رواية لأني عاقر الفصل الخامس بقلم مريم خفاجة
آنه شمضيعني؟
غير عيونكَ المَاتدري عَني
وإنه شمتعبني؟
غير ضنوني إذا باجر عفتني
يمي ٱنـتَ ومَاتهنيت بوجودك
خُفت لا تنباگ مني...
#لأني_عاقر
#البارت_الخامس
صوتوا للبارت+تعليق بين الفقرات+متابعة
لحسابي لُطفاً...
علقوا مو تعبتوني😔
ـــــــــــــــــــــــــــــــــــــــــــــــــــــــــــــــ
...
:-يابة دنگول البنية صغيرررة صدك تحجون
جدي:-اسكتي بابا خلي نشوف اول
ها ملوك يابة؟
ملاك:-جدو ما أريد اتزوج
حجيتها وشهگت:-لاتبجين بابا ماتتزوجين هسه ورا ماتكملين دراستج ان شاء الله ياخذج وتتزوجون
همس بأذني:-اذا تضلين يم أبوج يزوجج بدون ما يرفلة جفن لأي واحد يجي ابن خالج وشاريج ورايدج هو گلي يا بعد أبوج
ملاك:-جدو ماريد ماريد لا كمال ولا غيرة
جدي:-صدگيني انسب حل
هالمرة انتي شردتي ونفذتي ثاني مرة
ياخذ احتياطاته ابوج وميخليج تتحركين ويزوجج غصبا ؏ راسج وحياتج تتدمر باوعيلي بابا لاتدمرين حياتج بيدج فكرين زين واخذي راحتج
صفنت كلامة صح رجعت باوعت لعيونه:-واذا ارفض؟
جدي:-بكيفج بعد مانجبرج احنة انطيتج خيار ترفضي براحتج تقبلي هم براحتج
ملاك:-ماريد اتزوج هسه
جدي:-أكص راسة اليزوجج هسه خلصي دراستج والباقي ورا الله بس خطوبة نسكت بيها أبوج
اباوع لأبوية عيونة نطن وهو يباوعلنه
عيوني راحت اله گاعد وحدة ؏ قنفة مفردة
مرتاح وثاق شنو راح يصير ورا هاي الگعدة وکانما
بيدة زمام الأمور
حجت ماما بهمس:-يابة صدك تحجي انتَ تعرف ترة البينة شنو اني انطي بتي لأم كمال لو أموت
جدي:-أحنه ما منطيها لأم كمال يابة نزوجها للولد
ايمان:-وهي وين راح تعيش؟ قابل بقصر وحدها يم ام كمال أكيد ما أريد يابة
جدي:-أيمان يدمركم علاء والله اذا زوجها لغير واحد عاد اذا ابن خالها يعرفها وتعرفة وانه اوصيهم عليها لاتخافين يابة
ايمان:-كلبي يلعب يابة
حجة بشقة:-گلبج وكيح كعدي
ضحكت ماما وعاط أبوية:-مووو سالفففة هاااي تتمضحكووون فضوووها يلااا اذا مترريد تگعد تخدمني مثل الجلبة
جدي:-يلا ملاك
غمضت عيوني وهزيت راسي بـ "اي" واني الخوف اكلني اكل
جدي:-هذا هو يعني؟
مسحت دموعي وشهگتي الفالتة
گلت:-أي
جدي:-صلو ؏ محمد هذا هو اقتنعت البت بأبن خالها
شهگت بسرعة وغرست راسي بحضن أمي
وهي تهدي بية بـ "ميخالف"
عفتهم وطلعت
لبرة بعدني بنص الدرب وانسحلت أيدي
وچـان أبـــــوية
نزل نفسي واني اشوفة عاصر ايدي
حيييل رگع راسي بالحايط القريب مني
ودفعني ؏ الحديقة الـمليانة حصو
خليت ايدي ؏ صدري
وأهدئ بنفسي ودموعي تجري
كلها وكفت تصيح علي ويتعاركون ويا
تقدم كمال وضربة كلة بگصتة خلة الدم يتطافر
والكل صاح:-لا لا كماااال لا
كمال:-فد واحد جلب ونذذل مد أيدك بعد وشوف شسوي
تقدملي وصاح:-انطيني أيدددج
نطيته ايدي شالني من الگاع
ودخلني للمطبخ
وسد الباب واصواتهم عالية
صوت أبوية وكمال وأمي تصيح والباقيين يهدون بالوضع بصوت عالي
مشفت ام كمال ولا وردة
ضليت كاعدة بالمطبخ بصف الثلاجة
وحاضنة رجلية لصدري وارجف مثل السعفة
