رواية عمر الديب الجزء الثاني (الملك الاخير) الفصل الخامس
بسم الله توكلت علي الله. وهو رب العرش العظيم
ويخلع ديفيد الماسك الخاص باسحاق ابن شيمون علشان يظهر عماد او ديفيد عدو عمر في الجزء الاول واللي سجنه مع الافعي ولكنه قدر يهرب. وهانعرف ازاي بعدين. فانصدمت فيروز وقالت له
ديفيد انت ازاي لسة عايش. دي الاناكوندا كانت معاكم في الاوضة وانتم مربوطين
ديفيد
فعلا. وكنت خلاص شايف الموت قريب مني اوي. لكن اللي حصل كان غير كدة خالص، ،،،،،،،
وبدأ ديفيد يحكي لفيروز اللي حصل، ،،،،،
ونرجع بالاحداث لسنتين فاتو ومن داخل الاوضة كان ديفيد مع خبير وسوريا وراشيل والاناكوندا راحت ناحية راشيل وكأن الله أعطي للاناكوندا الامر بانها تروح لها عقابا لها لما كانت ناوية تعمله وتلتف الاناكوندا حوالين منها بمنتهي الوحشية وتكسر عظمها بمنتهي العنف وراشيل تصرخ صرخات مكتومة لا يسمعها الا هي والكل ينظر لما يحدث وهما مرعوبين ويظل هذا المنظر المرعب وهذة النهاية الجبارة الي ان ابتلعت الاناكوندا راشيل وسط خوف ومحاولات الثلاثة الاخرين في الهروب وابتعتد الاناكوندا عن الثلاثة في اشارة منها لانها شبعت بعد التهام راشيل وتوقف قلب سوريا من شدة الخوف بعد ما شافت اللي حصل لراشيل فبص ديفيد ليها وشاف اسنانها فخطرت علي باله فكرة مجنونه للخلاص. فاتجه ديفيد ناحية سوريا اللي كان بوقها مفتوح من شدة الخوف وموتها مفزوعه وبدأ يحك الحبل المربوط بي ايديه في اسنانها بمنتهي القوة والسرعة الي ان تعب فتوقف ليلتقط انفاسه ثم كرر المحاوله اكتر من مرة الي ان استطاع من قطع الحبل وابتسم ابتسامه صفراء وهو بيبص لخبير ويقول
موت يا خبير في احضان الاناكوندا.
ويفتح باب الاوضة ويخرج من الاوضة مسرعا، ،،،،،،
ونرجع لفيروز اللي مربوطة في الكرسي وهي بتقول لديفيد
ولما انت هربت ساعتها اية اللي خلاك تستني سنتين ما تقرر تنتقم من عمر
ديفيد وهو بيبيص علي رجله المشلوله
حادثة عجزتني وخلتني زي ما انتي شايفة وحاولت كتير اعالج نفسي لكني الحادثة اثرت بشكل كبير علي الفقرات في ظهري وانكتب علية افضل عاجز. لغاية ما ظهر الملك الاخير واداني الخنجر وحسيت ان انتقامي من عمر جه وقته. وخصوصا ان الملك الاخير. قرر يورط عمر في قضيتين قتل لاكبر أثنين ظباط في الموساد وهما أميل وناعوم
فتبص له فيروز باحتقار شديد، ،،،،،،
ومن داخل مبني المخابرات المصريه يجلس باسم قدام السيد كامل والسيد كامل يقول لباسم بحزم شديد
صاحبك بيعمل اية بالظبط في اسرائيل رايح ينقذ مراته زي ما بيقول ولا يهرب شحنة الخامين لمصلحة اليهود ولا يقتل ناعوم واميل زي ما الفيديو جه لنا
باسم
يا فندم انا متاكد ان عمر مش بالسذاجة دي علشان يقتل اثنين ظباط من الموساد في قلب تل أبيب
السيد كامل بعصبية
يعني انت عايزاني اكذب عينية واصدق اللي انت بتقوله دة
باسم
