رواية سراج السادة الفصل الثاني والأربعون بقلم غسق ادريس
مهرة "
رفع راسه باوعلي
حجه بخزرة
_مسلم': منوو السيد مفرقد؟
بلعت ريك بخوف احاول استوعب الي حجاه
حسيت بصوتي احتقن قبل لا احجي كلمه وحدة
حجيت ب تردد وخوف
_مهرة :: مم.. منووو سيد مفرقد؟
باوع لتلفون فاتح عيونه بعصبيه رفع راسة باوعلي
عيونه تخترقني من العصبية
كام من مكانه اجه ب اتجاهي
رجعت بخطواتي ارتجف من الخوف جسمي كله يرجف
سحبني من ايدي يهز بيه ويأشر على التلفون
_مسلم :: ولجججج هذاااا منووو مفرقد منوو؟؟
صرخت واني ابجي واهتز من الخوف
_مهره :: ماعرفههه ماعرفههه
رفع ايدة وجابني بضربة على وجهي
خليت ايدي على وجهي ابجي منهارة من الي راح يصير بيه اكيد عرف شنو جنت ناوية اسوي اكيد اكتشف خطتي اني والسيد
_مهره :: مسلمم بس خليني افهمك
هز راسة ب اي يفتح بحزام البنطرون
ركضت على باب الغرفة اريد اهرب وانجي بروحي
توني افتح باب الغرفة واجتني لشطة على رجلي من ورا
صرخت بوجع من الضربة
سحبني مسلم من شعري الحزام ب ايده ويا كل ضربة منه صرخه مني
شفت الموت بساعتها اريد ابتعد عنه ماكدر كل مابتعد يرجع يسحبني اله
جنت اصرخ وابجي ب اعلى صوتي بس محد جان موجود يجي يطلعني من عذاب مسلم البيت جان فارغ
ركضت على زاوية الغرفة حاصرة نفسي بين الحايط وبين الميز
رفعت ايدي اتوسلة صوتي كوا يطلع من الغصه
_مهره :: م.. مسلم الله يخليك بس خليني افهمك مسل.. م اني حامل لا يموت الطفللل ببطني ممسللم
باوعلي بهدوء توزعت الابتسامه على وجهه
ابتسامه غامضه بس جانت متروسة سم واذى
التفت على السجينه جانت على الجرباية مشمورة
عرفت شنو جان يدور براسة
مسلم راح يقتلني!..
ركض على السجينه بسرعه بنفس الوقت ركضت اني سابقتة
صرنا ثنينه كدام الجرباية
حاول يسحب السجينه من الجرباية قبل لا ياخذها
سحبت الحاف من الجرباية ب اتجاهي
صارت السجينه قريبه مني
توني مديت ايدي اريد اخذها
ماحسيت غير مسلم دافعني على الجرباية ونايم فوكي يخنكني
صرخت بصوت مكتوم ارافس برجلي
بدت عيوني ادمع والنفس يضيق عندي
ايدي جانت على ايد مسلم الي جانت على ركبتي
باوعت بعيونه ماشفت بيها رحمه ماشفت بيها حنيه
للحظات انعاد شريط حياتي كدامي
كل الايام الي عشتها ويا مسلم
ماجان بيها يوم حلو كلها ايام مرة
ماعشت ويا غير الذلة والاذية
عيشني اسوء ايام عمري بزهره شبابي الي جان لازم اعيشها ب اجمل الحظات
عيونه حمرر صاك على سنونه بقوة
صاك عليهن بعصبية وعيونه تريد تطلع من محجرها
منتظر روحي تطلع منتظر استسلم للموت
غمضت عيوني
منتظرة رغبتة تصير وروحي تطلع
منتظرة اموت اني وابني الي ببطني
راح نخلص من هاي الدنيا ونرتاح
الدموع جانت تطيح من عيني
دموع اليأس والستسلام
لحظات جانت تفصلني بين الموت والحياة
ثواني بس... قبل لا افز وافتح عيوني
ماعرف شلون اجتني القوة بهاي الحظة
بعدت ايدي عن ايد مسلم امسح على الفراش
جنت احس بروحي جاي تطلع من مكانها
لكن... لاول مرة ماردت استسلم للموت لاول مرة ماردت اغمض عيوني وتنتهي حياتي
صارت بيدي
اييي السجينه صارت ب ايدي
اخذت السجينه من على الفراش
بسرعه اقل الثواني سحبنها ونبتتها ب كتف مسلم
فتح عيونه بسرعه وقوة مصدوم من الضربة الي اجته بكتفه
ترك ركبتي بسرعه ملتف على كتفه
طحت من على الجرباية اسحب النفس واكح بقوة
ايدي على صدري مصدومه من الي صار
جنت راح اموت زوجيي جان راح يموتني على ايده
رفعت راسي على مسلم شفته يباوع لسجينه بصدمه
قبل لا يستوعب الصار شجعت نفسي اكوم من مكاني
كمت بسرعه اتلفت ب الغرفة
صارت عيني على التلفون سحبته من الارض وركضت اريد اطلع من الغرفة
قبل لا افتح باب الغرفة سحبني من شعري يصرخ
_مسلم :: وولججج مهره تردين تموتيني اموتتتج على ايدي وماموتتتت مهره
التفتت عليه ايدي على شعري متوجعه
باوعتله بحقد وغيض وصرخت
_مهره :: ولككك انتتت حثالة اكيد ماتموت بسهولة
باوعت لكتفه وشلون السجينه نابته بيه
باوعتله وصحت بكره
_مهره :: واني اوعدك ماتغمص عيني قبل عينككك مسلم
حجيتها وسحبت السجينه من ايده
رخت ايده من شعري مصدوم يباوع لسجينه وشلون الدم بدة ينهمر على الارض
صارت عينه بعيني جانت نظراته غريبة
مثل الي مامتوقع هذا الفعل مني
رجع ورا مصدوم عيونه على ايده وشلون الدم ترس ارضية الغرفة
فتحت باب الغرفة السجينه ب ايدي باوعتله وحجيت
_مهره :: ثارنا ما انتهى مسلم
حجيتها وطلعت من الغرفة اركض
اريد انزل
التفتت عليه شفته طلع من الغرفة يركض وراي
خطواته خفيفة كوا يتحرك
نزلت ايدي على بطني كوا اسحب النفس
خوف... عصبية... صدمه... حزن... قهر
كلهه اتجمعن علي بساعتها
رغم هذا كله ماجان ابالي غير الي ببطني يعيش
نزلت الدرج اتلفت على مسلم
توني اريد اطلع من الصالة ماحسيت غير انسحبت من ايدي التفتت بفزع
شفتها مسره جانت واكفة تباوعلي بخوف الدموع بعينها
اخذتني من ايدي وركضت بيه تطلع من الصالة ب اتجاه باب البيت
ركضت على الحبل سحبته من عباية
واجت تركض ب اتجاهي
طلعت من صدرها عشرة
مدت الفلوس والعباية ب اتجاهي
باوعتلي وحجت بخوف
_مسره :: لاترجعين مهره لاترجعين اذا رجعتي تموتين
التفتت اني وياها على صوت مسلم وصريخه
ركضت ب اتجاه الباب
التفتت على مسره الدموع بعيني
شفتها تبجي ماعرف خوف على اخوها لو على نفسها خاف واحد يعرف ساعدتني لو على حالتي !!
