رواية ابي عذابي ومأساتي الفصل الرابع والأربعون بقلم سمر اسامه
.شهد
مر 3 ايام وليوم كلي جابر راح يجي علينه هو واخوه هيثم كعدت الصبح فرحانه لان راح يجي زوجي مشتاقتلك كلش
اطفالي صار عمرهم 7 اشهر فديتهم صايرين يخبلون
نزلن لكيت ساره تحضر ب غدئ وكفت يمها وبقينه نحجي ونضحك
شويه واندك الباب باوعت م̷ـــِْن الشباك كان جابر حسيت روحي طارت م̷ـــِْن الفرحه اريد اروح عليه ابوسه احضنه مدري شنو صايرلي ههههه
ابتسمت ساره وهمست هاا منو
رديت عليها بفرح حبيبي جابر اجه علينه رايحه استقبله. عفتها ورحت طلعت فتحت الباب لجابر
باوعلي بحب حضني بلهفه وشالني واني معلقه بعنقه
باوعت علئ هيثم يباوع علينه ويضحك
نزلت م̷ـــِْن جابر بفشله وسلمت علئ هيثم واجت ساره سلمت عليهم وهمه تباركو الها دخلو للبيت
سلمو علئ اخواني وعصام كان مموجود ساره اتصلت عليه وكلتله عن جابر وهيثم عدنه وهو شويه واجه علينه
سلم عصام علئ اخوان ساره وكعدو سويه يحجون رحت اني وساره حضرنه الغدئ وقدمناه الهم كعدو يتغدون
كملو وبقينه شويه وحجه جابر شهد حضري نفسج ولجهال حته نرجع عندي شغل لآزٍمٍ اخلصه
- انشالله. صعدت للغرفه حضرت ملابسي وملابس جهالي لان بأخر فترا اخواني كل شخص يطلع يجي مشتري شي الاطفالي م̷ـــِْن ملابس ولاعاب الغرفه انترست بس الهم
اخذت الي اكدر عليه ولباقي خليته ب كنتور م̷ـــِْن ارجع ثاني مره اخذهم ويايه
جهزت اطفالي وغيرت ملابسهم ونزلت اطفالي اخذت كريمه نمر م̷ـــِْن ايدي وصارت تبوس بيه وتشمه وتحجي ياعمري انتو والله تعودنه عليهم
ابتسمت ورديت انشالله ساره تحمل وتجيبلكم كومت جهال
اخذو الاطفال مِڼـّي م̷ـــِْن واحد لواحد يبوسون بيهم
اخواني كل واحد خله بأيدي فلوس وعصام حضني وخله بايدي همات فلوس وكلي كلشي تحتاجينه اني موجود
ويمته متحبين تجين علينه تعالي
هزيت راسي بأي باوعت علئ ساره ضاجت لان راح نروح وتبقه لوحدها
رحت عليها وحضنتها وصارت تبجي همست اشش لاتبجين. والله اني ب كوه لازمه نفسي مابجي اتمنالج كل الخير ولسعاده يروحي
انشالله تكون حياتج كلها فرح
ابتسمت وردت سامحيني اذا بيوم غلطت بحقج والله انتي مو بس مرت اخوي لاوالله اختي
ودعت الكل ورجعت ويه حبيبي جابر للبيت كان طول الطريق يباوع علئ الاطفال وميشبع م̷ـــِْن شوفتهم حسيت بلهفته عليهم وحبه الهم
بقينه ساعات نمشي ب طريق وصلنه البيت الساعه ب 8 بليل. فتح الباب ودخلنه عمتي كانت شايله اسد واني نمر.
كانو نايمين مثل الملائكه اخذتهم وصعدتهم للغرفه فتحت الباب وسحبت نفس بقهرر تذكرت كلشي صار هنا
وخيرا ياربي انحل هل خلاف وراح نعيش حياتنه بسلام ياربي ماريد تختبرني بشي ثاني والله اكتفيت
اخذتهم خليتهم ب كاروك ونزلت شفت عمتي دخلت لغرفتها وكالت تعبانه راح انام ورتاح
رحت علئ جابر كان كاعد ب صاله ومبين عليه تُعباُنٌ كلش لان بيوم راح للانبار ورجع
تقربت منه وكعدت يمه وحجيت شبيك حبيبي
رد عليه راسي يوجعني كلشش راح ينفجر وعندي شغل لازم اطلع واخلصه
خليت ايدي بشعره وهمست خليني ادلك راسك شويه بلكي يتحسن.
