رواية لأني عاقر الفصل الثالث والأربعون بقلم مريم خفاجة
أگابل عينك الحلوا واغنيَ
وكُل اليوجعنك يوجعنيّ
أذا تنجرح آنه انجرحّ وياك
مثل ما آنه منك أنتَ منيّ .
...
واني اسمع صوت رغد
تصيح:-يممممة اخوووووي
بدون اي شعور ولا اي
اهتمام لكلشي ركضت حافية وبدون
حجاب وبدشداشتي القصيرة
روحي طارت گبلي
لبيت رغد واني اركض
وما حاسة بأي شي دفعت بابهم
ازهر يفتر متوتر دار وجهه
عني
وصاح:-مياااااررر
ركضت لجوة لرغد
واني احس روحي بادت وگعت
باب المطبخ واجت هي تركض
همست:-غيث غيث شبببببيييي
رغد:-انددددعمممم ولللللج اخووووي رااااااح
وللللج يممممة سووووددددة بوووووجهههههي
ملاك:-ماندعم غيث وين ماندعم
حجيتها وروحي غابت
ماحسيت بشي وراها
صوت بجي وصراخ وصياح
كأنما احد ميت فعلاً
وماكو غير هذا الاحتمال ببالي
اول مافتحت عيني
زينب گبالي تبجي
ملاك:-ما مات غيث مايعوفني
كمت احاول اسيطر
؏ روحي بس تخيب آمالي وارجع
اوگع وزينب تشيلني:-ولج مابببي ششششي گووووومي
ملاك:-ماگدررررررررر رااااااح امووووت
دگيت ؏ كلبي بكل قوة
واني افرفح
شالتني ولبستني حجاب وهي تگول:-روووحي
روووحي ويااااهم لاتبجييين
مادري شلون لبست وطلعت اتثر
بخطواتي وبين عيوني
يجيبوا بتابوت!
شنو موقفي بهالحالة؟
اتمنى لو كدرت اصيح واطلع
الي بداخلي بس حالي كلة باد
صعدني ازهر بالسيارة
ورغد تصيح وتلطم وهو يزمخ بيها
روحي رجعت غابت بس احس
بالجاي يصير
شوكت وشلون وصلنة مادري
لزمتني رغد من جهه
وازهر من جهه ثانية گوة لازمني
وصلنة واني
اشوف جاسر يفتر متوتر وقيس
وكم واحد ماعرفة
شافني جاسر اجة
يركض اخذني من اديهم:-گووول ماااابي شششي گووووول
جاسر:-مابي شي والله هسة يطلع الدكتور ونفتهم
ملاك:-يمووت اخاااااف يمووت اخاااااف حباب
لايموتواا اضل وحدي ابوس ايدك
جاسر:-اششش بابا مايصير شي ان شاءلله
بلكي الله يسهل
ضل ضامني لحضنة وصوت
شهگاتي مالية المكان
همست بهدوء:-بس خلوا يعيش حتى لو
بس نفس يصعد وينزل لاتموتوا
غمضت عيوني
وصار اغماء ثاني عندي
جسمي من كد ما يرجف كمت ما اكدر
اوكف ثواني
دگات كلبي تدك سريعة كسرت ضلوعي
واني نايمة فتحت
عيوني الضوة بيهن غمضت بسرعة
وهمست:-غيث وينة
مسد ؏ شعري واحد
ومن صوتة عرفتة:-مابي شي حبيبي
ملاك:-اريد غيث
جاسر:-اصحي وصيري زينة واوكفي وياه
ملاك:-اموت اذا صارلة شي
جاسر:-مابي شي والله
بس جروح ورجلة اليمنى مكسورة
شهگت اكثر
ضل يهديني ويبوس بية
كومني ؏ كيف ومشاني وياه للردهه
وبعدهم جوة ما مطلعي
ملاك:-شوكت يطلع
جاسر:-بعد ما معلوم حبيبتي
ملاك:-جاسر طب انتَ
انتَ مو دكتور ادخل وياهم شوفة
جاسر:-مايصير حبيبتي مو اختصاصي
صديقي دخل هسة ونشوفة
ملاك:-اذا صار بي شي اعتبرني ميتة
جاسر:-كافي لاتوهوسين ان شاءلله مابي شي
سكتت واني استغفر وابعد
الأفكار عن راسي ورغد تبجي
واني بس اشهك بدون دموع
والف فكرة وفكرة براسي
ساعتين يلا طلع الدكتور
ونفس ما گال جاسر رجلة مكسورة
وضمور وجروح هواية بجسمة
ضلينة ننتضر بعد يصحى
ملاك:-شلون صار الحادث؟
جاسر:-تريلة جاية سريعة
شهگت وحطيت ايدي ؏ كلبي
وهو كمل:-الله ستر والله من شفت المنضر
كلت مايطلع عدل
ملاك:-راويني شلون جان
فتح تلفونة واني اشوف سيارتة
صايرة علج
حطيت ايدي ؏ حلگي واني اتخيلة
جواها وابجي بحركة
و بعدني بنفس الفكرة
الي تراودني
طلعوا الباقيين حرمصت لجاسر
ادخل لجوة
گوة يلا قبلوا التواسيل
لبسوني ودخلت
واني اشوفة مغمض عيونة
وجسمة ملفلف من فوك لجوة واكو
دم ؏ وجهه وركبتة مخليلها هذا الي يرفعوا
ورجلة مجبسيها
بجيت ومسحت دموعي:-غيثي گوم اني ملاك
افتح عيونك حبيبي
وهو مغمض امسح الدم عن
عيونة وابجي واحاول ما يطلع صوتي
ملاك:-گوم حتى لو رجلك واديك مگطعة
ونفسك يصعد وينزل لو بس عيونك مفتوحة
قابلة لاتموتني وراك والله
اموت ماگدر ماگدر
حطيت راسي ؏ جتفة واني ابوس
بي واحضنة بخفة
سحبتني الممرضة ماقبلت اضل اكثر
طلعت واشوف اهلة وعمامة وعماتة
كلها جاية وكلها تبجي
سألوني مارديت وضليت گاعدة بالگاع
ولامة رجلية لصدري
ومنضرة ميروح من بالي
اخاف اخسر للمرة المليون!
شعندي ضالة بالحياة اذا هوَ راح؟
ضربتين بالراس توجع
امي وهو؟
واني انخي السيدة زينب حتى
تگومة بالسلامة
لحد ما حولوا لغرفة خاصة
يلا كدروا يدخلولة جنت واكفة بعيد عنهم
لأن كلهم محاوطي الولد
يعدلون نومتة
واني امسح بدموعي
و واكفة وحدي ورغد وياهم
بنومتة هيج متكسر تحرك
كلبي حرك
بقيت ابجي بهدوء ولساني يلهج بالدعاء
محد عافة ولا لحظة
وعمة ابو عبدالله مات بجي هو وعمتة
ام عبدالله:-يمة لو صاير بيك شي اموت والله ماضل عدلة
ازهر:-دگولوا يالله حمدوا ربكم كافي بجي
ام عبدالله:-وخروا عنة بس خلي ابوسة خلي
اشبگة
وخروا عنها
وهي صارت فوگاه تبجي
وتنوح وتشمشم بي
وعمة كذلك
واني محترگة بمكاني
ابتعدوا عنة وصاروا بعيدين
عنة
گمت گعدت ؏ السدية مالتة ولزمت ايدة
ودنكت بستها بقوة
بدون ما اشيلها ودموعي تنزل بهدوء
بقيت اباوعلة وهو مخليلة الاوكسجين
والاجهزة مشكلة بجسمة
امسد ؏ ايدة بهدوء واهمسلة:-گوم يلا
لاتضل نايم
انفاسة تصعد وتنزل
وصوت دكات كلبة
وترتني اكثر ردتة بس يفتح عيونة
حتى اطمن اكثر
ضليت ؏ هالكعدة
ماتحركت ابد
جاسر:-اشربي ماي راح تتخربطين
ملاك:-عوفني جاسر ماريد اي شي
قيس:-دكلي هسة هو منو قابل
باوعتلة وخزرتة ودموعي
تنزل:-احترم ؏ اقل!!
