رواية لأني عاقر الفصل الرابع والأربعون بقلم مريم خفاجة
صُفينا ثنين كلمن عايش بناره
جرحك بيَه ماله اخَوان
ياهو الياخذ بثاره؟
...
دار نفسة علية قبل لا يطلع
واني احاول اوگف ؏ رجلية ماگدرت
رفعت عيوني علي
واشهك
همس بصوت حزين
وعيونة دم وشمر الموبايل
علية:-هاج خاف اشتاقيتيلة
صحت بصوت عالي:-لااااا تضلممممننننني
لاتسسسسوووووي بييييه هييييج
غييييث لاترررررروح
عافني وطلع واني روحي طلعت
زحفت لورا وبقيت اشهك
واصرخ بصوت عالي بس اذني احسها
انطرمت ما اسمع شي بعد
فتحت التلفون
واني اشوف كل صوري ويا النذل
كلشي حرفياً
حتى اني ونايمة وهو حاضني
دخلت ؏ الرقم جان مو عراقي
ومكتوب ايراني؟
اتصلت طلعلي محضور
يعني الرقم حاضر غيث نقلتة لتلفوني
واني كوة اشوف من دموعي
دگيت دگيت مايطلع شي
الرقم خارج الخدمة؟ منوووو انتووووا منوووو
تدمرت حياتي تدمرت شصلح؟
بشنو ابدي؟
وشلون ابدي؟
كرهني عيونة كرهتني
اشوف بيهن كرهه الي
واني اكلب بالصور وعيوني تصب
نهر مو دمعة لو ثنين
والله تعبت حياتي خلصتها ضيم
بضيم ضلم بضلم اخرها ضلم غيث؟
بقيت بمكاني لا ساعة ولا ساعتين
واني اشهك وبگلبي ادعي ؏ كمال لشوكت
واخلص منك لشوكت
الله لا ينطيك ولا يوفقك بكل حياتك
شافني مرتاحة
وكال هاي ليش مرتاحة خليني اخرب حياتها
شعندة قابل غير يخرب بيتي ويخرب حياتي
ما ارتاح كلشي سوا بية وما ارتاح
لحگني ؏ غيث؟
كمت واني ابلع بريگي واحس
تيزاب ينزل ؏ امعائي
احاول اشيل روحي من الگاع
گعدت ؏ الدرج واني حاطة ايدي ؏ وجهي
واشهك بحرگة
لزمت موبايلي اريد ادك عليّ
باوعت موبايلة مشمور بالگاع
ولو جان عندة يشيلة مثلاً؟
دگيت ؏ رجلية وصرخت:-ياااااااااااا الللللله
ارررررررررررررررررررحممممممم بحاااااااااللللي
ياااااااااااا ررررربي تععععععببببببت
والله تعبت والله ماجاي اتحمل بعد
؏ كعدتي لل2 الضهر وهو ماكو
ودوامة خلص من زمان
اتذكر امس؟
اجاني بكل لهفة وحب
كل يوم وهو يرجع من دوامة يبوسني
بعشق وشوگة يزيد كل لحظة
وهسه منتضرتة وهو ماهوَ؟
يرجعلي مثل كل يوم؟
اتمنى اليوم امس
اتمنى اليوم قبل شهر وما اعيش
هذا الشعور
دگيت راسي قوي
بالحايط واشوف الدنيا غواش
وهوسة وخربطة افكاري
وهوَ؟ وين صار؟
كمت اسحل بخيبات الزمن
شسويت بية بعد؟
مو كافي؟
تعبت هواي تعبت
كافي؟
لبست جبتي بأيد
ترجف وروح متعوبة ودنيا
مكسورة وعوجة وياي
طلعت للشارع باوعت يمنى
ويسرى
تجيني لو اجيك؟
مسحت دموعي وعبرت الشارع
ودخلت لبيت ريم
فتحت الباب وطبيت لجوة
جانت مخلية سماعات ولابسة دشداشة قصير
وتغسل اماعين
همست اكثر من مرة
بأسمها ما سمعتني مديت ايدي
؏ جتفها نزت و وگع الكلاص من ايدها
لزمت گلبها وگالت:-يمة خرعتيني
سكتت وهي تتنفس بصوت
عالي:-شبيج
ملاك:-عرف
عگدت حواجبها:-شنو؟
ملاك:-غيث عرف
ريم:-ماجاي افتهم تعاي اگعدي
لزمتني واني مثل الطير المذبوح
گعدت اباوع لگدام انطتني
كلاص ماي ما اخذتة
وضليت اباوع لگدام:-ريم جاي اموت
ريم:-لج شبيج فهميني شبي غيث
شهكت:-عرف بكممممااااال عررررررف
لطمت ؏ خدها وصاحت:-شلوووون ووووللللج
هزيت راسي بأكثر
من مرة واني اگول:-دزززولة صورررري
خذت راسي لحضنها وهي تبجي
وياي
ريم:-منووو دززز
ملاك:-ما ادررري ما ادررري يالله ريم راح امووت
ريم:-شسوووالج شسوووو
ملاك:-لج عيوووونة تببببجي عيووونة كرهتني
لج يگلللللي اخذذذي لاتشتااااقيلة والله اكرهه
واللللله
ريم:-الله ينتقم منك يا كمال يانذل
لاتبجين هسة يرجع يمكن يريد يفكر ويرتاح
ويجي لاتشيلين هم هسة يرجع
بجيت اكثر واني اگللها:-والله ماجاي اگدر
اتحمل تعبببببت والله تعبببببت رررريم راح اموت من الوجع الي بگلبي
ريم:-الله ياخذذذهممم كلهممم كافي
اسكتي هسة اخابر جاسر اوكفيلي
راحت واني بقيت ابجي
وادك ؏ گلبي بكل قوة واشهك
واحس انفاسي انگطعت
تدك ريم ؏ جاسر وميرد
عليها مغلق ازداد الخوف بگلبي
ملاك:-بي شششي لييييش محددد يررررد
حجت وهي ترجف:-لحظة هسة خلي ادك ؏ ملك
دگت ؏ ملك شالتة
وهي نايمة:-الووو
ريم:-ملك ماتدرين بجاسر وين
ملك:-مسافر
ريم:-وين مولي
ملك:-سافر لتركيا قبل ساعة راح
ريم:-يلة روحي
طبگتة وهي تباوعلي
بخوف شهكت اكثر وخليت ايدي
؏ وجهي وهي شبگتني
ملاك:-ريم راح اتدمر والله تعبت
ريم:-كلةةةة من وررررراج لللللج لييييش
ما گلتيييييلةةة
ملاك:-والله خفت الله ياخذك كمال الله ينتقم منك
ريم:-اخاف رايحلة؟
باوعتلها بخوف وهزيت
راسي بـ لا:-اخاف يأذي اخاف كمال يأذي غيث
ريم:-هسة قيس ؏ جية بلكي يعرف وين
سكتت وبقيت آكل بروحي
طبيت للصالة و بقيت گاعدة ؏ التخم
وهي بصفي تهدي بية
واني حاطة ايدي ؏ راسي وافكر
شراح يسوي بية؟
غمضت عيوني وغفيت ؏ گعدتي
من الخوف ماعرف من التوتر غفيت بدون ماحس
غطيت بالنوم وهي دقايق
بس احسها ساعات
من گد ما النومة عميقة
بحيث لاحسيت بشي ولا حلمت بأي شي
فتحت عيوني سمعت
صوت قيس يتهامسون هو وريم
بالمطبخ
بس اگدر اسمعهم
قيس:-يعني اوكفي ملاك مُطلقة جانت قبل غيث؟
همستلة حسيتها
بأحراج:-اي
قيس:-وغيث يدري لو لا؟
ريم:-اي يدري بس مايدري بأبن خالي هو زوجها
قيس:-ما جاي افتهم
ريم:-تؤ ياربي قيس افتح عقلك
ملاك مُطلقة قبل لا تتزوج غيث وهو جان موجود
بطلاقها بس مايدري طليقها ابن
خالي وهي گايلتلة ؏ غير واحد
وهسة دازين الصور لغيث هو متعارك وياها
قيس:-عليمن يتعارك غير يدري بيها
مُطلقة اذا جان ابن خالها او لا؟
مادام يدري بيها مالها داعي
ريم:-مو ذاك الادبسز صادق غيث
تتذكر من جنة بالمول
وشفنة غيث ويا واحد ضخم؟ هذا الضل
يباوعلي وانت كمت تصيح علية
قيس:-اي؟
ريم:-اي هو هذا طليقها صادق غيث
عناد بيها
قيس:-وهسة؟
ريم:-شنو هسة هو متعارك ويا ملاك
وعايف البيت وطالع وهي متدري بي وين
قيس:-وترديني ادور عليّ مثل الزعطوط؟