واسمع طك اسناني من تطك وحدة بالثانية
من الخوف
فكرت بكلشي
لأن أبوية يكرهه كمال حييل ومن سابع المستحيلات
اصير اله بس شلون؟
شوية ودخلت امي تلطم ؏ خدودها وتصيح
ايمان:-شلون بينه بهالمصيبة هاي يمه
وجدان:-أهدي خيتي أهدي ماكو شي ان شاء الله شوية وتهدئ الأمور هاي بتج خطية راح تموت
رفعت عيونها علية أمي وعيونها تمطر
گمت ركضت الها وحضنتها حيل
وضميت راسي برگبتها:-يييييممممه
أيمان:-اششش يمه اسكتي هاي خوالج وجدج يمج ميسويلج شي
ملاك:-يمه يموتني والله يمه
أيمان:-اششش
ضلت تهدئ بية وتقرة آيات وتنفخ ؏ بيت
وتمشي أيدها على راسي
وخواتي بعيدات بس عيونهن علينه
دخلنه للصالةشفت خالتي ام كمال كاعدة ويمها
وردة حجت بصوت مسموع
تعرفنه واكفين تريدتسمعنه:-؏ جثتي كمال يتزوج بت ايمان
سكتت امي مالها خلك تردها
ملاك:-والله اني ما ميته علي حتى آخذة وهو الطلبني من جدو ولو بيدي ماتزوجة لو يصيغو ذهب هسه
ضمتني امي حيل لحضنها
وسمعتها گالت:-والله عمييي صلااااافة صلااافة هاي بعدها ما ماخذة ابني وهيج جا اذا تاخذة شتسوووي امج ايمان شترجة منج
وخرت راسي عن امي وحديت سنوني:-تاج
راس الكُل أمي
خزرتني واجت تريد تتعارك ويا أمي وكفنها
خالاتي وامي اخذتني وصعدتني لفوك:-ولج يمه
بسج بسج لاتضلين تحجين وتراددين خنشوف حل للمشكلة والله كريم
للثمانية بليل اني فوك كلشي ما اعرف الجوة شديصير ولا واحد صعدلي ولا اني نزلت
وأمي نزلت جوة
شوية وانفتح الباب دخلت وردة وابتسمتلي
گعدت ؏ طرف الجرباية وگالت:-ابوج راح لبيتكم
ملاك:-وأمي وخواتي؟
وردة:-لا جوة
ملاك:-شصار؟
ضحكت وگالت:-هذا هو راح تصيرين مرت اخوي
حطيت راسي ؏ ركبي وبجيت:-يااااا اللله
وردة:-ليش تبجين ترة كمال يحبج والله
ملاك:-ما ادري احس الصار كله غلط
وردة:-لا بالعكس اصلاً اشوفة هذا الصح وهسه بس خطوبة وعقد و ورا متخلصين سادس تتزوجون ان شاء الله
ملاك:-بس ادعي ابوية ميسوي شي اخاف يكتلني او يسوي شي بأمي وحتى يگدر يأذي اخوج
وردة:-لا اسم الله جدو اخذة وحدهم بالغرفة وسولفوا بهدوء وبعدين هو طلع وراح لبيتكم صح ضايج بس يمكن هذا الشي بي خير الج
بلعت ريگي وهدأت شوية وهي تسولف شوية
وتسكت
رجعت سألتها:-وأمج؟
وردة:-عادي بعدين تقتنع مو مشكلة
هسه هي بوضع الصدمة بعدين تتخطى
ابتسمت وگتلها:-هم خايفة منها
وردة:-لا شنو السالفه
سكتت من دخلت امي وطلعت وردة
جانت جايبة بيدها صينية مال عشة:-ما اريد أمي نزليها مالي خلك آكل
خلتها ؏ صفحة واجت كعدت يمي:-ماما متأكدة من قرارج؟
رفعت متوني:-مو قراري هذا يمه
أيمان:-جدج حجة ويانه وكمال هم وگال أريدها و ورا متخلصين دراستج تزوجون
ملاك:-شگال؟
ايمان:-ياهوة؟
حكيت گصتي وگلت:-كمال
أيمان:-گالي انه منتضرها من زمان وگلت اخطبها من تخلص بس مادام هسه وهاي الضروف...
قاطعتها:-يستغل الوضعية
أيمان:-والله ما أدري الله وين يودينة بعد
حطيت راسي ؏ مخدة وسحبت الغطة
باستني بگصتي وراحت
غمضت عيوني واني استغفر حتى ما فكر بشي
ثاني لحد ما نمت...
