رواية لأني عاقر الفصل الخامس والأربعون بقلم مريم خفاجة
ومَنّ حَبيتة مَا حِبني
ورغُم ذَاكَ التعِب وياه تَـعبني
هَدم محروگ أضحي بكلشي
ويَذبني
وأهتمَامك چذبة چان
الله لا يَنطي أربَعينّك
لاحِگيني بكُل مَكانّ
أربعينّك بالشَكل!
مو بالأمِانَ...
غمضت عيوني وصوت الحزن عالي
وطاغي بالبيت خليت راسي
؏ حافة الباب ودموعي ماخذة مسارها
اجتني طفلة زغيرة گالت:-واحد يريدج
گمت وركبي يوجعني
وصلت للباب شفتة قيس حجيت بصوت
مبحوح:-ها قيس
قيس:-يلا ترحين؟ كمل غيث الأجراءات
باوعت للوضعية وغمضت عيوني
ورجعت باوعتلة:-يلا هسة
هز راسة وراح
واني امشي بصعوبة من الم رجلية
باوعت للبنات حاضنات رقية وهي مو بوعيها تحجي
وخالاتها وعماتها الكُل يبجي
؏ عُمرها الراح هدر!
دخلت لغرفة
واني اشوف اخوات ام عبدالله
محاوطاتها وهي شابگة ملابس بتها
وصافنة بالفراغ
اي
زينب ماتت!
تقربت منها ومسحت
وجهها وشهگت وهي رفعت عيونها علية
ملاك:-راح اروح عمة
ام عبدالله:-ديري بالج على زينب
غمضت عيوني وشهگت بكل
قوة وهي رجعت راسها ؏ ملابسها
خليت ايدي ؏ حلگي واني ابجي
عفتها وطلعت لبست عبايتي وايدي ترجف
طلعت امسح بدموعي
واخفي شهگتي كافي تعبت طول هالأيام
باوعت لخالاتي وگلت:-راح تضلن؟
وجدان:-هسة شوية ونروح
انهار:-انتي راح ترحين يمة؟
هزيت راسي بـ اي
حاولن يهدأني ماگدرن عفتهن وطلعت
قيس برة يدخن شافني سحك الجگارة ومشة كبالي
صعدت بالسيارة وهو صعد
حطيت راسي ؏ الجامة ومشة بالسيارة
ساكت
نص الطريق وهمست:-طلع الطفل؟
قيس:-اي
ملاك:-مابي شي؟
قيس:-زيادة بالوزن الطبيعي يعني مو مثل
اي طفل وزنة طبيعي
ملاك:-زين يتعالج؟
قيس:-اي بالرياضة لازم تعودي من سن الخمس سنين
هزيت راسي ودرت وجهي
سمعت صوتة:-ملاك
مسحت دموعي وهمست:-ها
قيس:-تتقبلي؟
شهگت وضميت حلگي
بأيدي:-ما ادري
رجعت راسي ؏ الجامة وتذكرت
جملتها
"ملاك اعتبري ابنج مو ابني اني أذيتج هواي"
دمرتي نفسج؟
ودمرتيني؟
وشنو السبب؟
مُجرد فضول؟
وانتي طفلة؟ عُمرج 18؟
قبل كم يوم احتفلت بعيد ميلادها
بالمستشفى واني اشوف وجهه الشاحب بسبب
المَرض الماصحت منة
ابتسامتها خلت گلبي يرجع يفز
واموت قهر
شنو السبب الخلاج تدمرين نفسج؟
وصلنة لبغداد واني روحي تلعب
والدنيا كلها طلعت من عيني
دخلت للبيت وتشكرت قيس
وهو راح لريم
دخلت الوحشة تكتل
والحيطان تبجي ؏ الطفلة الراحت ضحية
ضحية غيرة وحسد عيشة
ضحية وهي بدون ماتدري شسوت بنفسها
لو ما دازة الصور صار بيج هي يازينب؟
عذبتيني وأذيتيني تاليها
انتِ التأذيتي شنو ذنبج؟
انتِ هم وكعتي ضحية ماضيي؟
فتحت باب المطبخ
ودخلت لجوة عيوني وگعت ؏ اماعينها
بجيت بحرگة قبل أيام موديتلها
اكل للمستشفى
سبعة اشهر تأذت وتعبت وهي تدعي
مايصيرلها شي
اتذكر گالت:-ماريد اموت اريد اشوف ابني
ملاك:-انجبي ان شاءلله تصيرين زينة
زينب:-اذا متت شتسوين؟
ملاك:-زينب راح ارگع راسج بالحايط
زينب:-بس اشوف ابني حتى لو يوم واحد ونوب الله ياخذ عمري
ملاك:-يابة ليش ماتسكتين ترة عادي
وإذا تتخربطين كأي حامل هيج يصير بيج مو ريم
زينب:-الله كريم
سكتت عنها واني مقهورة عليها
ومقهورة علية
ثنينة تأذينة بسببهم...
