رواية لأنها اختي الفصل الخامس بقلم فاطمه حمود
اعله يا ذمّة توصيني ...
وحياتي انت ونبض يسري بشراييني...
ويظل اسمك علامة توسّم اسنيني.....
ولوَنك مو دمع ....ما شالتك عيني....
ويلوموني....أحسّك تكبر بروحي...
ويلوموني....ونه بلا شوفتك
شينفعن اعيوني...؟؟؟؟
يشوكي...ورجوتي...ودنياتي ولوني....
وعذابي ولهفتي....وشكواي واضنوني....
يخيّعونك عليّه ...وبيك خيّعوني....
يواهس تضحك الدنيه عله اشفافك....
يبو الليل الحلو اليلعب عله اجتافك....
أحس روحي تآمن بيك واتخافك....
واحسّك ....مدري شنهو انت.....
لغز لا حجي ولا سكته...
ولا غيرك نبع بالشوك يرويني...
وتوصيني ....
لونّك مو دمع ما شالتك عيني....
__________________
فزيت مخروعه على كلماتها
ملاك :- شبي اخويه ولج اخوي شبي
مريم :- ولج مدري شبي متخبل تخبل عليه من وراج ومن ورى كلامج كتيلي حضري وحظرته ورى صار يدك عليه رقم غريب فوك ال 3 مرات رديت علي طلع اخوج الله لــأ يشوفج شسوه بيه والله مسح بيه الكاع متخبل بس يغلط ويسب عليه وعلى تصرفي خلسني خلاني اطك سن ب سن اخر شي كال افتحي الحظر خل اتفاهم وياج
1 تع
ولج يمكن عرف عندي علاقه خرب بحظج يا مريم ولج شلون ميته من الخوف هوه اتصال وهيح سوه بيه والله صرت اخاف اتنفس خاف يعصب اكثر كليلي شسوي هوه اخوج وانتِ أ؏ــرف بي ب هل مواقف
1 ت
ملاك :- شفتي من اكلج حامد نار ما تصدكيني زائد هو منين بله راح يعرف انو عندج علاقه الا اذا واحد كايل اله وهم ترا محد يعرف بيج هيج انت وكل فتره شايفتلج واحد جديد
لأن انتي الفقيره ب عينهم الي حتى تخاف تشرب مي لا تخافين تلكي شايط لأن حاظرته
مريم :- اكيد متاكده من كلامج ملااااك ترا اني دا انفذ كلامج مو توكعيني ب مصيبه
ملاك :- اهووو أي هسه انتِ فتحي حظر وشوفي على شنو معصب ولو هي واضحه لان حاضرته وعود نشوف شنو يريد ودزيلي
خل اليوم نحل هاي سالفه ونخلص من عدها ترا ما الي خلك روحي اني وربج
مريم :- شقصدج ولج شنو صايره تضمين عليه شنو العندج اغلى من اخوج ؟ اكصها الايدي اذا ما صاير وياج شي وما تحجين لان منتبهه الج مو على بعضج ابدااا
ملاك :- سلامتج بس تعبانه دا تشوفين الخير الي اني بي ما يحتاج احجيلج
مريم :- متاكده ؟؟
ملاك :-اي متاكده يلا فتحي الحظر خل نشوف شيريد واذا صار شي دكي عليه
مريم :- ماشي
سديته من مريم وكمت واني اتفف بس اريد اعرف شنو بينه مدري شصاير من وفاه حمزه الحد الان كل يوميه طالعه النا سالفه شكل شنو الموضوع كمت غسلت ورجعت عفت تليفون يمي منتظره اتصال مريم طلعت كتبي وبديت ادرس كملت دروسي ومريم ماكو اخذت تليفون ونزلت جوه كانت بس دانيا
ب هاي الأثناء انفتح الباب ودخل حسن سلم وصعد الغرفته اني صعدت هم للغرفه شفت ملابس دوام مالتي خاف يحتاجن غسل كوي
ومر اليوم عادي ثاني يوم كعدت للدوام لبست وكملت ونزلت انتظر الخط اجا صعدت راح على بيت منى صعدت سلمت عليها ورحنا للمدرسه
بنين :- هلا ب سورها ونورها هلا يابه هسه نورت ال*******
(اسم المدرسه)
1 ت
ملاك :- شكو ولج دا تصبغين بيه من صبح خيرج شعندج
بنين :- حرام عليج هسه اني دا اصبغ بيج ازعل ترا
ملاك :- زعلتهم شعندج احجيلي 😂😂
بنين :- سلامتج عيوني ما عندي بسس
بنين :- يعني صحيح هذا الحجي ؟!
