العزيزة
خليها بمعزة ريم بكلبج
اعتبريها بتج اختج وانقذيها
انفتح الباب ودخل ابو عبدالله
باوعتلة وعيوني تصب
سحب مرتة من زندها
وگال موجهلي الكلام:-ربيت ابني وكسرت
ضهري عليّ وأعترف الغلط مني ماكسرت ضهرة
مو ضهري وأعترف اني تيهت بناتي
واحتاريت بأشياء مو ضرورية
واني اعتذر منكم ابوية
و؏ العركة الصارت أمس ماعرفت
شلون اگلة لغيث يستر ؏ وحدة من خواتة
الة بالزواج
ملاك:-عمووو شلووون تگددددر تخللللي
هيح يسسسسوي ببتك شلوووون شلون فهمني
ابتسم بحزن:-اذا هو يرفع المسدس
بوجهي شترديني اسوي؟
ملاك:-اشتكي علي وخلي مثل الجلب بالسجون
ضحك بهدوء وگال:-ياما وياما
دخلت مراكز علمود اخلي يخيس بالسجن
واخلص من ضيمة بس تنعكس الآية
واگعد اني ببدالة بالسجن
ملاك:-هذا مو مبرررر عمووو
ماجاااي افتهم هو ليش يريد يزوجههها لغييث
ام عبدالله:-حتى لمن يطلگها غيث
تنكتب مطلقة وبهالحالة
يعوفها
ملاك:-الله لايوفقة الله لاينططططي
شهكت واني مخلية ادية ؏ رگبتي
واشاهك عافوني وطلعوا
وعيونهم متعلكة بخيط أمل بية
بقيت ابجي لحد ما رحت لرغد
وطلعت تعرف بالسالفة كلها
وهمه كذلك مابيدهم مفتاح حل الة
غيث
وشيقنع غيث؟
نمت وگعدت اتجهز لعقد زوجي
شلون وليش
لحد يسألني
واني وياه محد يحجي ويا
الثاني من اسبوعين بعد ما اتعاركوا
عركة جديدة
دخلت بنصهم وگتلة:-موافقة تتزوج زينب
بيومها كتلني كتل مستحيل
اتوقعة ولو ما رغد جان متت ؏ ايدة
وهو يصيح ماريدها
زينب ماشفتها ابداً
واني لابسة ثوب طويل اسود
لفيت شالي وانتضرتة ينزل
نزل لابس كلة اسود كذلك
درت وجهي عنة وهو هم ومحد حجة
ويا الثاني
وماكو ببالي غير حال زينب
شلون راح الگة شكلها؟
نفسة الي بالصور؟
وصلنة لبيت عمهم بالشافعات
ورغد وزوجها ويانة
لزمت ايد رغد قوي
وهي تهديني
طبينة سوة
لبيتهم تلگتنة ام عبدالله بوستنة
كلنة
عدى غيث عافها وطب جوة بالأستقبال
شهگت بقهر
واحنة دخلنة لجوة
عيوني تدور عليها
دكيت باب غرفة طلعتلي رقية
بيدها تلفونها:-وين زينب
رقية:-تعاي هنا
دخلتني لغرفة ثانية
واني اشوفها كاعدة مدنگة راسها
؏ اديها وتگرض بأضافرها
ولابسة ثوب مستور ابيض
ملاك:-زينب
رفعت راسها علية ودموعها
بعينها تقدمت يمها وهمست:-انتي زينة؟
هزرت راسها بـ لا وشهگت
اخذت راسها لحضني ومسحت دموعي
ومنضرها يخوف
ضلت تبجي بحضني
لحد ما اجت امها
ملاك:-رجع كتلها؟
ام عبدالله:-الصبح
غمضت عيوني بقهر واتمنيت
اخذها يمي وبدون ما ارجعها يمهم
شعور
من تشوفون شخص متأذي
بين اهلة وناسة ويردون يخلصون منة
ودكم تاخذونة وبعد ماترجعونة
لأحد
لحد ما أجة السيد يعقدلهم
مادري شعور الخوف من الخسارة ماحسيت
بي
ولاخفت هي يمكن تاخذة مني
لأن بالأساس هالشيء مراح يصير...
