رواية لأني عاقر الفصل الثاني والأربعون بقلم مريم خفاجة
ريم..
بعد العزيمة بالضبط
ردنة نطلع من بيت ملاك
جاسر سبقني وغيث وياه يسولفون
وملاك جوة
مدنگة بالگاع البس بحذائي
صوت همس وراي:-اسمج ريم؟
درت وجهي عليّ وعگدت حاجبي وگلت
بهمس:-اي
قيس:-يا صف؟
ريم:-سادس اعدادي
هز راسة ساكت
واني شديت القيطان ورحت
ورا جاسر رجعنة للبيت
وانضارة تخوفني
وادري بملاك گومتني من وراه
مَرت فترة
وجانت اخر ايام الدوام
افتر بالمدرسة وبيدي كتابي
عود اقرة واني مالي واهس
سمعت صوت وراي خلة البنات
الي يعرفني انضارهن
تتوجهه الي:-شلونج ريمة
باوعتلة وعكدت حاجبي
وهو لابس نضاراتة نزعهن وهو
يبتسملي:-شلونج؟
ريم:-هلة عمو
قيس:-عمو شنو لج
ريم:-شلون دخلت لهنا؟
قيس:-شلون؟ ماكو شي يصعب علية
باوعتلة من فوك
لجوة:-عفواً؟
قيس:-عفواً؟
ريم:-شبيك دا اگُلك شدخلك هنا
قيس:-حبيبي شبيج صديقي
الحارس هم رايدلها روحة للقاضي
ريم:-لاتگول حبيبي عرفة ولفة
قيس:-ليش ليش اخت الغالية انتي
ريم:-روح منا البنات ديباوعلي
قيس:-معليج بيهن يباوعن علية معجبات
ريم:-والله شايف روحك
عفتة ورحت وهو يصيح
وراي فضحني گبال الدنيا كلها
گلت بس ارجع اراسل ملاك
گعدت برحلتي
واجت شلة تعبانة من
البنات واني اكرههن
وحكة بيهن كالت:-ريم هذا منو الواكف يسولف وياج
ضليت صافنة شجاوبها
همست:-عمي
_عمج اخو ابوج يعني؟
صفنت وكتلها:-اي
_شو زغير
ما جاوبتها وبقيت مدنكة
وهنه يتهامسن وراحن
واني نمت ؏ الرحلة لحد ما ردنة نطلع
گعدت
لبست جنطتي
وطلعت لگيتة واكف بصف
الحارس يشرب جگاير
لبدت روحي ورا البنات وما خليتة يشوفني
ورحت للسايق
وضل يومية اشوفة
بالباب ولازم يشمرلي سلام
واني لو ارد لو ما ارد
وبيوم جنت متخربطة ما ماكلة الصبح
من طلعت للدوام
ومن رجعت تخربطت
اخذني جاسر للمستشفى وهو مخبوص
بية
شكلولي مغذي
شوية يلا تحسنت وانطوني علاجات
وطلعنة اثناء دنمشي وجاسر
لازم ايدي ونمشي ؏ كيفنة
قطع طريقنة سلامة
غمضت عيوني شسالفة وين ما اروح الگاه
قيس:-شلونك حبيبي شخبارك خيرك شكو هنا
جاسر:-ريمة الما تاكل ومگضيتها مستشفيات
قيس:-لا ليش مايصير أكلي
جاسر:-تعاند
ابتسم وعينة علية
واني لعبت روحي منة
قيس:-معافاية ان شاءلله
ريم:-شُكراً
سلم ؏ جاسر واحنة مشينة
صعدت بالسيارة باوعت من الشباك
واكف بنفس المكان ويباوعلنة
حطيت راسي ؏ الجامة
ورجعنة للبيت
وصرت يومية اشوفة بباب
المدرسة لحد ما اجت الامتحانات الوزارية
ومن گد ما وجهه فگر
اطب للامتحان انسى كلشي
واطلع مأجلة المواد واگضيها بجي
وهو يضل يمشي وراي
بالسيارة
ريم:-انتتتت شترررريد منننني
قيس:-ماريد شي لاتبجين هاج هذا ماي
ريم:-ماررريد وخر
قيس:-تعاي اصعدي
ريم:-لووو تموت يلا روح منا
عفتة ومشيت سريع
وهو بعدة يمشي وراي ماهتميت
والامتحانات كلهن أجلتهن
بآخر يوم الامتحان جان