ريم:-انت ماتعرف اصدقائة شو منو
قيس:-هو منو اصدقائة بس جاسر
واخوج مسافر بعد المن يولي
ريم:-خابر خوالك بلكي عد واحد بيهم
قيس:-هسة اشوف تعالي
ريم:-يوو عوفني هسة اني بيا حال
قيس:-شعليج انتي كسولي كسرة الوجهه
ريم:-اهوو قييييسسسس
قيس:-يابعد روح قيس
واسمع صوت غزلة وهي تضحك
بصوت ناصي وتبعدة عنها
غمضت عيوني
بقوة واهتز جسمي اشتاقيتلة
احس روحي تريدة بهاي الثواني والدقايق
مثل كل يوم بنفس هذا الوكت
هو نايم بحضني تعبان من الدوام
وهسة هو تعبان مني بس مادري ليا
حضن يلجأ؟
ريم:-ملاك هسة راح يخابر ؏ خوالة قيس
بلكي عدهم
ملاك:-وين يروح مثلاً؟
يروح يگللهم ملاك عرفت طليقها لو شنو
بضبط؟
ريم:-ما ادري الله كريم بس
صدكي هو يحبج مستحيل يأذيج
باوعتلها عيوني مدمعة
همست:-هذا الوحيد الأتمنا
ضلت تمسد ؏ جتفي
عفتها وطلعت لبيت رغد وگعدت
اسولفلها جنت اريد واحد يطمن گلبي بكلمة
او كلمتين
وهي تدك ؏ رجليها:-ياربي شلون
بيج وية المصايب
ملاك:-رغد تعبانة اني حيل تعبانة
رغد:-كافي الله كريم
بس تدرين هسة اريد اسوي شغلة
مسحت دموعي وهمستلها:-شنو؟
رغد:-اصفكج راشدي دماغج افرة فر
يعني لو گايلتلة
ملاك:-والله خفت
رغد:-منين خفتي فهميني
ملاك:-گلت خاف يلتقون او تصير
مناسبة وينجمعون سوة ويعرفة هذا طليقي
ويتعاركون
خفت لا ذاك الجلب يذبلة كلمة او يسوي
اي شي وتصير ممالخ
ردت حياتي تستمر هذا الردتة والله مو بنيتي
اجذب علي واخلي هيج
رغد:-وهسة هم عرف؟ ترة الجذبة ماتضل
دايمة سنين؟ هاي دامتلج خمس سنين
واخر شي بينت شحصلتي بربج؟
وهم راح يتمالخون ويتكاتلون
بقيت مدنكة وبيدي تلفوني
اتمنى يدك يوگلي فهميني اسمعج
واحجيلي كلشي ويصدك بية
بس مُستحيل
رجعت لبيتي اخط بذيال
التعب
نمت ؏ التخم والساعة
بـ 6 العصر فزيت بـ 8 بليل ؏ صوت
طبگة الباب
فز گلبي بفرح
وشهگت بفرحة محد يگدر يوصفها
رجعلي اولها وتاليها ترجعلي
اخذتني رجلية متلهفة
الة شفتة يسد بباب المطبخ
همست:-غيث
رفع عيونة الحمرة الي ورجع
دنك ينزع بحذائة
تقدمت اطرافي ترجف
مستحية وخايفة ومشاعري متخربطة
ملاك:-غيث خلي افهمك والله مو قصدي
والنبي خفت
عيونة تحولت لورا وگال:-سويلي اكل زينب
درت وجهي لورا احس رگبتي
انشنطت ودموعي نزلت بنفس اللحظة
واساساً ماتوقفت
رجفت شفايفي وهي
تباوعلي مستغربة
همست بصوت ناصي:-شبيكم؟
رجعت باوعتلة ومسحت
دموعي وضحكت ودگيت ايدي
؏ كاونتر وگلت:-عود تريد تكسرني؟
سكت وهو يباوع لعيوني
رجعت مسحت دموعي واني اضحك
بصوت ناصي:- صدكني
الينكسر مرة ماينكسر مرتين
ضحك تك خد وگال:-حتى حبج مصلحة
ضحكت:-اي اي مصلحة
تقدم علية واني امسح بدموعي
وگلبي ينضرب بي سجاجين
احس الدنيا اسودت بوجهي
همس بأذني جملة:-انا انغشيت بيج عيونج كبار
بس عيوبج اكبر ما شفتهن
دفعني وراح نزلت للگاع
واني بصف الكاونتر وحاطة اصبعي
بين سنوني وابجي
بخوف ، هسترة ، الماضي
الحاضر ، المستقبل ، الخيانة ، التعب ،
هوسة افكاري ، الحُب الجحيم
كلها نفس
الشي؟
ليش احب؟
اني ماعندي حظ ويا الحب
ليش احبهم؟
احس ادين تتلمسني وصوت
زينب تهمس:-ملاك شبيج گومي
باوعتلها ودموعي تنزل:-ليش رجعتي
بلعت ريگها بخوف:-هو اجة اخذني
ملاك:-ليش قبلتي؟
سكتت
هزيت راسي وگمت:-محد يستاهل لا والله
مشيت ردت اطلع من المطبخ
هو اجة صرنة متقابلين وهو لابس بس
ملابسة الداخلية
عبرتة وجتفي دك بجتفة
ومشيت مستمرة دموعي تنزل بحرگة گلب
واحنة نعرف الحرگة شتسوي بالبشر
صعدت لكيت جاسر يدك
شلتة واني اشهك:-بس انت بس انت بقيتلي
لاتعوفني ابوس ايدك
همس بصوت تعبان:-سولفيلي والله راسي
راح يشيب
ملاك:-رجع زينب رجعها حتى يحررررررررك
گللللللللللللببببببببي وهووووو مايعررررف
الحررررررگة اللللي بگلللللبببببي
لييييييييييش محددددد يحسس بييييية
ليششششش
جاسر:-اسكتي حبيبتي اني راجع ب4 الفجر
اني يمج لاتخافين اني اعلمهم
ملاك:-جاسر الدنيا تخنك بية كل ما جالها
تزيد الخنگة كل سنة وروحي تبدي
تطلع شوية شوية
جاسر:-ميخالف حبيبتي اني وياج لاتخافين
ملاك:-ضل فاتح التلفون اسوي بروحي شي
اذا اختليت بنفسي ضل هيج
جاسر:-خلي اكمل حجز الطيارة بلكي
قريبة
ملاك:-راح ابقة انتضرك حتى لو للصبح
سكت واني بقيت ساكتة
وكل ساعة يسألني سؤال واني عقلي
يمة والموقف
وانفر عقلي بسرعة ماريد افكر بي
مايستاهلني والله مايستاهل
صعد جاسر الطيارة وطبك
التلفون وبقيت معتكفة ؏ نفسي
سمعت صوت صياح جوة
ردت ما انزل
بس سمعت صوت رغد
نزلت بهدوء ودخلت للمطبخ
وهي واكفة وهو مدنك ياكل وزينب واكفة
بعيد
باوعتلي وهي تبجي
تستمر القصة أدناه
رغد:-الله لا يوفقك ولا ينطيك من عسى كل
دمعة منها تحرگك بنار جهنم
انتَ وهاي السـ***
رفع عيونة وگال:-لاتغلطين عليها
ضحكت وهي شمرت الكلاصات
والغراض اليمها:-ولكككككك شنووووو
مممممممممنننننن بشششششششررررر انتتتت
تقدمت يمة وضربت ميز الطعام
بكل قوتها:-ترضااااااهااااا ازززززهههههر يسوووووويييييييهههههاااااا؟؟؟
غيث:-نتيجة الما مُحترم
ملاك:-عوفي رغد
رغد:-من اليوم اعتبر اختك ماتت دير بالك
توصل لبيتي بعد ما دام قبلت يتيمة
مثلي تنزل دموعها فـ شترجة منك
غيث:-اطلعي برة
رغد:-امشي ملاك
ملاك:-روحي هسة جاسر يجي ياخذني
زينب:-والله اني معلية
خزرتها رغد وتقدمتلها وانطتها
راشدي:-هو مو صوجج لا والله صوجنة احنة
النقذناج وحدة مثلج عمرها 18 سنة وانطت
نفسها شنترجة منها ماينلام
بيج عبدالله لا والله
دارت وجهه لغيث
وشهگت:-وارجع واگلك اختك ماتت
واني بالنسبة الية ماعندي اخ بهالوجود ودموع
ملاك ان شاءلله تحرگك دنيا وآخرة
عافتة وطلعت وهي تبجي
وزينب تبجي واني اباوع ببرود
وهو مدنك ياكل وعادي عندة الامور طبيعية
كلهم نفس الشي ليش
منين اكو رجال يوفي؟ عفتهم وصعدت