لزمتها وگعدتها ؏ كرسي
وهي ترجف وتبجي ماسكتت ابد
وعبدالله گاعد گبالها
خزرتة واني اباوعلة بقرف شلون يگدر
يأذي لهالدرجة؟
وافقت زينب
أما غيث ماسمعت صوتة
بكد ما جنت ملتهية بزينب التشهك
وتريد تتنفس متگدر
ملاك:-جيبي مااااي يمعووودة
ركضت رقية تبجي تجيب ماي
ماحسها الة انسحلت من ايدي
درت وجهي ؏ السريع وشفتة
لازمها من شعرها وهي تصرخ
ركضتلة وهو يسحل بيها بدون رحمة
ملاك:-لككككك عوووووفهاااا اتخبلللللت
يضحك ويشرب جگاير
شمرها بالغرفة واكو بوري الي يخلو للبردات
ماشوفة الة شالة وراد يرگعها بي
ليش وشنو السبب ماندري
صار ازهر گبالة وصارت الضربة بي
داخ ولزم راسة وهو وگع من ايدة
البوري وزينب غابت روحها
ملاك:-اللللللله لايوووووفقكككك شنوووو
من بشششششر انتتتتت
اجة يريد يضربني دفعة ازهر
وصاروا ممالخ تدخل ابو عبدالله وفاككهم
واني اگعد بزينب
وهو يصيح:-الششششررررريفففففة
تتتبجبببببج الگـ****
ملاك:-واااااااااالله ماكووووو غيرررررك
السسسسساقطططط والموووو شرررريف
عبدالله:-للللج بتتتت الكللللب انتي لاترادددديييينيييي
ملاك:-تاج راسك ادبسز صلف
يريد يهد علية وابو لازمة
وامة هم
وبهالحالة خلو يستسبع علينة
دفعتة رغد لبرة وسدت الباب
وقفلتة
شلون متحملي؟
واني اتذكر ابوية وتعذيبة النة
واشوف روحي ببدالها
شلون ما انقذها؟
واني جنت اتمنى واحد يشيلني من ايد
ابوية
ساعتين احنة نحاول نصحيها
ماتگعد
وازهر اخذوا للمستشفى
اما غيث فـ ما ادري بي وماجان موجود
من اتعاركوا
ام عبدالله:-روحي يمة رجلج بالباب
ملاك:-زينب ليش ماتگعد
رقية:-هي هيج تغيب عن الوعي ساعات
وتگعد
ملاك:-ليش؟
ام عبدالله:-روحي يمة
ضليت كل ساعة دايرة وجهي
عليها اخذت غراضي وطلعت لغيث
منتضرني بالسيارة
صعدت بدون ما اباوعلة
والدنيا ليل
مشة بدون صوت
واني ساكتة ودايرة وجهي
غيث:-ضايجة حضرة جنابج
درت وجهي عليّ وگلت بهدوء:-لا ما ضايجة
غيث:-لهالدرجة ما مهتمة؟
سكتت
ما جاوبتة
ما مهتمة لان فعلاً موضوع الزواج
مو مهم گد ما اريد اخلصها
ماخليت بالي بأي شي
وصلنة لبغداد
نزلت وهو راح مدري وين
دخلت اخذت تلفوني ودگيت ؏ رقية
جاوبتني:-ها گعدت زينب؟
رقية:-اي حبيبتي كعدت شكراً لأن وگفتي
ويا أختي مانعرف شلون نردلج هذا الجميل
ملاك:-حبيبتي
تكدرين تنطينياها؟
رقية:-اي تعاي زينب
اجاني صوتها المتعوب:-الو
ملاك:-ها زنوبة صرتي زينة؟
زينب:-اسفة
ملاك:-؏ شنو؟
زينب:-تزوجت غيث وانتي تحبي
ابتسمت:-لا حبيبتي مالة داعي
احنة نريد نشيلج من هالمستنقع وبعدين
انتي ماراح تاخذي الج مو؟
ضحكت من حجيتها
وهي گالت:-لا اني والله ما احبة
ملاك:-يا ليش
زينب:-ماحبة لان جان يقيدنة هنا من عاش
يمنة واهلي يحبونة اكثر
من عدنة هم جنت اغار منة
ضحكت:-هاي هيج
زينب:-اسفة والله اني اعتبرة اخوية
ولا راح اوصل يمة ابداً واني هم احبج هواي
ملاك:-حبيبتي اهم شي انتي زينة
زينب:-اي زينة شكراً
حجيت وياها شوية
وراحت واني بقيت انتضر غيث
ما اجة لحد العشرة بليل
ملاك:-وين جنت
غيث:-هي هم صدك
ملاك:-ماتجاوبني
غيث:-وخري عن خلقتي
راد يعبر لزمت ايدة ودرتة علية
بعصبية:-من احجي وياك جاوبني
غيث:-نصي صوتج لا اركع راسج بالحايط
تخصرت:-اي بلا اركع راسي شو اشوف
رفع حاجبة:-شو صايرة صلفة
اكو شي سولفيلي
ملاك:-صارلك اسبوعين ماتحجي وياي
انت فهمني اكو شي؟
لوة ايدي وجرني الة أكثر:-لاااا بس
من تتصرفين براحتج وشفتيني
عفتج ؏ حل شعرج
گمت تسوين سوالف من جوة الگاع تبحوشيها
ويصير خير ست ملاك اذا ما اندمج
فـ لا اتسمى غيث
ذبني حيل
فتحت عيوني ؏ وسعها
وهو صعد ركضت وراه:-شتتتتقصصصصدددد
غيث:-بعدين تعرفين شقصد
ملاك:-غيييث لا تطلعني من طوررري
گلي شتقصد
غيث:-اريد انام
ملاك:-لاتعاملني بهالبروووود
غيث:-اليجي من ايدة الله يزيدة
ملاك:-ياااالله جاي اگللللك
البنيييية تتعذذذذب من وراااا اخووووها
غيث:-وانتي شعليج؟
ملاك:-ترضاها اختك تتعذب وانت
تباوعلها بدون ماتسوي شي؟
وهو ينزع بالتشيرت كال:-وهي اختج؟
ملاك:-هي بعمررر ريم تخيلتها
ريم
غيث:-اي خلي تفيدج لعد
ملاك:-اسسستغفررررالله
غيث:-لو تطلعين لو تنامين ماريد اسمع صوتج
ملاك:-هيج صارت؟
غيث:-اي
ملاك:-خوش لعد بس خلي اگلك
ما متندمة بگد الشعرة ؏ السويتة الها
لأن جنت بفد يوم احتاج احد يساعدني
ومالگيتة وماريد اخلي اي شخص يحتاج مساعدتي
وما اساعدة لان مو لهل درجة
ماعندي رحمة للانسان
غيث:-قصدج غباء زايد
ملاك:-اي هذا هو
شلت البطانية ونمت ودرت وجهي
عنة وهو كذلك
بس اصوات انفاسنة تنسمع لحد ما نمت
وجرت هاي العركة للاسبوع
الثالث...
