رواية لست غجرية الفصل الخامس بقلم روز الحيدر
بعدت المبايل، رديت بصوت قوي:
: خلي يشبع بيج... وخلي ورده حسرة بگلبه.
بنبرة شماته، فرحانة بفعلتها وكأنها مسوية إنجاز
سلطانة: هههههه... على أساس يحبج ويحميج؟
بس مو مني وردة.
تخصرت ضحكتها، بستهزاء
وردة : يحبني ويموت بترابي.. ولو ما يحبني، مايذل نفسه بس حتى وأوافق بي.
لفيت على رند بنظرة اشمئزاز:
وردة :لو يحبج، ما يتفل بيج ويعوفج، وكلج بلسانه
ما يحبج، يحب يفرغ شهوته بيج.
رند فقعت عيونها وعضت شفتها، قربت عليها بثقة.
وردة : ليش تسمحين لنفسج تصيرين مكب نفايات
وتفرغ شهوة؟
سلطانة: انتِ شلون تحجين وياها هيج! بربوك!
بهدوء وثقة
وردة : لا تصيحيلي بأسمج... وها على طاري الحماية اليوم نفرق عن وردة أمس... ما أحتاج حماية... أنا أواجه... وأفكز عيون.
سكتت وبالكوة لزمت نفسي طلعت برا ستفرغت معدتي وجت بيها نار ، اجت سمر لزمتني..
سمر : جوري ولج تولي لا تهتميلها
بلكوو رديت
: مومهتمه بس الموقف قذر
سهام : تعاي غسلي وجهج
غسلت وجهي ورگبتي، لميت شعري وطلعت امشي
وصورتهم طبعت بعقلي ماشوف دربي بس اشوفهم
وكلامه يرن صدى براسي"عاجزة!
طلعت من الفرع صرت مقابيل البيت واشوف باهر
نزل هو وصديقه من السيارة من شافني وكف مبتسم
فتح ادي، كال
باهر : هلا بجوريتي
وصلت يمه خليت جفوف ايدي بصدره ودفعتها بقوة
عصبية
ورده : تفوووو عليك
نصدم قرب لزم أيدي مستغرب
باهر : شكوووو!
دفعته وبعدت
: بكل عين صلفة تسألني شكووو؟
تخلص ليلك نايم بحضن رند وتريدني!
تريد تمتلكني مووو!
فتح عيونه وسحبني
باهر :لا تصدگين بيها تجذب لان اني
وياج تصافينه
رجعت دفعته
: تكول عاجزة مو؟
باهر : لا والله تجذب
صحت بغضب
: ولك شفتك بعيني وسمعتك بأذني !
باهر : أهدي افهمج
: شتفهمنييي !
باهر : يمكن يكون فيديو قديم
: وقديم هيج تحجي عني!
باهر : جوري بس افهمج
: خلاااااص تعبت منك عوفني
بعصبية
باهر : انت تردين تخلصين كولي مااريدك
وماحبك بس لا تتحججين
: تحلم اباوع بوجهك يالقذر، تفووووعليك وعلى
الساعة الشفتك بيها.
تركته دخلت للبيت بس باهر يحجي ويبـرر طبگت
الباب حيل ودخلت للغرفة، جدة ماكو هيج وكت هي
تطلع ترعى بالغنم، رتاحيت شوية وهديت نفسي على
شنو اقهر روحي عليه اعرفه واعرف سوالفه ومتوقعة
هل شي منه،
اكلت شي
حلو، طلعت ارد اروح لجدة واشوفه بعده مكابل
الباب وينفـخ بهلدخان بس شافني نهض من ارضه
اجه ماهتميت مشيت ولزمت كركوشة خصري افر
بيها
باهر : اسمعيني فدوة
ماهتميت ولا رديت حتى گطع طريقي
باهر : اذا ما توافقين الفيديو موجود
واشوفه السلطانه ولدها
ضحكت بستهزاء
: طززز بيك وبيهم واعلى مابخيلك
أركبه
عفته ومشيت هو بقى يصيح
: موبكيفج.
