رواية الطالبه والضابط الفصل الخامس والأربعون بقلم توتة
على الإنسان أن يكتب دون أن يُفكر فى شكل كتابته على الإطلاق ، بل يدع هذا الشكل يتدفق تلقائياً من نبع روحه.
"ليس الطريق لمن سَبَق، إنَّما الطريق لمن صَدَق🖤."
****************************
نارين.
"نحن بحاجة لأشباهنا ليس بالملامح، بل أشباهنا بالطيبة والوضوح، وبطريقة التفكير والتعامل."
مرر 6 اشهر ؏ الي صاار ويايه تحسنت حالتي ورجعت صحتي صرت ماتخيل شغلات ولاسمع اصوات
ولخوف شويه شويه خف عني كبرت بطني وبينت الكل فرحان بحملي.
سحر تزوجت م̷ـــِْن ابن عمهاا سيف وحامل بشهر الـ 3 وحيدر خطب حبيبته بالجامعه.
اما سهئ اتطلگت م̷ـــِْن ضرغام وبعد شهر كامل م̷ـــِْن رجعت صحتي عرفت انوو هيه كانت المسؤله عن كلشي صاار ويايه.
كنت اريدد احجي وياها واسألها ليش سوت هييج بيه بس ضرغام منعني م̷ـــِْن هل تصرف
وبأخر فترا سمعنه بيها انخطبت الأبن عمهاا.
ضرغام ابد ماهتم للموضوع لأن يحبني وطااير م̷ـــِْن الفرحه بحملي.
انتقلنه م̷ـــِْن بيتنه وعشنه بيت اهل ضرغام لأن فرغ البيت عليهم سحر تزوجت وسهئ طلگت وحيدر بعده ممتزوج.
طلب منه ابو ضرغام نعيش وياهم لاحد مايتزوج حيدر.
واني هم تعودت عليهم وطلبت م̷ـــِْن ضرغام نبقه عدهم ماحب اعيش لوحدي بالبيت وهو دائما بالشغل.
صديقتي منارس انخطبت لصديق ضرغام كرار كلش فرحت الهاا حبوو بعض وخطبها
رحنه عليهم كانت طاايره م̷ـــِْن الفرحه وتركص وتهلهل عبالك موو عروس.
وباباتي عايش ويه مرته ومرتاح. مرته انسانه واعيه وفاهمه كلش حبابه تحبني وبين فترا وفترا تجي علينه هيه وبابا.
تكعد ويايه وتنصحتي ؏ حملي تحسسني انوو هيه مثل امي.
كلش احبها واحترمها. بنفس الوقت فرحانه لأبويه لأن لگه هيج انسانه حبابه يستاهل باباتي.
گعدت صبح واني تعبانه م̷ـــِْن حملي كلش ثكيل وبطني جبيره كلش عبالك طوبه كدامي
كمت م̷ـــِْن السرير باوعت ماكوو ضرغام يمكن طالع للشغل.
اخذت ملابس ودخلت للحمام سبحت وطلعت انشف بشعري.
شويه ودخل ضرغام ملابسه العسكريه.
ضرغام / شلونها مرتي
_اوف ضرغام تعبانه ولله بطني ثكلانه هل فترا.
ضرغام / جهزي نفسج خلينه نروح للدكتوره نشوف جنس الطفل
_موو قبل كم يوم رحنه وگالت مامبين شي.
ضرغام / ترا هااي موو حاله دخلتي بشهر 7 ومايبين شي.
_اني شعليه هاذه ابنك ميقبل يخلينه نشوفه يريد يسويها النه مفاجأه.
تقدم نحوي وسحبني عليه باس راسي وهمس
ضرغام / كلشي منج حلوو ان كان ولد او بنت.
_اممم اني اريد ولد يشبه ابوو.
ضرغام / اني اريدد بنيه تشبه امهاا تكون حلووه وشعرها طويل.
_ايي اضحك عليه بهاذه كلامك
ضرغام / ليش يولي مجذب اني.
_احسك تجاملني بهل كلام متحجي م̷ـــِْن گلبك
ضرغام / شلوون عرفتي موو م̷ـــِْن گلبي انسسه نارين.
