رواية لأني عاقر الفصل الثامن والأربعون بقلم مريم خفاجة
مدري شمات بية وگمت ما أشتاك
عمر تانيتك ومليتك بسرعة
من شفت على عينك لون غير عيوني
غسلت جفوني منك بثنعش دمعة..
...
فتحت عيوني ؏ وسعهن
بصدمة:-جذابة؟؟
رغد:-والله
حجتها ودموعها بعينها:-مادري هو گال
اقاربكم ماعرف ابوج
رغد:-وغيث شلون؟ يربي خاف يتعارك ويا اذا
شافه يتخبل صارله كم يوم يحوم ؏ بيوت واحنه
منبهين اهل المنطقة كلها تعرف بالسالفه محد
ينطي العنوان حتى اجاني وديتله ميار ميعرفها
شوداك لهنا يالله
ملاك:-سلمتي علي؟
باوعتلي بعيون مدمعة:-اي وحضني وباسني بكصتي
ملاك:-بلكي ميتعارك وياه
رغد:-لتكليله لغيث ولا تخابري من يجي نكله ؏ كيفنه
ملاك:-ماشي
عافتني وخلتني بحيرتي شجابه ابوه؟
وشراح يصير؟
وشنو ردات الفعل بينهم؟
ردة فعل غيث شلون راح تكون؟
بس الله اليعلم
لـ2 واني گاعدة على نار شيجيبة
سويت الغدة وماعرف شسويت اصلا وادري
مراح ياكل لذلك سويت شي قليل
انفتح الباب ودخل سيارته
گمت وگفت باوعتله من الشباك
اجه عادي مبين ميعرف فتحت باب المطبخ
وهو
مدنك ينزع حذائه رفع راسه وابتسم وضيك عيونه:-ها مليكة
ملاك:-هلو
كام ونكث روحه:-بعدهن الفيوزات طاگة
ضيگت عيوني:-لا بالله
غيث:-ادبسزية
ملاك:-ادخل ادخل
دخل وهو يباوعلي بشك لزم
فجي ودار وجهي اله:-شبيج؟ اكو شي؟
ملاك:-لا ماكو
غيث:-عليمن تضحكين؟
ملاك:-غيث
غيث:-احجي يابة شكو
بعدني اريد
اگلة دخلت رغد مرتبكة:-سلام عليكم
باوعلي ورد السلام
ورجع باوعلها:-بيجن شي واحد مات؟ عبودي وينه؟
رغد:-غيث ابوية هنا
حجتها بسرعة وبدون ماتباوعلة
لزمت ايدة الرجفت بساع عكد حاجبه وكال:-شنو؟؟
رغد:-من الصبح هنا
رجع شعرة ليورا وكال:-شجاااااابةةةة
خله وطلع وطلعت رغد ورا مكدرت
اعوف عبودي وحده نايم بقيت افتر
بالصاله ميته رعب
اب غيث غير عن كل اب
كتل امه گباله حقه يشمأز أصلاً يباوعله
جان ابوية من يكتل امي حرگة
بگلبي تصير واريد ارجعله اضعاف الكتل
شحال هو الي موت امه؟؟
مرت ساعتين وأيست كلت
اكيد تعاركو راسلت رغد يمعودة
يمعودة ردي يا ام الغيرة مترد خابرته
هو كذلك ميرد
الخوف اكل گلبي
شوية ونفتح الباب واجه غيث
غمضت عيوني كمت وگفت دخل اكثر
ذب روحه ؏ قنفه رحت جبتله مي وكعدت بصفه:-ها غيث؟ بشر؟
باوعلي يلهث وغمض عيونه
ورجع فتحهن وحجه بخيبة:-اندل النذل اندددل
ملاك:-والله ماادري كلي اقاربكم
شمدريني وانت ولا مرة جايبلي
طاري انو هو يدور عليكم بالمنطقة
رفع راسه ليفوك ومسح ؏ وجهه:-معليج انتي
بابا اني ماگتلج عبالي رغد گايلتلج
سكتت
بقه هيج فترة ودور باوعلي وضحك:-بعدج مطنكرة؟
ضحكت:-دحير بروحك هسة ومصايبك
ضحك ورفع راسه ليفوك ورجع باوعلي:-لا بالله؟
ملاك:-تزعلني ونوب تجي تحرمصلي
غيث:-ميهون عليه زعلج ولا يهون عليه تدورين وجهج مني وتنامين يم عبد
ملاك:-انتَ تَغار هواي وتضوجني
غيث:-اليحب يغار
ملاك:-بس الغيرة مرض!