فوك
وبقيت انتضر جاسر
لل4 الفجر اتصل كال:-اني بالباب انزلي
لبست وجريت جنطتي المحضرتها
ونزلت ولگيتة بالصالة يگلب
بالصور
مشيت متوجهه للباب همس:-وين مولية؟
ملاك:-لجهنم شعليك؟
سكت واني مشيت فتحت الباب
ولكيت جاسر مخلي راسة ؏ ستيرن
درت للجهه الثانية وفتحت الباب
فز وباوعلي
ودار وجهه لغيث واگف
ومخلي ايدة بجيبوب البجامة
عيوني التشبهه عيون أمة بچاهن
نزلتهن وصعدت بالسيارة
وجاسر نزل الجامة وگالة:-حرامات بيك
الوفة والله
ضحك:-تتفق انت واختك وامك
وتريدني ابوسها الك
جاسر:-لاتجيب طاري امي لا انزل
وحق محمد ادميك
غيث:-اخذ اختك وروح
صعد الجامة جاسر وهو يهز براسة
وعيونة دم مشة سريع
وهو يدك ؏ ستيرن ويصيح
درت وجهي ؏ الجامة وضلت دموعي
تجري والهوى يمسحهن
وصوت قُرآن الفجر والهدوء ينطي
السكون بس داخلي ضجيج عالي حيل
لحد ما وصلنة
فتحلي الباب ومدلي ايدة
لزمتها ونزلت وياه ودخلنة جوة للبيت
فتح الكهرباء وكال:-ماكلة شي؟
ملاك:-لا
جاسر:-ما اكلتي اليوم ابد؟
ملاك:-اي
جاسر:-راح اوصي اكل شتردين؟
ملاك:-ما اريد
جاسر:-ملاك وعلي ميت تعب وجوع
ولعبان نفس يعني باليوم صاعد
طيارتين واربع سيارات راسي يفتر فر لاتضوجيني
انتي هم اكلي وياي
ملاك:-يلا
جاسر:-يلا شتردين هاج اختاري
اخذت التلفون وكتلة شأريد
واساساً اختاريت بدون ما اباوع كعدت
؏ التخم ونزعت كلشي
وتمددت باوعت للسگف
واني اتخيلة ويا زينب هسة؟
نفس كمال؟
لعد اني شكد غبية؟
شگد ما عندي حظ؟
وارجعلك؟
والله لو يموت
نص ساعة تقريباً و وصل الأكل
واني اشوف جاسر يغفي هو وگاعد من
التعب
جاب الأكل خلاه ؏ التخم
وهو لابس بس شورت كال:-انزعي كلشي
اتصلخي الدنيا حارة
ضحكت:-هي هم صدك
جاسر:-يلا بس اني وياج
ضربتة بفخذة العاري
وضحكنة وهو طلع لفتي وفتحلي قوطية الببسي
وانطانياهن
ضليت آكل ؏ كيف وهو يسولف
جاسر:-وعلي هلكت انعل ابهاتجن
ابتسمت:-هو لو ما أنتَ شنو حالنة احنة؟
صفن:-اتخيلي؟
ملاك:-بس اتخيل
جاسر:-غير اكلب القيامة على اليمس
شعرة من شعرجن
ضحكتلة:-مسونة حبيبي
جاسر:-اني اعلمة وحق مكة
اذا ما اخلي يتمنى اضفرج فـ لا اتسمى جاسر
وانتي اشگج بالنص اذا گلتي
اشتاقيتللللة حبيبيبييي احبببببة
ماگدرررر بدوووننننة
ضحكت بصوت عالي وهو ينعم
بصوتة
رجع كمل:-تلفونج هسة آخذة واشوفج شلون
تحنين
ملاك:-احسن اذا تريد احسبني
جاسر:-جا هو انتي راح تنحبسين البيبان
اقفلهن وباجر اروح للمحكمة اسوي اجراءات الطلاق واخلي شلون يعرف يتگلى
ملاك:-التشوفة صح سوي
جاسر:-عفية يلا اكلي
ملاك:-ما اشتهي اللفة جبيرة
جاسر:-انجبي باع اعضامج شلون طالعات
تلمست رگبتي واني اشوف
ضلوع صدري مبينة
سكتت وبقيت آكل واحنة
نسولف لحد ما كملنة گمنة صلينة
جاسر:-تعاي صعدي نامي يمي فوك
باردة
ملاك:-لا انام هنا بغرفة ريم
جاسر:-هاي قافلتها البر*** يمكن
ملاك:-صدك؟
راح جرب انفتحت ضحك:-اخذنة غيبتها الكسولي
ضحكت ودخلت للغرفة بستة
بخدة قوي وگلت:-الله يخليك النة يارب
باس كصتي وهمس:-اني لو ما انتن شعندي
ضال بالدنيا اهم شي راحتجن مايهم تعبي
مسح دموعي ورجع باسني
دخلت للغرفة وسديت الباب قابلتني
صورة أمي
وما ادري ليش تراودت بعيني
عيونها الحزينة
رغم بالصورة تضحك بس
اشوف عيونها تبحي بجيت واني اتلمسها
ملاك:-أُمي عفتيني وحدي ليش؟
رجعوا يأذوني
مسحت دموعي واني اشهك
واتلمس بصورتها و وجهها المشتاقتلة
ملاك:-يمة الأمنيتيني عندة رجع كسرني
مثل القبلة اني مادري وين اروح
مادري ليا جهه التفت كل ما اخلي ايدي ؏ بشر
واكول هو يصونني بس اقل غلطة مني
يروح كلشي ولا كأنما اني التعبت
واني الداريتهم
مسحت عيوني واني
اضحك:-لا ويگلي حبج مصلحة
هو صدك مصلحة صدك ردتة عوض ألي
وفعلاً عوضني بهواي اشياء وشفت مصلحتي يمة
بس اني غبية اني عوبة اني ماعندي عقل
اني ما اعرف افكر
تعلقت مثل الخبلة بيّ ولا كأنُ عندي
تجربة سابقة افشل من هاي وراح يبقى
الفشل يلاحگني كل حياتي
متي انتي وعفتيني اتعذب وراج اخذيني
وياج أُمي تعبت من هالدنيا والله تعبت
ترد مكسور وحدك
محد وياك
تبقى لوحّدك
تبجي بغرفتك
تلكة الواكفتلك
بس الحياطين
وانتَ الماخطت
واحد وكفلك
يخرب واهسك
وجدامك تبيد
وكلبك يوجعك
ماتدري شيريد
يابوية شثكلها اتصير الأيّام
ترة شغلة الفركة تريد تعويد
هوة المالة أحد لمن يطيح
يتمنى من الأول ضال وحيد
لِـ عَزام الشمري
نمت بهدوء تام
وافكاري المتخربطة انزرعت بأحلامي
وصار كلشي هوسة
گعدت الصبح
؏ تلفوني يدك شفتة جاسر
گال:-ها بعدج نايمة بوية؟
ملاك:-اي حبيبي
جاسر:-البيبان مقفولة ترة كلهن
حتى الاستقبال والمطبخ
ملاك:-ماشي
جاسر:-لاتفتحيهن ابد
ملاك:-لا ما افتحهن هو شفتة غيث؟
جاسر:-ما ادري بي وانعل ابو لابو اليسأل عليّ
وانتي اذا سالتي بعد اشك حلكج
ابتسمت:-يلا تمام روح الله وياك
سدة مني واني رجعت
نمت براحة احس داخلي مرتاح ماعرف
ليش
وثاني يوم گعدني
جاسر الساعة بـ 4 الفجر
جاسر:-كومي شو
ملاك:-شتريد جاسر
جاسر:-راح اروح لأمي تجين وياي؟
ملاك:-يا هي امك؟
ضحك ودمغني:-امج يالخوثة
هزيت راسي بسرعة:-اي اي اروح مشتاقتلها
جاسر:-گومي لعد بدلي يلا استعجلي
نطلع ؏ برد
ملاك:-هسة بسرعة
گمت ؏ سريع غسلت وبدلت
وصليت ولبست عبايتي وطلعنة
الهوى بارررد يضرب بوجهي احس وجهي
جمد من البرد
وجاسر مطلع قصائد
ويدندن وياها
وصلنة للنجف شفت القبور واحس
گلبي انعصر
ركن جاسر السيارة
ونزلنة نعبر القبور واني احاول ما اقرة
الأسماء بقيت مدنكة
لحد ما سمعت صوت نطق
حزين من جاسر:-هذا كبر أمي
رفعت عيوني
هديت ايد جاسر وركضت
طحت ؏ گبر الحبيبة
ملاك:-يممممممممماااااا
يممة گوممممي عينيننني يمة تعبانة لييييش
عفتيييينننننني وحدددددي ليييييش
گوممممي يمة گومي لاتخليني وحدددي
والله تعبانة اني يمة
