رواية لست غجرية الفصل الرابع بقلم روز الحيدر
بتسمت وعينها على بتها كالت
: أجه، بابا يروحي
اني وجدة بسرعة طلعنا أله واشوف ذاك الشاب
طول وهيبة، لازم امها ومخلي لسلاح براسها
رد والشرار يطافر من عينه
: ساكت لخاطرها بس بعد اليوم احاسبج على كل
وجع توجعته بسببج، ماكفاج تردين تاخذين بنتي!
دفعها وجهه السلاح عليها
: بسرعةةة تصلي بيهم وامنعيهم يجون بسرررعة
الموبايل بأيدها ترجف ردت
بتوتر : دلل دلل
من شفت حالتها احس گلبي برد، اتصلت ومنعتهم
ولظاهر هم ماقبلو يرجعون كالت: لا ابوها عرف
ورفع لسلاح وحددني بالقتل.
هو سحب المبايل منها صاح
: ورب الكعبة لي يوصل،معناها منيته على ايدي
سد الخط وشمر المبايل عليها لما سمع صوت الطفلة
ألتفت عليّ: وينها؟
اشرتله ركض على غرفة فتح الباب ملهوف على زوجته
حضنها يبوس راسها ويشمها، هي تبجي تشهك بحضنه
بقى يهديها واخذ بنته والضحكه ترست وجهه وهو
يشوف بين أديه صار يبوس بيها
: يابويه فدوة رحتلج، لو اعرف أموت واضحي بنفسي
ولا اعوفج
رفع عينه على زوجته
: تكدرين تمشين؟
هزت راسها بايجابية، رد
: لحظة خليج..
نطاها لطفلة وطلع، طلعت ورا، اشوف امها مخليه ايدها
على راسها من شافته جفلت، عداها وطلع للسيارة
مدري سوه ورجع...
اخذ البنوته خلاها على ارض وشال أمها صاح..
: خوية بلا زحمة عليج بس تكدرين تجيبن الطفلة
للسيارة بس رحمة الولديج لفيها زين لجو بارد
هزيت راسي لفلفتها واخذها وهو طلع شايل زوجته
وهي محاوطه ركبته صعدها بالسيارة كعدها واخذ
لطفلة مني خلاها بحضن امها ورجع صار يتشكر من
جدة،.. بعدها ألتفت على ام زوجته كال
: خليج بعيدة عن عائلتي ولا تخربين بيتي .
لف وطلع هي كذلك طلعت صعدت بسيارتها شغلتها
وطلعت لولد هم رفع ايده يسلم هو وزوجته وطلعوا
سدينا الباب ورجعنا اني وجدة نمنه بالغرفة دحست
نفسي بحضنها الدافي غفيت بعدها صحيت وجدة
نايمة خفت كعدت خليت ايدي يم خشمها
همست : جدّةة؟
شوية فتحت عينها نص فتحة
باوعتلي وتبسمت
جدة : بعدچ هنا؟
: وين أروح... غير لحضنج؟
مدت إيدها تمسح شعري باست راسي حضنها
جدة : گلبچ أبيض... بس قاسي من كثر الوجع
: لو مو القسوة جان أكلونا الوحوش
جدة : خليج هيج سباعية وفگسي عيون ولا
تبينين نقطة ضعفج
سكتت لحظة
دفنت وجهي بصدرها صوتي طلع مكسور
: تعبت... تعبت هواي
شدتني أكثر
جدة: أدري حبوبة والله أدري بس ربي يوكف وياج
حتى لو ما حد أنقذچ الله موجود.
اشم عطرها
: خليني بحضنج واصير قوية بعدني نعسانه
ضحكت وضمتني
: حبوبتي خاف أيدج توجعج من انام عليها؟
جدة : لا حبوبه نامي ماتوجعني.
ألملم نفسي بحضنها ااخ ياحضنها صعب اوصفه
امان، راحه نفسية، دفو، سند كلشي حلو بي
صحيت على ريحة اكل غسلت وطلعت اشوفها تمد
بلعجين تسويها رقيقة وتحشيها كرفس وبصل اخضر
مثرم وتلفهم تحطهم بالطاوة تكون حامية، اخذت
قطعة طعمها طيب ويا چاي مخمر تمام يعدل الراس
ويصحي..
