رواية لست غجرية الفصل السادس بقلم روز الحيدر
عضيت ايده بعدها عن حلكي بس بعده مقيدني
عرفت من عطره ابو النسوان
: عوووفني
باهر : اشش والله اعوفج بس اهدي وخلينا نحجي
: ولك تعرف الله! لاتحلف لاتحلف..
ارفع برجلي واكمز اريد يحررني منه ماكو اخرمش
أيده
باهر : اسمعي بس اسمعي اعوفج والله بس احجي
وياج
: مااا مااا عوفني
سحبني للسيارة بالكشن الخلفي دفعني بقوه وصعد
شفت نسر هو لي يسوق، هنا عقلي صار يتخيل اشياء
ماانزل الله بها من سلطان، كل جسمي صار يرجف
وشفافي صارت حجر،ماكد ابلع ريگي ابر صارت
بحلگي خلاص وردة نتهيتي..!
رفع أيده يطمني
باهر : مااسوي شي والله بس احجي وياج
حسيت محاجري نملت دموع بلكوه بلعت ريكي
: لاتسويها باهر..
باهر : وعيونج مااسوي شي كتلج احجي وياج وبس
بتعدت لميت نفس ؏ باب السيارة الخوف دب بعضاي
بس اريد ابعد الافكار عن مخي واسيطر على نفسي
واسحب الخنجر ماكدرت باهر بس يحجي وعقلي
مو ويا..
اخرها رفعت عيني له
وردة : غمض عيونك
عقد حواجبه مستغرب
باهر : شبيج؟
هزيت راسي بنفي
وردة : اريد اعدل ملابسي
بسرعه لف وجهه لجه الثانية بملل ويتأفأف ونسر عينه بالموبايل مخلي سماعات بأذنه من شفت محد منتبه حركة سريعة
رفعت تنورتي وسحبت الخنجر رابطة بفخذي بالبنطرون
فتحت اكرابه وخليته على ركبتي هو لتفت شافه بأيدي هز راسه بستياء
رديت بصوت مخنوك ودموعي تنزل
وردة : والله بس تلمسني اذبح نفسي
باهر : والله ماسويلج شي كتلج بس احجي وياج
بتوتر
: احجي بسرعة؟
باهر : بخصوص رند
بعدت الخنجر بتجاه رديت
: ثنينكم زبالة متوالمين
باهر : موهيج ورده حالتي وقتها تعبانه
ضحكت بستهزاء
: وحالتك تعبانه تروح تحجي علية!؟
باهر : مو هيج اسمعيني للنهاية
لفيت شفت نسر عينه علينا، رجعت عيني الباهر
: شكد حقير وسافل هل شي بينا ليش تخلي يسمع!
باهر : مخلي سماعات
وردة : خلي ينزل مااريد احجي كدامه
بسرعة ندسه من جتفه نسر لتفت وبعد السماعة من
اذنه
باهر : خلينا وحدنا
بدون ولا كلمة نزل من السيارة تمشي مسافة
رجعت عيني لباهر
وردة : احجي لي تريده بسرعة
سكت باهر، يحاول يرتب كلماته قبل لا يوگع بكلمة ثانية تكسر اللي باقي من أعصابي
نفسي يلهث والخنجر يهتز بإيدي مو مني... من الرعشة اللي ما تهدأ.
باهر : جوري.... مو جاي أعتذر، آني جاي أوضح.
نبرتي تكسرت:
وردة : توضح وانت ساحلني من الطريق!؟ هذي شتسميها؟ احترام؟
رفع عينه بعيني
باهر : لو أريد أذيچ چنت ما خليتچ ترفعين الخنجر
أصلاً.
جزء صغير من عقلي يعرف إن كلامه منطقي. بس مو هسه. مو وأني محصورة بالسيارة ودموعي على خدي والبرد مأكل جلدي.
سحبت رجلي علية حضنتها بذراعي بإحساس إني لازم أصغر نفسي حتى أختفي
وردة : مضطرة أسمع كلامك عن كـ ** يله احجي ونزلني
بسرعةةة.