قيس:-الله كريم
درت وجهي واني اكلب بعيوني
وازهر طردة من الغرفة
بقيت امسد ؏ اطراف جسمة وهو نايم
لليل وخفوا شوية
عمتة ام عبدالله گالت:-اني اضل هنا
ملاك:-لا لا احنة نبقة روحي انتي
ام عبدالله:-لا والله ما اتحرك من مكاني
رغد:-دروحي يا عمة زينب وحدها بالبيت
ويا البنات روحي يمها وباجر
الصبح تعالي
ازهر:-حتى انتي وملاك ترجعن اني وجاسر
نضل
ضحكت:-والله لو تموتون
ازهر:-هاي شون سالفة يابة
احنة عاد نكدرلة
ملاك:-ماروح
رغد:-ولا اني
ازهر:-رغددد لاتخليني اصيح ترجعين
وباجر اجيبج الصبح يلا امشن
ضلت تبجي ماقبل وراحوا
بقينة اني وجاسر يمة
جاسر:-تعاي نامي
ملاك:-هسة
جاسر:-تضلين كاعدة للصبح شنو
ملاك:-اي اضل
جاسر:-بابا تتخربطين نامي انتي اني کاعد
ملاك:-افرشلي هنا بصف جربايتة
جاسر:-خاف ينگلب فوگاج
ابتسمت وكلت:-ياريت
جاسر:-ادبسزية صايرة
فرشلي يمة فراش تمددت واني متكسرة
نمت وكل ثانية افز
جاسر بقة گاعد للصبح
كعدت بالسبعة واساساً مانمت
كل ساعة كاعدة لان يجون الممرضين
يشوفوه
تقربت من يمة وبست
گصتة:-اگعد يلا كول صباح الخير وعيونج
گوم اگعد اتغزل بية مثل كل صبح
لاتضل نايم
مسح دموعي جاسر
وضمني لحضنة:-لييش ميگعد راح اتخبل
جاسر:-بابا قابل هو حادث زغير
السيارة مگلوبة گلاب
اكيد ميتعافى بسرعة
مسحت دموعي وابتعدت عنة
وهمست بخوف:-خاف يفقد الذاكرة
ضحك وضرب راسي
وگال:-انجبي يابة ماجاية الضربة بدماغة
ملاك:-اخاف من كلشي
زين شوكت يطيب
جاسر:-كم شهر ؏ ما يرجع العظم لمكانة
ملاك:-ودوامة؟
جاسر:-اكيد ياخذ اجازة
ملاك:-ماخلي يداوم سنة كاملة لمن
اشوفة يطيب كلش يلا
ضحك
وراح عدل مخدتة
اكتشفت انُ جاسر ماعندة اخ ولا غيث عندة اخ
وصاروا ثنينهم سند للثاني
خوف جاسر بعيونة ؏ غيث خلاني
اتطمن هوَ عند سند ومو أي سند
حُب الكُل مخلي مُميز
عماتة وعمامة
اختة و ولد عمة
وبنات عمة
وحب اخواني الة يعزونة حيل
وحُبي الة الماينتهي للأبد...
واجوي الكُل كل ساعة و واحد
جاي ويبقى فزك راسة يبجي اكثر من ساعة
حاولوا ورادوا يرجعوني للبيت
ماقبلت اريد اني اول وحدة
يشوفني
بس جاسر بيوم عاند وكالي ارجعي
اسبحي ورتبي اوضاعج واجيبج
وصدك رجعت للبيت سبحت ونمت ساعتين
وفزيت ؏ صوت تلفوني
فتحتة شفتها رغد
انقبض گلبي
مدري فرح مادري خوف
اول ما فتحت
الخط عاطت:-غييييث كععععد ووولج
فتتتتح عيووونة صاااح اريد ملاك
جسمي رجف واهتزت كل
اعضائي وتندمت ؏ اللحظة الرجعت بيها
لهنا
طبگتة منها وخابرت
جاسر وعطت بي كال هسة اجيج
بسرعة بسرعة حضرت غراضي
واجة اخذني
متوترة وخايفة
اريد اشوفة مادري عليمن الخوف
اباوع لايدي تنكث بشكل هستيري
وصلنة للمستشفى نزلت قبل
جاسر واني امشي بسرعة وهو يصيح وراي
وصلت للغرفة فتحتها
ودموعي نزلت ما اهتميت لأي
احد
مجرد شفت عيونة تحولت للباب
وابتسامتة اخذت وجهه المتعوب
همس بصوت ناصي
حيل يمكن محد سمعة ورغم
المسافة البيني وبينة بس عرفت
شگال..
غيث:-عيون أمي
ركضت واني اتعثر وصلت يمة
وصار نص جسمي فوگاه
وبجيت بحرگة:-تعبتيني ردددت اموووت واالله وصلت المووت ليش هيج تسوي بية
ليييييش
غيث:-ايدي ملاك
ابتعدت وهو مغمض تك عين بألم
ملاك:-آسفة وين توجعك خلي امرغلك
غيث:-لا لا لتلزميني
حطيت گصتي ؏ گصتة
همس:-العالم وراج مصگوعة الراس
ملاك:-معلية مايهمني احبك واموت بدونك والله
غيث:-دموعج طبن بخشمي
ضحكت:-خلي جسمك يرتوي بدموعي مو احسن هيج
غيث:-رب الأحسن
قيس:-حُبي هو انتوا شخليتوا راح
تنزلون ؏ الترابي
وخرت عن غيث ومسحت
دموعي ونترت بي:-هوَ انتَ لو تخجل شوية
جان ماحجيت سوالفك هاي الماصخة
قيس:-انجبي حية
حجة غيث بصوتة
المريض والناصي:-لك لاتغلط عليها لا اجي
اشگك
قيس:-بيك حظ كوم
ملاك:-عود تستهزئ بي مثلاً
قيس:-هسة انتي شعليج منو يمج
ملاك:-وانتَ لا تدخل بيني وبين زوجي شگد
تس
قيس:-والله انتي تس
غيث:-سوالف النسوان بطلهن
قيس:-اموت ؏ النسوان
ملاك:-مقرف
قيس:-معليج
ملاك:-كافي ولي عني
قيس:-راح اجي انيمها بصف رجلها
غيث:-شو انت تهدد بيها؟
قيس:-واطيح حظكم ثنينكم
ازهر:-واني اكوم اخبزك خبز العباس
قيس:-اجة الحية الأكبر
رغد:-يمة منك امشي روح مو كلت عندي واجب
قيس:-انتي انجبي
ازهر:-همممم غللللط
قيس:-بكيفي زوجوني واعقل
ازهر:-حتى تخبل المرة وياك
قيس:-لا ما اخبلها اموت عليها
ازهر:-يا هي هاي التموت عليها بلا
قيس:-سري مضموم ببير جنتنه الحية
ملاك:-والله لو تموووت
قيس:-غصباً ؏ راسج اخذها
رغد:-بكيفك هي ؏ اساس
قيس:-الغرفة متروسة حياية
وين ما ادور وجهي تـ*** وحدة
غيث:-ايا ادبسز اطلع برة
قيس:-ريم اخذها اخذها
ملاك:-دولي من عساك لا اجيت
غيث:-تؤ تؤ
ملاك:-بوية اكرهه
ابتسم دنكت
راسي ؏ ايدة وبستها بهدوء
وهو لزم اصابيعي
بخفة
طلعوا رغد وازهر وبقينة اني وياه
غيث:-شلونج
ملاك:-مو زينة ابد
غيث:-ليش
ملاك:-نايم انتَ هنا وتگلي ليش؟
غيث:-عيونج الحلوات لاتبجيهن
مسحت دموعي وهمست
واني الشهگة ملازمتني:-انت خليتني ابجي
گوم ؏ حيلك ماگدر اشوفك هيج
احس اصابعة تتلمس
اصابعي وگال:-لاتخافين مابية شي الحمدلله ماكو
شي
ردت احجي شهگت
وخليت ايدي ؏ وجهي وابجي
اكثر
غيث:-بابا لاتعضمين الأمور مابية شي
مسحت دموعي
وگلت:-يلا مابية شي لاتضوج
باوعتلة وابتسمت
وهو ملامحة حزينة گال:-تعاي نامي هنا
ملاك:-لا تتأذى
غيث:-ما اتأذى تعاي جروحي تشفى بحضنج
ابتسمت وتمددت بمكان زغير
وشال ايدة المابيها شي
وخلاها ؏ بطني
ملاك:-احبك اموت عليك
غيث:-واني هم احبج
مسحت وجهي وضليت اباوعلة
وابتسم وهو كذلك لحد
ما نام
اندك الباب
وسمعت صوت رغد كمت ؏
كيفي وهي طبت وبقت تواسيني لليل
وكذلك الناس الي يعرفهم
كلهم اجو
حتى ملك وحسين
اجو
ملك:-ربج ستر ما صار بي شي
ملاك:-الحمدلله ياربي
ملك:-صلي كون ورا كل صلاة تصلين
صلاة الشكر
ملاك:-هو اكيد
ضلت تهديني
لحد ما راحت بليل كذلك صارت
عركة منو اليضل ومنو اليروح
همس غيث
بصوت ناصي:-روحوا كلكم عوفوا ملاك يمي
جاسر:-ماتكدرلك يمعود تروح للحمام
توكع يصير اي شي وهاي الفاهية شتسويلك مثلاً
قيس:-خلي تشيل روحها اول هسة
ملاك:-عجيييب
قيس:-حاطة كورها وگور قيس
شحجة قيس علقت بت اللذين
غيث:-حبيبي لاتخلين عقلج ويا الزعاطيط
ضحكت بصوت عالي
وهو ضل يدردم وكلهم راحوا
ضليت بس اني
ضحكتلة وهو
كال:-هسة انفرد بيج
ملاك:-اگعد راحة هم مكسر وسرسري
غيث:-ترضيها ملوكة نايم و؏ گولتج مكسر
وماتنطيني مغذي
ضحكت وتقربت من يمة
وبستة بشفتة وهو يبادلني ويحاول
يلف ذراعة ؏ رگبتي
ابتعد يلتقط نفس غمض عيونة
ورجع فتحهن بلع ريگة
وهمس بخفوت:-ترجعني للحياة بوستج
بست كصتة وخدودة
وبقيت كاعدة يمة اسولف وياه وهو
يتغزل بية ويشاقيني
ضلينة گاعدين للفجر ونام
وماقبل انام بالكاع خلاني بصفة والباب
قفلناها حتى اليجي يدك الباب نگوم
الليل كلة حاضنتة
وهو يحاول يطبع بوساتة ؏ خدودي
واني ابتسم ونايمة غفيت
بتعب من ذنيج الليالي الموتتني رعب
گعدت الصبح ؏ دكة الباب
فتحتها للممرضة ابتسمتلي وصبحت علية
وطبت
شكلتلة مغذي وحاولت
تحركلة رجلة ماحركها عافتنة وطلعت
غسلت وجهي وصليت
وطلعتلة ريوگة
وكعدت بصفة ؏ السرير
واني مرتبة وضعيتة ومعدلة نومتة
طلعت شوربة وكرصة خبز
اشياء خفيفة حتى يگدر ياكلها بسهولة
واني اوكلة واضحك وياه
ملاك:-يلا طيارة طيارة
ضحك وغمني بأيدة الزينة
ملاك:-يلا أكل
غيث:-ادبسز سوالفج بطليهن مثل قيس
انتي هم شافطة
ضحكت:-لا جذب مثل قيس
غيث:-ترة قيس حباب وگلبة طيب
عندة سوالف هيلگة ادري وخبل طگة ونص
بس اذا حب شخص مستحيل يگدر يعوفة
وادري بي ما راح يعوف ريم
ملاك:-عوف من كلشي غيث
هو انت ما شاف ضخامتة وطولة
وريم هلگدوتها وزنها 40 صدك تحجي هاي
اذا يبوسها يشفطها شفط تطب للمجرى
التنفسي
غص بلُعابة وضل يضحك
ويدك ؏ كلبة من الضحك واني اضحك
وياه
اندك الباب
صحت واني اضحك وهو كذلك
ملاك:-تفضل
انفتح الباب
ودخل كمال!