فيزياء واني قريتها عدل وماجاوبت
مسحت الدفتر وطلعت
ولگيتة بالباب
مسحت وجهي
ومشيت مدنگة
قيس:-ريوم
ماحجيت بقيت مدنگة
لحد ما وصلنة للفرع گلت:-الامتحانات كلها
اجلتها من وراك الله لاينطيك
واذا بالدور الثاني شفتك اگول لجاسر
واخلي يطيح حظك
قيس:-لا لا هاي ليش مو اني اگول
انتي حبابة مو مثل ذيج الصلفة
عگدت حاجبي:-ياهي؟
قيس:-اختج غير
عدلت ملامح وجهي وماگدر
اشوفة من الشمس
سمعتة همس:-من اروح فدوة لهالوجه الأحمر
ريم:-شگد ايع
عفتة وشردت للبيت
وسديت الباب وحطيت ايدي
؏ گلبي
قررت اگول لملاك حتى تخلي غيث
يمنعة عني
اجة جاسر من دوامة
گتلة:-خلي اروح لملاك
جاسر:-باجر عود
هزيت راسي وسكتت
وطبيت لغرفتي وثاني يوم جهزت
نفسي ورحنة هو ذبني وراح
زعلان من ملاك ماهتميت طبيت وسلمت
وضليت گاعدة وياهن
اندك الباب
صاحت ملاك:-وحدة منجن تفتح الباب
زينب:-هذا غيث يمكن كومي انتي فتحي الباب
ريم:-جا انتي ما تفتحلية مو رجلج
زينب:-يووو دگومي
گمت واخذت حجابي
وفتحت الباب وشفتة هوَ
قيس:-واني اكول المنطقة ليش منورة
ريم:-تفضل؟
قيس:-غيث موجود؟
ريم:-لا
قيس:-شلونج
ريم:-زينة
قيس:-جاي تقرين؟
ريم:-لا استراحة بعدين اقراه
قيس:-شستراحة حُبي هو انتي اجلتي
المواد كلها
ريم:-اي بس جنت اتعب واقرة هم
والصبح من اشوف وجهك انسى كلشي
ضحك بصوت عالي
وگال:-هاي هيج وجهي ينسيج كلشي
ريم:-اي
قيس:-زين ريم
ريم:-ها
قيس:-اريد شي
ريم:-شتريد
تقدم وهمس:-اريدج
حجاها وشالني وخلة ايدة ؏
حلگي فتحت عيوني بوسعها وهو اخذني
للحديقة ورا البيت
واني نزلت دموعي
وشهكت ودفعتة عني:-ادبسسسسز
قيس:-اسكتي لاتصيحين لاتجينة اختج
تعرس علينة
ريم:-وخررر مناااا ادبسسسز هسة الللم
الكككووون كللللة عليك
وهو حاط ايدي ورا ضهري
وطابگني ويا الحايط:-اششش طايحة الحظ لا تصيحين
ريم:-لاتغللللللط وخرررر عني شتررريد مننني
باوع للباب وكال بخفووت:-ماكدر هسه احجي
عندي كلام طووويل وياج خاف تجي
اختج الخبيثه وتفضحنه
ريم:-لاتحجي ؏ اختي
قيس:-ديلا يابه عليمن حاجيين قابل الاميرة ديانا
ابتعد عني
وطلع باكيت الجگاير ردت
اشرد بس هو مقيدني
شلع شوية منها من الجهه الفوك
وحط الكارتونة ؏ حايط وطلع قلم ومدري شكتب
قيس:-هاج هذا رقمي راسليني بليل
ريم:-لا بالله شو انت شايف ررروووحك
وخررر والله راح اصييييح وخررررر
قيس:-صيحي وشوفي شسوي بيج
خاف ما واصلج حجي عني
ترة خبل واذا فيوزاتي تطك الكون احرگة حرك
ريم:-؏ كيفك
قيس:-عفية عانديني احب التعاند
ريم:-وخر يلاااا
قيس:-هاج الرقم
اخذتة من ايدة بقوة وكلت:-ايييي ديلاااا عوفني
قيس:-وحق مكة يريم انة اليوم كاعد
رسالة اذا ما وصلتلي باجر الصبح
تلگيني بباب بيتكم وميهمني احد خاف
عبالج
ريم:-والله اخلي جاسر يطيح حظك
ضحك وهو يرفع راسة
لفوك:-المهم اتصلي عليه شوكت
متفرغين منتضرج