بقينة عدهم 3 ايام ورجعنه جدو لبيتنه
رأساً خنست بغرفتنه
بالليل صعدتلي أمي العشة گالت ابوجن مو هنا
وحتى ما درى بينة من رجعنة
الوب منا ومنا من الخوف
شوية وسمعت صوتة يصيح ونعيد نفس المأساة
تلفلفت بالبطانية سويت روحي نايمة
غمضت عيوني وفتحتها لگيته واگف ؏ الجرباية
فوگاي انفاسي صارت تصعد وتنزل رفع
رجلة وداس ببطني
غمضت عيوني وروحي راحت
وماعرف النزل من حلگي شنو!
**
ريم:-باباااااا لاااا
صعدت أمي تركض ولطمت ؏ خدها:-يُمة بتيييي ولككككك علاااااء
نريد نوخرة من فوگاها مگدرنة
يدوس ببطنها وينزل يخنگها ويصفگها راشديات
ريم:-وخررررر عنهاااا وخررر ماتتت
دفعناه كلنة وشالت أمي ملاك وتريد تصحيها
جبت مي رشيناه عليها مگعدت وماكو نفس أصلاً!
أيمان:-ولككك يمووووتك كمااال اذا ماتتت يموتك والله
بلع ريگة وگال:-مابيها شي يلاااا لاتضل تسوووي مسرحياات
أيمان:-ولكك ماكووو نفسس اخذهااا اخذها للمستشفى بسرررعة الله لايوفقك
بسرعة بسرعة بدلنالها وهو شالها خايف
من سمع بطاري كمال
حطيناها بالسيارة مددتها واني صعدت بالصدر
وأمي وملك ورا
يحطن عطر يريدن
يسون ومتگعد ملاك راحت من ادينة!
دموعي تنززل واصرخ خايفة وأمي تقرة آيات
وملك تصيح وتدعي ؏ ابوية
ماعرفت شسوي اني
مشة بسررعة و وصلنة للمستشفى
وديناها للطوارئ خوفتنة
أمي من گالت:-ماطول دخلت للطوارئ معناها ماتطلع
تحجي وتدك ؏ وجهه
صار أحمر من كد ما دگت وبجت
ساعة بالزايد گالو صارت زينة
بس امعائها ممرودة
كلنة باوعناله بقرف ليش يسوي بينة هيج ليش؟
راد يدمرها بزواجها هسه دمرها بالزايد
وديناها للردهه مال نساء وگالو
يوم وتطلع
ضلينة واكفين فوك راسها ومخليلها اوكسجين
وگوة تتنفس اباوعلها
رغم جمالها بس ممرتاحة
هي اكثر وحدة متعذبة بينة
دائماً تنضرب من أبوية
ومو أي ضرب...
ساعة بـ 12 بليل
ماشوف اله كمال فوك روسنة عيونه دممم
حممر والعرگ بگصتة و أيدة ترجف
كمال:-شبيها شبيها ملاك
أيمان:-قرحة قرحة بالأمعاء
رفع عيونه ؏ أمي وخزرها:-منين اجتها القرحة؟؟
أيمان:-ما أدري
امي ضلت تمتمت وتگرص بملك حتى متحجي
كمال:-ووووين علاااء؟
أيمان:-راح يجيب علاج
كمال:-هااا علاج! أذا ماطلعت من وراه اگص ايدي بس يصير خير
تقرب من يمها ومسح ؏ گصتها
وباس جبينها رادت تبعدة أمي عنها
خزرها ودار وجهه لزم أيدها وهمس:-ملاڪي
ضل هيج فترة لحد ما گعدت ملاك
وهمست اريد مي
انطيناها ماي شربت ورجعت نامت
ضلينة فوك راسها للصبح تحسنت وطلعناها
وأبوية يخزر بكمال وكمال يخزر بأبوية
**
يومين يلا صرت أحسن
وگدرت أحجي و
يحطولي علاجات واني اخذ بدون حس
اجو خوالي وخالاتي تحمدولي بالسلامة
عدى أم كمال!