واخلص يومي مثل كل مره اما اطلع بالغنم او اكعد
اكمل حياكه من اتعب اروح يم البنات سوالف وضحك
وظافر رجع مابي شي جدة ماقبلت تاخذني اشوفه
تكول هل مره اذا اخذج تكلتلي خلاص
ورده :شسالفه حبوبه لي يسمعج يكول مجرمة
وعدها سوابق!..بعدين شمدرين هي مّية دافية
وكعت عليه
جدة :ولج مّية!!!لرجال ملفلفي تلفلف تكول مجفني
وهو حي
بتسمت
:الله عليج!!
جدة :كعدي وسكتي اذا سلطانه عرفت بيج تمص
دمج
سحبت نفس ورجعت ضهري على حايط
ورده : بس أمنيتي أشوف يموت لو اني اخذ روحه
وخليها شتسوي بية قابله
جدة : تردين تموتيني، شلي بحياتي بعدج ولج
وريدة
ورده : غير انتِ واكفه بعين وله من زمان سويت
دارهم رماد
جدة : الله يبرد گلبج حبوبه
همست النفسي
ورده : مايبرد له بنارهم
راحت وبقيت وحدي ماعندي شي اسوي كمت خليت
مكياج وسحبت عيوني ذيج السحبه حتى امون مايلحكني بجرت العين، ودمجت تحديد اسود ويه
حمرة حمرة دم لبست خلاخيلي وشديت وركي بزنه
مشرشبه وشغلت غنية وكفت كبال المراية هنا نسيت روحي اقسم نفسي تقسم واندمج...
لفيت نصدمت باهر مايل جسمه على حايط الباب
عيونه تاكلني اكل وگفت صحت
: شجااابك؟ أطلعع بسرعة
أخذت وشاع لفيت نفسي بي
بتسم
باهر : تعرفين نقطة ضعفي خصرج!
لا تجرحيني
: چسمي مو ساحة صيد.
بهمس
باهر : تحچين هيچ وجسمچ يجذبچ.
رفعت حواجبي بتسمت بسخرية
: الجسم ما يحچي اللي تحچي نيتك القذرة.
باهر : نيتي؟
لا تلعبين دور الطاهرة
وأنتي هسه چان تكسرين المراية من الشغف.
: الشغف لنفسي مو إلك.
قرب خطوة دخل للغرفة بلعت ريكي مااريد
أخاف لازم اسيطر على نفسي
عينه على شفتي بلع ريكه رد بحسرة
باهر : شيصير لو ألي؟
لزمت نفسي حتى مابين خوفي
: تحبني؟
هز راسه
باهر : هايم بيج، ولج عقل مابقى براسي اشرب لسم
حتى انساج ماحس له ألهج بأسمج
طلعت من الغرفة واحجي
: شلون دخلت للبيت؟
لحكني
باهر : دكيت ماكو بس سمعت صوت لغنة رفعته
لسركي ودخلت
: اممم
باهر : ظافر طلع
: اعرف
رفعت عيني عليه
: باهر
باهر : فدوة يروح لحجل رجلج.
: اذا تحبني شلون تهددني؟ وتقرب عليه وتكسر
الأمان وتعرف وضعي!
نزل راسه
باهر : من قربت ماقصدي أأذيج بس ردت
تتعودين، ورب الكون ماعرف شلون صار
ورحتي واني منتظرج بوقتها له سألت السايق
لي وصلج يله عرفتج ولكيتج تهزين عاد ورده
ماصدكت دكولها!
:اممم... خليني اني اتعود بكيفي ولا تجبرني على
شي.
بتسم وتقرب خطوة
باهر : صار ماتقرب بس خليج لا تنفرين مني
هزيت راسي رديت
: اطلع ويصير خير
طلع من البيت يضحك وان كدرت اتنفس كعدت ويه
نفسي وصفنت ذيج الصفنه لي يشوفني يكول تصنع
لو تخترع شي واني صافنه بحياتي... واحجي بنفسي
: لو ما جدة لازمتني لصير ضايعة من واحد لواحد
ومحد يرحم بيه وبعد عمر طويل جدة اذا صارلها
شي والله كلها تحك خشمها عليه وتمرعدني تمرعد
ماعرف شكد بقيت افكر بوضعي وشنو أسوي
وباهر ومرضي لي محد يتحمله له هو... بعد تفكير
طويل فزيت على صوت جدة تحجي بالباب كمت
فتحته سهام وياها دخلت وجدة مغتاضه ترد
جدة : عوفو وريدة بحالها اني مااقبل تروح
سهام : حبوبة والله هل عرض هذا فرصه
باوعت السهام فهمت تحجي عن عرض الرقص
رديت
: خلاص سهام لا تضغطين على جدة دام
كالت لا يعني لا مااكسر كلمتها.