وبيوم جنة اني ورغد بالصالون
صافنة ؏ روحي وأهمالي
لكلشي حتى نفسي
ملاك:-منو الي عندكم تعرف تكص شعر؟
الموضفة:-اكو وحدة زهراء اسمها هسة اصيحها
ملاك:-تمام
رغد:-شتردين تسوين ولج؟
ملاك:-اكص شعري
رغد:-صدك تحجي لو تخبلتي؟
ملاك:-والله
رغد:-والعباس اكص راسج ولج شبيييج
ملاك:-اريد اعدل نفسيتي لعبت روحي
رغد:-دكلي *** اصبغي ميشي لاتكصي ولج حلو
ملاك:-اخوج يحب الشعر القصير
رغد:-انعل ابو اخوي
ضحكت بصوت ناصي واجت البنية
زهراء:-منو رادت تكص شعرها؟
ملاك:-اني
زهراء:-افتحيلي شعرج
رغد:-لاتكصيلها ولج هاي مخبلة
ضحكت وفتحت القراصة ونزل
شعري للگاع
فتحت عيونها ؏ وسعها:-هذا اكصة؟؟
رغد:-صلي ؏ محمد خية
زهراء:-والعباس ما اگصة شتردين تسوين سوي
ملاك:-صحيلي ام الصالون
زهراء:-لا جذب اشاقة وياج بس والله شعرج
طويل حلو باعي حتى سرح وثخين ليش
تگصي
ملاك:-اني اريد اكصة تعبت منة
زهراء:-لحد وين؟
اشرتلها ؏ اكتافي
ضلت رغد تصيح و البنية هم تحجي
ماهتميت
حطت المگص ؏ شعري
وغمضت عيوني
جان كمال يحب شعري
وهذا اول شي اسوي حتى اخلص منة
بس هيهات رعب كمال
اخلص منة...
كصت شعري وكلهن يحجن علية
ماهتميت وصبغتة لون ازرك
انطيتها فلوس وطلعنة
والطريق كلة رغد تدردم
ملاك:-عمي شعري لو شعرج
رغد:-دولي والنبي حرام عليج يعني ميصير
هيج تگصي كصة وحدة الغسل امداج
ملاك:-دنجبي
عفتها ودخلت للبيت
صعدت فوك لگيتة نايم وحاضن
مخدتي
والله ماتگدر بدوني ادري بيك
فتحت باب الكنتور واخذت
ثوب نوم اسود
لبستة وعدلت نفسي
ونزلت لجوة باوعت لروحي بالمرايا
وضحكت صدك تغير شكلي
وين جان شعري شطول هسة ارتاحيت منة
باوعت اكو اماعين
وكفت اغسلهن شوية وسمعت صوتة
وهو ينزل من الدرج ضحكت بخفوت
واني متحمسة لردة فعلة
باوعتلة من المرايا
واگف بالباب وصافن ماهتميت
سويت روحي ما ادري وكملت اجلف
؏ كيفي
حسيتة تقرب وصار بصفي
غيث:-هاي شمسوية؟
ملاك:-شكو؟
تلمس شعري وهمس:-هاي باروكة؟
ملاك:-لا شعري
صفن ما مستوعب وبعدة
فاتح تك عين وعاگد حاجبة اخذت ماي
شوية ورشيتة ؏ عيونة
غمضهن وفتح عيونة اكثر
واخذ شعري بيدة:-ليش كصيتي؟
ملاك:-عجبني
غيث:- مو لأن اني ماحبة؟
ملاك:-لا
غيث:-ها
ملاك:-اي حبيبي
اخذ ادية
وفتح الماي وغسلهن
عكدت حاجبي:-شدتسوي
سد الماي وشالني بين
ايدة وهمس:-هسة اني اگلج شنسوي
صحت بصوت عالي
بس هيهات يستمع
بعدتة عني ودرت وجهي عنة
جرني من ورا وطبك ضهري بصدرة
ملاك:-وخر يلا من اكلك وخر يعني توخر
غيث:-انتي تحارشتي بروحج
ملاك:-اني شعلييييية
غيث:-ليش گصيتي جنت اضوج من شعرج
وما اوصلج هسة براحتي
ملاك:-اي ديلا واساساً انت مو زعلان حضرتك
شكو جايني وخر يلا
غيث:-گلتي هواي وخر راح انطيج راشدي
ملاك:-اي اضربني قابل شبقة هو
غيث:-صايرة صلفة وتراددين
ملاك:-ماينسكتلك بعد
غيث:-هو انتي الماينسكتلج سالفة زينب
ما ناسيها ترة واني اعلمج شلون
تضمضمين سوالف