نزعت عبايتي وصعدت بدلت
ونزلت ايدي ترجف فتحت باب غرفتها
صوت شهگاتي علت واني
اشوف علاگة ملابسها الجبتها من المستشفى
گعدت بالگاع ابجي واشهك
واني حاضنة دشداشتها واشم ريحتها
جانت مثل بتي
اعتنيت بيها ولا خليت
الغيرة ولا اهتميت لأي شي
اهم شي هي تصير زينة جان هذا الماخذ
عقلي وكلشي بية
حتى غيث!
ولأول مرة ماهتميت
لا خيانة ولا حب
طفى كلشي بية اتذكر نضرتة بذيج
اللحظة وهي تگلة:-منننننك وااااللله مننننك
درت وجهي
عليّ وعيوني دمعت
عيونة ما حطها بعيني اتجهها
الها بعدتة وهمست:-عوووفها شتريد تسوي؟؟
جرها من متونها وهمس:-هذا يوكعععع فااااااهممممة لووووو لاااااا
زينب:-وااااللله انتتت تقربتللللي مررررتين
لاتنكررر حراااام علييييك
تقرب منها خنگها ورفعها لمستوى:-وخررررر عنههههها اتخبلتتتتت
واني اشوف وجهه صار ازررك
وكامت تلولح برجليها
تخبلت ضيلت ادفع بي واحاول اوخرة عنة
رگعها بالگاع وهي
تشهك وتبجي وتحجي متقطع:-والله منك واللله
باوعتلة وصفگتة راشدي
قوي:-الله لايووووووفقككككمممم ولكمممممم كاااااافي ارحممممموووووا حووووواااااء كاااااافي تعبتتتتتوووونة وأذيتوووووننننة لشوووووكت نتحممممل مهاننننة منكم وضلم وقهههههر كاااااافي كاااااافي
اطللللللع برررررررررة
عافني وطلع ورگع الباب وراه
حيل باوعتلها واني ابجي:-شلوووون حااااامل شلووووون
زينب:-والله هوو جبرني
ملاك:-شلونج جبرج؟؟؟؟
انتي تكولين مثل اخووووي وين الأخوووووة وييييين
زينب:-ملاك اختنگت
ضليت امرغ بصدرها گومتها
وگعدتها ؏ التخم وهي گوة تتنفس
ركضت للمطبخ وجبتلها ماي
واني اشربها واجسامنة ثنينة نرجف
لشوكت حواء تبقة ترجف من ضلم آدم؟
گعدت بصفها
وباوعتلها ودموعي تجري:-زينب راح تعيديلي الماضي؟
هزت راسها بـ لا اكثر من مرة
صرخت بوجهها وهي سدت اذانها:-لعدددد
شتفسسسسىرررررييييههههها هممممم خيييياااااانة هممممم ضللللللم وبالأخير انتي راح تجيبين وهو يصير الج؟ وملاك؟ لشوووووكت تعذبووووني محدد رحمني محد حتى انتي زينب؟
زينب:-والله لا والله
ملاك:-سولفيلي زينب راح اموت
بدت تسولفلي واني مصدونة
بقة راسي يفتر وياه الحق وياها ماعرف احس
كلشي تاه
اخر شي ختمتها بـ:-فضولي وداني للداهية
ملاك:-اي فضول زينب ماجاي افتهم؟؟؟؟
ابتسمت ومسحت دموعها:-بعدين تفتهمين
عافتني وگامت واني رحت
وراها واحجي وياها:-زينب خلي نروح لبيت جاسر ماريد اضل هنا بعد كل هذا الصار اخاف عليج واخاف ؏ روحي
زينب:-يكتلوني ملاك
شمرت العطور الي على الميز واني اصرخ:-للللج
اححححححجججججي عدددددل ماجاااااي
افتتتتهم زييييننننب
زينب:-ملاك ماگدر اروح خليني هنا روحي انتي
ملاك:-تعبنة من الضلم زينب
ابتسمت:-لحد ما نموت نموت مضلومين
هاي احنة بشر حواء محد ياخذ حقنة