عگدت حاجبي بأستفهام
فتحت حلگي و وگعت الخاشوگة من ايدي
عدل غيث گعدتة وگال:-يا هلا
گمت من مكاني وعيني عليّ
جاي بكل صلافة!!
وشعندة جااي؟؟؟؟؟
اختنك نفسي وهو يسلم ؏ غيث
ويتحمدلة بالسلامة
وبيدة ورد لونة ازرك
بدة جسمي يرجف واني مبتعدة
عن السرير واباوعلة
دار وجهه غيث علي وهو رفع راسة
وكال:-شلونج ملوكة ان شاءلله بخير
باوعت لغيث يباوعلي
همست:-اهلاً كمال الحمدلله بخير
كمال:-ان شاءلله ماتشوفون شر ويكوم يخير
وسلامة
ملاك:-ت... تسلم
عفتهم ورحت للحمام
اهفي ؏ وجهي ودموعي نزلت مسحتهن
وخليت ايدي ؏ خاصرتي والثاني
؏ حلگي يالله
شجابة هذا
ضليت افتر متوترة
فتحت باب الحمام ؏ كيفي
واني لابسة بنطرون وبلوز وردي كصير
نضراتة الادبسز اتجهه علية وهو
گاعد ؏ كرسي گبال غيث
باوعلي من فوك لجوة واني نزلت
البلوز اكثر
تقربت من غيث
گتلة:-تريد تكمل اكل؟
ابتسم وهز راسة بـ أي
گعدت بصفة وشلت الخاشوگة
وجسمي يرجف وغيث يحجي وياه ويسولفون
سوة مندمجين
باوعتلة يباوعلي شلون اوكل
غيث بالعناد ضليت اسولف اني هم واضحكلة
وهو عينة تتراوح بيني وبينة
و؏ وشم ؏ صدر غيث
جان مكتوب حرفي وحرفة وبنصهن گلب
غيث:-شمدريك اني هنا ولك
كمال:-عمامي گالوا ومريت من بغداد
عندي شغلة گلت انزلك عزيز عاد انت علينة
غيث:-بعد روحي تسلم
شيليها حبيبي ماريد بعد
ملاك:-لا خلصها كلها يلا اكوم
غيث:-ماريد والله شبعت
ملاك:-ما اكلها كلها لعد اني اتعب واسوي
وتعوفها ؏ النص؟؟؟
غيث:-بابا للغدة واكلها
ملاك:-لا لا ما تصير طيبة اكل يلا
غيث:-شلون بعناد النسوان احنة
كمال:-خو ملاك عنادها محد يوصلة
ضحكت:-غير اريدة يطيب
كمال:-يطيب بشوربة؟
رجعت ضحكتلة وكلت:-مادام بيها لمساتي
تطيب مو؟
ابتسملي غيث
واخذ ايدي وباسها واني رفعت راسي
بهدوء وضليت اوكلة بدون ما اباوع
لحد ما خلص
كمت واني ارتب وضعيتة
اخذت كلنس مسحت حلگة وشربتة
ماي
غيث:-يابة ترة اكدر اشرب
كمال:-گوة تريد تخليك تطيب عمي عوفي الرجال
غيث:-يكول طفل
ملاك:-لعد انتَ ابني هم
شايفلك ام متخاف ؏ ابنها؟ ماكو مو؟
انتَ من سميتني عيون أمك مو عبث واني احبك
واخاف عليك اكثر من امك
ضحك غيث بهدوء وباس ايدي
همس بصوت ناصي يريد ينفجر:-عمي مو گدامنة
ضحك بصوت عالي وغيث كذلك
تحولت عيوني الة
وابتسمتلة واني اضيك عيوني
ملاك:-حبيبي رايحة اجيب علاليك مناك
غيث:-منين؟
ملاك:-مادري اشوف ممرضات الحمام
مابي علاكة للسطل وماحب هيج اني
ابتسم:-روحي ديري بالج
ملاك:-تمام
طلعت ماگدر اختنك اني وياه بنفس
المكان مستحيل اكدر مستحيل
تخطيتك وگلت كافي بعد
واساساً نسيت كلشي كلشي كل تفصيلة
زغيرة جبيرة نسيتها منك شكوو
ترررجع؟؟؟
وما اتذكر منك بس الأذية
الله ينتقم منك بجاه الحبيب محمد
لزمت تلفوني ودگيت ؏ جاسر سولفتلة
كال جايكم اصلاً
ضليت افتر رايحة راجعة
من الخوف والهسترة
انفتح باب الغرفة وطلع هوَ ضحك
كمال:-ها ملوكة
ملاك:-وقزرقط بكلبك ان شاءلله واخلص منك
كمال:-لاه لاه مو هيج
ملاك:-لك انت شنو من بشسر فهمني
شنووو ماتخاف ربك لك عذبتني
وموتتني شتريد بعددد شتررريد
رووووح عوووفني عفتتتك بحالك وانطيتك
حيااااتك وخليييتتك سعيد ويا عائلتتك
شكووو جايييني تدممممر حيااااتي شكووزو
كمال:-سعيد ويا عائلتي؟ يا عائلة بالضبط؟
لزمت راسي وافتريت مسافة
ورجعتلة:-كااافي امشي روح والنبي اذا
شفتك بعد جاي لو لمحتك گبالي
لو متقرب من غيث تشوف شي ما شايفة
كمال:-مثلاً؟
ملاك:-شنو مثلاً؟
كمال:-ششوف مثلاً انتي مو گلتي تشوف شي
شنوَ
ملاك:-يالله يالله كافي روح كااااافي
كمال:-حياتي انتهت من عفتيني
ملاك:-مايهممممننني مايهمممني
طبككك طووووب عساك بالجحيم شعلييية
لاتجي تشكيلي انت انسان مريض مريض نفسي
تريدني يمك للاهانة وتريد تتملكني وبس
وألا انت بذرة من مشاعر الحب ماعندك
ولا راح اهتم ان كنت تحبني او لا
انت والحايط سوة صدك مايهمني ولا افكر
بيك اصلاً حزين سعيد طبك مرض
وفوگة مرض هاي حوبتي لا اكثر ولا اقل
كمال:-اذيتيني ملاك هجرتيني ورحتي وعبالج سعيد!