فتحت باب البيت وطلعت اركض
مالبست العباية خفت حركتي تصير بطيئة واني البسها اشوف مسلم وراي
حسيت روحي طير حر انفتح باب القفص عليه وطار لبعيد مالتفت للخلف خاف يرجع يشوف سجانه ويرجع يحتجزة
ركضت مبتعدة عن البيت جنت تعبانه وضعيفه بساعتها جنت توني طالعه من الموت والنفس مكطوع عني
بس جنت اركض بسرعه اريد ابتعد عن البيت اكثر واكثر
اركض ب الشارع وسط السيارات المارة
اسمع بس صوت هورن السيارات وصياح الزلم
من قذف من ضحك من صدمه
ركضت ب اتجاه رجال جبير ب العمر واكف كدام سيارة هوا ومجموعه من الزلم
جانت عيونهم عليه مصدومين من منظري
صارت روحي بهل زلمه الجبير
لابس دشداشة بيضة وشعره راسة خفيف ابيض ولحيته بيضة ماعرف ليش كلبي رف اله
باوعتله وحجيت ارجف وابجي
_مهره :: عموو عمو الله يخليك بداعة عزيزة كلبك اخذني منا
الزلمه جان مصدوم مايعرف شيحجي بس يباوعلي ويرموش
التفتت اباوع لشارع اخاف مسلم يجي لو واحد وتصير موتي وكتلتي ب الشارع
رجعت التفتت عليه وحجيت
_مهره :: عمو راح يكتلنييي
باوع الزلمه للاصدقائة محتار
رجع باوعلي بحيرة مايعرف شنو يتصرف
اشرلي على السيارة وصاح
_:: صعدي بوية صعدي
هزيت راسي بفرح
جاي اصعد لسيارة وسمعت صوت واحد من الي واكفين صاح ب الزلمه
_:: ابو كرار خوية وين ماخذها لاتبتلي بيها تسويلك سالفة
باوعت لرجال
باوعلي
هز راسة بحيرة اشرلي على السيارة وحجه
_ابو كرار :: صعدي بوية نشوف تاليتها
فتحت باب السيارة وصعدت خاتله خاف يجي مسلم مشه الزلمه ب السيارة سلم على اصدقائة ومشه
رغم تحذيرهم اله وصياحهم ما اهتم
مشه ب السيارة واني اتلفت بخوف لا واحد شافني اصعد ويا
بقيت طول الطريق على ماطلعنا من المنطقة اردد
ياعلي وانتخي ب الله واهل البيت
لبست العباية وغطيت جسمي لازكه جسمي بباب السيارة افرك ب ايدي خايفة
بعد فترة من الصمت حجه الزلمه
_ابو كرار :: بوية وين تردين دربج
رفعت راسي بفزة
باوعت لطريق وين دربي ماعرف ماعندي درب امشي اله ويحميني
توني جاي اكله على منطقة بيت اهلي وسكتت
صفنت ويا روحي شلون اروح لاهلي اذا رحت لاهلي يعني رحت لموتي برجلي
مستحيل احتمي ب اهلي مستحيل يحموني هما سبب اذيتي شلون احتمي بيهم
بقيت ساكته ماعرف وين اروح
اسمع صوت الزلمه يستغفر بينه وبين روحه حسيته صدك ابتلى بيه
عضيت على صبعي اابجي بهدوء
ماريد صوت شهكتي يطلع
رفعت راسي اباوع للشارع
يارب لاتخليني وحيدة مثل ماطلعتني من الموت ومن جوا ايدين مسلم طلعني من هاي الحيرة
خفت واستحيت من الزلمه
شفته محتار ومتعصب وين ياخذني كل مايسألني ابقى ساكته اكله اخذني لاهلي ب الشعله لو اسكت؟ ماعرف احد غير اهلي وين اروح عمامي لو رحتلهم يكتلوني بيدهم ماعندي اهل يحموني وين ماروح راح يرجعوني لمسلم
رجعت للواقع على صوت رنة التلفون
باوعت لتلفون بيدي المتصل سيد مفرقد
من شفته متصل ارتاحيت وفرحت
رفعت الاتصال
ماكدرت اسيطر على صوتي وشهكتي
انهاريت حتى قبل لا اسمع صوته
صحت واني ابجي
_مهره :: س.. سيدد سيد مسلم راد يكتلني خنكننييي جنت راح اموتتت جوا
كملت اسولف اله واني ابجي واشهك وهوا ساكت يسمع الي
من خلصت سكتت بس صوت شهكتي مسموع
اجاني صوته بهدوء
_مفرقد :: وين انتِ هسة؟
_مهره :: ماعرف ويا السايق ب السيارة
_مفرقد :: انطي التلفون لسايق
بعدت التلفون عن اذني
مديته ب اتجاه السايق
حجيت بصوت مبحوح ورايح من البجي
_مهره :: تفضل عمو
اخذ التلفون من ايدي تسالمو هوا والسيد واني ساكته اسمع الهم
حجه الرجال
_ابو كرار :: للكاظميه يعني.... ان شاء الله بوية بعيوني... لاشلون مثل بنيتي ماخلي احد يلمس شعرها منها.... هاي هيه الله وياك
سد الاتصال من السيد ورجع التلفون الي بقيت ساكته طول الطريق ادعي الله يسهل علي رغم ماعرف وين رايحه وشنو راح يصير بس مكتفية امشي ورا السيد
قبل لانوصل للكاظميه اجاني اتصال من رقم غريب
باوعت لتلفون ارجف رقم منو هذا معقولة واحد من اهلي لو بيت عمي؟
سديت الاتصال اكل ب اضفر صبعي
كل مارفض الاتصال يرجع يتصل مرة ثانيه
رجعت ابجي بخوف
رفع الرجال عيونه يباوعلي من مراية السيارة حجه ب استغراب
_ابو كرار :: شبيج بوية منو جاي يتصل؟
_مهره :: ماعرف عمو رقم غريب... اخاف.. اهلي
حجيتها وبجيت
هز راسة بأسف مد ايده وحجه
_ابو كرار :: جيبي التلفون
_مهره :: هاا.. لالا عمو حباب لا يعرفون ويجوني
_ابو كرار :: معليج بوية اكلهم لكيت التلفون واكع ب الطريق
مديت التلفون اله بتردد خايفة
خاف ينطي بيه ويكلهم وين رايحه
رفع الاتصال وحجه
_ابو كرار :: الو.. عليكم السلام.. هلا بيك.. اهااا هلا بيك سيد... هههههه لا بوية ماتدري عبالها واحد من اهلها اعذرنا..... اي سيد مابقى شي وصلنا وين انت... اهااا اي هاي هيه جايك انا ربع ساعه عندك... الله وياك
سد الاتصال ورجع التلفون ب اتجاهي يضحك
_ابو كرار :: اخذي التلفون بوية هذا ابن عم السيد مو من اهلج
اخذت التلفون من ايده امسح دموعي
ماتسوا الهبطه والخوفة الي صارتلي
كمل الزلمه طريقة الى ان وصلنا للكاظميه قريب الامام الكاظم عليه السلام
وكف السيارة
فتح باب السيارة ونزل يحجي وياي
_ابو كرار :: انتظريني بوية اشوف الزلمه وين واكف
هزيت راسي ب اي ساكته مشه ابو كرار يشوف ابن عم السيد استغربت ليش مو سيد مفرقد اجه
ماهتميت هوا لو غيرة المهم هوا واثق ب الي دازة
شوي واجه ابو كرار يمشي ويا رجال ثاني
باوعتله من بعيد رجال لابس دشداشة نيلي طويل جسمه مرتب جاي ويا الدشداشة بيدة سبحه يحجي ويا ابو كرار
اجه ابو كرار ب اتجاه السيارة والسيد ابن عم مفرقد وكف من بعيد داير وجهه فتح ابو كرار باب السيارة باوعلي وابتسم
_ابو كرار :: يلا بوية تعاي
بلعت ريكي بخوف باوعت لسيد ورجعت باوعت لابو كرار
باوعلي ابو كرار وحجه
_ابو كرار :: لاتخافين بوية هذا سيد من سادة..... معروفين والنعم منهم.. يلا بوية نزلي لاتخافين
هزيت راسي ب اي ونزلت من السيارة اغطي جسمي ب العباية مالابسة شال
مشينه ب اتجاه السيد
وكفنا بضهره بقيت منزلة راسي للارض
التفت السيد على ابو كرار