غيث:-واليحب يحب هذا المرض
هزيت ايدي وگتلة:-شحتسوي هسه؟
غيث:-خليني ناسي
ملاك:-الله يساعدك بس غيث
رفع عيونة علية:-مايجي يمنة
ضل صافن يباوعلي
وسكت بلع ريگة رجعت گلت:-اخاف ؏ روحي
و؏ ابني كلشي يسوي
هز راسة وگام گال:-خلي اشوف الوضع وارجعلج
گمت وياه دار نفسة وباسني
بخدي ومسح عليّ:-رضيتي؟
ضيگت عيوني:-لا اكيد يلا روح
غيث:-اويلي بالعناد
ملاك:-دروح يلا عني
ضحك وراح
واحس انقهر من گتلة ؏ ابو
بس ممستعدة ادخل شخص غريب
مرة الثانية لبيتي
ومَرت كم ساعة
وطبوا رغد وغيث گتلهم:-ها شصفيتوا
رغد:-ملاك بس كم يوم يضل هنا
ماعندي مكان انتي تدرين ببيتي زغير والله
لو عندي جان خليتة
ملاك:-وليش ماعندة مكان؟
غيث:-ماكو يريد يدور لان جان كاعد بالايجارات
وخلصن فلوسة
ملاك:-وتريد تخلي هنا؟ لو اموت
يعني هو كتل امك اني شمعرفني شيسوي بية
وبأبني وانتَ بالدوام ماتجيني اله بـ 2 الضهر
شلون تأمن علية
غيث:-حبيبي بس ادورلة بيت
بعيد منا ماريدة قريب كم يوم وبعدين يروح
والبيبان مقفلة كلها منين
يطبلج واني اخذ اجازة ؏ راتبي
واضل يمج
ملاك:-كل مرة وتقشمروني ومن يصير شي
اني اطيح بيها
رغد:-شيصير مثلاً؟
ملاك:-كلشي يصير رغد زينب دخلتها
لبيتي هم انقهرت وخفت عليها
وتاليها شسوت بية
غيث:-شجاب هاي ؏ هاي يابة
ملاك:-وديني لعد يم جاسر وهو خلي يضل هنا
غيث:-بدت تمخرط بابا شبيج انتي خبلة
گتلج البيبان مقفلة منو يدخل ومرتة وجهالة
هنا
ملاك:-متزوج؟
باوع غيث لرغد وثنينهم
الحرگة بعيونهم گالت رغد
بغصة:-اي وعندة ثنين جهال
سكتت
غيث:-ها؟
ملاك:-اسبوع واحد والله غير الاسبوع
اني اطلع
غيث:-دللي يابة ما يطول
هزيت راسي وهم راحوا
وبدى الخوف ياكلني واني اگول
ليش خليتة وليش قبلت
للمغرب وسمعت اصواتهم طبوا
للاستقبال واسمع صوت جهال وهو يحجي
بصوت خشن
بقيت انتضر بالمطبخ
طب غيث مغثوث
گال:-وين عبدالله
ملاك:-بالغرفة
غيث:-لاتخلي يطلع برة
هزيت راسي وگلت:-عادي اطب اسلم؟
غيث:-بكيفج
ملاك:-اسوي جاي
غيث:-سوي
راح ورجعلي:-جبتج لو عبايتج ماتطلعين هيج
ملاك:-اي
عافني وراحلهم سويت جاي ولبست
جبة عريضة وصحت لعبودي گال:-منو ماما
ملاك:-جدو هذا ابو بابا
عگد حاجبة:-بابا عندة اب؟
ضحكت:-اي انت مو عندك هو هم
عبدالله:-وانتي؟
ملاك:-اي اني هم عندي
عبدالله:-وينه؟
ملاك:-مو هنا عايش وحدة
عبدالله:-وابو بابا؟
ملاك:-بالاستقبال تعال نسلم عليهم
لزم طرف جبتي ابتسمت
واني لازمة صينية الجاي
فتح باب الاستقبال عبودي وغيث
گام:-السلام عليكم
گاموا ثنينهم ومرتة اجت سلمت علية
جانت زغيرة حييل
ملاك:-اهلاً وسهلاً بيكم
مالك:-اهلاً بيج ام عبدالله
ابتسمت مُجاملة وعبودي بصفي
وغيث هم صاحلة:-تعال جدو تعال
جلب عبود بجبتي همستلة:-روح حبيبي سلم
عبدالله:-ما
غيث:-عبودي روح لجدو
مالك:-تعال تعال هله هله
راح عبودي خطوة لگدام وخطوة لورا
گوة يلا وصل يمة ومن باسة
عبودي تقرف منة الة شوية يبجي
رجع وهو يمسح بخدة
ومعكمش وجهه وصل يمي
وگال بصوت هامس:-ايع
كتمت ضحكتي وغيث كذلك
لزم ايدي قوي شوية وگمنة
طلعنة وهو ذب نفس عالي
وقفل الباب عليهم
وطبينة للبيت
گعدنة ؏ القنفة گتلة:-مرتة زغيرة حتى جهالة
شنو ستوة متزوج
ضحك:-هاي الثالثة
ملاك:-جذاب
غيث:-وربج وعندة بعد بنية من ذيج الله واكبر
ملاك:-عزة
غيث:-هذا مال احطة واكتلة اكو واحد يلومني
ملاك:-تؤ اسكت
غيث:-شفتي خو رجال شاب لا مبين
عليّ جبير ولا تعبان وامي الأكلت القهر وماتت
ملاك:-كلكم هيج
غيث:-شنو لج؟
ملاك:-كلكم ماعدكم وفى ولا عدكم حُب
واحنة النسوان راح نموت مقهورين من وراكم
واكو تشوفة يموووووت عليها ولا خاينها ولا
يسويلها شي بس اكو تصرفات تقهر
البشر فـ انتوا الزلم هذا طبعكم
اذا ماتغثون المرة ماترتاحون ولا يصفى بالكم
دمغني ضربتة بجتفة
وعبود خزرة وضرب فخدة:-لاتضررررب مامااااا
غيث:-لك مو اطيح حضك انت وامك
عبدالله:-ماتضرب ماماا بعد