عگدت حاجبي ودرت نفسي علي
واني مصعدة الملحلف لجسمي همست:-شنو؟
غيث:-عبالج مايوصل الخبر؟
لو تضلين تضمين بي اني مو كايلج
ماتضمين علية لو ما گايل؟
سكتت
غيث:-اسالج جاوبيني؟
ملاك:-اي گايل
غيث:-جا ليش تضمضمين بعد وتتفقين
ولا كأنُ اكو رجال وراج؟
ملاك:-مو شسمة
غيث:-شسمة؟
ملاك:-خفت ما توافق
غيث:-ومن تحطيني بوسط
الناس وتنطين بكيفج قرارات ماخفتي؟
عادي عندج
ملاك:-انت منو كالك
غيث:-قيس
ملاك:-يانذل
دمغني:-نذل لأن طلع سوالفج
ملاك:-انقهرت عليها
غيث:-بابا السويتوا غلط ليش هي تنحل
بالزواج؟ وعبالكم استمر وياها؟
شهرين واشمرها بباب اهلها
ملاك:-اعرف بس هو كايللها بس تنكتب
مُطلقة وهذا هو
غيث:-بابا انتي ليش مضحك؟
ملاك:-والله هو كاللها هيج
غيث:-وراح يعوفها؟
حتى لو تتطلك يمكن ما ياذيها بالضرب
يأذيها بالكلام
ويمكن هي تنتحر
ملاك فكري عدل
ملاك:-شنسوي لعد؟
غيث:-مانسوي شي الي انتوا ردتوا فقط
غيرة ما اسوي زينب اتزوجها كم شهر
بدون حتى ما الزم اضفرها
وارجعها لأهلها اكثر من هذا ماگدر
اسوي بس اريد اطلع من خطيتها
ملاك:-غيث لاتسوي هيج
غيث:-شنو الأسوي؟ بالعكس سويت المطلوب
انتوا لو كايليلي جان عرفت شلون
أأدبة هو دوا عندي بس انتوا ماخليتولي حل
ملاك:-ما ادري خليها للوكت
نتفق الاسبوع الجاي تجي هنا؟ والله خايفة عليها
يومية اخابرها واراسلها
غيث:-الله كريم
سكتت وضميت راسي
بحضنة واني متفشلة والسبب كلة من
رغد
ردت اگلة وهي ماقبلت الصوج
صوجها مو صوجي
بليل نزلت
لكيتة كاعد يشرب جاي ويخابر
تقربت منة سمعتها ام عبدالله
وهو يعاتبها وهي تبجي
لحد ما اتفق موعد الزواج يوم
الأحد
بقيت متوترة
طول الايام الفاتت
ساعة اگول
السويتة غلط
ساعة اگول
لا صحيح
مشاعري متخربطة
لحد ما اجة يوم الاحد
واني زينب ماعفتها ولا ثانية
هالشيء مُمكن رب العالمين
يجازيني عليّ؟
الدنيا دوارة
وكما تُدين تُدان
قدم خير يجيك
خير
قدم شر يجيك
شر
وهو كذلك...
ما جان عرس اصلاً
زوروها الأمام الكاظم واجت يمنة
امها تبجي وابوها يمسح بدموعة والباقيين
الي همه عمام غيث وعماتة
محد يدري بالموضوع عدى عمتة
زهرة "ام ازهر" فقط والباقيين
ميدرون واحنة بالأساس ضمينة عليهم همة
حتى ماتتأذى
جانت لابسة فستان ابيض
وقطرة مكياج ما مخلية ابتسمتلها
وبوستها وهمست:-الف مبروك
رجعت همستلي:-؏ شنو
ملاك:-خلي نكول لان ما متي ؏ ايدة
هزت راسها وضحكت
زينب:-احس جاي اسوي شي حرام
ملاك:-ليش؟
زينب:-احسة اخوي
واني متزوجتة
ابتسمت:-المهم انتي بخير
زينب:-راح ابقة ادعيلج طول عمري
اذا ضل بي عمر زايد
ملاك:-ان شاءلله تحصلين الحياة السعيدة
زينب:-والله يرزقج الطفل وتفرحين
بي ويجازيج ؏ هذا نقائج
ابتسمت وكعدتها وعيوني
مدمعة
مادري ليش
بس فعلاً هي ما تستاهل يصير الها هيج
ولا أي بنية بالكون تستاهل العذاب
احنة نستاهل شي حلو
بس الدنيا تعكس ويانة
احنة القوارير بس محد رُفق بينة...
