رواية لأنها اختي الفصل الرابع بقلم فاطمه حمود
يالرايح وناوي الهجر..
تسألني ليش على العمر.
لو ردت عني تبتعد
گلي شنفعهة العافية...
عشگتك روحي من گلب..
وعليهة تتركهة صعب
ونيتهة ماتصفة البشر..
بس الك جانت صافية..
يل ماتحبهة وبطلت
للعشگ المن جربت..
تدري بهجرتك فززت ..
ذيج العيون الغافية ..
جانت مأمنه بعشرتك
هسة صدمتهة بفرگتك ..
راحت بجت يم عتبتك
مثل المضيعه وحافية ..
ملاك :- لا تزعلين ترا هوه علي بس ينفخ ب روحه وما بي اي نفع وهي الطوبه ترا احنا ب العراق ف طوبه مالته ما توكل خبز وهم هو مو مخلص دراسه خل يتعين أفضل اله مو احسن ؟؟
مريم :- بعد هوه وتفكيره هوه يحب ال طوبه يعشقها ويريد انو يكون لاعب معروف ودا يشتغل على هذا الشي وان شاء الله يوصل للي يريده
سكتت ما حجت شي
ملاك :- شنو أحــچي ؟
مريم :- ما ادري ملاك
ملاك :- شنو يعني ما ادري لو تحبي لو متحبي وحده من الاثنين
مريم :- ملاك ما اعرف فدوه لا اضغطين عليه
ملاك :- هوه اكو واحد ما يعرف ب نفسه اذا يحب او لا زين باعي انتِ تثقين بي ؟
مريم :- شنو قصدج مفهمت
ملاك :- اتامنين بي بسرج او شي يخصج لو صار شي لو لا ؟
مريم :- حتلو ما امنت بي ما يكدر يغدرني ترا قابل هوه شنو بيده ترا ما يكدر يلعب وياي ابدا
ملاك :- بس لا تنسين نفس ما احنا النا مركزنا وقوتنا هوه هم لا تنسين منو أبو ومنو عمامه وشنو مركزهم اذا يريد يلعب عنده اليحمي بس انت تروحين بيها وتصير عداوه بين عائلتين فقط
مريم :- بس صدكي واني متاكده وابصم ب عشره ما يكدر يلعب وياي ويئذيني ولو ب شعرايه وحده ما يكدر
1 تع
ملاك :-ليش هيج متأكده من نفسج ومنه !!
مريم :- حبي انتي بعدج صغيرونه ما مجربه شي ب الحياه ولا شايفتها على حقيقتها بعدج الاميره المحبوسه ب القصر البعيد الي ما تعرف شنو موجود ب هل حياه ترا اني حاجيه وي الف واحد الف واحد مو واحد لو ثنين واعرف الملعب والي يخاف والزين اميزهم واعرفهم ومو مثلج
انتِ بعدج الحد الان تخافين اطلعين للركن مال شارع وحدج خاف يصير بيج شي
ملاك :- اني اخاف على نفسي مثل مدا تكولين دنيه مو امان ف من حقي وبابا عداواته هواي
ف من حقي اخاف وهم اخاف على سمعت ابوي ولو انتِ تعرفين بيه كلشي اكدر اسوي وكلشي يطلع بيدي
وهم كلمن وجهه نظره بالنسبه الي بسالفه الطلعه ترا شكد حلو لمن اطلعين
ويكون وياج سند تسندين ظهرج بي
بحيث محد يكدر يرفع عينه عليج ويفك حلكه ب احجايه منا او منا وكلها تهابج لان وياج زلمه ابن عن جد
ما يسترجي واحد يتقرب ولو ب نظره من حرم هل زلمه
مريم :- لا لا زلمه ولا شي انتي جبانه وتخافين طلعين من تحت جناح ابوج او حمايته
2 تع
ملاك :- مريوم لا تحاولين انو تلعبين ب أعصابي وانتي أكثر وحده
تعرفين بيه اني شنو
وشنو يطلع ب ايدي اسوي واذا ردت اسوي شي اسوي واذا ردت اوجع واحد ماكو أسهل منها عندي ف خلينا ب سالفتج أفضل
استفزتني ب كلمتها الاخيره
ملاك :- ههههه ضحكتيني شبيج مريم حبيبتي نسيتي الواضح منو حااامد مهندس + ضابط الكل يتمنه كلمه لــأ والله مو كلمه نظررره منه يتمنون شنو الواضح نسيتي شمس صيدلانيه بنت خالج شلون سحلت نفسها علي ب عرس دانيا بس علمود تحصل منه نظره وحده !
