رواية نار الشيخ مهران الفصل الخامس بقلم حوراء
هــلا ياســالــفه وماضــن نملــها
وعلـــيك الگــاع ماشــالت نملــها
هـــلا ياحــاڪــم ومــذنــب
هـــلا يامـﭼـفي ومچلـــب
هـــلا ياعافــيه وتســـلب
هــلا ياضــاحك مغنـــدب
هــلا يــابـرحي ومــرطــب
هـــلا يــ مـــيه مالــت حــب
هـــلا يلــي مــن اشــوفــنه
الــواهس بــيش اوصفنــه
يـــهودي وطــاب للجــنه
ضــرر ماهيــست مــــنه
اثـــر. ليــل وشبــگ چنـــه
ڪـحايط سيــد وحـــنه
هــلا يحــروفك بــزنــدي
گــذلتـك والخــلگ ضـــدي
غــيرك والهــلا شعـــندي
وغــلاتك عــيني مالافــي نمـــلها
منــهد ذيــچ الهــلا الــمن غــير جـــيه
___________________________
_ايليا
_هذا الاسبوع جانن اكثر اسبوع متعب الي هم دوامي بالكليه الصبح وهم من ارجع للبيت يادوب اكمل صلاتي واكلي لقمه حته ابدي اجهز وياهن البيت والترتيبات لان سوينه حمله على البيت كليوم ننظف مكان مثلا يوم ننضف الاستقبال ونغسل الحيطان والشبابيك ونزل البردات ونغسل الفراشات والكعدة العربيه هم لازم نغسلهة وهيج تولات الايام بس شنو هلكت بيه هلاكك لان بس اني وانفال وغسق والبيت جبير يشلع باب الكلب
_اجه يوم الجمعه وكعدت من الساعه8:00
اخذت حمام سريع كملت ونزلت دخلت للمطبخ لكيت ماما واختي غسق ومرت عمو موجودات يسون ريوك سوة
_صباح الخير
_ردن صباح النور
_ماما: تعالي ماما نقلي الاكل ويه اختج للصاله
_ايليا: حاضر ماما
_نقلنه الاكل للصاله واجو بابا وعمو ويزن سألت بستغراب
_جدو وين
_بابا: جاي يقرة قرأن بغرفته روحي صيحيه
_تمام بابا
_دخلت للغرفه مال جدو وصبحت عليه
_صباح الخير جدو
_صدق الله العلي العظيم
_صباح النور يالغاليه شلونج
_زينه الحمدلله يلا تعال نتريك
_تعاي جدو احجي وياج
_رحت وكعدت يمه
_هاا جدو صاير شي
_لا حبيبتي ماصاير شي بس ردت اكلج الله يوفقج ويخليج لان ماعفتي غيداء بوحدهة بهاي الفتره وماحسستيهة بفقدان الاخت
_شتكول جدو غير احنه اخوات وربينه على هذه الشي وشي طبيعي الاخت توكف ويه اختهة بايام الفرحهة وحزنهة هم لاسامح الله
_عاقله وفاهمة الله يخليج الي
_ويخليك يااحلى جد بالعالم
_يلا امشي نتريك لان اليوم عدجن شغل هواي مو
_اي والله جدو هواي امور لازم ارتبهة اليوم
_كمنه نتريك خلصنه ريوك وصعدت غيداء تبدل ملابسهة حته تروح للصالون هية وامهة وخالتهة وغسق هم راحت وياهة
_ راحن هنة واحنه بدينه بالتنظيف خفيف لان البارحه جلفنه البيت جلف نوب دخلت ويه ماما بالمطبخ حته اساعدهة بالغدة منا لل11 يلا خلص الاكل ماما راحت للغرفه مالتهة حته تكوي ملابس بابا وتحضرهم واني عزلت المطبخ وغسلت المواعين لل11:15 يلا خلصت صعدت فوك سبحت بس مابدلت لان بعد وكت