ضحك غيث وعبودي دارر
وجهه علية:-ماما تأذيتي؟
ضحكت وهزيت راسي بـ اي
وهو رجع خزر ابو
ورجع خلة راسة برگبتي
عبد الله:-اني احب ماما اكثر منك
غيث:-اني احبها اكثر
عبد الله:-ماما اني اكثر مو؟
هزيتله راسي مبتسمه:-اي يروحي أنتَ
كرصني غيث ؏ كيف
بجتفي رجع ضرب ابو:-لاتضرررربهاااا
غيث:-شو انت تصيح علية ترة اكتلك انت وامك
گام يبجي وهو يحضن بية
ويبوسني:-عبودي شو يا هاي صدك تبجي علية
عبدالله:-لا يضربج
غيث:-ما اضربها ولك جاي اتشاقة وياها يلا اسكت
عبدالله:-اني اكرهك
تستمر القصة أدناه
غيث:-واني هم اكرهك ؏ اساس اموت عليك
عبدالله:-ماما تحبني اني ماريدك
ملاك:-كافي عوفة لتبجي
هاي عود ستونة نحجي ؏ اباء گرت عينك
ضليت ابوس بعبودي وشلتة ورحنة
للغرفة ضليت اني وياه نحسب لل 100
لحد ما غفة
وطلعت گتلة:-ماتنام؟
غيث:-انام هنا
ملاك:-ليش؟
همس:-ما أمن
سكتت
عفتة وصعدت فوك
شعور وانتَ گاعد ببيتك وما مأمن ؏ نفسك
شعور يقهر
ومرت كم يوم وغيث يدور
؏ بيت وهو من يروح ويا يرفض
مايرضى بأي شي
وغيث روحة بخشمة يضل يتعارك وياه
اخذ اجازة هواي من شغلة
لحد ما بعد ميكدر ورجع يداوم بس
يبقة كل ساع يخابر واني اقفل باب
المطبخ وباب الاستقبال الي تطل
؏ صالة المفتوحة
وبيوم عزمنه جاسر ومرتة
واجو ريم وقيس وعائلة رغد
وكلهم ضايجين من وجودة وهو طب
وگعد بالصالة ومرتة بصفة لازگة حتى صوتها
مينسمع
ورغد وغيث مطنگرين
وحتى عمتهم زهرة من طبت واجة يريد
يسلم عليها عافتة ودخلت لجوة
صعب تكون انسان مكروه
كعدناهم ؏ سفرة وحدة
كعدت اني بعيدة عن غيث وعبودي
باوعتلهم وابتسمت وهو مخلي
بحضنة ويوكلة
بقيت مدنكه واكل
ونحجي ؏ كيف اني وريم
وفاطمة ورغد ساكتة
وابوهم يسولف يسولف ويعيد
بموضوع التهجير من الموصل من داعش
كل ساعة ويسولف وين عاش و وين
گعد واحنة راسنة صدع
والوحيد الي يسولف وياه جاسر
لان يستحي وهو يوجهلة كلامة
وغيث ينافخ
واني مدنگة اضحك واحاول
ما اطلع صوت
ماحس اله وصيحة غيث بصوت
عالي ؏ عبود رأسا التفتلهم فاتحه عيوني
وكع على غيث مرك فـ صاح بي
اعرفه هو متحمل ؏ اعصابة وادري
بي ضايج وكوة متحمل الگعدة بس ميصير
بصيح بي كدامهم
ردت اكوم اجيبة نتر:-اكعدي
رجعت كعدت وذبيت نفس وبقيت اباوعلهم
دنگت اكل
صدفة رفعت راسي ؏ عبود
عيونه مدمعه ويباوعلي مبرطم اللگمه وكفت ببلعومي احسها ومكدرت اكل بعد
ذبيت الأكل وكمت غسلت
ورحت اخذته منة
ودخلت لغرفته رأسا بجه اول
مادخلنه ضام راسي برگبته ويناشغ
ملاك:-اشش اسكت ماما ميدري بيك
أُمي ميدري
عبد الله:-يدري هو صيح عليه
بقيت افتر بي وهو دمعه ورا دمعه تجري
نفتح الباب ودخل غيث وسد الباب واجه راد ياخذة:-تعال شو
ماقبل بقة حاضني
من رگبتي:-غيث ليش صحت بي كبالهم؟
ذب نفس وما جاوبني كعد ؏ جرباية
عبدالله:-ردت ردت اكل وهو خلاها
بحلكي حيل وكعت اني معلية
يحجي بشهكه يكسر الگلب كام غيث بسرعه واخذة مني وكام يبوس بي ويعتذر منه
طلعت برة لملمت الاماعين
وغسلناهن اني وريم
راحو قيس وريم
بقت بس رغد وأبن ريم يمنه و جاسر ومرتة
كعدنه اني وفاطمة ؏ طبلة نحجي وننضف
الخضرة
فاطمه:-صدُك عبودي ميشبهج
ابتسمت وهزيت راسي وهي
ضحكت وردت حجت:-ولا يشبهه ابوه؟
ملاك:-يشبهه أمه
ضحكت وگالت:-أگُلها ميشبهج تگُلي يشبهه امة
ملاك:-ليش محد حجالج قصتي؟
فاطمة:-شنو؟
ملاك:-ترة هذا مو ابني
ابتسمت بقوة وذبت اللي بيدها
وضمت شفايفها داخل حلگها كل
ضنها اشاقة وياها:-هاي شبيج ملاك؟
ملاك:-والله شبيج ترة غيث تزوج ومرته ماتت وهذا ابنها
فكت حلگها مصدومة:-لا لا ما صدك والله
رغد:-عليمن ماصدكين يمة
فاطمة:-عود صدك؟
ملاك:-اي والله
فاطمة:-ناصبات عليه والله
ملاك:-لج لاتحلفين والله العظيم
مجاي اجذب صدك مو ابني عبودي
ابن هو زينب مرت غيث الثانية
وبالولادة ماتت
بأثناء ما جاي احجي دخل
جاسر و ورا غيث لازم جكارته كامتله وحجت:-جاسر صدُك عبودي مو ابن ملاك؟