ملاك :- تكولي ولج منو الي كال الج
بنين :- يعني مثلا منو ب رئيج هنه بس بنات الأدبي تعرفين بيهن 24 ساعه شاغر وشايفاتهومتخبلات علي وبس طلعنا ب فرصه لزمني كالن يموت نضراته وكشخته وكلشي خلني انصدم هم اكو واحد حلو هيج هسه تكليلي ولج منين هذا التوب وشعنده جايلج ها ها 😉
ملاك :- تمشي لج تغشمين نفسج هوه احنا عائله اصلن من كاعنا توب التوب تشوفيني كدامج
بنين :- ايي اييي شايفتج هسه تكولي منين هذا
1 تع
ملاك :- هذا ابن خالي وهاا ولا تحطن عينجن ولا شي على رجال ترا متزوج وراح يصير عنده طفلين لأن مرته حامل ب توم وماخذها عن حب وكتل نفسه عليها الا صارت اله
5 تع
منى كانت دا تشرب عصير شركت بي وصارت تكح وتباوعلي ب صدمه من الكلام الي كلته ولو حقها لأن اني من نفسي مصدومه شلون هيجي كلت وحجيت بس اعرف البنات كلش زين اذا اكول أعزب راح يدورن علي دوره ويراسلنا اكيد
2 تع
بنين :- يا ول حظ صدك عود هذا الثكل ليكولون علي كاتل نفسه على وحده
ملاك ؛- اي شنسوي هذا الحب وما يعمل ب الواحد
بنين :- ولج تدرين حتى المطبقة طيبه سئلت علي
ملاك :- أي خطيه مو حتى عيونها رادن يطلعن وهي تباوع علي وهوه ما معبرها ذبحت نفسها تريد نظره منه
منى :- بنين جذابه هاي كاعد تفيك ب راسج الله وكيلج كلهم جلحين ملحين بس هذا شويه بي روح لأن زوجه خالها صاكه وماخذ جمالها اسئليني اني جيرانه همه وبعد انتِ تعرفين القرد ب عين امه غزال وهي همه غزلان ب عينها كلهم سمرر ويلعبون النفس لــأ تزعلين مني ملاك بس ويع انتو
4 ت
فطست من الضحك على كلام منى وهاي بنين صدكت ب حجيها
بنين :- اني اصدك ب كلام منى لأن يكولون كل قرد ب عين امه غزال واكيد انتي دا تحمدين لأن اهلج اي اكيد
راحت بنين
ملاك :- ها ولج سمر يلعبون نفس موو
منى :- ام المتزوج على حب اسكتي اسكتي
دك الجرس ورحنا للصف مر اليوم بالدوام اعتيادي وتعب نفس كل مرا
وننتظر ال 10 دقايق أو 15 دقيقه مال الاستراحه على أحر من الجمر
كانو منطينه ساعه كامله مو 15 دقيقه هذا جونا دراسي صارت الاستراحه
مر اليوم رجعت للبيت صارت ب 3 راسلتني مريم
مريم :-هلو
ملاك :- وينج البارحه ليش ما راسلتيني
مريم :- مو مكدرت افتح الحظر وارد علي من رجعت فتحت الحظر قبل شويه راسلني كاتب ليش حظرتيني
كتله أفضل الي والك وما اريد اوكع ذ مشاكل خاف واحد يشوفني اراسلك واوكع ب مشكله اني في غنى عنها حباب عوفني ب حالي
وهسه كتب انو اول ما تطلع الأربعين يحجزني اله شنو اجاوبه
أخذت نفس احاول استجمع افكاري حتى أ؏ــرف شلون نرد