_صار وقت الصلاة وصليت ونوب نزلت جوه يم ماما لان عماتي بدن يجن اكثر فقرة اكرهة يعني راح اشوف عمتي الغثه دب الرعب بقلبي معقوله جاي وياهة ضليت بقلق منا لحد مااجن عماتي كلهن ومن ضمنهن عمتي ازهار اطمنت من ماشفته وياهة
_انتظرنه جدو وبابا وعمو يجون حته نصب غدة للكل رحت كعدت يم ماما ننتظرهم
_عمه ازهار: ايي ايليا بقيتي بس انتي مامتزوجه الاصغر منج اليوم خطبتهة وراح تتزوج وانتي بعدج (تحجي بتشفي)
_ايليا: وشنو يعني الله يوفقه ويسعدهة اني ممفكرة بالزواج هسة عندي دراسه واريد اهتم بيهة
_ليش الي درسن كليه شنو استفادن كلهن كاعدات بالبيت وساكتات انتي ليش ماتختصرين الطريق على نفسج وتتزوجين احسن ماتكبرين وبعد محد يدكك بابج وتضلين بايرة على كلب اخوي
_عمي هسة الي يسمعج يكول داخله بالعمرين كل عمري 19سنه
_انتي شكد ثوله مو هاي بنتي عمرهة 17وبالكوة تزوجت لان الزلم تدور بنات صغار يربوهن على ايدهم
_والله عمه هذول النوعيه مستحيل اكول عليهم زلم كولي ولد كولي ذكور جاهلين اي بس زلم لا والله لان الزلمه ميفكر بهيج تفكير اربيهة على ايدي شنو خلي يربي نفسه اول يلا عود يربي بنت العالم وهسة من رخصتج اروح للمطبخ حته اساعد امي لان جدو وبابا اجو
_عفتهة صافنه عليه ورحت دخلت للمطبخ ودخلت وراي ماما
_حبيبتي ايلي معليج بكلام عمتج رب العالمين ضالمج قسمتج للوكت الي يشوفج بيه جاهزة
_اعرف ماما ماضايجه لان مامتزوجه لحد هسة بس ضجت على طريقه تفكيرهة الذكوريه وشلون ادافع عليهم الحمدلله والشكر شهل عقل الي عدهة
_هاي عمتج من زمان هيج تفكيرهة
_يلا نصب الغدة حته ابدي اجهز روحي ماضل شي وتجي غيداء
_اكلج ايلي
_ها ماما
_شوكت تجي انفال
_كالت اجي ب2:30
_خوش
_بلشنه نصب الاكل نص بالصاله ونص الثاني بالاستقبال لان ازواج عماتي جايين هم لان يصيرون اقاربنه
_اجه عمو ويزن ياخذون الاكل للاستقبال واني وماما نودي الاكل للصاله لعماتي وساعدتنه بالنقل الاكل عمه رجاء
_كعدت واكلت شي خفيف لان مااشتهي كملت وكمت حطيت قوري الجاي على النار ونقلن ماما وعمتي المواعين والولد جابو المواعين من الاستقبال صار المطبخ مايندخل من كد المواعين سرفنت رداناتي وتكابلنه عليهن اني وعمه رجاء وين يلا خلصنه هي راحت للصاله واني عزلت المطبخ وردت اصعد سمعت صوت الباب يندكك باوعت للساعه مال الصالة شفتهة 2:30 كلت هاي اكيد انفال اجت جاي اطلع حته افتح الباب وشفت يزن فتحه وهي دخلت سلمت عليه واجت باتجاهي
_هلووو
_هلا يالخاينه
_اني خاينه!!!