وهنه متخبلات علي !
مريم :- ما نسيت شبيج ملاك
ملاك :- اها عبالي حتى اذكرج بحيث حتى جانت تصيح يمه شوارب يل شوارب وماتت علي لأن ما عبرها ب نظره وحده بـ؏ــد وين لاكيه اغاته !! ترا علي ما يسوه شعره وحده من حامد حبيبتي
5 ت
مريم :- اهووو شبيج ملاك هسه اني شحاجيه يلا سدي الموضوع ترا تلفت أعصابي من عنده
نزلت جوه وإني أحس دكات كلبي عاليه وكاعد تزداد خايفه أي خايفه مدري كلامي وي مريم خوفني على اخويه منها خايفه صدك يطلع يحبها واذا هل كلام صحيح نروح ب داهيه وما راح نكدر نطلع منها ابدا وراح نطلع احنا الخسرانين اخويه يروح بيها ينتهي معروفين ولدنا ب عشكهم ينتهون بي شلون اخسر اخويه من وراها يعني اخسره
أخذت نفس عميق واحاول اهدي ب نفسي واسيطر على اعصابي اخذت الفراش ورحت للغرفه فرشت الها
مريم :- بس لا تكولين نصير عجايز وانام من هسه ها ولج ترا اموتج والله
ملاك :- ولج يا عجايز ترا ســآ؏ــة مو ب 10 الساعه عبرت ال 1 ونص ب الليل لعد شوكت انام تريدين
1 تع
مريم :- بعد وكت خيه اصلن هسه الا بده الليل
ملاك :- يا بده اني اصلن عندي انتهى يلا شعدج سوالف احجيهن من هسه لأن اني ما أضمن نفسي بعد نص ساعه ما انام
مريم :- ما عندي نامي نامي يلعجوز خليني اني وي الحب اسهر
1 تع
ملاك :- من امداج وامده بس باعي المكالمه ممنوع
مريم :- همس ملوكاتي يحبيبتي
ملاك :- بلا لواكه ممنوع مااااشي
مريم :- اوي ماشي نامي نامي
لزمت الفون ماكو شي جديد بس منى مراسلتني سويت الفون اهتزاز
وعفته جوه المخده
باوعت صاير الصبح لأن ضوء طالع وشمس ماليه الغرفه ركزت شويه حتى استوعب الي حوليه سمعت صوت حسن ومريم نايمه
سحبت الفون من جوه المخده كان نيار دا يدك اتصال باوعت على ساعه ب 5 ونص الصبح
هذا شبي متحلم بيه لو شنو شعنده داك من صباحيه الله من كل عقله ولو هوه هذا عنده عقل ب الاصل حتى اعتب علي مخبل
انكطع الخط عدلت نفسي ب تذمر من ازعاجه الصباحي الي ما اله معنى سويت الفون صامت حتى ارجع انام
رجع دك افافت ب قله صبر باوعت على مريم نايمه نوم عميق فتحت الخط همست ب عصبيه
ملاك :- شكو شكو بس فهمني شبيك داك من صباحيه الله متحلم بيه لو شنو
ملاك :- شبيك شارب شي حرارتك مرتفعه شنو أنزل انت واعي
نيار :- عدلي صوتج واحجي عدل لج وانزلي اريد اشوفج
ضحكت ب داخلي اكيد عباله دا اتموع علي ب صوتي من صبح ما يدري يمي بلوه ما أريدها تسمع
غلقت الخط وراسلته على فايبر
ملاك :- تلطخ رأسك ب أي حايط من حيطان البيت بس اني ما أنزل خوش
نيار :- متاكده بزونه من كلامج ؟
ملاك :- شنو شبيك نيار عود هذا انت الجبير الواعي العاقل هيج صاير شنو انزل
نيار :- ماشي انتِ ما تنزلين بس اني أصعد وعود نشوف منو الواعي العاقل
ملاك :- زين انت شعدك جاي من صباحيه الله بس فهمني
نيار :- عدنا دوام اني واخوج وأريد اشوف بزونتي قبل لــأ اروح اشتاقيت العرامتها
ملاك :- اهووو يعني انت ناويها عركه من صباحيه الله
نيار :- تنزلين لو اصعد ؟
ملاك :- اهوو زين انتو شوكت اطلعون
نيار:- بعد نص ساعه
ملاك :- ماشي شويه واجي
نيار :- منتظر
ملاك :- اي خوش