هزيت راسي بـ لا:-احنة ناخذ حقنة بأيدنة احنة
نگدر اخذج ونروح لبيت اخوي هو يأسسلنة
حياتنة وحتى اهلج عوفيهم
زينب:-غيث يحبج
ملاك:-اي حب هذا؟ الحرك گلبي وعذبني
شيحبني؟ خاني ورجع كرر الماضي
وهو يدري بحركة گلبي مع ذلك ماهتم؟
وترديني هسة اهتملة بعد السمعتة منج
لزمت ملابسها وگالت:-اذا ترحين اني ماروح
لان اعرف شراح يصيرلي ورا ماروح
ملاك:-شيصير؟
زينب:-عبدالله خليني متأذية
من غيث ولا منة
ملاك:-من رجعتي كتلج؟
ضحكت وعبرتني وراحت للحمام؟
ليش احنة هيج؟
شنو سبب ضعفنة؟
ليش ما جاي نعرف نفكر صح؟
سكتت ورحت لباب البيت
وقفلتة وقفلت كلش وكتبتلة رسالة:-لاتوصل
بعد للبيت مادامك هيج انتَ
رجعت كتبتلة:-أكو نُقطَة بِـ سَواد العين بِهاي النُقطَة خَليتَك
كتبتها وشفتها وصلت وحضرتة
وگعدت بزاوية البيت شنو الخلاك تكسرني هيج؟
شنو الجبرك وليش؟
كسرتها وكسرتني؟
هواي كسرات صارت؟
لازم اوگف ؏ رجلية بس شلون؟
وزينب؟ شنو مصيرها؟
لزمت تلفوني حتى ادك ؏ جاسر
حسيت روحي ثگيلة
حسيت نفسي كافي!
جاي اتعبة ويمكن يمل مني؟
ذبيت التلفون بعيد وبقيت ابجي
واني استغفر ربي طلعت زينب من الحمام
تمشي ؏ كيفها وگعدت گبالي:-هسة شنسوي؟
ملاك:-مادري
زينب:-نتيجة الماعندة سند
ملاك:-عندي سندددد عنددددي بس ليش
احس روحي ثگيلة عليّ
ضحكت:-نفس احساسي
ملاك:-ليش احنه هيج؟
زينب:-لأن من البداية اساسنة ضعيف
شلون تردين تبنين بُنيان قوي؟
ملاك:-شلون يعني؟
زينب:-بكل بساطة امج تنضرب وهي ساكتة
انذلت ونزلت كرامتها وهي ساكتة وانتي
الوحيدة الي وياها جنتي تسنديها بس
هاي المواقف انطبعت بعقلج
ونفس الشي الي جانت تسوي امج تسوينة انتي
لان ماجاي تشوفين حل ثاني لان بالأساس
عقلج قافل يتقبل شي غير المطبوع هنا
وأشرت ؏ عقلها ورجعت
كملت:-اما بالنسبة الي اني
بسبب كذلك اهلي خلونة ضعيفين امام كل رجال
فـ لذلك نخاف شلون نتعامل وياهم ولا نعرف
شلون نوكفهم عد حدهم
ملاك:-لا لا تفكيرج غلط احنة نگدر نسوي كلشي
زينب:-شنسوي مثلاً؟
ملاك:-نتطلك منة ونضل كاعدين بهذا البيت
ضحكت:-وغيث يسويها؟
صفنت بعيونها:-نخلع بالمحكمة
زينب:-ماتگدرين تدرين ليش؟
ملاك:-ليش؟
زينب:-بحياتنة كلها ما متجرأين ونوگف كبال
الضلم وبحياتنة كلها ماگلنة لا لليضلمنة
ولا شفنة موقف مثل هذا حتى نتقوى
او ناخذ من عندة حكمة
وصدگي لو نروح اني وياج نوگف گبال القاضي
نفسنة الي تجرأنة واجينة برجلينة
راح نطلع واحنة راضيين نضل وياه
ملاك:-لا لا صدكي نگدر
زينب:-اذا انتي تگدرين فـ اني ماگدر
ولا اعرف اوصل محكمة واسوي هيج اشياء ابداً
ملاك:-ليش خايفة؟ جاسر ويانة
زينب:-وشنو اليضمنلج جاسر يبقة وياج للأبد؟
ما انتي شفتي كمال وغيث وابوج
ليش بعدج تثقين بجنس آدم؟