مرت 8 ايام ؏ واجو جدو وكمال وخوالي
تلاثتهم گعدو ويا ابوية وامي واني سلمت وطلعت
حوالي الساعة وطلعو صعدتلي امي
وجهه شبه مبتسم
وأسميها "أبتسامة حُزن"
مسدت ؏ شعري وگالت:-حددو موعد العقد
غصيت بلعابي وضليت أكح وعيوني مدمعة
عافتني وراحت خليت راسي ؏ مخدة واني اتخيل شراح يصير؟؟؟
نزلت لغرفة أمي رأساً مسحت وجهه
وابتسمتلي:-تعالي أمي
گعدت يمها وكلت:-اكو طقوس ثانية قبل العقد مو؟
أيمان:-اي بس كلها راح تصير سوة المشية بالعقد راح يجيبون شيوخ ومعارفنة والنيشان والفلوس والذهب ويا العقد كل سوة
ملاك:-اها تمام
ايمان:-لاتضوجين أمي كل شي وبي صالح
هزيت راسي وضليت يمها تناقشنة اطراف
الحديث ونصحتني كم نصيحة استقبلتهن
بروح ممزوجة من التعب احس اليتزوج كون متهيئ لكُل شي
النفسية اهم شي اني نفسيتي مدمرة
شلون اتزوج؟؟؟
يوم ثاني جنت العب بشعر ريم واسويلها تسريحات
صعدتلي ملك:-ملوك كمال جوة وماما دكول خلي تلبس حجابها وجبتها وتجي
ملاك:-يعني اكعد يمه؟؟
رفعت عيونها لفوك وعوجت شفتها وگالت:-أعتقد
بعدت ريم عني ولبست وايدي ترجف
مسحت جوة عيوني ونزلت
امشي شوية وأوگف خايفة من المستقبل الگبالي!
تمشيت للأستقبال بعدني اريد ادگ الباب
انفتح الباب وطلع جاسر يركض صار گبالي
رفع عيونه علية
رأساً بعدت عن الباب وصرت ؏ جهه وگلبي
يدك حييل
شوية وطلعت أمي وهمست:-تعاي يمه
ملاك:-ما أريد اطب
أيمان:-سولفو شوية يمه عسى ولعل يتغير شي دخلي أمي لاتستحين
لزمتني من ايدي واني اباوعلها بخجل دخلنة
سوة منزلة عيوني بالگاع گعدت بصف أمي
حتى مارديتلة السلام من گال السلام عليكم
معدتي گامت تطلع اصوات لزمتها حييل
وبلعت ريگي سمعته گال:-هسه هي شاردة يگول راح آكلها بوية ملاك
ملاك:-هـ... ها
كمال:-الله بالخير يابة سمعينة صوتج
ملاك:-هلو
كمال:-عمة من رخصتج عادي؟
أيمان:-لا ميصير شلون اطلع بعدكم حتى عقد ماكو
كمال:-يابة هسه هي ؏ عقد يومين وتصير مرتي ماسوي شي أمني اريد اسولف وياها شوية
رأسا باوعتلها وهزيت راسي بـ لا
ضحكت بهدوء وگامت تريد تطلع
فزيت بسرعة وگمت وگفت يمها وجلبت بدشداشتها
ملاك:-اريد اطلع ماضل
أيمان:-ماماتي ميسويلج شي سولفو وهسه اجي احمي الچاي
ملاك:-ماريد
خزرتني وهمست:-تؤؤؤ فشلة أمي من الرجال اكعدي روحي
دفعتني بخفة وسدت الباب وطلعت
ضليت واكفة ودايرة وجهي
كمال:-والعباس ما آكل بشر
درت وجهي ومدنگة راسي مشيت اريد اگعد
بمكاني صاحلي:-تعاي تعاي گعدي هنا خل اعرف اسولف
ملاك:-ومن اگعد هنا ما تعرف تسولف؟
كمال:-لا ما اعرف
تعوذت من الشيطان وگعدت ؏ القنفة الي بصفة
ملاك:-شتريد؟
كمال:-شلونج اول شي؟
ملاك:-مو زينة
كمال:-بيه ولا بيج
ضليت مدنگة:-شو ارفعي عيونج
ملاك:-سولف التريدة كمال بسرعة لا يجي أبوية
كمال:-وشنو يعني؟ وأذا أجه
ملاك:-حتى يحطمني تحطيم
كمال:- ايدة تنكسر غير مرتي أنتِ ياابة محد يتجرئ يرفع ايدة عليج
ملاك:-امممم
حط ايدة جوة حنچي ورفع راسي علي:-ولج مليكان
ملاك:-هاا
كمال:-راح تصيرين الي تدرين لو لا؟
ملاك:-للأسف اي ادري
ضحك بصوت عالي وگرص خدي:-لسانچ لسانچ
ملاك:-شبي؟
كمال:-ينگط عسل.... مهم هسه اريد اسولفلج فد شي بس اسألج وجاوبيني
هزيت راسي ومبين ؏ وجهي الضوجة
كمال:-عدليلي خلقتج بالأول
ملاك:-ما عاجبتك؟
كمال:-لا عاجبتني ونص
خايفة؟
هزيت راسي بـ اي:-من شنو؟
ملاك:-من كلشي
كمال:-اني من ضمن الكلشي
ملاك:-انتَ مترأس القائمة
ضحك وكال:-هااا؟
ملاك:-والله
كمال:-من شنو خايفة مني؟
ملاك:-شلون راح يكون مستقبلي وياك
كمال:-يزهو بالسعادة
ملاك:-واثق؟
كمال:-اي جا اكيد اجيبج واحطج هيج قابل
ملاك:-وأذا بعد فترة گتلك ماريدك غيرت رأيي تطلگني
كمال:-لاتمسلتين قابل هو لعب جهال متريديني
ملاك:-شوكت العقد
غمزلي وگال:-مستعجلة أغاتي
ملاك:-لا بس حتى استعد لموتي
كمال:-لا هيج هواي مولاتي
ملاك:-شبيك كمال!