تقرب باسني بخدي دفعتة عني
حييل ومسحت خدي وهو راح
صحت وراه:-مقرررررف
عافني وراح واني جسمي
مثل السعفه يرجف ردت اشك الورقه
لكن فضولي اللي منعني غسلت وجهي
وهدأت ورحت لملاك:-ها منو؟
تحججت ولد برة رادو الطوبه دخلت جوة
وگضيت الوقت احجي ويا زينب اريد انسى اللي
سواه بليل اجة جاسر اخذني
وبليل باوعت للرقم
يمة يخوف
عفتة ونمت
ومرت 3 ايام احط الرقم وارجع امسحه
خفت منة اخاف يسويلي شي
بيوم جاسر كعدني الصبح
كال:- ديري بالج اني رايح لأمي وابويه اشوفهم لاتضلين نايمة
هزيت راسي وهو طلع
كمت البيت فارغ نضفته وسويت اكل
سريع
وفرشت كتبي وكعدت اقرة تفكيري
انشغل بي شنو يريد مني؟
سميت بأسم الله ودخلت الرقم بالواتساب
طلعت صورته ببدلته العسكريه اخذت
نفس عمييق جان اخر ضهور اله قبل دقايق
كتبت:-السلام عليكم اني ريم
بقيت انتضر انتضر ماكوو ساعتين
منتضرة وهو ماكو تجاهلت وردت احذفها
بس طلعلي متصل طلعت من البرنامج
بسرعة يمة عبالة هسة اني منتضرتة
شفت رسالته من لوحة الأشعارات وبقيت
متوترة:-ردي يابه مناكل بشر احنه
دخلت ؏ التطبيق وكتبت:-أهلاً قيس
قيس:-يبعد قيس وأهله شلونها ريمتي
بلعت ريگي وكتبت:-ريم اسمي
قيس:-كل الاسماء حلوة عليج
ريم:-اممم
قيس:-شنو ماعاجبج الحجي؟
ريم:-لا عادي گولي شتريد مني؟
قيس:-اگدر افتح اتصال لو لا؟
ريم:-لا نحجي رسائل افضل
قيس:-مااحب اكتب ايدي توجعني
ريم:-ليش شبيها؟
قيس:- مابيها شي بس ما احب اكتب رسايل
ريم:-تمام دك
حجيتها متوترة بس اريد
اشوفة شيريد مني
اتصل وشلته متردده
حجة وياي واني ارد بكلمة
الى ان عاط بعصبيه:-منوووو مخللللي سيييف
؏ ررررگببببتج ماتحجيييين
ريم:-ترررة مامجبوورة ارد لو احجي وياك ماشي
أگدر اطبگة بكل سهولة بس منطيتك الحرية
تحجي فـ لاتجبرني اسدة؟
قيس:-طالعلج لسان ست؟
ريم:-ميخصك يطلع لساني لو ميطلع هذا الشي
راجعلي اعنيلك شي اني؟
قيس:-تعنيلي الدنيا كلها
بلعت ريكي وسكتت ضلينه ساكتين ثنينه بس
اسمع انفاسه قطع الصمت صوته
وهو يكول:-جاي تقرين؟
ريم:-اي
قيس:-بعد شكد لأمتحاناتج؟
ريم:-7 ايام
قيس:-شدي حيلج حتى تطلعين دكتورة
ريم:-اريد اطلع من السادس كلشي ماريد
ضحك:-ليش
ريم:-تعبت صارلي هواي بي
واذا رسبت هالسنة معناها سنة رابعة
قيس:-لا اقري عدل وانجحي
قابل الطلعوا احسن منج
قاطعني دخول جاسر صاح:-ريمة؟
ارتبكت وخفت ضل
الجهاز بأيدي وصافنة سمعتة
همس:- شبيج ريوم؟
عليت صوتي حتى انبهه
انو احد موجود بالبيت:-ها جاسر حبيبي اني هنا
قيس:-يهنيال جاسر
ضميت خوفي گوة:- يلا ملوكه بعدين اخابرج
بدون لا اسمع ردة طبكت الجهاز
جاسر:- ها هاي ملاك لو ملك؟
ريم:-ملاك
ضل يسأل ؏ احوالها بقيت
اجيب منا واحط منا
لمن راح يلا جريت نفس كملت قرايتي
وبقة هو على هالرنه حوالي اسبوع
يدز بالرسايل ومااجاوب اشوفهن
وماارد حتى بكلمه