مارد كانه محتار منين يبدي تنهد بقوه ونزل راسه
رد بصوت مليان ندم
باهر : وقتها.. يعني ماجنت بوعي وهي ستغلت هل
شي وصارت تحجي بس كل لي صار بينا بدون وعي
أيدي ارتخت نزلت الخنجر، احس العبرة تكسرت بصدري
ودموعي نزلت اول مرة ارد بصوت مليان عتب
وردة : وهيج تكسر وردتك!
رفع راسه نضرلي بدهشة كملت كلامي
وردة : ماكتفيت بس بالخيانة هيج تخذلني وتحجي
عليّ وانتَ بحضنها!!
هز راسه بنفي ماعنده كلام يحجي عصر راسه بثنين
ادي يردد
باهر : كله بسبب السم، السم لي اشربة موبأيدي..
مسحت دموعي
وردة : جنت متأملة بيك خير بس حسافه خليتهن
يتشمتن بية
حاول يلزم ايدي بتعد بسرعه هو تراجع تنفس بقوة
باهر : وردةة...اني ماچنت صاحي ذيج الليلة.
آني شارب... ومو بس شارب... جنت طافي تمامًا.
حسيت بطني ينكمش... مو خوف، لا... قهر
رفعت وجهي عليه
وردة : يعني تبرر؟
هز راسه بقوة
باهر : لا، لا... مو تبرير بس تريدين الحقيقة فهذه هي
عض شفته، كأنه يكره يحجي
باهر : رند تعرف نقطة ضعفي... تعرف شنو يسكرني
شنو يخدر عقلي، شنو يخليني ما أميز وأني... چنت متصالح وي الألم أريد شي ينسيني، يطفي راسي
وهي عرفت، عرفت شلون توگعني.
بصوت مكسور
: يعني خلاك ضحية؟
ارتفع نظره إلي، بحزن بطريقة غريبة.
باهر : لا، ما أنكر... آني غلطت بس ذيج الليلة؟
والله... والله... ما أتذكر إلا ضباب.
بلع ريگه بصعوبة:
باهر : صحيت على ريحتها على صوتها تحجي بأذني
على إيدها فوگي وآني... ما چنت أفتهم شنو يصير
نزلت دمعتي غصب
وردة: ليش ما بعدت؟ليش تشرب السم وتسوي غلط
اكبر..
رمش ببطء
باهر : وردةة... آني ما چنت واعي حتى أبعد
جسمي يتحرك... بس عقلي مطفي ورند... تعرف
تعرف شلون تستغل الضعف تعرف شتسوي تعرف شتحچي.
رفع ايده يأشر على نفسه
باهر: اني غلطت لمفروض مااخليها تشوف حالتي
لان هي حاولت هواي لما عرفت انت قبلتي نتزوج
لذلك سوت كل شي حتى تشوفچ تنجرحين..
تستمتع تكسرچ.. لأنچ الشي الوحيد اللي ما تگدر
تصير مثله.
مسحت وجهي حسيت گلبي يدگ بسرعة
وردة : وأنت...انت خذلتني بتحقيق أمنيتها
انحنت كتافه... كأنه انكسر كدامي.
باهر : أدري... أدري وما أطلب تسامحين...
بس أطلب تعرفين... إني مو بحضنها عن رغبة
ولا بحب ولا بخيانة مقصودة آني چنت... ضايع
وهي لگت فرصتها.
سكت...
وردة : اذا خلصت كلامك خليني انزل جدة هسا يبقى
بالها ماريد اقلقها
هز راسه بأيجابية
باهر :خليج اني اوصلج
ورده : ماحاج هذا البيت اندل الطريق
ماهتم لكلامي منعني
نزل صاح نسر اجه وصعد ماحجه شي لان واضح
الوضع مشحون بينا، لحد ماوصلنا نزلت بالباب
رد
باهر : ورد جوري اذا اتصلت ردي ولا تشلعين گلبي
هزيت راسي
بتسم عفتهم ودخلت للبيت صحت
وردة : جـــــــدددة اجيت
ردت
جدة : لو متأخرة ساويني جايتج هل ألبس بشيلتي
ضحكت ورحت للغرفة واكفه تعدل شيلتهاوبتسمت ونسيت كل هموم الدنيا من شفتها
ورده : فدوة جدة شنو هل جمال هذا ابوس راسج
بست راسها، ضربتني بخف
جدة : وين تأخرتي؟ لزوم اشتريلج مبايل حتى
اخابرج مااضل ادور عليج
ضحكت
: صار وحاضر
بتسمت
جدة : حبوبه ليش تأخرتي؟
بتعدت واني انزع الوشاح
ورده : لاكيت باهر
بخوف وقلق
جدة : سوه! احجي!
