رواية لأني عاقر الفصل السادس بقلم مريم خفاجة
ارتفعت الهلاهل وتناثر الجكليت
و وياهن اصوات الفرح
العج بالمكان
وأضافة لدموع الفرح...
جسمي يرجف واني انطقها
وهو من وصلة الدور صفن هواي
يلا گالها
هالكلمة هي التحدد المصير
اني جنت اشوف الحفلات والأعراس
بس مجنت حاسة بيهن
اليوم احساسي يختلف
احساس عروس
احساس نربطت روحك بروح شخص
اسمك بأسم شخص
احساس يختلف كلش
احساس يخوف
بس بنفس الوقت حلو حيل
اتناسيت كلشي تعبي وحزني
وعقلي وگف لحظات يستوعب
دخل وصفن بملامحي
وگال:-اخاف ارمش ، واخاف التفت ، وأخاف تخطف عيوني وتروحين من بالي آنة حابج لدرجة حالياً اتنفس النفس التذبينه
جان الكُل منتبهه الكلامة
والكُل ساكت منتضرة يكمل
جر راسي وباسني بگصتي حيل
واتنفس بعمق واخذ ايدي وباسها
ورجع همس:-شحلاتج
وبعدها الهلاهل مستمرة وصوت گلبي
ينبض بصوت عاالي بحيث گالي:-من گد ما گلبج يدگ حسيتة طب بگلبي
ضحكنة ثنينه ونزلنة روسنة
حكيت انفي وانطته امي الذهب
اي قطعة يلبسنياها ييوس مكانها
لبسني التراجي وباس اذني
لبسني كلادتين وباس رگبتي مرتين
ولبسني السوار وباس معصم أيد
ولبسني الحلقة وباس ايد
رفع راسه عليهم وصاح:-ماكو شي بعد ينلبس بالحلك؟؟؟
غطيت حلگي بيدي ومتت ضحك
وكلها ضحكت
لبستني ماما سوار وانصدمت منها رفعت
راسي عليها وعيوني مدمعة
اخذت ايدها وبستها
وگمت حضنتها وبجيت
اعرف ماعدها ويمكن هذا دبرتة تدبير في سبيل تفرحني
گعدت واني اباوع للسوار شگد حلو
همس بأذني كمال:-باوعيلي كد ما تباوعين للسوار
ملاك:-عزة شبيك كمال
كمال:-يابعد روح كمال
ضليت دايرة وجهي وضامة شفتي واضحك
بهدوء:-الحمرة راحت من گد ما ضحكت كافي والله عيب
كمال:-ولج والله احبج
ملاك:-اي تمام بس اسكت باوع العالم تباوعلنة
كمال:-ختباوع مايهمني
شوية وهم اجت أمه
بوست ابنها وحضنها هو حيل
كمت ألها بوستها وبست راسها وايدها
حطيت بأيدي تخم ابتسمتلها:-شُكراً خاله
ابتسمتلي:-متهنايين
سحبتها وردة وركصتها ابتسمت
همزين فكت شوية ضلت تهوس بعباتها
وردة وملك
ذبن لحم
رگص بخبال
مو رگص مال واحد عاقل يطفرن ويصيحن
خبصن الأمة خبص
قبل لا يطلع همس بأذني:-لاتبدلين ولاتمسحين مكياجج بعدين ارجعلج يا بعد روح وگلب كمال
وباسني بخدي وراح
وأمي مبتسمة تباوعلي
لزگت بصفي وردة وگالتلي:-شجنتوا تسوون؟ عليمن تضحكون سولفيلي حبابة
ملاك:-ياااا
وردة:-والله عندي فضول اموت ؏ هاي السوالف حبابة
ملاك:-عادي سوالف عادية
وردة:-اروح لأخوي وأگلة انتِ ماحصل منج شي
ضحكت وهي راح ترگص
شوية ودخلوا خوالي وجدو وأبوية وعمامي
سلمو علية وباركولي وطلعوا
لليل وكلها راحت بعد ما تعشوا وخلصوا
وراحوا ملك و وردة وريم نضفن البيت
وعود بنات نجلاء ساعدن هيج ؏ ماشي
وامي وياهن صعدت فوك الكعب موتني نزعت وردت
انزع ملابسي اجت وردة تركض:-لاتنززززعين اخووووية يريييدج عينيييي
ملاك:-هسة اجي بس لاتصيحين ابوس ايدج
ضحكت وراحت نزلت
وراها فركت ايدي ودخلت للأستقبال
جانت امي گاعدة تسولف وياه عافتنة وطلعت
گعدت ؏ التخم المقابيلة مدنگة راسي
واعدل بفستاني
اجة گعد بصفي لزك واخذ ايدي
باسها وحطها ؏ گلبة:-عود صدك يعني؟
باوعتلة عاگدة حاجبي:-شنو؟
كمال:-عود يعني هسه صرتي مرتي؟؟
وأكدر ابوسج والزمج واباوعلج واشمج ومحد يحاجيني؟
ملاك:-شنو تبوسني متستحي انتَ؟
تجاهل كلامي وكمل كلامة:-عود يعني انتضر منا لسنتين؟ لا عيني الأسبوع الجاي عرسنة
انتفضت وگمت عنه بسرعة:-لاااااا بالللله؟
جرني من ايدي ورجع گعدني يمة:-جذب اشاقيج بس والله ماتحمل
ملاك:-اتحمل
كمال:-انتِ شنو من جمال؟ اني شلون متحمل وگاعد وما آكلج