وهو يعصب ويغلط ويصيح بس
ما أكدر احجي ابقة بس اباوع لرسائله واطلع
بيوم كعدت الصبح وانتضرت للضهر ومادز رسالة؟
ضليت كل ساعة ادخل ؏ واتساب
اقرة وعيني ؏ موبايل
بلعت ريگي وكتبت:-مساء الخير شلونك قيس؟
شافها ومارد عود يريد يسويها وحده بوحده
غلست وكعدت اقرة شويه ودز رسالة
قيس:-هله ريمة زين انتي شخبارج؟
ريم:-الحمدلله
قيس:-ان شاءلله دوم
حجه برسميه بقيت اريده يحجي بس هو ساكت كتبت:-احس بيك شي؟
قيس:-مريض
ريم:-شبيك؟
قيس:-تصاوبت
كلبي انقبض وحجيت
بخوف:-شلون؟
قيس:- امس بليل جنه طالعين واجب
وتصاوبت
ريم:- ليش ماصرت وراهم حتى ماتتصوب
دز ضحكة و وراها
كتب:-شلون اصير وراهم يعني؟
حجيت بفشلة:-يعني حتى ماتتصوب
قيس:-لا حبيبي ماكو هيج
نطلع كلنة فرد مرة واليموت يروح يم
ربة شهيد واذا استشهدت فـ هذا احسن شي الي
ريم:-لا اسم الله
قيس:-يمكن بعد كم يوم اموت شمدريج؟
ريم:-لا لا لتكول هيج شبيك
انشالله تصير زين
اتصل شلته بدون ماافكر
همس بخفوت وصوته
مبين مال واحد مريض
قيس:-خايفه عليه ريمتي؟
همست من بين هدوئي
وخوفي:-ما ادري
قيس:-راح تبجين علية
ريم:-لا عليمن ابجي
قيس:-احبج
سكتت صاح بصوت مخنوك:-ارحميني
ريم:-شنو اسويلك؟
قيس:-ابقي وياي ؏ خط
ريم:-اخاف يجي جاسر
قيس:-اكتم الاتصال بس لاتسدينه
انتي حتى لو تقرين
ريم:-ماشي
مشكلتي الخوف والتفكير المفرط
والعاطفة وهالشي مورثي
من أمي
وفعلاً بقيت ؏ اتصال
وياه وماحجه كلمه لحد
ما اجه جاسر وهو كتم الاتصال
بس بقيت اني فاتحته دائماً جاسر يجي
يحجيلي سويت هيج وسويت هيج
واني منطلقة اسولف وياه
لحد ما كمت اريد انام
تذكرت الموبايل ضربت كصتي
وطرت للمطبخ اخذته وباقي الأتصال نفس ما هو
رحت للغرفة
وهمست بصوت ناصي:- قيس انتَ وياي؟
قيس:-وياج يروحي
ريم:-آسفه نسيتك
قيس:-مو مهم عادي
سكتت وتبادلنه اطراف حديث وغلقت الجهاز ونمت
وبقة هو دائماً يتصل ويكتم الأتصال
تعودت ؏ اتصالاتة
ورسائلة مرات ارد ومرات لا احاول
ابتعد عنة وما اراسلة دائماً
وهو يسألني عن دراستي وعن السادس
وهذا الشي الوحيد الي نسولف بي هو السادس
والامتحانات
بيوم اتصل رفعت الخط
وهو ضل يسولفلي
بعدها سكت فترة و گال:-اذا اجي اخطبج توافقين؟
همست بخوف:-لا جاي ادرس
قيس:-من تخلصين
ريم:-وراي جامعة
قيس:-عادي تدخلين وتدرسين يمي مو مشكلة
ريم:-اخواني ميقبلون بعدني زغيرة
قيس:-کولي اي واخوانج عليه
تستمر القصة أدناه
ريم:-لا ماريد بعدني زغيرة
قيس:-براحتج اعتبريني ماحجيت
ريم:-اعتذر
قيس:-لاعادي
هذا الشيء راجعلج واني هم
ما اريدج تفكرين بهيج اشياء فكري هسة بالسادس
وبالدور الثاني ومصايبج
ابتسمت بهدوء وبعدها سديت الخط
أيام مرت وهو يراسلني دائماً
وحتى بالامتحانات مجرد اشوفة
واگفلي بالباب يبتسملي ارجعلة الأبتسامة
وادخل اجاوب الأعرفة
ملاك:-حلو والله عااااايشششة قصصص