ورده :لاتخافين ماكو شي بس كعد يبرر ويريد انطي
فرصه
جدة : وشقررتي؟
كعدت واحس بضياع رديت
: ماعرف جدة بس كل لي اعرفه تعبت من الدنيا ولبيها
جدة : لا تتحججين بالدنيا كبري عقلج.
نزلت رأسي
وردة : باهر مسحيل يعوفني وغير هذا كله يريدني
اتحمل قذارت افعاله ابو النسوان
جدة : شلون حبوبه تبقين هيج؟ شكد تسامحي مرا
ثنين؟ ذيل الچلب مانعدل.
رفعت عيني عليها
وردة : اعرف ومااريد شي غير بس اطلع من هالسجن
همست النفسي
:بعد مااخلي دارهم رماد
هزت راسها بايجابية، سكتت ماحجت شي اني هم
سكتت، بعدها تعشينا وقبل ماانام دك موبايل جدة
اخذته رديت على باهر
: الو
بصوت فرحان
: يابعد روحي الوو
ورده : خير؟ مسرحيتك ماخلصت؟
سمعته تحسر
باهر : جوريتي يمتى تسامحيني؟
بحدية
: على شنوو اسامحك؟ فهمني على شنو؟ على نومتك
بحظنها؟! لو على تصرفاتك الرعنه تحسسني أنك ...
ماكملت كلامي سكتت، رد
باهر : كمليها اني شنو؟
: هسه شتريد مالي خلك لروحي
باهر : اريدج
عفطت، ضحك
باهر : ادبسز والله لمرد شفافج
: تحترم نفسك لاانطيك بعد وحده
باهر : انطيني شعندج كلشي منج حلو
نفخت بملل
: هسه شتريد فضها اريد انطمر
باهر : اريد اراضيج ونرجع مثل اول
سكتت ثواني رد
باهر : واوعدج ماقرب لرند بوعي او دون وعي
: بس تقرب لغيرها!
مارد بس اسمع زفير نفس، رديت بمزح
: اعرفك تتنفس نسوان
باهر : لا يعني..
: شنو لا يعني؟ ماعرفك!
باهر : بس والله احبج مااكدر اذا مااشوفج
ضحكت بستهزاء
: يله خوش
بصوت حاد
باهر : جوري لا تشلعين گلبي أكلج أحبج تكولين يله
خوش!
: قابل أرگصلك!
باهر : فهميني شتردين اسويلج وتسامحيني ولج حسي
بيه والله أحبج شلون اعبر عن حبي ألج؟ انطيني حل
لاتقبلين نتزوج ولاتقببين نطلع ولاتقبلين اتقرب خطوة
منج، والله حتاريت بيج
: وليش تحتار شامره نفسي عليك! دعوفني وفضها
تنهد
باهر : اوف ياريت ولج ياريت شامره نفسج مخبلتني
ومخليتني اركضلج بس حتى اشم عطرج من بعيد
: يله باي اريد انام كتلك احجي وياك وحجيت
باهر : يعني هاي طردة!
: اكلك لا تسويها قضية ماحجيت شي كتلك اريد انام
باهر : بس باجر اجي ونحجي
: الله كريم
باهر : تمام، تصبحيـ...
قبل مايكملها رديت : وانت بخير
سديت الخط، رحت لجدة لكيتها تحمي الغطوة مالتي
حتى تدفة، قربت منها اخذت ايدها اقبلها واخليها على
جبيني ورجعت قبلتها بقوة
ورده : الله ياريحتج
ضحكت
جدة : حجيتي ويا؟
: عوفي يولي خليني اتغزل بيج شنو هل جمال
ضحكت
جدة : ياحبوبه منيلي نزمر زمري والعصفور اكل تمري
حضنتها أضحك على سوالفها، مثل كل مره انام بحضنها
للصبح كعدت على ريحته شي محروك، كمت والنوم بعيني
شفت جدة تسوي علاج حروق، عرفته للشيطان
ورده : تسويله سم ان شاءلله
جدة : تتريكين!