يا فندم من غير ما تعصب نفسك ازاي رجل مخابرات زي عمر يوم ما يحب يصفي اثنين ظباط من الموساد يخلي الكاميرات تصورة كدة مش شايف انها غريبة يا فندم وخصوصا ان في نفس التوقيت كان عمر الديب في اكبر مول في اسرائيل في صورتة الطبيعية ومن غير اي تنكر
السيد كامل
عندك اللي يثبت كلامك دة
باسم وهو يخرج الموبيل الخاص به ويعرض الفيديو الخاص بعمر وهو يخرج من المول فيقارن السيد كامل بين مواعيد الفيديوهات وبعضها ويلاقيها كلها في نفس التوقيت فيكاد يصاب بالجنون ويقول لباسم
انت جيبت الفيديو دة منين
باسم
اتبعت لي من رقم غريب علي الواتس بتاعي
السيد كامل
وماقدرتش توصل لصاحب الرقم وعنوانه
باسم
مع الاسف يا فندم الرقم متأمن صح وكل المعلومات الخاصة بي متشفرة
السيد كامل
يعني اللي بعت الرساله دي حد محترف وقاصد يبعت لينا دليل برائة عمر واللي هانقدمه للعالم كله
باسم
ملهوش اي تفسير تاني غير كدة
السيد كامل
مين الشخص دة ولية بيعمل كدة
في هذة اللحظة يرن موبيل السيد كامل فيرد قائلا
الو
ثم يسكت للحظات ويقف باهتمام شديد وهو يقول
امتي حصل الكلام دة
ثم يسكت للحظات ويقول
انا جاي لك حالا، ،،،،،،،
ومن قدام احدي خطوط الغاز الطبيعي اللي جاي لمصر من اسرائيل يقف السيد كامل ومعه باسم وقدام منهم مهندس كيمائيي يدعي نبيل والسيد كامل يبص لخط الغاز ويبص للمهندس نبيل ثم يقول
انت متاكد يا باشمهندس من كلامك
نبيل
الا متاكد غاز الخامين غاز تقيل وكثيف ما بيختلطتش مع الغاز الطبيعي علشان كدة قدرنا نفصل الغاز الطبيعي عن غاز الخامين بعد ما اتاكدنا انه هو
باسم فرحا
يعني الشحنة كاملا دخلت مصر وماتسرقتش
نبيل
كاملا يا فندم
السيد كامل وهو بيبص لباسم
عملها صقر المخابرات. خلي الموساد يدورو ازاي يسرقو الشحنة المزيفة اللي في البحر وهو دخلها مصر عن طريق خطوط الغاز الطبيعي اللي جائينا من عندهم يعني خلاهم بايديهم يدخلونا الغاز مصر
باسم
تقصد يا فندم ان عمر الديب شغال مع الملك الاخير
السيد كامل ضاحكا
لسة مافهمتش يا باسم. عمر الديب هو الملك الاخير، ،،،،
وبعدها بكام ساعه ومن داخل قصر كبير في امريكا يجلس رجل عجوز في بهو القصر يطعم بعض اسماك الزينه الي ان يدخل علية اسحاق ومعه بعض الرجال وفي ايديهم فيروز المقيدة فيقول اسحاق
عملت كل اللي طلبته مني والموساد بيدور علي عمر علشان تجيب حق اميل وناعوم
الرجل العجوز بصوت خشن وبلغه عبرية سليمة
برافو عليك ديفيد. انت ما تعرفش انا فرحان قد اية انك نفذت كل اللي طلبته منك
ثم يشاور الرجل العجوز للرجال اللي مع اسحاق ويقول لهم
فكو فيروز
فيفكو قيود فيروز فتجري فيروز ناحية الرجل العجوز وترتمي في حضنه وهي تقول
واحشتني اوي
فيخلع عمر ماسك الرجل العجوز ويبص لديفيد وهو يقول
اهلا بيك في احضان الملك الاخير
فيصدم ديفيد بشدة ويبص لعمر ويكاد يصاب بالعمي من شدة الصدمة، ،،،،،