ملاك :- كولي اله لا تسوي هيجي عيب من عمه بعده حمزه ما ناشف اترابه شلون هيج تسوي
وهاي عود هوه صديقك وانت ما اهتميت الموته زحمه وسوي نفس ما انت كلت بعد سنه تعال
واحجي ب الموضوع من تطلع السنه مالت المرحوم وعود يصير خير واتمنا انو هاي فترا ما تزعجني
وتطلب انو نتراسل لأن كلشي يصير وخاف يشوفوني دا أحــچي وياك وتصير مشكله
احنا في غنى عنها وانت تعرف ب اخواني وهمه يعزوك ف فشله تنزل من عينها
ونفس ما انت صبرت كل هاي سنين تكدرأنو تصبر هاي سنة حتى تحصلني ماشي
وترخصي منه وشما يصير بعد لا تردين علي ب حرف واحد لــأ تردين خوووش
مريم :- ماشي هسه اكتب اله مثل ما كلتي ب الحرف واذا كال خل نتراسل
ملاك :- نفس ما كلت الج كولي ما اريد اتصير مشاكل وانت ما دام
صبرت كل هاي السنين تكدر تصبر هاي سنه عليه حتى تحصلني ومن هل حجي بس لــأ طوخيها
مريم :- كال ماشي الي صبر كل هاي سنين حتى تصيرين 18 يكدر يصبر هاي سنه والي يريد يضوك العنب يتحمل مرارت طريقه وكبرتي ب عيني بردج الي يا لبت كليبي
ملاك :- والله راح يضل طول عمره اخويه يتحسر على العنب وما يضوكه خلي اله رب يداوي كلبه ويداوي جرحه
مريم :- ولج شنو ب بالج فهميني حتى أ؏ــرف اتصرف
ملاك :- سلامتج عود ب النهايه يجيج الصافي هسه انتِ خليج وي حبيب الكلب روحي شوفي راح للتمرين بعده
سديت من عدها الخط ومر اليوم طبيعي والهدوء كان مسيطر على باقي الأيام يوم ورى يوم وسبوع ورى أسبوع نجحت من الخامس
وصرت سادس صرت اجاهد ب الدراسه حتى احصل المعدل الي أتمناه والي اريده
صرت أ؏ــرف نوع مزاجه من كلامه أ؏ــرف الي يريده من نبرته كنت استغرب من وضعي وياه واتلافه تفكير ب انو ملاك انتِ هذا طبعج دوم تنتبهن للتفاصيل بس هل مره لا هذا شي مختلف
ويمراليوم إلا أن يرجع من دوامه يدزلي رسالة ونكعد نتعارك اني وياه
عركه ورى عركه
وحديثنا لو ينتهي ب عركه لو ب سوالف عاديه قريه كلامه كلشي خله حياتي تتغير
اتحولت اتحول كلشي بيه تخربط وضعي ب قربه صرت أريد بس انو يجي الصبح حتى اشوفه دازلي
كلمته المعتادة صرت اتشوق كل يوم حتى اعرف مزاجه شلونه افكاره الامور الي تصير وياه ب هذا اليوم
شوقي اله دا يزداد صرت احاول انكر مشاعري الي بدت
تأخذ مجراها ب طريق الحب مشاعر ما يحسها بس الي يحب بس اني صرت انكر
ودكات كلبي إلي تزداد كل ما يجيلنا وإني أكعد اتفحصه من فوك ليجوه واراقب كلشي بي تحركاته
كلامه حتى مرات اصفن الكه نفسي مراقبه نفسه وتنفسه محد كان شاهد على الي دا يصير وياي
بس صديقتي منى وبير اسراري واختي الي ما جابتها امي هي الي كانت شاهده على كلشي يصير وياي وعلى تقلبات مشاعري