ورده : لعبت نفسي مااشتهي
اخذت العسل اكل الخلية لي يبننها تصير مثل العلج
احبها، كملت
رجعت عيني على علاج هي تحمس بي حد مايصير
فحم ويطلع زيت، رجعت عيني على ملح، حكيت
راسي بتوتر
وردة : شنو ترحين؟
جدة : اي سلطانه اجت الصبح ترجتني اسويله تكول
من ينضفوها يتأذه بالغسل وصار كومه نفس وضعه
، وهل اسوي.
وردة : اوووف لو بأيدي اغسله بتيزاب
جدة : صمي حلكج واسكتي
ضربت حلكي
وردة : سكتنا.... ااا نطيني اساعدج، أيدج تعبت
رمقتني بنظرة صفح، مامقتنعه كانها تقرأ افكاري
كالت
جدة : تردين ترشين فوكه ملح!
وردة : لااااااا ابددد وداعت باهر عزيز گلبي
هزت راسها، ورجعت تحمس ماعافته ولا غفلت عنه
واني احوم فوك راسها لحد ماكملت
وردة : اروح وياج
جدة : لاحبوبه ركدي كل ماترحين تسويلي بلوه
وردة : واداعت ابهير اكعد حبابه
جدة : ولج ورده!
وردة : وغلات راسج حتى تصدكين من احلف باهر بعد
جدة : يله امشي
طلعنا واني لازمه لكركوشه لنازله من سلاسل خصري
اهز بيها، وصلنا، عاد هو سمع صوتي كام يصيح اطرب
على صوت وهو يتعذب
دخلنا للغرفة، شفته متمدد... مجفن، نصه حي ونصه
ميت من شفته هيج، حسيت بطعم نصر أول مرة
بحياتي اعيشه.
ردت أقرب له، بس جدة لزمت إيدي.
سلطانة نطت لعلاج السلطانة وكالت:
سلطانة: جوري صحي مصعب خلي يجي.
بسرعة التفت على جدة، مصعب نسخة من ضافر.
جدة: لا سلطانة، ابنج انتِ ندهيه.
طلعت تصيحه... وبقينا بس أني وجدة.
هديت إيدها واقتربت خطوة، وكفت يم راسه.
انحنيت وهمست بخبث:
وردة : جؤجؤ... شنو هذا؟
هم مشلول وهم محروك؟
ميلت راسي وأنا أتأمله.
وردة : وين راحت قوتك؟وين جبروتك؟
وين ضافر اللي جان يكسر عين البنات؟
همست:
: هسه شنو حصلت؟
سكتت لحظة وابتسمت ابتسامة باردة.
: صرت طريح... ما تكدر حتى تحرك إيدك.
رجف براسه وصار يطلع صوت مو مفهوم.
ضحكت بهدوء.
وردة :اي... صيح. صوتك يطرب مسمعي
قربت أكثر وهمست بإذنه:
بس تدري شنو أكثر شي يوجع؟
سكتت شوي حتى يركز بعدها كملت
: مو الحرك...
ابتسمت بخبث.
: اليوجع إنك بعد اليوم ما تكدر تحمي شي.
سكت ثواني... وبعدين كملت بهدوء قاتل:
: سلطانة...
من سمع اسمها سكت، ميلت راسي.
: ترى مو يومية بحضنك.شتسوي بيك عاجز
اتقصد احجي بكلام متقطع حتى يسمعني ويركز وياي
ضحكت،كتله
: لا... يومية بحضن غيرك.
رجف أكثر وصار يصيح بصوت متكسر
اقتربت أكثر حتى يشوف عيوني
همست ببرود
: وهااا... بنتك
شفت عينه دمعت كملت كلامي
: عزوتك رنووو حبيبتك
ابتسمت ابتسامة خبيثة رفعت حاجبي
: تدري مو بت بيت باهر...