ملاك:-استغفر الله
كمال:-لاتسوين هيج
ملاك:-تعال ابوسك واحضنك واطبطب ؏ جروحك
ابتسم:-ياريت
خزرتة وعيوني احسهن
يجرن دم:-ادبسسز صصصلللف
ردت اعبر لزم ايدي وجرني
الة دفعتة ورجع لزمني قووي وهو طابك
جسمي بجسمة بجيت
بحرگة واحاول ادفعة
ملاك:-لككك وخرررر يا س***
يااا عااااار الزززززلم وخرررر لاتخليني اصيح
والله هسة الم المستشفى كلها عليك
مد ايدة ع حلگي سدة واني عيوني للممر خاف احد يجي ويشوفني بهيج وضعية
باوعت لعيونة همس من بين اسنانة:-ليش لابسة هيج لبس؟ گرن هذا النايم هنا؟ ميشوفج شلابسة؟
دفعتة ايدة عني وصحت:-مالك دخل انت
كمال:-شگال گلبج بالله من كاعدة بصفة توكلي گبالي؟
ملاك:-ماگال شي اصلا متونس ومرتاح
كمال:-انتهيت انه من بعدج ملاك
ضحكت:-اليسمعك هسة مايصدك مخلي جومة زعاطيط وراك خوش منتهي والله
ابتسم وبعد ايدة عني بس بعدة قريب خلي ادي بجيوبة واني ابلع بريگي خايفة
كمال:-غيرانة ملاکي؟
ملاك:-وخر گتلك والنبي راح اصيح
كمال:-تحبيني بعدج؟ شنسيتي؟ نسيتي كلشي؟ مامعقول
ملاك:-صدك وداعة أمي مامتذكرة منك بس اذيتك
كمال:-ليش هواي لحظات سعيدة وحلوة بيناتنة عالأقل وحدة خلي تشفعلي
ضحكت:-اي اني اگلك ياهي التشفعلك
من عفتني وسافرت بشهر العسل وياها واني انتحرت وبالجذب مارجعت بنفس الوقت ومن حاط جهالك بحضنك وهي بصفك وتدري بية بحسرة الطفل من تدلعها وتنام وياها كبالي ولك شتذكر انت صاحي؟؟
كمال:-وربج جنت مسحور
ملاك:-هههههههه
كمال:-وشنو الفرق؟ هسة رضيتي بغيث هم تزوج عليج؟ ليش وياي حاربتيني محاربة
عيني بعينة همست:-اني زوجتة غيث بدية
بلع ريكة وعينة حمرة دار وجهه لغير جهه
ورجع باوعلي وهمس بصوت ناصي حيل:-ليش؟
ملاك:-وخر عني كمال اهل زوجي لايجون ويشوفني وياك لاتسويلي مصيبة اني بغنى عنها تعبانة وحيل مابية بعد لمصايبك
اني واحجي سمعت صوت
جاسر:كمااااال
ابتسمت و
دفعتة عني اجة جاسر يركض
دفعة عني ولزمة من ياخة قميصة
وضرب ضهرة
بالحايط:-ااااااننننني موووو گااااييييلك
ماااا تووووصل الهههههاااااا
كمال:-ما جاي الها
جاسر:-شوف لاتخليني اطلع حرگة
كلبي كلها بيك وحق محمد يا كمال اذا
المحك بعد واصل لملاك الله مايخلصك
من ايدي امشي روح وتجفة شري
لان اذا طگت عندي ادميك والله
امشي وووولللللي يلااااا
دفعة وهو مشة داير
ضهرة عنة
لزمت ايد جاسى وهو حضني
وباس راسي وگال:-معليج بي خلي يولي
ملاك:-خفت جاسر
جاسر:-لاتخافين انعل الخلفة وهسة
اخابر خوالج يطيحون حظة
ملاك:-تعال خلي ندخل
باس راسي ومشينة للغرفة
طبينة غيث ؏ گعدتة عگد حاجبة
وگال:-شنو هذا الصياح البرة
جاسر:-مُمرضين تعاركوا
غيث:-جا انت ليش تصيح
جاسر:-مخابيل صاروا ممالخ شلونك
غيث:-الحمدلله
باوعلي واتداركت الموقف
بسرعة حجيت:-مالكيت علاليك
هز راسة واني رحت رتبت
واحاول اوگف رجفة ايدي
للعصر واجة عمة ابو عبدالله
وزينب وامها وريم جاية وياهن
وقيس
اول ما طبوا خزرت ريم
اجت يمي وگالت:-والله هو اجة ورانة
لزمتها وخليتها واكفة بصفي
وهو كل ساعة يدور وجهه علينة
عمتة گاعدة بصفة وتبوس
بي رحت يمهم سلمت علي ريم وتحمدتلة
بالسلامة
ملاك:-عمة ترة اغار والله مايصير هيج حسي بية
ضحكت:-دروحي ولج غير الروح هذا
ملاك:-يااابعد عرسي عوفي ايدة وخري عنة
غيث:-عوفيها ولج
ملاك:-هاااا؟؟؟؟
ضحك ولزم ايدي وجرني يمة
گعدني:-وخري عمة يلا لاتبوسسسييييي
ام عبدالله:-ولج دوخري
ملاك:-هسة يجي جاسر واروح وياه
واريد اشوف منو اليضل يمك
غيث:-دنجبي
ام عبدالله:-شايفة هذا النِفس
ضيكت عيوني وكلتها:-امممم؟
ام عبدالله:-هذا هو ويا النفس يصعد وينزل
ضحكت وهزيت ايدي وغيث يباوعلي
ويضحك
اخذ ايدها وباسها
وهي گالتله:-شگد تحبني غيوثي؟
غيث:-اكثر من ملاك
دفعت ايدة عني وبعدتة وگمت
رحت يم ريم وطنكرت
ام عبدالله:-ولج تردين تحرميني من ابني
ملاك:-ابنج صار ابني مالج حق بعد
سقط حقج
غيث:-العب
قيس:-الامير ويليام هسة هو وتتعاركن عليّ
ملاك:-احسن منك واحلى منك
ضحك غيث وكالة:-ارتاحيت اله تترزل
قيس:-صلفة وحتى ذولاك الناس
انعدوا منها
حجاها وعينة تحولت ؏ ريم
ضميتها لصدري
وگتلة:-والله احنة اليندك بينة ناكلة اكل
قيس:-حياية جا شنو انتن
بس ذيج الوادم سمها عسل
غيث:-عوف الوادم
قيس:-يا اخي احنة نحب الوادم شعليك
انتَ
غيث:-لاتضل تخرط بالحجي
قيس:-معليكم
ريم:-هذا شجاي يحجي؟.
ملاك:-طبج مرض منو كالج تجين لهنا
ريم:-اجيت ويا زينب شعلييية
سكتنة وهو يباوعلها
ويبتسم واني اضحك عليّ مبين يحبها
ويريدها
للمغرب وراحوا كلهم
ومَرت ايام
وطلع غيث من المستشفى وبقة
ملتزم بعلاجة
وبيومها عمامة جابوا ذبيحة
و سوو غدة كلش جبير ماخلوني اشيل
ماعون
لان تعبانة حيل وياه
خلو بالصالة ماكدروا
يصعدوا فوك ولا هو قبل يدخل بغرفة
زينب
حطيتلة جربايتة وفراشة
ورتبت كلشي يمة وهو لازم ايدي
ومگعدني يمة
لليل وكلها راحت
واني طبگت التخم بصفة
ونمت بحضنة مطمنة
وبيوم جنت اشتغل طب
قيس يم غيث اجيت اتسمعلهم
اسمعة يكلة:-عليك العباس قنعها
غيث:-لك يابة مايرضون البنية زغيرة
قيس:-مو زغيرة عمي راح تخيس بالسادس
ضحكت بهدوء بدون
ما اطلع صوت وغيث
گالة:-يمعود عوفها خلي تتخرج ونوب
تعال اخطبها
قيس:-واني اتحمل؟
غيث:-اي جا شتسوي خلي تنجح
هيّ امتحنت؟
قيس:-اي خلصت الدور الثاني
وعلي اذا طلعت راسبة اذا ما اسحلها سحل و
احفر كبرها فـ لا اتسمى قيس
غيث:-هسة انت جلبت بيها
قيس:-احبها والله حتى ما جاي انام افكر
بيها صبح وليل باوع صورتها
بس مو تكول للحية مرتك
غيث:-اكل *** لك لاتمخرط
قيس:-صورتها من جنت بالمستشفى
واني اذا ما باوع لصورتها ما انام ولا تغمض عيني
غيث:-هاي هيج مسوية بيك هاي الزغيرونة
قيس:-خرب مو بشر انعل اشتعلوا
غيث:-كمل جملتك ليش تگطم بيها
قيس:-حباب قنعهم شوفلك طريقة حسوا
بية يا اخي
غيث:-الله كريم اني اشوفلكياها
قيس:-هي اذا هاي الحية قبلت كلها ترضى
بس اويلي بالبزون شلون بي
غيث:-شني بززووون لككك
قيس:-والله عيونها جنها بزون
هسة حباب تقنعهم
غيث:-الله كريم كتلك ولي
راد يطلع رحت سويت
روحي اغسل ايدي
قيس:-اي عود ما سمعت ركضتج
ضحكت وهزيت
ايدي
قيس:-حبابة ملوكة قنعي اخيج
ملاك:-قنعني اول شي اني ونوب اقنع اخوي
قيس:-ولج باعي بيتها كامل وهو كبالج
حتى لاتتعبين ولا هاي شسوي بيها
تجيج تركض
وشتردون انطيها وحتى دراسة اخليها تكمل
وادفع فلوس الدنيا وانجحها من السادس
ملاك:-هي تريد واحد يبطلها من السادس
قيس:-تاكل تبن وعلي اسويلها مستقبل
البنات كلها تحلم بي
ابتسمت:-الله كريم
قيس:-كولي اي وريحي گلبي