تمدد علئ الغنفه وخليت راسه بحضني وبقيت ادلك براسه شويه وحسيت عليه نام بقيت صافنه بملامح وجهه
اسفه يروحي كل هل وجع ولعذاب بسببي اني خليتك هيج تتاذئ.
بست راسه وهمست جابر حبيبي اكعد نام ب غرفه
فتح عيونه بنعاس وهمس اؤف نمت ورايه شغل اني
كعد علئ الغنفه وصار يفرك براسه بتوتر.
تقربت منه وحجيت اسويلك عشئ اجيبلك علاج تشرب
ابتسم وسحبني عليه باس راسي لا يروحي ماريد راح اطلع اكمل شغلي ورجع انتي اذا جوعانه تعشي ونامي رتاحي.
هزيت راسي بأي وحجيت اوك راح انتضرك ترجع الاطول
عافني وراح لشغله مبين كلش مهم لان مابقه لباجر
صعدت لغرفتي دخلت سبحت وبدلت ملابسي بقيت واكفه علئ الشباك
فتحت الشباك ودخل بأنفاسي الهوئ البارد تنفست برياحيه. يارب غير م̷ـــِْن حياتي وخليني اعيش بسلام
بقيت واكفه واتأمل النجوم ولقمر. كعد نمر وصار يبجي رحت عليه خليته بحضني رضعته وصرت امسح علئ شعره
نومته ورحت سديت الشباك ورجعت تمددت علئ السرير. صارت ساعه ب 11 ولسه جابر مارجع ياربي وينه ليش هيج تاخر.
هو طلع ب 9 وهسه ب 11 صارله ساعتين م̷ـــِْن راح هو كال ماطول
اخذت جهاز واتصلت عليه مغلق
خفت كلشش وصرت اروح وارجع ب غرفه ولافكار الي براسي تخليني امووت
ياربي دخيلك احميلي جابر ولاتخلي يصيبه مكروه
يارب مالي غيره احمي م̷ـــِْن كل شر
صارت ساعه ب 12 وماكو. كلت اتصل علئ اخوه هيثم واخلي يروحله للمركز بس شون اتصل عليه بهل وقت فشله
شسوي ياربي والله راح اتخبل نزلت تحت فتحت الباب وبقيت اتأمل الشارع وينك جابر وين رحت شصار وياك.
اؤف ياربي كلبي راح يوكف م̷ـــِْن الخوف ماحست غير دموعي صارت تنزل بدون سوابق
كعدت علئ المرجوحه الي ب حديقه واني ابجي وينك جابر ليش تاخرت هيج
اتصلت اكثرر م̷ـــِْن 20 اتصال وهو مغلق وابد مانفتح جهازه صارت ساعه ب 1 بليل وكلت بعد ماتحمل رايحه اكعد عمتي. خليها تروح علئ هيثم يدور عليه او يروحله للمركز
وكفت دادخل وشفت سيارته وكفت باب البيت
شهكت بحزن ورحت اركض هو نزل م̷ـــِْن السياره مستغرب م̷ـــِْن حالتي
حضنته واني ابجي بصوت مسموع واشهك
حضني بقوه وهمس شبيج شهدد ليش هل دموع شنو صار
ابتعدت عنه واني ابجي واحجي بعصبيه ليشش غالق جهازك ومتاخر كل هل وقت.
خفت عليك متت خوف والله عبالي بيك شي عبالي صارلك شي بهل ليل مَآعِرَفتّ شنو اسوي
ابتسم ولزم ايدي ودخلنه للبيت مسح دموعي. كافي تبجين هايني يمج مابيه شي والله شغل متراكم عليه وكان عندي شغل خلصته واجيت
وب نسبه لجهازي مابي شحن ومخلي ب سياره
مكدرت اتصل بيج وكان عبالي انتي نمتي لان تعبانه
حضنته واني ابجي. شون انام وانت مويمي والله احس روحي راحت عليك ليش هيج دسوي بيه. اني كلت مارتاح. بحياتي ولازم يصير شي يخليني انهار وابجي
شال راسي بأيده وهمس اششش كافي تبجين شبيج شهد تخبلتي مابيه شي اني يعني موطفل حته تخافين عليه هل شكل
مسحت دموعي ورديت اعرف موطفل واني مو لان تاخرت لان مترد علئ جهازك ومغلق عبالي بيك شي لاتلومني.