گلبي متأذي يووووم متأذية تعبانة اذوني
كلهم اذوني
واني اشهك ونايمة فوك
گبرها ومادري بجاسر وين راح
ملاك:-يمة جنت اصيح ااااخ تصيحين ورااااي
هسسسسسسة ماككككووووو محدددد حنيييين
غيرررررررج عللللليييييييييه ماككككوووو
واني احس اديها
طلعت من گبرها وحضنتني
احسها ضمتني الها حيل گمت احس بحنانها
صرت اشم ريحتها حيييل
استنشق عطرها وابتسم ودموعي
تجري واشهك
ملاك:-يمة حبيبتي گومي يلة گووومي
بقيت امشي
ايدي ؏ گبرها واحجي بصوت
خفيف
لزمني جاسر وبعدني
عن الگبر:-عوفني جاسر عوفني خلوني
طول العمر يمها
اسمعة صوتة يبجي
ويگول:-گومي حبيبتي تعبتي كافي
ملاك:-مو كافي مو كافي
تعبي مايخلص بـ كافي
جاسر:-اششش كومي
ملاك:-ماااااررررررررررييييييدددد
عووووفني ابووووسسسس ايدددددك
وهو يكومني واني ادفر بالتراب
كومني وضمني لحضنة
وهو يشهك وياي:-كاااافي ابوووية كافي
اشعل ابهاتهم الج والله
ملاك:-ضموني بحضنكم اني تعبانة
وخرني عنة وهو يمسح دموعي
ودموعة
جاسر:-والله اخلي يبوس نعالج واللللله
رجعت راسي لحضنة
وبقة حاضني حييل مكسر ضلوعي
لحد ما هدأنة
وشالني وياه مشينة نتعثر
بعثرات الزمن
دخلنة للسيارة وهو يهديني
ويهمس:-اني وياج والله ماعوفج
حطيت راسي ؏ الجامة
وهو طلع قصيدة مال ادعي يا زينب
بقيت استمعلها ودموعي تنزل
خاصةً بمقطع
يالحبيبة يعوض الله
وبدموعج هالله هالله
ابتسملي جاسر:-حتى باسم يگلج دموعج هالله هالله
ملاك:-اتمنى لو اوكفهن
جاسر:-يوكفن يوكفن معليج
رجعنة للبيت وجاي اكل
من برة اكلت ونمت مرتاحة احس لمن زرتها
استمديت القوة والأمان منها
ويوم يجر يوم وهو ابد
لا اتصل ولا خابر ولا حتى رسالة
واني من شفتة هيج حضرتة
وبيوم جاسر راح للديوانية متحلف بكمال
بقيت انتضرة ؏ نار
لليل يلا أجاني:-هااا خو ما تأذيت
جاسر:-عليمن اتأذى
ملاك:-خفت خاف تكتلة
ضحك:-غيث ما مقصر
عگدت حاجبي ورجع كمل:-شاكة شك
نايم بالمستشفى رجلي وادي مكسرة
وضهرة انزلاق
ملاك:-لاتجذب؟؟؟
ضحك وذب روحة ؏
التخم:-والعباس عود رحت متحلف تالي الولد متسگط تسگط وجدج يريد يسويها عشاير
سولفتلة السالفة كام يدك ويلطم ؏ راسة
ملاك:-عززة
جاسر:-يستاهل والله شفى گلبي
بعد هوَ غيث هم انيمة بصف كمال
ملاك:-يستاهلون ثنينهم
ضحك ونزع جواريبة
واني رحت بالي مشغول اخاف بي
شي ليش ما خابرني؟ او اسمع احوالة ماكو
اختفى اساساً
خابرت ريم بليل كعدت
اسألها واحاول اجيبة بالطاري
بس ما گالت شي معناها مابي شي
سألتها ؏ احوالها گتلها:-قيس شنو بالدوام
ريم:-لا اخذ زينب للمستشفى
ملاك:-ليش؟
ريم:-صارلها اكثر من اسبوع من
رحتي لسة كل ساع تتخربط
ملاك:-شبيها؟
ريم:-گلبها مابي نبض قوي
تتخربط وتوكع وسكرها يرتفع يوصل
500
عكدت حاجبي:-هي ما جانت تتخربط هيج
ريم:-والله ما ادري بس اعتقد
ملاك:-شنو؟
ريم:-يمكن غيث يضربها او يأذيها وهيج
يصير بيها
ملاك:-معقولة؟
ريم:-والله شفت رگبتها زركة
ضحكت:-خاف واصللها
ريم:-ما ادري والله
ملاك:-عبالج كلها فقرة مثلج حُبي
ريم:- ما انتبهت هي هيج زراك
داير مداير رگبتها مو مال علاقة زوجية يعني
ملاك:-طبهم مرض محد كاللها تجي ويا
ريم:-تكول هو جرني ويا ماقبل
ملاك:-يمعودة جذابة
ريم:-مادري هسة انتي شلونج العصر اجيج
ملاك:-جلبات انتي واختج ماگلتن
اختنة وحدها وما تجن ابد هو انتي مجلبة بقيس
ضحكت بصوت عالي:-هو مجلب بية اني شعلييييية
ملاك:-دنجبي والله ادبسزيات ثنينجن
ريم:-اني اخابرها ونتفق باجر نجي ثنينة
ملاك:-يلا تمام
طبگتة منها وثاني يوم
اجت ملك بطنها لگدام ضحكت
وبوستها
شوية واجت ريم سلمت عليها
وكعدنا نسولف ونضحك
وجاسر برة طالع
ملك:-حييييل حيييل ضعفانة ملاك
ملاك:-من السعادة غير
ملك:-يمعودة طز انعل ابو الراح لابو الأجة
وشنو يعني قابل الدنيا توكف عليّ اووي والله
ضحكت:-بس حجي
ملك:-لا والله مو حجي صدك
فنة حسين يحجي حجاية اكلب الدنيا فوك راسة
ملاك:-العب
ريم:-حتى قيس مايحجي ولا يصيح
ملاك:-خو قيس گدرتة بس علينة
يمج يصير بزون
ضحكت بصوت عالي وضربت
جتفي:-ولج والله يموت يموووت علييية
ملاك:-الله يخليكم سوة
وهنه يباوعلي مقهورات
دكت ملك ؏ رجلها وصاحت:-يا مصيبتج يملاك شوكت ترتاحين مادري
ريم:-اني شايلة همها اكثر من روحي والله
دموعي انحصرت بعيوني
همست:-الله موجود
ملك:-الله ماينسى عبدة صدگي راح
تجيج ايام حلوة تنسيج كلشي
ملاك:-آمين يارب
سكتت واحنة نسولف
لحد ما اجة جاسر جايب عشة
وكعدنة اربعتنة نضحك ونتشاقة وملك
وجاسر يتعاركون
وهي من هرموناتها تضل تبجي
وهو يصالحها ويبوس بيها
لليل ونمنة وجاسر نايم بنصنة
ويضحك ويانة ويشاقينة علمود يسمع
صوت ضحكاتنة
للصبح وريم غبشت
الفجر اجة اخذها مايتحمل بدونها
وملك راحت ورا أيام
واني بعدني باقية يم جاسر
وهو اجة مرتين وجاسر ما طلعلة
وبعد ما اجة
شناوي هذا؟
بسرعة هيج
اتخلى عني؟
گعدت الصبح
ورا جاسر اسويلة ريوك واني
دايخة وراسي يفتر فر
گمت وهو جان يبدل
فوك ويطكطك
اباوع جسمي يرجف نمت جوعانة
وما ماكلة
كلت اسوي ريوك ويا وآكل
سويت وكملت واني اشوف البيضة ثنين
خليت البيض ؏ ميز
وانتضرتة ينزل طب يصرفن بردان
قميصة ابتسملي وگال:-صباح الخير
حجيت بهمس:-هلا حبيبي صباح النور
اتلمس وجهي وكال:-شنو متخربطة
ملاك:-دايخة بس تعال ناكل
گعد وهو يباوعلي بقلق
گعدت عبالي لان جوعانة بس
طلعت روحي لعبانة حتى من الأكل
ما أكلت شي قليل
ودنيت الماعون
جاسر:-اكلي ليش هيج
ملاك:-ما اشتهي
سكت عني وكمل وگام غسل
واني گاعدة وروحي لعبانة والدوخة تكتل
گمت حتى اسد الباب
ورا دارت الدنيا بية لزمت الكرسي
بقوتي وبلعت ريگي
وانفاسي عالية
همست:-جاسر
فتحت عيني وباوعتلة
واني عيوني احسها انحولت رجعت
حجيت بخفوت:-راح اموت
اخر شي سمعتة گال:-ملااااك
....
