رواية ثأر الشيخ مهران الفصل السادس بقلم حوراء
هذه الابوذية للشاعر سعد محمد الحسن
الحلو ردنا يجينه بس ميانه
و ابد ما ردنه كوه بس ميانه
اريدن طابو كلبك بأسمي انه
عقار اسحب عليه و ابني اليه
بعد ما اغزل الغيرك ولا حوك لئن لاردي اليستاهل ولا حوك غشيم وصوبوك انتة ولاحوك معدل بالحجي صاير علية
صرت مرهون حبك ونت راهن
اوتعال وشوف هجرك ونت راهن
يجي يوم ان توجه ونتراهن
منو اكثر ايحب ويود خويه
&&&&________________&&&&
_ادم
الليل كله ما نمت ضليت اباوع عليهة وهي نايمه تشبه الملاك يجوز الي يشوفهة يكول عليمن خابص نفسك عليهة هسة لو بيضه بيهة مجال بس سمرة
_محد يدري شسوت بحالي هاي السمرة
_من حسيت بيهة غفت كمت للفراش ونمت بصفهة اخذتهة الحضني اهخخخ احلى شعور ممكن الواحد يحس بيه ضليت اتلمس بوجهة بست راسهة وكصتهة ابتعدت عن عيونهة لان اتشائم من بوسته العيون نزلت لخدهة وحنجهة وطبقت شفايفي على شفايفهة وبستهة بخفه بلكوة شلعت روحي منهة ماردتهة تحس عليه شددت على الحضن ودفنت راسي بركبتهة بستهة بخفه منهة ونمت على نفس الوضعيه ماحسيت اله على صوت الموبايل وكمت شفته فهد رديت عليه
_هاا خير شكو داك عليه من الصبح
_متواعد وياك حيوان غير تأخرت شوكت نطلع للواجب
_ليش شكد الساعه
_شوف هذة لك ابني راح تصير ب6:30 وانته بعدج ماجاي
_يلا ربع ساعه واني يمك
_استعجل ماريد احصل عقوبه من وراك
_ يلا يابه ماراح اتأخر ربع ساعه واني يمك
_خوشش
_سديت الاتصال من فهد وعلى السريع سبحت وبدلت واخذت جنطتي ونزلت ولكيت الحجيه كاعدة ومسويتلي الريوك مثل كل مره
_صباح الخير حجيه
_صباح النور يمه شعجب اليوم متأخر مو مثل كل مره
_والله ما ادري يوم ماحسيت على روحي بس يمه شلون نومه تخبل
_هههه الله يريحك دوم حبيبي
_الله يخليج يمه بيج ومادعيتيلي هاي الايام لان محتاج دعائج
_خير يمه صاير شي وياك
_كل خير يمه لاتخافين
_دوم ادعيلكم يمه ميحتاج توصيني وهسة تعال تريك
_مااكدر يمه فهد منتظرني راح نتأخر
_الله ومحمد وعلي يحفظكم يمه من توصل خابرني يمه اطمن عليك لاتخلي بالي يمك
_ان شاء الله يمه
_طلعت من البيت متوجه للبيت فهد وصلت وشفته واكف هو ومهيمن
_صباح الخير يابه
_مهيمن وفهد: صباح النور
_يلا ولك تأخرنه والله راح يسمطون ابونه بعقوبه يطيحون حضنه
_يلا يابه امشينه
_صعد فهد ليورة وليكدام صعد مهيمن
_ها خويه مهيمن رايح ويانه
_اي الشيخ كال وصلهم آنِتٌ
_واني فرحت عبالي ماراح يجي ويانه طلع دازك آنت علينه
_يلا اصعد لاتضل تمسلت
_خويه مهيمن ميصير هيج عبالك جهال تاخذنه للمركز بله شيكولون علينه الجنود الي تحت امرته ميكدرون يجون للمركز وحدهم والله فشله مو فهد
_فهد: اي والله عبالك جهال امهم تاخذهم للمدرسه
_هسة ابدال هذا التمسلت مالتكم جان هسة احنه واصلين للمركز وهاا شغله ثانيه واذا ضباط شني يعني منخاف عليكم؟؟؟
_لا خويه مو هذا القصد بس احنه كبار ونكدر نعتمد على نفسنه ونروح للمركز وحدنه
_هسة امشي وبعدين نتفاهم
_صعدت للسيارة ومشينه للمركز ربع ساعه ووصلنه ومهيمن اطمن علينه واخذ السيارة وراح دخلنه للمركز وحته شويه ونطلع ويه الشباب لمكان الواجب
_فهد: ايي يابه ليش تأخرت اليوم
_ادم: عريس يابه عريس شلون مااتأخر واصلا شلون اجي للواجب وعايف مرتي بصباحيه عرسنه والله عيب
_فهد: هلوو هاي خوش شغله هاي انت نفسك ادم الي البارحه الصبح وجهة مايكصه السيف وميريد الابنيه لو غيروك
_ادم: نفسه بس اكو اشياء انت متعرفهة
_فهد: مثل شنو؟؟؟
_ادم: اسمع..... هااا وين صفنت
_فهد: تحجي صدكك!!!