حجه ابو كرار
_ابو كرار': ها الامانه سيد
_غل :: مشكور وماقصرت
_ابو كرار :: الشكر لله سيدنا
التفت علي ابو كرار باوعلي وابتسم
_ابو كرار': يلا بوية امشي ويا السيد ولاتخافين.. الله يكتبلج الخير بطريقج
هزيت راسي ب اي ساكته تسالمو ابو كرار والسيد
التفت ابو كرار يمشي
التفتت عليه وصحت
_مهره :: عموو
التفت علي مديت العشرة بوجهه
باوع للعشرة وابتسم
حط ايدة على صدرة وحجه
_ابو كرار ::هاي لخاطر عزيزة كلبي الحلفتيني بيها
ابتسم ومشه ب اتجاه سيارته
سمعت صوت حمحمه
التفتت على السيد اشرلي ب ايده مدنك راسة
_غل :: يلا خوية امشينه
مشيت ورا ساكته
مشينه ب اتجاه السيارة فتح باب السيارة واشرلي اصعد
صعدت ورا
وهوا فتح باب السيارة وركب
مشه ب السيارة وهوا ساكت طول الطريق ماحجه شي
وكف ب السيارة كدام محل للملابس
نزل من السيارة واني بمكاني افرك بيدي
رجع السيد بيده علاكه صعد لسيارة مد العلاكه ب اتجاهي بدون مايحجي اخذتها منه
باوعت للعلاكه بيها شال وجواريب
طلعت الشال من العلاكه حصرت روحي بين اكشن لفيت الشال ولبست الجواريب
وكف السيد بمكانه يكلب بتلفونه
بعد فترة من الصمت حجيت
_مهره :: سيد وين السيد مفرقد؟
_غل :: ب الطريق
هزيت راسي ب اي
رجعت حجيت
_مهره :: اريد ازور الامام
_غل :: ان شاءالله
شغل السيارة وفرها
بقيت افرك ايدي اباوع لطريق
وكف السيارة واشرلي انزل
نزلت من السيارة مشه واني ورا
الامام كدامنا نمشي ب السوك
دخلنا للامام
حجه بدون مايلتفت علي
_غل :: دخلي زوري واني ازور واصلي واكعد هنا انتظرج
_مهره :: تمام
مشيت ب اتجاه الصحيات توضيت ومشيت ازور
دخلت للامام من شفت مرقد الامام دمعت عيني امسح على بطني
وكفت ب الباب الدموع بعيني اعاتب وابجي من بعيد
جنت ساكته بس داخلي هوسة وحركه
مشيت ب اتجاه المرقد ابجي لزمت المرقد خليت راسي على المرقد مهضومه النار مشتعله جواي
كملت زيارة صليت وكعدت عيوني على المرقد
فزيت على صوت رنة تلفوني
شفت المتصل امي
مادري شصار بيه النفس ضاك عندي وايدي ترجف
جنت مترددة ارد وافتح اتصال
شجعت نفسي وفتحت الاتصال
خليت التلفون على اذني اجاني صوت امي تبجي
_جنان :: ولج يمه مهره وينج
_مهره :: ماما
_جنان :: ياروح امجج وينج ولج يمه مهره الله لايوفقك مسلم شمسوييي بيج وشردتي بروحج
بجيت بحركه وقهر متذكرة الي صار
حجيت الغصة بصوتي
_مهره :: موتني ماما راد يكتلنيي
_جنان': اي يمه اي كالت مسره الله لايوفقة هل مسلم طفر ماعرف وينه هسة اخوج محروك كلبه واني اجيت اخذج مالكيتج
مسحت دموعي وحجيت
_مهره :: اي طلعت من البيت خفت يموتني
_جنان :: اي اي يابعد امج وينج انتِ خليني اجيج اخذج يمي وين رحتي
سكتت اسمع الها
مادري ليش كلبي نغزني بخوف
مترددة اكلها مكاني وين
رجعت كررت علي السؤال مرة ثانيه صوتها جانت مقهورة وتحجي بحزن
حجيت
_مهرة :: كاعدة ب الامام
_جنان :: هاااا ب الامام يعني اي زين لعد جايتج اني ابقي بمكانج
_مهره :: ماما مسلمم اذا عرف يموتني
_جنان :: لا يمه شلون يعرف راح اجيج بس اني واختج اخذج ونروح لخالج ماخلي واحد يلزم منج شعرة
حجيت
_مهره :: انتظرج يعني؟
_جنان :: اي جاية انتِ جوا ب الامام؟
_مهره :: اي جوا
_جنان :: ابقي بمكانج جاية
سديت الاتصال وكمت من مكاني
طلعت اشوف وين السيد حتى انطي علم
شفته واكف من بعيد هوا والسيد مفرقد
من شفت مفرقد بطني مغصتني
مشيت ب اتجاهم ثنينهم واكفين ومكتفين ايديهم لصدرهم يحجون
من حسو بجيتي سكتو
اجه ب اتجاهي
حجه مدنك راسة
_مفرقد :: شلونج خوية؟
_مهره :: مو زينه سيد
هز راسة بحزن ساكت
حجه
_مفرقد :: تنحل خوية ب امانتي صرتي
_مهره :: سيد امي جاية تاخذني
رفع راسه ب استغراب التفت يباوع لابن عمه حجه
_مفرقد :: منو؟
_مهره :: امي؟
_مفرقد :: شلونن تنطيها عنوانج؟؟؟
سكتت مستغربة
التفت مفرقد على ابن عمه
حجه بهمه
_مفرقد :: امشينا
_مهره :: وين؟
_مفرقد :: امج ماجاية تحميج امج جاية ترجعج لزوجج
حجاها والتفت يمشي هوا وابن عمه بقيت واكفة بمكاني ما مستوعبه كلامه
التفت السيد ب اتجاهي حجه يأشرلي براسة
_مفرقد :: يلا
_مهره :: انتظر امي
التفت يباوع لابن عمه
رجع التفت ب اتجاهي حجه يهز راسة
_مفرقد :: ننتظرهم مو مشكله يلا امشي
مشيت خلفة وكفنا على جهه بين المحلات السادة واكفين على الشارع
بقيت افرك ايدي بتوتر كلام السيد يدور براسي شلون امي تغدرني وترجعني لمسلم؟ مستحيل اكيد هل مرة ماراح تقبل ترجعني لموتي مرة ثانيه
مر الوقت
رن تلفوني شفت المتصل امي
التفتو علي السادة
اجه مفرقد ب اتجاهي حجه بدون مايباوعلي
_مفرقد :: اذا رادت موقعج كولي الها ب الامام
هزيت راسي ب اي
رفعت الخط
_مهره :: ها ماما
_جنان :: ها مهره وينج انتِ؟
_مهره :: وصلتي؟
_جنان :: اي قريبين على الامام تكدرين تطلعين من جوا
_مهره :: هااا.. لا ماكدر تعاي انتِ بطني تأذيني مابيه اكوم
_جنان :: جاية لعد
واني احجي ويا امي ب الاتصال طاحت عيوني عليها وهيا تمشي ب السوك
دمعت عيوني
ابتسمت وحجيت
_مهره :: جاية وحدج مو
_جنان :: اي اي شلون لعد اني واختج جايات بس
_مهره :: انتظرج
سديت الاتصال منها عيوني عليها
ماشافتني ولا انتبهت لوجودي شفتها تمشي هيا واخوي محمد ومسلم وثنين من ولد عمي
عبرو من عدنا واني عيوني تلحكهم
التفت مفرقد ب اتجاهي صارت عينه بعيني هز راسة بأسف حسيته يكلي بنظراته جنت متأكد امج راح تغدرج
مشو ب اتجاه الامام
من ابتعدو عنا اشرلي السيد امشي
مشيت واني اباوع لامي
ماتوقعت امي تسلمني لجتالي
مشينه اني والسادة ثنينه رجعت اتلفت على مسلم ولا جنه مطعون واكف بحيله ايده ملفوفة يخوزر ب الناس
شفت مجموعه من الضباط والعساكر واكفين
وكفت بمكاني اباوعلهم واباوع لمسلم
التفت مفرقد يباوعلي ب استغراب
مشيت ب اتجاه الضابط وكفت كدامه
التفتو يباوعولي
اشرت على مسلم من بعيد وحجيت
_مهره :: الي واكف هناك لابس قميص مخطط زوجي مسلم قصي... يتعاطى مخدرات هوا ومجموعه وعلى الاغلب يتاجرون ب المخدرات والسكر واليوم حاول يقتلني وهسة جاي يدور عليه حتى يقتلني
.......