أما حامد ومريم ف انسدت السالفه من آخر محادثه اله وي مريم بس الي تغير انو هاي هي بـ؏ــد اخويه انفضح انفضحت مشاعره من كل النواحي وصارت ملامح الحب مرسومه علي
من يشوفها نضراته الها الي تاكلها اكل كل ما يشوفها تحجي وتحجي عن حبه كل ما اشوف نظراته المفضوحه عليها
اموت من القهر لأن وكع ب حب وحدة ب عمرها ما راح تريح كلبه راح يضل معلعل
وياها لا هو راح يرتاح وياها ولا هي راح ترتاح لان محد يتوالم وي الثاني صرت كل يوم
قبل لا انام افكر شراح اسوي لمن تخلص سنوية حمزه
شنو راح يصير شلون راح امنع هذا زواج لو اخلي يستمر ؟؟؟!
شنو راح اتصرف شنو الطريقه الي اكدر امنعه منها ؟؟ راسي يفتر فر الا ان انام واني دايخه من تفكير
أما منى وحسن سالفتهم سالفه حسن مثل ال نايم ورجلي ب شمس ما يدري
شنو دا يصير حولي ما يعرف ب منى الي تعدت مرحله الحب بي
من المتوسطه من لمن كان هوه طالب هي هايمه بي وبحبه
وبنفس الوقت منى جبانه ما عدها الجرئه والشجاعة الكافيه الي تخليها تعترف وتبوح اله انو هي تحبه ما اعدها الجرئه من تشوفه وياي تكوله السلام عليكم وضعها مثل المضحك المبكي وإني ما اعرف أتصرف ساعه اكول هي مو بيدها كلبها حبه وما احجي وازعجها وساعة لا أكعد احجي عليها ليش تحبه وهوه ما يدري عنها يمكن عاشك واحنا ما نعرف ليش ودت نفسها ب هاي تهلكه ب هذا طريق وبلنهايه ينتهي نقاشنا ب دموعها وهي تكول
منى :- فدوه ملاك عوفيني ترا اني ما ضارة أحد ب حبي اله بس ضارة نفسي لــأ هوه داري عني ولا شي
وتخليني انقهر واسكت وإني اغلي لأن ما اعرف شنو مكتوب النا
اخاف من اللحضه الي راح يجي بيها حسن ويكول اني أحب وحده خطبوها الي ويزوجها
شنو راح يصير ب منى شراح تسوي شراح تتصرف
أو ب الاحرى اني شراح أتصرف وإني اشوف صديقتي راح تندفن وهي عايشه ب هذا الحب الي ما معروف نهايته شنو
صارت السنويه مال حمزه وخلصت اشتغل الانذار عندي خوفا من الي راح يصير واجا هذا اليوم الي كنت خايفه منه تحديدا ورى يومين من السنه مال حمزه الظهر كنت ب المطبخ
دا أصب غده الحامد لأن كان طالع صبيت الأكل وعفته
كباله كان كاعد على ميز الطعام وامي كباله دا تشرب جاي وإني دا أعزل ب المطبخ كلبي لعب من شفتهم مجتمعين بقيت واكفه اسوي نفسي عندي شغل ب مطبخ الا ان
حامد :- ملاك عوفي البيدج ورحي اطلعي عندي حجي وي امي
ملاك :- أحــچي مثلا اني لازمتك
ام ملاك :- امشي ماما اطلعي شغله بيني وبين اخوج
ملاك :- ماشي طالعه طالعه
كمت وإني حاطه أيدي على كلبي كان كلبي حاس عن شنو يريد يحجي الخوف سيطر عليه لأن بعدني ما اعرف شنو اسوي حتى امنع هذا زواج