همست بفحيح حية
: باهر... هو اللي أخذ شرفها
سمعت صوت سلطانة تصيح على مصعب بسرعة
رفعت راسي شفت كلاص ماي اخذته تفلت بي همَ
دخلو
سلطانة : شبيك متگلي بس تصيح! تعال مصعب
ساعدني
اجه مصعب يعدله وضافر يون
وردة : خطيه شفت عينه على ماي يمكن عطشان
لاتصيحين عليه الوجع مايوجع غير راعيه
مصعب اخذ الماي من أيدي وشربه صرت ورا مصعب
وضافر عينه شاحبه علية،من شربه الماي بتسمت بخبث
وغمزتله،
اشوف جدة فاتحه عيونها بدهشة مصدومة من فعلي
ماحجت شي نطتهم الزيت وطلعنا نمشي
لزمت أيدي
جدة : مابرد گلبج حبوبه!..
وردة : من تبرد جهنم.
سكتت ومشينا
جدة : وريدةة هاج روحي جيبي رصيد نقالي
يكول ليس لديك رصيد كافي
بمزح
وردة : ها حبوبه تاخبرين ولد وخلصتي!
ضحك
جدة : ياياياااا دوور! يله باله رجلي تك
بلگبر وتك اسحل بيها
اخذت الفلوس منها ضحكت
وردة : بعدها روحج خضرة هسه اشوفلج
رجل وازوجج ترجعين شباب
جدة : صخام وجهي
وردة : تعاي فهميني وين راح الرصيد؟ ماكو غيرنا
لو اني لو انتَ
جدة : لا موش فروخ جمال اجو كالو نريد نقالج
نخابر اخذو شوي وردو مصفر
وردة : يله اروح ولاتنطي بهد خوش
جدة : خوش، وها الباقي شتري بي شنو تردين
وردة : خوش
جدة : موش تتأخرين!
وردة : لا عاجبني اتمشي لا يضل بالج حتى لو تأخرت
ساعه.
جدة : ولج وريدةة تعاي بسرعة
وردة : لا حبابه بصف الدكان اكو مرجوح اريد اتمرجح
ضحكت
جدة : خوش يله نتبهي على نفسج
وردة : صااار
هي دخلت للدار واني رحت، لمحل بعيد عن مكانه
ألفين متر او اكثر يكون على شارع الي يدخل على
قرية ركضت فرحانه چن طفله، ماامشي بهداي لا
اكمز واقدم رجل وارجع اكمز واقدم رجل،
ابتعدت وصرت ما أنشاف لأن أكو صعدة المكان
مرتفع شوي. وأني أمشي فجأة سمعت صوت سيارة
وكفت بقوة، لزمت بريك.
التفت.
نزل منها شخص ملثم وجهه بقناع،ما مبين منه شي
عرفت قاصدني ماكو غيري، رفعت تنورتي وركضت
حتى لو أصيح.. ماكو ولا بشر يسمع
هو ركض وراي بسرعة مخيفة،لحك بيه لزمني من
إيدي بعدني بس أرد أبلع ريكي...
شنط إيدي بقوة قيدني، وخله جيس على راسي.
مااشوف شي. صرت أدفع وأحاول أفلت نفسي،
بس مقيدة... ماكو أي جدوى.
حسيت شالني.
وشمرني داخل السيارة مو على الكرسي... بالجنطة.
طبكها بقوة، مشت السيارة صرت أصيح وأدفع بيدي،
بس ماكو فايدة.
تعبت...لحد ما فجأة صار هدوء والسيارة.. وكفت
خنست ما تحركت انتظرت... ثواني... يمكن أكثر
نفتحت الجنطة ما حجيت شي... اعتمدت بس على سمعي.
صوت غريب... يحچي عربي عادي رجع شالني اني
موتت روحي، ولا نفس، ولا حركة.
ما أعرف وين دخلني بس حسيت حطني على فراش
ثابتة... كأني جثة.
سمعت صوته يكول:
: عرمه هرجتني هرج.
إجا صوت ثاني... حسيته مألوف
: شبيها؟ ليش فقدت؟ خو ما ضاربتها؟
الأول
: لا والله ما ضاربتها.
الثاني
: أمشي جيب شي... يمكن نزل سكرها.
تجمدت... يعرفني؟! شلون عرف إني مريضة؟
الأول تمتم
: شلون بلوه هاي...
الثاني
: شسوي متگلي!
هذاك راح...
بس هذا الثاني بقى صرت أركز بخطواته.. حتى صوته حتى نفسه.
قرب كلش، سحب الجيس من راسي شعري نزل على وجهي، حسيت بإيده تبعده.
