رواية لأنها اختي الفصل السادس بقلم فاطمه حمود
بلياك ما اعيش اليكلك عشت
بعيوني احلفك منه تاخذ حذر
انه اطمئن يمك وذا تبعد !
من كلشي يمي انه احس بخطر
الليل يدري شكد احبك لان
وياك عيني تستلذ بالسهر
اذبل لحد ما ارتوي بشوفتك
جن سنبلة الروح وعشرتك نهر
بلياك كلشي ايصير مابيه طعم
ما ميز ابين الورد والصخر
تمطر ترافة وانه اخضر غزل
وبكاع جفيق قلمي يطرح ثمر
لو راد ياخذني القدر كلي الك
بس لا بيني وبينك يمر قدر
ايهاب المالكي
........
رحت انام هستوني غفيت وأسمع صوت برا صار صوت خوفني خلاني بلا وعي اكون بسرعه وافتح باب غرفتي
صار كبالي حامد يطوطح وعيونه دم وسانده حسن من جهه ونيار من جهه
حسن حاط ايده على حلك حامد لأن دا يحجي ب صوت عالي
صارت عيونهم عليه وإني دا اشوفهم وعيوني دمعت صرت اتمنا الي ب بالي مو صحيح والي دا اشوفه حلم او تخيلات
1 تع
أي اريده خيال اريد اكون دا احلك لان ما أريد تنكسر الصوره الحلوه عند اخوني
ما اريد هاي التحفة الجميله القديمه والغاليه والعزيره تنكسر كانو مثل التحف القديمه تراثيه ب نسبه الي وما اريد اخسرهم ما اريد اخويه ينزل من عيني
كلبي صرت أحس دا يدك ب قوى كبيره احس مو دكات عاديه لا هيج دكات مشتعله ب نار شعلت صدري من شفته بهذا المنظر
انتبهو عليه اني عيوني مليانه دمع وصافنه عليهم بهت لونهم من شافوني بسرعه زمخ عليه نيار
نيار :- فوتي الغرفتج وسدي الباب بسرعه
1 تع
حسن :- لا نيار اوكف ملاك خوبه أنزلي بدون كلام وما أريد حجي زايد
سوي جاي الي ونيار وكهوه مررررره بدون شكر الحامد بسرعه بـ؏ــد اخوج ترا تعب هدنا هد
توجهو للحمام كلهم وإني أحس رجلي جمدت ب مكانها أريد اتحرك احركها ما اكدر
شكله الحامد مدا يروح من بالي دموعي بدون اذن اخذن راحتهن على خدي مسحت ادموعي ب كف ايدي
وانفاسي تتسارع بسرعه بصعوبه تحركت واني احس جبال عليه وثكيله مدا اكدر اتحرك
نزلت شفت امي ب نهايه الدرج دا تريد تصعد فوك خفت كلش دكات كلبي زادت بلعت ريكي ب صعوبه
خاف تصعد وتشوف الي شفته تتخبل والله واذا دره ابويه تصير كارثه نزلت بسرعه الها احاول امنعها من صعود
أم ملاك :- ولج ملاك شعدج بعدج كاعد ولج مو وراج دوام ها اكعد عليج ابوج
ما اهتميت الكلامها
أم ملاك :- سمعت صوت حامد يصيح خطف كلبي أريد اروح اشوف شصاير ليش دا يصيح
ملاك :- ها لا لا يمه لا تصعدين
ام ملاك :- ليش شصاير ليش ما اصعد !؟
ملاك :- ها مو نيار فوك ولد خطار جماعتهم مجتمعبن فوك وكانو دا يضحكون
وحامد ما بي شي دا يضحك وياهم ودزاني اسويله كهوه حتى وعيب تروحين الهم
ودا يلعبون طاولي ودومنه ويضحكون ف يمكن صوت عالي عود هسه اني اكول الهم ينصون صوتهم
أم ملاك :- يعني يمه حامد انتِ شفتي اكيد ما بي شي ؟
ملاك :- اي يمه شنو شبيج اجذب عيوني قابل ما بي شي اصلن حتى هوه هسه نزلني مشتهي كهوه وراح اسويله واروح انام انتي عوفي متونس لا تصعدين هسه وتعبين نفسج وتحرجيهم يم الولد الجايين
أم ملاك :- ماشي وانتي لا تضلين تفترين عيب خاف واحد يشوفج وهم روحي نامي وراج دوام صبح شلعين كلبي الا كعدين
ملاك :- أي أي والله رايحه انتِ هم امشي نامي
لزمتها من اكتافها وديتها للغرفه واني احاول اغير الموضوع حتى ما تحس على شي نامت ب افراشها الا عفتها
وطلعت أخذت نفس وإني ارجف شلون لو صعدت امي وشافت حاله شلون شيصير بيها تتخبل غير
وشنو راح يكون موقفها من تشوف ابنها عاصي ربه وجاي يطوطح وهوه غركان ب شرب علمود بنيه يحبها رفضته !!!!