ابتسملها:-اي
دارت وجهه ؏ غيث:-ما جاي اصدك انتَ الأب احجيلي الصراحه؟
غيث:-ابنها بالتربيه بس كحمل لا
فاطمة:-لعد شنو؟ شكد صارلج مزوجه؟
ملاك:-9 سنين مو غيث لو أقل؟
غيث:-مادري ماحاسب
عافونه وطلعو واني كعدت
احجيلها:-اني بالأصل عاقر ميصير عندي اطفال
شهكت وخلت ايدها ؏ حلگها:-اي وجنت مزوجه
قبل غيث ابن خالي واربعه سنين وطلگني
بسبب هالمرض بعدها تزوجت غيث
وهم صارت مشاكل تزوج هو وجابت
مرته جان عدها مرض بالقلب وماتت
جابته وماتت واني ربيته صار قطعه من
روحي ولا كأنما ابني
فاطمة:-والي يسمع القصه ويشوف تعلقج بعبد ميصدك وكأنما افتراءات دتحجين؟ عفواً يعني
ابتسمت ؏ هدوئها واني
مدنكه الگط خضرة:-لا عادي حبي
ذبيت اللي بيدي وفتحت تلفوني
ودخلت ؏ قصتي:-حدزلج رابط قصتي
؏ برنامج واتباد اقريها اذا تحبين
فاطمة:-دا انصدم حالياً هواي علي والله
ضحكنه اني ورغد ودزيتلها الرابط
وهي فصلت عن العالم وگعدت تقرة
خلصت كم بارت ؏ كعدة وحده بعدها ذبت
الموبايل ؏ صفحه ولزمت راسها:-هذا ابوج
هيج جان يعذب بيكم؟
ملاك:-واخيس بعد شي قليل الي نكتب
بقت حاطه ايدها ؏ حلگها وتباوعلي
فجأه دموعها جرت
استغربت منها مسحت دموعها وكالت:-لج اليشوفج يبجي عليج والله بدون ميقرة قصه مجرد يسمع مختصر
رغد:-اي والله تبجي الصخر
ضحكت:-مو لهل درجة
كامت وحضنتني
حيل:-ربي يرزقج ملوكه والله راح ادعيلج
ملاك:-يروحي ماتقصرين
فاطمة:-وعبودي يعرف انتي مو أمة؟
ملاك:-اي اكيد محبيت أضم علي
فاطمة:-ماستغرب او شي منج؟
ملاك:-هو فتح عيونه عليه شلون يستغرب بعد؟
هزت راسها وهو جان يركض
يلعب كعدت بمكانها وصاحتله اجه
يمها كعدته ؏ كرسي المقابيلها وسألته:-انت شسمك؟
عبدالله:-عبدالله غيث
فاطمة:-تحب ماما؟
عبدلله:-اي
فاطمة:-وتعرف ماما ذيج؟
عبدلله:-ماما زينب؟
باوعتلي وكالت:-زينب؟
هزيتلها راسي ورجعت
هي باوعتله وكالت:-اي زينب
عبدالله:-أي أعرفها ماما تو
ابتسمت:-زين أنت تشتاقلها؟
عبدلله:-مااعرفها بس اشوفها بالصور وابوسها
حضنته لصدرها:-اوووي يمه حبيبي
ابتعد عنها مسافه قليله وابتسم
مشابك أصابعه
سوة والكلنس بأيدة:-يلا گوم اللعب
عبدالله:-ماما عادي نطلع برة نلعب اني وجود؟
ملاك:-لا تلعبون لا بالمي ولا بالطين مفهوم
ضحك وهز راسه وركضو لازمين الطوبه
فاطمة:-حبيبي كلش نضيف
ملاك:-الكلينس بيدة اربعه وعشرين ساعه ميذبة
فاطمه:-اي لاحظت
ملاك:-واذا تبدة المي ؏ ملابسة لازم يطب يسبح
فاطمة:-جاسر الثاني هيج هم اقل شي يطب يسبح
ضحكت:-مطالع ؏ ابوه احس
اكثر شي تصرفات جاسر
فاطمة:-لا كلش يشبهكم ويشبهه نضافتكم انتي وغيث
ملاك:-ياهوَ النضيف ياهوَ؟
تستمر القصة أدناه
فاطمة:-ههه انتي وغيث منو لعد؟
ملاك:-غيث يمه وما أدراك ما غيث الله لا يراويج
شلون يمشي ويذب الحاجه كلاص مي ميجيب
لروحه
فاطمة:-عزا صدُك متوقعت
ملاك:-وملابسه يوميه بالمعنى الحرفي يوميه اصفطهن واذا ما سويتهن اني يبقن ؏ حطيتهن ويجي يصيح عليه ليش ما تعزلين الكنتور يابه اني الخربتهن قابل مصيبه وعلي
ضحكت ورغد حجت من وراي:-لاتجذبين اخوي حتى طبخ يطبخ
ملاك:-لا يروحي وينه وين الطبخ حدة بس يرش الباب والحديقه
فاطمة:-هم كلهم الزلم نفس الشي لا يساعدون ولا شي
ضحكت وبقينه نتناقش تلاثتنه سوة
تأخرو يمنه وللعصر وراحو عزلت وراهم البيت
ودورت ؏ غيث وعبدلله مالكيتهم اكيد يم ابو غيث سويت جاي و وديته يمهم
هيج مرت الأيام وبقو عدنه اسبوعين
استحيت الح ؏ غيث اكثر هو
اساساً متضايق منهم
غيث بقة يداوم يوميه
واني ابقة وحدي بيوم جان الجو
حلو بداية الشتا
تفقدتهم نايمين فتحت باب المطبخ شوية
وبقيت اشتغل
شويه وأسمع دندنة اغنية
اباوع كاعد ؏ كرسي كبال الشبك مال مطبخ ويغني "گلي يا حلو منين الله جابك"
گلبي انكمش وسديت الشباك مگدرت
اسد الباب استحيت وضليت اشتغل ماكو درت وجهي اباوعله بالباب واگف
انفاسي تعالت يمكن اللي يكعد بالصاله