وعماتها يباركللها ويهوسن
ويجن يهدأني واعتقد شكن اكو شي
بس ماحجن
لحد الليل والكُل راح
گامت زينب واني شلت غراضها
وراها
اخذتهن مني وكالت:-تعبتج
ملاك:-دللي تعالي خلي افتح الثوب
دارت وجهها علية
وفتحت السحابة وطلعتلي آثار ضهرها
شهكت
وهي دارت نفسها
وهمست:-اطلعي ملاك
ملاك:-تعااي
سحبتها ونزعتها الفستان
واني اباوع لجسمها المشوهه بالحرك
والضرب
شهكت وخلت ايدها ؏ بطنها
وخرتها واني اباوع
جلدها محترك
ملاك:-هاااي شنوو
زينب:-حرگني بالسجين
ملاك:-شلون فهميني شلون
زينب:-خلة السجينة حامية ؏ بطني
ومن شالها انشال الجلد وياها
گلبت بطني من المنضر وغمضت
عيوني ودرت وجهي واني لازمة گصتي
دايخة
سمعت باب الكنتور ينفتح
عرفتها تبدل
درت نفسي عليها واساعدها بدون
ما اباوع للحرك
وهي تهمس بـ آخ وكلبي يحترك حرك
اندك الباب مسحت دموعي
وهي صارت لورا ماتريد تبين فتحتة
لكيتة غيث:-شجاي تسوين
ملاك:-جاي ابدللها
غيث:-خلصي وصعدي
ملاك:-تنام فوك؟
غيث:-جا وين انام؟
ملاك:-خاف العالم تجي الصبح
وهو متجهه للدرج گال:-وشعلية بالعالم
سديت الباب
وهي صافنة تباوع للفراغ
گعدت بصفها وكلت:-يلا تنامين
همست بهدوء:-ما عبالي اطلع مناك عايشة
ملاك:-الحمدلله والشكر
بس زينب
زينب:-ها
ملاك:-لا تأذيني هنا
عگدت حواجبها:-شنو يعني؟
مسحت دموعي
وكلت:-مو سهل وحدة تقبل تزوج
رجلها بيدها واني....
سكتت ردت احجي ؏ ماضي
وما كملت
گالت:-ما جاي افهم؟
ملاك:-جبتج يمي لأن اني جنت بيوم
احتاج مساعدة ومن شفتج شفت روحي
بيج لاتخليني بيوم اندم!
زينب:-تقصدين اخذ غيث؟
هزيت راسي بـ اي
ضحكت بصوت عالي ودموعها
تجري:-صدك تحجين جاي اگلج اخوية
تعرفين شنو يعني اخ؟ اني حاسبتة
اكثر من عبدالله كأخ لا أكثر
عبدالله نذل وكل يوم وكل لحظة اني ادعي
عليّ ومو بس اني الكُل يدعي علي حتى
جهالة الوغار يومية يجون لأمي
يكلولها شوكت ابوية يداوم يردون يخلصون
منة محد يحبة ولا احد يطيقة اصلاً
اما غيث شفتي وحدة من عماتي تكرهه؟
ملاك:-لا
زينب:-الكُل يحبة بدون استثناء
واني ذاك اليوم من گتلج ما احبة
قصدت الحب الي ببالج
بس اذا ترجعين للحقيقية
فـ اني احبة اكثر من اخوية الي من امي وابوي
ملاك:-ان شاءلله تكونين عد حسن
ضني نامي يلا ارتاحي لاتفكرين بشي
زينب:-تصبحين ؏ خير
ملاك:-وانتي بخير
عفتها وصعدت لغيث
شفتة متمدد يلعب بالتلفون
لبست شي خفيف
وشعري اصلاً ماشيلة
ونمت ؏ ايدة
جرني وهمس:-اليوم اني عريس عليج
ضحكت:-غير عرس هذا
ضحك وصار فوگاي
مستمتع بحُبة ألي
وما ادري شضاملنة القدر؟...
7
وثاني يوم گعدت قبل الكُل
خاف يجون
گعدت غيث گام طب سبح
واني دخلت وراه
ونزلت ؏ كيفي
مالگيت زينب گاعدة
دخلت للغرفة مالتها لگيتها نايمة
تقربت من الجرباية اريد
اگعدها واني اشوف فراشها مبلل
عرفتها شصاير بيها
عضيت شفتي بقهر
وحطيت ايدي ؏ متنها:-زينب
فزت بسرعة وهي تغطي
المكان وتحجي وهي ترجف:-ها ها
ملاك:-يلا گومي راح يجون عمامج
زينب:-اي اي
وغطت المكان بالبطانية
استغفرت ربي وصعدت لفوك
كلت خاف تستحي مني
انتضرت شوية ونزلت طبيت للغرفة
مالگيتها وشايلة الفرشة ومخلية
فرشة جديدة بس البطانية
نفسها غمضت عيوني
ماريد احسسها اني دريت
عفتها وطلعت ورشيت معطر للغرفة
وانتضرتها طلعت جانت سابحة
ومخيلة جوة ملابسها
الغاسلتهن الفرشة مكورتها بشكل
زغير
ملاك:-صباح الخير
زينب:-ص.. ص.. صباح النور وين
اشر ملابسي؟
ملاك:-بالحديقة الور البيت
زينب:-تمام
راحت واني كمت عدلت
نفسي وغيث طالع مكيجتها
مكياج خفيف بالگوة يلا
اقتنعت
شوية شوية شوية
بدو يجون
واول شي اهلها
خو ابوها وكع ؏ صفحة من الاعتذار
كل ما يحط عينة