نيار :- تفوو على هل شوارب الي ب وجهك الي انت مو كدهن الي اول ما رفضتك بنيه ما تسوه دينار
رحت ب سرعه وعصيت ربك وتوجهت للشرب واجيت اطوطح علينا علمود شنو بله علمود تنسه
ترا الشرب مفعوله مده وبعدين تصحه تنسه شويه وتفقد وراها من تكعد شلون هم ترجع تشرب
ولله حتى ترتاح من وجعك بس كول اني مو رجال ما اكدر اواجهه أي شي يصير وياي
ف هيج سويت اي اكولك اذا انت مو رجال روح سوي هاي سوايه ولك هاي احنا هنا كلنا شربنا
من كأس الحب والخذلان بس ما سوينا مثلك ولا رح انسوي هذا انا وحسن شاهد عليه روحي
شعوطت تشعوط وصلت للسمه لان مو بس نرفضت لا المرة الي جنت حاسبها حلالي
وانتظر ليله ليله حتى تتوسد ظلوعي والمها بين ايدي زفوها الغيري وهي الفرحانه ورايدته
بس دست على كلبي وعلى شعوطته وبقيت صامد الحد ما حسيته صار رماد كلبي وبعدما يتصلح
وبقيت ساكت وما هزاني ريح فراكها وحالف أخذ حقي منها ومنتظر اليوم الي أكلها هاي نتيجه الي يلعب ب ذيله وياي
5 ت
تقربت من الباب ودكيته وقاطعت كلامه لان احس راح اوكع الصينيه فتح الباب حسن
صار حامد كبالي كاعد على سريره حاط رأسه بين كفوف ايده كانو يريد يحمي من تفكير
الي تعبه وعد حيلة وعتاب الولد الي زاده قهر وياه رفع رأسه اجت عيني ب عين اخوي بسرعه بعدت نظري
وانطيت الصينيه الحسن وطلعت اركض ما كدرت اتحمل اشوفه هيج دخلت الغرفتي بسرعه سديت الباب
اشوف اخوي منهار ومحني رأسه ولا هينه عندي اشوفه ما يدري ب وجوه الناس الحقيقيه واسلمه للموت ب ايدي اذا هوه بس رفض هيج سوه بي لعد شنو يصير بي من يعرف حقيقتها شنو شنو حيسوي ب نفسه اذا عرف !!!