حب ستتت ريم
وهي مدنكة تبجي انفتح الباب
ودخل جاسر مبين فاز من نومة ؏ صياحي
جاسر:-شكو؟
مسحت وجهي وايدي ترجف
من العصبية:-ماكو شي حبيبي
جاسر:-ليش تصيحن احجي
ملاك:-اختك سهرانة ؏ موبايلات لا دراسة
ولا اكلان تبن تريد تعيد السنة الرابعة
جاسر:-لا ليش مو اشوفها تقرة
ملاك:-اي واذا هي سهرانة للصبح
؏ التلفون شوكت تكعد وتقرة عود الضهر هاي
منين اكو طالب سادس هيج جدولة
جاسر:-انطيني تلفونها
باوعتلي بخوف
خزرتها وگتلة:-لا اني راح اخذة واضمة
جاسر:-انطيني اني اضمة
ملاك:-لا عيني تذبلها دمعتين يمك
تنطيهيا روح اني اعلمها
عافنة وراح
درت وجهي عليها وهمست
بحدتي:-هسة اذا اگلة واخلي يگطعج تگطع
اكو واحد يگلي ليش
ريم:-لا عليج الله والله ما اعيدها بعد
ملاك:-هو شي اكيد ماتعيديها وباجر
اخلي يرجعلج السايق وترحين وتجين وياه غصباً
ما على راسج امي ماتت وگمتي تتملعبين بكيفج
ريم:-لا والله هو
ملاك:-هو مو اني اعلمج واعلمة اوكفيلي
شلت موبايلها وهو يدز رسائل
بعدة كاتب:-ها نمتي مو اكلج لاتنامين والتلفون
بوجهج يا عيني
متطورين الحبايب كتبت:-حسابك بعدين ويا غيث وجاسر اني اعلمك
رأسا كتب:-هههههه
الأدبسز حضرتة
ونترت بيها:-انخمدي يلا وتلفوني اوقتة بالستة
اذا ما گعدتي يريم اجنزج تجنز
سكتت
واني كمت فايرة ونمت بمكاني
وجهي محتر باوعت لموبايلي سادة
المكالمة من غيث استغفرت ربي
وطبيت ؏ محادثاتهم ماجانوا
يحجون شي بس هو مكضيها حبيبي وحبيبتي
اني اعلمك اشوفك شلون تراسلها بعد
سديت الموبايل ونمت وبالستة كعدتها
تقرة
وكل ساعة غافية ؏ كتاب واكعدها
وضليت طول اليوم دايرة وجهي
عنها وهي تحاول تصالحني
للعصر اجة غيث
وقبل لا يطلع غسلتها غسل
وطلعت وياه وهي خايفة
وتلفونها اخذتة وياي
صعدت بالسيارة واني مطنگرة
ودايرة وجهي للجامة
ماردت اختي توگع بهيج وتصير اسوء من زينب
و ويامن وية قيس؟ الخبل؟
غيث:-شبيج؟
باوعتلة وگلت:-ابن عمتك هذا اذا ما اتأدبة
اني أأدبة
غيث:-هلو
ملاك:-لاتستهزززء شنو معناتها يتخنس ويا
اختي بتوالي الليل
غيث:-سولفيلي السالفة عدل
ضليت اسولفلة واني ارجف
واحجي وهو يدخن ويباوع للطريق
واذنة وياي
غيث:-وريم ليش تراسلة ومنطيتة مجال؟
ملاك:-لا بالله؟ هاي بدال ماتذب اللوم علي؟
غيث:-حبيبي ثنينهم غلط
والغلط الأكبر اختج جان اجت كالتلج واني اروح اشگة شك
ملاك:-ترة هو مهددها
غيث:-بشنو مهددها؟ صور؟
ملاك:-لا
غيث:-لعد ماكو شي حتى تخاف منه
ملاك:-ترة هو ابن عمتك يخوف
غيث:-ادري بي يا حبيبي خبل وعقلة مو براسة
بس اذا حطيتة ودگيتة اني وازهر بعد
يگدر يفك حلگة
ملاك:-امس كتبتلتة حسابك بعدين
ويا جاسر وغيث يدز ضحكة
ابتسم وهو يباوعلي:-صاير ضهرج قوي
ضحكت وضربت جتفة:-لعد اذا مو انتوا
انسند عليكم منو يصير سندي؟
اخذ ايدي وباسها
ولزمها قوي گتلة:-خو ما نزلت امس؟