خاف قبل كان بيها مجال انو اقبل انو يتزوج مريم بس هسه
ابدا ما أرضه لأن اذا تم هذا زواج تصير مصيبه كبيرة ونتخارب وي بيت عمو
طلعت من مطبخ وكفت قريب من باب حتى اسمع شنو راح يحجون
حامد :- احم حجيه عندي موضوع وياج
ام ملاك :- كول يمه شنو موضوعك
ام ملاك :- يمه أريد اتزوج
أم ملاك :- يوم المبارك يمه يوم المنى الي اشوفك بيها عريس بس واخوك شلون ازوجكك قبله
حامد :- يمه تعرفين ب تفكير حسن الجديد ما يريد يتزوج إلا يصير نقيب وراها عود يفكر بس اني أريد اتزوج هسه
أم ملاك :- مبين يبن بطني شايفلك خوش مهره حتى مولع كلبك على زواج وتريدها كربك
حامد :- يمه لا شايف ولا مشايف بس اني مخيل على بنت عمي مريم من لمن كانت صغيره وجنت ب شبابي واني بالي وفكري بيها وبعد الي كاتبه ربج يصير
أم ملاك :- يعني تريدني اتوكل واخطبها الك يمه متاكد انت
حامد :- أي يمه توكلي بس خليها بينا وبين بيت عمي مو طش السالفه ألحد ما نتمم كل شي إلا اطشنها خوش يمه ماريد اوصيج
أم ملاك :- ماشي انشاء الله اخابر على مرة عمك وافتح الموضوع وياها ويصير خير والكاتبه ربك يصير
كلبي صارن دكاته تزداد بسرعه صعدت الغرفتي وإني ارجف
شنو اسوي شنو أتصرف حايره شنو أتصرف ما بيدي شي ما عندي
بس مريم اهددها حتى ترفض وهي اذا تعرف مصلحتها اطيعني
بس لازم اشوف خطة حتى اروح الها هناك ب البيت أفضل ما اكدر ب تليفون
صرت اروح وارجع ب الغرفه واطرافي ترجف شلون ياربي شلون راح ادبرها تذكرت الملزمة مالتها مال تاريخ يمي ناسيتها لأن قبل فترا كانت يمنا
أي ماكو غير حل خططت الكل شي أخذت تليفوني وربطت سماعات ونزلت
دخلت للمطبخ حامد بعده دا يشرب جاي امي صابتله سويت نفسي دا افتح ب الثلاجه
ملاك :- ها مريم شرايده
اول ما كلت اسمها اجت نضرات حامد عليه متت قهر من نظرته احس اخذت من حيلي حيل بلعت ريكي
ملاك :- أي الملزمة يمي ... ولج منو يجيبني واجيبها الج
خل واحد من الولد يجي ياخذها مني ...اوف ولج لعد شلون منو يجيبني الججج
رصيت على كلمه الاخيره حامد فورا نطق
حامد :- اني اخذج ملاك
بلعت ريك
ملاك :- اكيد تاخذني
حامد :- أي والله العصر هم عندي شغل هناك يم بيت عمي اذبج وبعدين ارجعلج من اكمل شغلي
ملاك :- مريم حامد راح يجيبني العصر واجيبها الج ماشي يلا ولي عندي شغل سويت نفسي غلقت المكالمه طفيت فون وبديت اشتغل
كمت بسرعه بدلت وطلعت كان هوه كاشخ على آخر حبايه والعطر فواح دمعت عيني على الي دا يصير وعلى موقفي الي راح اسوي راح اكسر كلب اخويه ب ايدي بس والله المصلحته كل الي دا اسوي المصلحته