سحبني لحضنه وباس راسي وهمس يروحي انتي لاتخافين م̷ـــِْن شي اني اعرف شون اتصرف وحت اذا صارلي شي ماريدج هيج تنهارين ب بجي وتعذبين نفسج
عندج اسد ونمر همه يملون حياتج
ضربته علئ صدره وحجيت جااابر شهل كلام ترا والله ب كوه مصبره نفسي علئ اي ساعه انفجر متت خوف عليك
وانت تحجي هيج انت متعرف معزتك بكلبي شكدها والله اذا يصيرلك شي اموت وراك. ماتخيل حياتي بدونك ابد
ابتسم ورد يلا خلص راح اسكت. بس كومي سويلي اكل ميت جوع.
مسحت دموعي وحجيت اوك انت اصعد غير ملابسك لاحد ماخلص الاكل
تقرب وباس شفتي بحب وعمق وهمس لاتبجين بعد ماريد اشوف دموعج.
هزيت راسي بأي ورحت اسويله عشئ وهو صعد للغرفه يبدل كملت العشئ،وصعدت للغرفه كان كاعد اسد مخلي جابر علئ بطنه ويلاعب بيه واسد يضحك
ابتسمت وحجيت عوف اسد وتعال اكل
شال اسد وخلاه قريب منه علئ الغنفه واني خليت الاكل علئ طاوله الي قريب م̷ـــِْن الغنفه
وكعدت يمه لزمت نمر ورضعته جابر ياكل ويباوع عليه بذوبان.
همست شنو ليش دتباوع هيج مضيع شي
دياكل ويحجي والله ياست شهد تصرفج ابد ممقبول
يعني اني انسان فقير وجاي اكل ليش تطلعين صدرج كدامي وتغرين بيه موحرام هل تصرف تخليني اتخلئ عن الاكل واكلج انتي
ضحكت ورديت لا غلطان اني مجاي اغريك جاي اغذي ابني لان جوعان مثلك تماما شون انت جاي تاكل وتشبع هو هم يريد ياكل
هز راسه ورد ايي صحيح كلامج كله منطقي اتفق وياج ههه
ضحكت عليه رضعت اسد وهو نام علئ،صدري اخذته وخليته ب كاروك خلص جابر اكل وراح يغسل اني اخذت الصحون ونزلتهم للمطبخ
غسلتهم وسويت جاي واخذته ويايه صعدت لكيت جابر فاتح حاسبه ويطكطك عليها
خليت جاي كدامه
باوع عليه عاشت ايدج ام نمر والله كنت مشتهي جاي
ابتسمت ورديت تدلل ابو اسد شعندي غيرك اني
سد الحاسبه وصار يشرب ب جاي ويباوع عليه بحب
نزلت عيوني بخجل
لزم وجهي بطرف اصبعه وشال راسي وهمس م̷ـــِْن شنو خجلانه ولج.
قبل شويه تغرين بيه هسه خجلانه مِڼـّي. صدوك وحده اووف لساني ههههه
رديت عليه لا والله يعني شون مارضع اطفالي تحسبها اغرائات الك
خله. الكلاص علئ الطاوله وسحبني م̷ـــِْن شعري ولتهم شفايفي بوسه وطول لاحد ماحست شفتي طلع منها دم م̷ـــِْن بوسته الي
ابتعد وعض شفته بذوبان وهمس طعم موطبيعي
ضحكت ورديت. مبين عليك معوز حنان وتحجي كله كلام رومانسي
تقرب مِڼـّي وكلبني علئ الغنفه وصار يبوس بعنقي وبشعري ويهمس قريب م̷ـــِْن اذني
كلش معوز حنان واريدج دنطيني شويه حنان منج
تقربت منه وبست عنقه وشفته وهو ماصدك سويت هيج. نزع قميصه اووووو.
ڪـٰ۫ﹻــافــي😒 مو اخذكم الواهس سوالف متزوجين
.........................................................................
ايمن.
قررت اشتري بيت ونستقر بحياتنه اني وروان كلش فرحت م̷ـــِْن عرفتها حامل وهيه اكثر مِڼـّي فرحانه كلش تحب الاطفال.