سهام سكتت جدة باوعتلها
جدة : هسه رتاحيتي؟
سهام طلعت بدون ماترد
جدة : حبوبه،جوريتي حلوتي كل لي اسوي
لخاطرج صرفت دم گلبي عليج مااريد افرط
بيج جدة
حضنتها بكل قوتي واضحك
: ابوس گلبج حبوبه اعرف لي تسوي حتى تحميني
مقدرة هل شي وخلاص كلامج مايصير ثنين.
ضحكت ورحت اسوي الغدا كل لي اريده اطلع من
هل مكان اللي احس بنفسي مثل طير مسجون بين
هل جبال ارد اطير واشوف شنو خلفها؟!
بعد ماتغدينا طلعنا اني
وياها بالغنم نضوج نبقى بالبيت فنطلع بين الجبال
والخضار يرد الروح نبقى كاعدين قريب لغروب نرجع
للبيت تكعد تساعدني بالحياكة
ورده : حبوبتي
: ها؟
: اسمعي
عفت من أيدي قربت عليها رفعت عينها
: قررت انطي نفسي فرصه
بستغراب
جدة : شنو من فرصه؟
: النفسي والباهر
هزت راسها بعدم قناعة
جدة : صح جنت اشجعج على باهر بس بعد لي
سوا وخلاج تستعرضين كدام رفيجه غسلت ايدي
مو هو لكفو ومااكتفه صار يهددج
: لا عاد هاي صارت بالغلط و اعرفه مو كفو بس هو
لوحيد لي متقبلني ومتقبل حالتي
جدة : زين اذا هل شي يفيدج ويفيد نفسيتج اني
مااعترض واعرفج كفو وسباعية تكدرين دافعين
عن نفسج
: ولو ترباتج.
ضحكت وكملنا اخر قطعة من الحياكة كمت جهزتهن
ورده : احمم جدة عادي اتصل باهر يجي ياخذني
ابيعهن؟
هزت راسها بايجابية بس ملامحها رافضه واني بعد
رافضه اعرف باهر وسوالفه التعبانه بس اطبق، لشين
لي تعرفه احسن من الزين لماتعرفه شنو أسوي مابأيدي شي على اقل يعرفني من سنين وفاهم مرضي وحالتي
اخذت مبايلها تصلت باهر رفضه
ثواني ورجع اتصل رديت
: الوو
بدهشة
باهر : ورد!! هااا شبيج؟
: مابيه شي بس ردت اكلك عادي يعني اذا باجر
ماعندك شي تجي تاخذني للسوك
باهر : صار خادم بيش الساعة؟
: بـ 9
باهر : تأمرين امر
نهيت الاتصال ورجعت اجهز بعد ماكملت نمت بحضن
جدة صافنه بالسكف رديت
: جدة؟
: هاا
: لو أمي وابوي عايشين ماصار كل الصار بيه صح؟
ماضطيريت ألجأ الباهر من سلطة سلطانه
تنهدت بصوت يشك الصدر ردت
جدة : اااخ يجدة شبيدي عليج كتلج خلي يولي
مو كفو
: اعرف جدة اعرف بس باهر محد يكدر يوكف بوجهه
على اقل يحمينا من الوحوش خايفه من سلطانه تروح
تسوية بيه شي وبس انت وباهر يكدرلها
جدة : تولي عوفج منها
سكتت، ودائماً قبل ماانام اتخيل أمي وأبوي تكلي امج تشبهج اتخيلها مثلي ضحكتها نظراتها سوالفها واني
كاعده بينهم...
كل الليلة تمر عليه لازم اتخيل نفس المشهد وعيني
تدمع وماعرف شلون تغفى...