فزيت على وجع قوي ببطني
باوعت لراجحه وامها
_مهره :: بطننيييي
_راجحه :: راح تجيبين !!
فزت راجحه وامها يركضن ب اتجاهي
حسيت بوجعع ينهش احشائي
ركضت راجحه تتصل على السيد عبد الروؤف واني بمكاني اصرخ من وجعي
ركضت ام راجحه تلبسني العباية واني روحي طالعه
اجه السيد عبد الروؤف والعلوية جهاد والسيد مفرقد
طلعت من البيت صعدت بسيارة كاتمه صوت صريخي
اخذوني للمستشفى بس الدموع بعيوني امسح على بطني وادعي الله يسهل عليه
دخلوني لغرفة العمليات ماعرف شصار وقتها
بس الي اتذكره من فتحت عيوني شفت راجحه واكفة كدامي
باوعتلي وحجت بفرح
_راجحه :: مبروك ام حسن
" قس "
رافعه رجلي على الحايط صافنه اني وابتهال
طلعت قمر من غرفتها مبتسمه ايدها على بطنها
اجت ب اتجاهنا تضحك
صاحت بفرح
_قمر': يا بنات باركولي
نزلت رجلي اني وابتهال ملتفتات على قمر
حجيت بفزة
_ قس': طلع عندج ورث وراح تعوضينا عن ايام الحزن؟
_ابتهال :: هيا عدها فلوس تزوج ابوي شبيج انتِ
_قس :: هم صدك هوا عمي بحد ذاته حزن وقهر
ضحكت قمر وحجت
_ قمر :: انا حامللل
لحظات من الصمت احتلت المكان
التفتنا كلنا على صيحه نضال
طلعت نضال من المطبخ بيدها صحن التمن
حجت رافعه حاجبها
_نضال :: حامل؟
_قمر :: اي سلفتي شو مافي مبروك؟
كتفت نضال ايديها لصدرها وصاحت
_نضال :: ولججج عليمن مبروك مخصبة البيضة قبل لاتجين
_قس :: صدك جايبته وياج؟
_ابتهال :: امي سنين متزوجه من ابوي ماجابت بس ثنين وانتِ ب اول طيحه حبلتي
نفخت نضال ب انزعاج راجعه للمطبخ
التفتت اني وابتهال نباوع لقمر جانت فرحانه بحملها
حجيت اباوع للمطبخ خاف نضال تطلع
_قس :: الف مبروك
_قمر :: يبارك فيكِ
طلعت من الصالة صعدت لغرفتي انام
من كعدت العصر نزلت شفت نضال حاضنه علي ابن باسم تحجي ويا
_نضال :: بيبي شنو ريحتك هاي خيسة
_علي :: بيبي تدرين ليش؟
_نضال :: ليش؟
عدل علي كعدته كدام نضال يحجي
_علي :: انا ما اسبح حتى يصير عندي بكتريا وفايروس غير مكتشف بباطي وامرض بيه الناس
التفتنا كلنا نباوع لعلي بقرف نضال كاشة وجهه بلعبان نفس
رجع علي باوع لنضال وحجه
_علي :: بيبي صديقي يريد يتعرف عليج
رفعت نضال ايديها جابت علي براشدي فرته فر
صاحت
_نضال :: كوممممم انعل ابوك لابو الجابك انت منين جايبك ضلت علي بس اصاحب الجن
شوي وطلعنا اني ونضال وابتهال لبيت صديقة نضال جنتها جايبة ب الجديد
دخلنا لبيتهم شفنا البنيه حاطة الطفل بحضنها سلمنا عليها وكعدنا مر الوقت بين السوالف والحجي
حجت نضال
_نضال :: خالة انتِ خريجه مو
هزت نور راسها ب اي
_نور': اي خالة خريجه ادارة واقتصاد
ابتسمت البنيه تباوعلنا اني وابتهال
_نور :: وانتو بنات خريجات؟
ضحكنا اني وابتهال وحدة تباوع بوجه الثانيه
حجت نضال بفخر تباوع النا
_نضال :: شلون مو خريجات.. عندج قس خريجه نوم وسهر وابتهال خريجه ضيم وقهر
صفنت البنيه تباوع النا اني وابتهال
خليت رجل على رجل وحجيت
_قس': ماجستير نوم وسهر
_ابتهال :: باكلوريوس ضيم وقهر
_وابتهال :: ويا الوزن
ضحكت البنيه عبالها اني وابتهال نضوج من كلام نضال
شوي وكمنا رجعنا للبيت
اول مارجعت شفت البنات صاعدات اتصال بكروب المجاهدات انضميت الهن نسولف
حجت عاتكه
_عاتكة :: قوسة تجين لخطبتي مو
_قس ': لا عيني ماجي عندي اعمال
_شاهيناز :: لاعيني تجين وانتِ الممنونه
حجت قدس ب ايدها فاطمه الزهراء تجر بشعرها
_قدس :: قوسة تعاي شنو ماتجين غير نريد نتونس
_قس :: لابنات ماكدر اجي عذروني
حجت عاتكه ب انزعاج
_عاتكه :: اذا ماجيتي ماسوي الخطبه
_قدس :: واني ماجي
_شاهيناز': واني هم
_مهجان :: انننيييي هم
_حوراء :: واني وحميدة كذالك
_ملاك :: لعد اني شكو جاية
رفعت حاجبي ب انزعاج
_قس :: بنات ماكدر اجي
_عاتكة ': لاتكسرين واهسي قس اني حاسبتج ويا البنات واريدج موجودة وباعي اني ماحلف ومامتعودة احلف بسسس يا قس والله اذا ماجيتي ماسوي الخطبه وبكيفج بعد
من حلفت عاتكه عرفت ماكو امل ولا مجال ارفض
بليل اتصل غضنفر وقدس على عمي علمود جيتي اني ونضال وابتهال للخطبه ب البداية عمي رفض
بس من حجت ويا قمر كدرت تقنعه بسرعه
بديت اني ونضال وابتهال وعلي ابن باسم نجهز لروحتنا رغم رفضي وترددي من الروحه بس اجبرت نفسي على الروحه حتى لا عاتكه تزعل هيا والبنات...