مسحت دمعتي
وهو كال:-شبيج يابة عليمن تبجين
ريم:-قيسسس اخااااف عليييههها اخااااف
قيس:-مابيها شي ان شاءلله
سكتت اهز برجلي سريع
وهو كل ساعة يباوع للساعة تأخر
عن دوامة وصلنة للمستشفى ونزلنة
اني وياه نركض سوة
وصلنة لغرفة ملاك
فتحها قيس واني افرفح شفت
جاسر يفتر متوتر
ريم:-هااا شبيييهها
جاسر:-ضغطها هابط
تقربت يمها وهي عرگانة
ومشكليلها مغذي وغافية
ريم:-ليش هيج صار بيها
جاسر:-من ورا الگـ*** غير اني اعلمة
ريم:-شمسويلها؟
صاح بصوت عالي
رج الغرفة رج:-ووووووووللللللج دمرررررررووووووهاااااا دمممممررررووووووها
والله اذااااا ماخليييييتتتتهم يبجججون دمممم
شواربي ازينهن بالنعال اني اعلمك يگـ*** غيث والسـ*** كمال اني اعلمكم
بقيت امسد ؏ گصتها
وابجي:-تضلين هنا ريم؟
ريم:-اي اي اضل يمها لحد ما تصير زينة
جاسر:-روحوا اني يمها
قيس:-لا والله اگدر اضل بس اتأخرت ؏ دوامي
جاسر:-روح خوية روح رحمة الله والديك
عافنة وراح
وجاسر يفتر يحاول تكعد
كل ساعة وجايها ويگعدها متگعد والممرضات
شدولها مغذي ثاني
جاسر:-ريم هسة نص ساعة بس
اخذلي اجازة واجي ضلي يمها انتي اي شي
يصير تخابرين مفهوم؟
ريم:-اي اني يمها لاتخاف روح
جاسر:-ما اتأخر هسة بسرعة ديري بالج عليها
ريم:-تمام
عافني وراح وياها بقيت
ابوس بأيدها واهمسلها:-گومي حبيبتي والله خايفة عليج
امسح بدموعي
ويرجعن ينزلن واني امسد ؏ اديها
وابوس بيهن انفتح الباب
همست:-هاي شبسرعة رجعت جاسر
اسمع صوت خطوات
دخل اكثر واشوفة غيث فتحت عيوني
بصدمة
دخل بأيدة ابرة
ضربها بالمغذي وگفت:-هاي شدتسوووي
شحطيتلها
غيث:-معليج
سرع المغذي
و وگف فوك راسها يباوعلها
ويرمش بهدوء
خلص المغذي وخرة عنها
وشالها:-ويييين ماخذذذذها جاسر هسة يجي
ماهتم شالها
ومشة واني وراه احجي:-غيث هسة راح يجي جاسر والله يلعب لعب مايقبل كال ضلي يمها شسويت انتَ
ماهتملي
دخلها بالسيارة وهي بعدها فاقدة عن
الوعي شكيت ضربها شي بالمغذي وهذا شي اكيد
بدون شك
غيث:-تجين وياي لو تنتضرين الشفية؟
ريم:-لا انتضرة هسة يضل يصيح
اشر بأيدة
وصعد بمكانة وراح واني واكفة
خايفة
رجعت للغرفة واطكطك بأصابعي
شوية ودخل جاسر
باوع للفراش وفتح حلگة:-وين ملاك
بلعت ريگي:-اخذها غيث
صفك ايد بأيد وصاح بصوت
عالي وركض واني ركضت وراه صعد بالسيارة
يفشر ويغلط
واني افرك ايدي بأيد من
التوتر وهو الطريق كلة يحاول يتصل
عليّ وذاك ميرد
بالدرب اتصلت ؏ قيس
مارد دزيتلة رسالة كتبت:-قيس الحكني جاسر وغيث حيتعاركون
وجاسر يغلط ويدك ؏ ستيرن
بعصبية متت خوف كلت راح يكتلني
لزگت روحي بالباب
وصلنة لشارعنة ذب السيارة
بالفرع وركض لبيت ملاك جانت سيارة
غيث صافة بالباب
راد يجر السيم حتى يدخل بس ماكو
دك الباب بكل قوتة
الباب انهز من كد ما الدگة
قوية وصاح بصوت عالي:-لكككككك غييييييييث اطططططططللللللع
ماكو اي رد وبقة يدك لا ساعة ولا ساعتين
واني معزولة ابجي دفر الباب وحاول
يكسرها بس ماگدر اخذ عودة
مركونة ؏ صفحة وكسر
جام سيارة غيث كلة
ريم:-كااااااااففففي عوووووفففففه
جاسر:-وعععععللللللي الييييووووووم ادمممممميييييك غييييييييث
رجع يدك بالباب ويدفر بي
اجة ازهر بسيارتة رأساً فتح الباب
وركض ؏ جاسر التخبل
وقيس كذلك شافني ونتر:-اطبي جوووة
ريم:-راااح يأذذذي روووحة
قيس:-اطببببي جوووة معلييييج
ركضت لبيتي ودخلت
وضليت اباوعلهم ورا الباب وهو يدك
مستمر ويغلط ويفشر الجوارين كلها طلعت احنة
منطقتنة هادئة هاي اول مرة يمكن
هيج يصير صياح لدرجة محد حتى ادخل وحجة
طلع غيث مترهي
وجاسر الشيطان ركب براسة
لزم غيث من متونة وضربة كلة خلاه يرجع
لورة ضحك غيث وگال:-شعندك يمي؟
جاسر:-جيييييييبببب اختتتتتتتي لاااااااا وممممممحممممممد اخيسسسسسك بالسججججووووون واااااللله
غيث:-يا سجن بالضبط؟
تريد ذاك القانون وروح اشتكي ونشوف ويامن يوگف
رجع لزمة من خوانيگة وازهر وقيس
يحاولون يوخروه بس هو اقوى منهم
جاسر:-شووووف وحححق مككككة غيرررر لو ادرررري ادفن ملااااك بگاااعها وماخليييها تنام ببيتك ليلة وححححدة
غيث مبتسم سد باب
البيت وگالة بهدوء:-اعبر عتبة هذا الباب
وشوف شيصير
جاسر:-شششننننننو تهدددددني ووللللللكككك
غيث:-تقارير وعندي طالعة من بيتك مريضة
وانت ماخذ مرتي بالغصب
واخوها من ابوها حتى مو من الاثنين
وبهالحالة ملاك تبقة ببيتي غصباً ؏ راسك فاهم لو لا وامشي ولي عن خلقتي يلة
جاسر:-شوف للللك لو يبقة اخر نفس بية ملاك اخذها وياي يعني اخذها مو بكيفك صيح ملاك يلاااا لكككك خنيييييثثثث ابوووو النسسسسوااااان
لووووو بيييييييييك حححححححظ جا حااااافظت علييييهههااا ولكككمممم هدوووووووني
قيس:-ادرررري تخبللللللتتتتتوا كاااافي انت انجلبت خو ما انجلبت ابن الزفرة وانت طب جوة يلا
جاسر:-مو بكيفكم جيبو اختي
غيث:-نجوم السما اقربلك حبيبي
رجعوا تضاربوا
وغيث مايضربة بس جاسر
ازهر وقيس يلزمون بي وميگدرولة
تفل غيث من حلگة دم وهمس:-تريد
ملاك؟ تطلع جثتي قبلها
جاسر:-واااااللله اطلعععععععككككككك بتااااابببببوووووت
غيث:-ديلا انتضرك لليل
سحب ازهر جاسر لبيتة ودفرة برجلة
وطببوا بالگوة وقفلوا الباب وهو
يصيح هرج الدنيا هرج
العالم كلها تباوع
دخلت للبيت وايدي ؏ گلبي
شراح يصير ياربي بعد؟...
...