_اي انتي وهذيج الحيوانه غسق لجج متتت من الصبح لحد هسة على نفس الوكفه طاح حضي
_هسة على هاي سويتني خاينه لج هذا هذال الحيوان مقبل اجي يكلي مترحين بس بابا كله من اموت انته اتحكم بيه الله يخلي الي اج احبههه
_الله يخلي الج وهذا اخوج الشفيه شبيه
_كله من ورة خطيبته الحيوانه تكله ليش اختك اطب وتطلع شعدهة هناك
_اهخخخ لج لو اكضهة اله اطيح حضهة
_عوفيه كم يوم ويتزوجون اله اطيح حضهة
_عفيه هاي صاحبتي الكفو
_امشي لج روحي يم ماما بين مااسبح وابدل
_يلا من تخلصين سبح دزيلي رساله حته اصعد يمج لان مااتحمل عماتج ابدد
_اوكك
_راحت دخلت بالصاله واني صعدت للغرفه اخذت اغراض الحمام ودخلت سبحت وكملت طلعت لغرفتي لبست الفستان ودزيتله رساله شويه وصعدت من شافتني صوفرت جنت لابسه
_انفال: شنو هذا ضلعي طالع تخبل والله لو اني ولد جان تزوجتك
_هههه حبيبي جمال عيونك
_سويت المكياج هادي وتسريحه الشعر عفته محلول على طوله يوصل لنص ضهري تقريبا
_نفوله جايبه فستانج مو
_ايي جايبته هسة ابدل واسوي المكياج وشعري سويته من البيت كيرلي
_يالون فستانج
_ازرگ
_العب ازرگ وعيونج زرگ يطلع يخبل عليج
_شمرت شعرهة بغرور
_ايي اعرف ههه
_انجبي لج لاتنغرين بعيونج الزرگ وشعرج الاصفر دائما تذكريني ببطلات الروايات الفصليه هيج مواصفاتهن
_انجبي لج شهل تشبيه اسم الله عليه هاي العايزة اروح فصليه دخيلك ياعلي
_هههه شبيج خفتي وصار وجهج اصفر
_اكره هذا التشبيه وياهو اليجي وكال هيج هسة اله تصير صدكك واروح فصليه يمهةة اله اموت
_شبيج ترة شقه
_ادري انتي تكولينهة شقه بس غيرج اسمعهم ترس اذني يتمنولي هيج مستقبل
_ياا منو هذولي
_الحيوانه مرت اخوي وامهة
_خلي يولن حبيبتي يغارن منج لان انتي احلى منهن عوفيهن لاتهتمين
_يلا يابه اريد ابدل وين
_بدلي بالحمام وتعاي اسويلج مكياجج
_تمام
_راحت تبدل واني حضرت المكياج المناسب ويه لون الفستان شويه واجت ضليت فاتحه حلكي عليهة تخبل ولون الفستان عاكس على لون عيونهة وبارزهن اكثر
_ماشاءلله طالعه تخبلين
_حبيبتي اخجل لتحجين هيج
_اويي فدوة للخجول تعاي احطلج المكياج ونرتبج
_يلا تعاي
_اجت وحطيتلهة المكياج ماكثرت لان هية تخبل متحتاج هواي مكياج برزت شفايفهة بلون احمر ناري طلعت تخبل
_يلا تعاي ننزل راح تجي غيداء
_يلا امشي
_نزلنه ولكينه البيت متروس نسوان هذني شوكت اجن سألت انفال
_لج اندري بيهن حته اني محسيت بيهن من اجن
_دخلنه وسلمنه على النسوان وانتبهت ام انفال موجودة رحت سلمت عليهة
_سلام عليكم خاله شلونج
_هلا حبيبه وعليكم السلام بخير حبيبتي انتي شلونج
_الله يسلمج اني زينه
_لج انفال هاي شمسويه بروحج يمه
_انفال: شمسويه ماما
_شنو هاي الحمرة روحي مسحيهة شوفي النسوان شلون يباوعن عليج
_ماما شعليه بيهن عفيه عوفيني اريدهة وطالعه حلوة حبابه
_ماما حبيبتي طالعه تلفتين النظر واني اخاف عليج عيون الناس ماترحم
_لاتخافين ماما ماطول انتي تدعيلي اني بخير ومايصير بيه شي
_تنهدت امهة مستغفرة متكدر تكسر فرحه بتهة