يسمعها
ومجنت لابسه حجاب باوعت للشال
مخليته ؏ طبله بس من الخوف ماگدرت امشي
مالك:-صباح الخير
ملاك:-صباح النور
مالك:-بلا زحمه تكدرين تسويلي جاي؟
هزيت راسي وجريت الشال خليته ؏ راسي
سحب الكرسي وكعد واني بقيت دايرة وجهي ومادري شسوي مسحت العرك الي بگصتي
وصبيتله جاي وخليته يمه اخذة مني وطخ ايده بأيدي:-مشكورة ماتقصرين
حجاها وهو رافع عينه الصلفه بعيني
هزيت راسي وبدون كلام نسحبت للصاله ضليت اتأخرت لحد ما طلع واني احس كلبي وگف
وتكررت الأيام وهو يگعد يغني بالباب
ويجي يمي وتطورت اكثر ويكعد يسولفلي عن حياته وحياة مرته ويصيحلي ملوكه
حرفياً خوفني ومكدرت اگل لغيث
بس فات الاوان لأن صار يتجاسر كلش
نزلت من الدرج غيث كاعد يباوع
اخبار ومقفلين البيبان كلها كعدت
بصفه جرني خلاني بحضنه همس
برگبتي جملته المشهورة:-مشتاقلج
بعدته عني واخذت نفس:-شبيج؟
ملاك:-غيث اريد احجيلك شي
غيث:-يا الله المشاكل وحده ورا الثانيه
ملاك:-اذا متريد تضوج ماحجيلك اني اتصرف؟
غيث:-ابوية ليش تحجين مية بالشهر انتي احجيلي شكو؟
كعدت سولفتله من البداية
لحد امس من حط ايدة ؏ خصري
وهو گام بعصبيه يريد يكتله لزمته من أيدة وصعدته فوك:-غيث عبودي ليخترع اهدئ بس خنشوف حل ونطلعه من البيت لان وجودة يخوف
گتلك من البداية ماريدة يمي
بعدني جاي احجي وكال:-يالللله خلصننني
مننننه
ملاك:-شوف حل افضل من العرك
كعد يفكر ويفكر الى ان وصل لحل وانطاني المضمون
نمنه وثاني يوم فتحت الباب
والشباك
وهو طلع للدوام بس خله سيارته براس الشارع صعد ؏ سطح بيت رغد
صعدتله عبودي هو ونايم
حتى ليخترع كل هذا نسوي بهدوء
واگف ؏ حايط وانطيته عبودي انطاه لميار وكللها:-لتنزلي انتي صيحي امج ليوكع
ميار:-ماشي خالو
عافتنه واني اباوع وراها خاف
يكعد نزلنه سوة وهو بقة بالصاله خاتل
و يگلي:-وعلي اليوم موته ؏ ايدي
سكتت وگلبي يرجف من الخوف
دخلت ولگيته كبالي ابتسمت وكتله:-صباح الخير
ضحك هو جن دخل الجنة:-صباح النور هله ملوكه
ملاك:-هم اسويلك جاي؟
مالك:-من أيدج اشرب القوري كله
ردت اتقيأ
من صدك وصلت حدها وردت اركعه بالقوري واخلي يشرب زين
بس استهديت مطمأنه غيث
بضهري والحمدلله من سولفتله
درت وجهي واني اثرم بالسبيناغ ؏
كاونتر واحس ايده التفت ؏ خصري
عيوني نفتحن ؏ وسعهن
جسمي كله رجف وكلبي وگع بالكاع
ورأسا صار بيه مغص بسرعه
ابتعدت عنه والسجينه ذبيتها
وهمست:-شدتسوي وخر
اللحضات اللي مرت بأغتصاب
كمال الي كلها مرت بذاكرتي واحس
متندمه لأن ضحكتله ومالبست حجاب
راد يغمى عليه من گال:-زوجج مو هنا خلي نتونس
صفگتة راشدي
قوي ودفعتة:-يا كللببب يا حقققير الله يلعنك
بهالأثناء دخل غيث
وهو من گد ما نذل
گال ؏ السريع:-والله هي صاحتلي
غيث:-صاحتلك مو
واحس جان متحلف بي
من صدك نازع التشيرت وباقي بس
بالفالينه وهو گاله:-دتععااال
لزمه من ياخته ودفرة بالصاله وطاحله دك
وبوكسيات ولا كأنما ابوه كأنما عدو:-ولكككك
كااااااافي شوووووكككككت اخلصصصص
منننننن قذاررررتتتتتك دنعل ابووووك لابوووو
اليخلييييكككك اليوووووم عددددل
غيث وجهه صار احمممر
دممم وعروك ادي انفجرت
من الخوف عفتهم ودخلت لغرفة عبودي
وسديت الباب وبقيت كاعدة ورا الباب خايفه
بقيت اتصنتلهم واني اسمع صوت مرته وجهاله يصيحون باوعت من الفتحه سحبة سحب بالكاع وطلعه برة فتحت الغرفة وركضت وراه
اجو
رغد وازهر وريم ويوخرون غيث
عن ابوه بس جان لازمه قوي ويضرب بي
وذاك فقد وضل الدم يجري منة من كل مكان
طردة برة بالشارع وذب غراضه برة
ولزم مرتة ودفعها ورا وهي تبجي وترادد
فوگاها
غيث:-دير بالك تفكر لو تطخ بعقلك
تجي هنا بعد والله اشنقك وامثل
بجثتك كلب ابن كلبب
رغد تجر بغيث واني واكفه
بدون ردة فعل وبعده المغص لازمني
وريم واكفه بصفي تهدي بيه وتردد آيات
لحد ما هف الباب حييل غيث
وكعد ورا لزم راسه وصار يبجي بحرگة!