_احساس.
سحبني م̷ـــِْن شعري عليه والتهم شفايفي بوسه رفعني م̷ـــِْن خصري وهو يبوسني حسيت الهوئ انقطع عني صرت اضرب بيه ؏ صدره مابتعد لأحد ماهو اكتفه م̷ـــِْن البوسه
نزلني. ؏ ارض بقيت اتنفس بصعوبه
_اووي ضررغام شبيككك ولله اختنكت مناا ابنك ومناا انته
ضرغام / اوووف عسل
_منحرف
ضرغام / بسس وياج تشتغل ناار بيه
_هههه روح بدل حته نروح للدكتوره.
ضرغام / تعاي سبحيني
_عيب ماما شنوو متخجل ابنك يسمعك.
ضرغام / ليشش لْـۆ ماحنه هوه مكان موجود
_ياااا ضرغام شهل حجي
ضرغام / تعاي لجج لاتنعوصين
ابتعدت عنه واني اضحك صعدت ؏ سرير وبقيت اشمر عليه المخده
_مااا ولله ماجي يلا روح اسبح
ضرغام / تعرفيني اذا ضجت شسوي صيري حبابه وانزلي.
_ماتخوفني سيد ضرغام.
ضرغام / متخافين مِڼـّي موو.
هزيت راسي بأيي واني اضحك اجاني بسررعه كنت اريد اكمز لزمني م̷ـــِْن رجلي وكعني ؏ سرير وصعد فوكي.
صارت انفاسي سريعه قرب وجهه م̷ـــِْن وجهي وصاار يمشي لحيته ؏ وجهي ويبززني بيها
_لاااا ااااي ولله تووجع حررام عليكك
ضرغام / صووتج ولج فضحتيني
_افضحك ولله يلا عووفني اختنكت بطني ثكلانه ولله ماكدر اتحملك وخرر
ضرغام / اخذ الي اريده واعوفج
_حررام عليكك متشوفني شلوون تعبانه ماما حبيبي شوف ابوك شلوون يعاملني يلا اطلع واضربه
ضرغام / عفيه عليج تعلمينه عليه م̷ـــِْن هسه
_ايي عيني اخلي يكسر. اعضامك مثل ماتسوي هسه بيه.
حضني بقووه ؏ جسمه احس عضامي واحد دخل بثاني.
_اااي ضررغام شبيككك ولنبي وجعتني وخررر.
ضرغام / اريدد اكسرر عضامج مثل ماتگولين حته تصير جذبتج حقيقه.
خليت اديه ؏ ازرار قميصه واني اتمايع عليه
_يهون عليك تشوفني متوجعه.
بقيت اباوعله بنضرات بريئه.
هوه هناا فقد ؏ هل نضرات هز راسه بلااا. بقيت افرر بلزر مالت القميص واني مركزه بيه واحجي
_اممم زين اذا ميهون عليك ليش دسوي هيج خطيه اني
ضرغام / اني الخطيه مانعتني منج طول هل فترا
باوعت علي بنضرات استغراب وكانو ممسويه شي وبرئيه. اشرت بايدي ؏ صدري وگلت
_اني ?
سحب ايدي وعض خدي بقووه
ضرغام / شعلتي جد جدي وانتي تأشرين ؏ ممتلكاتي.
ضحكت ؏ كلامه تقرب مِڼـّي وصاار يبوس برگبتي وايده تسلسل ؏ ملابسي بعده يبوس اتصل جهازه غمض عيونه وسب الي يتصل وشعل جد جده
متت م̷ـــِْن الضحك عليه ابتعد عني وبقه يحجي ؏ جهاز ويأشر بأيده عود ارجعي تمددي لاتكومين
عفته ورحت اخذت ملابس م̷ـــِْن الكنتور ودخلت للحمام بدلت حته نروح للدكتوره.
طلعت لگيته واكف ونازع قميصه باقي بس بالبنطرون ويطلع ملابس م̷ـــِْن الكنتور
رحت حضنت علي م̷ـــِْن ورا وهمست
_الحمام جاهز يلا روح اسبح راح ابقه منتضرتك تحت.