الم براسي يسطر سطر
رجعت غمضت عيني واني احس
احد يتحرك فوك راسي
شلت رجلية احركهن
كلشي خدران بية اكثر من نص
ساعة احاول استعيد وعيي وافتح عيوني
حد ما حسيت
صوت همس خفيف:-ملاك
هذا غيث؟
وين اني؟
معقولة بحلم؟
فتحت عيني الغواش مستحلهن
همست:-وين اني
غيث:-هنا وين يعني
گمت واني دايخة رجعت نفسي
؏ تاج الجرباية وتلمستها:-شجابني هنا
وهو يضربني الأبرة
بالكانونة گال:-اني جبتج
ملاك:-ليش
غيث:-شنو ليش؟
ملاك:-رجعني يم جاسر
ماحجة بعد وسمعت صوت الباب
انطبك رجعت غفيت
فزيت ؏ صوت زينب:-ملاك
ملاك:-ليش اني هنا
زينب:-تخربطتي وجابج غيث
ملاك:-گوميني
لزمت ايدي وشالتني من فراشي
وعدلتلي نومتي
ملاك:-اريد جاسر
زينب:-راح
ملاك:-جيبي تلفوني ماريد اضل هنا
زينب:-مايرضى غيث
ملاك:-مو بكيفة مايرضى اني اريد اخوي
زينب:-والله مايقبل واكف بالباب
ملاك:-ليش؟
زينب:-يريد يقفل الباب
ملاك:-مو بكيفة ؏ اي اساس
گمت اريد اوگف وگعت ؏ فراش
نزلن دموعي وگلت:-خلي اروح لأخوية ماريد
اضل هنا ماررريد
غيث:-تعاي زينب
ملاك:-الله ياخذذذك بجاه النبي
اخذها وطلع وسمعت صوت
الباب من كد ما جوعانة شفت الاكل
گبالي
واني دموعي تنزل واسوي
لفات وآكل
كترت الصينية واخذت كلينس
ومسحت ايدي هسة شسوي
الله ينتقم منك
جنت مرتاحة بالبيت هناك
مشيت متوجهه للباب اريد
افتحة مينفتح استغفرت وبقيت ادك ومحد
يجاوبني واصيح بصوت عالي
محد يرد يگول محد بالبيت
بقيت ابجي ورجع
الألم رجعت نمت بعمق
وگعدت الصبح الشمس
طابة بعيني
گمت دخلت للحمام وغسلت وجهي
واباوع ايدي ترجف
اريد جاسر ماريد اضل هنا ياربي
احاول افتح
الباب ماكو مقفول:-مووووو لهههههللللل دررررجة
افتتتتح الباااااااب غييييييييث
زينب:-مو يمي المفتاح والله مايقبل
ملاك:-يااااالله وينة هو
زينب:-بالدوام
ملاك:-اريد اكل شلون بلااا
زينب:-اكو بيض سلك يمج وترمز مال جاي
ملاك:-الله ينتقم منكم كاااافي تعبببببت
زينب:-والله لو عندي المفتاح اطلعج
بس ماندل وين
ملاك:-دوري
زينب:-تمام
حميت الجاي وكعدت
؏ جرباية وآكل واصفن وحدي
خلصت وبقيت اباوع
بالحياطين لو منچبة وما متخربطة
مو اشرفلي
استغفرالله ياربي
ضليت هيج انتضرة لحد ال2 الضهر
يلا أجة اسمع صوتة
جوة
شوية وسمعت خطواتة
تصعد گلبي ضل يدك ماريد اشوف شكلة
غمضت عيوني حيل عصرتهن
وفتحتهن ويا ما انفتح الباب
باوعت هاي زينب بيدها صينية أكل
ملاك:-لااا باللله؟؟؟؟؟
زينب:-والله مايرضى والمفتاح ماخذة ويا
غيث:-يلا زينب
ملاك:-هي شنييية بكييييفك
حابسسسني مو بكيفك اذاااا قفلت البااااب والله اسوي شي بروحي
غيث:-تعاي انتي عوفيها
ملاك:-شنووو جلللللب اني قاااابل
لك انتتتت شنوووو من بشر
مد ايدة لزينب وطلعها لبرة
ورجع قفل الباب روحي اشتعلت شعل
دفرت الصينية برجلي
ودنگت احوص شسوي ياربي واطلع
لا خليت ماشة ماخليتها بالقفل
ولا خليت سجينة ماخليت شي ماسويتة في
سبيل ينفتح ومانفتح الباب
وبقيت يومين مستمرة محبوسة
بهالمهجوم
وبيوم بليل
فزيت مكضية الايام بس نوم
اني وين الله يذبني حتى ارتاح واسمع
يومية صوت عرك جوة وزينب تگلي
جاسر يتعارك وياه وميخلو ياخذج
كعدت بقيت اتصفن والتلفيزون
مفتوح ؏ مسلسل هندي
گدت متأفأفة للحمام غسلت وطلعت
باوعت للباب بلكي
مفتوح
حطيت ايدي ؏ اليدة وغمضت عيوني
بلكي مفتوح بلكي
والله وانفتح
ضحكت بفرحة يگول مسجون وانطوا
الافراج هو فعلاً مسجونة
نزلت ؏ كيف ابطأ خطواتي
الساعة بـ 12
نص الدرج واشوفة طلع من غرفة زينب
رجعت بسرعة لورا اراقبة
جان شايل بيدة
مخدة وملحف ابيض وهو لابس
بس فالينة وبجامة
غمضت عيوني ماريدة ماريدة يالله
خلة المخدة ؏ التخم
وتمدد عگدت حاجبي يعني ينام هنا؟
بقيت واكفة وهو مايشوفني
فتح موبايلة ويگلب بي واني اباوع ويا
بس من فوك
دخل ؏ مقطع جانت مجموعة
يغنون اغنية
ما نام حالف لا ما نام
لعيونك اسهر عشر اعوام
فراگك لأن طير نومي
فراگك لان طير نومي
مشتاك طبعاً اي مشتاك
متعودت على هيج فراك
تعلمت احضنك من يومي
تعلمت احضنك من يومي
ما جنت اضن تبعد عني
وتفاركني ما ترجعلي
ما گتلي عن بُعدك صعب
يكسر گلب لو گايلي
لو طولت اكثر بعد
اموت احسلي
اموت احسلي
جانت اصوات هادئة
خلتة يعيد المقطع اكثر من مرة
وهو صافن ؏ اغنية المقطع ينعاد وهو صافن
رفع راسة للدرج تراجعت
ماشافني
رجعت باوعت طفى الموبايل
والاضوية وتلفلف ونام
بقيت اباوع
وهو يتكلب ساعة يمنى وساعة يسرى
اخر شي كام
افتر بالصالة
ورجع كعد دخل اصابع ايدة بين
خصلات شعرة وعصر راسة حيل
نزع فالينتة ورجع تمدد
غمض عيونة وذب نفس قوي:-اخ يا يمة اخ
بلعت ريگي
معقولة يأنبة ضميرة رجع باوع
للدرج وهمس همس خفيف بس صار صدى
صوتة لان محد
موجود:-شيصير لو كلة جذب؟
غمضت عيوني
وضميت شفايفي لداخل حلگي
وهو ضل يتگلب لحد الـ 3 بليل واني اراقبة
لحد ما نام بالهوسة
نزلت ؏ كيف امشي
توجهت ألة نايم وفاتح ايدة
بهدوء شلت الملحف وغطيتة
وتراجعت رحت للمطبخ فتحت الثلاجة
بيها حلويات اخذتهن كلهن
وصعدت بسرعة
وبقيت آكل واباوع اذن
گمت صليت ورجعت نمت لل12 كعدتني زينب
مطيت جسمي وهي گالت
فرحانة:-گومي انزلي يلا
ملاك:-شكو
زينب:-غيث ما قافل الباب يلا تعاي
ملاك:-واذا قفلة شنو يعني قابل مانزل روحي عني
گعدت ؏ ركبها كدامي:-حبابة ملاك
ملاك:-روحي زينب
زينب:-ملاك والله اسفة رجعت ادري
انتي ضايجة من وجودي
ملاك:-اكيد لا مايهمني موجودة او لا
زينب:-هاي ليش هيج تحجين ملاك
ملاك:-روحي اريد انام ما نايمة
زينب:-ترة اني والله احبج وماقبلت ارجع
ملاك:-اي صح انزلي
زينب:-زين شسوي غدة
ملاك:-اي شي
زينب:-كولي شنو تردين والله كمت اعرف اطبخ
نترت ييها:-زينب روووحي منننا جاي أكلج
سكتت واني انعصر گلبي
كالت:-اسفة
عافتني ونزلت
غمضت عيوني ما متعودة اكسر خاطر
بشر
بس متعودين هُمة يكسرون خاطري
گمت من مكاني
غسلت ولبست ونزلت دخلت للمطبخ
مالگيتها ولا بغرفتها موجودة
تمشيت للصبة واسمع صوت
بجي ميلت شفتي بأسف
وعفتها باوعت جانت
تسوي غدة محضرة الغراض
صحت:-زييينب
سمعت صوت ركضتها
دخلت بسرعة للمطبخ باوعتلة
ضحكت:-ها ملوكة
ملاك:-شراح تسوين
زينب:-اي شي شتردين؟ اسويلج ريوك؟