ملاك:-جاسر مو مثلهم
زينب:-ليش ثقيتي بغيث لعد من البداية؟
نفس هذا الكلام گلتي غيث مو مثلهم
غيث تقبلني واني عاقر اكيد راح يتقبلني للابد
بس انتي من اقل غلطة منج جابني واجة وياه
وجاسر نفس الشي يتزوج ويخلف جهال
بعد يتذكرج؟ يمكن يسأل اي بس مراح
يعيشج للأبد راح تبقين طول عمرج ناقصة
لان اصلا احنة بدايتنة نقص
اصفن بكلامها ويطلع كل كلمة كالتها
صح؟
ليش ماعرفت افكر من البداية؟
ملاك:-معناها راح نموت مضلومين؟
زينب:-ولا ضالمين
ملاك:-صدگيني نكدر والله بس حطي ايدج بأيدي والله نگدر نأسس كلشي اني ماگدر وحدي
صيري انتي وياي
زينب:-وثنينة ماراح نگدر
ملاك:-دكاااااافي شبيييييج
ضحكت:-نگول صرت وياج شراح نسوي؟
ملاك:-نتطلك
زينب:-تطلگنة وبعدين؟
صفنت بيها
ضحكت:-ها؟ اذا خلص مسواكج منو يجيبلج اكل؟
انتي تطلعين تجدين مثلاً؟
لو وكعتي وتخربطتي تركضين بروحج؟
لو اني اركضلج مريضة القلب والسكر والربو؟
دگيت ؏ رجلية وبجيت
بحرگة:-شگددددد گاااااالتتتتتلللي امممممي ادررررسسسسسسي امدددددا حضضضضي
زينب:-گتلج بدايتنة مو صحيحة
ملاك:-نفتح مشروع؟
زينب:-وهالمشروع منين تجيبيلة فلوس؟
ملاك:-كلشي يدبر
زينب:-شلون يدبر؟
ملاك:-اخواتي واخوي موجودين
ابتسمت وعيونها تلمع دموع:-قيس اخذني مرتين
للمستشفى سمعتة يگول لرغد اني مافارغ
لغيث ونسوانة
تطلبين من حسين؟
ملاك:-اكيد لا
زينب:-لعد؟ جاسر؟
ساعدج شهر شهرين سنة سنتين اربع سنين؟
وبعدين؟ للأبد مستحيل
ملاك:-ولا غيث يگدر يعينة
زينب:-يگدر لان احنة زوجاتة فـ غصباً ما علي يعيشنة ثنينة بنعيم وهو الممنون
ملاك:-زينب راح اتخبل ماعرف افكر انتي شلشتيني شلش
زينب:-تدرين يمكن اليشوفنة او يسمع قصتنة
راح يفكر بهواي اشياء وهواي حلول
بس هو ما عايش ويانة ويشوف تفكيرنة المحدود
الأنسان من يوگع بمصيبة يفكر تفكير
بس يريد يخلص بأي فكرة تجي
حتى لو جان اسوء حل المهم يخلص وتروح
وتجي ايام وبعد عشر خمس سنين راح يضل
ياكلة الندم ليش ماسويت هيج وليش ماسويت هيج
ملاك:-عفية مثلي هسة قبل سنين رفضت
ادرس لان مابية حيل وهسة متندمة
متندددمة
زينب:-شفتي شلون
بقيت اباوعلها حزينة
وهي ابتسمت وراحت لغرفتها تنام
صعدت لفوك
اريد انسى كلشي مريت بي
تعبت من هالدنيا تعبت
ومَرت أيام
وبيوم نزلت لزينب اصيح
بأسمها وماترد طبيت لغرفتها والگاها
واگعة ضليت اصيح واحاول اگعدها ماتگعد
وجهها اصفر واديها صفر
وضاغطة عليهن حيل ضليت ادك ؏ راسي
رغد وزوجها بالزيارة
وقيس بالدوام منو الياخذنة؟
ماكو غيرة هو
ركضت لفوك
واخذت تلفوني وايدي ترجف
دخلت ؏ ارقام ادور رقمة ماهو
ضليت ابجي واشهك واتذكرت اني حاضرتة
رحت لقائمة الحضر وفتحته
واتصلت عليّ
قريب ما تخلص الرنة
جاوبني بصوت تعبان:-ها ملاك