ورغد كعدت بصفه وتدك وتلطم
عفتهم ودخلت جوة
كعدت بالصاله وريم بصفي
نطتني مي ذبيته بالگاع وشهكت
ريم:-لج ملاك بس فهمينه تحرش بيج
شلون؟ وغيث شلون هنا غير دوام؟
ملاك:-هو من زمان جان يتحارش
وكلت لغيث سوة خطه وضل ماداوم
ريم:-تؤؤ استغفرك ربي لو مخلينه يم رغد احسن
ملاك:-لج گتلهمممم لييييش ماياااخذون
الحجااااية ورغددد عدها مكان جان خلتتتة بالاستقباااال بس اله هنااا
ضليت مدنكه وابجي بحرگه وألم
سمعت صوت غيث يصيح بهمس:-ملاك وين
وينها
رفعت راسي وضامه شفايفي للداخل
شفت جاسر لازم غيث من عكسة
ويمشي هدة واجاني اخذني من
ايدي وحضني حيل:-متأذية شو باوعيلي
بابا اني اسف اني دخلتة للبيت باوعيلي ملاك
رفعت راسي مسح دموعي وهو عيونة
حمرة باسني من گصتي
وحضني حيل:-ما تأذيتي مو لاتبجين وعلي
ادمي لو لازم شعرة منج
ملاك:-الله لا ينطي
غيث:-لا تبجين حبيبي ما أذاج اني يمج
لاتخافين محد يوصلج
جاسر:-شو عوفها اخذها وياي للبيت
دفعة عني وصاح:-توووللللي مناااا لا اشعل اجددددااااددددك
ضحك جاسر وعلى ضحكتة
ضحكت
غيث:-كل ما صار شي واجة فوك راسي
جاسر:-وجع غير اختي
قيس:-طاحظك وحظ اختك هي هاي شنو
وتتعاركون عليها
جاسر:-مثلك مخليلك فارة كسولي
ريم:-ها جاسسسرررر هااااا ترةةةة دخخخخللللت جامممعة
جاسر:-خلفلة ؏ اهليات لفتج والا انتي طابوگة
ببيت ميقبلوج
قيس:-اي اهم شي طبت جامعة حتى لو اهلي
لاتغار تعاي ريمتي
غيث:-وانتي شكو تخابرين هذا
جاسر:-لك وعلي اخذها وغصباً ؏ راسك
غيث:-دكل تبن امشي لك لو تموت ماتاخذها
وياك
قيس:-صارت بي خوفة
طبعاً هاي اني شاورت بيج
تستمر القصة أدناه
ملاك:-باع هذا انتَ وين واحنة وين
باوعلي غيث وابتسم وهمس:-زينة؟
غمضت عيوني وذبيت نفس:-اتخيل انتَ
مو هنا جان شسوة بي لحظات الاعتداء من كمال
صار شريط گبالي وسمعت كل صرخة
صرختها باوع جسمي يرجف
باس راسي اكثر
ورجع همس:-لاتخافين اني بضهرج
ملاك:-الحمدلله
طبت ميار و وياها عبودي
ستوة کاعد ابتسمت ؏ شكلة وهو لازم
ايبادة بيدة
باوع للكُل وعگد حاجبة وباوعلي
واتجهه علية بعدت نفسي عن غيث وهو ذب
نفس
صعد ؏ رجلية وضم
راسة برگبتي:-صباح الخير حبيبي
عبدالله:-صباح النور
وخر عني وباوعلهم:-راح نسوي اكل؟
يقصد عود عزيمة
گتلة:-لا أمي
باوع لعيوني وگال بصوت ناصي:-ليش ماما
عيونج حمرات تبجين؟
مسحت عيوني وضحكت:-لا حبيبي
عبدالله:-بابا ضربج؟
غيث:-طيح الله حظك هو اني يمتة واصللها
عبدالله:-انتَ دائما تضرب ماما
جاسر:-العععععب أختتتتي مُعنفة گوووومي
لج گووومي لمي ملابسسسج بسرررعة
غيث:-انتَ لاتضل تزاگط اخذ هذا و ولي
ملاك ماتطلع
جاسر:-ملاك اعترفي؟
ملاك:-اي يضربني
باوعلي رأساً فاتح عيونة
وحلگة:-ايا ادبسز يا طايحة الحظ هو مو صوجج
خلي يطلعون واني اعلمج
ضحك الكُل وبدوا يرحون
وصفينة بس احنة ضل طول اليوم
يبوس بية ويعتذر حتى ادية
باسهن كل ساعة واعتذر واني اهدي بنفسي
وانسي الموضوع
ومَرت أيام
وعبودي كل ما يشوف ابو يشاقة
وياي ويضربني يلعب بي لعب واني اكيف
وبيوم عيد ميلادي جنت منتضرة
مُفاجأة غيث بس العجيب ما سوالي اي شي
مثل كل سنة طنگرت وگلبت وجهي
وهو عادي ولا يمة
بليل تخصرتلة:-ترة اليوم عيد ميلادي؟
غيث:-جا شسويلج ما شبعتي كل سنة اسويلج
عيد ميلاد زعطوطة عمرج 15 قابل
ملاك:-لا بالللللله؟؟؟؟