كعدت الصبح بدلت لبست تنورة
وبلوز ويه جاكيت اخذت لغراض وطلعت اشوف
جدة سحبت جيس...الجيس هو عبارة عن اقماش
وبي خيط هذا لخيط يكون مثل سحابه طلعته من
صدرها ونطتني فلوس
جدة : حبوبه خذي
: قابل مستحيه؟ بس عندي مااريد.
جدة : حت لو اخذي خاف تشوفين شي بنفسج
ماريدج تباعين وتتحسرين
بتسمت وفتحت حضني وضميتهاا لصدري ضمه
ودي افتح گلبي واضمها وابوس براسهاا واشمهاا
: اوووووووف يامطيب عطرج
تضحك وتضرب بيه بخفه
جدة : ولج خنكتيني راح اموووت
: من عمري عالعمرج
اخذت منها لفلوس لان كلامها خله گلبي يتسرسح
من الفرح سمعت صوت سيارة باهر وصل اخذت
لغراض وطلعت وهي هم طلعت تتمشى بالغنم
نزل باهر فتح الباب اخذ لغراض من أيدي صاحت
جدة : ولك ابهر دير بالك عليها وحك الله افكس
عيونك اذا ضوجتها
ضحك واشر على عيونه
باهر : بعيوني اخليها
راحت واني ردت اصعد بالخلف بس سديت الباب
وفتحت باب الصدر يم باهر هو فتح عيونه قبل
مااصعد لفيت عليه هو واكف رديت
ورده: ممنوع المس!
بتسم
باهر : ااااابدددد صعدي
ضحكت وصعدت ركض صعد والضحكه شاكه حلكه
لميت نفسي قرب الباب وجنطه خليتها بصفي، صعد
شغل السيارة حرك
باهر : اخذي راحتج ماازعج والله
: مرتاحه هيج.
كل ساع يباوعلي ويضحك،رديت بستغراب
: شبيك؟!!
باهر : مامصدك بس اني وياج وحده طالعين!
وردة لي تنفر مني صاعدة وياي!!
تنهدت وسندت راسي ع جامه
: اعتبر اليوم
قاطعني
باهر: اعتبر اليوم بداية جديدة بيناتنا؟
ابتسمت بسخرية خفيفة، راسي على جامه
: بداية جديدة؟ مو كلشي يصير بداية
ضحك وضغط على دواسة البنزين شوي
باهر: يمكن... بس لازم نحاول... مو؟
سكتت، وعيوني تتفرج على الطريق
الشمس تواري وراء الجبال، والهوا بارد
يضرب وجهي
: يمكن... بس خلي عندي حدودي...وهاي
فرصة استغلها بدون غلط.
باهر: حدودج... تعرفين إني أحترمها وعد
لي تكولي اسوي خاتم بأيدك يحلو.
ابتسمت بمرارة خفيفة اعرف يمكن يحبني بس
داخلي ابد مايطمأن لهذا الحُب ولا ممكن اعتبر
كلامه حُب عندي تردد فضيع اتجاه وياريت اكون
غلطانه ويكون هو سندي بعد الله ويختفي هذا
التردد والخوف...
وصلنا للسوك صف سيارة ونزل ركض فتح الباب
نزلت اضحك باوع القدام رجلي
باهر : همزين مالابسه خلاخيلج!
: باااهرر مو معقول من اطلع البسهن!!
باهر : بكد ماتحبيهن تمنيت تحبيني شوي مثلهن
ضحكت واخذت الغراض رجع هو اخذهم ونمشي
لحد ما وصلنا دخلنا للمحل واعرض بالغراض اجو
بنات عجبهم اخذ يشوفوهم وحدة منهم ردت
: شغل أيد؟
باهر : ايد وروح ... لي صنعتهم صنعتهم بروحه
قبل ايدها
باهر ويا ابو رائد اعمال ويعرف بهذا المجل،
اخذ قطعة
باهر : طاح حظ الماركة اذا تلحك شغلها شوفي
الصوف نوعية ممتازة ماكو مكينة تكدر تسوي
هيج نقشة تسولف جمالها
البنات عجبهم واخذو كم قطعة والسعر ضاعفه
عليهم نطا لصاحبة المحل فرحت ردت
: تعال شتغل وياي
ضحك ودعناها وطلعنا
باهر : شلج بهل شغلة! اذا محتاجه شي بس أشري
بأصبعج
: لا أبد تعرف جدة ممخليتني محتاجه وارد
المحلات كله بأيدي بس احب لما اشتغل بأيدي
هل شي يسعدني.