ضحكت بخجل ودنگت راسي ورفعته
علي:-مو لهل درجة
كمال:-احبج ولج احبج احبببببببببج
ملاك:-لاتصيح اسكت
كمال:-لا ما اسكت ، تعالي أكلج اليوم انتبهت ؏ كيكة تدرين شلگيت
ملاك:-شنووو لا بس شي يلعب النفس؟؟
كمال:-لا ولج شي يفتح النفس
اسمج بصف اسمي
وثنينهن نفس الحروف
لا حرف ناقص ولا حرف زايد
اربعة بأربعة ونفس الحروف بضبط
كمال ملاك
وضحك متحمس
اخذتلي صفنة افكر بكلامة وفعلاً طلعن
نفس الحروف:-اي صح ممنتبهه
كمال:-باعي لعد شلون الله رايدنة سوة لدرجة حتى حروفنه نفس الشي
ملاك:-اممم حلو طلعت تنتبهه ؏ هيج شغلات
دفعني بخفة وگعت ؏ قنفة
وصار فوگي وايدناتة منا ومنا
گلبي رجف وشفايفي وكفت وهمس بصوت
ناصي:-كلشي يخصج منتبهلة ومدقق بي
حتى شاماتج الناعمات ذني
خله أيدة ؏ زندي ونزل باسها ورجع بنفس
النبرة گال:-مدقق بيها وكل ما اغمض واحسبج شبر شبر يمرن ببالي هنه هم
من يوم عرس رندة واني متخبل
تعبت نفسياً من گد ما افكر بيج
شكد شايف بنات بالجامعة
نزل نفسة اكثر علية وگال:-بس ما شايف مثلج ملاڪي
ملاك:-وخر
حطيت ايدي ؏ صدرة اريد ادفعة ماگدر:-كمال شبيك صفنت لا احد يجي وخر
وبنفس اللحضة انفتح الباب بقوة ودخلن وردة وملك وبيدهن المكناسات
خذنلهن صفنة شوية وطگنها ركضة
واني دفعتة حييل
واني اتنفس بقوة ضليت اهفي ؏ وجهي من الفشلة:-عزززة شافنة گتلك وخرر
ضربتة بجتفة وهو ضحك:-عادي عادي
ملاك:-شنووة العاادي متگولي يلا گوم روح والله بعد ما أجي يمك
كمال:-اني اجي يمج حبي قابل انتضرج
ملاك:-شلون بلا؟
كمال:-يعني اذا اجيت ومانزلتي اصعد اسحلج وانزل عادي مابيها شي
ملاك:-لا والله؟ واذا جنت نايمة؟
كمال:-انام بصفج
ملاك:-واذا جنت اسبح؟
كمال:-اطب اسبح وياج
ضربتة بجتفة:-ولكككك كممممال گوووم اطلللع گووم مثللل اختك انتَ بالضبط أكول وردة عليمن طالعة
ضحك وگام وجرني ويا باسني بگصتي:-محتاجة شي؟
ابتسمت:-لا
اشر ؏ شفتي:-عادي ابوسج هنا؟
هزيت راسي بـ لا وابتعدت عنه ضحك
وراح وراحو هو وردة
صعدت ملك جانت نايمة ومصعدة رجليها
وجاسر ؏ ايدها نايم وياكلون جبس
وريم معزولة وحدها
ملك:-ها ملاك راح تذبينة وراح ضهرج نوب كلة ويا كمال
انتفض جاسر وگال:-لااا والله غير اكتلها واكتلة
ملاك:-شنو السالفة بابا عليمن تكتلوني وتكتلو ماكو شي اني يمكم وبعد هواي يلا اتزوج
ضلو يباوعولي زعلانين ردت اغير
الجو گلت:-خلولي جبس وياكم والله اذا ماخليتو اتزوج باجر
كلهم صاحو لا لا راح نخليلج
ضحكت واخذت ملابس ودخلت للحمام
وخرت الطشت وفتحت الدش
وگعدت جواه مبتسمة
زعلانة وفرحانة
ماريد اعوف اهلي
واحس كمال لطيف وياية حيل
فرحت من حسيتة يحبني
اول مرة احس بهذا الأحساس
اول مرة احس احد يحبني بعد أمي
ومتعلق بية هواي
من بعد اخواني
اول مرة واحد يتغزل بية هواي
غير أمي من تتغزل بعيوني لو شعري
شعور واحد يحبك فعلاً حلو
بس مرات الحب هو نقمة ؏ بشر
.......؟
غمضت عيوني واني نايمة ؏ جربايتي
والمي ينگط من شعري وبرودة المي
بعدها بجسمي
نمت مبتسمة والأحلام متخربطة
وكل حلم احلم بي
بي "كمال"
گعدت الفجرية ؏ صوت الأذان گمت
صليت وگعدت اقرة لحد الدوام
داومت امتحنت ورجعت
احمد الله واشكرة من وردة مو وياي
جان فضحتني فضيحة همزين هية بالمتوسطة
بمرور الأيام
كمال كل فترة يجي يزورنة
يجيني بالأخص يبقة يشاقيني ويضحكني
مرات يگعد يدرسني بس يلزم الكتاب واني ادرخ
متجاوز وياي ابد
وكل ما يجي يصيح
ولجججج احبججججج
بصوت عالي واني اضحك
لحد الآن مگتلة احبك
وهو منتضر اللحظة الأحبة بيها ، تعلقت بي هواي
يوم يوم انتضر علمود يجي