ملاك:-زيييننننب تخررررببببطططت محد هنا ماتكعددد
غيث:-جاي
نزلتلها سحبتها للجرباية ماگدرلها
ضليت احاول اصيحها رشيت مي ؏ وجها
دگيت ؏ خدودها وهي ماكو وحلگها ابيض
انفتح الباب وتقابلت عيوني
بعيونة همستلة:-راح تموت
تقدم وشالها واني لبست واجيت
وراه ركض اخذناها للمستشفى وبقيت انتضر
برة الغرفة وحاطة ايدي ؏ حلگي
وافتر وغيث واگف ؏ صفحة
شوية وطلعن الممرضات دخلتلها جانت فاتحة
عيونها ومخليلها اوكسجين وگوة تتنفس
باوعتلي تقربتلها مسحت
؏ شعرها:-ها صرتي زينة؟
وخرته عن خشمها وهمست:-زينة
بست گصتها
وهي باوعت لغيت ابتسمت:-مو گتلج نحتاجة
ملاك:-الله ياخذهم
سكتت ورجعت الاوكسجين وغمضت
عيونها وبقت تتنفس بهدوء
وفعلاً احتاجيناه اكثر من مرة
مرة مسواك مرة مرض وووو مانخلص
وبيوم نزلت
للمطبخ شفتة كاعد يگرض اضافيرة
درت وجهي اطبخ
وافتر وهو ؏ گعدتة باوعت لأيدة
تجري دم
عفتة ماحجيت وياه
واني ضلت عيوني عليّ كل ساعة اباوعلة
اضافرة تجري دم گام يگرض
الأضفر ويا اللحم
لعبت رحي ونترت:-ترة الدم جاي يجري من ايدك
ما جاوبني
تقربت من يمة اخذت المگراضة
وحطيت كلنس ؏ ايدة:-لعبت روحي ترة
ماحجة عافني وگام
فزيت من خيالي واني بوسط هدوم
زينب
اشم بيهن وحدة وحدة
شسويتي بروحج شسويتي غفيت بدون
ماحس ؏ جربايتها
تقربت أمي مني واني گاعدة
بنص الحديقة وغيث يحرث بالگاع
والأرض خضرة وكلما يحرث مكان يطلع شي اخضر منها
ابتسمت لأمي وهي بيدها شي
ابيض خلتة بحضني وگالت..
أيمان:-ديري بالج على عبدالله الرضيع..
وگعت رجلي بالگاع وفزيت
انفاسي تتسارع
الباب يندك بقوة واني عقلي بالحلم والخيال
حطيت ايدي ؏ صدري اهدئ نفسي
گمت واني رجلية موتتني من الألم
اتجهت للمطبخ
فتحت الباب واشوفة غيث قابلتة
بنضرة حزينة وهو كذلك تقرب باس راسي
مسحت دموعي وهو دخل
سديت الباب ودخلت وراه
خلة الطفل ؏ القنفة وهو ذب روحة
ومتجي راسة ؏ حافة القنفة
ضليت واكفة بعيد اباوعلة
فتح عيونة وباوعلي:-شبيج؟
ملاك:-مابية شي
غيث:-تعالي
تقربت رجلية تقدم رجل وتأخر رجل
وعيني ؏ طفل
گعدت بصفة واباوعلة رجعت
عيوني ؏ غيث وهمست:-شراح نسوي؟
غيث:-شنسوي؟
ملاك:-الطفل؟
غيث:-الله كريم ابوية
رجعت باوعتلة ومسحت
عيوني:-سميتة؟
غيث:-تؤ سميتة بأسمي
همست:-سمي عبدالله
غيث:-ليش
ملاك:-حلمت بأمي خلت طفل بحضني وگالت ديري بالج على عبدالله الرضيع
ذب نفس عالي
وجر راسي لحضنة شهگت:-ليش سوووت برووووححهههها هيييييج لييييييش
غيث:-كافي حبيبي تعبان والله
ملاك:-ماتت وهي تعبانة ومريضة
ماتت وهي ضالمتني ومقهورة علية
يمكن عبالها راح أأذي أبنها ماتت خايفة من عندي
تأذت هي وأذتني
وانتوا اذيتوها
اني الوحيدة الي ما أذيت ولا واحد
وكل ضني اذا ما أذي احد محد يأذيني!