كمال:-يا بعد روح كمال
ملاك:-دتستهزئ بية احسك؟
كمال:-ليش استهزئ بيج؟
ملاك:-شو تضحك عادي وميهمك الأمر؟
كمال:-ولج راح تصيرين الي ومتردين اضحك يبوووووو
ملاك:-انتَ جاي تضحك وياي لو تسولف وياي
كمال:-الأثنين سوة
ملاك:-فضني يلا
كمال:-احبج هواي ملاڪي
سكتت وبلعت ريگي فززني من
اخذ ايدي ورفعها لشفتة وباسها وحاوطها بثنين ادي حاولت اسحب ايدي ماقبل:-ولج ملاك تدرين هيأتج بعرس رندة لسة ماراحت من بالي
رجع كمل:-عيونج هاي عيونج شسوت بية ولچ
هواي سامع عن غزل العيون ومااهتم هسه لكل كلمة غزل تخص العيون اتذكر عيونج وابقة اتأمل الخيال
ضليت اباوعلة
وساكتة مابدرت ردت فعل
كمل كلامة:-ردت اخليج تحبيني حتى يصير زواجنه تحت مسمى "زواج عن حب" لأن بي لذة خااصة وجيتي الج هسه لهذا المضمون اريد احبج قبل ما ازوجج....
قاطعته:-شنو اليختلف؟ يعني قصدك اذا تزوجت بعد متحبني او يقل الحب؟
كمال:-ما أدري نضريتي هيج تگول
عگدت حاجبي ورفعت اكتافي بـ ما أدري
كمال:-وهسه ملاكي؟ اريد تنطيني جواب مقنع
ملاك:-عن شنو؟
كمال:-اريد تكونين راضية حياتنا
ملاك:-خايفة بعدني
تلمس خدي وكال:-من شنو الخوف يا عيني؟
ملاك:-كلشي صار بسرعه وهذا الشي يخوفني
كمال:-ليش؟
ملاك:-لأن البدايه التمشي بسرعة
بالنهاية تصير صعبة
ضل يباوع ومركز بعيوني واحساس
الخوف اتملكة هو هم حجة بهدوء:-و
مو كلشي نسمعة يتطبق
ملاك:-يمكن هالشي يتطبق؟
كمال:-ليش يتطبق؟ أذا احنة ما رايدي
ملاك:-خليها للوكت
كمال:-واني اگول هيج
مال راسة شوية وگال:-أگلج
ملاك:-ها
كمال:-كل هذا وتگولين سهل؟ الصار مو سهل ترة
هزيت راسي ورجعت دنگت
همس:-الحمد لله
باوعتله وعگدت حاجبي ضحك
وگال:-الحمدلله خليتج تحجي وسمعت صوتج
ابتسمت ودرت وجهي لغير صفحة
كرص خدي وگال:-يلا اني رايح
گام وگمت وياها طلع من ايدة علاگة
وانطانياها:-ذني فلوس باجر تجيج وردة واخذي أمج وروحن تسوگن للعقد
بعدتهن عني وگلتلة:-لا ميحتاج
عگد حاجبة وگال:-شنو هوة الميحتاج بابا فلوس العقد ذني
ملاك:-مگتلي شوكت العقد؟
كمال:-خليها مفاجئة
ضحكت:-لا بالله؟
كمال:-يوم الثلاثاء اليوم جمعة بعد عندج وقت هواي تجهزي بيهن واني احترك بيهن
هزيت راسي وگلبي يدگ بسررعة
من تقرب من يم وجهي وباسني بخدي وهمس بضحكة:-خلي نسوي حرام قبل الزواج
حطيت ايدي ؏ صدرة وبعدته
عني ودنگت طلع قبلي واني طلعت وراه
سديت الباب ورجعت بالأستقبال گعدت
وضلن بيدي الفلوس اباوعلهن
ذني ألي؟
شسوي بيهن؟
اجهز للعقد؟
والعقد ألمن؟
ألي؟
اتجهز المن؟
اتجهز لزوجي؟
ومنو زوجي؟
كمال؟
ابن منو؟
ابن اليحبها أبوية قبل؟
ياترى ترهم وياي؟
وارهم وياها؟
لو....؟
للمستقبل رأيي آخر....