ماهتميتله، شفت جدة كاعدة رحتلها
جدة : ليش اجيت هسا ساويني جايه
كملت
: ضجت وضوجني هل قذر
جدة : ياهو؟ بس لاباهر!
كعدت يمها
: منو غيره!
جدة : هسا يله عرفتي قذر؟
: اعرفه بس كلت بلك الله يهدي
جدة : شمصخم؟
: هو ورند بت سلطانة
جدة : يييع فلك فلكها كون
: مو فلك لفلكها، باهر فلكها
ضحكت، ضحكت الضحكتها
جدة : موش كلنا اه
:هههههه اروح فدوة ل اه، جدة صارت
حجه وعذر اتعذرة بيها وسلطانة راح
اكون وردة وياها ملمس ناعم مثل الحية
وداخلها ينضح سم
جدة : وريدةة حبوبه عوفي خططج
ضحكت
وردة : هي مفلفلة على باهر خليها تاخذه
وترتاح دودتها
جدة : شتسوين؟ وهذا مخبل مايعوفج
وردة : اني اعوفه جدة اني بس مو هسه
وحتى يجي وگتها خليني اتلذذ بيهم واحد
واحد
جدة : ماطول خشمي يشم الهوه احميج
منهم
حضنتها
: ماطلب من ربي غير يطول عمرج وياخذ
من عمري لعمرج
جدة : لا تخافين كل واحد ويومه، يله
مشينه
اخذت العصا منها ونهضت صحت لغنم
رجعنا للبيت جهزت العشا تعشينا بعدها
كعدنا يم لدفاية، قوري الچاي عليها ريحته
ترست الغرفة بس ودك تشرب منه
جدة : صبيلي چاي حبوبه
: صار
عفت الغزل من ايدي وكمت صبيتلها ستكان
چاي قدمته
: اكول جدة شنو رأيج لو إشتغل؟
: شنهي مخليتج محتازه، موش هل تغزلين؟
هذا موش شغل!
: لا شغل بس اريد اطلع برا هل قرية
صبت الچاي بالعمبگي
جدة : ثگلي حبوبه هنا وجدام عيني وخايفة
عليج هدور طلعين برا القرية!
: بالعكس برا القرية أأمن ماكو وحوش مثل هنا
جدة :ياععع مضيعتلي بت حمرة بيضه!! نعيلت
ابو أصلي.
سكتت وهي تشرب الچاي
جدة : شنهي لكيتيلج شغلة؟
: لا بس كلت اسأل مثل ابيع بمحل او هيج شي
جدة : حبوبة خاف ضجتي مني؟
باوعت عليها بدهشة
: لا وروح أمي وأبوي اضوج من روحي ولا منج
ليش هيج تحجين!
خنكتني لعبره واني احجي
وردة : مو تعرفيني اريد اخذج واطلع منا ونخلص
من شرهم
ضحكت بوجهي سحبتني لحضنها عاد اني بجيت
وردة : والله ردت أبعد نفسي عن رند وباهر، حبوبه
تراويني قذارتها وفرحانه بالسوته.
جدة : يعني بنت سلطانة وضافر شتترجين تطلع!
بسج عاد ردت استغل محبتي عندج
اخذت ايديها ابوس بيها وأبجي
: فدوة اندارلج محبتج بگلبي ماتنقص
جدة : بس ولج تردين تبجيني!