كال بصوت واطي
: جوري... جوري...
نرعبت هذا الصوت... سامعته!
بس منو؟! ما رديت ولا تحركت على نومتي حاولت
مااتوتر حتى ماابين صاحيه تحكمت بالنفس الي اخذه
إجا ذاك وكال
: ماكو بس هذا مي وشكر، شربها
حسيت إيده تحت راسي... رفعني شوي
وبدى يبلل شفافي بالمي
بعد ثواني... فتحت عيني ببطء
شفت واحد هم لابس قناع و بس عيونه تبين
تراجعت بخوف، كل خوفي لا يكون من زلم
سلطانة..؟ معقولة ضافر كدر يحچي؟!
رجعت لورا مرعوبة
وردة : مـنو انت؟ شتردون مني؟
رد بهدوء
: بس اهدأي...
بلعت ريكي، وعيوني تدور بالمكان.. الغرفة فارغة بس الفراش اللي أني عليه
وردة : لـ..يش هيج تسوون بيه؟ منو انتم؟
مد إيده كأنه يطمني
: إلج الأمان... ما نضرج بس نريد منج شغلة ما لكيتها
عد غيرج.
من سمعت هيج عقلي طار بديت أتخيل أسوأ شي.
فجأة كمت قريب الشباج وصحت:
وردة : ياناس! ياعالم! ساعدوني!
هذا حاول يهديني
بس الثاني صاح وهو يتقرب مني
: لو تصيحين... الباچر محد يسمعج.
يريد يلزمني إيدي مربوطة لظهري.. ما أگدر أدافع عن
نفسي بس رجلــي، جمعت قوتي كلهـا وبـدون تفكيـر
رفعتها بسرعة، وضربته بين رجليه صااح وانثنى بمكانه،وإيده تلزم نفسه من الألم...
هذا صار يضحك على صديقه استغليت هذا تمدد بالكاع ولازم نفسه وهذا يضحك ركضت على باب اريد اشرد
بس سحبني من شعري بقوة غمضت عيوني من قوة
الألم ضل لازم شعري وراسي نرفع دموعي نزلت من الوجع، رديت بصوت مكسور
وردة : حباب عوفني حرام عليكم ماسويت شي
شتردون مني!
: تبجين؟
وردة : شعري.. وجعتني.
بعد أيده بسرعة لزمتي من أيدي كال
: بس اهدأي خلي اتفاهم وياج
وردة : شلون اهدأ وانتم خاطفيني!
: بس اكعدي بهدوء واني هسه افهمج
بگلب وصوت يرجف
وردة : كول سلطانه دزتكم؟
رمقني بنظرة ركزت بعيونه متاكدة شايفته وسامعه
صوته هم.. بس منووو!؟
دفر صديقه برجله
: كوم ولك ضربت نثية وكعتك!
كعد كال واضح من صوته متوجع
: نثية!! ولك احنا زلم مانضرب بهذا المكان
: كوم وفضها عاد
: حقك الضربة بيه مو بيك
كام بس محني ولازم مكان الضربة كال
: اروح اشوف بعده يشتغل لا
طلع بلكوه يمشي،بقينا بس اني وهذا يضحك قرب
وكال
: قويةوحلوة... وجريئة!
بلعت ريكي بخوف
وردة : حباب اعتبرني اختك
اشرلي كال
: مااسوي شي بس كعدي
هزيت راسي كعدت، كعد كدامي كال
: اريدج تساعديني بشغلة
هزيت راسي
وردة : اساعدك... بشنو؟
سحب نفس كال
: سلطانة
وردة : شبيها؟!
هز راسه كال
: اسمعي اذا حجيتلج لبيها ماطلعين منا له وانتِ
موافقة،.. وللصراحة أني متأكده توافقين.