غيث:-والله
ملاك:-اريد اشوف منو ينام يمك
غيث:-دروحي ميت عليج
فتحت عيوني وشمرت علي المشط
واكو غراض هم شمرتهن وعفتة
وشردت بصف عبودي نمت انقهرت لو گايلي
بس كل عام وانتي بخير جان رضيت
ويگلي ميت عليج؟
لا والله
بقيت نايمة يم عبود واني انتضر
اگول هسة يجي حتى ما اجة
عفتة ونمت
يصير خير
وثاني يوم
ماگعدت ويا للريوك ولا سويتلة شي
وبالغدة تغدينة اني وعبودي وعفتة ورحت
لبيت رغد
لشوية يلا رجعت شفتة
ياكل وحدة عبرتة ورحت لغرفة عبدالله
وگعدنة يسولفلي بالأنكليزي
واني اكو اشياء ما افتهمها هو ياخذها
من ذولة الي بالتلفون شيحجون يحجي مثلهم
واني اترجم بالمُترجم
للعصر وسمعت صوتة ينزل من الدرج
بقيت دايرة وجهي
انفتح الباب وسمعت
صوتة:-ملاك
ملاك:-خير
غيث:-گومي بدلي
ملاك:-وين اولي
غيث:-دگومي واني اگلج
ملاك:-عود تريد تراضيني لو تموت
غيث:-منو گالج اراضيج منو انتي حتى احرمصلج
گومي گتلج
ملاك:-واني مخبلة اطلع وياج
غيث:-عبود نروح؟
هز راسة بـ اي
خزرتة:-گول لاااا
عبدالله:-اريد اروح
غيث:-گومي يلا انتضركم
ملاك:-گلي وين واگوم
غيث:-لحت لحت گومي بساع يلا تأخرت
گمت صعدت فوك ضليت صافنة
شلبس اله اقهرة
اخذت سويت اصفر وبنطرون نيلي
ولفيت حجابي نيلي وكعب ومكياج
ونزلت وهو باوعلي من فوك لجوة
وسكت ماحجة
باوعت لعبودي لگيتة مبدل
ضحكت:-هاي شنو صاير انيق
عبدالله:-حلو؟
ملاك:-تخبل أُمي انتَ تخبل
اكو احلى منك زلم الكون كلها تروحلك فدوة
غيث:-مال اجرج بزيج بس مو اخلاقي
ملاك:-اوي ابو الاخلاق كلش ؏ اساس انتَ
غيث:-احاول اصبر امشوا يلا
صعدت بالكشن الورا هز ايدة
وصعد واني وعبود نطكطك صور ونضحك
وهو يباوعلنة من الجامة ويهز بيدة
وصلنة لمكان قريتة
واستغربت ونزلت مستغربة:-هاي وين
غيث:-تعاي يالصلفة تعاي
مشيت وياه لزم ايدي وطبينة
لمصرف مكان جبير ومرتب دخل للرجال
وشفتة يسلم عليّ
ركزت بي عرفتة ابن عمتة
همست:-شونك خوية
_اهلاً ام عبدالله نورتي
ابتسمت واني بعدني مستغربة
ذب نفس الولد وگال:-الي بأسم ملاك تريدة؟
وغيث مبتسم:-اي
گرصت ايدة باوعلي وغمض
عيونة وضحك ورجع باوع للولد
وهو يسطر فلوس گبالنة
الفلوس كارثية اول مره اشوف هيج گبالي
اي والله ماشايفة
وهو يحسب ويحط بالحاسبة
لحد ما فرغ كلشي گال:-تم فرغ الحساب
غيث:-مشكور بقوري ماتقصر
باقر:-تتهنون بيهن ان شاءلله
حطهن بحافظة وغيث لزم
ايدي وطلعنة صعدنة بالسيارة
واني لسة فاتحة حلگي شنو بأسم ملاك
شنو هاي الفلوس
ملاك:-غيث شنو هاي
غيث:-فلوسج
ملاك:-مافتهمت فلوسيش منيلي فلوس اني
غيث:-بيتج مأجر وهاي فلوس الأيجارات
درت نفسي عليّ:-شدتحجي يا بيت فهمممني
غيث:-بيوم عقد المحكمة
ولو انتي عقلج مدري وين جان
بين الاوراق جانت اوراق تحويل ملكية البيت
من اسمي لأسمج بيت عندي مأجر بالشعب
حولتة بأسمج وهاي الفلوس فتحت حساب
وشفتج ماتدرين ضميتهن ضميتهن لحد هسة
ضليت امس افكر شون اراضيها هاي الصلفة
واتذكرت فلوسج
واني فاتحة حلگي:-دتجذب
فتح هاي الچكمچة من يمي
وطلع اوراق وخلاها بحضني
واني اقرة بيهن حرف حرف ومصدومة
ملاك:-ليش مگتلي من زمان؟
غيث:-ردت مبلغ مرتب حتى شنو تريدين
تتصرفين بي تتصرفين بحُرية
ملاك:-هسة هذا شگد؟
كالي شگد واني صافنة
ذني وين اوديهن:-اوديج للبيت؟ الي هوَ بيتج طبعاً
ملاك:-اي اي وديني
بقيت طول الطريق