نمت ب فراشي دموعي تنزل أجاني اشعار مال رساله عرفته
من نيار ما رديت
بقيت على وضعي مرت نص ساعه ضبط وأني اسمع أصواتهم وهمه يحجون لان صار صوتهم عالي هدء الصوت شويه
بقين بين صفناتي وحيرتي بالي سويته اذا كان صح او لا ؟؟؟
اندكت باب الغرفه واجاني صوت حسن
حسن :- ملاك كاعده
بلعت ريك حجيت وصوتي مبحوح من البجي
ملاك "- أي ادخل
حسن :- شنو ما نايمه بعدج خوبه مو وراج دوام
ملاك :- ما اريد اداوم ما بيه حيل
حجيتها واني الف نفسي ب الغطه وعيوني مدمعه احاول اخلي ما ينتبه على عيوني
اجا تقدم وسحب كرسي مال الميز وكعد كبالي
حسن :- ما يحتاج تبعدين عيونج عني خويه ترا شفت دموعج
4 ت
من كال هيج صارت عيني ب عينه بدون وعي نزلت دموعي ب قهر باوعلي ونزل راسه تحمحم
حسن :- ملاك أريد احجي وياج ب صفتج بنيه واعيه وجبيره ما بقى كم شهر وتنجح وتكون سنه أولى كليه
ما اريد احجي وياج ب صفتج ملاك اختنا الصغيره المدللة الي شما تكبر تبقه صغيره ب عيونه اريدج تكونين جبيره وتستوعبين الكلام الي راح اكوله وتفهمي
ملاك :- كول حسن
حسن :- شوفي كل انسان يمر ب فتره راح يتعب بيها ويفقد سيطره على نفسه وعلى عقله
ومراح يكدر يفكر ب تفكير سليم ويمكن عدم قدرته على تفكير تخلي يسوي امور خطا او يتخذ قرارات خطا
ف الي اريده اوصله الج حامد دا يمر ب هاي المرحله ف ما اريد الصوره الي شفتي حامد بيها وانهياره
اتضل ب عقلج واتعبه وتحقد علي او تلومه وتمحي كل حسناته وحبج اله ترا حامد صح هوه غلط
وتصرفه كلللش غلط بس ماكو بشر معصوم من الغلط وهذا الغلط ما راح يتكرر وكان ب لحظه ضعف
مو عن ادراك وهم يبقه حامد اخوج واحزام ضهرج والسند الي تسندين علي ظهرج احنه وقوتج
من قوتنه ترا وهم بعد اخوج ما اريد الي صار يوصل اي بشر غيرنا ماشي حتى النفسج لــأ تحجين الي صار وحاولي تتناسينه
ملاك :- بس ليش هيج سوا ترا الي سوا حرام عوفك مني بس هسه هوه اخذ ذنب وهذا ذنبه يمكن ما ينغفر شلون ليــش هيج يتصرف
حسن :- ادري يا روح اخوج انتِ ادري بس بعد صارت ما نكدر نرجع الزمن ونلحك علي ونمنعه وهم هاي اول مرا وآخر مرا يسويها وهم هاي شده اله لان يمكن تعرفين او لا بس هوه كان يحبها ونشاء الله أخونا قوي ويتعداها
ملاك :- أنشاء الله
حسن :- ليش هيج عيونج مورمات ومنتفخات وفوكاها يا بويه صايرات حمر ليــش يا بعد روح اخوج ( يحجي وهوه يمسد على شعري)
ملاك :- كلش خفت على حامد ( حجيتها وبجت)
حسن :- لــأ لا هاي ليش هسه على شنو هاي الدموع تنزل كتلج بعد ما يتكرر هذا شي خوفج هل كلب حامد اضربه الج
ضحكت على كلمته
ملاك :- تذكر كنت دوم اجي اشكي الك منه من بابا ماكو وانت جنت شتسوي
حسن :- اروح اهد علي والعب بي طوبه علمودج لان يزعلج