حبت راسي ضمتني لحضنها بعدها رجعنا نسولف ونضحك لحد مانمنه مر كم يوم وباهـر
ماكو،.. ماارتاح لان مو عوايده يسكت ولو سكت
يخوف سكوته عشت بخوف هل كم يوم لحد مثل
كل مرا كاعدين باليل والجو ينزل وفر ابيض برودة
، جدة كاعدة تطحن أعشاب واساعدها
مانحس له الباب نربد بقوه كمزت من مكاني
مثل ماتوقعت صوت باهر يلعلع طلعنا والجو
يكص گص من البرد فتحت الباب اشوف باهر
منتهي يطوطح مايكدر يثبت سلطانة ويا من
شافتني صاحت
سلطانة : ولج بربوك شتردين تموتي! لو تتبطرين
على نعمتج الف بنية تتمنى
صاحت
جدة : گصري حسج ولجججج
هزيت أيدي لفيت لباهر اشوفه عينونه حمر وجهه
احمر، بلكوة تطلع الكلمة من السانه
باهر : وردتـ..ـي جوريتـ..ـي
وردة : روح وبعدين نحجي
باهر : لا هسه شنو ترين بس كولي
جدة : روح حبوبه هسه الوحد تشوفه عشرة أمشي
ولج سلطانة اخذي زبالتج منا
سلطانة قربت لزمتني من زندي بقوه ردت وعيونها
حقد : اسمعيني زين وفتحي عقلج، اذا ما تسايرين
باهر وتسوين لي يريده...
بتسمت بشر وهي تباوع بعيوني بتحدي ردت تذكرني
سلطانة : اربطج واخلي يغتصبج غصب عنج فهمتي
ولج
احس الدم جمد بعروكي، مانطيت اي رد فعل جمدت
بأرضي جدة سمعتها سحبت العصا من ورا الباب وترد
جدة : ولج ساقطة گدرتج عالهل يتيمة لنعل أبوج
لابو منين ماطلعتي
ضربت سلطانة بكل قوتها الضغيفة،سلطانة لزمت
راسها تصيح
سلطانة : عجوز البين گتلتي راح أموت
جدة دفعتها وكعت مافقدت بس كعدت بالكاع ولازمة
راسها وباهر صافن بية، رجعت نطيته دفع طوطح
ولزم بالحايط، بهاي الاثناء اجت سيارة ضرب ضوء
قوي وكفت قريب علينا نزل منها صديق باهر يركض
وهو يصيح.. بصدمة
نسر : بااهرر شبيك!
لزمه سنده،ويردد
نسر : سويت بروحك يمعود..
بلكوة يحجي ويترنح بمشيته
باهر : احبهااا ماتفهم احبها شلون تصدگ؟
نسر : كافي يله امشي وياي
اخذه للسيارة، جدة رجعت تناظر سلطانه
جدة : كومي ولج اخذي زبالتج وفارجي
سحبتني جدة من ايدي دخلنا طبكت الباب
وكل عضم بيّ يرجف ريگي نشف وعيوني
احس جفت من كثر ما فتحتهم،
بقلق وخوف تحاول تهديني
جدة : لاخافين ولج وردة لا تبينين خوفج حبوبه
اخذت تفرك بأيدي وساعة تضرب خدي بخفه
جدة : ورد جوري يروح لا تسوين هيج، ابجي
ولج حبوبه ابجي
تضرب بخدي بخفه
رفعت عيني عليها غركانه بالدمع حضنتني وصرت
ابجي وارجف بحضنها...
ورده : جدة تسويها والله، سلطانة سوتها مره
ترجع تسويها...
رفعت وجهي بكفو اديها خلت عينها بعيني
جدة : مااخلي ايد تنمد عليج دام بريتي هوا الله
نهضمت حيل ولعبرة تكسرت بزردومي بلكوه
نطقت
: خايفة، جدة خايفة خلينا نشرد منا مو مرة گلتي
اهل جدي بالجنوب خلينا نروح هناك
رجعت ضمت راسي لصدرها
وردة : اذا ابقى هنا عقل مايبقى براسي
جدة : بسج حبوبه أني وياج ماعوفج
ضميتها حيل، وگلبي يدعي اخلص من هل قرية
ولي بيها، تعبت لدرجة ماعندي طاقة اقاوم كرهت
حتى نفسي...
رجعتني لفراشي ونيمتني بحضنها، غفيت واني اشهك
ورجع انعاد الواقع بأحلامي.. فزيت مرعوبة وكل
جسمي يند عرك..
جدة : أسم الله عليج حبوبه شمالج !