" قدس "
رفعت راسي من المخدة بتعب اباوع لغضنفر شايل فاطمه الزهراء ويهز بيها
_غضنفر :: يا حلاها ياحلاها كصايبها وراها اجه الخطاب يخطبها وابوها مانطاها
ضحكت اباوعله
_قدس :: منين تعلمتها
باوعلي وابتسم
_غضنفر ': امي كل ماتشيل فاطمه تحجيها
حجاها وباس فاطمه من خدها بقوة
ضحكت فاطمه على بوسة ابوها تهز برجليها
رجع باسها مرة ثانيه مكزكز عليها
باوعت لفاطمه لابسة فانينه نص ردن بدون بجامه بس حفاضتها طالعه ورجليها
شعرها واكف
ضحكت من ذكرت غضنفر يصيح كصايبها وراها هنا جم شعره واكفات ليفوك ترافس ب ابوها
رجعت راسي على المخدة اباوع لغضنفر وفاطمه بتعب بس ابتسامتي بوجهي
التفت غضنفر يباوعلي ب ابتسامه
اجه ب اتجاهي نام على الجرباية يباوعلي حاطه فاطمه بنصنا
_غضنفر :: قدوستي شبيها
_قدس': تعبانه غضنفر تعبانه من العلاج
مسح على راسي ب ايده
باس كصتي وحجه
_غضنفر :: اعرف جاي اتعبين ومايهون علي اشوفج هيج تعبانه بس هذا كله علمودج
هزيت راسي ب اي ساكته
باوعت لفاطمه ماخذه صبع ابوها تمص بيه
ابتسمت اباوعلها
حجيت
_قدس :: مستعدة اتحمل هذا التعب علمود فاطمه
باوع غضنفر لفاطمه مبتسم
اخذها ب ايدها يبوس ويشم بركبتها
حجه بصيحه مكزكز
_غضنفر': بويةةةةة اموت على ريحه الحموضة الهنا
_قدس :: غضنفرررر العصر سبحتها
_غضنفر': اي بس اكو حموضة شمي
حجاها وقرب ركبتها من خشمي
شميت بتركيز صدك اكو ريحه حموضة
ضحكت اباوع لفاطمه
_قدس :: ام احموضة
_غضنفر :: صارت هاي الريحه عطري الاحبه
ضحكت اباوع لغضنفر كل شوي بايسها ويضحك وياها
غضنفر روحه صارت ب فاطمه مايتحمل يبتعد عنها شوي حتى من يروح لشغل يتصل علي حتى يشوف فاطمه
الكل اتعلق بفاطمه ويركض الها محد يكدر على فراق فطومه يردوها ٢٤ ساعه عندهم
غمضت عيوني غافية ومستسلمه لنوم بتعب
هاي الفترة اكثر فترة متعبه بحياتي
بديت اتعالج من الي اني بيه
جنت متوقعه علاجي سهل ويخلص بفترة قليلة بس لا
اكتشفت علاجي وتنظيفي من الي اني بيه راح ياخذ فترة وجهد
رحت بنومتي بدون ماحس على روحي
مستسلمه للنوم
بين الكاعدة والنايمه سمعت صوت بجي فاطمه الزهراء
فتحت عيوني بتعب مالحكت ارتاح توني غفيت
باوعت للغرفة ظلمه اسمع بس صوت فاطمه تبجي
مسحت على الفراش اريد غضنفر يكعد يشوف فاطمه
مالكيته يمي
كمت من مكاني دايخه ايدي على راسي
مشيت ب اتجاه الضوة اريد اشغله
شغلت الضوة افرك بعيوني التفتت على فرشة فاطمة
وكفت بمكاني اغمض عيوني وافتحها الفرشة فارغه فاطمه ماموجودة
باوعت للغرفة محد موجود بس صوت فاطمه موجود تشهك وفحطانه من البجي
فتحت عيوني بقوة مستوعبه الوضع
اتلفتت ب الغرفة مفزوعه وين راحت بنتي
ركضت ب الغرفة اتلفتت بصدمه فاطمه وين جاي تبجي بس وينها توني اريد اطلع من الغرفة
وكفت بمكاني
التفتت على الجرباية صوتها جاي من جوا
ركضت اباوع جوا الجرباية ظلمه ماينشاف شيي
مديت ايدي اصيح ب اسم فاطمه
حسيت شي اجه ب ايدي مثل الجسم
سحبتها ب اتجاهي بقوة
باوعت بصدمه فاتحه عيوني بفزع
شفت لعبانه صغيرة مكان العيون فارغ والعابة مبتسمه
رفعت راسي على صوت بجي فاطمه جاي من وراي
التفتت بسرعه
صار بوجهي طفل صغيرة واكف وراي صوته صوت فاطمه بس التفتت كمز بوجهي
كمزت من مكاني اصرخ ايدي على صدري اصرخ ب اسم فاطمه
شفت غضنفر كدامي ب ايده فاطمه نايمه من صرخت فزت من نومها ورجعت نامت
اجه غضنفر ب اتجاهي عاكد حواجبه
_غضنفر': شبيج قدس
_قدس :: فاطمه غضنفر فاطمه
_غضنفر :: شبيها نايمه
باوعت لفاطمه اجر النفس ب الكوا
باوعت لغضنفر وحجيت الدموع بعيني
_قدس :: خاف يصير بيها شي
سكتت غضنفر يهز فاطمه بحضنه
مشه ب اتجاه جربايتها
نزلها بفراشها واجه ب اتجاهي
اخذني بحضنه يمسح على ضهري
_غضنفر :: مايصير بيها شي فاطمه ب امانه اهل البيت
بقيت ساكته اجر النفس بتعب
نمت بحضن غضنفر
بقى ساهر يقرة عليه قرأن
غفيت بحضنه رايحه بنومتي
ماكعدت غير ثاني يوم نزلت شفت فاطمه بحضن خلود تلعب وياها
صبحت عليهم ومشيت اغسل
رجعت كعدت ب الصالة اتريك ويا خلود
حاولت اخذ فاطمه منها رفضت متونسه بفاطمه
خلود كلش تحب الاطفال
ب اخر فترة جانت تقنع غل يرحون لدكتور تفحص نفسها وتعرف سبب تأخر حملها
بس غل رافض يراجعون دكاترة
باوعت لخلود وحجيت
_قدس :: خلود انتِ ترحين ويانا لعرس عاتكه
_خلود :: عزمتني بس... استحي احس ما متأقلمه ويا البنات
_قدس :: ب العكس تتأقلمين وياهن بس ترحين
رفعت اكتافها ب ماعرف
سكتت وهيا سكتت
كملت اكل اخذت فاطمه من خلود ومشيت اسحبها
خليتها ب البانيو فاتحه عليها الماي
ماجانت لابسة ملابس تضرب على الماي ب ايديها وتصيح
ضحكت اباوعلها مطلعه السانها واتفل
اخذت شوي ماي اغسل وفرغته عليها
غمضت عيونها فازة من الماي
صرخت من الماي مزعوجه
كملت اسباحتها لفيتها ب المنشفة وطلعتها من الحمام
باوعتلها خلود تضحك
_خلود :: سبحتتت ام ريحه
_قدس :: لاتحجين على بنيتي عيني هيا نظيفة بس تحسس من الماي
اخذتها وصعدت للغرفة البسها ملابس
نيمتها بنص الغرفه ومشيت اطلع الها ملابس
واني واكفة حسيت بدوخه اجتني خلتني افتح عيوني واغمضها بتعب
لزمت ب الحايط احاول اعين نفسي حتى ماطيح
غمضت عيوني لعبانه نفسي
سمعت صوت باب الغرفة انفتح توقعتها خلود اجت بس لا من التفتت شفت الباب مفتوح بس محد موجود
بس فاطمه نايمه تهبش ب الفراغ
طحت على ركبتي بمكاني منعسه اريد انام
رفعت عيوني على صوت ضحك
فتحت عيوني بعدم تصديق واني اشوف مجموعه اقزام دخلو للغرفة يضحكون
فركت عيوني اريد استوعب الي اشوفة سبع اقزام كلهم بلا ملابس ولا قطعه ملابس حتى !!