ثاني يوم اجتي وردة تگمز
وردة:-ياعينييييي متحمسسسسسسسة
جاوبتها ببرد:-شكوو؟
وردة:-ولج تصيرين مرررت أخوي تعرفين شني مرت اخوي ياااععععع
واني وياج نعيش نفس البيت ونتعارك ؏ الشغل وأرفسج وترفسين اللللله
ملاك:-اي
وردة:-ملااااك الملابس ؏ ذوقي
ملاك:-الله كريم
وردة:-شگدد الفلوووس خنضرب كله بالعاااالي
ملاك:-850
وردة:-لا باللللله؟؟ شنهااااي ولج شنووو قلليييل
ملاك:-يكفن
وردة:-ولج والله قليل اني اعلمه اخوي المطي
عود گتلة انطيها هوواي
ملاك:-منصرفهن كلهن
وردة:-ليش يمه؟
ملاك:-اضمهن هم للعرس غير؟
ماتت من الضحك گامت تتگلب بالكاع
وردة:-لا ولج لاااا خرب يومج عرفج غبية وگالي فهميها ولج ذني بس للعقد باجر ينطيج المهر دك فلوووس دككك ههههههههاييي
ملاك:-تمام
أيمان:-يلا أمي يلا الولد منتضرنة
ملاك:-يا ولد؟
وردة:-زوجج زوججججججج
بلعت ريكي واني لابسة ربطة من أمي مرتبتني وعباية ومخلية ايدي على العباية من مكان الدگمة لبست حذاء رياضية ناصية وطلعت ورا أمي منزلة راسي
فتحت باب الصدر ورد وصاحت بصوت
عالي:-تعاااي ملاك اگُعدي هناااا
خزرتها ودرت وجهي عنها وفتحت الباب الورا وصعدت وامي صعدت بالگدام اجت هي مغندبة ضربتني بجفتي وهمست:-فشلتيني خايسة الله ياخذج
ملاك:-ها بدينة
كمال:-عود هاي بعدجن ماصرتن ببيت واحد
ضحكت وباوعتلها
كمال:-شلونكم شلونج عمة
أيمان:-الحمد لله انت شلونك
كمال:-؏ الله ، شلونج ملاك؟
ملاك:-زينة
سكتت وهو يباوعلي من المراية
ضليت اباوع للطريق لحد ما وصلنة للسوك
نزلنة وهو گال لوردة ترمش علي من نخلص
عافنة وراح
تمشي وردة واحنه وراها ما خلت شي ماشترته
وكل ما تشوف شي صاحت اييي شفته هذا بفلان قناة
لو هاي الممثلة لبسته
جزعتنه
تجيب وتحط ادينة راحت ماجنت
انطي ردة فعل أمي و وردة يتسوگن
روحي جانت باردة
وشنو يگللي اكوللهن بكيفجن
وأمي تباوعلي بأسى
خلصنه كلشي
واجانة كمال رجعنه للبيت وراحو
وصلنه تقريباً المغرب عفت الغراض
بالصالة وصعدت فوك بدلت وبقيت بالغرفة
افتر وروحي مقبوضة
صعدت امي يمي وبيدها الغراض:-ها أُمي
ذبيت نفس وهمست:-ها يمة
أيمان:-شبيها روحج تلوب؟
ملاك:-مابية حيل روحي تعبانة ونفسيتي تحت الصفر
أيمان:-داومج لاتعوفي صارلج فوك الأسبوع غايبة
ملاك:-خالتي وجدان طالبتلي اجازة مو غياب بس 3 ايام مسجل علية
أيمان:-وتضل خالتج تطلبلج اجازات أُمي أنتِ داومي من هذا الأسبوع لايتراكمن عليج اريدج من المتفوقات
ملاك:-هه هاي الضروف وتردين التوفق ياروحي ويني وين النجاح هاي اذا ماعدت سنة
أيمان:-اعرفج قوية وماتهدمج هاي الشغلات
ملاك:-امممم
هزيت راسي وبقيت گاعدة
أيمان:-تقيسين الثياب؟
باوعتلها بتك عين وگلت:-يمة انتِ فرحانة بهالزواج هذا والخرط؟
هزت راسها بـ لا:-خلص لعد مابية حيل اي شي
ميلت شفتها بأسى وهزت راسها ولمت الغراض وحطتهن بالكنتور
ماعرف الديصير احسة كله جذب!