سكت وضل يمسح براسة
رجعت عيني ؏ طفل وهمست:-ماتت أمك وانتَ ضليت وحدك حبيبي خلتك وحدك ليش
ضعيتي روووحج لييييش
مسدت ؏ خدة الترف
ودنكت بستة ومسحت دموعي النزلن
؏ خدة
غيث:-شگالتلج زينب وطلعتي تركضين من غرفتها؟
مسحت وجهي وباوعتلة:-متفقة ويا ولاء ودازات الصور الك بس هي معليها ذيج الگـ*** اني اعلمها
غيث:-شلون يعني الرقم ايراني بابا؟
بلعت ريگي وگتلة:-باوع من دخلت لغرفة
زينب صاحتلي
زينب:-تعاي اگعدي يمي
تقربت واني دموعي بعيوني احاول
ما انزلهن اخاف تتأذى:-ها حبيبي
زينب:-ملاك اني ؏ فراش الموت
ملاك:-لا اسم الله حبيبتي ان شاءلله تطلعين كلشي مابيج
ابتسمت:-سمعت شگالتلكم الدكتورة
ملاك:-عادي هم يحجون هيج دائماً
والله لطيف بعبادة راح تصحين ومابيج شي ان شاءلله
زينب:-؏ كُلاً مستحيل تقنعيني
ضحكت:-اطلعي بسلامة ومحضرتلج كتلة
نزلن دموعها وكالت:-اريد اگلج شي
ملاك:-شنو
زينب:-اني اقذر انسانة ؏ وجهه الكرة الأرضية
ملاك:-ليش؟
زينب:-عضيت الأيد النمدتلي عضيت
الي ساعدوني ورمموني وشالوني من العذاب الآني عايشة بي اني انسانة قذرة لأبعد حد اني
أذيتج هواي وتعبتج هواي وبجيتج
واخذت زوجج منج ؏ رغم اني ماريد
هذا كلة بس بسبب فضولي هو سبب هلاكي
ملاك:-ماجاي افتهم
مسحت خدها وگالت:-تذكرين من رحت وياج لدورة السنة مالت امج؟
ملاك:-اي؟
زينب:-دخلتي انت تصلين بوحدة من الغرف
واني واكفة ؏ السنك اغسل
لان الحمام هوسة واكو ولد يم المغسلة
ماگدرت تقربت مني بنية حامل
باوعتلها وابتسما ودنگت
اتوضى خلصت وهي واكفة
عگدت حاجبي وكلت:-تفضلي رايدة شي؟
ولاء:-انتي زوجة غيث الثانية؟
زينب:-اي
ضحكت:-جذابة؟
زينب:-شنو؟
ولاء:-عزة ملاك شون متحملة وعايشة ولو هي شون عاد
نترت:-لاتحجين عليها
ولاء:-خية انتي فطيرة كلشي ماتدرين دتعاي
لزمتني من ايدي وفتحت الشباك
وگبالي صار ولد وبصفة غيث
اشرت ؏ واحد ضخم گالت:-تدرين هذا منو؟
زينب:-اي اعرفة دائماً ويا غيث
ولاء:-هذا زوجي
زينب:-وشنو يعني؟
ولاء:-طليق ملاك
عكدت حاجبي ونترت ايدها:-شدتحجين انتي
سدت الشباك وضحكت:-حتى انتي ضاحكة
عليج ماتشوفين الله شمسوي بيها
هالأدبسز
باوعت للباب ماكو احد
يجي ويسمعها:-انتي شبيح ليش تغلطين
عليها واني شنو الجابرني حتى اصدگج واجذبها
ولاء:-اكيد ماتصدگين بدون دليل
جرت تلفونها من جيبها
وهي تضحك دخلت ؏ الصور
وراحت ؏ البوم وطلعت صور ملاك كلهن
واني اشوفها ويا هذا الولد اخذت
التلفون من ايدها وشهگت واني فاتحة
حلگي
دخلت ؏ فيديو ملاك
نايمة وهو يصورها:-كمممممااااال وخررر