ماكدرت احجي احس صوتي راح من الصياح لي صحته
بالحلم، سحبت القارورة فتحتها وصبتلي ماي شربت
وغسلت وجهي
جدة : ماكو شي كابوس، نفسه؟
هزيت راسي بأيجابية، سحبتني نيمتني خلت راسي بحضنها وتمسد على شعري،دموعي طاحت واني اذكر هذاك الكابوس لي مايفارك جفني،
اشوف نفسي ذيج البنت
لعمرها 15سنه سحبتني سلطانة من ضفيرتي ودفعتني
للغرفة لي جان بيها ألعين ضافر كاعد من شافني كام
على حيلة،كأنه منتضرني،يبتسم ابتسامه مقرفة مخيفة،
بقيت اتلفت ماعرف شكو، لحد هو قرب على نفس النظرة
واني ارد: وين رند خلينا نلعب
سلطانه جابت حبل اخذت ايدي ثينهن ربطتهم سوه
كمت اصيح: جددددة لحكيلييييييي
ظافر نظراته تحسسني بقرف ونيّة قذرة قرب مني لزم
خدي دفعته اريد اشرد سلطانة منعتني ودفعتني بقوة
وكعت بلكاع داست على طرف رجلي بقوة وهي ترد
: تردين تحافظين على شرفج، لا أب ولا أم كلج خلك
وحدة لقيطة
مافهمت شنو تعني "لقيطة"
سلطانة : أني اخذتج أشتغل عليج لو لا عجوز
البين
ماجان عندي وقت أفكر و افسر كلامها "اخـذتج"
منين اخذتني! جنت مفكرة ان تشتغل علية تخليني
اركص وانطيها فلوس هيج يسوون البنـــات ألي
تشرد من اهلها ولي ماعـدها اهل سلطــانة تصيـر
عمه ألها، توفرلها مسـكن ومشـــرب بالمقــابل هن
يركصن، سلطانة مســـؤولة عنهــن، لي تشـرد مـن
اهلها او مسويتلها فعل ردء سلطانة طك اصبع الها
هيج يصير عدها تنوع بالبنات وشغلها يصير توب
رديت واني ابعد كذلتي
عن وجهي بأيدي لمربوطه، وبصوت مخونك
: اي موافقة، اشتغلج وانطيج فلوس هواي ولاتنطيني
شي منهن مااريد كلهن ألج اخذيهن
ضافر باوعلها وبتسم، وتقرب عليه مديت ايدي لمربوطه
حتى يفتحهن
وردة : عمو حباب افتح ايدي والله اسوي مثل ماتريد
عمه وكل لفلوس ألها مااخذ منهن ابد، ابد
دفع ايدي، ودفعني نيمني بالارض كعد على رجليّ
ماكدرت اتحرك، مقيد حركتي احاول ابعده عني
بس بدون اي جدوا حتى لزم أيدي بقوة وبعد شعر
عن وجهي ويبتسم رديت بلكوة صوتي يطلع..
عرفت نيته
وردة : عمو حباب لاتسويلي شي اني مثل بنتك رند وبكدها حباب لاتسويلي شي
ماسمعني، ماسمعني، لزم ملابس بثنين ادي شكها جنت
لابسه قميص خفيف وتحته بلوز، شك القميص بسهوله
صوتي رح من الصياح، اصيح بس ماينسمع صوتي ختفه يادوب يوصل الأذني
ماكدر يشك البلوز قوي ضربني كف ونزل رفع تنورتي وهو يغلط ويسب من شافني لابسه بنطرون راد يفتحه دفرته برجلي ويا وكعته ، ندفـع الباب شفت، جدة وياها اخو سهام وسمر هو بسرعه بتعدمني
حسيت على نفسي ارجف بعدها ماعرف شنو صار فقدت
وسودت الدنيا بعيني، تمنيت موتي وخلاصي من هل حياة
بس جان بعده وقتي ماحان على كولة جدة تكول بعدها
ورگتج ماوكعت، خضرة...