صافنة هاي شلون هيج؟
المبلغ بقة بعقلي يفتر طول هالسنين هو يجمع
بي ليش ماگالي؟
وهو مطلع اغنية
زعلان اراضيك بعيوني اخليك
وصلنة للبيت جانت اشجار
مغطية الباب والباب ابيض نزلنة
وبقيت افتر بي بنائة حديث
يجنن صح زغير
بس مو طبيعي
گتلة:-ليش محد هنا
غيث:-قبل أيام طلعوا الناس منة
ملاك:-شگد ايجارة هذا
غيث:-انطيهم فد مبلغ يگدرون علي يگدرون
ميگدرون اخفضلهم 50 ، 100 هيج
ملاك:-حلو البيت وزغير
غيث:-اي
افتريت اكثر واني اضحك
وعبودي يلح:-هذا بيتمن
ملاك:-هذا بيتي
عبدالله:-نعيش هنا؟
ملاك:-لا حبيبي
عبدالله:-ماما خلي نصيح شوفي راح يطلع صوت عالي
ضحكت وصحنة اني ويا
وصار صدى وهو ضل يضحك
وغيث يحسب بالفلوس
واني وعبودي واكفين فوك راسة
ضحكلي:-هسة شتردين تسوين بيهن ذني
ضليت صافنة افكر
باوعت لعبودي:-شنشتري بهاي الفلوس عبدي
عبدالله:-اممممم نشتري سيارة خضرة؟
ضحكت:-اي نشتري سيارة
باوعت لغيث مضيك عيونة
وگال:-شنو اني هنا طرطور
اخذت الفلوس وگلت:-شنو عيوني
غيث:-شو ما تاخذين رأيي؟ گليلي ؏ اقل
ملاك:-انتَ بيش الكيلو حياتي
غيث:-والله نذلة شما اسويلج مايغزر بعينج
ملاك:-الله فلوس وعندي صارت وبيت عندي
وسيارة راح تصير بالجيب
وعندي عبودي وسندي بعد انتَ
حتى ما احتاجك
ركض وراية لزمت عبودي
وركضت وطلعنة لبرة نضحك
وهو ورانة يسب ويشتم
صعدنة بالسيارة گتلة:-يلا عيني للمعارض
غيث:-انتي مو مال عيني واغاتي مو صوجج
هو هذا اليخلي فلوس بيدجن انتن النسوان
ملاك:-اشششش يلا
ضربني:-ادبسز صلفة
ملاك:-عبودي ضربني انتَ تصرف
بقو يتعاركون واني اضحك
شميت ريحة الفلوس وگلت:-افييش
ياربي باع الريحة
غيث:-امداج
ملاك:-حبيبي هي هاي الوصخ دنيا
كلها تركض وراها لعد شنو فايدة الانسان
بدون فلوس اني هسة يلا حسيت روحي صار عندي قيمة
ضحك بصوت عالي
وضل يهتز:-ادبسز
وصلنة للمعارض وهم جانوا
اقارب غيث بقينة نفتر واني اخذ رأي
عبودي
ثبتنة ؏ سيارة مو عالية ماردتها لان
اخاف منها ولونها زيتوني
وعبودي يطفر گالوا
يومين ويكمل كلشي رجعت للبيت
متحمسة
باوعتلة وگلت:-شُكراً هواي
غيث:-بعد وكت
ملاك:-شبيك غثة هسة خلي نسولف
غيث:-تاخذين رأي هذا الزعطوط واني بعرض الحايط
ملاك:-لا لا شلون هو صح عبودي اغلى منك
بس هم انت غالي
غيث:-انزلي لا ارفسج
ملاك:-يلا أُمي
نزلنة وهو يدردم
ضحكت وبليل شكرتة شكر خاص
يومين ورحنة نستلمها
واني اوقع وفرحانة وضحكتي
ماخذة نص وجهي
صعدت بالسيارة اعرف اسوقها
بس مو كلش وعبودي يطفر
ويصيح:-اني اسوق وياج ماما
وصلنة للبيت واحنة نضحك
تلاثتنة دخلنة
وهو باس ايدي:-اعيش
وابدل احزانج بصوت ضحكتج هاي
ادعيلي الله يطول بعمري واخليج فرحانة دائماً
وانا اعتذر ؏ كل جرح سببتة الج
قصد او بدون قصد انتِ روحي وانتِ
عيوني أمي اللي ساهرت ليالي واني
اباوعلها واتأملج
مستعد اعيد من اول لحظة شفتج بيها
ومارجع اكرر اي غلط غلطتة وياج
ولا نزلت دمعة من عينج
مستحيل انسى اللحظات واني انتضرج
بعز الشمس حتى تطلعيلي ويبرد الجو بشوفتج
لو شما سويت الج مراح تحسين بربع
حُبي الج ملاك اني مو بس احبج
اني اعشقج تفتهمين شنو اعشقج ارجع واگلج
حُبي مايضمة عدد ولا يضمة رقم
الله من خلق النجوم والهوى والبحار ماخلة
الهن نهاية وبداية واني كذلك عشگي
لا الة بداية ولا الة نهاية...
نعيد من جديد؟...