طلعنا وصعدت ب سياره الطريق كله اني أجهز شنو راح اكول
الها شلون راح أبين وامثل القوه يمها وصلنا نزلت اني وحامد
دخلنا للبيت سلمنا على مرت عمي
ملاك :- عمه مريم وين
أم مريم :-دا تسبح ب الحمام الفوك
حامد :- اني اترخص عندي شغل شويه وارجع
طلع حامد وإني صعدت دكيت عليها باب
مريم :- يا ستار شعندج
نترت بيها
ملاك :- دا اكولج اطلعي عندي حجي وياج
مريم :- طالعه طالعه
بقيت ب الغرفه مالتها انتضرها واني اهز رجلي ب توتر دخلت للغرفه ب البرنص مالتها
بدت تبدل لمت شعرها ب قرأصه ب شكل مبعثر وأجت كعدت اكبال
مريم :- شصاير كولي
اتقربت من مريم مديت الها أصبعي ب حركه تهديد ما أعرف بشنو فكرت ب هاي اللحضه بس كان عندي اخوي أهم من كلشي اخوي خط احمر
ما اريده يتزوج أو يرتبط ب وحده مثلها صح هي بت عمي وعلى عيني
وعلى راسي بس اخوي أهم من كلشي واعرف ال اخوي صح
ضابط والكل تهابه بس يعشك التراب الي تمشي عليها مريم
وحتلو ب ليله العرس شافها مو بنيه اعرفها راح يزعل منها يومين 3
أيام بس يرجع الها أكد اتحمل اخوي يتعذب من ورى الحب بس
ما اتحمل أنو اشوفه مسلم بيته ال وحده مثلها وخاصية هي كل يوميه وي واحد ما اكدر نفسي ما تتحمل اخويه يكون هيج نصيبه دا ادخل ب حياته صح وهذا غلط بس هذا الافضل للكل
ملاك :-شوفي مريم وحق الحق وحق كل حرف ب القران كلام الي راح اكول الج اذا ما نفذتي ب الحرف الواحددددد والله العظيم والله العظيم اشوف كل الادله الي عندي عليج وي اصدقانج وسوالفكم كلها ال اخوج أو ال حامد
يمكن حامد يسامحج بس اخوج وانتي تعرفي أهم شي سالفه
شرف عنده بسرعه يحط طلقه ب راسج وساعتها عود كليلي وين تريدين تندفنين وإني كتلج
مريم :- هسه شنو المطلوب مني كولي ؟
ملاك :- المطلوب بس هاا لا تحاولين تلعبين ب ذيلج وياي لأن تعرفين اني شنو وبنت ابوي وكلام مثل كلامه لمن احجي حجايتي انفذها يعني انفذها وانتي مجربتني وتعرفيني كلش زين
مريم :- اعرف بس المطلوب مني هسه شنو
ملاك :- ب هاي الفترا امي راح لو تجي لو تخابر امج اطلبج الحامد
المطلوب منج انو ترفضين رفض قااطع وما توافقين مفهووووم الي كلته لــوو اكو شي صعب ؟؟
مريم :- ليش تريدين أرفض مو اخوج هوه ليش ما تريدين اله الخير وانت تعرفين بي يحبني ما تريدينه يفرح لو شنو ؟؟
3 تع
ملاك :- ما يخصج هذا شي اني ب كيفي واني الي اعرف شنو الي يفرح اخوي ماشي اذا وافقتي ب نفس الليل تباتين ب المكبره خوش مريومتي حبيبت كلبي
مريم :- زين شنو عذري من ارفضه مفكرتي بيها !!!