لزم اديه الي حاضنته بيهم بقووه ولزگني حييل ؏ جسمه.
ضرغام / اني اعلمج م̷ـــِْن نرجع شسوي
_ههه يلا عوفني تأخرنه ترا
دار وجهه عليه رفع وجهي بطرف يده واخذ شفايفي بوسه بادلته بكل حب ابتعد عني خليت ايدي.؏ شفتي اريد امسحها
خزرني بنضره غضب ميقبل امسح بوسته لْـۆ شيصير واني عناد بيه اسوي هيج.
ضرغام / يووول اخرر مرره انبهج تمسحين بوستي اكسرر ايدج ولخلقج.
عفته ومشيت عنه خطوات واني ارفع بشعري واحجي
_ليش عيني شنوو المميز بيها.
اخذ ملابس واتجهه للحمام وهو يحجي
ضرغام / جربي وامسحيها وشوفي شرراح يصير بيج.
_امممم يلا روح اسبح تأخرنه ولله لْـۆ مانريد نطلع جان سويتها وشفت شراح تسويلي.
ضحك عليه ودخل للحمام سيبح. بقيت امشط بشعري خليت شويه مكياج وعطرر.
نزلت جوه لگيت عمتي ومنار كاعدات بالصاله للعلم عمتي تمووت عليه ومنار كذالك تحبني ومهتمه بيه حته شغل ماشتغل واني ماعرف اشتغل اصلا.
ام ضرغام / هاا يمه وين ?
_ولله عمه ضرغام گلي جهزي نفسج نروح للدكتوره نشوف جنس الطفل بلكي لله ويعرفو هل مَـرّھٌ
ام ضرغام / اجي وياج يمه خاف متكدرين لوحدج
_ياريت ولله
ام ضرغام / بسس البس عبايتي واجيكم
عافتني وراحت للغرفه رحت گعدت يم منار
_شبيج احسج ضايجه صااير شي وياج. ?
منار / هاا لا مصاير بسس ضايجه ؏ وحده م̷ـــِْن صديقاتي سمعت بيها متزوجه وحته ماعزمتني مَآعِرَفتّ ليش.
_ختولي ؏ شنوو مضوجه نفسج عليها.
منار / ايي عوفج منهاا شنو حابه يجيكم ولد او بنت.
_ولله اني كلش حابه يجيني ولدد يشبه ضرغام تكون عيونه ملونه وحلوو وشخصيه مثله
منار / احممم احمم كل هاي المواصفات بأخويه وينه وين حلاته هوه بسس عيونه ملونات
_لا ولله اصلا ويين اكوو بحلاته فدووه لطوله غيرر هيبه.
منار / هههه • هنياله ولله مرته تمدح بيه بعد شيريد.
_خلينه نشوفج تاخذين واحد بجمال ضرغام اذا ماطلع عاوي اذكرج بهل حجي
منار / ههههه لْـۆ ابقه عانز طول عمري ماخذلي واحد عاوي اذا مايكون هيبه وشخصيه وشرط يحبني مثل مأخويه يحبج.
_عفيه هاي انتي اعترفتي ماكوو مثل زوجي
ضرغام / سمعت اسمي شكووو
درت وجهي واني اضحك.
_ماكوو شي بسس كنت دامدح بيك اكولها ماكوو مثل زوجي جمال وشخصيه وهيبه
ضرغام / نخجل يابه موو لهل لدرجه
_اممم انته تخجل
غمزلي وضحك نزلت عيوني واني اضحك ؏ تصرفاته.
ضرغام / يلا نروح تأخرنه
_عمه راح تجي ويانه صعدت تبدل وتلبس عبايتها.
ضرغام / تمام اني طالع كدامكم للسياره تعالو وراي.
هزيت راسي بأي عافنه وطلع بقيت منتضره عمتي تجي شويه واجت طلعنه سويه صعدت عمتي بالصدر واني گعدت وراه.
اخذنه ضرغام لدكتورتي الخاصه اني اراجع دكتوره خاصه الي طول فترا حملي.