سديت الفون قفلته وكمت قفلت باب الغرفه ورجعت نمت وطنشت كل شي لان هذا واثق من نفسه هواي
6 تع
من كل عقله انزل اله حتى يشوفني شافني ابويه حسن شنو يكون موقعي شعندي كاعده هيج وقت ؟
وحتلو كاعده شعندي نازله اني ب رزال مرات الا انزل مع انو اكون كاعده وهم هذا ملازم انطي مجال واتبع أوامره حتى لا يظن نفسه فد شي مهم عندي
اذا هوه ما عنده عقل يفكر بي وشنو وضعي من هسه أنزل حتى اشوفه
وإني ما عندي وياه شي اني عندي عقل ولازم افكر مو كلشي لازم انكول اله أمرك
3 تع
ملاك :- حبيبتي انتي لو أشغل ردح مال ساجده يم اذنج هم ما تكعدين جنج ميته مو عاد حركه ب البيت تكعدين عليها
مريم :- مو الهذا الحد شبيج شنو سالفه
ام ملاك :- يلا كومن اتريكن وهم مو عدجن امتحان علمود هم يلا تقرن
لأن راح اروح البيتكم مريم ورى الغده علمود أخذ امج ونروح البيت أم حمزه الاثنين السبعه وعدنا شغل وامج كالت جيبيها وياج
ملاك :- هي مو الثلاثاء
أم ملاك :- استشهد هوه الاثنين ب الليل بس احنا محد عرف إلا الثلاثاء
مريم :- أي صح
طلعت مريم وامي ونزلن جوه سحبت تليفوني وشغلته صارت الاشعارات تجيني شفت دك عليه أكثر من مرا على رصيد وداز رساله هم
ملاك :- عود مثلا هسه انت جاي دا تهدد بيه وهم انت شعدك وياي وليش تريديني شنو هل اصرار البلا معنى
بله اريدك تفهمني شلون ب يوم وليله تغيرت 180 درجه وصرت تريدني الك بعد ما كنت تشوف الموت ولا تشوفني
وهم اني انطيتك قراري واتوقع اتفاهمنا ونهينه هذا الشي واتمنا انو تنتهي هاي المهزله هنا واليوم افضل للطرفين
طفيت الفون وكمت نزلت كانو دا يريدون يتريكون رحت غسلت ورجعت بديت اكل كملت شلت السفرة ب هدوء وبديت اشتغل
ومريم ساعدتني كملت صعدت الغرفتي أخذت ملابس
ورحت للحمام أخذت حمام سريع وطلعت بدينا اني مريم نقرأ
هي عدها امتحان وإني هم اقرأ بس ما دا استوعب أي شي فكري مشوش من الي دا يصير احسه من دخل الحياتي شوش تفكيري كلش
حاولت أجبر نفسي لأن بأجر دوام صاحت ماما على الغده نزلنا
تغدينا مريم راحت صعدت تبدل وماما راحت تبدل وإني كملت غسل الاماعين
طلعت ماما ومريم
همست ال مريم
دخلت جوه
دانيا :- قيس جاي بلطريق يريد يشوفني ويشوف اكبر
ملاك :- وإني شدخلني كملت شغلي وراح أصعد الغرفتي ولمن تحتاجيني وشغله ضروريه كلش عود صيحي عليه
دانيا :- ماشي
عفتها وصعدت
فتحت الفون اجاني اشعار مال رساله
نيار :- ماشي تريدين تنهيها كلش سهله اصلن ماكو أسهل منها اليوم
اني اليوم يمكم واخطبج واكولهم ماكو احسن من بيت عمتي اناسبهم وانت تعرفين اهلج كلش زين ما يرفضولي طلب ومعزتي من معزت حسن وحامد عند ابوج وحسن ما يحتاج احجيلج شنو علاقتي بي ف راح يوافقون وينطوج الي راح تكونين الي راح تكونين خدامه جوه رجليه بزونه وراح اشوفج منو نيار
ملاك :- شنو هذا كلامك الهمجي شنو خدامه انت تجاوزت كل الحدود تراا انت واحد مريض مريض فهمتتتت وإني ما اصير الك مفهووووم
نيار :- وإني عند كلمتي ونشوف
ملاك :- انت واحد مريض وانت ما تريدني انت بس تريد تمشي كلمتك وتنهي شخصيتي وكرامتي وبس هاي كل غايتككككك
نيار :-مريض ما مريض هذا حجي ما يوكل خبر بس ها عجبتيني طلعتي ذكية يبزونه هاي نيتي وياج وبعد هم اكو شي بس مو هسه اكوله الج بعد وكته بعدددد هووواي اله