تخلصت م̷ـــِْن فهد الي كان مخرب حياتنه ويريد بس يفرق بيناتنه ماعرف ناس شبيها وليش جاي تصرف هيج.
يعني شخص تزوج ومستقر ليش يدخلون نفسهم ب نص والله ماعرف.
كعدت الصبح وملكيت روان يمي دخلت سبحت وبدلت طلعت شفتها ب مطبخ تحضر ريوك
دخلت عليها وحجيت صباح الخير يحلو
دارت وجهه عليه صباح العافيه يروحي
تقربت منها وبست راسها وحجيت مجوعان والله لاتعبين نفسج خلصي ريوك وحضري نفسج نروح نشوف البيت اني وياج.
ابتسمت وردت اوك بس اخلص واحضر نفسي
رحت كعدت ب صاله شويه وجابت الريوك تريكنه وكملنه واخذت صحون اني رحت لبست ساعتي وخليت عطر وهل سوالف
دخلت هيه وصارت ترتب بنفسها شويه وطلعنه اتصلت علئ جابر وكلي شويه واجيكم اطلعو كدامي
اخذت روان ورحنه للبيت هو قريب م̷ـــِْن بيت جابر
منطقه جابر كلش حلوه وراقيه ڱڵـه. بيوت فخمه ومثل القصور
احنه هم ختارينه بيت حلو وصغير علئ كدنه بيه 3 غرف نوم ثنين تحت وحده فوك.
وصلنه سلمنه علئ صاحب البيت ودخلنه صار ياروينه بأجزاء البيت ويحجيلنه عن السعر وانو ناس هوايه جايه عليه
بس ممنطي لشخص لان جابر كايله احنه نشتري وهو يحترم جابر هوايه
صعدت روان وصارت تباوع علئ اجزاء البيت ب طابق الفوك اكو شباك علئ طول كلش حلو وتكدر تطلع منه تصير بيه اجواء رومانسيه هههههه
شويه وصل جابر سلم علئ الرجال وصرنه نتفق علئ السعر. اخذت البيت ب 50 مليون. انطيته مقدمه ولباقي كلت انطي اله دفعه ورا دفعه المهم راحت روان عندي
ابوي هم اتصل وكلي شنو تحتاج اني ادفع الباقي بس ماقبلت مراح اخذ منهم اني الي انطيهم لآزٍمٍ مو همه لان اني ابنهم الجبير
اشتريت البيت وانطيته الفلوس كلي يمته متحب تكدر تسكن بيه. تشكرت منه ومن جابر نزلت روان وسلمت علئ جابر
شويه وطلعنه جابر رجع لشغله واني اخذت روان للسوك نختار اثاث للبيت مالتنه
دخلنه للمحلات واشترينه تخم غنفات واغراض هوايه مزهريات ولوحات وكذا
كملنه وانطيتهم العنوان وكلت الهم بـ۫۫اجر اريدهم هناك
روان كانت كلش فرحانه ولفرح مبين علئ ملامح وجهه
خلصنه وطلعنه م̷ـــِْن السوك همست وين تحبين اخذج هسه.
باوعت عليه وعيونها تلمع م̷ـــِْن الفرح خلينه نروح الاهلي شويه واحجيلهم عن البيت ماما هم متعرف بيه حامل اريد افرحها
ابتسمت ورديت تمام
اخذتها ورحنه علئ بيت عمي ابو ليث وصلنه وسلمنه عليهم وروان صارت تحجي الامها عن البيت وانو هيه حامل.
كلش فرحو اهلها وتباركو الها. ومرت اخوها هيام هم حامل وكملت فرحتهم.
بقينه كاعدين شويه ورجعنه للشقه مالتنه.
.........................................................................
ساره.
مر فترا علئ،زواجي م̷ـــِْن عصام كلش لطيف ويايه يحبني ويحب ملاك هوايه ومعتبرها صدوك بنته وهيه صارت تحبه اكثرر مِڼـّي ومتعلقه بيه تعودت علئ عائلتهم
نوال وكريمه شافات نفسهن عليه ودائما يسمعني كلام بس اني مارد عليهن ومهتمه ب كل ماريد شخص يحجي عني.