بقه حسن يسولف وياي كان يحس ب الذنب لان شفت هيج شي ومكانو رايديني اشوف ف كان يريد يخفف وينسيني الي شفته بقيت اغفي من نعاس ومنا باجيه ف نعست اكثر كام حسن وغطاني وطفه الكلوب وطلع من الغرفه اجذب اذا اكول ما ارتاحيت من بـ؏ــد كلامي وي حسن وهم حسيت شكد اني محضوضه ب اخواني الي ما يكدرون
يشوفون نظره الخوف ب عيونه أو زعل او خيبه ب هاي اللحضه حمدت ربي الف مرا على نعمته وحمدت ربي لان ما خليت مريم تكون زوجه الحامد لأن ما تستاهله ما تستاهل الي ما يتحمل يشوف نظره عتب ب عين اخته
باوعت على ساعه راح تصير ب 2 ب الليل
النعاس غلب عليه لأن كاعده من 6 نمت وكل المشاعر بيه مشاعر خوف
من بأجر ومشاعر الفخر انو عندي هيج سند فزيت ب 7 ونص على صوت حامد
حامد :- ملاك يلا كومي
غمضت عيوني بقوه وفتحتها احاول استوعب الي حوليه
ملاك :- شلون صرت
حامد :- الي عنده أخت مثلج شلون ما يصير ب خير يلا بسرعه كومي ملوكه البسي ما اريدج تغيبين عن دوامج من ورأيه بسرعه البسي خل نيار يوصلج لأن حيطلع
2 تع
سمعت اسم نيار تلقائيه انرسمت ابتسامه على خدي وهزيت راسي ب معنى أي كمت ب سرعه رحت للحمام غسلت وكملت وطلعت اركض
وإني البس ملابسي أحس عندي نشاط مو طبيعي البس سريع سريع شنو هل نشاط ليــش هل فرحه الداخليه الي صارت بـ؏ــد ليله البارحه صعبه ما اعرف أخذت الجنطه ونزلت وأني أشكل الدنبوس ب شال طلعت بسرعه وصعدت ب صدر
وأني اتنفس سريع
نيار :- صباح الخير
كانت مريم نايمه وطبعا مريم من تنام مو ب سهوله واحد يكدر يكعدها
هذا طبع بيها لزمت موبايلها نفس العاده نشوف آخر الأخبار وهي عدها عادي يعني
صارت كبالي محادثه مال مريم وعلي كانت آخر رساله
مريم :- ليش تقرأ وما ترد
أخذني فضول حتى اشوف ب شنو مصخمه ومتعاركه هل مرا مريم وي علي فتحت المحادثه ب فضول منكت اتخيل حجم المصيبه الي راح اشوفها ب هاي المحادثه
مريم :- همم علي اريد اسئلك سوال
علي :- كولي حبيبتي
مريم :- شنو يعني كلمه بياض
علي :- منين جبتي هاي كلمه وليش تسئلين ؟
مريم :- غير انت حبيبي وأسئلك لعد تريدني اسئل غريب !!!
علي :- ها عبالي البياض هوه دم البكاره (العذريه) الي يطلع ب ليله العرس ويمسحو ب وصله بيضه وتوصل لل اهل دليل ع تربايه وهل خرابيط
ضحكت على كلمته الاخيره خرابيط حقك عيني انت وين تعرف عن تربيه هههه
مريم :- زين باوع اذا لمن أكمل دراسه ونتزوج ما طلع دم بكاره مني شلون شنو حتصرف ؟
علي :-عادي ب هل حاله يمكن غشائج مطاطي ف هذا عادي نحاول
مريم :-لا اذا ماكو ماكو
علي :- شنو قصدج
مريم :- دا اسأل شبيك
علي :- مريم اكو أحد متقربلج ؟؟ او مغتصبج وماخذ عذريتج ؟؟؟
مريم:- لا
علي :- لعد شنو قصدج ليــش هل سؤال ؟؟!
مريم :- محد متقرب بس يمكن اكون اني ماخذتها من نفسي
علي :- شقصدج !