ملاك "-ممنوع تسويها وما تطلبني ولا شي مفهوووم
نيار :- ليش شنو ممنوع شنو هم تريدين تسوين وقت الكوا** حتى يخطبج قبلي خاف تروحين من بين ايده
ملاك :- شنو دا تكول انت شنو هاي العقليه المريضه الي عندك اول اني ما عندي صديق وثانيا اني أريد دراستي
نيار :- كالوها قبلج وما ستفادينا غير الطيحان الحظ
ملاك :- والله اني ما اعرف يمكن حبيبتك القديمه هيج وحده بلا تربيه بس مو كل أصابعك سوه ومن جد اني أريد دراستي لأن تعبانه عليها هواي خووووش
نيار :- ما احجي ب الموضوع بس ب شرط اذا ما نفذتي تلكيني ب نفس اليوم بيتكم ونشوف شلون ترفضين
ملاك :- شنو هوه شرطك
نيار :- تنحجزين الي ممنوع احد يتقرب الي والي يتقرب تصدي او تنطيني اسمه اني اتفاهم وياه وتحجين وياي 24 ساعه وبلا اعذار وهاا كلامي هو الي يمشي ان عجبج او ما عجبج
نيار :- ههههه ضحكتيني لا يبزونه لمن اني أمل منج واسمحلج عوود تكدرين تروحين
4 تع
ملاك :- اكول ترا اكو هواي بنات يتمن يحجن وياك وحتى يطلعن شعندك كاتل روحك عليه وشعندك ليش تريدني اني بلضبط؟
نيار :-الكريب أوله من الغريب مو لــوو اني غلطان ف انتِ أوله بيه من الغريبه
ملاك :- ومنو كال اني اريدك ؟
نيار :- اني اريدج هاي هي
ملاك :- بس خلي هذا ب بالك ما راح تستفاد مني ب شي ابدا
نيار :- ب العكس انتي أكبر استفاده الي
ملاك :- لعد اسمع هذا الكلام واعتبره آخر كلام بيني وبينك اني حلم تحلم اصير الك تريد تجي تحجز احجز ما اهتم الك ابدا لأن ما دام اني ما اريد انو اصير الك هذا شي كافي ماشي استاذ نيار
ملاك :- شنسوي هذا الموجود يعجبج ما يعجبك ما دخلني عود ب كيفي امشي وياك عدل وساعة لا
واني عند كلامي وما اصير الك خاف تظن انو اني خفت منك ف لا تنسه اني منو وبنت منو واخت منو
ف ما لازم انو اخاف ابدا لان عندي الي اذا احد تقربلي ومسني ب كلمه ياكلون لحمه وهوه ني فهمت
نيار :- حطي هذا ب بالج راح يجي يوم وتجرين عدل وياي رضيتي أو ما رضيتي
والي تحجين عنهم يفدون ب رواحهم الي واذا طلبتج منهم مراح يعزوج عليه وهذا الوقت فكري بي
وفكري عدل بين ما أخلص الشغل الي عندي وقتها يصير خير ثيمالا
1 تع
ملاك :- حلم انو أجر عدل وياك بعد الي صار وتهديدك مفهووووم حللللم مثل حلم بليس ب الجنه
حذفت المحادثه من الفون وإني ارجف صدك اني ما أثبت على رئي
بس ليش هل كد اني خايفه منه ومن كلامه؟؟!
ليش اقرأ كلمه كلمه اكتبها اخاف بيها شي كبير قبل لا أرسلها ؟؟؟!
ليش احسب احساب الكلمه تزعجه لو لا ؟؟؟!.
وليش انهزت ثقتي ب نفسي وقوتي من حجه وياه معقوله اني اخاف من أحد ؟؟؟!
ومن تهديد أحد ولا مرا خفت بس هل مرا منه أي اعترف خايفه !!!!!
وكلش خايفه لمن احجي وياه انسه اني منو اني الي اذا يردون انو اصير رجال اصير
حتى رمي اعرف هسه خفت ليش من شلت اسلاح اول مرا كان عمري 15 سنه ما خفت
منه بكد ما هسه خايفه منه وعندي جرئه هم عندي قوه واراده انو ابقه وياه شنو هل مشاعر المخربطه الي صايره بيه مشاعر خوف رهبه قوه عرامه مثل ما يسميها ؟
شنو صاير بيه شنو هل خربطه الي صايره بيه !!!