بحذر
وردة : مااوافق على شي بدون مااعرف كل شي
ضحك كال
: ابد ماغلطت من اختاريتج
بستغراب
وردة : اختاريتني؟ ليش؟
كال
: كتلج قوية، وجريئة
وردة : المطلوب؟
: اريدج تقربين من سلطانة لغرض معين بس تعرفين
لي اريده، اطلبي لي تردي
صفنت بي
وردة : شنو تريد؟
تنهد وكال
: اكو حفلة
ذكر اسم المكان، هزيت راسي بأيجابية
وردة : اعرف وشنو المطلوب؟
: ترحين وياها
وردة : مستحيل
: بس اسمعي اني راح اكون موجود ومااخلي احد
يتعرضلج، ولي يمس شعرة منج انهي
وردة : شلون اثق بيك وانتَ ملثم ماعندك ثقة بية
ولا تكشف وجهك بعدين بلكي هي سلطانة دازتك
تحجي هل حجي؟
و ليش اني بالذات تريدني اروح شنو غايتك؟ واذا
رحت شنو لي تريد اعرفه؟
: على كيفج هسه احجيلج أولاً بعد ماتوافقين راح
اكشف وجهي، ثانياً محد دزني واثبتلج هل شي وليش
انتِ بالذات؟ كتلج قوية، واهم شي تكرهين سلطانة
وردة : وشنو تريد تعرف؟
: بس شغلة وحده صعبت عليّ وكفت شغلي صار اشهر
بفضول
وردة : شنو؟
: اعرف سلطانة تاجر بالمخدرات
فتحت عيوني اريد استوعب!
كمل وكال
: سابقاً جان ضافر بس بعد ماتمرض سلطانة وابنها
مصعب لزمو الشغل وصار اصعب لما دخلت سلطانة متأكدين هي تعبر وتهرب بس شلون مانعرف حاولت
بكل الطرق مالكفتها
وردة : لحظة، لحظة سـ..سلطانةة شنو تسوي؟
: مثل ماسمعتي تهرب مخدرات بس شلون تهرب
مانعرف.
بلعت ريكي بصعوبة
وردة : اريد ماي
هز راسه صاح،
: وينك..! جيبلها بطل ماي
اجه صوته
: تشرب سم
ماحجيت شي جان ممكن ارد علية بس اني بحالة
صدمة، هل شي ممكن يكون خطة من سلطانة كلشي
اتوقع منها، اجه بأيده بطل ماي نطا لهذا الكاعد
ضحك
: ها شلون صرت؟
: الحمدلله،بعده شغال
ضحك وفتح البطل جديد من فتحة طك، قدم ايده
يريد يشربني بعدت راسي
كال
: مو ردتي ماي ماتشربين؟
وردة : سد البطل واعصره بأيدك
غوص عيونه مستغرب، كال
: ليش!
وردة : سوي مثل ماكتلك وبعدين اكلك ليش.
سوه مثل ماردت سد البطل وقبض عليه بقوة
رفع عينه كال
: ها.. وهسه؟
وردة : شربني
رجع فتحه ومد ايده شربت شوية بعدت، كال
: عود ليش هيج سويتي؟
وردة : خفت يكون ضاربين البطل ابرة مخدر
هز راسه
: امم وشلون تعرفين اذا مضروب؟
وردة : اذا مضروب من تعصر البطل يزرك ماي من اثر الابرة
ضحك كال
: قسم بالله داتثبتين دقيقة بعد دقيقة اختياري
ألج مو عبث، موعقل داهية
هذا لي ضربته كال
: لي يشوفها يكول بريئة ماتحل رجل دجاجه!
هذا لقريب علية رد وهو يباوع بعيني
: اي هيَ بريئة... بس اذا عصبت توكع زلم
المضروب
: على غفلة جان ضيعت مستقبلي! اني لي
اعرفه البنيه تستحي، مو تضرب هيج ضربة!
ماهتميت ولا رديت بس باوعت لهذا
وردة : حباب رجعني حبوبتي مرة جبيرة واخاف
عليها يضل بالها
هز راسه
: ارجعج بس اسمعي للاخير
وردة : مااريد اسمعك اعفيني وسوي لي تسوي
هز راسه بنفي
: لا ماعندي غيرج ولا تخافين اضحي بروحي
في سبيل مااسببلج ضرر
بلعت ريكي بخوف
وردة : ليش اني؟
ثبت عينه بعيني وبصوت واثق كال
: لان تردين تنتقمين من سلطانة
عكدت حاجبي بستغراب
: مافهمت؟!
ضحك وخله أيده على راسه سحب القناع لي لابسه
فتحت عيوني بدهشة، من ضحك وشفت غمازة خده
وردة : نـ...نسر!