كمال:-شوو باوعيلي
فتحت عيونها للكامرة وضحكت وهو
خلة راسه برگبتها وهي عاطت:-كمممال
كمال:-عيون كمال شو باوعيلي احبج
ملاك:-اموت عليك
كمال:-ناخذ جولة؟
ملاك:-ماتشبع انتت ماتشبع
كمال:-منج اشبع؟
ضحكت وانطفة الفيديو وغيرة وغيرة
صور كومة وفيديوهات كومة
حطيت التلفون بيدها ورجعت باوعت لغيث
واگف بصفة يسولف ويضحك
شلون مايعرف هذا طليق ملاك؟
ولاء:-ها صدگتي بيها؟
زينب:-حتى لو هذا ما يهمني هذا ماضيها
ولاء:-يهمني اني
زينب:-شعليج انتي
مسحت دموعها وگالت:-لعد شتگولين واني
كل يوم اشوف زوجي يباوع لصورها؟
ونايم بغرفتها وشابك عبايتها لو ملابسها؟
واني عندي 3 اطفال وطفل وگع هو ضربني
ومات رغم عمرة 7 اشهر ببطني وهذا
بسببها الله لايوفقها
زينب:-لاتدعين عليها حرام عليج هي شعليها اذا زوجح يباوع صورها
ولاء:-لا عليها لعد شنو معناتها مخليتة يطب
ويطلع وي زوجها ويدخل لبيتها ويسولف
ويضحك؟؟ وهي تسويلة اكل وعشيات وغديات
زينب:-مادري
ولاء:-يعني عادي عندج غيث مخليتة ؏ عمى عيونة؟
صفنت بيها وسكتت
هي ليش ضمت هيج وخلتة عادي
يصادقة؟
جانت السالفة تافهه واتفهه منها ماكو
بس بالوقت الآني عرفت بي
جنت احسها شي جبير وهي ليش ضمت وووو
مادري ليش فكرت بهواي امور
معقولة ماتحب غيث؟
بقت تزرع بعقلي افكار
واني اباوعلها شنو اريد احجي؟ عفتها
ورحت حتى صلاة ما صليت
اجت وراي خلت رقم بأيدي
عصرتة حيل بأيدي وهي همست:-خابريني بأي وقت
سكتت عنها
وضلت عيوني تراقب ملاك
كل ما يطب كمال تتشرد منة وهو يلحگها
خفت منها وعليها ضليت وياها وين ما تروح
حتى من طلعنة وذاك يسولف
ويا غيث وعينة ؏ ملاك وهي متوترة تهز برجلها حيل وتباوعلة
ومن ردنة نروح گاللها:-مع السلامه ملوكة
ابتسمت وسكتت
دارت وجهها وهنا عرفت هي فعلاً طليقتة
ومن بعد الصور والفيديوهات مستحيل اجذب
عيوني
ومن رجعني غيث لبيت اهلي
يومين ودگت علية بقت تحجي تحجي
جرت لساني جر
ولاء:-عزة يعني هو اخذج ستر عليج؟
زينب:-اي
ولاء:-وهسة يطلگج؟
زينب:-اكيد
ولاء:-واخوج
مشكلتي وين ما اگعد او اي شخص
يحجي وياي اگعد اسولفلة الأول والتالي
اخ يالساني الماينلزم
زينب:-يدك بية اربعة وعشرين ساعة شسوي اضل متحملة
ولاء:-لا مستحيييل اني ماحب اسمع هيج مواقف
لازم ترجعين لغيث لان يدمر مستقبلج هذا
زينب:-واني شعندي يم غيث
ولاء:-يا غبرررة الانسان اذا ميدور مصلحتة
شيدور قابل؟ عزة ايع شگد انتي ماعندج
حياة بابا اسسي حياتج وعيشيها
لاتضلين تحسبين لذاك ولهذا
زينب:-شلون يعني
ولاء:-يعني ياعيني ارجعي لغيث وجيبي
اطفال وعيشي حياتج وياه