باهر : شنو رأيج نروح ناكل لان بعدني مو متريك.
هزيت راسي
: واني هم
باهر : يله هسه عصافير بطنج تزقزق
ضحك ورجعنا صعدنا رن موبايله رفضه كل مايرن
يرفض الى ان وصلنا كعدنا ضجت يرن ويرفض
: ليش مترد؟
باهر : مو مهم
: رد شوف شنو تريد
حجيتها وسندت ظهري عالكرسي بانزعاج بعدت
نظري عنه، بتسم
باهر : ليكون تغارين؟ عليج الله كولي اي اغار.
: رد وبعدين نحجي.
: صااار
رد وفتح سبيكر
باهر : شتريد حركت الجهاز!
اجه صوت شخص عرفته نفسه
: وين انت ليش مترد فهمني؟!
باهر : ويا الحب
: ياحب يابطيخ عوف سواافك التعبانه هاي
باهر : نجب ولك اني ماصدكت الله يهديها
: ليش ويامن طالع ويا شاكيرا؟
باهر : طاحظ شاكيرا اذا توصل لرنة حجلها
سكت رد بتشكيك
: جووري!
بتسم وهو يباوع بعيوني
باهر : بشحمها والحمها
: امم يله اخذ راحتك
سد الخط ، نزل الاكل صار يخلي كدامي
: باهر
باهر : أمري؟
بالعت ريكي متوترة
: كتلك حابه انطيك فرصة
بتسم وباوع بعيوني
ورده : بس لتسوي شي خلي علاقتنه تاخذ مجراها
من دون ضغط او تسوي اشياء مااحبها
باهر :والله تأمرين اساساً أني ليش أجي غير
علمودج
: باهر اعرف سوالفك لذلك احذرك انتبهه وله
ارجع ورده القديمة
باهر : توووبة
: متأكد؟ أثار الحشرات مااشوفها؟
باهر : تووبةةة توووبة اذا ارفع عيني ان شاءلله
تنفگز
: اممم واذا وحدة من الحشرات أجت طنطن يم
أذني وتسولف اخبارك؟
باهر : أجي ادوسها برجلي تريد تخرب بينا
: اممم نشوف.
رن موبايله رد
باهر : شبيككك طركاااعةةة... لا مانسيت بس
نكمل ريوك نروح حتى اجيب بدلتي ونطلع
ابوي حصرني بأجتماع ...لا
نتريك وين كل مرة اني وياك... اي يله لعد تعال،
... مو تتأخر
سد الخط
ورده : مشغول؟
باهر : لا بس العصر عدنا مشوار
: وين؟
رفع عينه
باهر : تأكدي مااسوي لي تفكرين بي
: وتعرف بشنو أفكر؟
باهر : امم تقريباً بس طمني أني اساساً ماشوف
غيرج
هزيت راسي وگلبي يتمنى يصدك رجعت أكل
وشوية واجه صديقه باهر نهض ضربو كف بكف
بعدها أشر علية رد
باهر : المعرف لا يعرف
بتسم رد
: طبعاً جوري، شلونج؟
بتسمت مجاملة
: الحمدلله بخير
باهر : نسر تعرفي
سلم ريت سلام وكعد يم باهر
باهر : متريك؟
: اي بس اريد چاي راسي يوجعني
كملنا ريوك وهو لسه يشرب چاي نهضت غسلت
ورتبت شعري رجعت باهر نهض يحجي اتصال
كعدت بس نظراته غريبة بس يخزر بيه بتسمت
بوجهه كال
نسر : أشوفج ويا؟ على اساس متحبي؟
: احبه مااحبه معليك هل شي خاص بيناو حبيت
انطي فرصه.