_ادم: وداعت ابوي شبيك ليش ممصدك
_فهد: مو قصه ممصدك بس الموضوع غريب
_ادم: صح غريب بس حلو
_فهد: زين سؤال
_ادم: جواب
_فهد: تحبهة؟؟
_ادم: ما اعرف دائما چنت اچذب الشخص الي يكول حبيتهة من اول مرة بس من شفته وشفت شنو الصار بية من وراهة صدكت
_فهد: الله يتمملك على خير حبيبي
_ادم: حبيبي فهودي يوم الك
_فهد: تنهد بحسرة الله كريم حبيبي
_ادم: مانسيتهة
_فهد: نسيت بس الصار وكعت بحفرة اكبر من القبلهة
_ادم: لابشرفك
_فهد: واعت ابوك
_ادم: شني سالفتك خويه دومك متعوب
_فهد: هسة الي يسمعك يكول حياتك ورديه اشو نفس الخ*ره ثنيناتنه
_ادم: يمعود هو احنه ليش صحبان
_فهد: لان ثنيناتنه حياتنه خ*رة
_ادم: عفيه عليك يلا كوم الآمر ينادي علينه
_فهد: يلا امشينه
_رحنه ويه الشباب وقبل لا نطلع لمكان الواجب خابرت مهران وطمنته عليه وكتله راح نطلع للواجب حته خاف يتصل ومبايلي مغلق مايظل باله يمي
_وصلنه لمكان الواجب وكل واحد اخذ مكانه واني وفهد سويه بنفس المكان
..................
نارة
_بعد ما اجتني رياحين علمود انزل اتريك وياهم وانتبهت على الاثر الموجود بركبتي بدلت ملابسي ولبست الشال عدل ونزلت
_صباح الخير
_رياحين والحجيه ترفه: صباح النور
_تعاي يمه اكعدي يمي
_ردت اروح اكعد يمهة بس لفت انتباهي صوت نور وهي تكول
_مكاني هذا خاله شلون تكعد هي بيه
_التفت وشفتهة جايه من المطبخ وشايله بيدة قوري الجاي
_الحجيه ترفه: انتي اكعدي يم ريحانه (دلع رياحين) نيرانه تكعد يمي
_دارت وجهة ماقابله على حچي عمتي
_نارة: عمه عادي اكعد يم ريحانه مابيهة شي
_الحجيه ترفه: ها ولج ماتردين تكعدين يمي (كالتهة بضحكه)
_نارة: لا عمه مو قصدي والله بس
قاطعتني
_بدون بس وتعالي اكعد يمي وانتي نويرة صبي چاي خلينه ناكل لگمه ورانه شغل
_حاضر خاله
_بدت تصب نور بالچاي اول شي انطت لعمه ونوب لرياحين ومن اچت تنطيني كوب الچاي طاح الكوب بحضني وحترگت رجلي كمت اكمز من الوجع
_اهخخخ يمه
_صخام الصخم وجهج نويرة حرگتي البت گومي لج ريحانه چيبي معجون طماطه نحطه على الحرگ
_راحت رياحين ترگض للمطبخ وعمتي استلمت نور دگ رزايل ونور تجاوبهة بصلافه
_شبيج خاله شنو متقصدة اني اذب الچاي عليه
_چا شلون انچب الچاي عليهة هااا
_مااعرف شلون زلگ من ايدي وطاح عليهة
_صاحت بيهة عمتي
_اخنسي (اسكتي) بعدين اتصرف وياج
_لج ريحانه وين صرتي
_اجيت يمه اجيت
_اجت رياحين چايبه المعجون يردن يحطنه على الحرگ رفعت عمتي دشداشتي بس ماقبلت
_نارة: انطيني عمه اني احطه بالغرفه
_الحجيه: لاتستحين يمه اني مثلج اميمتج عوفي ثوبج خليني اداوي حرگج يمه