غيث:-وداعة عيون امي مانزلت
ضحكت بقوة وگلت:-ليش حلفت بساع
غيث:-ادري بيج ماتصدكين وتطنگرين
وتضلين تهوبزين
ضربتة وضحكنة ثنينة
وقبل لا انزل باس ايدي ابتسمتلة
ودخلت للبيت وهو راح
دخلت مالگيت احد
دگيت الباب ؏ غرفة زينب بسرعة
فتحتها وشبگتني:-ليش عفتيني وحدي
ابتسمت:-ضليت يم اخواني شوية
زينب:-قافلة الباب علية من امس لسة
ملاك:-يا ليش؟
زينب:-اخاف عبدالله يطب علية
ملاك:-لا حبيبتي غير غيث موجود يطيح
حظة
زينب:-غيث اجة بالعشرة بليل سمعت
صوتة وصعد بعد ما نزل
ملاك:-يلا المهم هسة انتي زينة
زينب:-شوكت ترجعوني لأهلي
ملاك:-خلي تهدئ الاوضاع تعاي اخذتي
علاجاتج
زينب:-اي اخذتهن
ضيگت عيوني ودخلت
لجوة وفتحت علاگة الأدوية وضليت اراقب
الأدوية شوكت ماخذتهن بس
واحد ما ماخذتة
صحت:-هااا زنيبااان هااا
ضحكت:-وااالله مو طييييب
ملاك:-غبية هو غير يخليج زينة شو ايدج
مدتلي ايدها ترجف
ضربتها بسرعة:-باعي رجفة ايدج لان ما ماخذتة نوب تاخذي غصباً ؏ راسج
ضحكت وهزت راسها بـ اي
صعدت لفوك بدلت وفتحت موبايل
ريم داخللها من غير حساب ويراسل
كتبتلة:-التلفون عندي وشغلك صار ويا غيث
قيس:-والله كتلتيني بغيث يلا وينة
ملاك:-اي هو هسة يجيك
قيس:-يلا منتضر وريم اخذها اخذها
لو تطب بحلك الاسد هم اخذها
ملاك:-؏ اساس بكيفك هي
قيس:-غصباً ؏ راسج
ملاك:-احترم نفسك اصلاً اني شكو
احجي ويا بشر قذر اني اعلمك
قيس:-جريذية انجبي
ضربت الموبايل بقوة وحضرتة
الادبسسز يحرررك الااااعصاااااب
للمغرب وسويت
العشة وگعدنة نسولف اني وزينب ؏ ما يجي غيث
زينب:-جعت
ملاك:-اني هم اتأخر غيث كلش
زينب:-ما خابرتي
ملاك:-رصيدي مخلص خلي اشوف بلكي ترمشية عندي
فتحت تلفوني ادك ماكو
كل ضني الخلل بالرصيد
گلت:-ماكو
سكتت زينب واني
ضل گلبي يدك واستغربت من دگتة
المو طبيعية وخوفي المُبالغ
اجت بعيني
من نزلت وباس ايدي وابتسملي
نفضت راسي بسرعة
ودگيت ؏ جاسر مايرد
؏ ازهر مايرد
قيس هم ماكو
استغربت وين راح؟
زينب:-شبيج وجهح صار اصفر
گعدت وخلايا جسمي
كلها ترجف:-ما ادري اتأخر اول مرة
هيج يتأخر ومحد يرد علية
زينب:-هسة خاف عندة شغلة
ملاك:-حتى لو يخابرني دائماً اذا يريد
يتأخر او عندة شغل
ركضت جابتلي ماي
شربت وحلگي ابيض وجسمي يرعش
ضليت استغفر بداخلي
حتى اهدئ وتلفوني بيدي ادك ؏ جاسر
وماكو رد
دگيت ؏ ريم واتذكرت ماخذة
تلفونها الغسل الي شوداني الها
بقيت امسح العرك الينزل
من التوتر
كمت الهي روحي
دخلت للمطبخ زينب واكفة
يم الباب همستلها:-زينب اذا تردين
تعشي خاف تتخربطين
باوعتلي عيونها
مدمعة
دك گلبي يگول ام وعلمت بأبنها
شصار بي
ملاك:-شبيج زينب
حجيتها بوسط رجفتي
وهوسة افكاري ودگات كلبي الما منتضمة
وانفاسي المتسارعة
زينب:-غيث
ملاك:-شبي؟
بهالحظة وسمعت صياح جاي
من بيت رغد
كلشي الة هوَ!