ملاك:-دمسح صورتها لا امسح وجهك
بهاي الوصلة
قيس:-معليج عوفيها
ملاك:-روح يلا لاتضل لازكلي
ترة اذا تلح اغير رأيي
قيس:-لا يلا رايح رايح فكري لاتنسيني
ملاك:-اييي امشي روح كش منك
راح وهو يضحك جريت نفس وضحكت
رغم ماحبيت سالفتة من يراسلها
بس هسة بأصرارة غيرا رأيي
رحت لغيث كال
تعالي يمي
واني ابتسامتي ماتفارك
وجهي ورحت يمة کعدت:-سمعتي اكيد؟
ملاك:-ابن عمتك مايتأمن اخاف منة
غيث:-يابة خطية انطوها ؏ اقل هي يمنة
كلشي يصير نطيح حظة قابل نعوفة
وريمة اذا دمعة متعلگة برموشها
اعلكة بباب بيتة
ابتسمتلة وكلت:-مادري بس اكيد جاسر
ماراح يوافق
غيث:-هسة خلي نشوف بلكي ورا النتائج
واني احاجي
ملاك:-واذا طلعت راسبة
غيث:-عمي الله واكبر صارلها 3 سنين
شنو ادري غباء هذا لو شنو
هسة لو كل سنة لامتلها معلومتين جان نجحت
ضحكت:-لاتنسى موتت امي أثرت عليها
غيث:-شوكت دورة السنة مالت امج؟
ذبيت نفس:-شهرين بعد
متخيل؟
غيث:-وراها احنة حبيبي دار الفناء
هذا كلنة نلحگهم والراحة هناك تلگيها فقط
ملاك:-يعني حُبك دار الفناء
ابتسم:-اي
بستة وبادلني سمعت
باب غرفة زينب انفتح ابتعدت بسرعة
وهي مشت مدنگة للحمام
مسحت حلگي وكمت اكمل شغلي
بليل ضلينة نحجي
لحد ما نمنة فزيت الفجر غيث يون
گعدت تلمست حرارتة
مابي شي
ملاك:-غيث شبيك
غيث:-رجلي موتتني
كمت عنة واريد امرغها الة ماقبل
غيث:-لا تلزميها لاتخلين ايدج وخري
باوعت الكهرباء مطفية
والدنيا تصل صل من البرد
ملاك:-هسة شلون اغطيك ببطانية ثانية؟
غيث:-ماريد ثگل ماريد
ضليت اكل بروحي
وهو يلوج من الالم:-يارببب
ملاك:-هسة بس گلي شسويلك
غيث:-جاي تصل
ملاك:-لأن باررردة كتلك نام بغرفة
زينب مسدودة ودافية
غيث:-اششش لاتحجين
سكتت وكمت اخذ تلفوني
ودگيت ؏ جاسر وهو يكلي يا علاج
انطي ومايفيد كلشي مافادة
ملاك:-جاسر جاي يون من الالم
جاسر:-خاف لاچمها ومايدري بروحه
ملاك:-لا اني نايمة يمة
جاسر:-وين نايمين انتوا
ملاك:-بالصالة
جاسر:-كرت عينج اكو واحد ينام
بهذا البرد صدك تحجين لو تخبلتي
ملاك:-هو مايقبببل ينام بغرفة زينب
جاسر:-هسة شلون اجيكم؟
ملاك:-لا لتجي هسة بلكي يصير زين
جاسر:-يلا عود خابريني
طبگتة منة وهو مغمض عيونة حييل
گمت وحتى ماعدنة صوبة نفطية افتحها
من تنطفي الكهرباء بقيت حايرة
دكيت ؏ ازهر مرتين
يلا ردت رغد:-ها ملاك
ملاك:-حبابين افتحوا المولدة غيث جاي يون من الالم والدنيا باردة
رغد:-اوكفيلي خلي اكعد ازهر
گعدتة وهو
راح يفتحها طبگتة وبقيت مگابلتة
وگاعدة
اندك الباب كمت اخذت الجبة ورا الباب
ولبست الحجاب وفتحتها لأزهر:-ماتنفتح
ماعدنة بانزين
ملاك:-لعد شلون باردة الدنين مايرضى يتغطى بأكثر من بطانية
ازهر:-احنة شلون بعناد غيث
طب لجوة يحاول ويا ماقبل
يگلة تأذيني بالثگل
راح وشوية ورجع وبيدة صوبة نفطية
فتحها وريحة النفط گبت بالمكان
اختنك وضل يگح
ازهر:-هسة تخف الريحة بس شوية
افتحي باب المطبخ
ركضت فتحتة وبقينة مگابلي
لحد ما نام
ازهر:-باجر الصبح أجي نحولة لغرفة زينب
هنا باردة
ملاك:-مايقبل ولا يقتنع
ازهر:-لا مو بكيفة يلا سدي بابج ونامي مابي شي
تشكرت منة وراح
سدبت الباب وبقيت گبالة للصبح
اخاف يگعد والصوبة كل ساعة
اترسها نفط لحد ما اجت الكهرباء
نمت واني كاعدة بالگاع
ولازمة أيدة ونايمة ؏ الجرباية
سمعت صوتة فزيت بسرعة:-الله بابا شبيج
ملاك:-مابية شي لا ها هسة انت زين؟
توجعك بعدها
غيث:-لا مابية شي گومي نامي هنا
ملاك:-لا مانام اريد اسوي ريوك وانطيك علاجك
گمت غسلت وجهي
ورجعتلة:-تدخل للحمام؟
هز راسة
گومتة گوة ثگيل كلش
ودخلتة للحمام ماقبل اضل وياه
خلص وغسل وطلعتة رجعت نيمتة:-تعبتج
ملاك:-حبيبي اذا مو الك اتعب المن لعد؟
غيث:-انطيني ايدج
انطيتة ايدي وهو يبوس بيها ابتسمت
وبست گصتة وضليت اسولف وياه
لحد ما صار البيض السلك
رتبتة بأماعين
وگعدت اوكلة واني آكل وهو يضحكلي
واني كذلك
انطيتة علاجة گعدت زينب
ابتسمتلها وصبحت علية
زينب:-امس سمعت صوت ازهر هنا؟ لو اني حلمانة
ملاك:-لا غيث تخربط واجة جابلة
هاي الصوبة باردة هنا
زينب:-لعد ليش ماينام بهاي الغرفة
اني انام بالصالة
ملاك:-مادري تعاي هاي بيضاتج
ادري بيج ماتشبعين بوحدة
ضحكت:-مادري صايرة اكل هواي هنا
رغم ببيت اهلي ما أتريك اصلاً
ملاك:-اكلي بالعافيه حبيبتي
زينب:-انتي ماتتعبين؟
عگدت حاجبي:-شلون يعني؟
زينب:-يعني ابد ماجاي تكعدين وتسهرين ويا غيث
وتنضفين وتسوين اكل
ابتسمت:-عادي متعودة
زينب:-زين خلي اني نوب اسوي الغدة؟ او العشة
ملاك:-لا هو انتي تغسلين الأماعين
والباقي علية
زينب:-لا حبابة مايصير حتى الله مايرضاها
ملاك:-الله كريم هسة دكلي
ابتسمتلي وحمت الجاي واكلت
ريوكها واني ضليت اتنقل وارتب بالغراض
شوية واجة ازهر
رزل غيث غسلة غسل
وكومة غصباً ما علي وخلاه ينام بالغرفة الثانية
طبيت لگيتة مطنگر
ملاك:-هاي شبيك ترة مو زين عليك باردة
برة
غيث:-اسكتي عني
باوعتلة بقلة صبر
وبقيت يمة وهو ضايج من كعدتة هاي
وحقة راح يضل اكثر من شهر
هو هيج ؏ هالنومة هاي منو يتحمل؟
للعصر وانفتح باب المطبخ ركضت
للحجاب وصحت بي:-هاااي صدددك تحححجي
اكووو واحد يفتح الباب هيج
طب لجوة وهو مطنگر
رحت وراه طب لغرفة غيث
گلت:-شبيك مطنگر اول تالي
قيس:-اختج اذا الزمها وحق محمد الله
ميخلصها من ايدي
غيث:-دنجب شتسوي البنية يعني
ملاك:-شكو
قيس:-راسبة بت الكلب تريد تاخذ
تقاعد بالسادس
بهت وجهي:-صدك تحجي
شمر علية موبايلة
اخذتة واني اباوع درجاتها كلها
18 و 17 وعشرينات جا هاي شجانت تسوي؟
شمرت الموبايل ورجعت
اشتغل بعصبية
هاي شنو من بشر بشنو ملتهية اريد
افتهم حتى تلفون ماعندها
خابرت جاسر رزلتة ترزل كال
راح اجيبها يمج
للعصر وأجت
خزرتها من الباب وهي تبجي
وتمسح بدموعها
طبت كالت:-السلام عليكم
ملاك:-وعليكم السلام ست صارت زحمة والله
درجاتج يلمعن لمع
ريم:-والله جاي اقرة والنبي يعني شسوي
ملاك:-تعاي تعاي
رجعت لورا وبقت تبجي
وتگول:-حبابة والله ماسويت شي والنبي
بقيت اقرة
ملاك:-جا لييييششش درررجااااتج هيييج
لييييششش؟؟؟؟؟ يلا فسررريلي
ريم:-والنبي ضلموني والنبي مو درجاتي ذني
والله اجاوب
ملاك:-اي يكرهوج خطية كالوا بت علاء
هاي طبي جوة شو خلي ادگج
ريم:-حبابة ملاك
ملاك:-طببببي جووووة
طبت وضربتها ؏ ضهرها
وهي شردت شبگت زينب
زينب:-عوفيها هي هالسنة تنجح
ملاك:-اييي واحنة كل سسنة تنجح وتنجح
ودرجاتها لباب الشارع ماينطلع بيهن
ولج فهمممييينيييي شتسسسووووين بالبيييييت
ريم:-والنبي ادرس