_نارة: من كالت هيج زدت بالبجي كلمته حيل اذتني لو عندي ام چان ماصار بيه هيج
_رفعت الثوب مالتي وطلعت مكان الحرگ وحطت عليه المعجون اول شي حسيت بيه كامت يحرگ بالزايد ونوب لا برد مكان الحرگ
_كامت عافتني لان اجاهة اتصال من اختهة ورياحين نگلت الاكل لان بعد محد يشتهي ياكل شي بقت يمي نور ومن كامت كالت بنظرة مليانه كره
_شايفه هذا الوجع الي جاي تحسين بيه اني احس باضعافه لاعبالج اخذتي مني لا غلطانه راح اظل على راسج منا لحد ما تطلعين ركض حافيه من هذا البيت وهذا وعد مني الج
_عافتني وراحت وسط صدمتي منهة يعني چانت متقصده من حرگتني اوفف ياربي اني ماصدگت خلصت من غفران تجيني هاي الثانيه شوكت ارتاح ياربي
_استغفر الله العظيم لااعتراض على حكمك ياربي
_صعدت فوك لغرفتي ونزعت الثوب وبقيت بس بالداخليات وتمددت على السرير وافكر بكلامهة مدري شلون راح بالي يمه طوله شكله كلشي بيه حلو بس ماادري ليش خايفه منه مدري خايفه من نور لان ادري بيهة ماراح تعوفني
_حجيت بصوت مسموع
_شنو چان يقصد من كال تصيرين مرتي رسمي؟؟
_كمت وطلعت موبايلي من الجنطه وخابرت سيلين اريد استفسر منهة لان كلشي مااعرف
_الو هلو سيلي شلونج
_هلا حياتي بلعسل اني انتي شلونج
_عساج دوم حبيبتي اني زينه شلونه الزواج وياج
_حلو بس انكسر ضهري من ورة الناس الي تجي تباركلي لج اكعد من السبعه عبالك دوام للتسعه بالليل يلا اصعد لغرفتي ومن التعب بس ابدل ملابسي وانام على وجهي
_يلا حياتي هي يومين وتخلص وتترتب حياتج
_ هم صح يوم الج حياتي وتخابريني تشكين منهم ههههه
_ءء أني تزوجت (كلتهة بسرعه وبدون مقدمات)
_ههههه متضحك ترة
_ما جاي اتشاقه
_تحجين صدكك؟؟؟؟
_اي والله
_شلون ومنو وشوكت وليش
_وحدة وحدة عليه خليني افهمج
_احجي اسمعج
_شوفي الصار هو............. وحجيتلهة كلشي
_صخام الصخم وجهج غفران
_ترة هي معليهة كله من ورة ابوي
_اذا ماتطلع هي ورة السالفه مااتسمه سيلين
_هسة عوفج من هذا الحجي اريد اسألج سؤال
_شنو سؤالج حبيبتي
_شنو چان قصدة من كال اريد من ارجع تصيرين مرتي قلبأ وقالبأ؟؟؟
_يعنب تصيرين مرته
_اي لعد هسة اني شنو؟؟؟
_باعي افهميني البارحة اخذج
_وين ياخذني
_لج ثوله صار بيناتكم شي؟؟
_بغباء: شي مثل شنو؟؟
_يعني صارت بيناتكم علاقه زوجيه
_وشلون تصير هاي؟؟
_ياربي صبرني راح تجلطني لج غضب تعرفين شنو يصير بين المرة وزوجهة
_لااا مااعرف
_باعي كل بنيه من تتزوج لازم تصير علاقه بينهة وبين رجلهة ولازم تسوينه انتي هو تسمعين كلامه وما تعاندين حته لاتتأذين
_وليش اتأذة؟؟؟
_انچبي وسمعيني واني افهمج
_يلا فهميني
_شوفي الي راح يصير هو.......