ملاك :- حامد مثل اخوي ما اكدر أشوفه ك زوج الي هذا عذرج وشما يحجون هذا ردح اذا غيرتي يصير غــير حجي
سمعت صوت حامد يعني اجا عفتها وكمت طلعت من الغرفه نزلت من درج
ملاك :- يله حامد امشي ورايه إقرايه
حامد :- خل نبقه بعد شويه
ملاك :- حامد عندي متحان بعدني ما مكمله قرايته
كام حامد سلم على عمي واشوف ب عيني يلوب يريد
بس يشوفها يريد بس يلمح خيالها اوف عليك يا خويه وكعت ب حب وحده بايعه نفسها الغيرك
12 تع
سلمنا وطلعنا رجعنا للبيت مرن 3 أيام كعدت صبح شفت مسج من مريم
مريم :- امي رجعت خبر الأهلج ب رفض ارتاحيتي
ملاك :- اذا لحو عليج كليلي
نزلت جوه اشوف امي وجها مكلوبه مثل الي تلوب عرفت انو حايره
شلون تكول الحامد مرن الساعات على ابطئ ما يكون العصر
اجتمع ابوي وامي وكنت أني كاعده اجا حامد
أبو ملاك :- ملاك اطلعي عندي حجي وي اخوج
لزمت كلبي
ملاك :- ماشي بابا
طلعت وإني خايفه سديت الباب ورايه وبقيت واكفه على بعد مسافة الوب أريد اعرف شنو صار ابوي بده ب الحجي
أبو ملاك :- ابني ترا كلها قسمه ونصيب والي كاتبه ربك يصير صح لــوو لا
حامد :- صحيح يابه كلامك درر بس فدوه الك اعذرني على كلامي بس تكدر تكول الحجي الي عندك بدون مقدمات
أبو ملاك :- بنت عمك رفضت وتكول حامد اخوي ما اكدر اعتبره زوج
سيطر سكوت إلا أن نطق حامد ب ضحكه حسيتها ضحكه قهر مامستوعب الي حجو
حامد :- هههههه دا تشاقون وياي مو اكيد ههههههههه
حامد :- شنو ما بي شقه شدا تحجون انتووووو
ام ملاك :- يمه اسم الرحمن عليك هدي والله ما تستاهلك واجيبلك اغاتهااا
حامد :- شنو رفضت فهموووني شنو مثل اخوها من انعل اخوها لابو جابها يااا اخوووو شدا تكولووون شلون ترفض وتكول هيج
حامد اتخبل من الكلام وحد فاهم شنو الي بي صار يصيح ويعيط سمعت صوت مال طبلات تركعت وصوت المزهريات تتكسرهنا اخويه فقد سيطره على نفسه هنا نجرح واتاذه وانهان كلبه ب رفضها
فجأ انفتح الباب صار حامد ب وجهي عيونه بيهن نضره ما عرفت شلون اوصفها خذلان صدمه وي لونهن الاحمر دم
آبو ملاك :- روح حسن ورى اخوك لا يسويلنا مصيبه بسرعه
حجاها ب همه كانو عارف ب حامد وين رايح وشنو راح يسوي
ركض حسن ورى حامد امي بقت تقرأ معوذات ومتخبله اني انسحبت ب هدوء من بينهم
صعدة الوب ب الغرفه ما اعرف شنو اسوي ساعه اصفن اكول سويته صح ســآ؏ــة اكول لــأ غلط الي سويته
ساعه اكول لا يتعذب هاي فترا ولا يتعذب طول العمر ب حبها الهدوء سيطر على اركان بيتنه مر اليوم محد حجه ولا شي ومحد اجا لا حسن ولا حامد
الكل كعد ب غرفته ب 12 رحت انام هستوني غفيت وأسمع صوت برا صار صوت خوفني خلاني بلا وعي اكون بسرعه وافتح باب غرفتي
صار كبالي حامد يطوطح وعيونه دم وسانده حسن من جهه ونيار من جهه
حسن حاط ايده على حلك حامد لأن دا يحجي ب صوت عالي
صارت عيونهم عليه وإني دا اشوفهم وعيوني دمعت صرت اتمنا الي ب بالي مو صحيح والي دا اشوفه حلم او تخيلات