ابتسمت:-وهسة انتي عندج اطفال مرتاحة؟
ولاء:-وربي اي المهم عندي شي عندي سند عندي حياة قابل اضل للكتل ليش يمة
زينب:-ههه ما متعودة انتي اني متعودة عادي
ولاء:-لا مووو عاااادي اني اكلج شتسوين
بقت تگلي نسوي هيج ونسوي هيج
واني ارفض بس من جهه ثانية جان فضول بداخلي
غيث شراح يسوي اذا عرف صديقة
هو طليق ملاك؟
بتردد كلتلها تمام
وياريت لساني مكطوم
والرقم الي دز الصور لغيث
هو كالت هي تعرفة صديقها ماعرف شنو
بس هي اتفقت وياه
واني اسمعلها وعيوني تصب
همست بخيبة:-ليش زينب ليش؟
شهگت وخلت ايدها ؏ حلگها:-والله متندمة
والله ملاك ابوس ايدج سامحيني
مسحت عيوني وگتلها:-قبل كم يوم
گلتي نموت مضلومين ولا ضالمين؟؟؟
زينب انتي شنو؟؟؟؟؟ فهمممممييييينننننني
لللللللج اعتبررررررتج مووووو اختتتتتي بتتتتتي
تأذذذذذيييييننننننني هيييييج لييييييش
زينب:-والله تندممممت بكد شعر راسي
ملاك خليني اموووت مرتاااحة لاتعذبيني ابوس ايدج سامحيني ملاك
نزلت من الجرباية و وخرت المغذي
واخذت ايدي وتبوس بيها حضنتني
واني صافنة بالفراغ ليش
كلها تعض ايدي؟ ليش الأحبهم مايتمنولي الخير؟
حتى انتي زينب؟
دفعتها عني وهمست بحدة:-والله لو ادري
مو ؏ فراش الموت لو ادري تموتين وبس
مسامحتي الج تحييج ما اسامحج طول
عمري عسى رب العالمين يطلع
حرگة گلبي بيكم واحد واحد وانتي الله ماقصر
وياج لدرجة راح يخلي ابنج بدون أم
ويبقة متعلعل مثل گلبي
دفعتها وهي گعدت بالگاع
مفرفحة ردت اطلع وهي صاحت وراي:-ملااااك
باوعتلها واني اضم شهگاتي
بين الآمي
زينب:-ملاك اعتبري ابنج مو ابني اني أذيتج هواي
ملاك:-شيفيد؟
زينب:-اعتبري هو دوة لجروحج
لاتأذين ابني لأن اذيتج لاتسويها واني ادري
بيج ماتسويها
ضحكت:-تدرون بية ماسويها بس انتوا
تسون اللي يحرك گلبي ويعذبني
زينب:-غيث يحبج هواي اني السبب بكلشي
وابني ابني لاتجيبيلة طاريي گليلة ماعندك
ام انتي أمة اعتبريني من العَدم ولا الي وجود اصلاً
ابني او بنتي هو اعتذاري الج لطول
حياتج اعتبريهم بس كلمة وحدة کوليها وطلعي
ملاك:-شنو؟
زينب:-گولي مسامحتج خلي اموت مبتسمة
ميلت شفتي بأسف:-مو لخاطرج لا!
علمود ربي مايخليني بمكانج واتمنى رضاة احد
راح اسامحج بس الله موجود
هو ياخذ حقي منكم بالآخرة
عفتها وطلعت اركض لبرة
وامها تسألني شكوو
عفتهم وطلعت للحديقة البرة
گعدت بوسط الثيل
بجيت بحرگة گلب ودمعة مضلومة تحرك
خدي حرك
اني غلطت
بس ما استاهل احد يسوي بية هيج!
ليش كلها ضدي؟
سمعت صوت صراخ رج المكان رج
وهو صوت امها!
وماتت زينب...