وماعرف هذا الشعور شنو
بيوم جنت أسبح دگت علية
الباب أمي كالت:-يمة رجلج هنا استعجلي
كتلها ماشي وراحت غسلت
؏ سريع وبدلت ملابسي بالحمام وطلعت انشف
بشعري اول مافتحت باب الغرفة
لگيتة گبالي ابتسم ابتسامة عريضة وگال:-هلاااااو
طريقة القائة لكلمة هلاو تموت ضحك
ابتسمتلة خجلانة واني حاطة المنشفة ؏ شعري
كمال:-تعاي تعاي
تقدمت بهدوء جرني من أيدي و
خلاني بحضنة
ملاك:-اويلي ؏ سوالفك ماتبطل
كمال:-شلون ابطل وانتي گبالي يملعونة
حجاها وحط راسة بشعري شمة حيييل
واني مغمضة عيوني احس بي
يتحسس بشرتي بأيدة
كمال:-شلون بيه ملاڪي؟
حجيت بخفوت:-شنو؟
كمال:-ماتحمل اريدج يمي وبصفي وكل وقت اصفن بيج
ملاك:-اريد ادرس
وخر راسة عن شعري وقطرات المي
الي بشعري صارت بوجهه
مسحتهن واني ابتسم ؏ شكلة
كمال:-اخليج تدرسين والله
ملاك:-تؤ انتم وعدوتني اخلص دراسة واتزوج بعدني ما جاهزة للزواج كمال فدوة
كمال:-وشلون اني بيه؟
رفعت متوني وضحكت:-دبر روحك والله
كمال:-احلفي ما مسويتلي سحر؟
ملاك:-لا مسويتلك خليتلك بالعصير بيوم العقد ههههههه
كمال:-وگبل العقد شني؟
ملاك:-قبل العقد انتَ مسحور من وحدك اني مالي علاقة
ضحك ضحكة قوية وعضني بحنجي
كمال:-الله ياخذج شگيتيني شگ
ضحكت واني امسح بحنچي رجع باسة:-أذيتج؟
ملاك:-لا
كمال:-ملاك تحبيني؟
سؤالة يحير
اضحك
واشاقي
واسولف وياه
واشتاقلة
وافكر بي
بس ولا يوم فكرت بالحب؟
ولا گلت أحبة؟
حتى بيني وبين نفسي
رفعت متوني وگلت:-ما أدري
كمال:-حتى لو ما تحبيني
تحبيني غصباً ما عليج
ضحكت:-گوة يعني؟
قرب وجهه من وجهي وهمس:-اي گوة
وتقرب بهدوء غمضت عيوني
دفعتة من صدرة ونزلت من حضنة
خجلانة واني امسح شفتي
اول مرة يسويها گمت للمرايا واخذت المشط
وصرت اسحب بشعري بهدوء
جمرت خدودي من الخجل
گام جرني من ايدي واخذ المشط
گعدت بالگاع وهو ؏ جرباية
يمشط بشعري
كمال:-ملاڪي
ملاك:-ها
كمال:-اذا اجتنه بنية شنو نسميها؟
عگدت حاجبي:-هو احنة تزوجنة حتى تجينة بنية؟
كمال:-احب عقلي من يسافر لبعييد
وشرط كون يسافر وياج
واغوص بأحلامي وياج
وأوصل لحد آخر نقطة بيناتنة وهو الموت يلا انام
هسه كليلي شتحبين نسميها؟
ملاك:-ليش بنية خو ولد؟
كمال:-هسه دجاوبي ؏ البنية اول
ملاك:-ما ادري بكيفك شتگول؟
نسميها شمس
كمال:-حلو
ملاك:-شنو الي ببالك
كمال:-نسميها ملاك ؏ اسمج
ملاك:-ههههاي لا بالله؟
كمال:-اي والله اريد اجيب سبع بنات واسميهن بأسمج
ملاك:-انتَ تجيب؟
كفخني بالمشط صحت:-اوووي
كمال:-ادبسز صايرة شووو؟
ضحكت بصوت عالي:-من عاشر قوماً....
قاطعني:-دنجبي حتى ماصارلنة اربعين يوم لاتذبيها براسي
ملاك:-معاشرة اختك
كمال:-ههههههه طايحة حظ والزهرة
ضحكت ؏ ضحكتة وگتلة:-واذا ولد شنسمي؟
كمال:-؏ اسم ابوي
ملاك:-أحمد؟
كمال:-اي عاجبج؟
ملاك:-اي
سكتت وهو ينزل بشعري واني مبتسمة
واتخيل نفسي بنص اطفالي وبحضنة...
والحلم يبقة حلم...
خلص وكعدنه سولفنة هوواي وراح
نزلت لأمي سولفت شوية وياها وگضة اليوم مثل باقي الأيام المتشابهه وتعلقي بحياتي الجديدة يزيد ماينقص..
بيوم
نزلت من الدرج نعسانة ومابية حيل
دخلت للمطبخ بعدني بالباب
صاحت نجلاء:-يلاااا تعاي غسلي الأماعين
ملاك:-مو خدامة اني عندي الخلفوج انتِ غسليهن اديج مكسرة
وكملت دخولي للمطبخ
وانصدم بوحود ابوية بجهه الطباخ المعزول
فاتح عيونة من كلامي وخازرني
صوت انفاسي گمت اسمعها
اعضائي الداخلية وهي تتحرك من الخوف سمعتها
همست:-آسفة
ماحس بالراشدي منين اجاني
لزمني من شعري ويعت بي:-ولج تغلطيييين عليهاااا خدادييييم عدهاااا وغصباااا ؏ رووووسجن گ.......