بعيني يگول:-اعذريني يبوية
طاحت بيكم البلشة واني ماعرفت اربي
ملاك:-لا عمو غلط مراهقة نحسبة
وان شاءلله يتصحح
هز راسة بقهر وبفشلة وسكت
سلمت ؏ عماتة وهنه مقهورات ويگولن
ما تستاهلين هيج يصير بيج
واني ابتسم بحزن
باوعت ما لگيت زينب
گلت:-وين زينب لعد؟
ام عبدالله:-قافلة الباب ماترضى تطلع
استغفرت ورحت دگيت الباب
عليها طلعتلي
ملاك:-تعاي ليش خانسة هنا
زينب:-خاف يجي غيث
ملاك:-وأذا اجة غير انتي مرتة
تعالي يلا
اخذتها من ايدها
وطلعت سلمت وهنه يباركلها
ويوجبنها بسكتة علمود ما انقهر بس اني
ما اباوعلهن لو اعوفهن واروح اسويلي
شغلة
لليل يلا
فضت الهوسة واستمرت 3 ايام
ويومية واحد عازمهم
وغيث يتعذر لو يطلعلة شغلة
لو يغلس
جاسر وخواتي ما أجو
بس ملك تدري بالموضوع اما
جاسر فـ اصلاً حضرني واتعارك عركة
جبيرة ويا غيث
ولسة مايحجي وياي ولا يرضى
يجيب ريم
واني اشيل روحي واركعها
بالگاع هو بس انتوا بقيتولي تحرموني
منكم هم؟
وبيوم
اندك الباب رحت فتحتها
شفتة قيس كلبت عيوني وگلت:-تفضل؟
قيس:-شبيج تگلبين بعيونج ماكل ورث ابوج
ملاك:-ما اطيقك
قيس:-خلي اصير رجل اختج واشوف شلون ما تطيقيني
ملاك:-لو تموت اضفر اختي
ماتلزمة والله يالله
قيس:-اي دخلي نشوف صيحيلي غيث
ملاك:-ادخل جوة بالاستقبال
دخل واني غميتة من ورا وهو
صاح:-شفتج ترررة
ملاك:-و؏ اساس خايفة منك
قيس:-عرمة بس اختج حبابة طافرة
طفرة وراثية
ملاك:-تماديت هواي؟
وشنو اختج واختج اليسمعك يگول
ثارد وياها
قيس:-ياريت
ملاك:-ضل احلم
قيس:-الحلو بية احلامي تتحقق
ملاك:-بس هذا ما راح يتحقق اوعدك
رفع حاجبة وضحك
ضل كلبي يرگع شبي هذا؟
ضليت ساكتة لحد ما طلع
اجيت لغيث كتلة:-شيريد هذا
ضحك وكال:-يريد اختج
ملاك:-والله لو يموت
غيث:-جاسر الگـ*** مايحجي وياي
ملاك:-حتى اني
غيث:-والسبب منو
ملاك:-يووووووو
ومَرت الأيام وزينب لطيفة
وياي تساعدني من
غيث ما موجود ومن يجي تركض لغرفتها
وهو ما مهتم الها
ولوجودها وهذا المريحني
تلبس حجاب منة وماگدر
اكللها لا لأن هي متعودة منها
السالفة الوحيدة المضوجتني وقالقتني
هي
تتدرر ؏ نفسها بليل
تخليني اشوط واحترك بنية
بهالعمر ليش هيج
مسوين بيها؟
وهي تستحي تگلي
مرات تغافلني وتغسل الفرشة
او مرات اشوفها تخلي جواها شي
حتى تنام علي وماتغسل الفرشة
واني اسكت واعوفها
وبيوم جانت نايمة الضهر
اجة غيث شبكتة بالباب وهو
يبوس بية
دخل راح يبدل واني صبيت
الأكل
وصحتلة وطبيت لغرفة زينب وشفتها
كذلك نفس الشي
گعدتها ورجعت تفز كل
ما اصيح بأسمها وغطت
نفسها عفتها وطلعت نزل
غيث طبينة للمطبخ
وسديت الباب حتى تاخذ راحتها
كعدنة ناكل كال:-ماتجي هاي
ملاك:-هسة تجي تغسل
شوية واجت وهي لابسة
دشداشة طويلة وحجاب همست
برجفة:-السلام عليكم
ملاك:-وعليكم السلام تعاي اكلج
برد
كعدت واني اباوع لأيدها ترجف
وبدت تاكل بهدوء
ماگمت لحد ما خلصت وهي
ماكلة شوية من الماعون
صعد غيث ينام
واني وياها نغسل الأماعين
ملاك:-زينب عادي احجي وياج شغلة؟
زينب:-اي
ملاك:-انتي بيج سُكر؟
سكتت:-لاتستحين ترة عادي اني اشوفج
من اول يوم العرس وهذا اكيد
مرض بس جاوبيني؟
زينب:-اي
ملاك:-من شوكت
زينب:-هوَ بسبب عبدالله
ملاك:-دتاخذين علاج؟ ما اشوفج شو؟
هزت راسها بـ لا:-مارحت لدكتور
بس حللت وانطوني انسولين ونوب خلص
وما جابولي بعد
ملاك:-وشلون لعد من يهبط او يرتفع
شلون تعرفين؟
زينب:-عندي هذا الجهاز واني
ما آكل حلا هواي ولا آكل اشياء دسمة
ملاك:-ليش ما گلتيلي
زينب:-امي ماتقبل
تحجي وياي وهي مدنگة
ماتحط عينها بعيني
ملاك:-ليش ما تقبل؟
زينب:-گالت هو انتي فترة وراجعة
واحنة ناخذج ونعالجج