فتحت عيني بحضن جدة تشربني ماي وشكر سكري
نازل من الخوف...
أسبوع او اكثر اني فاقدة النطق لا أكل ولا شرب جدة تسوي حليب وعسل وتشربني بقصبة وماتحرك أسبوع كامل نايمة
بس بعيون مفتوحة، البنات سهام، سمر وناي واختها
ابد ماعافوني شكد يحجون وياي بس يردوني انطق حرف لو ابتسم صرت جثة متحركة بس من اشوفهم
اسأل نفسي سؤال واحد
: ليش اني ماعند لا اب ولا أم ولا حتى اخ!
صرت اعاتب ربي
: حتى امي وابوي اخذتهم! اخذني وياهم وريحني
ضميت وجهي بكفوف ايدي وبجيت جدة شافتني
اجت بسرعة
حضنتني وتردد
: أبجي، ابجي لاتكتمين حسرتج ابجيها
صحت بصوت مخنوك
: لو عندي أبو، لو اخو مثل البنات ماصار بيّ لي صار ماعندي احد يحميني
جدة : انه وين؟! اگسر راسه لي يلمسج بعد
: تعبتتتتت والله تعبتتت، روحي تتعذب ليش مااموت!
جدة : كولي يالله حبوبه
بقت تهديني، وتصبرني تخاف اسوي شي بنفسي،و من هذاك اليوم صرت كل مااشوف ضافر حتى لو من بعيد نفسي تلعب واستفرغ مصاريني،حتى لو اذكر لي صار
ماارتاح له افرغ معدتي، طبعاً همَ عادي ولا كأن صاير شي .. بمرور الوقت تحسنت
مرا باهر راد يتقرب ألي يبوسني ستفرغت بحلكه وكل
مايحاول يصير نفس الشي، نفسي لعبت من كل الذكور وفعلهم ماعرف شنو يسموها بس جدة تكلي صارت عندج صدمة
لذلك صارو يصيحولي عاجزة"
ضافر وسلطانة مابعينهم شي
لان هذا قانون سلطانة حتى تكسر عين البنية تخلي واحد
ياخذ شرفها اما زوجها، او ابنها وهيج تسيطر عليها خاصه
الي مثلي ماعدهن لا أب ولا أخ يحميها، سلطانة يصيرن فريسة سهله بسهوله تصيدهن
لذلك سمر
وسهام وغيرهن محد يكدر يحجي وياهن حرف عدهن اهل بس شغلتهن رگص خاصه اذا صار مهرجان او مسرح اوغيره يشاركن بي... وهيج عشت حياتي بخوف، وعدم امان حتى بأحلامي اشوف هل كابوس...
.
ثاني يوم ماطلعت بقيت بفراشي وجدة هي تسويلي
ريوك وتتوسل بس حتى اكل، لخاطرها اكل شوي،بعدها شديت عودي وكمت كعدت يمها ورا
البيت تكون مساحه مفتوحه على شكل خضار وكالعادة اخذت عود من الكاع وصرت ارسم
بيت مثلث وحوله زرعات وامي وابوي واني بنصهم ودموعي تنزل، جدة بصفي شافتني درت
جدة : ها واني وين؟
عيني عرسمه
وردة : هاي اني وياهم بالجنة من اموت..
ضربتني بخفه
جدة : اسم الله حولج وحواليج بيش طالبه عمرج
وردة : هو وينه عمري؟ شفت منه؟ تسول، تحرش، لاحترام، لاتقدين، ولا حتى دراسه هاي هم تسميها
حياة! خراا بيها.
تكلمت بحسرة
جدة: ليش بشنهي قصرت وياج!
هزيت راسي بنفي
: مو أنتِ جدة، الحياة قصرت وياي هواي اخذت من عيني كلشي حلو، خلتني بسجن وانا احس روحي طير،وكل يوم اموت بهداي..
رفعت راسها للسما
جدة : لا تخافين يجي يوم ويطك جناحج السما.
رفت راسي
: خاف هم ماتريدني !