ملاك:-لا ما اريد
زينب:-زين خلي اطلع اللحم يلا خلي نسوي اني وياج
خفيت ابتسامتي وسكتت
كتلها:-شنو جنتي تبجين؟
باوعتلي وهزت راسها بخجل:-لا طبت عودة بعيوني
ملاك:-شلون طبت؟
زينب:-جنت اكنس
ملاك:-عدنة مكناسة كهربائية؟
زينب:-ما اندلها
هزيت راسي واني ادري
ماعدنة مكناسة اصلاً بالبيت لان عيوني
تبقة توجعني
سويت الغدة وياها
وهي متونسة وتسولفلي
خلصت وصبيت ماعون كتلها:-راح اصعد يلا
زينب:-لااا ليش اكلي ويانة
ملاك:-ماريد اشوفة
زينب:-براحتج لعد
عفتها وصعدت فوك اكل واباوع للتلفيزون
سمعت صوتة جوة مانزلت ابداً
لحد المغرب جنت نايمة
اسمع صوت واحد يسبح بالحمام
تلمست نفسي مابية شي
گعدت ونزلت جوة ركض
باوعت بس زينب موجودة يعني هوَ
بالحمام
طلعت من غرفتها وباوعت ؏ ميز
موبايلي عليّ ضحكت
واخذتة شكد مشتاقتلة فتحتة
جان مشحون كامل ومفتوح
رجعت صعدت
دخلت للغرفة شفتة بالحمام
گعدت ؏ تخم وانفاسي تنخفض
بيدي تلفوني
وشفت تلفونة ؏ ميز
رحت يمة وفتحتة بي رمز؟
جربت كلشي وما فاد
دخلت من تلفوني ؏ الارقام واتصلت
على رقمة
وطلع الأسم بعدة نفسة عيون أمي
غمضت عيوني واحس ارتاحيت
طفيت موبايلة من سمعت باب الحمام
ينفتح ورجعت لمكاني اكلب بالتلفون
راح يم المرايا و وگف يمشط ويتعطر
خلص واخذ تلفونة
واني عيني مدنگتها ؏ تلفون
بس بالي يمة اعرف شديسوي
و گف بنص الغرفة وهو يباوع لموبايلة
خاف عرف اني متصلة؟
اي يحضي يعرف من المكالمات الفائتة
ارتبكت و وجهي ينزل منة العرك گمت
احس من التوتر
غيث:-ليش داگة علية؟
ملاك:-عبالي ما موجود
حجيتها واني مدنگة
وسمعتة گال:-أها
ضليت
مدنگة سمعت جملة هزتني
هز:-تخسين والله توصلين لربع نقاء عيون أُمي
باوعتلة وضحكت:-؏ اساس امك زليخة
اجة علية بسرعة
وعصر فكي بأيدة ورفع وجهي
نترت أيدة بسرعة:-وخررر عننني
غيث:-صلافتج هااااي تبطليها لا ومحمد كتلتج تصير ؏ ايدي
ملاك:-اي ديلا انزل جوة شكو جاي لغرفتي
غيث:-بيتي واني حُر بي
ملاك:-اي جا وديني لأخوي يلا
غيث:-انعل ابوج لابو حتى اخوج
حجاها وهو متجهه للباب
صحت:-لاتغغغغغغغلللللط
راد يجي يضربني
صحت بصوت عالي اتراجع وذب نفس
قوي
وراح
واني يومية بليل اراقب بي
ماينام يضل يتكلب ساعتين 3 يلا ينام
وبيوم
العصر اجتني ريم تفرك ايد بأيد
ملاك:-شبيج؟
ريم:-باعي هو اني شاكة مو اكيد
ملاك:-شكو؟
ريم:-يمكن حامل يممممكككن
انقبض گلبي
وابتسمت بفرح:-جذابة؟
ريم:-مادري مادري يمة توترررت
ملاك:-اوكفي يعني انتي حاسة انُ حامل شمدريج
ريم:-اتقيأ والد*** صارلها هواي ماكو
ملاك:-شون نتأكد
ريم:-مادري نروح اني وياج للمختبر؟
ملاك:-الاستاذ غيث مايرضى اطلع
ريم:-ياااا
ملاك:-نذل
ريم:-ماريد اگول لقيس اخاف يفرح
ونوب يضوج اذا ماكو
ملاك:-معليج اني اخلي غصباً ما علي نطلع
ريم:-خاف تتعاركون
ملاك:-ديلا ؏ اساس هسة احنة كلش
ريم:-يلا تمام بس رديلي خبر
ملاك:-خوش ديري بالج ؏ روحج
باستني وراحت
ذبيت نفس وراها وابتسمت
واني اهمس بگلبي ان شاءلله حامل ويفرحون بالطفل
اجة غيث گعدت
وياهم ؏ ميز الطعام وهو يتغدة
مدنك راسة:-اليوم اطلع ويا ريم
غيث:-وين؟
ملاك:-للمختبر يمكن حامل واني وياها نروح
غيث:-اي سيبي وحدج
ملاك:-احترم نفسك
غيث:-انطيج راشدي افر راسج فر
ملاك:-واني كذلك
ذب الخاشوكة وهو عاگد حاجبة
وشابك اصابيعة:-شلون يعني انتي كذلك؟؟
ملاك:-تنطيني راشدي انطيك راشدي قابل صعبة؟؟؟؟
غيث:-ها؟
ملاك:-والله ؏ كُلاً اروح العصر تاخذنة تاخذنة
ما تاخذنة أجر تكسي واروح
عفتة وردت اگوم همس:-صلفة والله
ملاك:-مايفيد وياكم العين واغاتي
صعدت فوك يمة شون جاي احجي
وياه اباوع لأيدي ترجف
يلا احسن حتى مايحجي وياي بعد
وضليت الضهرية كلها گاعدة
حتى ما انام
وللعصر دزيتلها رسالة
ولبست ونزلت لكيتة منتضرني
ابتسمت ومشيت كبالة انتضرت ريم
اجت من بيتها ودخلت للسيارة واني كعدت بالصدر
وهو اخذنة للمختبر
دخل سجل اسمها وهي اجت سحبتلها دم
وانتضرنة دورها
وهي لازمة
ايدي متوترة اجة دورها صاحوا اسمها
واني اسمع ضربات گلبها وابتسم
بحزن وفرح
رحنة ثنينة ابتسمتلها
المُحللة وكالت:-حامل حبيبي بالشهر الرابع
فتحت عيونها ؏ وسعها:-جذابة؟؟؟؟
ضحكت:-ليش اجذب مثلاً؟
ريم:-شلون بالرابع
_انتي شوكت حسيتي بروحج؟
ريم:-امس والله
_والشهرية صارلها شكد؟
ريم:-ما ادري بس من زمان
_انتي ما منتبهه واكو حمل يمشي بسرعة
سكتت ريم وكالتلها:-شلون اتأكد؟
_انتضري الدكتورة
هزت راسها واني اضحك:-شبيج ولج
ريم:-يمة لمن اشوفة يلا اصدك مستحيل
ملاك:-هسة خلي نشوف
والله صدك شوية ودخلنة للدكتورة
نامت ريم ؏ السدية واني لازمة
عبايتها واباوع
ضحكتلها الدكتورة:-اربعة اشهر وماتدرين؟
ريم:-اي والله
الدكتورة:-هسة انتي ليش مصدومة ؏ كيفج
ريم:-خايفة مادري ليش
الدكتورة:-لا ليش بالعكس هذا رزق
اكو غيرج يتمناه
دنگت راسي
؏ حذائي وسكتت وريمة باوعتلي ابتسمتلها
عيوني مدمعة
خلت الجل ؏ بطنها وضلت تمسد
عليها وتكللها:-هاي باعي شلون وكيح
فتحت تلفوني اصور
واضحك وهي دموعها تجري:-عززة هاي شنو
ملاك:-وينة هوَ
اشرتلي عليَ ضحكت
ريم:-زين خلي اسمع نبضات الگلب
الدكتورة:-اي دللي
فتحت مدري شنو وصوت النبض صار
عالي نزلن دموعي واني اسمعة
وايدي ترجف وگفت التصوير
ومسحت عيوني
ريم:-زين شنو هذا ولد لو بنية
الدكتورة:-لا ولد بس ناعم حيييل
ملاك:-هي حتى بطنها ماهي
ضحكت:-اي عادي اكو يجيبن وبطنهن زغيرة
مسحت بطنها وكامت ريم وهي
تباوعلي مبتسمة
تشكرناها وطلعنة وهي مكيفة:-ولج ما مصدگة
ضحكت وياها بفرح
اخذت ايدي وخلتها ؏ كلبها:-يمة باعي گلبي
ضحكت:-يمة حتى اني فرحت وياج
ريم:-لا لااا مو مثل فرحتي ماتحسين بيها
ابتسمت بهدوء وبقيت ساكتة
ومشينة واني لازمتها صعدنة بالسيارة
غيث:-ها؟؟؟
ريم:-حاااامل بولد
غيث:-شنهاي شبسرعة ولد
ريم:-مو صار اربعة اشهر واني مادري
غيث:-ها الف مبروك تتهنون ان شاءلله
ريم:-آمين يوم الألك
باوعتلها وعيوني
مدمعة من فرحتها جاي تأذيني بدون ماتدري
رجعت عيوني علي
دار وجهه عني وحك حاجبة
درت وجهي للجامة وفتحت الشباك
وغمضت عيوني احاول ما ابجي
حتى ما انفس فرحتها لو اخلي عيني عليها
واني ادري ماراح اسوي هيج