_اخذتهة ورحت للمطبخ يم ماما
_ها ماما محتاجه شي
_تعالي ايلي اخذي العصير وزعيه على المعازيم واني رايحه اجيب اغراض ابوج نساهن بالغرفه
_تمام ماما
_راحت ماما واحنه اخذنه العصير نوزعه على المعازيم منو اقدملهة العصير تسألني اذا متزوجه لو لا واني اكول مخطوبه حته اخلص منهن ومن اسألتهن كملت التوزيع قبل انفال ورحت للمطبخ جنت اصفط الكيك بالصينيه التقديم وسمعت صوت الباب انسد كل ضني هاي انفال
_ها ولج شو اتأخرتي بشري كم وحدة خطبتج وجذبتي عليهة على اساس انتي مخطوبه ها هههههه
_درت وجهي من ما جاوبتي وجان انصدم بزيون واكف على الباب ويباوعي علي من فوك لجوة وكصني كص
حجيت بخوف: شسوي هنا وجانن الكلمات يطلعن مني بالكوة
يحجي وعيونه على صدري: كبرانه وحليانه اكثر ليش هيج تسوين بيه كم مرة اجيت حته اشوفج وانتي ماتنزلين هاا ليش تعذبيني يحجي ويتقدم عليه
_والله بس تتقرب عليه اصرخ والم الناس عليك
_صرخي بعد احسن حته يشوفونه سوة واتزوجج غصبأ عليج وعلى ابوج
_تحلم اقبل يكتلوني ولا اقبل بيك ياكلب
حجيت هيج وهو تقدم بسرعه يريد يلزمني رجعت صار وراي الكاونتر درت وجهي وسحبت السجينه الجانت موجودة عليه وكلت بصوت يرجف
_والله بس تتقرب عليهة اذبحك
_ضحك ضحكه مستفزه
_متكدرين ويلا لاتشلعين كلبي ترة شعلتيني شعل بهذا لبسج
_تقدم علية وبحركه سريعه مني شكيت ايده وصار الدم يجري منهة باوعلي فاتح عيونه على كبرهن من الصدمه لزم الجرح وكال
_هاي شسويتي
_وعلي بس تتقرب مرة لخ اذبحك وخر مني
_حجيتهة ودفعته ارتد ليورة واني استغليت الفرصه وطفرت من المطبخ تقابلت ويه انفال وهي طالعه من الصاله وادردم بس انتبهتلي تقدمت علي بسرعه
شهكت من شافت ايدي بيهة دمم
_هاي شصاير وياج
_ماجاوبتهة رادت تاخذني للمطبخ حته اغسل اديه مقبلت ورحنه للحمام
_شبيج ياعيني شصار وياج ماصارلي ربع ساعه من عفتج شصاير بحالج
_رجع (حجيتهة بروح ضايعه)
_لزمتني من جتفي وتهز بيه
_شبيج ايلي منو الرجع شجاي تكولين
_زيون رجع وهم تحرش بيه ودچيته بيدة وهذا الدم الي على ايدي دمه القذر
_شهكت وضربت صدرهة
_الله ياخذه النذل وين شافج
_بالمطبخ دخل عليه (حجيتهة ونهاريت من البجي وهب حضنتني الصدرهة)
_شويه وهديت بس الرجفه بعدهي بجسمي
_تعاي عدلي مكياجج لاتشوفج امج هيج وتنهبط عليج الله ياخذه لهذا العار
_تعبت والله تعبت شوكت اخلص منه
_حسبي الله ونعم الوكيل عليه الله موجود حبيبتي واعتقد من ورة هاي الضربه بعد ميتجرأ يسويلج شي
_ان شاء الله
_راحت عدلت مكياجهة ونزلت وجهة شاحب يجوز النسوان ماانتبهن عليهة بس اني لان اعرف شبيه كسر فرحتهة قبل شويه جانت مثل الفراشه تسولف وتضحك وهسة لااا شويه واجت غيداء جانت طالعه تخبل لابسه فستان اوف وايت كلوش ومطرز من ناحيه الصدر
_رحت سلمت عليهة وباركتلهة وسلمت على غسق هم والثانيه المفلوكه الي يشوفهة ميكول مزوجه وحامل بالشهر الرابع تمشي هي وبطنه جنهة طوبه زغيرة كزكزت عليه
_ايلي
_ها انفال