ملاك:-مايصير هيج
اني راح احاجي غيث
سكتت وما حجت
صعدت لفوك افكر بيها ماريد
يصير بيها شي اريد حياتها تصير زينة
وتتعدل بس ماجاي اعرف
شلون ابدي وياها
من كعد غيث گتلة
صفن بوجهي وكال:-وهيّ عدها مرض بالقلب
انخطف گلبي وكلت:-يمة
غيث:-اكو بعض العلاجات يمكن ما توالمها
مادري بعد
ملاك:-خلي ناخذها للدكتور اي دكتور
انتَ تعرفة
غيث:-حبيبي هو شهر واحد بقة
وترجع لأهلها همه يشوفولها دكتور
ملاك:-غييييث مو لهل درجة والله تاخذها
واذا ما اخذتها اخلي ازهر ياخذها
غيث:-انجبي
ملاك:-حباب ناخذها باجر اني وياك
لجاسر يحللها ونشوف شنو الإجراءات ها؟
هز راسة وهو عينة بالتلفون
تقربت يمة اباوع شجاي يسوي
دمغني
ضربت الموبايل وشردت
وثاني يوم اخذناها لجاسر
ما باوعلي وحتى انطانة حجز وبالعادة
ندخل بدون حجز عاملنة مثل الغربة
انتضرنة وغيث يهز برجلة سريع
ويهمس:-اني اعلمة
لحد ما اجة دورنة لزمت ايد
زينب ودخلنة
غيث:-رد السلام ؏ اقل
جاسر:-محد يستاهل اردلة السلام
غيث:-لك لاتضل تشمر بالحجي
أشر لزينب تگعد
وهي رفعت صايتها وسحب منها
دم
وراح يسويلها التحليل حتى بدون
مايحجي ويانة
مسحت دموعي جنت من اشبگة
يشمني شم ليش هيج يعاملني
اجاها وكال التراكمي شگد
والخابط والصافي وانطاها ادوية
همستلة:-اني عندي مرض بالقلب
ما يأثر عليهن؟
باوعلها وگال:-شنو من مرض عندج
علاجات الة؟
بلعت ريگها وكالت:-لا ماعندي
جاسر:-انتي شلون عايشة
كتبلها اسم دكتور مو هنا بكربلاء
ولغة بعض العلاجات وانطاها اشياء خفيفة
من خلصوا
ردنة نطلع
باوعتلة وهمست:-جاسر
دك الجرس اليمة
وگال:-عندي مُراجعين
ملاك:-لاتسوي هيج ماعندي غيرك
جاسر:-اطلعي برة
غيث:-تعاي عوفي خلي يولي
راد يلزم ايدي هديتة
ومشيتلة واني ابجي وذبيت روحي
بحضنة
ملاك:-والله نقذتها وووالله
جاسر:-مستمرة تحطمين حياتج بأيدج
وانتي ولا كأنو عايشة تجربة سابقة
مستمرة تخلين كرامتج يسحگون عليها
ومايهمج شي
غير العالم تكون بخير وانتي تتحطمين
اطلعي برة
لايفيد وياح نصيحة ولا كلام
تموتين ؏ الصگعات
دفعتة عني وهمست بعصبية:-انتتت
ماتعررررف كللللشششي ماتعرف
هز راسة وهو يضغط ؏ اسنانة
بعصبية
شهكت وگلت:-لاتحرمني من اخواتي هم
اخر ما بقة من ريحة امي انتوا
لاتحرموني منكم
جاسر:-عود اجيبلج ريم يلا
طلعت بطردة وروحي ممزوجة بعذاب
وزينب لازمة ايدي
من دخلنة للسيارة هي همست:-اسفة
ملاك:-كااافي اسفة اسفة
تعبتيني ترة
سكتت واني انهضمت
نزلت من السيارة ودرت عليها
وغيث راح يجيب ماي
فتحت الباب وحضنتها
ملاك:-تعبببت زينب تعبت والله ماجاي اكدر اتحمل
زينب:-رجعوني لأهلي قابلة والله
وهو راح يرضى مايأذيني
ملاك:-لا اداويج يلا معليج شوية
ضغوطات علية واني اگدرلهن عديت القبلهن
واكبر منهن
زينب:-انتي قوية هواي
هزيت راسي واني ابجي:-تؤ اني مو قوية
اني انسانة ماعندي كرامة ولا قوة
اي قوة التحجين عنها؟
زينب:-لاتحجين هيج انتي هواي تعبانة
واليتعب مايكدر يكمل الباقي
بس انتي جاي تكدرين وتحاولين تخلين الي
وياج هم سعيدين رغم انتي مو سعيدة
ملاك:-اعرف اعرف حياتي متدمرة دمار
زينب:-انتي جنتي مُطلقة؟
باوعتلها ودموعي تنزل:-شمدريج؟
زينب:-مو جاسر گال عندج تجربة سابقة قبل
فـ هيج خمنت
هزيت راسي بـ اي:-مُطلقة
زينب:-غيث يدري؟
ملاك:-جان حاضر بطلاقي
زينب:-يا
ضحكت:-هواي سوالف
زينب:-لعد ليش احنة بالبيت ساكتين
سولفيلي
هزيت راسي وكلت:-بيني وبينج
زينب:-اكيد لعد شلون افضحج؟
واني اشوفج حتى ويا اخوانج متعاركة علمودي
مع ذلك متكليلهم
ترة اني اقدر الينطيني معروف
ضحكت وضربت زندها وهي حطت
راسها ؏ جتفي ولزمت اصابيعي
اجة غيث
باوعلنة وعكد حاحبة