لزمت أيدي
جدة :يمكن جناحج هسه مكسور بس من تشافين السما ترحب بيج والجناحه مكسور يرادله صبر.
تنهدت
: شنو الصبر! أكثر من الي صبرته! لا تحجيلي بالصبر وانتِ اعرف شلون عشنا، من طفولتي لليوم انام بخوف واكعد بخوف
جدة : تهون حشا الله يخلي حمل مطروح.
سكتت وحضنتها اذكر جنت صغيره كلش، ماحس بالأمان له ادحس نفسي بحضنها وجنت اكعد مرعوبه خاصه اذا كعدت قبلها خاف تموت اخلي ايدي يم خشمها حتى
اشوفها عايشه وتتنفس لو لا...
بعدتني عنها ردت
جدة : شتكولين لو ننزل للسوك وتتسوكين وتغيرين جو؟
: لا جدة ماريد احس بتعب وبديت اجوع
جدة :له له كومي اسويلج النفسج تشتهي
ضحكت وكمت نطيتها ايدي كومتها ورجعنا للبيت سمعنا الباب يندك
وردة : خليج اني افتح
عرفته من دكت الباب ماكو غيره، فتحت هو بس هل مرة صاحي سندت نفسي على الباب وتكتفت
ورده : خيررر
بتلعثم
باهر : أعتذر، غلطت والله ماتنعاد
بتسمت بستهزاء
: عتذارك هذا ماامسح بي حذائي يلا دييي
نطت عيونه بغضب
باهر : وردةةة لا تختبرين صبري ترا له احدود
عفطتله ولفيت اريد ادخل لزمني من زندي بقوة
فتح عيونه
باهر : تعفطين ولجججج!
كررتها مره ثانية اكدله ودفعته رفعت اصبعي بوجه
ورده : واذا تجي بعد اجيب لصخل يعفطلك
بعصبيه
باهر :اذ تبقين بهاي تصرفاتج تندمين
رجعت لفيت عليه وقربت خطوة خليت عيني بعينه بتسمت
ورده : اهااااا قصدك تخلي سلطانة تربطني و..
هز راسه بنفي قاطع كلامي
باهر : لا لاااا ابد اموت ماخليها تضرج
: روح باهر ماعندي كلام وياك بعد لي شفته وسمعته
سديت الباب بوجه قبل مايحجي، ما حاول يدك الباب
راح ورجعت لجدة عرفت بي ماحجت شي، لليل نجمعو
البنات يمي وسوالف وضحك غيرت نفسيتي
بعد يومين ماصار شي حتى باهر مارجع من ذاك اليوم
اخاف من سكوته اكثر من كلامه..عاد من يحجي اعرف شيريد يسوي، اعرف باهر من يغيب عني يعني يخطط لشي واخرته يبين
بيوم
دزو علية البنات عدهن عرض الرقص شرقي يعرفوني اموت بي هم اغير من نفسيتي
رحت متحمسه واشوف سهام لاربسه بدلة الرقص
وباديه بروفا، تقسم بجسمها بعدها رفعت شعرها
بأيدها وترجف خصرها، سمر بأيدها سيف شمرته
لسهام لزمته خلته بكسرت خصرها حاولت تثبته
بس وكع رجعت عادتها اكثر من مره يله ضبط بعد
صارت ترجف وركها بدون مايوكع السيف هذا من
ضمن فقرات العرضبعد ماخلصت اجت يمي وسمر
وناي صارو يدربون على فقراتهم
بتسمت
وردة : ابدعتي
سهام : مكانج خالي
وردة : شسوي بلكوه قنعتها اجي لهنا ماتقبل
سهام : تدرين زين تسوي
وردة : شلون؟
كعدت يمي تنهدت
سهام : شنو الفائدة من ركص؟ غير السمعه الزفت
والنظرة الرخيصه لي تحصليها من الذكور
عقدت حاحبي مستغربة كلامها
وردة : شبيج؟ اكو احد زعجج؟
باوعت بعيوني تحسرت
سهام : خليج بعيدة عن هذا الطريق لا تتلوثين صعب
تنظفين
وردة : شبيج لا تستفلسين
ضحكت
سهام : ولج لا تتفلسفين
وردة : لمهم احجي بدون بريك صاير وياج؟
نزلت راسها سكتت ثواني رجعت تحسرت
سهام : يمكن حبيت
عقدت حاحبي اريد اركز لي سمعته صح!