_لاتسوين بنفسج هيج وجهج انكلب هسة عمتج تكضهة عليج تكول ضايجه لان بعدهي ممتزوجه لاتنطيهة هاي الفرصه حته تصغرج كدام النسوان اضحكي واركصي وبعدين من نصير بوحدنه ابجي الطمي محد يلزمج اوكي
_هزيت راسي بأيجاب لان كلامهة صح
_شغلو الاغاني وكامن البنات يركصن انتبهت على وحدة من البنات تصير ويانه بالخط اسمهة غزل طول الحفله تباوع عليه
_شويه وسحبتني انفال حته نركص اني وياهة وجانو مشغلين ساجدة عبيد
العب حبيبي بوحدك به الساحة
العب بروحي و قلبي بس براحة
قلبي قفلت و هاخذت مفتاحة
الورد انت و ريحته الفواحة
يابو خدود تفاحة يابو خدود تفاحة
يوى وى يوى يوى يوى يوى
لا للحواجب ظر مشدادة سيوف
و عيوني بيحب لمن يسد ويشوف
احم حبيبي قلبي عاشق ملهوف
_اركص واتمايل بجسمي وطلعت كل حركه كلبي بالركص واني اركص واحس بعيون النسوان صافنه علينه اني وانفال بس مااهتميت خلصت الاغنيه ورادو يطلعون اغنيه ثاني بس كالو خلي تجي تعقد لان اجه الشيخ راحت غيداء ووكعدت على الكرسي ورة الباب مال الاستقبال حطو رجليهة بطاسه بيهة مي وورد وفتحو القران وحطو هيل بين اصابعهة وبدة العقد مسمعت شي منه بس صوت غيداء تكول
_نعم قبلت وانته وكيلي
_مااحس اله الهلاهل ضلت تتراكع انطرشت اذني
_رجعت دخلت وكعدت على الكوشه اشوي وكالت ام العريس الولد يريد يدخل حته يلبس العروس الذهب البسن حجاباتجن
_هستوني ردت اروح اجيب الصايه والحجاب وسمعت صوت تلفوني دلاله على وصول رساله
_فتحت الرساله وجان مضمونهة
"لااتطلعين كدامه من يطلع عود ارجعي يمهن"
_قريت الرساله بس ماجاوبت وتجاهلته
_رحت لبست الصايه والحجاب ورجعت للصاله كب الولد ماشال راسه من الكاع كعد يمهة ولبسهة الذهب ومدري شنو يهمس بأذنه وهي وجهة انكلب احمر من الخجل ضليت اضحك عليه اكلو الكيك وشربو العصير ونوب الولد طلع وضلينه بس البنات مرة ثانيه هم رجعن فتحن الاغاني وهم ركصنه خلصت الحفله بالساعه 8:00
صبينه العشه للمعازيم خلصو اكل وراحو انفال اجه اخوهة عليهة هي وامهة وراحن قبل العشه شكد حقدت عليه الخبيث ماخلاهة تتعشه يمنه خلص العشه وتعاونه على المواعين اني وغسق وعمه رجاء وباقي البنات (بنات عماتي) عزلن البيت هنة وماما ومرت عمو خلصنه ونهد حيلي صعدت للغرفه اخذت ملابس مريحه ودخلت للحمام سبحت ودخلت لغرفتي لكيت غسق موجودة
_موبايلج مسكت روحي شوفي يجوز هاي انفال كالتهة وكامت من السرير تمشي وايدهة على بطنهة
_سألت بقلق
_بيج شي غسوقه
_لا حبيبتي بس ضهري شوي وجعني لان غسلت هواي مواعين
_مو كتلج عوفيهن شلون اذا صار بيج شي
_يمعودة ماكو شي شوي وجع وهسة يروح من اسبح لاتخافين ردي على صاحبتج واني رايحه للحمام
_تمام، فتحت الموبايل وشفت الرسائل مو من انفال من نفس الرقم الي دزلي مساع الرساله
"ماتسمعين كلامي مو خوش يصير خير"
وراهة دازلي فيديو فتحته جان انصدم بصوت الاغاني هاي اني جاي اركص بحفله اليوم وكاتب جواهة
"خوش تهزين بخصرج"
_بسرعه دزيتله منو آنِتٌ ومنو دزلك هذا الفيديو
_شافهة بس ماارد، اتصلت عليه رفضني وحضرني
_ضليت اكل بروحي منو هذا الليل كله منمت من وراه