كلة تمثيل! احس زواجي وكمال مو راهم هذا الجاي يصير كلة مثل المي اليجري جواي بسرعة مر!؟
ويوم الأحد قررت اداوم
اخذت دروسي من طيبة وگعدت اقرة
ضليت سهرانة للصبح ومن رحت
صاحولي بالأدارة
المديرة:-اي ملاك وين؟ هالأيام هواي صايرة تتغيبين؟
ملاك:-مريضه ست ومريت بضروف
المديرة:-هممم اليوم امتحاناتج هم اتراكمن عليج وراح تمتحنيهن كلهن
ملاك:-نعم ست
المديرة:-باجر امتحانات الشهر الثاني
ولخاطرج ولأن انتِ طالبة متفوقة راح نأجلهن للثلاثاء
ماتدري يوم الثلاثاء هو يوم عقدي وزواجي؟!
هزيتلها براسي وتشكرتها
وصارن المدرسات وحدة ورا وحدة ينطني الأسئلة ويصيحن فوك راسي كمت احل بدون ماشوف شكاتبة هيج اكتب وانطيها وتنطيني الأسئلة مال المادة الثانية
خلصتهن كلهن ؏ گعدة وحدة اخر وحدة طلعت من المدرسة وانصدم بشوفة كمال گبالي
أشرلي تعاي دنگت راسي ومشيتلة
فتحت باب السيارة ابتسملي وكال:-هلو
ملاك:-هلو
كمال:-شلونج
ملاك:-زينة
كمال:-ليش تأخرتي؟
ملاك:-جان عندي امتحان
كمال:-اها ، انتضرتج هواي وگالولي جوة عدها درس
ملاك:-آسفة خليتك تنتضر بس تراكمن علية الأمتحانات وضليت امتحن
همهم بهدوء ومشة بالسيارة هو يسألني
واحاوبة ؏ گد سؤالة
كمال:-خو ما نسيتي الموعد ملاكي!؟
ملاك:-يا موعد؟
كمال:-عقد روحي بروحج
بلعت ريگي وكتلة:-لا
كمال:-الثلاثاء! العصر ترديها لو باليل
ملاك:-بليل احسن لان عندي دوام
كمال:-ناخذلج اجازة
ملاك:-لا صارن هواي اجايز عندي ميحتاج اداوم الصبح وارجع العصر واضل سهرانة اقرة امتحاني اسلامية الأربعاء سهل
كمال:-اها خو ما محتاحة شي
ملاك:-لا
كمال:-شتحتاجين گوليلي خوش؟
هزيت راسي وصلنة للفرع ضحك وگال:-ها هم
ترديني اذبج براس الفرع؟ حتى ميشوفنة أبوج
وضحك بصوت عالي عضيت شفتي ودنگت
كمال:-ناوية تضلين ؏ گلبي
لزمت جنطتي وردت انزل همس:-ملاڪي
باوعتله وهمست:-ها
ابتسم:-سلميلي ؏ أمج
هزيت راسي وگتلة:-يوصل
سديت الباب ودخلت جوة أيدي
؏ گلبي خايفة هوواي
ثاني يوم داومت طبيعي وهم رجعني وياه
والثلاثاء هو يوم العقد....