ولا راح انفس اختي بس يمكن تصير
لا اردي واني مو قصدي
مسحت دمعتي وحسيت
كلينسة انحطت بيدي باوعتلة يباوع للطريق
مسحت وجهي
وسكتت وريم
كالت مستحية:-عادي تاخذوني للسوك
غيث:-اي عادي
ريم:-ولو تعبتكم
ملاك:-انجبي عادي اني هم اريد اروح للسوك
ريم:-تمام لعد
اخذنة للسوك
وهي تفتر وتاخذ اشياء تجهزها
تريد تسوي حفلة لقيس وتفرحة وتاخذ
رأيي واني اكو اشياء ماعرفها واستحي منها
اخذنة غراض
ورجعنة وهي ؏ طول الدرب مبتسمة
ومن نزلنة شلت غراضها ودخلتهن وياها
للبيت كالت:-ضلي خلي نسوي اني وياج
ملاك:-يلا ماشي
طلعت لغيث گتلة:-راح اضل هنا
غيث:-لا تتأخرين
رجعت دخلت بدون ما اجاوبة
واني احضر وياها للعشرة ويجي قيس
وهي فرحانة
مكيجتلها ورتبتها واني اضحك
وياها
ريم:-لا لو مخليين مكياج ازرك
ملاك:-انجبي هيج حلو
ريم:-يا ثوب البس
طلعتلها ثوب نوم حلو بس مفضوح
تگلي:-قيس مايرضى البس مستور
ضحكت گتلها:-سا*** قيس
ضربتني بجتفي:-لج لاتغلطين ؏ رجلي
دمغتها:-مو صوجج صوجي اني صارلي ساعة اشتغل وياج
حصنتني حيل بوستها
وطلعت ارجع لبيتي فتحت الباب
وصرت وراه غمضت عيوني
ولميت شفايفي للداخل:-يارب لاتخلي عيوني
عليها لاتخليني احسدها بدون قصد
عدي حملها ؏ خير ياللهي لاتخلي حرگة گلبي
؏ طفل تأذي اختي مو قصدي والله اغار منها
والله ماريد هيج
مسحت دموعي ودخلت بدون ما اباوع
لأحد لليل واني نايمة
احس اكو واحد يلعب بگذلتي
ما گعدت بقيت نايمة ذب نفس ؏ رگبتي
باسني بهدوء بخدي وضل نايم
رجعت غفيت وللصبح ماشفتة موجود يمي
ومَرت يومين وعزمونة ريم
وقيس ضحكت عليهم وبدلنة ورحنة
جانت عازمتنة ؏ غدة
اول ما دخلنة جاسر طلع
من الاستقبال يضحك شفتة لو احس
گلبي فرفح
سكت بس شاف غيث
رجع عيونة ؏ زينب وباوعلي
همست:-جاسر حبيبي
ركضتلة وضميت راسي
برگبتة وهو شبگتي بهدوء وباس راسي:-شلونج
ملاك:-زينة انت شخبارك
هز راسة وغيث
طب بدون مايسلم وجاسر
فكة يتحرك بعصبية عافني وراد يطلع:-وين رايح
جاسر:-هسة ارجع
طلع
باوعت ورا بغصة حتى انتوا خربتوا
من وراي؟
دخلت لريم مخبوصة تنضف وتعزل
ورغد وياها باوعتلي وشبگتني:-شلونج
ملاك:-؏ الله
رغد:-خو ما مأذيج؟
ملاك:-لا بس حبسني كم يوم
رغد:-ايا جلب
ضحكت وذبيت عبايتي وجريت
ريم وخليتها تگعد واني ورغد ننضف ونضحك
ونطبخ
صبينة الغدة نكلت الغراض
وصحناهم لان كلنة ناكل سوة
شلت الدولكة وباوعت
لرغد:-يلا
رغد:-لا روحي اكل هنا
ملاك:-ليش
رغد:-ماريد اشوفة روحي ملاك
ملاك:-رغد هذا اخوج
عينها صارت حمرة:-مادام خلة دمعة يتيمة
مثلي تطيح مستحيل اعتبرة اخو
سكتت واخذت الغراض
وهي تاكل ومقهورة دخلت للصالة
گال ازهر:-وين رغد
باوعت لغيث وگتلة:-ماترضى تجي
رفع عيونة بهدوء
ورجع دنگهن وضليت آكل واباوعلة
وهو عينة لو ؏ مطبخ لو ؏ ميار
حتى الأخ واختة
تخاربتوا ومن ورا منو؟
من وراي...
ضليت آكل وحتى من بقينة
ضلينة گاعدين يمها بالمطبخ مارضت تدخل
اخر شي اخذها زوجها وراحت
ملاك:-شراح تسموا
قيس:-جود اكيد
ملاك:-يا ليش جود
قيس:-اسمعي حبيبتي خلي اشرحلج
غيث:-راح احط النعال بحلگك
قيس:-شكو انت مو ماتحجي وياها
البت صاير بيها جفاف عاطفي
ضحكت بهدوء وهو كال:-هسة اسمي قيس
وريمتي شسمها؟
ملاك:-انت كلتها ريم حتى بهاي غبي
قيس:-اي هي كسولي واني كسولي شنصير
غيث:-عُظماء
قيس:-تاج راسك
ملاك:-اي كمل شرحك بلة
قيس:-اني حروف اسمي 3 وريم 3 وجود 3
دباعي اللطافة
غيث:-اويلي عليك ابو اللطافة
قيس:-والعباس لطيفين
ملاك:-اللطيف حتى مايحلف يصير كيوت
قيس:-معليج اختلافات حبي
ريم:-بس ترة حلو تفكيرة
غيث:-حجت الكسولي ماتنجحين راح تعلگين
طفل وهم ترسبين راح تاخذين عرصة ؏ كد ما جلبتي بالسادس
ضحكنة كلنة
وهي كالت:-اي وعلي ياااا نسييييت السسسااااددددسسسس
غيث:-گرت عينج
ريم:-يمة ولك قيس بعد شهرين الوزاري
قيس:-حبيبي تطبين انتي وابني تسحلين الوزاري وتطلعين
ريم:-اي ماماتي اني اقرة وانت احفظ حتى تغششني
متت ضحك مخليها مخبلة مثلة
للعصر ورجعنة للبيت واني فرحانتلها حيل
مر شهر وجابت ملك
سنة الحوامل هاي انقهرت عليها
حتى محد يمها من جابت
ثاني يوم رحنالها اني وغيث
واحنة ما نحجي ابد ولا نسولف حتى بالبيت
مجرد سؤال وجواب وهو ينام جوة بالصالة
ماينام بغرفة زينب
گعدت بصفها وهي
تسولفلي ؏ الألم:-ولج متت متت
ملاك:-الله يساعدج
ملك:-شايفة من اصيح احس ملك
الموت گبالي
ملاك:-يمة
ملك:-اسكتي تخوف يگول يدخلوني للگبر
واني عدلة
ملاك:-الحمدلله جبتي بخير وسلامة
ملك:-ردت اسميها ايمان بس ما قبل
ملاك:-هذا هو اذا مايرضى لا تلحين عليّ
هي هم بنتة واكو اسماء حلوة
ملك:-ترة حلو
ملاك:-لُجين هم حلو
سكتت واني
اباوع لبياضها الناصع ونعومتها
ابتسمت وغيث وحسين يسولفون سوة
گبالي
گامت حتى تغسل
واني بقيت يم الطفلة امسد ؏ راسها
وابتسم
فزت وگامت تبجي
هزيتها بكاروكها وهي تبجي بصوت
ناصي ينوص
حسين:-شيلها ماتسكت هيج
بلعت ريكي:-اخاف توگع
حسين:-لا شيليها عدل
عدلت عبايتي ودنگت اريد
اشيلها ماگدرت ترجعت لورا همست:-اخاف
حسين:-ماتخوف حطيها بحضنج
غيث:-لحظة اوكفيلي
اتقدم وشالها ؏ كيف وهو يرجف
باوعتلة وتربعت وهو خلاها
بحضني عيوني دمعت مسدت ؏ شعرها الخفيف
ملاك:-يا حبيبتي
مسحت دموعي وبقيت اهز بيها
سكتت ضليت مدنگة اباوعلها ودموعي تجري
عليها
ملاك:-لولو حبيبتي الحلوة ولج شو افتحي عيونج
ضحكت واني احجي
وياها وامسح دموعي ورجفة جسمي
وهي بحضني احس بيها
كامت تبتسم ضحكت بصوت
عالي:-ضحكتتت
رفعت راسي عليهم كلهم يباوعولي
وملك تبجي همست:-شبيكم
اجت ملك يمي وباستني
وضحكت:-عدلي راسها هيج
عدلتلي ايدي وخليت راسها عدل
ضميتها لصدري واني اضحك واسولف وياها
لليل يلا رجعنة
واني فرحانة لأخواتي وادعيلهم بگلبي
ورة أيام
واكفة اغسل الأماعين
واحس بگلبي نغزات غسلت وجهي
بهدوء
سمعت صوت وراي
درت وجهي لگيتها زينب:-شبيج؟
نزلن دموعها وگالت:-ملاك
ملاك:-شكوو؟؟
مدت شريط گبالي وگالت:-اني حامل
عگدت حاجبي وعيني ؏ الشريط
ماشوفها اله انسحبت من شعرها
من ورا
رفعت عيوني شفتة غيث
طبگها ويا الكاونتر وهمس:-مننننييييينننن حااااامممممل
صاحت:-منك والله منننننننكككك...