ملاك سويت الها غرفه خاصه انومها يلا اروح لغرفتنه اني وعصام ولصبح اول ماصلي صلاه الفجر اروح عليها اخاف تكعد وتبجي.
كعدت الصبح علئ صوت الاذان وشفت عصام يصلي ويقرا قران هاذي اول مره اشوفه يقرا قران واحنه بدينه بشهر الصيام بشهر رمضان المبارك
بقيت صافنه عليه وهو يقرا قران وصوته ناصي وتكبيره كلش حلو
كمل وباوع عليه وابتسم وهمس شعندج صافنه بوجهي
تقربت منه وهمست كلش عجبني صوتك وانت تقرا قران
عبالي متقرا قران انت
سد القران ورد عليه لا ب عكس اني بأيام رمضان اصوم واقرا قران وانطي صدقات وحالين داقرا هل قران اهدي الابويه
رديت عليه الله يتقبل انشالله
باس راسي ورد منا ومنكم صالح الاعمال.
عفته ورحت اسوي سحور اخوانه كلهم يصومون ونوال وكريمه يعني العائله كلها تصوم وتصلي.
صبحت علئ الكل ورحت للمطبخ اسوي ريوك كملت وخليت علئ الطاوله اجت ويايه نوال ساعدتني.
كملنه ورحت للغرفه انادي عصام شفته فاتح الشباك ويباوع.
تقربت منه ولزمت كتفه وحجيت يلا تعال تسحر
دار وجهه عليه وسحبني م̷ـــِْن خصري واخذ بوسه م̷ـــِْن شفتي وهمس راح نصوم م̷ـــِْن هل حركات ليوم ههه
ضحكت ورديت اي لازم تتعود شهر كامل لآزٍمٍ تلتزم وماتسوي شي.
ضحك عليه وطلعنه تسحرنه وكملنه اخذت الصحون وغسلتهم ورحت توضيت اريد اصلي كلت اروح اشوف ملاك قبل لانام
شفت ضوه غرفتها مشغول فتحت الباب شفت عصام كاعد قريب م̷ـــِْن السرير ويمسح علئ راس ملاك وهيه تباوع عليه بنعاس
تقربت منه ولزمت كتفه شنوو كعدت ملاك
باوع عليه ورد اي لكيتها كاعده وطلبت مِڼـّي ابقه يمها تكول خايفه
تقربت م̷ـــِْن ملاك وبست خدها وحجيت خايفه يروحي تعالي.
عضت شفتها بزعل وردت مااا اريد بابا يبقه يمي
باوعت علئ عصام يضحك عليه لان ملاك تريده ومتريدني تحبه. صارت اكثرر مِڼـّي لان يطلعها ويشتريلها.
رديت اوك ابقي ويه بابا زاعلتج اني بعد ماريدج
باوعتلي برائه وعيونها بيهم دموع
خزرني عصام وحجه ساره م̷ـــِْن كل عقلج راح تبجي الطفله يلا اعتذري م̷ـــِْن بنتي وبوسي راسها حته ماعاقبج.
ضحكت وبست راسها وخدها وحجيت اسفه انسه ملاك مراح اكول شي يضوجج بعد
بقينه نحجي يمها وهيه تضحك علينه وتدلع وعصام ميت عليها وكلشي تكوله يكولها اي ويعارضني عليها كلش مدللها.
نامت وطلعنه منها رحت للغرفه صليت وكملت ورجعت نمت.
كعدت الصبح. ملكيت عصام يمي طالع للشغل رحت نضفت البيت وكعدت ملاك سويتلها ريوك وريكتها بقيت كاعده ويه بنتي نوال راحت ويه امها للسوك مدري شنو يشترن
ضوجه وين اروح اتصلت علئ شهد وبقينه نسوالف شويه وهيه تحجيلي علئ جابر وشون مخوفها هل بنت كلش تحب جابر ومتعلقه بيه
اندك الباب رحت فتحته كانت نرجس بنت عمهم همه بيتهم قريب م̷ـــِْن بيتنه كلشش سلمت عليها وبقت كاعده ويايه وتحجي
سحبت نفس وحجت هشام موجود
ستغربت م̷ـــِْن سؤالها رديت عليها اي موجود نايم لان صايم.