رفع حواجبه بستهزاء
نسر : نطي فرصه بس لاتنطي غير شي
عقدت حاحبي بستغراب
: شنو قصدك؟
نسر : قصدي واضح باهر مو أمان شلون تأمنين
بشخص هددج؟
: افهم مضطرة والله لو لا الحاجه ماشفتني ويا
نسر : محتاجه فلوس؟
هزيت راسي بنفي نزلت نظري رديت بصوت
مكسور
: محتاجه سند
ضحك بستهزاء
نسر : ومالكيتي غير هذا؟! اساساً هو سند مزور
رفعت عيني له
: مافهمت احجي شنو تقصد؟
اجه باهر ماكدرنا نحجي صارو يسولفون شوية
ونهضنه
باهر : ورد جوري عادي تجين وياي بس اجيب
ملابسي؟
: وين؟
باهر : هنا بالمول قريب نتمشى.
: اي عادي ماكو مشكلة
مشينا نسر وباهر سوه يسولفون مسافه قريبة
وصلنا مول كلش جبير صعدنا قسم ملابس رجالية
دخلو
ورده : بااهر
لف
باهر : فدوة يروحلج، أمري؟
: عادي اتفرج منا بين متكمل؟
باهر : خاف ضيعين حبيبتي
: لا ماروح بعيد بس اتفرج
باهر : تمام ماتأخر
هزيت راسي طلعت امشي واتفرج على محلات شفت
محل مكياج دخلت اتفرج راحت عيني على حمر اخذت
قلم فتحته نبهرت بالون احمر وبي كيتر سألت البنت
: عادي اجربة؟
ردت ببتسامة : طبعاً تفضلي
أشرت على مراية اخذت الحمرة وكفت اخلي منها
ملمسها ناعم والكيتر يبرق واني اخلي على شفتي
واشوف جمالها ماحس له اجه صوته فززني
نسر : حتى تبهرين حبيب القلب!!
مارديت بس رجعت الحمرة واخذت كلنكس امسحها
من شفتي
نسر :حلوة خلي يشوفها
ورده : مايحتاج هو شايفني
نسر : اممم شايفها وياترا ضتيگها؟
نصدمت من اسلوبه بس مابينت
سويت نفسي ماسمعت ردت البنية
: تاخذيها؟
ورده : اي خلي،.. شكد سعرة؟
: بـ 100
گلبي خمشني من كالت السعر بس كرامتي
ماتسمحلي اكول غالي، والحمدلله عندي
فوك سعرها
نسر : خليها منا
لفيت عليه شفته طلع محفظته
وردة : وبصفتك شنو تدفع؟
رفع كتافه
نسر : هيج.
وردة : مامقبولة ومااحتاج لي اريده اخذه
بزودي
سكت طلعت الفلوس حاسبتها نطتني الحمرة
طلعت لحكني صاح
نسر : لحظة مو احجي وياااج
لفيت
:مااريد باهر يشوفنه سوه يروح يفكر بغير شي
نسر : طمأني أني كتله لا تضيع لو يصير وياها
شي اروح الها بين متكمل
مشيت مشه وياي
نسر : شنو سبب الي يخليج تمشين ويه واحد
مثل باهر؟
لفيت عليه بستغراب
ورده : وشبي باهر؟ مو هل تمشي ويا بعدين
اني اعرف باهر من عمري 16 سنه
ضحك بسهزاء
نسر : زير نساء وكل عيوب الدنيا بي
رفعت حواجبي
: اعرف بس هذا المعيوب هو الوحيد ممكن ينقذني
، بعدين ليش تحجي عليه وتمشي وتضحك ويا؟
وها ترا مااقبل تحجي عنه
اخر جملة خلتع يرفع حاجبه
نسر : هاا!
ورده : اي، واذا تشوفني هيج اتصرف لان هو اقرب
شخص ألي
هز راسه بأيجابية
نسر : زين، كولي من شنو ينقذج؟
: من المستنقع لي عايشه بي برأيك حلو؟
نسر : يعني هذا أصلج لو اني غلطان؟
: ابد مو غلطان صح احب رگص واتفنن بي بس عمري
ماحسيت نفسي أنتمي لفعلهم وحبوبه واكفه شوكه
بعينهم خاصه سلطانة
بتردد
نسر : قصدج....!
