رواية امرأة في حياة رجلين الفصل الخامس بقلم جمانه السعيدي
جوري بدت الامتحانات وشديت حيلي بلكت تطلعي كليه زينه والله يهدي علي ويقبل اكمل دراستي
حبست نفسي علمود القرايه
منا لمن كملت الامتحانات واني مقطاعه الناس كله
اريد انجح اي واحد يجينا مااطلع ابد
كملت ولله الحمد وبدت العطله اخيرا راح اكدر انام واكعد براحتي
فهد طول فترت الامتحانات رحت بس مره وحده البيت عمي ابو علي
بس ماطلعتلي جوري ولا شفته ابد
احجيلكم الصدك ادائي بلامتحانات كان موزبن
ولله هلبنيه خبلتني
المشكله مااعرف شنو نهاية هذا الحب
لاهي مطيتني امل ولا ساده الباب بوجهي
اني مااتخيل حياتي بدونه شلون راح تكون
اصلا اني شلون جنت عايش قبل لا اتعرف عليه
بدت العطله لازم احجي وياها واقنعه بحبي
لازم تعرف اني شكد احبه ومتعلق بيه
جمانه السعيدي
رحت مرتين وما طلعتلي ابد ياربي هي ليش زعلانه مني
اني صوجي ليش كتله احبج
جوري اعرف فهد يحبني ومبين علي الحب
الي مثل فهد مايعرف يلف ويدور
بس اني مااريده يتامل زايد
ايجوز اني ويااا مانصير البعض اني اخوي علي كلش صعب ومستحيل يقبل بواحد مثل فهد ابد
الحقيقه بداخلي جنت فرحانه بحبه ولهفته عليه
واعرف جاي يعاني بسببي هواي
بس شبيدي علي
مهند نزلت مرتين وكل مره اروح البيت عمي
من مرتين إلى اتلاثه بأيام الاجازه
بس مااشوف جوري ولمن سئلته عليه
كالو تدرس عدها امتحانات
بهاي الفتره اني طلع تسريحي من الجيش
كان التسريح مناسبه مثل العرس
سوينا عشى وعزمت عمامي كلهم
جوري لمن خلصت الامتحانات بعده بيوم اجت شيماء الصبح وطلبت من امي
اروح وياها تريد ترتب النضد وعمته ماموجوده
نسيت اكللكم اخوات صلاح كلهم مزوجات
امي كالت روحي بس ارجعي بسرعه
لان اخوج اذا يجي ومايلكاج يسويلنا مشكله
رحت ويااا شيماء بس دخلت للبيت وشمرت عباتي لان هي كالت اني وحدي بلبيت
راسا طلع فهد من الغرفه
اني بس شفته التفت على شيماء
جوري انتي جايبتني علمود فهد
شيماء اعذريني ولله كاعد عدنا ومايقبل يروح البيتهم
وكلما يجيكم مايشوفج وراح يتخبل
فهد عوفي شيماء شيماء ماله دخل
اكعدي اريد احجي وياج
جوري رجعت لبست عباتي ورت اطلع
فهد بس شفته لبست عبايته ووكفت بلباب
احلفج بكل عزيز عليج اسمعيني بس مره وحده اسمعيني
من رخصتج اكعدي واسمعيني
جمانه السعيدي
جوري كعدت أمري لله
فهد انتي ليش هيج تعامليني ولله احبج والقرآن احبج ومستعد الكل طلباتج
بس انطيني فرصه وحده
جوري اني وياك مانتوالم
الصراحه وضعك ووضعي يختلفن
واني ماأحب اضحك عليك
فهد ليش هيج تكولين اذا على منطقتنا ممكن ننتقل للمدينه
واذا على وضعنا اني راح اشتغل ووافرلج اي شي تردي
بس اريد فرصه
اي شي تطلبي راح تلكي كدامج
انتي ماتدرين اني شكد احبج
انتي خربطتي كياني ولله جنت من المتفوقين
تعرفين اني هسه ماجاوبت بلامتحانات
ويجوز ارسب بماده لو ثنيبن
جوري واني شكوووو
فهد احبج احبج يامة الإسلام احبج وجاي افقد السيطر على كلبي
جوري انت كشخص اني ماعندي اعتراض عليك
بس وضعكم وعيشتكم غيرنا
واني اريد اكمل دراسه واريد اعيش وضع يناسبني
فهد واني مستعد اوفرلج اي وضع يعجبج
اني راح اجيب اهلي واجي اخطبج
جوري بكيفك بس لا تلومني على اي جواب راح تسمعه
اني مامسوله ابد
فهد إذا ماتصيرين من قسمتي يمكن يصير بيه شي
جوري اني لازم ارجع للبيت اذا يجي علي ومايلكاني
راح تصير مشكله
جمانه السعيدي
مهند اهلي يلحون عليه بموضوع الزواج وامي تعبت من الخدمه بس اني اريد اشوف جوري
خاف تريد تكمل دراسه
اذا تريد تكمل كليه ااجل الخطوبه لمن تتخرج
امي تكول انت الجبير واريد افرح ببك
وقبل العسكريه حجتي هسه شنو الحجه
والحمد لله لكيت شغل وجاي اشتغل خير من الله
جوري امي صار فتره تشكي من الالم بس شنو
ابد ماتقبل تروح دكتور
تكول شوية تعب وهسه اصير زينه
بس هذني اليومين حيل تعبانه
وماله خلك وحالته بلنازل
اخذناها للدكتور اني وعلي
والصدمه طلعت التحاليل امي عدها سرطان بلدم وحالته متقدمه
احنا ماصدكنا التحاليل ثاني يوم قرر علي نروح البغداد ويعرضه على احسن الدكاتره حتى يتاكد من حالته
طبعا امي مو جبيره عمرها ٤٦ مزوجه وهي زغيره
هنا بدت رحلت عذابي واني اشوف امي تصارع بلمرض
ومابيدي حيله
نفسيتي كلش تعبت اني جنت المرافقه الها برحلة علاجها
نسيت نفسي ونسيت المدرسه
اريد امي أطيب وبس
جمانه السعيدي
وسط هاي الهوسه كله طلعت النتيجه مالتي
طلعت معدل ٨٠ بوقته انقبل قانون او كلية اداب
كلية تربيه
بس المشكله جانت الجامعات مو مثل هسه منتشره بكل العراق
بغداد وموصل والبصره فقط الجامعات
واني طلع قبولي البصره
علي كال مستحيل اداومين ولا تشوفين الكليه بعينج
انتي من كل عقلج اعوفج تروحين للبصره وحدج
انسي موضوع الدراسه نهائي
اكعدي وديري بالج على امج
وفعلا كعدت وسكتت مكابله امي النهار كله
فهد طلعت النتيجه وطلعت راسب بمادتين والبقيه معدلي قليل
والنوب مرض ام جوري كمل عليه
مستحيل اكدر اتقدمله بهاي الضروف
مهند من سمعت علي مانع جوري اداوم كليه فرحت
ولله اخاف عليه حلوه والعيون كله عليه
واخاف منه اكثر
اذا اتخرجت من الكليه مستحيل راح تقبل بواحد مثلي ابد
معقوله هي مخلصه كليه وحلوه
راح تقبل بواحد مثلي مخلص متوسطه
الف رحمه على والديك علي زين تسوي همزين ماقبلت
تخليه اداوم كليه
اذا اداوم كليه راح اضيع من ايدي
مهند يوميه بليل اروح عليهم بحجة اطمن على ام علي
وكل مره اروح بيه اشوف جوري
كاعده يم امه وداريه
ياربي شني هاي التربيه الحلوه
والثكل الي شايلته