نزلت عيونها بقهر وردت ممكن تكعدي اريد احجي وياه شويه
رديت عليها ليش شعندج وياه انتي
باوعت عليه بخوف وحجت هاا مو شسمه هاا ماعندي شي
ضحكت ولزمت ايدها وحجيت شبيج خفتي وتوترتي تكدرين تحجيلي اعتبريني شهد اني مراح احجي لشخص شي بس كوليلي ليش تريدين هشام اكو. شي
سحبت نفس اوعديني متحجين لشخص عن لموضوع هاذه الشي ميعرف بيه شخص بس اني وشهد تعرف
ابتسمت ورديت اكيد ثقي بيه مراح احجي لشخص اوعدج
ردت اني احب هشام ابن عمو وهو همات يحبني بس لسه محاجين لشخص واني اخويه منطيني لواحد م̷ـــِْن جماعته وقارين الفاتحه
وكلي هشام انو راح ينهي عليه ويريدني اوفق عليه كدام اهلي بس خايفه ومتردده خايفه يعرفون بيه احبه وتصير مشكله بينه
ماريد هشام يصيرله شي لان اخوي مجرم ومن يضوج مايشوف شخص كدامه
ابتسمت ورديت ياعمري مراح يعرفون انتي بس وافقي عليه وكوليلهم. ابن عمي احسن م̷ـــِْن الغريب واني اعرفه م̷ـــِْن احنه صغار
مراح يعرفون بيج تحبينه وحت لْـۆ عرفو شهل قصه الجبيره ترا الحب موحرام ولاشي خطأ
هاي شهد حبت اخوي واخذها وعصام حبني واخذني احلا شي م̷ـــِْن تكون علاقت الحب نهايتها زواج راح تعيشون احلا ايام والله
تنهد هشام وحجه نرجس.
جمدت بمكاني ياربي هاذه بس لاكان يتسمع علينه شكد فشله
درت وجهي كان واكف ورانه مباشرا بلعت ريكي بتوتر وحجيت هشام كعدت
مارد عليه وحجه نرجس شسدوين هناا
باوعت عليه نرجس هاا اجيت احجي وياك شويه اذا عندك وقت
بلع ريكه بتوتر وباوع عليه اني بسرعه حسيت لآزٍمٍ اتركهم لوحدهم. حجيت اني عندي شغل انتو اخذو وراحتكم
دخلت للبيت وهمه بقو ب حديقه وكفت قريب م̷ـــِْن الباب اتسمع شنو يحجون اسمعها تكوله هشام ليش ساكت موكلت فترا واجي عليكم انهي عليج
راح تصير خطبه رسميه فدوه تصرف سوي اي شي لاتخلي حبنه يروح هيج والله احبك
رد عليها هشام لاتخافين اني اعرف شون اتصرف واعرف يمته انهي عليج انتي الي عليج بس تهدين ومن انهي عليج توافقين عليه
وتكوليلهم اريد هشام لان ابن عمي هاذه كلشي اريده منج. لباقي خلي عليه اني اخذج غصبن عليهم كلهم وحته اذا ماينطونج
اخطفج منهم
ضحكت وردت لا عاد كلشي ولاتخطفني وين نروح م̷ـــِْن جاسم غير يضلم عيشتي وياك
رد عليها. ميخوفني واحد مثل جاسم. اخوج ركبته بيدي وبكلمه وحده مِڼـّي اخلي حياته كلها ضلام وتعاسه
ردت عليه بخوف هشام شدتحجي شنو تضلم عيشته اذا ناسي هاذه اخوي واني ماقبل عليه
رد مكلت شي اني ليش ضجتي بعدين شكو جايه تحجين لساره بلكي حجت لعصام انتي شنو متخافين شخص يعرف
ب نسبه الي اني مراح يأثر بيه بس انتي راح تخرب سمعتج وراح تتاذين واني ماسمح يصيرلج شي واني موجود فألحسن الج والي تبقين ساكته
ومتحجين شي لشخص.