فهمت هزيت راسي بأيجابية
نسر : زين شلون تعرفتي ع باهر؟
: مو اني تعرفت هذا حضي هاي سالفة طويلة
سحب نفس
نسر : تخافين من سلطانه؟
هزيت راسي
: هي ضالمة ماترحم بس خوفي من باجر أكثر
نسر : وبعتقادج باهر يكدر يحميج؟
: هي تسمع كلام باهر وتخاف منه لذلك من اصيطر
على باهر يعني سلطانه تصير تخاف مني وبنفس
الوقت ابعد عنهم
وكفت مقابل محل عارض ملكانات وحدة منهم لابسه
فستان طويل،كله كيبور وبطانه داخليه سادة للونها
احمرر والكيبور عليها اسود يجننن بس كمامه طويله
بدون بطانه يكون نايم على جسم مارفعت عيوني
عنه اتخيل نفسي لابسته ورافعه شعري الفستان اخذ
عقلي
نسر : عجبج؟
: يجنن.
نتبهت على نفسي
: لا معجبني
هز راسه باوعتله بفضول
: احسك تكره باهر!
نسر : أكدر اثق بيج؟
: لا
ضحك وكل مايضحك الغمازة تبرز كال
نسر : بس ديربالج من باهر لا تأمنين.
: بطران، أني بنفسي ما أمن تريد أمن باهر !
رجعنا للمحل باهر بعده يقيس
: ماكتلي ليش تكره باهر؟
هز راسه
نسر : لاا مااكرهه بس اكرهه بعض تصرفاته
: لا عاد انتم ثنينكم مكروهين
رفع تك حاجبه بتسم وغمازته زرفت خده
نسر : أني ليش؟!
: لان صديقه
نسر : وانت حبيبته على فكره ناوي يتزوجج
ضحكت
: اممم
نسر : توافقين؟
: نطيته فرصه اذا ستغلها وصار شخص ثاني
وعاف سوالفه طبعاً اوافق
بستهزاء
نسر : هههه باهر يتنفس السوالف التعبانه يموت
اذا يعوفها
: المهم نطيته فرصه اذا لعبها صح يربحني.
بقيت اتفرج كلها ملابس رجاليه طلع
باهر : ها حبيبي تأخرت
: وله يهمك
باهر : جوريتي تعاي خلي اشتريلج شي
: لا باهر مااريد واساساً تأخرت هواي هسه جدة
يضل بالها
باهر : جوريتي هاي اول مره نطلع سوه ميصير
: لا خليها غير وقت والله تأخرت وتعرف جدة
باهر : وعديني نطلع
: وعد
باهر : بس بأقرب وقت
بتسمت هزيت راسي طلعنا باهر بأيده البدلة ونسر
ويانه وصلنا للسيارة
باهر : يله هناك نلتقي على وقت
نسر : تمام
باهر فتح الباب صعدت نسر واكف صعد باهر دك
هورن وطلعنا
باهر : احمم ان شاءلله بس تم الموافقة بسرعة
نخطب وحتى البيت جاهز
: جدة تجي تعيش ويانه
باهر : طبعاً حبيبتي
:الله كريم
باهر : جوريتي والله الدنيا ماواسعه فرحتي
مامصدك انتِ وياي وحدنا؟!
: صَدك..
باهر : يوم اللي الزم أيدج
سكتت وسندت راسي عالجام ماحجيت شي لحد
ماوصلت نزلت لكيت جدة كاعده بالباب ركضتلها
كامت
: حبوبة خو ماتأخرت
جدة : لا بس ضل بالي عليج
: عمت عيني عليج لا تاخفين تربيتج اني.
ضحكت اجه باهر سلم عليها بعدها
باهر : ان شاءلله نعيدها صح جوريتي؟
هزيت راسي، واشوف سلطانه أجت تترنح بمشيتها وتباوعلي صفح وطك بعلجها
سلطانه : خير مجتمعين؟
لتفت عليها كال
باهر : ان شاءلله دوم جمعتنا.
سلطانه : امممم وردة ليش ماترحين ويا البنات
خوش مهرجان وانت موهوبة عاد.
هسه عرفت ليش جدة معارضه بسببها قبل مارد
كالت
جدة : ماخليها انه مريضه منو ألي
سلطانه : طلعتي عينها وماخليتيني اصيطر عليها
رفت العصا بوجها وردت بغيض
جدة : ولي منا تريد تصيطر ام حلك العوج
تباوعلي ترد بتوعد
سلطانه : تهون وردة تهون لما اندمج فلا أكون
سلطانه
ماحجيت أبد اني ماحاجيه شي وماكلتني وذابتني
كال
باهر : شنو شو تهدديها؟!