ملاك:-اي والله ايي
جرني حيلل للطباخ وقرب وجهي للنار احس
خدي احترك حرگ
واني اصيح بصووت عالي امي ما موجودة تودي
ريم للمدرسة والباقيين كذلك بالدوام
بس اني الأواجهه المجرم
دفعتة عني
واني اصرخ من الوجع
كمم حلگي بأيدة وعيونة نطن من كد ما
خزرني:-اششششش لاتبجيييييين دممممعةة اذا شفت اموووتج..... وووووولج لااااااتبجييييين
سكتت واني اناشغ
واهز براسي بـ اي
ودموعي تنزل رجع صفگني راشدي
؏ الخد اللي تجويت بي
عطت بوجع بصوت عالي وغطيت حلگي
رحع لزم شعري و وگفني گبال السنك
وهمس بأذني:-اذا سمعت لو شفت دمعة نازلة من عينج النار بعدها مفتوحة واحرگج بيها
جان ناسي اني مرت منو؟
والمن صرت؟
ويتصرف بحرية هزيت راسي
وهو يشمر الأماعين ؏ سنك والاكل يتطشر
بالسنگي واني المة وبداخلي
صياح يمكن يفطر الحجر من گد الألم
والحريك الصار بخدي
اغسل واسمع صوت بوساتهم المُقززة
وكلامهم المقرف
طلعت شهگة فالتة مني
ماحس اله ونبتت الجداحة بضهري وصاح:-حسسسج
سكتت واني اتلوة كملت غسل الأماعين
واخاف ادور وجهي واشوفهم
وبداخلي استغفر
درت وجهي واني مدنگة اريد اطلع
قبل لا اطلع دفرني برجلة وگعت بالگاع ؏ خشمي
والدم جرة مني
صرت اصيح من الألم ركضت لفوك وقفلت الباب
صيحت لمن الله گالي بس وخشمي ينزف
وخدي صار لونة يخوف
اندك الباب اكثر من مرة
واجاني صوت الحنان كلة
أيمان:-ولج ملااااك فتحي الباب فتحي
يمة بتي
فتحت وشهگت من شافتني واني عطت
وحضنتها خذتني للحمام
وغسلت وجهي وهي تصيح وتدعي ؏ ابوية
گعدتني واني اصيح بعلو صوتي
من الأذية
حطتلي مرهم وهي تهدي بية:-يمة هسه يهود الألم بس اصبري الله لا يوفقك بجاه كلمن عنده جاه بجاه الحسين ابن علي كون كل دمعة من بتك تحركك بنار جهنم
ملاك:-ولج يمممممه راااااح امووووت
ايمان:-اسم الله على روحج يابعد روحي والله هسه يخف الألم
گمت اشوف الموت بعيني
واني بحضن امي
خلتني ؏ الجرباية وراحت كالت هسه اجيج
حطيت راسي ؏ خدي ماگدرت
درت للجهة الثانية يلا گدرت انام
نمت والنومة نومة للعصر فزيت ؏ صوت ريم
ريم:-ملاك گومي كمال جوة
ملاك:-گليلة نايمة
ريم:-گتلة گالي گعديها
ملاك:-امي وين؟
ريم:-خالتي وجدان رادتها وراحت گومي نزلي
ملاك:-ما أنزل لج باعي خدي
ريم:-راح اگلة راسها يوجعها ونايمة
هزيت راسي وهي راحت حطيت ايدي
؏ خدي رأسا انغزت وخرتها بسرعة
ورجعت راسي حسيت بخطوات ؏ درج
وريم وصوتها يگول:-والله مريضة متقبل واحد يجيها
سمعت صوتة گال:-لا لا مالج علاقة هسه تطيب من تشوفني روحي بابا
اختفى صوت ريم وطرق الباب اكثر من مرة
رجف گلبي اذا شافني شيسوي
بقيت ملفلفة روحي وغطيت خدي وخشمي
بالمخدة
نرفع الغطة وحسيت صار بصفي
وانفاسة ؏ متني
واطراف ايدة لامست خصري
صار گلبي يدگ حيل
وجسمي يرجف همسلي:-ملاڪي
ملاك:-همممم
كمال:-شبيج شو باوعيلي
ملاك:-مابية شي راسي اذا ارفعة يضل يوجعني
كمال:-هاي لأن اني ما اجيتج كم يوم راسج كام يوجعج
حجااها وضحك
وسحب راسي بأيدة بقوة ماجنت متوقعه
راح يجر راسي سواها بسرعة
لدرجة اختفت ضحكاتة بسرعة وتحولت نضراته للقلق همس بحدة وهو گاز ؏ سنونه:-منو مسوي بيج هيج؟
ملاك:-وگعت
كمال:-شلون وكعتي؟
ملاك:-اقصد انجويت
كمال:-شلون انجويتي؟
ملاك:-بالطباخ
كمال:-شلون يعني بالطباخ؟
سكتت:-أبوج مو
باوعتلة ودموعي بعيني ضميت راسي
بصدرة وبجيت هووواي
وهو بقة يمسح ؏ شعري ويبوسني
همس بأذني:-شلون صرتي هسه؟
مسحت عيوني و وخرت راسي عنه
ملاك:-زينة بس لا تسوي شي لأبوية فدوة
هز راسة وملامحة ماتطمن
رفع راسة وباسني بخدي وابتسم:-حتى وأنتِ مزورگة حلوة ماكو هيج جمال عمي
ابتسمت وضل يمي وهدأني وراح
شوية وصعدتلي ريم انطتني علاگة مال علاجات وأدوية وگالت:-من كمال
ابتسمت
واني اباوعلهن واتحسس حنانة بالأدوية
احسه جايبهن بكل حب
نزلت وباوعت البيت فارغ