ملاك:-هاي عليمن تضحكين ؏ يا طفل
ريم:-والله قريت هوواي والله
ملاك:-اي صح تتخنسين ويا قيس
بتوالي الليل هي هاي قرايتج
هزت راسها بـ لا وزينب
كالت:-عوفيها اني احجي وياها
ملاك:-ماكو هالسنة تبطل وتنجب وتكعد بالبيت
مو اخوها كاسر ضهرة علمودها وكل
سنة معاهد وخصوصي وملازم حتى
ماتحتاج شي ولج حتتتتى خدددداممممة
جااااب فيييي سببببيييل ماعووووننننيييين
ماتغسللللين وترتاحين حضرتج
وانتي درجاتج كلها عشرينات شجنتي تسوين
بس گليلي
ريم:-والله مامسوية شي
اخذتها زينب وصعدت فوك
خابرت جاسر وهدأت وياه وهو ضايج
كلش
جاسر:-يعني ما جاي افتهم سالفتها شنو
ملاك:-غبية
جاسر:-ملاك بس مو لهل درجة
درجاتها عشرينات وطعشات حتى ما واصلة
اربعين هاي هيج كلشي ماقارية هاي
ملاك:-لعد شتفسرها؟ لاتگلي محسودة
جاسر:-لعد شنو
ملاك:-هي غبية اختك لا حسد ولا هم يحزنون
جاسر:-هذا صديقي كتلة يگلي
يمكن انداست من شافت جثة أمها وتتذكرين
بالفاتحة كلها تتخربط وماتحجي حتى
ملاك:-اني ادري بأختك
جاسر:-آخذها لسادة؟
ملاك:-لا يمعود كلهم جذب بس فلوس
عوفها
حجيت وياه شوية ورحت
لغيث
غيث:-بابا عوفيها قابل بيدها
ملاك:-لعد ليش ماتنجح
غيث:-ترة عادي هم جلاب الوزارة
يغلطون بالتصحيح وتعاي ادفعي فلوس الدنيا
حتى يتصحح ولو يتصحح لو لا جلاب
بس غرف فلوس
ملاك:-استغفرالله ربي هسة انت زين
هز راسة وتقدمت باسني بگصتي
وهداني ورحت صعدت لفوك
واسمع زينب وهي تحجي وياها
وعود تنصحها تالي
گعدت تحجيلها قصتها
ريم:-يعني انتي جنتي ترحيلة؟
زينب:-باعي يعني هي من المشاكل ولشي
حسيت صدك طگت روحي
وهو اول رجال بهالكون هيج يباوعلي
اساساً احنة منطلع ولا نشوف ولا ابد من المدرسة
للبيت
فـ من بطلت وگعدت بالبيت صرت اشوفة
مرات ؏ السطح مرات من امد راسي
الكاه واگف
ريم:-زين صديقتج اختة؟
زينب:-اي اختة واني كمت اتحجج بيها
واروح يمة
ريم:-وشتسوين وياه؟
زينب:-هو گتلج هو جرجرني لحد
ما فقدت عذريتي
ريم:-ايع
زينب:-اقرف انسانة بهالكون اني كل ما اتذكر
روحي احس اريد اطمها جوة التراب
ورطت غيث و ورطة ملاك واهلي حتى استحي
اباوعلهم وترة انتي الوحيدة حجيتلج
بس علمود لا تتدمر حياتج اقري
مايفيدج شي
ريم:-واخوج شلون عرف؟
زينب:-هو الجلب مو بس مرتين
رحت يمة طلع مصورني ودزهن لإخوي
شهگت ريم وحطت ايدها
؏ صدرها:-همزين ما كتلج
زينب:-لو كاتلني احسلة
تدرين 3اشهر متربطة بسلاسل وعلي
ايدي هاي نخلعت خلع وشكل
عندي السُكر واني وكاعدة اتدرر ؏ نفسي
وماجان ياخذني لا دكتور ولا ابد
ريم:-يعني انتي مسوية هاي سوايتج
وتردين ياخذج دكتور
ضحكت:-والسبب من اهلي مستحيل
اذب الصوج بية صح غلطت بس
اساس الغلط همه اهلي
جانوا ملتهين بي فقط لا يضوج عبدالله
لا يعصب عبدالله
سون هيج لعبدالله الة شوية يگولون عبدن عبدالله
ريم:-زين والله طلعتي عدلة هاي غيرج
ينكتلن واساساً التسوي هيج تنكتل رأساً
زينب:-ادري ربج رحم بحالي
جنت محبوسة فوك بالطابق الاخير بتموز
والدنيا موت حر ومايرضى احد يصعدلي
ريم:-ليش جا هوَ شمدري يصعدولج
غير بالدوام
زينب:-مشكل كامرات حتى من تنطفي
الكهرباء ينفتح منهن لايت ويبقن
يضون وخاف واحد يصعدلي يجي يلعب
بيهم فلك وبيدة سلاحة حتى ابوية
ضربة برجلة طلقة بس ابوي ما حجة ولا كال
لعمامي
ريم:-ليش لو يگللهم حتى يطيحون حظة
ضحكت:-ترة محد يگدرلة
سلاحة وهوَ شايف روحة
ريم:-يعني هسة لو صار بي شي تفرحين؟ آسفة بس يعني تكرهينة لو لا؟
زينب:-هو كأخ اكيد راح انقهر
بس كـ حب الي وحنان ابد بعمري وحياتي
كلها ماشفت حنان من عبدالله
ويمكن راح نفرح لو صار بي شي خاصةً
مرتة يومية تدعي علي وحتى أمي
ريم:-يعني هو ليش هيج احسة خطية
زينب:-هم ذولة الي بالسلك العسكري
وخاصةً الضباط همة هيج طبعهم
يطلعون حرگة التدريب والألم هناك بينة
ريم:-يمة الحمدلله اخوية مو هيج
زينب:-اي والله اني احسدكم ؏ جاسر
تدرين
ريم:-قل اعوذ برب الفلق
ضحكن ثنينهن واني ضحكت ونزلت
عنهن خليهن يسولفن
سويت غدة والضهر اجة قيس
خزرها وهي شردت
عنة وصعدت فوك
قيس:-صيحيها خلي اطيح حضها
ملاك:-وشنو هي بكيفك يمة والله اخذت خاوة زايد
قيس:-مو شلعت گلبي
ملاك:-كم يوم واحاجي جاسر
سكت
وصدك مر اسبوع وحاجيت جاسر
؏ موضوع ماقبل وضل يصيح
عزمتة يمنة وكعدنة نقنع بي اني وغيث
وافق بس هوَ ضايج وروحة لعبانة
مبين ما موافق
بس قيس يريدها وهي موافقة بعد عليمن
صارت المشية ببيتنة
وحتى العقد لبست قاط رسمي اسود
وشعري شلتة طبيت ؏ غيث
ابتسملي:-ها رايحة اجتماع
ضحكت:-حلو القاط؟
غيث:-تؤ
اختف ابتسامتي وكلت:-ليش؟
غيث:-انتي حلوة
ضحكت:-خبيث انتَ والله
عدلت شكلي وبستة وطلعت
كال:-سدي الباب لحد يدخل لهنا
ملاك:-يلا اذا تحتاج شي صيحلي
هز راسة ودنك يلعب بالتلفون
واني حضرت الغراض وشوية واجت
ريم من الصالون ابتسمت
وهي لابسة ثوب حلو ابيض وشعرها
مرتب
ضحكت وعيوني مدمعة
لو امي تشوفها بهالحالة؟
بتها الزغيرونة المدللة اليوم عقدها؟
بتها الي ماتعرف تنام الة بحضنها
متعرف تاكل الة من ايدها
متعرف تسوي اي شي بدونها
اليوم راح تعقد ؏ انسان غريب عسى ولعل
يصونها ويحافظ ؏ دلال أمي..
اجن عمات غيث وبقن مگابلاتة
بالغرفة واني اموت وتجي مرات حالات
اكرههن بيها من يبوسنة واشوفة مندمج
وياهن خو اذا ضحك صوتة
يوصل لسابع جار حتى بجي ابجي
من وراهن
وبعدين استوعب هنة يحبنة هواي
گعدت ريمة ؏ كرسي وبين اديها حبات الهيل
واديها ؏ قرآن
ورجليها بالمي والياس
أمرها السيد شنو يحجي تحجي
وياه وهي تحجي وترجف
من تنطق الحرف
اخر شي همست:-نعم قبلت وانتَ وكيلي
ابتسمت بفرح
ونزلن دموعي مسحتهن ورغد هلهلت
و وياها عماتها
كومناها اني وملك ولبسناها ثوب وردي
بسيط
ورجعت كعدت بمكانها تفرك
ايد بأيد بهدوء وتوتر
طب قيس يضحك وهو لابس قاط بيجي
اول ما طب باوعلي ضحكتلة
وهو ضحك:-كتلج اخذها اخذها
ملاك:-السيد موجود هسة اخليك تطلگها
قيس:-والله لو تموتين الحية
راح لريم وهي ؏ كعدتها
شالها من زندها صحت:-؏ كيفككك
قيس:-هسة غير تكوم شبيج
كامت وهي مدنكة راسها
قيس:-وأخيراً اخذتج يالكسولي
ضحك الكل وهي ضربت ايدة
بخفة رحع گال:-هسة بس تصيرين
عندي نوب درجاتج تتراكع مياية وتسعينات
ملاك:-ليش انت منو يمة
قيس:-مو تاخذ امدادات ياعيني
ضحكت وهزيت ايدي
واني اشوف فرق الطول بينهم بخوف
هو شكبببرررررة ضخم ضخم بشكل
مستحيل تتوقعوا وريم
ناعمممة حيييل بحيث اديها بأيده ضايعات
وحتى هو خاف يلزمها يگول خاف تتكسر
بأدية
صدك كلش اوڤر طولة وضخامتة
من طلع گال:-هاي الحية لا تخلوها
تدنة يم مرتي