شكلهم كبار بس حجمهم صغير يتراكضون ب الغرفة بضحك اتجمعو على فاطمه يضحكون وهيا تضحك وياهم
جانو مسوين دائرة عليها يصفكون الها بس اصوات ضحكهم طالعه
لزمت الارض بدوخه اريد اكوم من مكاني ماكدر رجلي نابتات ب الارض شي جاذبني للارض يمنعني اتحرك
حجيت بتعب اتوسل الهم
_قدس :: تركو بنتي ابتعدو عنها
التفتو كلهم ب اتجاهي مرة وحدة الابتسامه على وجهم اجو اربعه ب اتجاهي محوطيني يضحكون ويصرخون بصوت عالي
خليت ايدي على اذني مزعوجه من اصوات ضحكهم
_قدس :: كككاففيييي... سكتوووووو... كافيييي
يضحكون مامهتمين لصياحي اربعه محاوطيني وثلاثة محاوطين فاطمه
غمضت عيوني سواد محاوط عيوني والغرفة
نمت على الارض غافية ناسية فاطمه والي حولي
رايحه بغير عالم
ماحسيت بشي ولا فتحت عيوني على صوت خلود وهيا تصيح ب اسمي
فتحت عيوني شفت خلود كاعدة كدامي ب ايدها فاطمه تشهك من البجي
باوعتلي وحجت بخوف
_خلود :: شبيج قدسس شصار
_قدس': وين راحو
_خلود :: منو؟
_قدس :: الاقزام
عكدت حواجبها ب استغراب مافاهمتني
هزت فاطمه ب ايدها تسكتها
باوعتلي وحجت
_خلود :: شلون تاركه فاطمه تبجي ونايمه
_قدس :: شنو
باوعت لفاطمه مستوعبه
كمت من مكاني بتعب امشي ب اتجاهه
اخذت فاطمه من حضن خلود اسكتها
كعدت ب الارض ارضعها ساكته بس عيوني ادور ب المكان أحاول افهم الي صار
كعدت خلود كدامي صافنه تباوعلي
مسحت على صدري بخنكه متأذية من الي جاي يصير بس مو بيدي كلشي مو بيدي
ثاني يوم بديت اجهز ملابسي وملابس غضنفر وفاطمه حتى نطلع لنجف لخطبه عاتكه
خلود قررت تمشي ويانا جنت متونسه ومرتاحه لوجودها حسيتها صارت اخت رابعه الي
طلعنا بسيارة غضنفر كلنا
فاطمه بحضني عمتي صاعدة كدام واني وخلود وكفاية ورا فاطمه بحضني تباوع من الجامه كرونها الاصغار واكفات
ضحك غضنفر يباوعلها من المراية
_غضنفر :: بابا رجعي راسج لا يحسدوج على شعراتج
_كفاية :: اي خطيه الشعر سارح من الجامه من طولة
_قدس :: تغارين من شعراتهااا انتِ
ضحكنا على صرخه فاطمه اطفر على رجلي تريد تشمر روحها من الجامه واني لازمتها
" عاتكه "
ابتسمت على نزلة غضيمر من الدرج
باوعلي وضحك بفرح
مد ايده حاضني من اكتافي
_غضيمر :: شنو هل جمال عتوكه
_عاتكه :: على اخوي طالعه حلوة
باسني ب راسي مبتسم
باوعلي وحجه بحسرة
_غضيمر :: عتوكه صرتي عروسة
دنكت راسي بخجل
رجع حضني لصدرة يبوس براسي
بعدني عن راسة يباوعلي
ضحكت من شفته صاك على حلكه عيونه مدمعه كاتم بجيته
التفت يمسح بدمعته الغدرته
حضنته من صدره مدمعه ويا
_غضيمر :: مايهون اشوفج تطلعين من البيت
_عاتكه :: راح تخليني ارفض وماتزوج
_غضيمر': لا حبيبتي هاي سنه الحياة اتونس من اشوفج عروسة وام بس مايهون علي اشوفج طالعه من البيت مايهون اكعد وماشوفج كدامي
بجيت ايدي على عيوني حضني يبجي وياي
على بجينه نزل فقار يعدل ب عمامته
باوعلنا وعكد حواجبه ب استغراب
_فقار :: شصار ليش تبجون؟
رفع غضيمر راسة يبجي
_غضيمر :: راح تزوج عاتكه
_فقار :: صدك تحجي لو تشاقة تبجي لان...
سكت فقار داير وجهه عنه الدمعه بعينه
سمعت صوت بجيه ايليا جاي من ورانا التفتنا اني والولد
شفت ايليا واكف ورانا ايده على عيونه اجتافة تهتز
رجعت ابجي ما متحمله الموقف
اجه ايليا وفقار ب اتجاهي حاضنيني كلنا نبجي
على صوت بجينه دخل السيد عبد الروؤف للصالة
باوعلنا ب استغراب
حجه
_عبد الروؤف': ليش البجي؟
_عاتكه :: راح اتزوج وامشي بعيد عنكم
_فقار :: احترمي مشاعرنا عاتكه مو هيج
ضحك السيد يباوع النا
اجه ب اتجاهنا مبتسم
_عبد الروؤف :: كبرت عتوكه وراح يفرغ البيت بدونها
_ملاك :: شنو قصدك سيد يعني اني ماكفي واوفي
التفتنا كلنا على ملاك جانت واكفه بباب المطبخ بيدها تفاحه مغطيه بطنها لان كبرت
اجت ب اتجاهنا باوعتلي وحجت
_ملاك :: راح تعوفينا عتوكه؟
_عاتكه :: لعد بس انتِ تزوجين
_فقار :: عتوكههه مو هيج مشاعرناااا مشاعرنا
_عاتكه؛:: هاا.. اي نسيت
كعدت بليل ب الغرفة افرك ب ايدي متوترة
السيد قرر الخطبه قبل رمضان والعرس ب العيد
كلشي كمل والكل راضي واني استخاريت ومرتاحه
شعور غريب بداخلي فرحه ممتزجه بتوتر وخوف
صفنت متذكرة الشوفة الشرعيه الصارت
جنت منزلة راسي طول الوقت افرك ب ايدي بس رجلي كدام عيوني
خلصت الشوفة واني كلشي ماشايفة من دلهب
اتذكر بس شفت ضهره قبل لا يطلع من البيت وبعد ماشفته بس رجعنا الموافقة وحددنا موعد الخطبه
ثاني يوم الكل تجمع
بقيت كاعدة على الدرج منتظرة دخله قس حلفت ماسوي الخطبه اذا ماشفتها كدامي
باوعت لقدس متربعه بنص الصالة تمشط فاطمه
عكدت حواجبي وحجيت ب استغراب
_عاتكه :: منين اجه الشعر وتمشطين الها
_قدس :: شوف شوف الغيرة معليج بيهم ماما فاطمه يغارون من شعراتج
ضحكت اباوع لفاطمه مادة ايدها بحلكه وتصيح
سمعت صوت غضيمر جاي من الخارج
طلعت من الصالة اركض
شفته واكف ب الحوش
حجيت
_عاتكه :: هاا غضيمر
_غضيمر :: يلا يمتى تمشين هم مابقى شي
سكتت اباوع لباب البيت
شلون اذا ما اجت قس
رجعت للبيت توني اريد اتصل عليها
وصاحت قدس من مكانها تباوع لكامرات البيت
_قدس :: اجتتت قس
رفعت راسي بفرح شفتها تنزل من السيارة ركضت اني وقدس نشوفها
وكفنا بباب الصالة طلع غضيمر يستقبلهم
شافتنا قس واكفات ب الباب اجت ب اتجاهنا مبتسمه
سحبتها من ايدها حاضنتها بفرح اني وقدس
وهيا تضحك
دخلت نضال وابتهال سلمت عليهن
اجن العلويات والبنات يستقبلنهن
دخلنا لصالة ايدي ب ايد قس
اول ماشافت قس فاطمه ركضت الها بفرح تصفكلها
من شفت قس كدامي ارتاحيت وطلعت ويا غضيمر وعمتي لصالون
جان مكياجي خفيف
شعري مفتوح ومرفوع
لبست قفطان ابيض مخصر والردن مفتوح الفستان مرصع كرستال من الخصر لابسة حزام ذهبي
رجعنا للبيت جنت متوترة بس مرتاحه واني اشوف البنات كدامي
ماجان اكو اغاني بس مواليد والعلوية لباب تهوس وتقرة ب سماعتها والبنات يصفكن
بدو الناس يتجمعون
واني والبنات ب الصالة فرحانات
اجت شاهيناز ب اتجاهي تركض
_شاهيناز :: ولججج ولججج امشي شوفييي
_عاتكه :: هاا شنو؟
_قس': يبووويي الدفان طلععع مو دفان
_عاتكه :: شنوووو!!!