ضحكت نجلاء بشماتة وگالت:-هذا مصير اليندك وياي
ملاك:-وخري عن خلقتي
عفتها ورحت واني لازمة خدي
دورت بالبيت محد بس ريم
ملاك:-وينهم؟
ريم:-امي گتلج عد خالتي وملك وياها وأبوية بالمحل
ملاك:-وجاسر؟
ريم:-راح ويا أمي وملك، ليش سوة بيج هيج ابوية
لويت حلگي واجيت كعدت يمها
ملاك:-لأن حجيت ؏ آنسة سندريلا
ريم:-مو گالتلج امي لاتندگين وياهم بعد ختولي
ملاك:-والله اشگها شگ مو شايفتنه خدم عدها وتتآمر
ريم:-جا شحال أمي؟
سكتت وبداخلي النار وجت
صدك شحال أمي وهي تتأمر عليها؟
ضليت اباوع وياها ؏ تلفيزون
ريم:-شگلتي لكمال؟
ملاك:-هو عرف بدون ماگلة
ريم:-باعي الفضيحة شلونها لو ساكتة يملاك
ملاك:-لشوكت نضل ساكتين؟؟
ريم:-هو انتِ بعد سنة سنتين تتزوجين وتشردين عليمن بعد
ملاك:-حتى لو وانتوا تضلون خدم الها هالچلبة هاي
ريم:-نتحمل مثل ماتحملت امي كل هالسنين
لخاطرها بس
ملاك:-شايفة لو يوگع بأيدي؟
ادرس واتعين واشتغل واخذ راتب واخلي امي تتطلك ونعيش اربعتنة سوة قابل شمحصلين من ابونة احنه
ريم:-منو يخلينة ندرس انتي بس تخلصين دراسة تتزوجين واحنة اكيييد يمشينة ابونه ؏ خطواتج قابل يگعد يعيشنة
ملاك:-لا عيني ؏ اساس ملك تسكت والله تلعب لعب
رفعت متونها بـ"شمدريني"
وضلينة نباوع للتلفيزون لحد ما أجت امي
أيمان:-ها يبعد أمج شلون صرتي
ملاك:-احسن
أيمان:-هاي خالتج رحتلها ممتونة سويتلها متونها ورجعت خو ما أذاج بعد؟
ملاك:-لا چان كمال هنا
انخطف لونها ولونها بيا لون صار ما اعرف؟
ضلت صافنة وشفايفها صارن بيض
گعدت ؏ التخم
وهي ترجف:-شگلتيلة
ملاك:-گتلة انجويت بس ماصدگني وعرفة
عضت شفايفها بقلق وگالت:-شلون خاف تصير مشكله
ملاك:-لا گتلة ميسوي شي
همست:-بلكي
وضلت تحسب وتفكر لحد ما استغفرت وگامت
لليل وامي ضلت قلقانة وأبوية ما بين
ودينة جاسر يشوفة
أجة كال ما موجود بالمحل
ملاك:-يمة خاف ويا اصدقائة شو وين طالع
نجلاء:-اي جان گال ألي
باوعتلها بتك عين وبقينة گاعدين
نجلاء:-الله ياخذكم من تزوج لسة ممرتاح الله ليوفقج انتي وبناتج
سكتت امي واني خزرتها
وملك رزلتها رزالة غسل ولبس
عاد هي خذت بناتها وطبت لغرفتها
لـلـ 11 واجة
انصدمنة من منضرة وهو ساااكت مانطة ولا ردة فعل
خزرني وراح
واني اباوع لأيدة ملفوفة ومعلگها برگبتة
وخدة ازرررك مثل لون خدي واغمق بعد
وشفتة بيضة
ركضت علي أمي دفعها دومها مخلية نفسها بهالموقف
طلعت نجلاء لطمت ؏صدرها:-يممممة شبيييك حبيبي منو سوة بيك هيييج كسرر بأيددة
حجة بصوت مبحوح:-جيبلي ماي
نجلاء:-گومي يمة جيلان جيبي لأبوج ماي سودة بوجهي احجييي منو سوالك هيج گول
علاء:-كمال الكلب ابن الكلب
احنة مسطرين گبالهم اربعتنة
باوعلي وخزرني رفعت متوني وگتلة:-ما أدري ترة هو اجة وشافني وعرفك أنتَ ماگتلة اني
علاء:-يصير خير يصير خير
هو ويهز براسة طب للغرفة وطبگ الباب
حيل
رفعت حاجبي لنجلاء:-هذا مصير اليندك وياي
تفلت علية وراحت اخلاق سز
صعدت فوك ضليت يم خواتي ونمت..
من يومها وأبوية ما وصلي
ولا تدنة يمي
ولا حتى يحجي وياي وكمال ثاني يوم اجاني
وماگال شي بس گتلة ليش سويت هيج؟
مجرد ابتسم وتجاهل الگلتة
مرت الأيام
ودخلت سادس
شگد حاولت اعيد السنة حتى بس التهي بدراستي
احب الدراسة هواي
احب الزي المدرسي
احب الكتب
احب صديقات المدرسة بالأخص
احب بداية السنة من ابديها بحماس
واحب نهاية السنة من انهيها بتعب
بعدين اتذكر التعب وابتسم
بس مگدرت اعيد السنة
لأن بكل الأحوال متزوجة أول
وتالي...
ومرت سنة دراسية أخرى مرور الكرام
كأنما المدرسة كرهتني؟
لدرجة السنة خلصت بساع بساع حتى ما لحگت اتهنى خلصناها عطل
وبفترة المراجعة هلكت هلاااك مگدرت اتنفس حتى
جان كمال كذلك السنة الأخيرة اله بالجامعة
وبعدها يروح تدريب واشياء تخص الشرطة
يمرني بين فترة وفترة
ويسأل علية
ويحبني هواي ومبين حبة بعيونة
أول يوم الأمتحان...