ملاك:-ولكككك قييييسسسسس
عافني وشرد واحنة نصفك لريم
ماطلعنة اغاني احتراماً لأُمي
واساساً احس غلط سوينة هالحفلة
هي بعد فرحة بدون أغاني او لا وهذا ميصير
بس ؏ كُلاً خلصت من نك قيس
ضلوا بايتين يمنة واني تعبت
من الفرة حتى غيث نسيتة وكل ساعة
يگلولي غيث يريدج وانسى وابقة
ملتهية سويت عشة الهم
وهنه فرشتلهن بالصالة ردت ادخل
لغيث بس هسة اكيد نايم باوعت بأرجاء
الصالة زينب ماهيّ يعني جوة ويا نايمة
عفتهم وصعدت كلت هسة انزل بس
ينامن غسلت وجهي وبدلت
وتمددت ؏ الجرباية بقيت اغفي لحد ما نمت
ونسيت انزل
بنص نومتي واني اسمع
موبايلي يدك ويهتز ؏ الميز
كمت متكسرة كوة اشوف فتحتة شفتة
غيث مسحت عيوني
وفتحت الخط:-الو
غيث:-وينج صارلي ساعة ادك
ملاك:-نايمة جنت والتلفون بعيد
غيث:-تعاي ليش ما اجيتي يمي
ملاك:-عماتك موجودات جانن واستحيت
غيث:-دتعاي نزلي
ملاك:-غيث نعسانة
غيث:-تجين لو اني اصعد؟
ملاك:-يوو غيث والله تعبانة مابية حييل
غيث:-عشر دقايق اذا ماتجين اني
اصعد لو ادري مگرم
حجاها وطبك الخط استغفرت ربي
وعدلت نفسي ابتسمت ورشيت
عطر وخليت حمرة حَمرة
ونزلت ؏ كيفي كلهن نايمات
فتحت الباب بهدوء ودخلت بسرعة فتح
التيبلام الي يمة
وابتسملي وفتح ايدة
باوعت زينب نايمة بالزوية
مشيت ؏ كيفي وعبرتها وصعدت ؏ الجرباية
وخليت راسي ؏ صدرة
وبستة بشفتة بهدوء بادلني بدون صوت
غيث:-ليش ما اجيتيني؟
ملاك:-جنت اشتغل وهوسة
ونسيت
غيث:-كم مرة اكوللهم صيحولي
ملاك وماتجين
ملاك:-والله نسيت
غيث:-ماكدر بدونج ثانية وحدة
حضنتة وخليت راسي بصدرة وابتسمت
شال راسي بأيدة ورجع يبوسني متقطع
همس بخفوت:-مشتاقلج
ملاك:-اني اكثر
راد ينگلب بعدتة:-لا تتأذى
غيث:-اشش معليج
وفعلاً صار فوگاي وهو يبوسني بهدوء
وايدة تمشي ؏ بطني وراسة برگبتة
فترة وابتعد
ابتسمت ودگمت قميص التراك
وگلت:-يلا خلي اصعد
غيث:-وين تولين اكلي تبن
ملاك:-لااا والله هنا ماعرف انام
غيث:-نايمة بنفس مكانج حبيبي
ملاك:-ماعرف انام بغير جربايتي
غيث:-ومتعرفين تنامين بحضني؟
ضحكت وحضنتة اكثر وهو
يشم بشعري ويبوسني
لحد ما رجعت غفيت واني مبتسمة
فزيت ؏ صوت الباب انفتح
ورجع نسد فتحت عيوني لگيتها زينب
وبايدها كلاص ماي وعيونها علينة
شافتني فتحت عيوني دنگت ورجعت نامت
بمكانها
ماهتميت ورجعت نمت
ومَرت أيام وقيس معاند الة ياخذ
ريم الشهر الجاي
اتفقوا وخلصوا وريم تگول جاسر
حتى ميحجي وياي
كلش ضايج ومقهور
من الزواج هذا واني حاسة بي راح
يبقة وحدة
كتلة:-ليش ماترجع ويا امك وخواتك
جاسر:-تؤ هو انتي شايفة البيت صاير مزبلة
سكتت واجة يوم
عرس ريم اختارينة اني وغيث
ثوب طويل لونة اسود قديفة و وياه
كفوف واصلات للعكس واكسسوارات وكلشي
هو ذوقة مثل ما متعودة
الضهر نزلت
واني بيدي فستاني وعلبة مكياجي
ودخلت للغرفة
حطيت العلبة ؏ الميز بصفة
وكعدت بين رجلي
صار يكدر يحرك رجلة احسن من قبل
بدة يمكيجني مكياج ماروني صاروخ
طبعاً بالتواسيل يلا قبل
طبت زينب صافنة:-هاي شجاي تسوون؟
غيث:-نمكيج للخانم
زينب:-تعرف؟
ملاك:-هذا اسطورة بالمكياج حتى النسوان
مو مثلة
زينب:-صدك عود لو تشاقون؟
ضحكنة ثنينة وهي اجت
واكفة فوك راسي بقت صافنة شلون
يمكيجني والأيلاينر الي مو ضابطي هو جرة
جرة وحدة بدون حتى مايحرك ايدة
ويخربطة
غيث:-تعاي نامي ؏ رجلية
ملاك:-هو اني مخلية ايلاينر ليش
اخلي كحلة
غيث:-حلوة عيونج عليها الكحلة
ملاك:-خاف يطلع نشاز؟
غيث:-اني اعرف شلون ارتبة تعالي
ملاك:-ثاقة بيك
غيث:-غصباً ؏ راسج
ضحكت وتمددت وخليت راسي
؏ رجلي لزم كصتي وهو مركز بعيوني
دنك باسهن وحط الكحلة بعيني
اخذت المرايا شفتة مخليها
خفيفة مو طوخ ومكياج عيني صار يجنن
جان اسود وفوكاه لمع خفيف ذهبي
والأيلاينر والكحلة وترتيب كارثي
والحمرة حدد شفتي بلون اخف من الحمرة
واخر شي خطها بلون الماروني الصارخ
زينب:-مستتتتتحححححيييييل هاااااي صددددك عووووود؟؟؟؟
ضحكنة ثنينة وهي كالت:-هاي شلون
هيج يعرف ماكو هيج ترة
ملاك:-افتح صالون غيث
غيث:-خوش وتجي النسوان وامكيجها
ضربت جتفة بقوة:-حتى احرمك من الحياة كلها
غيث:-غير انتي تكولين افتح صالون اني شعلية
ملاك:-وانت ماصدكت
زينب:-انتووووااا تخبللوووون تدرووون
لو لااااا
غيث:-لاتحطين عينج علينة
زينب:-والله اني ما احسد بس اني احبكم
ثنينكم كلش حلوييين الله يحفظكم
ابتسمتلها وكلت:-يلا بدلي ؏ سريع
راحت طلعت ثوبها وراحت لبرة
واني بدلت لغيث وهو يساعدني وخليتة
؏ كُرسي المتحرك
واني بدلت گبالة وهو يباوعلي
ويتحسر:-والله ما اتحمل بعد
ملاك:-صير زين واعوضك ؏ كلشي
غيث:-ضعفانة ارجعي سمني
تخصرت:-يعني قصدك اني مو حلوة اذا ضعيفة؟؟
غيث:-قصب سُكر
ضحكت بهداوة ورتبت شعري
ونفسي ولبست واجة علينة ازهر واخذنة
رحنة للقاعة
ريم وياها ملك ماكدرت اني اروح
واعوف غيث
القاعة جانت حييل حلوة ومرتبة
وجبيرة ودخوليتهم تجنن
نزل قيس اول واحد وراح لبداية القاعة
واني اشوف علامات التوتر الي بوجهه
وهو منتضر الزغيرونة الأخذت كلبة وعقلة
نزلت ريمة من درج متكو من اربع درجات
كبار وهمه مشغلين اغنية هادئة
نزلت بفستانها المخصر
وشعرها المحلول ؏ طولة
ومكياجها مرتب برائة وجهها
ونضراتها البريئة اكثر
وابتسامتها الهادئة
خلت القاعة كلها تصفن عليها
واولهم احنة اخواتها وتعجبنة
بيها
صرت اقرة المعوذات باوعت لوجهه
قيس ذب نفس طويل
وتقدموا هي تتقدم وهو يتقدم والمصورات
يصورن بيهم
جانت المسافة بينهم طويلة
وهي تمشي بهدوء وشعرها المتزين
بـ لؤلؤ أبيض وعقد كذلك نفس الي بشعرها
وتمشي بهدوء
وهو برزانتة وعيونة التشع حب
خلتني اتطمن ؏ مستقبل اختي
وصلوا للمكان المُحدد
قدملها الوردة رادت تاخذها وسحبها
الة وهاي جانت فكرة المصورة
حط ايدة ؏ خصرها وضلوا يتمايلون
؏ الاغنية الهادئة وهو مغمض ويسولف
وياها وهي تبتسم وتمسد ؏ شواربة
رجعوا سوو دخولية ثانية
ببدلة ثانية لحد ما طلع هو عينة ما فارگتها
ابداً ولقطات الصور جانت كلش حلوة
خلص العرس بين
الهوسة والرگص اني
وملك ماركصنة
وخالاتي الضاجن من وقت العرس
كتلهن:-هو رادها ماقبل نتأخر
سكتن ضايجات
ماهتمينة هو اولها وتاليها ماخذها
عليمن هالتأخير
رجعنة للبيت واحنة فرحانين
بيها ومتطمنين عليها وهو اخذها وطار ب
يها للفندق
وثاني يوم صباحيتهم جانت
يمي سويت ريوك واشكال والوان
والعالم كلها اجت تباركلنة
وخوالي كذلك باركولها وانطوها فلوس وراحوا
جانت عيونها فرحانة
وهو كل ساعة صاحلها
ما ادري اذا جانت هاي فقط بداية
لو مصيرها مثلي؟