نزلنه كلنه سويه ودخلنه ؏ دكتوره اخذتني لغرفه السونار.
خلت ماده معرف شنوو يسموها ؏ بطني وبقت تفحص بيه وتباوع ؏ شاشه الكدامنه #ڪــڔٰا̍ڕ
بقيت صافنه واني اشوف صوره كدامي بسس ماعرف شنوو بيه ميبين واضح.
ضحكت دكتوره وگالت
دكتوره / يااعيني الف الف مبروك بيج تؤم.
فتحت عيوني بصدمه حجيت بصووت عااالي
_شنووووو تؤم. ???
دكتوره / ايي ماما بيج تؤم وطوول هل فترا مختلطين سويه وميبينون. عدنه بالسونار بسس هسه واضحين شوفي بنت ولد.
_بنت ولد ?
هزت راسها بأيي وهيه تتبسم
مَآعِرَفتّ شنوو اسوي كلش فرحت بنفس الوقت خفت م̷ـــِْن التؤم شلوون بيون الولاده يمه شراح يصير بيه
ضرغام شرراح يكول م̷ـــِْن يعرف اكيد راح يتخبل ؏ خبرر هوه طفل واحد وممصدك.
طلعنه واني والدكتوره ورحنه ؏ مكتب مالها بقو ضرغام وامه منتضريني هناك.
دخلت للغرفه اول مادخلت ضرغام دار وجهه عليه وعيونه تلمع م̷ـــِْن الفرحه. اشرلي بعيونه معنئ شنوو عرفتي
ابتسمت بوجهه ونزلت عيوني بخجل
ام ضرغام / هاا يمه بشري ماعرفو شبيهاا.
دكتوره / الف مبروك بتكم حامل بتؤم. بنت ولد
وكف ضرغام بصدمه وسع عيونه وگال
ضرغام / تؤم ???
ضحكت وهزيت راسي بأيي اله اجاني بسررعه وشالني گدام الدكتوره وباس راسي بقت الدكتوره بس تضحك
ضرغام / كولي هااذه موو حلم
_ضرغام شدسووي عيب دكتوره تضحك علينه نزلني.
نزلني وهوه ضحكه مرسومه ؏ كل وجهه دار وجهه ؏ دكتوره وتشكر منهاا شال فلووس كومه وخلاهم ؏ ميز مالها ماعرف شنوو يسوي م̷ـــِْن الفرحه
طلعنه م̷ـــِْن العياده سويه كان لآزٍمٍ ايدي وكل شويه يبوسها.
ام ضرغام / يمه صلاوات ولله مامصدكه راح يجونه 2 ملائكه ينورون علينه البيت.
ضرغام / ماعرف هسه شسووي احس روحي طااير.
_عمه ولله خايفه شراح يصير بيه بيوم الولاده انووب 2
ام ضرغام / لاتخافين يمه اذا ماتكدرين طبيعي نسويلج عمليه بسررعه.
_شنووو عمليه ??
سحبني ؏ حضنه ضرغام وباس راسي وهمس
ضرغام / خليهم يجون بالسلامه صدكيني مراح اخلي شي يصيبج اخلي احسن دكتوره تشرف عليج وتكون حاضره بولاتج واذا ماكدرتي طبيعي عمليه يبنجونج وماتحسين ؏ شي
هزيت راسي بأيي واني خايفه.
اخذني وصعدني بالسياره ورجعنه . اخذنه ؏ مطعم تعشينه سويه برا. ورجعنه للبيت.
طول طريق ضرغام يسووق ؏ كيفه يخاف ؏ بطني واني هم اذا تحركت سياره بقووه احس بمغصات تصير بطني.
وصلنه للبيت ونزلنه سويه گالت عمتي لعمي بيه تؤم كلش فرح النه حيدر رمه شاجور لأخو م̷ـــِْن عرف
للعلم حيدر كلش تغيرر صااار انسان ثاني محترم ويحب اخوو ضرغام هوايه شكدد ماكانو. يتعاركون هسه يحبون بعض
واحد يحترم الثاني.
صعدت لغرفتي واني تعبانه اتصلت بصديقتي منارس.