تأخر كمال هواي علية
گلت اتمشى بين ما يجي
تمشيت واني مدنگة ؏ كتاب
صار هورن گبالي هي نزة وبنفس الوقت
شمرت الكتاب لبعيد وحطيت ايدي ؏ گلبي
واتنفس بسرعة:-يمة گلبي
_الله الله
ملاك:-كمال موتتني اكو واحد يدك الهورن هيج
كمال:-تعاي شو ؏ كيفج
لزمني من أيدي ودخلني للسيارة وجابلي الكتاب
وبيدة بطلي المي غسلي وجهي وهو يسمي
بسم الله
لأن الخرعة موتتني
كمال:-يلا بلا هسه لو ميتة وين اطي وجهي اني
ملاك:-انت من وراك دگيت الهورن بصوت عالي
كمال:-لا بالله هو صوتة هيج
ملاك:-شكو تدكدك
كمال:-غير فرعكم هيج (وأشر بأدية يعني زغير)
شلون ادخل السيارة وانتِ شطلعج مو اگلج من
ادگلج اطلعي
ملاك:-مدريني عبالي تتأخر
الكتاب انشك صدُك تحجي
كمال:-هسة اكبسة باع جسمي شلون خلتة يرجف بت اللذينَ
وشال أيدة مثل البوكسي يريد يضربني
ضحكت وبعدت نفسي
سد الباب واندار وصعد بمكانة
كمال:-شلونج؟
ملاك:-هو انتَ خليت بية لون
كمال:-طايحة حظ
ملاك:-زينة زينة من شفتك
كمال:-كلش زينة همزين ردتي تموتيلي
ضميت شفايفي وضحكت:-شلونها الإسلامية؟
ملاك:-سهلة بس الأحكام اخربط بيهن
كمال:-عمري وحياتي كلها ماحبيت الأسلامية
ملاك:-ليش؟
كمال:-هاي من الله دوم ارسب بيها
انجح بالمواد كلها اله الأسلامية
ملاك:-ليش بالعكس سهلة احبها بس الأحكام يدوخن
كمال:-هو لأن سهلة ما اقراها اتهاون بيها ومن اجي بالأمتحان اضل اجيب منا واحط منا خوب الآيات اخبط سورة الرحمـٰن بسورة الملك بسورة الفاتحة وانهيهن بسورة التوحيد
ملاك:- حرام واحد هيج يكتب بالآيات تدري حتى لو حرف واحد ناقص بالسورة حرام؟
كمال:-شمدريني اجيب وأحط
ملاك:-هو انتَ كلة شمدريك
ضحك وگال:-حتى من خطبتج هيج مادري اجيت وكلت لجدي اريدها
ملاك:-يعني جنت ناسيني؟ مو بالك؟
كمال:-لا جذب بس لاتنكدين من الصبح
ملاك:-اصبرلي خلي ارجع من الامتحان
ضحكنة وكملنة الطريق نزلنة گبال
مكتب كبسلي الكتاب
وصعد وقبل لا انزل للمدرسة شربني
مي زمزم من خالتي
الي ماشفتها طول هالسنة غير مرتين
نزلت واني ادعي من الله كون اجاوب
وزعونه ؏ قاعات
واني كلبي يدك
انطونة الأوراق
وزادت دگات گلبي قريت الفاتحة 3 مرات ونفخت ؏ دفتر
وكتبت ؏ دفتر بأصعبي السبابة
"اللهم يا من وعد الصـٰبرين المخرج ممن يكرهون والرزق من حيث لا يعلمون اللهم اجعلنا من اللذين لا خوف عليهم ولا هم يحزنون اللهم صلّ على محمد وآل محمد"
هذا الدعاء مجربتة
شكد يجنن لدرجة من اكتبة ارتاح نفسياً
وكأنما الدعاء يحسسني انو رب العالمين وياي
وراح اجاوب واني متأملة انو ربي مايضيع تعبي
وفعلاً رغم الأحكام مو كلش حفضتهن
بس جاوبت الحافضتة
والمحافضتة اني مقصرة بي فـ عليمن انقهر علي؟
وجاوبت واني مطمئنة
وطلعت اشتريت من الحانوت
جبس ونستلة واخذت بطل مي
اجتي صديقتي تركضلي:-ولج هذا جوابة شنوووو
جاوبتها وهي تگول:-يا ياااا ولج جاوبت غير هذا ولج صخام بوووجهييي امي هسه تدگني بالنعال يااااااا
ملاك:-ليش ولج سهل ترة
بنين:-ولج ادري بي سهل ادرررررري
وأمي قبل لا اطلع ردتليا هيج واني جاوبتها
شبية انسطر بالأمتحااااان شبية وهذا وهذا شنو جوابة؟؟
رديتة الها وهي صاحت
لدرجة كل البنات التفتن الها:-ولججججج لااااااااا لاااااا ياللللله كتبتة ولج والله كتتتتتبتتتتة بس مسحتتتتته وتركتة وجاوبت هذا كلة غلط الله ياخذني الله ينتقم منج يعمتي
ضحكت واني اكل بالجبس:-هسه عمتج شجابها بالنص
بنين:-ولج امووووت منها وهيه تموت من أمي ولج هنه حاسداتني بنات الكلب فاكات عيونهن علينه يگول عدنة كنز ولج هسه شلون شگل لأمي گليلي الجواب حتى أكللها وماتطيح حضي
مديت راسي وياها بالأسئلة