دكت منى عليه
منى :- ها ولج بذاته وين مختفية
ملاك :- منى تعبانه
منى :- شاكه ب شي لو شعور
ملاك :- ما اعرف أحس اكو شي صاير وإني ما ادري بي او هوه هيج ما ادري ما ادري بس الي اعرفه كلامه مو مال واحد عاقل ولج نيار
يكول انتي الي اكول اله ليش يكلي الكريب أوله من غريب بيه
اكله ما تستفاد مني يكولي انتي لمن تصيرين الي أكبر استفاده شنو هاي الاستفاده الي يحجي عنها !!!
منى :- اكيد اكو شي لذلك هوه دا يسوي هيج او انو صدك هوه يحبج بس انتِ ما تدرين
ملاك :- ولج بيوم وليله يحب وهو صار فوك سنه ما شايفته تخيلي صار كوووومه مشايفته وين حبني وفوك كل هذا كان يحب وحده بس ما صايره اله وكلها تحجي شكد متعذب جان ب فراكها بعد شوكت حبني ورادني !؟؟؟
ملاك :- ليش يا ستار شمسويات مصيبه من جديد ؟
منى :- تبارك (صديقه ملاك )
ملاك :- اوكفي خل أحزر لزموها طالعه وي محمد ك العاده موو
منى :- ههههههه لا لزموها تراسلها ومنو لزمها محمد اخوها
ملاك :- يااا محمد مو خطيبي
منى :- ههههههه عزا ذكرتيني هي مو خاطبتج اله وهوه ما يدري ب ايام المتوسطه وتالي متالي طلع يحب وحده كردية
ملاك :- أي ولج بس خطيه شنو حالها وهي تموت على محمد وما تحب تنزل من عينه ازيد فوك الي راحن
منى :- اسكتي سالفه حاميه هاي 3 مرا محمد يلزمها وهي خطيه الخميس ماتت من بجي
ملاك :- ليش ما كلتيلي عليها
منى :- لج والله نسيت وهم هي بس كتبت الي من تليفون امها واختفت لان تعرفين راح يصير حصار عليها هسه ،، صحيح خابرتي الخط يجيج
ملاك :- لا هسه خل يجي واحد من ولد واخلي يخابره
منى :- هممم حسن شلونه
ملاك :- هنا سالفه انتِ ما مخابره على مودي علمود لا عيني داكه علمود تسئلين على حبيب القلب
1 تع
منى :- دا تحسسيني انو هوه يدري بيه وانو اكو وحده تحبه وهيج
ملاك :- بعد حبيبتي بس خل نخلص من خامس واصفالج واخلي يدري ويشوف ويميزززز
منى:- لا فدووه لا تصفيلي ولا اصفالج خليني هيج احسن الي
أفضل ما تشهريني لو توكعيني ب سالفه تفشل صديقتي واعرفج خليني محترمه ب عينه افضل
ملاك :- ولج والله بدون شقه حالفه ما ازفه إلا الج
منى :- أي مو هوه يمشي ب شور النسوان زلمه مشورب شبيج بابا هاي اذا ما طلع يحب وحده وانتو محد يعرف
ملاك :- افا ترا اني هم زلمه حوك ترا واعرف اذا اخويه عاشك او لــأ
منى :- مال تعرفين ف لا ما تعرفين بس اول مرا تحجين شي صحيح صدك انت زلمه ولو هي الي تشرط على أهلها اول ما تخلص متوسطه يعلموها شلون ترمي شنتوقع منها
1 تع
ملاك :- هههههههه يول والله نحتاجه شبيج انت مثلا واحد اجا يريد يكتلج اني اكتله الج ولا يمسج مرت اخوي
منى :- أي أي مو قله زلم ف انت تحميني
ملاك :- أهو تروحي خل انام الي ساعه وراها أكعد أكمل إقرايه اشرفلي
منى :- نوم العوافي عيوني روحي انطمري طمرج البين بـ؏ــد كلبي
ملاك :- هاي مسبه غزل مفهمت
منى :- كوكتيل 😂😂
سديت من عدها خط طلعت من الغرفه نزلت من درج سمعت صوت قيس ودانيا دا يضحكون
دانيا :- شبيك قيس عيب لا تنزل ملاك وتشوفنا
قيس :- وإني شمسوي زوجتي وحلالي وأريد اضوك طعم شفايفها
عززا اني سمعت هيج بسرعه ركضت للغرفه وسديت الباب اباوع
على نفسي
البتسامه مرسومه على خدي وصاير خدودي حمرر نمت على جربايه وإني اضحك على الي صار والي سمعته الا ان غفيت
فزيت على صوت تليفون مريم دا ادك وأني شبه واعيه بعدني نعسانه أريد انام
ملاك :- هممم ها شكو
مريم :- ولج الحكي على اخوج