_الووو منارس
منارس / هلاوو حوبي ناروو شلونج مشتاقين.
_الحمدلله زينه انتي شلونج.
منارس / كلش زينه اني ليووم اجاني كرار وطلعنه سويه رحنه ؏ موول الكراده الي فاتح جديد اشتريت كوومه ملابس واغراض وقررنه زواجنه بنهايه هاذه الاسبوع موو ماتجين تراا ازعل عليج ولنبي.
_ولله ماعرف اشووف اذا گدرت اجي انتي تعرفين حملي ثكيل وغير هاذه كله ليووم سويت سونار وعرفت بيه تؤم.
منارس / عزززااا صدووك تحجين بيج تؤم.
_ههه ايي ولله ليووم شفت بيه تؤم
منارس / يعمرري الف الف مبرووك احلا شي جهال راح تضربين عصفورين بحجر واحد تولدين ثنين وترتاحين كم سنه ماتحملين
_شووف هاي شلوون تفكر.
منارس/ شبيج ولله دفكيري صحيح هسه اني وكرار مقررين نخلف شي 4 جهال مره وحده
_ههههههه شنوو بزونه.
منارس / يااا غيرر يخبلون جهال حته مقررين شنوو نسميهم.
_ولله مــخبلـه انتي شايفه الحمل شكدد يتعب وثكيل غير هاذه كله خووفج م̷ـــِْن يوم الولاده.
منارس / عادي هوه يووم اتحمله.
_ولله طلع بيج البله يامنارس.
منارس / صدوك نسيت اكولج راح يبدي دوام شلوون اني كرار وافق يخليني اكمل دراستي بسس راح اتنقل يمكم بلأنبار ادرس.
_ولله ماعرف احتمال مادرس هل سنه اول شي حامل وبطني ثكيله وثاني شي مالي خلكك دراسه يمكن هل سنه مادرسها.
منارس / براحتج بعدد اني يمكن هاذي سنه هم مادرس اذا انتي مادرسين هم راح اتزوج اريدد اعيش لحضات حلوه ويه زوجي طز بالدراسه ههههه.
_هههه ايي ولله عشيو ايام حلووه وسافرو شهر عسل انشالله السنه الجايه ندرس سويه اني وياج اني كذالك راح انقل سجلي بلأنبار.
منارس / الله كريم.
_يلا حبيبتي اني رايحه ابدل وارتاح هسه رجعت م̷ـــِْن دكتوره.
منارس / براحتج گلبي دير بالج ؏ نفسج.
سديت منهاا ورحت بدلت ملابسي وتمددت ؏ سرير.
تسريع الاحداث .....
مرت سنه كامله ولدت وصاار عندي ولد وبنت مثل الملائكه يخبلوون البُـنًتٍ طلعت عيونها ملونات ؏ ضرغام ولولد لا عيونه مثلي بس هم ينطي شبهه الابو.
ثنيهم مايشبهوني سمينه البُـنًتٍ ملاك ولولد جود.
ملاك مدللهه البيت الكل ميت عليها عكس جودي ميحبو مثلها لأن عصبي ايي شخص يشليه اوو يحاول يلاعبه يبقه يصرخ ويبجي.
بده الدوام وطلبت م̷ـــِْن ضرغام يخليني اكمل السادس وهو وافق وجاب سجل نقلي لأنبار وبقيت ادرس بالانبار.
من اروح للدوام يبقون ملاك وجود عند عمتي ونور.
نسيت اعرفكم ؏ مرت حيدر اسمها نور حبابه بشكل ومثقفه. عمرها 24 سنه تصير بكد حيدر تقريبا.
حيدر صاار عنده شغله الخاص وصاار رجل اعمال فتح شركه خاصه اله
وضرغام ترقئ بشغله وصاار اقوه م̷ـــِْن قبل.
منارس. تزوجت وطلعت حامل وحالين تدرس وياي السادس بس خطيه حملها كلش مأثر عليها تلعب نفسها وتتقيئ 24 ساعه.
وسحر ولدت وجابت ولد سمته براهيم. ومنار انخطبت لأبن خالتها.