وهي تگلي هذا شنو واني اجاوبها
والشي التاركتة تروح تسأل الشاطرات
وترجعلي واني اضحك:-اي اضحكي اضحكي علية طايحة الحظ الأسئلة ماشية بيها گول بت علاء طبعاً عندج كمووووووولي يشجعج بنطيج جرع
صميت حلگها بيدي:-ولج صممممي حلگج مال السل براسج الله ياخذج صارلي ساعة اجاوبج حتى متنكتلين
بنين:-انجبي هسه شكل لأمي
ملاك:-شمدريني
بنين:-ما اريد اجذب عليها خطية انوب يگوم علية تأنيب الضمير بالليل مالي خلك خلي امسح الله ياخذني
وگعدت بالگاع بالتربان وبالوصخ وگعدت تمسح
حتى متجذب ؏ امها
لعد شگد احنة نضيفين؟
طلعت بالباب ولكيت كمال واگف ومايل
راسة للجهه اليمنى
ويركز بالمارة
ابتسمت وهو باوعلي وابتسم وعدل راسة
ملاك:-يلا ولي
بنين:-ايييي شافت كمالها بعد متريد بنينو
ملاك:-دولي شتفيدني بنينو
بنين:-والله اخوي جان كاتل روحة عليج
ملاك:-اي خطية ههههه جان يركض وراي
بنين:-كسرتي قلبه ايتها الحيوانة
ملاك:-ها بعدنة ما وصلنة لأمتحان العربي
ضحكنة واشرتلي باي واني دنگت
ومشيتلة فتحلي الباب واشرلي ادخل:-ادخلي آنستي
دخلت وسد الباب واندار لجهته
كمال:-ها أبوية شلونج بالأمتحان؟
ملاك:-زينة الحمدلله
كمال:-ماشي حتى لو زينة لاتگولين لأحد
ملاك:-ليش؟
كمال:-حتى محد يحسدج
حجاها وضحك ضحكت وياه:-يعني بلا اذا گلت لأمي تحسدني يعني؟
كمال:-اي چا ليش لايحسد المال اله صاحبه
ملاك:-لاع ما أرتاح اله أكللها ونگعد نطلع الأجوبة جواب جواب يلا يفوخ گلبي اصلا مافتح الأجوبة اله وياها
كمال:-اي حتى تندگين زين
ملاك:-لا عاد اله امي لاتضربنة ولاتمد ايدها علينة
كمال:-ابوج معوض ياعيني
ضحكت وباوعت للطريق نزل اشترالي
ازبري يبرد گلبي
وگال هاي تعويض للخرعة مال الصبح
رجعت للبيت امي تلگتني بالشمس:-ها يمة گلبي نار، تعاي جبت الأسئلة من ام مازن ماگدر گلبي كام يلعب
ملاك:-ماما هو انتِ دومج گلبج يلعب تعالي يلا خلي نحل
گعدنة بالمطبخ بالگاع
واني بملابسي وحتى بعدني مانازعة الجواريب
ونحل جواب جواب مثل ماگلت لكمال
وهي تهمس:-يالله يالله
خلصت الأسئلة واجوبتي صح باستني من گصتي
وگالت:-يلا روحي غسلي اديج ورجليج جواريبج عوفيهن اني اغسلهن وملابسج ذبيهن بالسلة هسه راح احط الغسالة يلة أمي يلة حتى تنامين من وكت وتگعدين تقرين
هزيت راسي وبست ايديها
ما هان علية اذب جواريبي وهي تغسلهن
غسلتهن وياي وغسلت شالي
وذبيت ملابسي بالسلة وتوضيت
صليت صلاة الشكر ونمت
4 ساعات وكعدتني أمي تغديت وصليت وگعدت اقرة العربي....
وهيج مرت فترة الأمتحانات ؏ خير
وأمي منضمتلي جدول وتمشيني علي
وتراجعلي وتراقبني كل ساعة ومن ارجع
اتراقب اجوبتي والأجابات الغلط تكفخني ؏ راسي تكول حتى تذكريهن شوكت اذكرهن؟ ما أدري؟
ملاك:-ماما
أيمان:-ها يمة
ملاك:-خالات كمال اجو لهنا وكمال گالي باجر تجين، تجين وياي؟
أيمان:-لا يمة مابية حيل تعبانة وعلي روحي انتي وحدج اني عرفة ولفة
ملاك:-ليش يمة عرفة ولفة غير أمي؟؟
ولازم تجين؟
أيمان:-روحي وحدج مالي خلك
ملاك:-ماشي
وثاني يوم
لبست وترتبت وتأنقت ؏ آخر حباية
ولبست عبايتي واخذت جاسر ورحت
بعدني ما داگة الباب انفتح وابتسملي كمال:-شميت ريحتج من اول ماطلعتي من باب أهلج
ملاك:-لاااا مو لهل درجة
وضحكنة ثنينة دخلت شگد قنع جاسر يبقة
ماقبل وجاسر يومية يگلي
اموت من كمال اطلگي منه عداوتة ويا
شنو ما أدري
ملاك:-عززة استحي
كمال:-خدودج صارن ورديات بلون قميصج
ملاك:-ههههه صدك والله
كمال:-وداعت خدودج
ملاك:-امممم يلا خلي ندخل عيب
كمال:-عطرج يسطر بت اللذينَ
ملاك:-امشي امشي
لزمني من ايدي ردت افلتها ماقبل
دخلت وهمست:-السلام عليكم
گامن خالاتة سبحان الله كلهن يتشابهن