سحبني البنات من نص النسوان
صعدن بيه لغرفة ملاك جان شباكها على الشارع
فتحنا الشباك على النص من ورا البردة نباوع
باوعت لشارع متروس زلم
بقيت ارمش بعيوني مصدومه واني اشوف الشارع متروس رتب
كلها ضباط وشيوخ مشيتهم كلها ضباط
خليت ايدي على صدري واني اشوف دلهب شلون واكف بنص الضباط مبتسم لابس قاط اسود صح صلعته تلمع بس جان هيبة وحضور بنص الكل
ابتسامته على وجهه يحجي ويا ضابط جبير ب العمر صاحب رتبه
ربت الضابط على كتفه ب ضحك
صاحت قس تأشر على دلهب
_قس :: احلف عليه ضابط
_قدس :: يمعودة يا ضابط هوا مخلصها ب المكبرة يفتر ب الكرك
_قس :: مامرتاحه لكرعته متأكدةةةة ضابطططط كلبي ناغزني
صفنت متذكرة من سألت فقار على دلهب
_عاتكه :: صدك فقار دلهب معتمد بمصروفة على الدفن؟
ابتسم فقار يباوعلي
_فقار :: لا
_عاتكه :: يعني يشتغل غير الدفن؟
_فقار :: اي صاعد مرتبتين
مافهمت قصدة وقتها وغلست
رجعت باوعت لدلهب معقولة ؟
نزلنا اني والبنات على هلاهل اهل دلهب شفت نسوانهم يهوسن ويهلهن بفرح
اجت امه ب اتجاهي حضنتني فرحانه تتباركلي
رجعت اخته صفية حضنتني
رجعت لمكاني مبتسمه
كعدت وهنا يهوسن ويضحكن كلش فرحت من احترمنا ومحد شغلت اغاني واكتفن ب الصفكات والهوسات
اجه وقت اعقد كمت من مكاني بين المصلى والصالة السيد جان يعقد النا
رديت موافقي وكملنا العقد ورجعت لمكاني النسوان يهلهن
دخل دلهب لصالة مدنك راسة
رفع راسه باوعلي واني افرك ايدي متوتره الورد بيدي
وكف كدامي كمت من مكاني وكفت كدامه فرق الطول جان يضحك رغم اني لابسة كعب عالي بس جنت واصلة لصدرة
اخذ راسي باسة وحجه بصوت ناصي
_دلهب :: مبروك علويتي
هزيت راسي بخجل ساكته
كعدنا اني ويا اخذ ايدي من حضني بيده
بدينا نلبس الحلقات ويا كل لحظة يحجي كلمه يخليني خجلانه واتلفتت
" ملاك "
جنت اني والبنات واكفات على صفحه نباوع لدلهب وعاتكه ب ابتسامه
عيوني مدمعه من جمالهم يجنوننن ماعرف شنو اوصفهم عاتكه جنها نمله بصف دلهب
شبهتم ب الاميرة والوحش يعني حشة الدفان من الوحش بس ضخامته يعني وهيج فهمتوني؟
باوعت لخلود وقس واكفات ثنينهن وحدة بصف الثانيه مبتسمات عيونهن على العرسان
باوعت لبعيد شفت مهره وراجحه كاعدات على الدرج مهرة ابنها بحضنها
رجعت اباوع للعرسان وكفو ياكلون ام دلهب اتهلهل واطش عليهم جكليت بنص اندماجنا وفرحتنا
ركض علي ابن اخو قس ب النص على العرسان ياخذ الجكليت
صفنا كلنا من نضال شالته من ملابسة مرجعته لمكانه
ضربته على ركبته مرجعته ورا
حصرتني الضحكه ساعتها خليت ايدي على حلكي مستحيه اضحك
كملو العرسان ودلهب طلع
من طلع رجعنا نركص بينا على المواليد
انتبهت على قس وخلود وصفية متكابلات يهزن سوا وحدة مرتاحه لثانيه
قدس شايلة فاطمه تهوس بيها
مهجان تركص ويا حميدة وحوراء
شفت عمتي كاعدة على القنفه ايدها على خدها صافنه ماعرف شبيها هل فترة صايرة تعبانه ومالها خلك لشي مخلصتها صفنات وبجي
كعدت بصف عمتي
ايدي على بطني ماكدر اركص ب اخر اشهر حملي وفقار مهددني من الركص
اباوع لقس نزلت للكاع وخلود كدامه نازلة وياها
ضحكت اباوعلهن
عاتكه تريد تهز بس مستحيه ونضال تركض ورا علي تخاف عليها
رفعت حاجبي متذكرة
شاهيناز وين؟
كمت من مكاني ادور عليها
طلعت من الصالة للمطبخ ماشفتها مشيت ب اتجاه الحديقة جاي ادخل وستوقفني صوت جادح
مديت راسي اباوع لشاهيناز وجادح على المرجوحه جادح حاضن شاهيناز يسولف وهيا خجلانه بس تهز راسها
رجعت دخلت للصالة كاعدة عند عمتي خليهم ياخذون راحتهم
" صفية "
كعدت على القنفه اتنفس بتعب من الركص والهوسة
كعدت وحدة من البنات ماعرفها بصفي
باوعتلها اضحك
_صفية :: تعبنا
_قس': اكتافي تأذيني
صار وقت الصلاة كلها كامت تصلي حتى عاتكه ولا اهتمت للمكياج وغيرة كامت
كمت وياهن اريد اتوضة
كعدت على الكرسي ب المطبخ منتظرتهن يكملن وضوئهن
اخذت التلفون اكلب ب الصور الصورتهن
نزلت صورة ستوري على الانستا غطيت وجه دلهب وعاتكه بس ايديهم
كتبت على الصورة
" شايف كل الخير دلهب حبيبي "
ونفس الشي ب الوتساب
التهيت اشوف الصور مامنتبهه للبنات طلعن من المطبخ
فزيت على صوت طرقات على الباب وصوت واحد يصيح علوية علوية
لفيت الشال على شعري بس من ورا حسيت الكدام مو حرام يطلع ساعتها ماعرف ليش هل استهتار يجيني ب الاعراس فجأة الحرام يصير حلال
مشيت للباب لا سلام لاكلام لا تحمحمت لا استحيت
فتحت باب المطبخ كبل
صار كدامي اخو عاتكه نفسه الشفته بيوم اجينه لعاتكه عرفته هذا اسمه سيد غضيمر؟
السيد جان متوقع وحدة من علوياتهم ماجان غاض البصر من شافني فتحت الباب اني ومكياجي وجهي والعلج بحلكي والشعر طالع
فتح عيونه فاز بشوفتي
دار راسة بدون مايدور جسمه على الجهه الثانيه يستغفر
عكدت حواجبي اعلج ب استغراب
_صفية :: ها شبيك
_غضيمر :: استغفرالله خوية تغضي
_صفية :: اي متغضية باوع
حجيتها أشر على روحي مقتنعه بنفسي كلش زين متغضية
هز راسة ب انزعاج وجهه على الجهه الثانيه
_غضيمر :: ال.. العلويات وين؟
_صفية :: يصلن
_غضيمر :: هاا.. اي بس وحدة تكمل خلي تتصل علي علمود العشه