: هاااا
هزت راسها
سهام : اي
ضحكت خليت أيدي على حلگي
: ياااااا منوووو؟
سهام : واحد غريب
عدلت كعدتي
: احجيلي من البداية، وين شفتي منو شسمه
صار وماريد ولا تفصيل تضمين
سهام :طويلة بس اختصرها واحجي المهم، تذكرين الحفل لي رحنا له وجدة ماقبلت. ترحين
: طبعاً اذكر لي..
سهام : بالضبط لمهم بقينا اسبوع بس اول يوم العرض
صادفت شخص هو كان مسؤول عن التنظيم او هيج
شي وبنفس لوقت هو هم حماية، ماجنت منتبه اثناء
العرض يباوع وهل شي عادي اني متعودة عليه بعدها
خلص العرض ورجعنا كذلك مارفع عينه عني نزعجت
حيل تعاركت ويا بس هو مانطق ولا حرف وبقى يباوع
بس من اشوفه يدير وجهه
: زين تسوين
سهام : بأخر يوم سحبني لغرفة التبديل هنا حسيت
بگلبي اول مره بحياتي.
بتسمت ونزلت عينها
سهام : كال أحبج واني احس بروحي ذابت مانطقت
ولا حرف
ضربتها بجتفها بخفه
وردة : طاحضج تسرسحتي ولج خليج نجرة شبيج صرتي نعامة!
ضحكت
سهام : نجبي ولج ماسويت شي بس هذا احساسي اما
بالحقيقة ماسويت شي نصدمت عاد هو هم عيونه حجت كل شي
: طيط
سهام : موصوج صوجي اني احجيلج
وردة : شنو عيونه حجت! شبيج ولج خاف شايفتلج مسلسل ومتأثره بي!
بتسمت
سهام : هو صار وياي مثل المسلسلات
وردة : اي وبعدين؟
سهام : نطاني رقمه
وردة :هلووو تفضل اغاتييي
سهام : يحبني
وردة : سهام نتبهي يحبج لو يحب جسمج!
سهام : كتله يكول احبج
ضحكت
وردة :طبعاً الذيب مايكول اني ذيب، احنا محد يحبنا غير لي مثلنا او انگس منه خليج نبهه
سهام : طبعاً اعرف ماتاخذني روجت المشاعر
ضحكت
وردة : غير تسرسحتي بكلمتين ولج.
سهام : ههههه لا لا بس رجعت ستقريت
وردة : تعرفين محد ياخذ من مستنقعنا ولو صار
راح تخلص حياتها بذل اكبر على اساس هو خلصها
من هل مستنقع ويبقى يعير بيج.
سهام : اعرف وحجينا بهواي مواضيع
وردة : شتسوين؟
سهام : كال اجي اخطبج
وردة : لا اهله يقبلون ولا اهلج.
سهام : كتله، كال احجي ويا اهلج واوفرلهم سكن بحيث يطلعون من هل ارض ومن المحافظة كلها.
وردة : اشو مامرتاحه يعني شبسرعه صار اخو خيته ودك صدره!
سهام : لا ولج ميجذب
قوست شفافي مو مقتنعه ولا ممكن اقتنع
وردة : مدري زين ابوج مايقبل يروح وي زلمه وغريب!
سهام : كتله والله حجيتله كل شي كال من تنتقلون لهنا اخطبج ومحد يعرف بيكم غجر
وردة : شبسرعه صار مضحي!