نفس الطول ونفس الضخامة ودورة الوجهه
وكلشي يتشابهن بضبط
سلمت ؏ وحدة وحدة و أول وحدة سلمت
عليها بيبيتة جانت مرة جبيرة بالعمر
مُقعدة ؏ كرسي متحرك
وجهه بشوش ومبين كُبرها بتجاعيد وجهها
گعدت بصف وردة وگلبي يدك دك
مو طبيعي التوتر
ضليت افرك بيدي من الخجل
گامت وردة علمود الجاي طفرت وياها
ضحكن كلهن من توتري
وردة:-شنقضية ولج
ملاك:-استحي متدرين بية
وردة:-هممم
ملاك:-معبالي عندج ستة عبالي كم وحدة ثنين 3 مو ستة يبووو فشلة خو ما جفصت
وردة:-ولج اييييي يمة حمموووووت
من بستي خالتي زينة وگالتلج شنو هالجمال تگليلها زينة ههههههههههههه
ملاك:-جذذذذذابة عزززززة شگد فشللللة
وردة:-لا عادي يمعودة كلنة نجفص
يلا يلا هاج اخذي الجاي
ملاك:-هلوووو هسه أگلبة عليهن غير لا عيني
وردة:-الغسل طاحضج
عافتني وراحت واني بقيت گاعدة
بالمطبخ شوية واجاني
كمال:-ها حبيبي ليش گاعدة هنا؟
ملاك:-استحي اطب
وهو يمشي للبراد گال:-شدعواج عيني شدعواج
ضحكت:-والله استحي
كمال:-عمي ام البيت انتِ شني تستحين
ملاك:-باع ام البيت تَجفص تجِفص
ضحك وگرص خدي وباسني
ملاك:-لا يجي احد كمال
كمال:-گومي يلا گومي
اخذت نفس ودخلت وياه الأنضار تحولت علينة
گعدت بصفة
خالة كمال:-شوكت تتزوجون طولتوا هواي
نضراتة اتجهت الي وگالت:-غير جنة منتضرين الآنسة والآنسة هسه خلصت بلشت اني
خالة كمال2:-يا جا معناها السالفة مطولة ولك راح نفطس واحنة ما شايفيك عريس
كمال:-لا ان شاء الله هالفترة بس اخلص تدريبات والأمور حتى افرغ
ابتسمن وخالتي گلبت گصتها
وكلها انتبهت انو هيه ماراضية ؏ هالزواج
بيبيتة:-شهالجمال اللهم صل على محمد وال محمد
ام كمال:-هيه بس ملاك قابل حلوة عندج يمة انتِ حفيداتج يسدن عين الشمس بجمالهن
بيبيتة:-يااااع تسواهن وتسوة عشايرهن تنوعي بس عين وحدة منها تسواهن
كلهن صاحن شسااالفة
عاطت بيهن واني ابتسم بهدوء خجلانة
بيبيتة:-يهنيالج وعلي جنها البخت بجمالها تجيب التايه
كمال:-ماتشوفيها سحلتني
گرصتة بخصرة
ضحك، شوية وگمت من يمهن كفيت رداناتي
وكعدت ارتب واعزل ويا وردة
اجتي خالتي گعدت تسوي بالعشة
ساعدتها وهي تباوع لحركاتي وتنضيفي
واني اجلف جلف ماصدگت
أذن اذان المغرب گالت وردة روحي صلي
حتى اصلي وراج
طلعت برة ؏ مغسلة توضيت
دنگت ؏ رجلية رفعت نفسي باسني بخدي
ابتسمت:-اريد اصلي لاتخرب صلاتي
كمال:-امشي نصلي فوك
ملاك:-لاتسوي سوالف مال سياب؟
كمال:-طايحة حظ
دخلنة للمطبخ سوة
وهو حاط ايدة ؏ جتفي صعدنة لفوك تحت انضار الجميع وگف گبالي واني صليت وراه
خلصت صلاتي
وگمت وهو كمل اجة وراي
دفعني بخفة ؏ جربايتة صحت:-لا لاااا
حاوطني منا ومنا
وهو يباوعلي مصغر عيونة:-اييي شلونج شخبارج
ملاك:-استوك تذكرت؟ وخر وخر ماعرف سوالفك
وخر الخصلة عن رگبتي ونزل نفسة
اكثر ومشة اصبعة ؏ رگبتي
كزبر جلدي:-شوكت تصيرين الي
دفعته وگمت واحس الدم صعد لراسي من الخجل
ملاك:-لاتسوي هيج بعد والله استحي
شبگني من ورا وهو يحط
راسة ؏ جتفي وشواربة بززتني:-تؤ تؤ
واني احرك راسي ابعدة وهو لازك
كمال:-ولج احبج شلون بيج
دارني علي وهو حاط عينه بعيني:-شحلاتج يالزهرة
اندك الباب وانفتح دفعتة بسرعة وعدلت نفسي
جانت وحدة من بنات خالاتة
"زهراء":-ملاك وردة تريدج
وهي عينها بكمال
وكمال يباوع ممهتم
ملاك:-ماشي هسه انزل
زهراء:-اي لا تتأخرين
وهي تباوع لكمال!
تجاهلت
وهي طلعت واني لبست ونزلت
قريب دخولي للمطبخ ومو بقصدي اتصنت
لدرجة اني واكفة وراهن وما انتبهلي
وردة وزهراء
زهراء:-تدرين لو كامل زواجنة اني
وكمال جان هسه عدنة اكثر من طفل ويمكن داخلين مدرسة هسه بس آآخ
وذبت حسرة طويلة؟؟؟؟؟؟؟؟؟