كنت طالعه هسه م̷ـــِْن المدرسه واكفه بالباب منتضره سياره تجي وارجع للبيت.
منارس اجه زوجها واخذها للدكتوره لأن تعبانه ومتكدر.
طلعت اتمشئ ؏ رصيف بين ماتجي سياره واصعد فجأه وكفت سياره ضرغام بوجهي فزيت مرعوبه.
_يااا ضرغام شبيكك وگفت كلبي
نزل م̷ـــِْن سيارته ملابسه العسكريه ولابس نضاره ؏ عيونه مثل اول مره م̷ـــِْن شفته كان هيج منضره.
ضرغام / انتي نارين بنت العميد حسين
ضحكت ؏ سؤاله رفعت حاجب بغرور ورديت عليه.
_ايي نعم ليش تسأل.
ضرغام / ممكن تجين وياي.
_ليش عيني اعرفك تعرفني واجي وياك.
سحبني م̷ـــِْن ايدي وخله ايده ؏ حلكي ودخلني بالسياره. ضربته ؏ صدره واني ادفع بيه
_اووي وخرر شدسووي راح اصرخ والم عليك العالم.
دخل بالسياره وهو يضحك.
ضرغام / انتي متهمه بجريمه. ولازم تتحاسبين عليها.
فتحت عيوني بصدمه وحجيت بصوت بريئ.
_اني مسويه جريمه شنوو هل جريمه بلا.
ضرغام / عندج 2 اطفال باقين بالبيت ميتين م̷ـــِْن جووع وابوهم حاير بيهم مايعرف شون يسكتهم انتي درسين وضاربتهم بالحايط هاي موو جريمه.
_ياااا سوده عليه صدوك جوعانين بس قبل شويه اتصلت بعمه وسألتها عنهم گالت نايمين
ساق وهو يدخن. ويحجي.
ضرغام / اني جنت بالبيت كانو گاعدين وينادولج ماما وانتي ماكوو.
_سوده عليه.
وكفنه مقابيل بيتنه الي كنه عايشين بيه بس اني وضرغام باوعت علي بستغراب.
_ليش جايبته لهنااا.
ضرغام / انزلي بويه.
_ليش شكوو موو تكول جودي وملاك يبچون خلينه نروح عليهم
ضرغام / انزلي ياشلعان گلبي.
نزلت واني مستغربه ماعرف شنوو يدور براسه الله اعلم نزل وهوه واجه يمي لزم ايدي ودخلنه للبيت.
كان البيت ضلمه. شغل الاضويه كان الكل متجمع شغلو لألعاب ناريه ونفاخ ولورد.
_هبي بيرتي تويو. سنه حلووه يجميل.
فتحت عيوني مصدومه ناسيه اصلا ليوم عيد ميلادي الكل متجمع ومحتفلين حته ملائكتي الصغار مبدلين وطالعين يجنننون.
درت وجهي ؏ ضرغام واني اضحك ودموعي نزلت
ضرغام / ليش هل دموع.
_ولله ناسيه عيد ميلادي شلون تذكرته
مسح دمعتي بطرف اصبعه وباس راسي وهمس.
ضرغام / مستحيل انسه شي يخصج انتي ناسيه انتي بنتي. قبل لاتكونين حبيبتي ومرتي.
حضنت عليه واني فرحانه واضحك اجه عمتي ومنار ونور وسحر عايدوني وانطوني هدايه.
شويه واجت منارس هيه وزوجها وجابو وياهم هدايه احتفلنه كولنه سويه.
وهيج تكون خلصت قصتي وياكم. حياتي بعدها مستمره بين مد وجرر بس احلا شي صاار بحياتي انوو تعرفت ؏ حبيبي ضرغام.
كان الي زوج وحبيب وأب وكلشي اهتم بيه اكثرر م̷ـــِْن نفسه
وكان كدد كلمته م̷ـــِْن كلي مراح اخليج تتندمين بيوم ؏ قرارج م̷ـــِْن وافقت اتزوجه.
احبه حب مينوصف ولاگدر اعبر عليه بكلمات ربي يحفضه الي ويخلي النه طوول العمرر.