مريم :- لاعبه ب نفسي يمكن
5 تع
كانت هاي آخر رساله وعلي شايفها وما رد بهت لوني من الي قريته صحيح لو خطأ هذا الي قريته
بس مبين صحيح من كلامها هي هاي صيغتها ب حجي من يكون موضوع حقيقي زين شلون
ما معقوله اكو وحده تحكم على نفسها ب الموت ب اديها معقوله مسلمة نفسها الواحد وحاطه شرفها ب ايده
شلون هيج تسوي واهلها مفكرت بيهم ! عقلي مكام يستوعب حتى وضعي مدا افهمه
ب وقتها كعدت مريم وسحبت الموبايل من أيدي شافتني قريت خافت ارتبكت
ملاك :- الي قريته صحيح لو خطأ؟؟؟
سكت زمخت بيها ب صوت عالي
ملاك :- جاوبيني ؟؟؟
مريم :- صحيح بس فدووه ملاك اني مثل اختج لا تفضحيني حبابه لــأ تفضحيني
قطع تفكيري
نيار :- هيييي مو دا احجي وياج
ملاك :- ها ها
نيار :- وين صفنتي
ملاك ؛- لا هيج
نيار :- كولي ليش رفضت ؟؟
ملاك :- لا ما اعرف وهم لا تنسه كلشي قسمه ونصيب اذا من قسمته ف تصير اله
نيار :- وصلنا
ملاك :- شكرا لأن وصلتني
ملاك :- هاا كول
نيار :- بيج شي اشو لمن طلعنا وضعج زين وهسه تغير 180 درجه
ملاك :-لا ما بيه شي لا يضل بالك من رخصتك عفته ومشيت
متوجهه حتى ادخل للمدرسة اجتي بنين وضربتني ب عكس ايدها على خاصرتي
بنين :- منو الحلو
2 تع
ملاك :- ابن خالي
بنين :- المتزوج
ملاك :- هممم أي
بنين :- شسوين جايه وياه
ملاك :- بنين ترا طالعه روحي اني من صبح مختصر الحجي
الخط راح وإني بعدني وهوه خطار عدنا ف كال ب طريقي اوصلج ماشي
عفتها ومشيت وهي بقت مصدومه من رده فعلي دخلنا للمدرسه اجتي منى نحوي
منى :- ها ولجن شلونجن
بنين :-اني عال العال بس الخانم طاكه عدها الفيوزات استلميها
راحت بنين وسحبتني منى
منى :- شبيج ولج
ملاك :- تعبانة
منى :- تمشي امشي بعد ما تسوه راح يدك الجرص امشي
سحبتني ودخلنا للصف مر اليوم منى ما كدرت تعرف مني أي شي
لأن ما اريد اكول أو احجي أي شي رجعت للبيت كان جو عادي
صعدت غيرت ملابس شفت موبايلي دزيت رساله ال مريم
ملاك :- أي رقم يدك عليج انطي حظر واذا حاول حامد يحجي لا تحجين أي كلمه ولا تردين مفهوم
فتحت رساله نيار مال بارحه كان كاتب
نيار :-شوفي لج بعد لو تحترك الامه لا اله الا الله ب الليل ما اطلعين من غرفتج مفهووووم كلااااااامي
1 تع
ملاك :- ليش منو حظرتك حتى تومرني ؟
كتبتها وعفت تليفون ونزلت كانت امي موجودة ودا تريد تصب غده
ساعدتها وكعدنا اني وياها وحامد تغدينا كملنا ب هدوء وغسلت الاماعين وصعدت شفته راد
نيار :- تنفذين الكلام بلا حرف مبين عاجبج الي صار البارحه
ملاك :- ليش مثلا شصار البارحه ترا ما صار شي مجرد اخوي وكع ب شده وإنشاء الله هوه أقوى منها ويكوم وما تهزه وكل الي صار افضل للكل ف لا تكعد تهدد وتتامر
دقايق ودك كامره صدمني ب دكته انطيته رفض بسرعه
نيار :- ردي بزونه ترا شايفج وشايف شعرج ردي احسلج