ودخل للسيارة انطانة الماي
وصلنة
واستلمتني زينب الة احجيلها
حجيت الها وهي تبجي واني من اتذكر
بعض المواقف واشوف دموعها
ابجي وياها
وغيث يمر من يمنة
ويهز بأيدة
وديناها لدكتور وانطاها علاج
وضل ينطيها نصائح
اجتني ريم فرحت وحضنتها
حيل وهي بجت وحاضنتني
ريم:-مشتتتتاقتلج بس الجللب اخوج مايرضى اجي
ملاك:-اشردي من البيت وتعاليلي
ضحكت وتمسح بدموعها
وطبت سلمت ؏ زينب وكالت:-عبالي رُقية التزوجها
ابتسمت زينب بخجل
واني اخذت ريم وصعدت لفوك
وضليت احجي وياها
وصدمتني من كالت:-اجلت المواد دور ثاني
صفگتها راشدي انصدمت
ضليت اصيح عليها واغلط فورت دمي
نزلنة ويا الغدة
وغيث كيف من شاف ريم
وضل يشاقيها وهي تصيح
بمياعة:-عموووو
وهو يقلدها ويضوجها
بس هي تضل تضحك
جنة كاعدين اني وزينب وريم
وهنه اندمجن باوعتلهن
وابتسمت
زينب:-ترة اليوم عيد ميلادي
ملاك:-صدك؟
زينب:-والنبي
ريم:-يااا كومي لعد ملاك خلي نسوي كيك
ملاك:-هسة شوية المطبخ حار
هزت راسها ورجعت تسولفلها
؏ السادس واني اراسل ملك واسجللها بصمات
وللعصر صدك كمنة سوة
نسوي الكيك
وهنه يضحكن
زينب عدها حس فكاهي تحجي شي
وماتضحك
بس من تشوفنة نتفاعل وياها تندمج
ريم اول مرة اشوفها
هيج ميتة من الضحك من وفاة امي
جريت نفس وابتسمت لصوت ضحكاتهن
المتناثرة بالبيت
اندك الباب صحت:-وحدة منجن تفتح الباب
زينب:-هذا غيث يمكن كومي انتي فتحي الباب
ريم:-جا انتي ما تفتحلية مو رجلج
زينب:-يووو دگومي
هزت ايدها ريم
ولبست حجابها وراحت فتحت الباب
واني اسولف ويا زينب
وريم تاخرت
شوية واجت تهفي:-وين وليتي
ريم:-للحمام البرة
ملاك:-منو بالباب؟
ريم:-ولد يلعبون طوبة وانشمرت طوبتهم
هنا
عكدت حاجبي وكلت:-دنجبي منين اكو هنا
يلعبون طوبة
ريم:-مادري
سكتت عنها
وكملت كلشي يخص الكيك
وفرحتها بشي زغير
بس ما خليتها تاكل هواي
نص كصة وبس
رغم رادت تاكل ؏ واهس ريم بس منعتها
لليل واجة جاسر اخذها
ورة فترة
ماگدرت ماروحلة اشتاقيتلة كلش
حضنتة واني ابجي
وكعدت اسولفلة السالفة ماگدرت
اعوفة زعلان مني بدون ما ابررلة
جاسر:-وشوكت تتطلك؟
ملاك:-هي لحد ما تصير زينة
هز راسة ودار وجهه عني
بعد مثگل
كمت ويا ريم سويت العشة
وماجنت ناوية ابات
بس ريم جلبت بية
خابرت غيث گال:-براحتج
ملاك:-تضل نايم فوك اذا نزلت اكسر رجليك
غيث:-ادبسز
ملاك:-ماتنزل غيث
غيث:-جا المن اشبك
ملاك:-غييييث والنبي هسة ارجع حتى لو بالوحدة باليل
غيث:-وجع شعندي نازل يمها
هو اني اريد اخلص منج اجيب علة ثانية ليش
ملاك:-والله مو صوجك افتحلي
كامرة
فتحلي كامرة وضليت احجي
وياه لحد ما نام وهو فاتحها واني
مانمت بقيت اباوعلة
الساعة ب3 بليل
وعيوني مقفلة من النعس
واباوع لغيث نايم وابتسم
اسمع صوت ضحك خفيف؟
شلت راسي
ريم جوة البطانية وضوة موبايلها مبين
استغربت لسة كاعدة؟
وهي مأجلة امتحاناتها المفروض تكعد
تقرة كاعدة سهرانة ؏ موبايل
كمت واني كلبي يدك
خفت عليها
توگع نفس غلط زينب
غلقت الاتصال من
غيث وگمت متجهه الها
وهي ما حاسة علية
شلت البطانية من راسها
وهي انصدمت ضلت تباوعلي
ملاك:-شجاي تسوين؟؟
ريم:-ماسوي شي جاي اقرة قصة
ملاك:-انطيني التلفون
ريم:-والله ما مسوية شي
ملاك:-اي انطيني التلفون ليش خايفة
ريم:-ما انطيج
صفكتها راشدي بكل
قوتي وهمس:-افتتتتحي الرمززز
ريم:-شترررددددين من عننندددي انطيني
تلفووووني
شلتها من شعرها وحطيت
الموبايل كبالها
خلت بصمتها ؏ التلفون وهي ترجف
متراجعة
ششوف بعد؟
بيمن احير؟
عيوني تشخصت ؏ اسم
درت وجهي عليها ورجعت صفگتها
راشدي اقوى من ذاك
فر راسها فر
ملاك:-شعنننددددج تراسلين قيس بنص الليااااالي؟؟؟؟