_نارة:من بدت سيلين تشرحلي شنو يصير بين المرة وزوجهة كمت اكمز وكلساع اقاطعهة لان تحجي بدون تشفير حجيهة كله بالخط العريض
_نارة: كافي اسكتي مااريد اعرف
_سيلين: انچبي نارو ترة الكلام الي جاي احجي علمودج حته لاتتأذين
_نارة: اصلا بعد كلامج ولا اخلي يلزمني شنو هذا لعد شكد سرسري هو لان يريد يسوي هيج
_سيلين: مو سرسري بس هذا حقه واحد غيرة وعذريني على هاي الكلمه ياخذ الي يريده منج ويعوفج بدون عقد محكمة بس الولد يريدج مرة كدام الناس والقانون، اسألج سؤال وانتي جاوبي تعرفين شنو معنى الهديه؟؟
_نارة: اعرف
_رحم الله امواتج، زين كم وحدة منهن عقد عليهة زوجهة محكمة
_قله قليله
_الحمدلله ان انتي من هذني القله القليله
_لا تتهورين وتسوين شي يخسرج زوجج لان هو احسن من ابوج اعرف راح تضوجين من كلامي بس الي احجيه علمودج تمام حبيبتي مااريدج تتعذبين اكثر اريد اشوفج مرتاحه خوش حبيبتي
_خايفه سيلين
_حقج بس لازم تتغلبين على هذا الخوف وتعيشين حياتج براحه تمام
_هسة الي اريدة منج ترتبين نفسج وجسمج وتحضرين نفسج لهاي الليله
_سيلين شجاي تحجين انتي لج شلون ترديني انطي نفسي شلونن لجج ابوي ذلاني من هداني اله وانتي ترديني ارخص نفسي اله اكثر واسلمه نفسي شبيج سيلي اصحي
_لعد شلون تضلين هيج
_لاا اكيد من يرجع للبيت افهمه ان اني مغصوبه على هذا الزواج ومااكدر اصير زوجته
_راح تجيبين المشاكل لنفسج
_عادي المهم مااذل نفسي اله
_بابا ترة هو زوجج شرعآ ومن يرجع راح يعقد عليج محكمة يعني تصيرين بأسمه بعد شلون تذلين نفسج ماجاي افتهمج
_باعي شخص لااعرفه ولا شايفهة بين ليله ويوم يصير زوجي ولازم انطيه حقوقه مااكدر ليش ماجاي تفتهمين
_بس اسمعيني
_سمعت الباب يندك
_روحي سيلي بعدين احجي وياج خليني اشوف منو بالباب
_ترة ماخلصنه حجي خوشش
_اي خوش بس ولي
_سديت الخط وضميت الموبايل بالجنطه ورحت لبست الثوب مالتي
_منو (صحت من ورة الباب قبل لا افتحه)
_اني رياحين
_فتحت الباب: هلا رياحين تعالي فوتي
_غير مرة افوت هسة انتي بدلي ملابسج ولبسي عباتج حته ترحين وبه ماما للسوگ
_ليش اروح
_حته تشترين ملابس الج وسيتات نوم وهاي السوالف مال المتزوجات
(تحجي وتغمز)
_تمام
_بدلت ملابس ولبست الحجاب والعبايه ونزلت ودخلت للصاله شفت نفس الزلمه الي استقبلنه اني وبابا كلت بصوت يرجف
_السلام عليكم
_الكل: وعليكم السلام
_حجيه ترفه: يمه نارو هذا ابني الجبير مهران
_الشيخ مهران؟؟
_نور بخبث: اي هو الشيخ الي ابوج هداج اله حته يخلص منج ومن تكاليف عرسج ههه
_الشيخ مهران بغضب: نوررر
_نور بخوف: أمر شيخ
_الشيخ مهران: اعتذري من نارة وطلعي برة مااريد اشوفج كدامي
_نور وعيونه خازرتني: اسفه
_خلت وطلعت من الصاله
_الشيخ مهران: معليج بكلامهة لاتهتمين الهة خوشش بويه
_هزيت راسي بأيجاب لان بس احجي كلمه ابجي
_يلا يمه گوم وصلنه لسوگ
_يلا يمه امشن
_طلع الشيخ واني والحجيه طلعنه وراه هي كعدت ليكدام واني ليورة
_الحجيه ترفه: يمه انته ذبنه للسوگ واحنه من نخلص نخابر عليك لاتنتظرنه خاف نتأخر
_حاضر يمه
_وصلنه للسوگ ونزلنه وماضل محل مادخلت اله الحجيه ملابس بيت وطلعه ومكياج وعطور وتراكات ونوب دخلت لمحل ملابس داخليه هنا اني لو تذبحوني ذرة دم ماتلكون بيه ونوب تجيب وتخلي بالعلاليك وتگول
_خلي ابني يرجع ويشوفج هيج اله يتخبل عليج (تحجي وتغمز)
_اني ضليت صافنه شبيهة هاي عود هي المرة الجبيرة وشوف شتحجي ابنهة شراح يسوي بيه
_كملنه كلشي والحجيه فتحت موبايلهة حته تحجي ويه مهران
_يااا شوفي ادم شكد متصل عليه عافته وخابرت مهران ربع ساعه واجه علينه ركبنه السيارة ونطلقنه للبيت
_وصلنه للبيت ونزلنه الغراض والشيخ طلع لان عندة شغل دخلت للبيت وكبل اهذت العلاليك وصعدت للغرفه مالتي ماأحس اله الباب نفتح بقوة درت وجهي وشفتهة رياحين قبل لااحجي گالت
_ادم خابر عليه لان ماحصل الحجيه وسألني عليج وكتله راحت هي والحجيه للسوگ كال من ترجع خليهة تحاجيني
_ماعندي رقمه
_ادري هاج اخذي موبايلي واحجي وياه
_اخذته وهي طلعت رحت على جهات الاتصال وطلعت اسمه ودكيت من اول دكه فتح الخط واني ضليت ساكته مااعرف شلون عرفني شوي ونصدمت بكلامه
_ليش هيج جاي تحجي وياي؟؟؟
&&&&&&&________&&&&&&