دجع دك فتحت خط صار كدامي هوه مضيك عيونه وجكارته ب الايد الثانيه حطها بين شفايفه وسحب نفس قوي منها ورفع راسه وذب الدخان ليفوك مدلي ايده الي بيها جكاره وهوه مضيك عيونه وحجه
نيار :- تعرفين سبب رفض موو زونه
بعدن نظري عنه
ملاك :- ترا السبب كالته البنيه تعتبر حامد مثل اخوها وما تكدر ب يوم تعتبره غير شي ما بيها شي
نيار :- شو باعيلي بزونه
باوعت اله وسكتت
نيار :- تربات هل ايد صرتي اعرفج من تحجين الصدك ومن تجذبين عليه بزونتي شتعرفين كليلي
3 تعليق
ملاك :- ما أ؏ــرف شي هوه هذا سبب الي اعرفه
ضل مضيك عيونه دقايق الحد ما خصلت جكارته وكال
نيار :- ماشي راح احاول اصدك كلامج هسه بس اذا بـ؏ــدين طلع غــير شي وعرفت انتِ جنتي تعرفين ف ساعتها لــأ تلوميني على الي راح اسوي خوش بزونتي
سكتت سد الخط وراح اخذت نفس واحاول اهدي نفسي واوزن الي راح اسوي
مر اليوم ب هدوء وبعدها الايام صارت تمر ب هدوء بدت عطله ال 40 يوم مال الامتحانات الوزارية بعد ما دخلنا بكلوريا
كاعده ب 9 وحدي ب البيت ودا ادرس غركانه ب المراجعه ويا دوب الحك اكمل المواد دكت عليه مريم
مريم :- ملاك فارغه ؟ عندي كلام وياج
ملاك :- شنو خوفتيني صاير شي أحــچي
مريم :- اريد اسألج حامد بعده يريدني ؟
ملاك :- وإني شعرفني بعده يريدج او لا بس هوه اخر شي هاي هي انسد موضوعج بعد ليش دا تسألين
مريم :- همم مو علي
ملاك :- اوووو مريم ترا كاعد اقرأ وربي ودايخه ميت دوخه ف احجي الي ب المختصر المفيد مو تكولين كلمه وتسكتين وإني ال اسحب الحجايه منج بل كوه
مريم :- شبيج اكلتيني ب كشوري علي السبوع الجاي يريد يجي يخطبني
ملاك :- أي وشنو يعني خل يجي أحد لازمه لــوو مانعه
مريم :- شبيج ملاك مثوله حامد غير يريدني ورفضته وسكت خايفه من سكوته اني خاف بجي علي وما يقبل ينطيني ويحاجي بابا وتعرفين ابويه هسه يوافق احنا ذيج المره سالفه بس بيني وبين امي صارت ورفضته هسه شلون
ملاك :-عوفج ما عليج بي خل يجون أهل علي وإني احجي وياه واقنعه انو ما ينفتح هذا الموضوع من جديد
مريم :- اكيد تحجين وياه
ملاك :- أي
كملت حجي وسديته ورجعت اقرأ مر اليوم عادي ما حجيت
ولا كلت عن الموضوع خطبه مر اليوم والسبوع اجا اليوم الي محدددي
علمود يجون اهله
كانت مريم كل ساع داكه عليه وكل ساع عدها سالفه
مرا شعرها مرا لبسها مرا مدري شنو وكل ساع مطلعة سالفه بحيث قلقتني
صار الوقت دزتلي مريم
ملاك :- أنشاء الله خير
مرن ساعتين ودكت عليه مريم كنت كاعده يم امي كمت ب هدوء وصعدت للغرفه سديت الباب ورديت عليها
ملاك :- بشري
مريم :- ولج امي ما عاجبها تكولي حامد احسن منه ب طاقات وما قبلتي بي تريدين انطيج الهذا صحيح أهله جاه ومال وقوه بس المهم الولد وهذا ما يسوه شعره من الي رفضتيهم دا تبسمرني ع حامد
ملاك :- أي وشكلتي
مريم :-كلت الها احبه وقابلة بي
ملاك :-زين وأهله شلونهم قابلين لا