كتفت ايدي لصدري اعلج
باوعتله وحجيت ب استغراب
_صفية :: شنو عشاكم؟
صفن السيد ساكت يريد يستوعب الي حجيته
ماحجيتها بقلة ادب ولا جنت قاصدة الحجاية
بس جنت اريد اعرف شنو عشاهم
حجه بضيكه نفس الكلمه كوا تطلع من حلكه
_غضيمر :: لحم
_صفية :: افف ماكل لحم... يلا مو مهم هسة بس يكلمن احجي وياهن
هز براسة ساكت
مشه واني سديت الباب
التفتت شفت البنيه نفسها كاعدة على الكرسي تباوعلي هم تعلج
مشيت ب اتجاهه
كعدت على الكرسي كدامها
_صفية :: ماصليتي
_قس :: معذورة
هزيت راسي ب اي ساكته
باوعتلها وحجيت
_صفية :: اني صفية اخت دلهب
_قس': واني قس اخت قدس
_صفية :: يا اهلاً
_قس :: اهلاً ب اخت الدفان
ضحكت اباوعلها
_صفية :: مو دفان دلهب
_قس :: مو مهم شنو يشتغل المهم وجهه مو راحه
_صفية :: صريحه
ضحكنا اني وياها توضيت وطلعت
شفت العلوية الجبيرة كاعدة تسبح
تذكرت سالفة السيد والعشه انطيتها علم ومشيت اصلي
صار وقت العشة كلها كعدت تتعشة بس اني عازلة نفسي لان ماكل لحم
دخلت العلوية جهاد تتلفت بين النسوان صارت عينها علي اجت بيدها صينيه
باوعتلي وحجت
_جهاد :: عشاج
_صفية :: ب العافية علوية مو جوعانه
_جهاد :: لا جوعانه كومي هذا دجاج مو لحم.. مو ماتاكلين لحم
صفنت اباوعلها ب استغراب
_ صفية :: هاا
_جهاد :: يلااا ماكو وحدة تبقى جوعانه هنا
هزيت راسي ب اي اخذت الصينيه منها
شفته مندي دجاج مطلوب من مطعم تذكرت السيد غضيمر معقولة هوا جابة؟
" قس "
كملت خطوبة عاتكه ودلهب على الخير واهل دلهب كلهم طلعو راجعين لبغداد رغم السيد ماقبل بس جانو مصرين يرجعون
جنت اني والبنات كاعدات ب الصالة نسولف
نزلت عاتكه تركض من الدرج جانت تخابر دلهب
وكفت كدامنا تطفر بحماس
_عاتكه': ولجننن ولجننن ولجننننن
_ملاك :: هاي خيوط الخطبة اعرفها من نخطبت لفقار كعدت بنص الصالة الطم من الفرح
كعدت عاتكه بنصنا تضحك بفرح
غطت وجهه بضحك بعدت ايدها عن وجهه باوعتلنا وحجت
_عاتكه :: دلهب موو دفان
شهكت مهجان ايدها على صدرها
_مهجان :: يعني قاتل؟؟
_قدس :: مجرممممم ومخلصها ب المقابر يكتل ويدفن؟
ضربت عاتكه البنات على رجليهن وحجت
_عاتكه :: لاااا سكتن... دددللهبببب
_قس :: اي؟؟؟؟
رجعت غطت وجهه تضحك
صاحت بفرح
_عاتكه :: استخباراااتتت
كمزنا اني والبنات من مكانه بعدم تصديق
جنتت متوقعه ضابط بس موو استخبارات مرة وحدة
ضحكت عاتكه وصاحت
_عاتكه :: هوا شغله خاص بس يلا انتن منا وبينا
صفنت اني والبنات مستوعبات
باوعت لعاتكه وحجيت
_قس :: شيسوي ب النجف؟
_عاتكه :: مراقبين جماعه
ثاني يوم كملنا اني وابتهال ونضال الي عدنا حتى نطلع لبيتنا
كالت نضال نزور الموته تريد تزور امها حنت الها
ودعت البنات وطلعنا من بيت السادة
زرنا الامام علي عليه السلام ومشينه نزور المكابر
زرت ابوي ورحنا نزور ساطيه ام نضال
كعدت نضال كدام كبر امها ادك على الكبر وتصيح
_نضال :: يمههه... ولججج يمه.... يمهههه
_قس': ها يمه
ضحكت ابتهال ايدها على حلكها
التفتت نضال علي رافعه حاجبها
_نضال :: وروح ساطيه ادفنج هنا
_قس :: لا هيا روح ساطيه ردت عليج ب الساني
_ابتهال :: يمه اني هنا دفنيني
حجتها وأشرت على زاوية بصف كبر ساطيه
حجيت اباوع للفراغ
_قس :: بس خوش مكان ماخذة ساطيه ب الزاوية على الفياي الشمس ماتلوحها
_ابتهال :: لعد ابوج يمه شبيه عازل روحه مناك
_قس :: متزاعل هوا وساطيه
ضحكنا اني وابتهال
التفتنا نشوف نضال نازعه شحاطتها تريد تركض ورانا
فزينا نركض بين الكبور وهيا من ورانا تغلط
" ملاك "
تجمعنا كلنا ب الحديقة السيد بوسطنا كاعدة ب الارض بحضنه فاطمه الزهراء والعلوية لباب وزهراء محاوطاته من الجهتين
اني والبنات واكفات على جهه والسادة على جهه الثانيه عمتي بنصنا
كدامنا ساجد بيدة الكامرة ثبت الكامرة واجه وكف بصف السادة باوعنا كلنا للكامره مبتسمين
جانت احلى لحظة واحلى صورة ناخذها واحلى ذكرة
الكل متجمع بهل صورة
كملنا كلنا من الصورة وتطشرنا الكل لجهه
طلع السيد وفقار وعمتي من الحديقة
واحنا كعدنا بمكانه الولد يشوون لحم على الشواية
نسولف عاتكه تحجي على دلهب ورومانسيته بخجل كل ماتذكرة خدودها يحمرن
سمعنا صوت صياح السيد
طلعنا كلنا من الحديقة شفنا السيد وعمتي وفقار كاعدين ب الصالة
السيد واكف يصيح وعمتي كاعدة تهز رجليها عيونها حمر
فقار مكتف ايديه يباوع لعمتي بحزن
رفعت عمتي عيونها باوعت لسيد وحجت
_جهاد :: ماغلطت
_عبد الروؤف :: غلطتتيييي منوو جزام تعرفي ابن عم ابن اخو وتطلبين منه المساعدة
_جهاد :: سيد؟؟
_عبد الروؤف :: كافي جهادد ماريد حجاية ثانيه الاسبوع الجاي لباب راح ترجع لايران ترجعين وياها
سكتت عمتي صافنه بالفراغ
حاولو السادة يهدون السيد ويغيرون من رأيه
بس لا السيد جان مصر على قراره ورفضة
رفعت عمتي راسها باوعت لسيد وحجت
_جهاد :: مارجع لايران
_عبد الروؤف :: قراري واحد وكلمتي وحدة
جهاد :: هذا قراري سيددد ماريدد ابتعددد عن اهلي ولا عن قبر ابني
_عبد الروؤف :: كافي جهاد
مسحت عمتي على وجهه بحيرة
رجعت رفعت عمتي راسة
باوعت لسيد وحجت
_جهاد ::