سهام : ولج والله مو قصة مضحي بس هو فعلاً حبني، مستعد يسوي كل شي حتى نتزوج
: وانت حبيتي؟
نزلت راسها، ردت بخجل
سهام : اي هو حلو وشخصية واهم شي يحبني وقابل بعيوبي ويحاول يطلعني من هل مستنقع.
وردة :كلنا نريد نطلع من هل مستنقع بس ماكو أيد تساعدنا، الله يكتبلج الخير ويطلع كد احجايته
سهام : امين يارب، وربي يكتبلج احسن اقداره
بتسمت بوجع رديت
: الحمدلله
سهام :زين صار وياج! باهر سوه؟
تنهدت
وردة : باهر أملي الوحيد وسالفتج قابل بكل عيوبي واهمهن حالتي ومرضي
لزمت ايدي بحنيه
سهام :وردةة انت مو مريضة، انت بس صارت عندج خوفه بسبب لي ماتتسمى الله ينتقم منها
نزلت عيني الاصبعي اضرب اضفر بضفر مااريد ابين ضعفي رديت بصوت يرجف
: للصراحة اكو صوت بداخلي عاذره حتى لو تزوجني وخاني هم اعذرة من يقبل بوحده متكدر تمكنه من
نفسها، گلبها وروحه تشوهو.
بسرعة حضنتني ردت
سهام : لا تحجين هيج احلى روح روحج وگلبج الطيب، الله ينتقم منها بس
بتعدت اشد نفسي شوي
وردة : شوكت؟ شكد انتظر حتى الله يبرد گلبي بيهم وياخذ حقي منهم!
سهام : أصبري
وردة : هو هم مابيدي شي غير الصبر سوا اخذ حقي وطبطب على گلبي لو خلاهم يصولون ويجولون
براحتهم هو الله بعد بكيفه...
اجت سمر تلهث تعب
سمر :جوري ليوم كاعد شعجب! گلت هسه تذب لحم
وردة : مالي خلك
سمر :لا كومي لا تفقدين مهارتج
ضحكت سمر سحبتني من ايدي تريد تكومني
سهام : يله كومي
ضحكت ودخلت أبدل حتى ما أبين كئيبة.
لبست شي خفيف، فستان أسود يلتصق على
جسمي، بدون كمام، تعلاگه، وفوك الركبة بيه
فتحة صغيرة.فتحت شعري، وشديت الزنانه
چن شديت روحي... غصبتها تقوه، حتى لو
جواها تنهار.
ركصنا اني والبنات وضحكنا بعدها رجعت على
ملابسي واريد ارجع، اجت سلطانه أكلتني بعيونها
ورند وراها، تبسمرت بأرضي لزمت كركوشة خصري
اهز بيها، رمقتني بنظرة بهتت حيلي، بس اني كدامها
جبل مايهزك ريح، ماطلعت بقيت شوي،هي وكفت
تاشر على بنات
سلطانة : رند اختار منال وكم وحده وياج عدكم
حفلة
رند هزت راسها
سهام : شنو من حفل؟
سلطانة : مو يمجن انتن ماترحن هاي خاصه
سهام : اي مانحضر حفلات خاصه، بس منو لمهم بيها؟
ناظرتها، ردت
سلطانة : مو شغلج، لو تردين تعاي شوفي بعينيج
ماعندي مشكله
سهام : لا بالعافية عليج.
همست لهن
وردة : ها بنات نروح؟
سهام : يله سموره
اجت سمر طلعنا دنيا لليل بس مو وقت متأخر تقريباً
ب8،الوشاح على اكتافي لفيت نفسي بي الجو بارد
وصلنا البيت البنات دخلو، وكملت طريقي من امشي
عيني بالكاع اشوف حصو ادفرها برجلي وين تروح
اروح وياها وادفرها وهكذا لحد مااوصل بس هل مره
ماوصلت، حسيت بأيد سحبتني من كد مالسحبه قويه
حسيت نفسي نرفعت من الكاع بس اريد اشوف منو؟ شكو!
صيحت سد حلكي واحاول افلت حضني حضن قيد حركتي يردد : اشششش ماسويلج شي..