سلطانه : لا قصدي تندم لان ماراحت للمهرجان
باجر البنات كلهن يروحن
باهر : كلتلج ماتروح لاتلحين
راحت وعيونها تتوعد بشي موزين سلطانه واعرفها
عيونها تحجي كلشي
باهر : لا تهتمين جدة اني احجي وياها.
جدة : تخسى اهتملها، يله حبوبه دشي
باهر غمز ودز بوسه بالهوى، صعد هزت
أيديها بستهزاء كالت
جدة : هو مخبل نوب زاد
دخلنا سديت الباب وحجيت لجدة كلشي صار انه
متعودة اسولفلها كلشي حتى بشنو افكر احجي ألها
جدة : وحالتج شلون؟
: ماعرف جدة
جدة : تهون جدة لا تشيلين هم دام باجر تطلع شمس
كل شي وأله حل
: ان شاءلله ماخاف من شي وانت يمي
ضحكت وحضنتها…
ومرت الأيام، وباهر فرحان والدنيا ما وسعته
ما صرت أصده ولا أحچي وياه مثل قبل سوالف
وضحك عاديه وهو هم مابتعده حده وياي ابد
يوم من الأيام رحت يم البنات بعد ما رجعن من
مهرجان سمر وسهام أقرب ناس إلي، أعتبرهم
خواتي قبل لا يكونن صديقات نسولف ونضحك
سولفتلهم عن باهر… وگلتلهم إنه تغير.
سهام:يارب وأشوفچ أحلى عروس.
سمر : والله بعرسچ نرگص رگص ما صار ولا دار.
ابتسمت بخفة، بس گلبي خايف انفجع او عندي
حساس رند مارح تعديها
ورده :لا بعد ما صار شي… إن شاء الله خير
بس باهر گلبي ما مطمن.أعرف سوالفه، وانتو
تعرفوه.
سمر: تقصدين ورا الزواج يخونچ؟
نزلت عيني.
:هذا طبعه… وأبو طبع أسأل على سلامته.
بهل لحظة إجت سلطانه ويا بنتها حلوة بشكل يوجع
العين رند. هي تموت على باهر، متخبلة بي. مرة لمحت صورته بموبايلها، بس الغريب…من سمعت إني قبلت،
مانطت رد فعل وهل شي اذا دل يدل على مصيبة، متأكدة، سلطانة تخطط لشي. سلمت، ردينا السلام، وكعدت.
سهام :رند أبوچ شلون صار؟
رند : بعده تعبان
سمر :الله يشفيه، والله نقهرت عليه.
عمو ظافر ما يستاهل.
رند : هاي بعد…
باوعتلي مباشرة.
رند : جوري… صحيح الخبر السمعته؟
وردة : يا خبر؟
رند : انتِ وباهر؟
بلعت ريگي.
ورده : بعد ماكو شي أكيد.
رفعت حواجبها وتنهدت.
رند : إي… مو أگول.
سكتت.وسلطانة نظرتها نظرة انتصار.
ما اهتميت رند لزمت موبايلها دنت يمي
ندستني بخفة، قربت الشاشة.
رند : هاج… شوفي.
خلّت الموبايل بوجهي.
هي وباهر…حلك بحلك.
شمأزيت ومعدتي انعصرت، ردت أكوم
لزمَت إيدي بقوة، ضحكت…بعدم اهتمام
ورده : اساساً مااحبه
رند: سمعي… سمعي شگال.
الفيديو
باهر كاعد يدخن أجت رند حضنته، وباست رگبته،
حطت راسها على صدره ثنينهم مالابسين شي
والتصور حد الصدر سألته
رند : إذا تزوجت وردة… شلون بينا؟
شلون أعرف إنك تحبني؟
زفر الدخان.
كلامه نزل عليّ مثل الخنجر بنص گلبي
باهر : اني ماحبج بس احب لي اخذه منج
وردة عاجزة…ما تكدر تكون زوجة.
إذا أخذتها فحتى أمتلكـها وأأمن ما تصـير
الغيري.....