نزلت من سيارتة واني مدنگة
وبيدي كتاب الأسلامية ادرس لأمتحان باجر
ودخلت للبيت قبل لا أسد الباب رفعت ايدي
لوحتلة بيباي
ابتسملي ودزلي بوسة هوائية
رأسا طبگت الباب
دخلت جوة جانت رندة موجودة ابتسمتلي:-ها شلونج ملاك
ملاك:-هلو رندة الحمدلله
وردة:-ملاااااااااك
ملاك:-اويلي بصوتج اليطرم
وردة:-اكو احلى من صووووتي تعااالي منو وصلج اخوووي مووو؟
ملاك:-اي انتِ مو عندج دوام اليوم؟
وردة:-اي ضهري
ملاك:-الساعة بـ 12؟
وردة:-وترديني اداوم واليوم عقد اخوووي لاااا بالله طبي جوة البيت بيتج
ضحكت ودخلت بوست امي وخواتي
ونجلاء گالبة الگصة
جانو جايبين الغراض وهوسة بالصالة
صعدت بدلت واكلت شوية لأن همه متغدين قبلي
الأجواء اجواء فرح
والأجواء هاي تخصني الي
ساعة ابتسم وساعة اصفن
واعزل ويا البنات
رندة اجت بالخصوص حتى تزييين
لأن هي بالأساس مهندسة تصميم وديكورات
فـ حلو شغلها
وهم حتى تمكيجني وترتبني
نمت الساعة بـ2 وگعدت بـ5 وميتة تعب
سحلتني امي سحل من الفراش:-مااابية حيييل مااابية عوووفوووني
ابجي واحجي ومالي خلك و وردة تسحول بية
هية وأمي:-ولج شنيي نعوووفج غيرر العقد اليوووم ولجج ملااااااك
سحبتني وردة وگعت بالگاع واني ابجي
مدري عليمن بس أبجي وافرفح
دخلتني أمي للحمام وعاطت بية:-يلا بلا ولج يمة اليوم العقد شوية ويجون العالم خالاتج كلهن جوة شوو يلا خلي اسبحج
ملاك:-مو زعطوطة اني وخري عني
أيمان:-ترة اصفگج راشديات
باوعتلها بتك عين وهيه غسلتلي
وجنت قبل يوم منضفة جسمي
ماخليت احد يتدنالي
بس أمي
لبست ولفيت روحي بالمنشفة الجبيرة
ودخلت ركض للغرفة لبست تراك عادي
واخذت الثياب ونزلت هلهلن خالاتي بصوت عالي
ابتسمت
وسلمت عليهن وحدة وحدة وأم كمال
بيناتهن دنگت بستها مابادلتني
بست راسها همست من ورا خشمها:-الف مبروك
حجيت بأستغراب:-الله يبارك بيج
سحلتني رندة للغرفة مالت أمي
مانتبهت لتصميم الصالة كلت من اطلع اشوفها
گعدت ؏ الكرسي فتحت شعري الي واصل
اسفل مؤخرتي
صوفرت وردة مثل الولد:-يُمة يجننننننن شعرج صاير
جان ينگط مي وما مشطت نشفتة الي
بالشسوار ورندة تجهز بشرتي للمكياج
ملك و وردة يسحبن
ورندة تمكيج وكل ساعة عاطت بيهن لأن يجرن
راسي حيل ويخرب المكياج
رندة:-ولج هيلگياااات اني اعلمج وررردة اوكفيلي اريد اشوف منو يمكجلج اخ بطني
بطنها واصلة لخشمها لأن حامل
وگوة تتنفس تعيط بيهن وتختنك
اجت امي سوتلي تسريحة بسيطة وكلهن حاطات اديهن
فتحت عيوني
كُلشي متناسق المكياج فد حلوووو ومتناسق ويا عمࢪي
والتسريحة هادئة من ادين ماماتي
ابتعدت عن المرايا والبنات گعدن يعدلن بنفسهن
باوعت للساعة بـ7
بعد ساعة خفت حيل
شعور الخوف اتملكني بهاي اللحظة فعلاً حسيت روحي عروس
اذن الأذان صليت لأن متوضية قبل المكياج
سجدت بهدوء ؏ تربة وتوسلت برب العالمين يشوفلي الخير ويمشيني ؏ درب الفرح...
بس للقدر رأيي آخر...
ب7 ونص لبست القفطان الأبيض الي مزين بخطوط ذهبي وهو لبس كل عروس بيوم العقد
مفصل جسمي النحيف ومرتبني
مانتبهتلة اول ما شتريته بس جان كُلش حلو
اكتافة نازلة ومن الأكتاف نازلات للگاع ويا طول الفستان
وفتحتات من الجهتين مبينتات رجلية
وكعب عالي حتى يخليني طويلة
وطول شعري البقة نفسة
ومكياجي المخليني بريئة
وتزيين رندة للمكان مخلي المكان احلى وأحلى
امي ودمعاتها
خواتي وضحكاتهن وفرحههن
رندة و وردة
وخالاتي وكل شخص يحبني فرحان
عدى خالتي ام كمال وجهه مايگصة الطبر
وباقية بعبايتها ولابسة اسود
ماهتميت خاصةً
بعد ما طلعت من جو الكآبة للفرح
گعدت بصف الباب
ايدي ؏ قُرآن ؏ "سورة الفتح"
رجلية بالماي
بين ادية حبات الهيل
وبحلگي الشكر
ودموعي يردن يوگعن من الفرحة
قبل أيام حزي