مريم :- اوف ولج اخته تخبل وجهه سمح بس امه وخالته كالبات الخلقة
سالته كال امي تريد بنت اختها وإني كلت آلها لو مريم لو ما اريد ومبين ولج جايه مغصوبه
ملاك :- اهووو زين باعي
مريم :- ها
ملاك :-وسالفه مال احم البياض شلون
مريم :- اني حجيت كلشي العلي وهوه صدكني لو ما مصدك ما كان خطبني وسالفه بياض وهي كال احنا ما عدنا عاده انو نطلع بياض ونعتبره شرف وهاي الأمور ف عادي
ملاك :- اها
مريم :- امي تريد تخابر امج بأجر تكول الها فدوه اتاكديلي من حامد لأن كلش خايفه منه وامي تريد كلمه من حامد اعرفها وتجرني وتغصبني حتى اقبل بي ترا
مريم :- ولج اخاف يرفض انو اتزوج غيره تعرفين ب ولدنا ملاك لا تخبليني ب برودج
ملاك :- لا انشاء الله ما يصير هيج
مريم :- اني رايحه اجا ابوي اكيد هسه امي راح تحجي وياه خل اشوف شنو يكول
ملاك :- خوش واذا صار شي راسليني
سديته ولزمت كتابي بديت اقرأ نص ساعه ورجعت دكت عليه مريم
مريم :- ولج الحكيني
ملاك :- شكو ولج انتي كل ما تخابريني جايبتلي مصيبه شعندج
مريم :- شسوي غير حظي
ملاك :- كولي
مريم :- امي حجت الابويه انو حامد طلبني وراد ب البدايه يتاكد مني الا يطلبني منه وابويه تخبل
انوب حجت اله على علي تخبل ب زايد و كال القريب أوله من الغريب ب مريم اخابر حامد
واشوفه لأن هوه اردها من البدايه اذا بعده يريدها أو أحس بي بعده رايدها ف ما انطيها الغريب ما مستعد اخسرابن اخوي علمود ابنيه
ملاك :- صخام بعينج ملاك
مريم :- ولج شلون فهميني شسوي ابوي متخبل لان ضمينه علي شلون
ملاك :- عوفج هسه كليلي خابر على حامد لو بعده
مريم :- أي خابر وكاله حامد امر للبيت أجيب ملاك واجي الك لأن لو عرفت جاي وما جايبها تلعب طوبه
ملاك :- ماشي خلي عليه حامد
مريم :- اعتمد عليج ملاك ترا اذا مصارت مو تجيلي تكليلي رفضي حامد ترا يطلع الموضوع من ايدي
ملاك :- اي اي روحي هسه
سديت الخط و انتضرت حامد على أحر من الجمر مرت ساعتين
اجا كال البسي عمي يريدني اني بسرعه لبست ونزلت صعدنا ب سياره وكلبي يدك سريع ما أ؏ــرف شنو أحــچي او شنو اكول
ملاك :- حامد
حامد :- كولي ملاك
ملاك :- اريد احجي شي بس فدوه هدي الخاطري
حامد :- أنشاء الله كولي ترا خوفتيني صاير شي
حجيت ب توتر
ملاك :- انت بعدك تريد مريم
حامد :-ليش دا تسالين
ملاك :- شوف حامد حباب اتفهم الموضوع وافهمني مريم جايين عليها ناس وهي موافقه على الولد ورايدته وهوه رايدها وعمو مجان يعرف بيك انت رايدها واليوم عمه كالت اله ترا حامد خطبها قبل فتره لان هي ما عاجبها الولد وعمو متخبل لان ما كايلين اله و كال القريب أوله من الغريب وما مستعد اخسر ابن اخويه علمود بنيه وهي بقت على موافقتك تقبل انو تنطيها لو لا شتكول انت
حامد :-
للقصه تكمله ....
لسان حال حامد :-
اعجبج من احب زلمه حوك اذا ودج تجربيني
لجن ويلج من كلبي ينداس ومكفاج تنطيني