ومرت ايام وغيث صار يگدر
يمشي ويتحرك بس قليل
زينب:-ملاك شوكت ترجعوني لأهلي
صارلي 6 اشهر يمكم
ضربت متنها:-تردين تخلصين منة
زينب:-لا والله كلش ارتاحيت هنا
بس ماكدر احس روحي ثكيلة حبابة مو ترحون
عكبة لبيت جدج علمود دورة السنة
ذبوني يم اهلي نوب بعدين يجي السيد ونتطلك
هزيت راسي:-الله كريم
ابتسمت بفرح
واني ابتسمتلها وصدك ثاني يوم
اخذنه ازهر وغيث ويانة
نزلت زينب ببيت اهلها
وقبلها حضنتني بكل قوة وگالت:-راح اشتاقلج
هواااااي
مسحت عيوني وكلت:-راح تصير وحشة عليج
زينب:-اني اخلي امي دائما تجيبنة وانتي
تعالولنة وشكراااا هوووواي ساعدتيني ونقذتيني
كلش ممنونة منج
ملاك:-حبيبتي الله يسعدج
نزلت باوعنة لأزهر يدك بالباب
ومحد يطلع؟
اجة للسيارة وجر تلفونة وخابر
؏ خالة ابو عبدالله شالة وكالة احنة بالزيارة
كلنة ومحد بالبيت
استغفر غيث بصوت عالي
وزينب رجعت صعدت گتلها:-حرامات ؏ الشبگة
ضحكنة ثنيناتنة وكلت تجي
وياي لبيت جدي لان محد يرجعها ازهر
يبقة ويانة
دخلنة وهي مجلبة بأيدي
ماتعوفني دخلت سلمت عليهن خالاتي
يعرفن فـ سكتن من شافنها
نزعت عبايتي وبقيت بالجبة
وضليت كاعدة يمهن اجت وردة ابتسمت
وگمت سلمت عليها وياها ولاء
كلبت عيوني وماسلمت عليها
بس من بعيد وبقيت گاعدة يم زينب و وردة
تباوع بأستغراب
كمت للمطبخ
لحگتني:-اگلج هاي منو الوياج؟
سكتت
رجعت كررت سؤالها
كلت:-بت عم غيث
وردة:-جا ليش اجت وياج
باوعتلها وهمست:-مرتة
فتحت عيونها ؏ وسعها
ورجعت باوعت لزينب واني اسمع
ضحكة ولاء وراي
باوعتلها وخزرتها ونترت:-؏ شنو تضحكين
ولاء:-خرررب متت والله ماعندج حظ
هم اخذتة منج
ضحكت:-لا لتخافين مو مثلج هية
هزت ايدها وراحت
و وردة كعدت تستفسر كتلها:-زواج ؏ ورق حبيبتي
سكتت وهي تباوعلي
ومن اجت زينب تسولف وتضحك وياي
هي شاطت
وردة:-شو مبينة علاقتجن قوية
ضحكت:-اي هي تحبني
وردة:-هممم يعني ما ضايجة منها
ملاك:-لا ؏ شنو اضوج
وردة:-ولا من غيث؟
عرفتها لوين تريد توصل گلت:-لا
وردة:-لعد ليش عفتي اخوي؟
رفعت حاجبي الها وگلت:-ماكو مقارنة بيناتهم
ابداً لاتحاولين
وردة:-عذبتي اخوي ملاك
ملاك:-؏ اساس جان هو يلعبني شدة يا ورد
شو دسكتي يمعودة وانتي اول الناس
الشاهدة ؏ عذابي فـ لاتنطين اعذار لأخوج
والله لأن تعذبلة كم سنة؟
سكتت
ملاك:-بعدين تعاي شو هاي
مرت اخوج ماجابت مو شفت بطنها مترتين
بوفاة امي شنو صارلها سنة حامل
ضحكت:-سقطت ورجعت حملت
فتحت عيوني ؏ وسعها:-جذااابة؟؟؟
وردة:-والله
ملاك:-والنبي كارثة وتگليلي متعذب
ابتسمت:-مو كلشي مثل ماتشوفين
اكو اشياء محد يشوفها
هزيت راسي وسكتت ومرت
ساعات طويلة وبالليل ردنة نرجع
لبست حذائي ورفعت راسي ولگيت
كمال گبالي
عبرتة وهو نفخ دخان الجگاير
بوجهي
عفتة ورحت لزمت ايد غيث ورجعنة
ومَرت ايام
وزينب تتگلى تريد ترجع لبيت اهلها
غيث رجع يداوم بس مو يومية
واني دائما احمد رب العالمين
شلون طلعة عدل وبدون اي تضرر من الحادث
وبيوم اخذت زينب
غراضها وقبل لاتطلع نزلن
دموعها وحضنتني بكل قوتها:-كلش
احبج ملاك انتي قدوتي بالحياة شگد شفت
ناس طيبة بس والله مثلج ماشفت ابداً
ملاك:-يابعد روحي اللطيف عمري انتي
ان شاءلله حياة سعيدة وتاخذين الي تتمني ويعيشج
طول العمر مرتاحة ويعوضج مثل
ما عوضني الله بغيث لاتنسيني بدُعائج
زينب:-للأبد ما انساج
مسحت دموعي وكلت:-ولا اني
زينب:-ديري بالج ؏ نفسج
هزيتلها راسي ورجعت شبگتها
واني ابوس بيها يگول بنتي وعافتني وصدك
احس روحي امها من كد ما اعتنيت بيها
عافتني وراحت جريت
نفس واني احس البيت خنكني اكثر
طبيت لغرفتها وبجيت بحرگة
صدك تنحب كلش وحيوتها بالبيت جنت
ناسية كلشي وياها
حسيتها تونسني بالبيت وسادة وحشتي
رتبت البيت والوحشة تكتل
رجع غيث استقبلتة وكلت:-ها تطلگت؟
ضحك ودمغني:-لا عمي مسافر
ملاك:-هاي يوميه سالفه
غيث:-مادام خلصت منها ورجعتها لأهلها
هذا هو مرتاح
ملاك:-اممم وهسة شنسوي؟
رفعلي حاجبة:-گلتي اعوضك؟
هزيت راسي سريع شالني
وهو يبوس بشفتي بعمق ذبني ؏ التخم
ونزع قميصة وهو يتقربلي بكل حُب
بنص الهوسة شالني وصعدني فوك...
ومَرت ايام حلوة ولطيفة
وعم غيث مارجع من السفر بعدة
بس مستحيل يمر
شي مرور الكُرام لازم اكو غصة
لازم اكو مُعناة حتى نوصل للي نريدة
والماضي ماراح يتركنة لحد ما ندوس عليّ
ونمشي
وبيوم جنت اسفط الملابس
وغيث بالدوام
واني اغني ومكيفة انُ كلشي
صار صح؟
وهاي جانت اوهام لا اكثر!
سمعت صوت غيث يصيحني
من جوة عكدت حاجبي باوعت للساعة
بالعشرة؟
شعندة جاي غيث هسة
ذبيت الي بيدي
وكلت:-اجيت حبيبي
لبست برجلي ونزلت وهو كاعد
؏ عتبة الدرج:-ها يروحي شنو جاي من وكت
ما حجة
ملاك:-غيث شبيك متخربط؟
غيث:-تعاي
نزلت صرت وراه وهو گام ردت
انزل اكثر لزمني من عكسي وطبگني
بالحايط قوي احس ضلوعي
تكسرت:-اااي شبيك غيث
غيث:-اسألج سؤال
ملاك:-شبيك يمعود موتتني لاتسوي
هاي سوالفك
غيث:-منو كمال
بهت وجهي واني اباوعلة احس اعضاء
جسمي كلها وكفت عن وضيفتها
كمال؟
هو منو كمال؟
همست بخوف:-يا كمال غيث
غمض عيونة وعض شفتة
وهو يضغط ؏ مخارج الحروف:-كمممال منووو؟
ملاك:-ابن خالي غير انت...
قاطعني:-احمد منو
عگدت حاحبي:-يا احمد
ضحك:-طليقج غير
ملاك:-غيث
رجع ضرب ضهري بالحايط
غيث:-آخر مرة اسألج كمممممااااال منننووووو
بجيت وشهگت:-طليقي
صفگني راشدي قوي كفيل
يوكعني من ثانية درجاية للگاع
نلوت رجلي وكعدت وبجيت وهو گعد
ثاني درجاية وگال:-اي بلا سولفيلي
عشكج وغرامج
هزيت راسي بـ لا سريع وكلت:-والله خفت منك والله
غيث:-اها ويجي ويطب ببيتج وتسلمين وتحجين
وتضحكين وياه عادي كلش مو؟ ماخفتي؟
ملاك:-والله خفت
هز راسة وگال:-هو من يوم الي انطيتني المفروض
اشيل ايدي عنج
ملاك:-بس افهمك والله
هز راسة وهو كوة يتنفس
شمر علية الجگارة الجانت بيدة
رفعت دشداشتي بسرعة وذبيتها بالكاع
واني اشهك
كام وهو يعدل ملابس
حجة بخيبة مكسورة حسستني اني
اكبر خاينة حسيت البينة انتهى
وخلص الجان مضموم..
غيث:-يا صلافة عيونج شكد جذبت
حجاها وعبرني وطلع!!
هذا التِسمعَه خَلص آخر شَطر
ينڪتب لـ عيونك الخانَت
والعِشره أحسها بَعد مو هانَت
انهانت
واصلني انتَ شڪلت
واني احتِرام سڪتت
لـ ايامنا الچانت
تخسَرني آنه انخسر ؟
ياما وياما
حسَبت بعروگ آديك الخُضر
وڪل ساعة آشمها
چِنت مِثل اليجَرب العُطر
معذور تِرجف رحت متنَدم
ومنڪسر
يدري بقَراره غَلط مِن يرفس
المِنتحر
المن بَعد جَيتك چا غير ڪبل
العِمى صحتَك تعاللها
واسحَب ڪلامي خَلص لا حبها عينَك
بعَد لا فدوه اروحلها ..