سحبت نفس وردت تمام وعد مراح احجي شي لشخص بعد ساره حبابه والله وهيه وعدتني انو متحجي لاي شخص
بعدين هيه دشجعني حته اوكف ضد اهلي عليك
بقو يهمسون بكلام معرفت شنو شويه وحسيت بيها طلع هو وياها
شفت ملاك تلعب ب مرجوحه رحت عليها شوي واندك الباب ودخلت كريمه ونوال وكاظم اخو نوال سلمت عليهم وكانو متسوكين
اخذت المسواك خليته ب مطبخ وصرت ارتب بيهم
وملاك يمي غسلت الها فواكه وخليتها تاكل
طلعت شفت عصام هسه دينزل م̷ـــِْن السياره صرت احب عصام كلش. صح عصبي بس عنده هدوئ وحنان
مرات استغرب واكول هاذه نفسه عصام العصبي اشو كلش هادئ وكلامه قليل ويه الكل يعني والله مرات اني افتح مواضيع وياه واحجي
نزل ورحت عليه كنت بس مخليه شال عليه
سحبني م̷ـــِْن ايدي بقوه وباوعلي بعصبيه وحجه ساره م̷ـــِْن تطلعين شالج تعدلي علئ راسج
بيت عمي دائما واكفين برا ماريد شخص يشوف طولج سمعتييي
بلعت ريكي بخوف ورديت ءا اوك
سحب نفس وعدل شال علئ راسي وهمس بعدين انتي صايمه وهل شي حرام. واني ماحب مرتي تسوي شي غلط
ابتسمت ورديت والله حلو عرفت شون تغيرها م̷ـــِْن عصبيه الئ نصيحه
ضحك وكرص خدي وهمس شعبالج لعد اخليج تخافين بعدين امتص هاذه الغضب. وقمز. هههه
ابتسمت ومارديت عليه
صار يباوع علئ اجزاء البيت وكانو مضيع شي
باوعت عليه بستغراب وحجيت مضيع شي
سحب نفس ورد ايي مضيع ملاكي وينها اشو مالها صوت كل يوم هيه تتلكاني علئ الباب ليوم ماكوو
نادالها. ملااااك وينج بابااا
اجته تركض ووهيه تصيح اجه بابا اجه بابا حضنت عليه بقوه وهو شالها وصار يفتر بيها وهيه تضحك وممصدكه شايلها
نزلها وهمس جبتلج شغله كلش حلوه بس ب اول لآزٍمٍ تبوسيني يلا اطلعها الج
باسته بخده ومدت ايدها وحجت بطفوليه نيني
لزم ايدها واخذها برا للسياره مدري شنو مشتريلها يعمري كنت ادعي يصير شخص يحب ملاك ويعتبرها بنته
وصار عصام ابوها الي يحبها وهيه تحبه هوايه رجعو وهيه شايله دبدوب اكبر منها يخبل اني صراحه غرت وحبيته اكثرر هههههه
رحت عليهم وحجيت شنو هاي عصام تشتري بس لبنتك واني هم اريد هيج دبدوب
ضحكت عليه ملاك وحضنت عصام وحجت ماااا هاده بابا مو باباتج. يلاا روحي
ضحك عصام بصوت عالي عليها وحجه لا عاد كلشي ولامرتي اذبح وصلخ عليها. يلا ملاك روحي بوسي ماما واخذي دبدوبج لغرفتج العبي وياه
تقربت مِڼـّي باست خدي واخذت دبدوب تسحل بيه سحل متكدرله وهيه صغيره كنت اريد اروح اشيله عنها سحبني عصام م̷ـــِْن ايدي ودخلني للغرفه
سد الباب وحضن خصري بأديه نزل راسه علئ عنقي رصار يشم بعطري. همست. عصام احنه صايمين ميصير. ولوقت راح يخلص لاتسوي شي فدوه
بقه يشم بشعري واحس انفاسه مثل نار علئ عنقي
ابتعد ورد اعرف بس احب قربي منج احب هل عطر الي يخليني اضعف كدامج.
ابتسمت وخليت اديه محاوطه عنقه وهمست بس ميصير تتقرب مِڼـّي واني صيامه هل تصرف غلط
ضحك ولزم خصري بقوه والله اني ممسوي شي بس انتي عقلج منحرف شسويلج يعني.
ابتسمت ورديت. لا اني عقلي. طبيعي وميفكر بهيج امور انت بس خليك حباب ولاتتقرب مِڼـّي هيج
عض شفته بقهر ورد اؤف لْـۆ مصايم جان علمتج شون تحجين هيج بس بسيطه وصل الفطور واني اعمج
ابتعدت عنه واني اضحك عفته وطلعت احضر ويه كريمه لفطور.
